ರಾಜಕೀಯ ಸುದ್ದಿ | Political News

ಪತ್ರಕರ್ತೆರ್ ನನ ಕೋವಿಡ್ ಫ್ರಂಟ್ ಲೈನ್ ವರ್ಕರ್ಸ್

ಕರ್ನಾಟಕ, ಮೇ 04: ಕರ್ನಾಟಕ ಕಾರ್ಯ ನಿರತ ಪತ್ರಕರ್ತೆರ್ನ ಸಂಘದ (KUWJ) ಮನವಿನ್ ಪುರಸ್ಕಾರ ಮಲ್ತಿನ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಮೇರ್ ಪತ್ರಕರ್ತೆರೆನ್ ಕೋವಿಡ್ ಫ್ರಂಟ್ ಲೈನ್ ವರ್ಕರ್ಸ್ ಪಂದ್ ಘೋಷಣೆ ಮಲ್ದೆರ್ .

ಕೆಯುಡಬ್ಲ್ಯೂಜೆ ದ ಗುರ್ಕಾರ್ಲಾಯಿನ ಶಿವಾನಂದ ತಗಡೂರು ಮುತಾಲಿಕೆಡ್ ಇನಿ ಮುಖ್ಯಮಂತ್ರಿ ಭೇಟಿ ಮಲ್ತಿನ ನಿಯೋಗಗ್ ಭರವಸೆ ಕೊರ್ತಿನತ್ತoದೆ , ಈ ನೆಲೆಟ್ಟ್ ಕ್ರಮ ದೆತೊಂದೆರ್ . ನಿಯೋಗಡ್
ಪಬ್ಲಿಕ್ ಟಿವಿಿ ರವೀಶ್, ಪತ್ರಕರ್ತೆರಾಯಿನ ಯುಎನ್ ಐ ರಾಚಪ್ಪ, ಪ್ರಜಾ ಟಿವಿದ ಅರುಣ್ ಕುಮಾರ್ ಪಾಲ್ ಪಡೆದಿತ್ತೆರ್ .

ಸೊಲ್ಮೆ ಸಂದೈತ :
ಕೆಯುಡಬ್ಲ್ಯೂಜೆ ಮನವಿ ಪರಿಗಣಿಸಾದ್ ಈ ಕ್ರಮ ದೆತೊoಡಿನ ಮುಖ್ಯಮಂತ್ರಿ ಯಡಿಯೂರಪ್ಪ ಮೆರೆಗ್ ಸಂಘದ ಗುರ್ಕಾರ್ಲಾಯಿನ ಶಿವಾನಂದ ತಗಡೂರು ಸೊಲ್ಮೆ ಸಂದೈತ ಮಲ್ತೆರ್ .

ಶಾಲೆದಕುಲು ಆನ್ ಲೈನ್ ಕ್ಲಾಸ್ ದ ಶುಲ್ಕ ಅತ್ತಾಂದೆ ಬೇತೆ ಕಾಸ್ ದೆತೊನರೆ ಬಲ್ಲಿ : ಸುಪ್ರೀಂ ಕೋರ್ಟ್

ದಿಲ್ಲಿ : ಸದ್ಯೊಗು ಒವ್ವೇ ಶಾಲೆದ ಆಡಳಿತ ಮಂಡಳಿದಕುಲು ಆನ್ ಲೈನ್ ಕ್ಲಾಸ್ ದ ದುಡ್ಡು ಅತ್ತಾಂದೆ ಜೋಕುಲೆಗ್ ಕೊರಂದಿನ ಬೇತೆ ಸೌಲಭ್ಯದ ಒವುಲಾ ಫೀಸ್ ದೆತೊನರೆ ಬಲ್ಲಿ ಪಂಡ್ ದ್ ಸುಪ್ರೀಂ ಕೋರ್ಟ್ ಅಂಗಾರೆ ಎಚ್ಚೆರ್ಗೆ ಕೊರ್ತುಂಡು.ಕೊರೊನಾದ ಈ ಪರಿಸ್ಥಿತಿ ಟ್ಟ್ ದೇಶದ ಜನೊಕ್ಲೆನ ಪಣವುದ ಪರಿಸ್ಥಿತಿನ್ ತೂದು ಅರ್ಥ ಮಲ್ತೊನೊಡು ಪಂಡ್ ದ್ ನ್ಯಾಯಮೂರ್ತಿಲು ಆಯಿನ ಎ.ಎಂ.ಖಾನ್ ವಿಲ್ಕರ್ ಬೊಕ್ಕ ದಿನೇಶ್ ಮಹೇಶ್ವರಿ ಪನ್ತೆರ್.
ಶಾಲೆಡ್ ನಡಪುನ ಚಟುವಟಿಕೆ ಬೊಕ್ಕ ಶಾಲೆಡ್ ಉಪ್ಪುನ ಸೌಲಭ್ಯೊಗು ಶುಲ್ಕ ದೆತೊನೊಡು ಪನ್ಪಿನ ಕಾನೂನು ಇಜ್ಜಿ. ಸದ್ಯೊಗು ವಾ ಶಾಲೆಲೆಡ್ಲ ವಾ ಸೌಲಭ್ಯಲ ಕೊರೊಂದಿಜ್ಜೆರ್.ಇಂಚಿನ ಪೊರ್ತುಡು ಶಿಕ್ಷಣ ಸಂಸ್ಥೆಲು ಲಾಭದ ಪಿರವುಡು ಪೋವರೆ ಬಲ್ಲಿ ಪಂಡ್ ದ್ ನ್ಯಾಯಪೀಠ ತೆರಿಪಾದ್ಂಡ್.2020-21ನೇ ವರ್ಷೊಡು ಲಾಕ್ ಡೌನ್ ಕಾರಣೊಡು ಶಾಲೆಲು ಪೂರ ಬಂದ್ ಆದಿತ್ತ್ಂಡ್. ಆ ಪೊರ್ತುಡು ಪೆಟ್ರೋಲ್, ಡೀಸೆಲ್ ಕರ್ಚಿ, ಕರೆಂಟ್ ಬಿಲ್, ಮೈಂಟೆನೆನ್ಸ್ ಕರ್ಚಿ, ನೀರ್ ದ ಕರ್ಚಿ ಇಂಚ ಮಾತ ಕರ್ಚಿದ ದುಡ್ಡು ಒರಿದ್ಂಡ್. ಅಂಚಾದ್ ವಿದ್ಯಾರ್ಥಿ ಲೆಗ್ ತಿಕ್ಕಂದಿನ ಸೌಲಭ್ಯದ ಶುಲ್ಕ ಕೇಂಡ ಅವು ಲಾಭದ ಉದ್ದೇಶ ಆಪುಂಡು ಪಂಡ್ ದ್ ಸುಪ್ರೀಂ ಕೋರ್ಟ್ ಪನ್ತ್ಂಡ್.