2021

ಮಿಸ್ ಯುನಿವರ್ಸ್ ಇಂಟರ್ ನ್ಯಾಶನಲ್ ಪಂಥೋಡು ಭಾರತನ್ ಪ್ರತಿನಿಧಿಸಾವೊಂದುಪ್ಪುನ ‘ಒಡಿಪುದ ಎಡ್ಲಿನ್ ಕ್ಯಾಸ್ತಲಿನೋ

ಒಡಿಪು ,ಎಪ್ರಿಲ್ 13: ಮುಂಬಯಿಡ್ ನಡತಿನ ಪ್ರತಿಷ್ಟಿತ ಮಿಸ್ ದಿವಾ ಯೂನಿವರ್ಸ್ -2020 ಕಿರೀಟನ್ ತನ್ನ ಮುಡಿಗೇರಿಸಾವೊಂದಿನ ಕರಾವಳಿದ ಕುವರಿ ಎಡ್ಲಿನ್ ಕ್ಯಾಸ್ತಲಿನೋ ಮೇರ್ ನನ ದುಂಬು ಬರ್ಪಿನ ಮಿಸ್ ಯುನಿವರ್ಸ್ ಇಂಟರ್ ನ್ಯಾಶನ್ಲ್ ಡ್ ಭಾರತನ್ ಪ್ರತಿನಿಧಿಸಾವೊಂದು ಪಾಲ್ ಪಡೆಯರೆ ಉಲ್ಲೆರ್ .

ಮೇ ತಿಂಗೊಲ್ಡ್ ಯು ಎಸ್ ಎಡ್ ನಡಪರೆ ಉಪ್ಪುನ ಮಿಸ್ ಯುನಿವರ್ಸ್ ಇಂಟರ್ ನ್ಯಾಶನಲ್ ಸೌಂದರ್ಯ ಪಂಥೋಡು ಪಾಲ್ ಪಡೆಯುನ ಮೇರ್ ಮೂಲತಃ ಒಡಿಪುದ ಉದ್ಯಾವರದ ಕೊರಂಗ್ರಪಾಡಿದಾರ್ .

ಪ್ರಸ್ತುತ ಕುವೈಟ್ದ ವೈಟ್ ಸ್ಟೋರ್ ಡ್ ಬೇಲೆ ಮಲ್ತೊಂದು ಉಪ್ಪುನ ಅಲ್ಪೋನ್ಸಸ್ ಕ್ಯಾಸ್ತಲಿನೋ ಬೊಕ್ಕ ಕುವೈತ್ ದ ಹೆಲ್ಮನ್ ವರ್ಲ್ಡ್ ವೈಡ್ ಲಾಜಿಸ್ಟಿಕ್ಸ್ ಡ್ ಬೇಲೆ ಮಲ್ತೊಂದು ಉಪ್ಪುನ ಮೀರಾ ಕ್ಯಾಸ್ತಲಿನೋ ದಂಪತಿನ ಪುತ್ರಿ.

ರಾಜ್ಯ ಮಟ್ಟದ ಬೆಂಚ್ ಪ್ರೆಸ್ ಪಂಥಡ್ ಕುಡ್ಲದ ದೀಪಾ ಕೆ.ಎಸ್. ಮೆರೆಗ್ ಮಾಸ್ಟರ್ ವಿಭಾಗಡ್ ಬಂಗಾರ್ದ ಪದಕ

