April 2022

ಗುಜರಾತ್ ದ ರಾಸಾಯನಿಕ ಕಾರ್ಖಾನೆಡ್ ಸ್ಪೋಟ : ಆಜಿ ಜನತ ದುರ್ಮರಣ

ಅಹಾಮದಾಬಾದ್: ಪೇಂಟೆದ 235 ಕಿಲೋಮೀಟರ್ ದೂರಡ್ ಉಪ್ಪುನ ದಾಹೇಜ್ ಕೈಗಾರಿಕಾ ಪ್ರದೇಶದ ರಾಸಾಯನಿಕ ತಯಾರಿಕಾ ಕಾರ್ಖಾನೆಡ್ ಇನಿ ಕಾಂಡೆ 3:00 ಪೊರ್ತುಗು ಸ್ಫೋಟ ಆದ್ , ಆಜಿ ಜನ ಕಾರ್ಮಿಕೆರ್ ಸಜೀವ ದಹನ ಆಯಿನ ಘಟನೆ ಸೋಮಾರ ದಾನಿ ನಡತುಂಡು .

ಸ್ಪೋಟ ಆಯಿನ ಕ್ಷಣಾರ್ಧಡೇ ತೂ ಪೊತ್ತಿನೆರ್ದಾವರ ಅಗ್ನಿಶಾಮಕ ದಳದ ಸಹಾಯಡ್ ತೂ ತೆಕ್ಕಾವುನ ಬೇಲೆ ಮಲ್ದೆರ್.
ತೀರ್ ಪೋಯಿನಕ್ಲೆನ ಪುನ ನ್ ಮರಣೋತ್ತರ ಪರೀಕ್ಷೆಗ್ ಕಡಪಾದೆರ್.

Gujarat : An explosion in a chemical factory ; 6 dead

Ahemdabad: At an industrial estate in Dahej about 235 kms from Ahmedabad; an explosion at a chemical factory 6 labourers lost their lives.
Firemen started operations immediately,and were able to put out the fire with great effort .
The dead bodies were sent for post mortem for identification .

ಕುಡ್ಲದ ವೆಲೆನ್ಸಿಯಾಡ್ ಕೋರಿದ ಅಂಗಡಿದ ಸಿಬ್ಬಂದಿನ ಮಿತ್ತ್ ಹಲ್ಲೆ ಮಲ್ತಿನ ದುಷ್ಕರ್ಮಿಲು

ಕುಡ್ಲ : ಪೇಂಟೆದ ವೆಲೆನ್ಶಿಯಾ ಜಂಕ್ಷನ್ ಡ್ ಕೋರಿ ಮಾಸ ಮಾರಾಟದ ಅಂಗಡಿದ ಸಿಬ್ಬಂದಿನ ಮಿತ್ತ್ ಮಾರಣಾಂತಿಕ ಹಲ್ಲೆ ನಡಪಾಯಿನ ಆರೋಪದಡಿ ರಡ್ಡ್ ರೌಡಿಶೀಟರ್ ನಕ್ಲೆನ್ ಕುಡ್ಲ ದಕ್ಷಿಣ ಪೊಲೀಸೆರ್ ಐತಾರ ಪತ್ತ್ದೆರ್ .

ಬಂಧಿತ ಆರೋಪಿಲೆನ್ ರೌಡಿ ಶೀಟರ್ ಲಾಯಿನ ಕುಡ್ಲ ಜಲ್ಲಿಗುಡ್ಡೆ ಬಜಾಲ್ ನಿವಾಸಿ ಪ್ರೀತಮ್ ಪೂಜಾರಿ (27 ವ) ಬೊಕ್ಕ ಎಕ್ಕೂರು ನಿವಾಸಿ ಧೀರು ಯಾನೆ ಧೀರಜ್ ಕುಮಾರ್ ( 25 ವ) ಮೆಕ್ಲೆನ್ ಪತ್ತ್ ದೆರ್ .

ಘಟನೆದ ವಿವರ: ಏ.10ಕ್ಕ್ ಬಯ್ಯಗ್ 6.30ಕ್ ಕುಡ್ಲದ ವೆಲೆನ್ಶಿಯಾ ಜಂಕ್ಷನ್ ಕೈತಲ್ ಐಡಿಯಲ್ ಚಿಕನ್ ಅಂಗಡಿದ ಎದುರು ಆರೋಪಿಲು ಸಾರ್ವಜನಿಕಗ್ ಹಲ್ಲೆ ಮಲ್ತೊಂದು ಇತ್ತೆರ್ . ಅವೆನ್ ಅಂಗಡಿ ಸಿಬ್ಬಂದಿಲು ಪ್ರಶ್ನೆ ಮಲ್ತಿನೆಕ್ಕ್ ಆರೋಪಿಲು ಅಂಗಡಿ ಸಿಬ್ಬಂದಿಲಾಯಿನ ಸುನಿಲ್ ಮಾರ್ಡಿ, ಅನಂತ ಬೊಕ್ಕ ಜೀವನ್ ಪನ್ಪಿನರೆಗ್ ಹೆಲ್ಮೆಟ್, ಕಲ್ಲುರ್ದ್ ಹಾಕ್ ದ್ ಗಾಯ ಮಲ್ದೆರ್.

ಒಡಿಪುಡು ಸರಣಿ ಅಪಘಾತ : ನಾಲ್ ಗಾಡಿ ಜಖಂ

ಮಣಿಪಾಲ, ಎ.10: ಒಡಿಪು ಜಿಲ್ಲಾಧಿಕಾರಿ ಮಾರ್ಗಡ್ ಇನಿ ಕಾಂಡೆ ನಡತಿನ ಸರಣಿ ಅಪಘಾತಡ್ ಮೂಜಿ ಕಾರು ಬೊಕ್ಕ ಒಂದು ಬೈಕ್ ಜಖಂ ಆಯಿನ ಬಗ್ಗೆ ವರದಿ ಆತುಂಡು .

ಇನ್ನೋವಾ ಕಾರ್ ಮಣಿಪಾಲ ಸಿಂಡಿಕೇಟ್ ಸರ್ಕಲ್‌ರ್ದ್ ಜಿಲ್ಲಾಧಿಕಾರಿ ಕಚೇರಿಗ್ ಪೋವೊಂದು ಇತ್ತುಂಡು , ಈ ನಡುಟು ಯೂಟರ್ನ್‌ಡ್ ಬೈಕೊಂಜಿ ಅಡ್ಡ ಬೈದುಂಡು .
ಬೈಕಿಗ್ ಢಿಕ್ಕಿ ಆಕುನೇನ್ ತಪ್ಪಾಯೆರೆ ಇನ್ನೋವಾ ಕಾರು, ಅಲ್ಪನೇ ಮಾರ್ಗದ ಬರಿಟ್ ಉತಾದ್ ಇತ್ತಿನ ಎಕ್ಸ್‌ಯುವಿ ಕಾರ್ ಬೊಕ್ಕ ನನೊಂಜಿ ಬೈಕಿಗ್ ಢಿಕ್ಕಿ ಆಕ್ದುಂಡು . ಅಪಘಾತಡ್ ಏರೆಗ್ಲಾ ಗಾಯ ಅತಿಜಿ ಪಂದ್ ತೆರಿದ್ ಬೈದುಂಡು.