ಎಲ್ಲೆ ಕುಡ್ಲ ದಸರಾದ ಶೋಭಾಯಾತ್ರೆ
ಕುಡ್ಲ: ಕುದ್ರೋಳಿ ಶ್ರೀ ಗೋಕರ್ಣನಾಥ ದೇವಲ್ಯಡ್ ನಡತೊಂದು ಇಪ್ಪುನ ಕುಡ್ಲ ದಸರಾ ಉಚ್ಚಯದ ಶೋಭಾಯಾತ್ರೆದ ಮೆರವಣಿಗೆ (ಅ.24) ಎಲ್ಲೆ ಬಯ್ಯಗ್ ಸುರು ಆದ್ ಅ.25 ಬೊಲ್ಪುಗು ಶಾರದಾ ಸಹಿತ ಗಣಪತಿ, ನವದುರ್ಗೆಯೆರೆನ ಮೂರ್ತಿಲೆನ ಜಲಸ್ತಂಭನದೊಟ್ಟಿಗೆ ಪತ್ತ್ ದಿನತ್ತ ಕುಡ್ಲ ದಸರಾ ಮುಗಿತಲ ಆಪುಂಡು.
ಶೋಭಾಯಾತ್ರೆಡ್ ಬೇತೆ ಬೇತೆ ಪರಿಕಲ್ಪನೆದ ಟ್ಯಾಬ್ಲೋಲು, ರಾಜ್ಯದ ಬೇತೆ ಬೇತೆ ಭಾಗಲೆರ್ದ್ ಕಲಾತ್ಮಕ ಪ್ರದರ್ಶನಲು ಬೊಕ್ಕ ಪಿಲಿ ಏಸ, ಬೇತೆ ಬೇತೆ ಅಲಂಕಾರಲು ಉಂಡು.
ಪೊಲೀಸ್ ಅಧಿಕಾರಿಲೆನ ನಿಗಾಟ್ಟ್ ಪ್ರದರ್ಶನ ಆಪುನ ಟ್ಯಾಬ್ಲೊ ಪ್ರದರ್ಶನದ ಸಂಯೋಜಕೆರೆನ ಸಭೆ ಇಂಚೊಗು ನಡತ್ ದ್ಂಡ್. ದೇವಲ್ಯದ ಅಭಿವೃದ್ಧಿ ಸಮಿತಿದ ಮಾಜಿ ಕಾರ್ಯದರ್ಶಿ ಬಿ. ಜನಾರ್ದನ ಪೂಜಾರಿ ಮುತಾಲಿಕೆಡ್ ಶೋಭಾಯಾತ್ರೆಗ್ ಸುಮಾರ್ 2 ಲಕ್ಷರ್ದ್ ಎಚ್ಚ ಜನ ಪಾಲ್ ಪಡೆಪಿನ ನಿರೀಕ್ಷೆ ಉಂಡು.
ಮೆರವಣಿಗೆಡ್ ಜಾನಪದ ಕಲಾ ತಂಡದಕುಲು ಆಯಿ ಬೊಕ್ಕ ಶ್ರೀ ನಾರಾಯಣ ಗುರು, ಗಣಪತಿ, ನವದುರ್ಗೆಯೆರೆನ ಮೂರ್ತಿಲು ಸಾಲ್ ಪತ್ ದ್ ಪಿದಾಡುಂಡು. ಅವೆರ್ದ್ ಬೊಕ್ಕ ಬೇತೆ ಬೇತೆ ಏಸದಕುಲು ಬೊಕ್ಕ ಟ್ಯಾಬ್ಲೊದಕ್ಲೆನ ಪ್ರದರ್ಶನ ಮಲ್ಪರೆ ಉಂಡು. ಅತ್ತಂದೆ ಕುಡ್ಲದ ಅಭಿವೃದ್ಧಿಡ್ ಹಿಂದೂ, ಮುಸ್ಲಿಂ ಬೊಕ್ಕ ಕ್ರಿಶ್ಚಿಯನ್ ಸಮುದಾಯಲೆನ ಏಕತೆನ್ ತೊಜಪಾವುನ ಟ್ಯಾಬ್ಲೋಲ ಉಂಡು.