ಕುಡ್ಲ , ಎ.13: ಕರ್ನಾಟಕ ಪವರ್ ಲಿಫ್ಟಿಂಗ್ ಅಸೋಸಿಯೇಶನ್ ಒಟ್ಟು ಸೇರಿಗೆಡ್ ದಾವಣಗೆರೆದ ಗ್ರೂಪ್ ಆಫ್ ಐರನ್ ಗೇಮ್ಸ್ ಸಂಸ್ಥೆ ಕುವೆಂಪು ಕನ್ನಡ ಭವನಡ್ ಅಟ್ಟನೆ ಮಲ್ತಿನ ರಾಜ್ಯ ಮಟ್ಟದ ಬೆಂಚ್ ಪ್ರೆಸ್ ಪಂಥ ಡ್ ಕುಡ್ಲದ ದೀಪಾ ಕೆ.ಎಸ್. ಮಾಸ್ಟರ್ ವಿಭಾಗಡ್ ಬಂಗಾರ್ದ ಪದಕ ಪಡೆತೆರ್. ಪೊಂಜೊವ್ಲೆನ ಮುಕ್ತ ವಿಭಾಗ (69 ಕಿಲೊ)ಡ್ ಲಾ ಬೊಳ್ಳಿದ ಪದಕ ಪಡೆತೆರ್.

ಕೋಚ್ ಪ್ರದೀಪ್ ಕುಮಾರ್ ಆಚಾರ್ಯರ್ದ್ ತರಬೇತಿ ಪಡೆತಿನ ಮೇರ್ ಉದ್ಯಮಿ ಕುಂಜತ್ತೋಡಿ ವಾಸುದೇವ ಭಟ್ ಕದ್ರಿ ಮೆರ್ನ ಪತ್ನಿ. ದೀಪಾರ ಪುತ್ರ ಋತ್ವಿಕ್ ಅಲೆವೂರಾಯ ಕಾಮನ್ ವೆಲ್ತ್ ಗೇಮ್ಸ್ ಡ್ ರಡ್ಡ್ ಬಂಗಾರ್ದ ಪದಕ ಪಡೆತೆರ್.

ದಿ. ಗಿರಿಜಾ ಎಕ್ಕೂರು ಸ್ಮರಣಾರ್ಥ ನೇತ್ರದಾನ ಸಂಕಲ್ಪ ಶಿಬಿರ

ಕುಡ್ಲ, ಎಪ್ರಿಲ್ 13: ದಿ. ಗಿರಿಜಾ ಎಕ್ಕೂರು ಸ್ಮರಣಾರ್ಥ ನೇತ್ರದಾನ ಸಂಕಲ್ಪ ಶಿಬಿರ ಸಂತ ಅಲೋಶಿಯಸ್ ಕಾಲೇಜು ಸಭಾಂಗಣಡ್ ಐತಾರ ನಡತ್oಡ್.

ರೇಡಿಯೋ ಸಾರಂಗ್ 107.8 ಎಫ್‌ಎಂ ಬೊಕ್ಕ ರಾಷ್ಟ್ರೀಯ ಪರಿಸರ ಸಂರಕ್ಷಣ ಒಕ್ಕೂಟದ ಒಟ್ಟು ಸೇರಿಗೆಡ್ ಲೇಸ್ ನಡತ್oಡ್ ನಡೆಯಿತು. 72 ಜನ ನೇತ್ರದಾನ ಘೋಷಣೆ ಮಲ್ತೆರ್ . ಐಟ್ 15 ಪೆರಿಯ ನಾಗರಿಕೆರ್ , 40 ಹರೆಯ ಮೇಲ್ಪಟ್ಟ 27 ಜನ , 30 ಯುವಕೆರ್ ಪಾಲ್ ಪಡೆದಿತ್ತೆರ್ .

ದಿ. ಗಿರಿಜಾ ಮೆರ್ನ ಜೋಕುಲು , ಮರ್ಮಲಲ್ಲು, ಪುಳ್ಳಿ ನಕುಲು , ನೇತ್ರದಾನದ ಸಂಕಲ್ಪ ಮಲ್ತೆರ್ . ಪ್ರಸಾದ್ ನೇತ್ರಾಲಯದ ಡಾ. ದಿಶಾ ನೇತ್ರದಾನದ ಬಗ್ಗೆ ಮಾಹಿತಿ ಕೊರಿಯೆರ್ . ರೇಡಿಯೋ ಸಾರಂಗ್ದ ನಿರ್ದೇಶಕೆರಾಯಿನ ಡಾ. ಫಾ. ಮೆಲ್ವಿನ್ ಪಿಂಟೋ, ರಾಷ್ಟ್ರೀಯ ಪರಿಸರ ಸಂರಕ್ಷಣಾ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಶ್ರೀ ಶಶಿಧರ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಬೊಕ್ಕ ಸ್ನೇಹಿತ ಯುವ ಸಂಘ ಕಾನಂಗಿ ಮೆಕ್ಲೆನ ಒಟ್ಟು ಸೇರಿಗೆಡ್ ಬೃಹತ್ ಚಿತ್ರಕಲಾ ಪಂತೋ ಬೊಕ್ಕ  ಪೆರಿಯ ಚಿತ್ರ ಕಲಾವಿದೆರೆಗ್ ಮಾನಾದಿಗೆ

