May 2022

ಮೇ 14 ಕ್ಕ್ ಕಾಪು ಪಿಲಿ ಕೋಲ : ಉಚ್ಚಯ ಎಡ್ಡೆ ರೀತಿಡ್ ನಡಪರೆ ಅಭಯ ಕೊರಿನ ಅಪ್ಪೆ ಮಾರಿಯಮ್ಮನ ಅಭಯ

ಕಾಪು : ಕಾಪುಡು ವರ್ಷಾದಿ ನಡಪುನ ಕಾಪುದ ಪಿಲಿಕೋಲ ಈ ಸಲ ಮೇ.14 ಕ್ಕ್ ನಡಪರೇ ಉಂಡು .

ಈ ನೆಲೆಟ್ಟ್ ಕಾಪುದ ಪಿಲಿಕೋಲಗ್ ಪೂರ್ವಭಾವಿಯಾದ್ ಕಾಪುದ ಮೂಜಿ ಮಾರಿಗುಡಿಟ್ ಕೋಡೆ ಪ್ರಾರ್ಥನೆದೋಟ್ಟುಗು ಅಭಯ ಪ್ರಸಾದ ಪಡೆಯೆರ್ .

ಈ ಬಗ್ಗೆ ಮಾಹಿತಿ ಕೊರಿನ ದೊರೆಕಳಗುತ್ತು ಬಾಲಕೃಷ್ಣ ಶೆಟ್ಟಿ ಮೇರ್ , ಕಾಪುಡು ವರ್ಷಾವದಿ ನಡಪುನ ಪಿಲಿಕೋಲ ಧಾರ್ಮಿಕ ಬೊಕ್ಕ ಜನಪದ ಆಚರಣೆದ ಜೀವಂತ ಉದಾರ್ಮೆ ಆದ್ ಉಂಡು . ಪಿಲಿ ಕೋಲದ ಮುಖೇನ ತುಳುನಾಡ್ ದ ಸಂಸ್ಕೃತಿ, ಸಂಪ್ರದಾಯ, ನಂಬಿಕೆ, ನಡವಳಿಕೆ ಸಹಿತವಾದ್ ಸತ್ಯದ ಅನಾವರಣ ಆಪುಂಡು . ಐಕಾದ್ ಪೂರ್ವಡ್ ಮೂಜಿ ಮಾರಿಗುಡಿಗ್ ಪೋದು ಪಿಲಿಕೋಲ ಸುಸೂತ್ರವಾಗಿ ನಡಪರೆ ಎಡ್ಡೆ ಪ್ರಸಾದ ಕೊರ್ದು ಪ್ರಾರ್ಥನೆ ಮಲ್ಪರೆ ಮಾರಿಯಮ್ಮನ ಸನ್ನಿಧಿಗ್ ಬೈದ . ಮುಲ್ಪ ಎಡ್ಡೆ ಪ್ರಸಾದ ತಿಕ್ಕ್ ದುಂಡು ಐನ್ ದಿನತ ಜಾತ್ರೆನ್ ಎಡ್ಡೆ ರೀತಿಡ್ ನಡಪಾದ್ ಕೊರ್ಪೆ ಪಂದ್ ಅಪ್ಪೆನ ಅಭಯ ತಿಕ್ಕ್ ದುಂಡು ಪಂದ್ ಪಂಡೆರ್.