2021

ಕೊಡವೂರು ವಾರ್ಡ್ ಭೂಮಿ ಪೂಜಾ ಉಚ್ಚಯ

ಒಡಿಪು: ಕೊಡವೂರು ವಾರ್ಡ್ ಕೃಷಿ ಸಮಿತಿ ವತಿರ್ದ್ ಹಡಿಲು ಬೂರ್ನ ಕೃಷಿನ್ ಕೃಷಿ ಸಮಿತಿ ರಚನೆ ಮಲ್ತ್ ದ್ ಕೃಷಿ ಮಲ್ಪುನ ಕಾರ್ಯ ಕೊಡವೂರು ವಾರ್ಡ್‌ಡ್ ನಡತೊಂದು ಉಂಡು.ಈ ಸಲ ಮಾತಾ ಕಂಡ,ಮಾತಾ ಕೃಷಿಕೆರೆನ್ ಭೇಟಿ ಆದ್ ಸಾವಯವ ಕೃಷಿ ಮಲ್ಪುನ ಸಂಕಲ್ಪಡ್ ಭೂಮಿ ಪೂಜಾ ಉತ್ಸವ ತಾರೀಖ್ 17-04-2021ಕ್ಕ್ ಶ್ರೀ ಸಭಾ ಭವನ ಕೊಡವೂರುಡು ಬೈಯ್ಯ 4.30ಕ್ ನಡಪರೆ ಉಂಡು. ಲೇಸ್ ದ ಗುರ್ಕಾರ್ಮೆನ್ ಒಡಿಪುದ ಶಾಸಕೆರಾಯಿನ ರಘುಪತಿ ಭಟ್ ವಯಿಸರೆ ಉಲ್ಲೆರ್.ಪ್ರಗತಿ ಪರ ರೈತೆರಾಯಿನ ರಾಮಕೃಷ್ಣ ಶರ್ಮ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯರೆ ಉಲ್ಲೆರ್.ಕೆ.ಟಿ ಪೂಜಾರಿ,ರವಿರಾಜ ಹೆಗ್ಡೆ, ನಾರಾಯಣ್ ಬಲ್ಲಾಳ್,ಮಂಜುನಾಥ್ ಮಣಿಪಾಲ್, ವಿಜಯ್ ಬಂಗೇರ ಪಾಲ್ ಪಡೆಯರೆ ಉಲ್ಲೆರ್.

ಆಲಂಪುರಿ ಗುತ್ತು ನೇಮೋಚ್ಚಯದ ತಾರೀಖ್ ಬದಲಿ

ತಾರೀಖ್ 16 ನೇ ಏಪ್ರಿಲ್, 2021ನೇ ಶುಕ್ರವಾರದಾನಿ ನಡಪರೆ ಇತ್ತಿನ ಆಲಂಪುರಿ ಗುತ್ತು ನಡ್ಯೋಟ್ಟಾಯಾನ ‘ನ್ ಕಾರಣಾಂತರರ್ದಾವರ ದುಂಬುಕೊನೊವೊoದು ಉಲ್ಲೆರ್ ಪಂದ್ ಪ್ರಕಟಣೆಗ್ ತೆರಿಪಾದೆರ್.

ಶ್ರೀ ರಾಮ ಭಜನಾ ಮಂದಿರ : ಶ್ರೀರಾಮ ದೇವೆರ್ನ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶೋತ್ಸವ

ಮುಕ್ಕ, ಎಪ್ರಿಲ್ 13: ಶ್ರೀ ರಾಮ ಭಜನಾ ಮಂದಿರ,ಮಿತ್ರಪಟ್ಟ, ಮುಕ್ಕಡ್ ತಾರೀಖ್ 25-4-2021ನೇ ಐತಾರರ್ದ್ ತಾರೀಖ್ 30-4-2021ನೇ ಶುಕ್ರವಾರ ಮುಟ ಪೊಸತಾದ್ ಕಟ್ಟಿನ ಭವ್ಯ ಮಂದಿರಡ್ ತಾರೀಖ್ 29-4-2021ನೇ ಗುರುವಾರ ಕಾಂಡೆ 8:10ಕ್ ನಡಪುನ ವೃಷಭ ಲಗ್ನ ಸುಮುಹೂರ್ತದಡ್ ಶ್ರೀ ರಾಮ ದೇವೆರ್ನ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶೋತ್ಸವ ವೇದಮೂರ್ತಿ ಶ್ರೀ ಲಕ್ಷ್ಮೀನಾರಾಯಣ ಭಟ್ ಪ್ರಧಾನ ಅರ್ಚಕೆರ್ ಶ್ರೀ ದುರ್ಗಾಂಭ ದೇವಸ್ಥಾನ ಪಡಂಬೈಲ್, ಸುರತ್ಕಲ್ ಮೆರ್ನ ಮುತಾಲಿಕೆಡ್ ನಡಪರೆ ಉಂಡು.

ಅಂಚನೇ ತಾರೀಖ್ 30-4-2021ನೇ ಶುಕ್ರವಾರ ಕಾಂಡೆ ಸೂರ್ಯೋದಯರ್ದ್ ಮನದಾನಿ ಕಾಂಡೆ ಸೂರ್ಯೋದಯ ಮುಟ 78ನೇ ವರ್ಷದ ವಾರ್ಷಿಕ ಮಂಗಲೋತ್ಸವ ಬೊಕ್ಕ ದ್ವಿತೀಯ ಏಕಾಹ ಭಜನಾ ಮಂಗಲೋತ್ಸವ ನಡಪರೆ ಉಂಡು.