ಒಡಿಪು, ಎಪ್ರಿಲ್ 13: ಒಡಿಪು ನಗರಸಭೆತ ಕೊಡವೂರು ವಾರ್ಡ್ದ ನಗರಸಭಾ ಸದಸ್ಯೆರಾಯಿನ ಶ್ರೀಯುತ ವಿಜಯ್ ಕೊಡವೂರು ಮೆರ್ನ ಮುತಾಲಿಕೆಡ್ ಕೈತಲ್ ದ ಸಂಘ ಸಂಸ್ಥೆಲೆನ್ ಒಟ್ಟು ಸೇರಾದ್ ಅವ್ವೆತೋ ಜನಪರ ಕಾರ್ಯಕ್ರಮಲು ನಿರಂತರವಾದ್ ನಡತೊಂದು ಬೈದುಂಡು, ಬೇತೆ ಬೇತೆ ಕ್ಷೇತ್ರಡ್ ಸಾಧಕೆರೆನ್ ಗುರ್ತಿಸಾವುನ ಕಾರ್ಯ ನಡತೊಂದು ಉಂಡು , ಈ ನೆಲೆಟ್ಟ್ ಇತ್ತೆ , ವೈದ್ಯೆರ್ , ಶಿಕ್ಷಕೆರ್ ,ಇಂಜಿನೀಯರ್ ನಕುಲು , ಕೃಷಿಕೆರ್ , ಜೋಕುಲು , ಗೋ ಸಾಂಕುನಕುಲು,ಕಾರ್ಮಿಕೆರ್ ಇಂಚ ಬೇತೆ ಬೇತೆ ದಿನತಾನಿ ಮೆಕ್ಲೆನ್ ಗುರ್ತಿಸಾದ್ ಮನಾದಿಗೆ ಮಲ್ಪುನೆತ್ತ ಒಟ್ಟುಗು ಜೋಕ್ಲೆಗ್ ಪ್ಲಾಸ್ಟಿಕ್ ರ್ದ್ ಇಕೋ ಬ್ರಿಕ್ಸ್ ಲೆನ್ ತಯಾರ್ ಮಲ್ಪುನ ಕಾರ್ಯಗಾರ ಮಕ್ಕಳ ಹಕ್ಕು ಕಾರ್ಯ ಕ್ರಮ, ವಿಕಲಾಂಗೆರೆನ್ ಬೊಕ್ಕ ಅಶಕ್ತರೆನ್ ಗುರ್ತಿಸಾದ್ ಸಹಾಯ ಹಸ್ತ ಕೊರ್ಪಿನ ಕಾರ್ಯಕ್ರಮ ನಡತೊಂದು ಉಂಡು .

ಅಂಚನೇ , ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಬೊಕ್ಕ ಸ್ನೇಹಿತ ಯುವ ಸಂಘ ಕಾನಂಗಿ ಮೆಕ್ಲೆನ ಒಟ್ಟು ಸೇರಿಗೆಡ್ ಚಂದ್ರಚಿತ್ರ ಮೆರ್ನ ಮಾರ್ಗದರ್ಶನಡ್ ಬೃಹತ್ ಚಿತ್ರಕಲಾ ಸ್ಪರ್ಧೆ ಬೊಕ್ಕ ಪೆರಿಯ ಚಿತ್ರ ಕಲಾವಿದೆರೆಗ್ ಮಾನದಿಗೆ ಮಲ್ಪುನ ಲೇಸ್ ಕೊಡವೂರುದ ಮುಖ್ಯಪೇಂಟೆಡ್ ನಡತುಂಡು.

