ನಮ್ಮ ಸಂಸ್ಕೃತಿ, ಸಂಸ್ಕಾರನ್ ಒರಿಪಾದ್ ಬುಲೆಪಾಯೆರೆ ನಮ ಮಾತ ಪ್ರಯತ್ನ ಮಲ್ಪೊಡು: ಉಮಾ ಕೃಷ್ಣ ಶೆಟ್ಟಿ
ಸಾಂತಕ್ರೂಜ್: ಅಭಿನಯ ಮಂಟಪ ಕಲಾ ಸಂಸ್ಥೆ ಕಲಾ ಸೇವೆದೊಟ್ಟಿಗೆ ಸಾಮಾಜಿಕ ಕಾರ್ಯಚಟುವಟಿಕೆಡ್ ಮಲ್ತೊಂದು ಇಪ್ಪುನವು ಮೆಚ್ಚುಡಾಯಿನವು. ಜಾತಿ ಭೇದ ಮರತ್ ದ್ ಮಾನವೀಯ ನೆಲೆಟ್ಟ್ ಕೆಲಸ ಮಲ್ತೊಂದು ನಮ್ಮ ಸಂಸ್ಕೃತಿ, ಸಂಸ್ಕಾರನ್ ಒರಿಪಾದ್ ಬುಲೆಪಾಯೆರೆ ನಮ ಮಾತ ಪ್ರಯತ್ನ ಮಲ್ಪೊಡು ಪಂದ್ ಬಂಟರ ಸಂಘ ಬೊಂಬೈ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ಉಮಾ ಕೃಷ್ಣ ಶೆಟ್ಟಿ ಪಂಡೆರ್.
ಮೇರ್ ಸೆ.9 ಕ್ಕ್ ಸಾಂತಕ್ರೂಜ್ ಪೂರ್ವದ ಬಿಲ್ಲವ ಭವನಡ್ ನಡತಿನ ಅಭಿನಯ ಮಂಟಪ ಬೊಂಬೈ ಕಲಾ ಸಂಸ್ಥೆದ 41 ನೇ ವಾರ್ಷಿಕ ಉಚ್ಚಯ ಲೇಸ್ ಡ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್.
ಭಾರತ್ ಕೋ.ಆಪರೇಟಿವ್ ಬ್ಯಾಂಕ್ ದ ನಿರ್ದೇಶೆರ್ ಎಲ್ ವಿ ಅಮೀನ್ ಪಾತೆರ್ದ್, ಕರಿನ 41 ವರ್ಷೊದಿಂಚ ಬೊಂಬೈ ಮಹಾನಗರಡ್ ತುಳುನಾಡ್ ದ ಕಲೆ, ಸಂಸ್ಕೃತಿನ್ ಒರಿಪಾದ್ ಬುಲೆಪಾವೊನ ಅಭಿನಯ ಮಂಟಪ ಕೆಲಸನ್ ಮೆಚ್ಚುಡಾಯಿನವು ಪಂದ್ ಪಂಡೆರ್.
ಥಾಣೆ ಬಂಟ್ಸ್ ದ ಅಧ್ಯಕ್ಷೆರ್ ಸುನಿಲ್ ಜೆ ಶೆಟ್ಟಿ ಪಾತೆರ್ದ್, ಸನಾತನ ಧರ್ಮ ಒರಿಂಡ ಮಾತ್ರ ನಮ್ಮ ಸಂಸ್ಕೃತಿ ಸಂಸ್ಕಾರಲು ಬುಲೆಯೆರೆ ಸಾಧ್ಯ. ಅಭಿನಯ ಮಂಟಪದಂಚಿನ ಕಲಾ ಸಂಘಟನೆಲು ಕಲಾ ಪ್ರತಿಷ್ಠೆದ ಉಳಿವು ಬೊಕ್ಕ ಆಯಿನ್ ಬುಲೆಪಾವೊನ ಕಲಾವಿದೆರೆನ ಪಾತ್ರ ಮಸ್ತ್ ಉಂಡು ಪಂದ್ ಪಂಡೆರ್.
ಉದ್ಯಮಿ ಸುರೇಂದ್ರ ಎ.ಪೂಜಾರಿ ಪಾತೆರ್ದ್, ಅಭಿನಯ ಮಂಟಪ ನಮ್ಮನೆ ಕಲಾ ಸಂಸ್ಥೆ ಆತ್ಂಡ್. ನೆತ್ತ ಪತ್ರಿಯೊರಿ ಕಲಾವಿದೆಲ ಈ ಸಂಸ್ಥೆನ್ ಒರಿಪಾದ್ ಬುಲೆಪಾಯೆರೆ ಎಪಲ ಸಹಕಾರ ಕೊರ್ತೆರ್ ಪಂದ್ ಪಂಡೆರ್.
ವಾಪಿ ತುಳುನಾಡ ಐಸಿರಿ ಸಂಸ್ಥೆದ ಕಾರ್ಯದರ್ಶಿ ಸುಕೇಶ್ ಶೆಟ್ಟಿ ಧಮನ್ ಪಾತೆರ್ದ್, ಸಮಾಜ ಸೇವೆದ ಪ್ರವೃತ್ತಿನ್ ನಮ ಜೀವನಡ್ ಆಳವಡಿಸಾವೊಡು ಪಂದ್ ಪಂಡೆರ್.