ಬಾರಿ ವಿನೂತನವಾದ್ ನಡತಿನ ಈ ಲೇಸ್ ಡ್ ಮುಖ್ಯ ರಸ್ತೆಯ ಇಕ್ಕೆಲದ ಪರಾ ಕಟ್ಟಡ ದ ಗೋಡೆಲು , ಕಂಪೌಂಡ್ ವಾಲ್, ಬೊಕ್ಕ ವಿದ್ಯುತ್ ಕಂಬಡ್ ಚಿತ್ರಕಲಾ ಸ್ಪರ್ದಿಲು ನಮ್ಮ ಕಲೆ, ಸಂಸ್ಕೃತಿ, ಪರಿಸರಗ್ ಸಂಬಂಧ ಪಟ್ಟಿನ ಬಣ್ಣ ಬಣ್ಣದ ಚಿತ್ತಾರಲೆನ್ ಬುಡ್ಪಾದ್ ಲೇಸ್ ನಡಪಾದ್ ಕೊರಿಯೆರ್ ಕೈತಲ್ ದ ಸ್ಪರ್ದಿಲೆನ ಒಟ್ಟುಗು ಧರ್ಮಸ್ಥಳ, ಕೋಟೇಶ್ವರ, ಬ್ರಹ್ಮಾವರ, ಕಾಪು, ಉಡುಪಿ ಇಂಚ ದೂರದ ಊರುರ್ದು ಬೈದಿನ 10 ವರ್ಷ ಪ್ರಾಯದ ಜೋಕ್ಲೆನೆರ್ದ್ ಪತ್ತಿನ 15 ವರ್ಷ ರ್ದ್ ಜಾಸ್ತಿ ಪ್ರಾಯದ ಪಂತಾರ್ತಿಲು ಬಾರಿ ಕುಸಿಟ್ ಪಾಲ್ ಪಡೆಯೆರ್.

ಕೈತಲ್ ದ ಅಂಗಡಿ ಮಾಲಕೆರ್ ಪಂತಾರ್ತಿಲೆಗ್ ಫಲಜೂಸ್ , ಐಸ್ ಕ್ರೀಮ್, ಚಾಕೋಲೇಟ್ ಕೊರ್ದು ಪ್ರೋತ್ಸಾಹ ಕೊರಿಯೆರ್ . ಕೈತಲ್ ದ ಮಹಾಗಣಪತಿ ಪೈಂಟಿಂಗ್ ಕಾಂಟ್ರಾಕ್ಟರ್ ಸುರೇಶ್ ಮೇರ್ ನೆಕ್ಕ್ ಬೋಡಾಯಿನ ಪೈಂಟ್ ದ ವ್ಯವಸ್ಥೆನ್ ಮಲ್ತೆರ್ , ಪಂತಾರ್ತಿಲೆಗ್ ಉಪಹಾರ ಬೊಕ್ಕ ವನಸ್ ದ ವ್ಯವಸ್ಥೆನ್ ಮಲ್ತಿತ್ತೆರ್.ಬೈಯ್ಯ ನಡತಿನ ಮುಗಿತಲದ ಲೇಸ್ ಡ್ ಪೆರಿಯ ಚಿತ್ರ ಕಲಾವಿದೆರೆಗ್ ಮಾನದಿಗೆ ಮಲ್ತ್ ದ್, ಮಾತಾ ಪಂತಾರ್ತಿಲೆಗ್ ಸ್ಮರಣಿಕೆ ಕೊರ್ದು , ಗೆಂದಿನಕ್ಲೆಗ್ ಮನಾದಿಗೆ ಮಲ್ತೆರ್.