ಚಾವಡಿಡ್ ಭಾರತ್ ಕೋ.ಆಪರೇಟಿವ್ ಬ್ಯಾಂಕ್ ದ ನಿರ್ದೇಶಕೆರ್ ಭಾಸ್ಕರ್ ಎಂ. ಸಾಲ್ಯಾನ್, ತುಳು ಸಂಘ ಬೊರಿವಲಿ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ತಿಲೋತ್ತಮಾ ವೈದ್ಯ, ಸಮಾಜ ಸೇವಕೆರ್ ವಕೀಲೆ ಸಂತೋಷ್ ಹೆಗ್ಡೆ, ರಂಕಗರ್ಮಿ ನವೀನ್ ಶೆಟ್ಟಿ ಇನ್ನಬಾಳಿಕೆ, ರಾಮರಾಜ ಕ್ಷತ್ರೀಯ ಸೇವಾ ಸಂಘ ಬೊಂಬೈದ ಮಾಜಿ ಅಧ್ಯಕ್ಷೆರ್ ರಾಜ್ ಕುಮಾರ್ ಕಾರ್ನಾಡ್, ಸಾಹಿತಿ ಪೇತ್ರಿ ವಿಶ್ವನಾಥ್ ಶೆಟ್ಟಿ, ಬಗ್ವಾಡಿ ಮೊಗವೀರ ಮಹಾಜನ ಸೇವಾ ಸಂಘದ ಅಧ್ಯಕ್ಷೆರ್ ರಾಜು ಮೆಂಡನ್ ವಂಡ್ಸೆ, ಗುಜರಾತ್ ದ ಉದ್ಯಮಿ ವೆಂಕಟೇಶ್ ಪೂಜಾರಿ, ಎಚ್ ಡಿಎಫ್ ಸಿ ಬ್ಯಾಂಕ್ ದ ದಯಾನಂದ್ ಶೆಟ್ಟಿ ಪಾಲ್ ಪಡೆದಿತ್ತೆರ್.
ಅಭಿನಯ ಮಂಟಪದ ಗುರ್ಕಾರೆ ಬಾಲಕೃಷ್ಣ ಡಿ ಶೆಟ್ಟಿ ಮೆರೆನ ಗುರ್ಕಾರ್ಮೆಡ್ ನಡತಿನ ಲೇಸ್ ಡ್ ಬಾಂಬೆ ಅಸೋಸಿಯೇಶನ್ ದ ಮಾಜಿ ಗುರ್ಕಾರೆ ಶ್ಯಾಮ್ ಎನ್ ಶೆಟ್ಟಿ ದಂಪತಿಲೆನ್ ಅಭಿನಯ ಮಂಟಪದ ಪರವಾದ್ ಚಾವಡಿಡ್ ಇತ್ತಿನ ಬಿನ್ನೆರ್ ಸನ್ಮಾನ ಮಲ್ತೆರ್.
ಅಭಿನಯ ಮಂಟಪದ ಉಪಾಧ್ಯಕ್ಷೆರ್ ಅನಿಲ್ ಕುಮಾರ್ ಸಸಿಹಿತ್ಲು ಪ್ರಾಸ್ತಾವಿಕ ಪಾತೆರ್ದ್, ಎದ್ಕೊನಿಯೆರ್. ಗೌರವ ಪ್ರಧಾನ ಕಾರ್ಯದರ್ಶಿ ಕರುಣಾಕರ ಕೆ ಕಾಪು ಬೊಕ್ಕ ಸಚಿನ್ ಪೂಜಾರಿ ಭಿವಂಡಿ ಮೇರ್ ಲೇಸ್ ದ ಸುಧಾರಿಕೆ ಮಲ್ತೆರ್.
ಅಭಿನಯ ಮಂಟಪದ ಪದಾಧಿಕಾರಿಲಾಯಿನ ಉಪಾಧ್ಯಕ್ಷೆರ್ ಸುರೇಶ್ ಕರ್ಕೇರ, ಕೋಶಾಧಿಕಾರಿ ಪಿ.ಬಿ ಚಂದ್ರಹಾಸ್, ಜತೆ ಕಾರ್ಯದರ್ಶಿ ಪ್ರತಿಮಾ ಬಂಗೇರ, ಜತೆ ಕೋಶಾಧಿಕಾರಿ ರಾಮಚಂದ್ರ ಕೋಟ್ಯಾನ್, ಸಾಂಸ್ಕೃತಿಕ ವಿಭಾಗದ ಕಾರ್ಯಾಧ್ಯಕ್ಷೆರ್ ಅಶೋಕ್ ಕುಮಾರ್ ಕಾರ್ನಾಡ್, ಮಹಿಳಾ ವಿಭಾಗದಕುಲು ಬೊಕ್ಕ ಸರ್ವಸದಸ್ಯೆರ್ ಲೇಸ್ ಡ್ ಪಾಲ್ ಪಡೆದ್ ಸಹಕಾರ ಮಲ್ತೆರ್.
ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ಅಭಿನಯ ಮಂಟಪದ ಸದಸ್ಯೆರ್, ಬೇತೆ ಬೇತೆ ಸಂಘ ಸಂಸ್ಥೆಲೆರ್ದ್ ನೃತ್ಯ ವೈಭವ, ಬೊಕ್ಕ ಅಭಿನಯ ಮಂಟಪದ ಸದಸ್ಯೆರೆರ್ದ್ ದಿ.ಯು ಆರ್ ಚಂದರ್ ರಚನೆ ಮಲ್ತಿನ, ಕರುಣಾಕರ ಕೆ ಕಾಪು ನಿರ್ದೇಶನಡ್ ಕಲ್ಕುಡ ಕಲ್ಲುರ್ಟಿ ಜಾನಪದ ನಾಟಕ ಪ್ರದರ್ಶನ ಆಂಡ್.
