ತುಳು ಸುದ್ದಿ

ವಿಶ್ವಾಸಾರ್ಹತೆನೆ ಪತ್ರಕರ್ತೆರೆಗ್ ಜೀವಾಳ :ಪ್ರೊ.ಪಿ.ಎಸ್.ಯಡಪಡಿತ್ತಾಯ

Mar 31, 2021

ಕುಡ್ಲ, ಮಾರ್ಚ್ 31: ಒವ್ವೆ ಆಮಿಷಗ್ ಬಲಿಯಾವoದೆ ವಿಶ್ವಾಸರ್ಹತೆನ್ ಒರಿ ಪಾವೊಂದು ಪತ್ರಕರ್ತೆರ್ ಬೇಲೆ ಮಲ್ಪೊಡು . ವಿಶ್ವಾಸಾರ್ಹತೆಯೇ ಪತ್ರಕರ್ತರೆಗ್ ಜೀವಾಳ ಪಂದ್ ಕುಡ್ಲ ವಿ.ವಿ.ಕುಲಪತಿ ಪ್ರೊ.ಪಿ.ಎಸ್.ಯಡಪಡಿತ್ತಾಯ ಪಂತೆರ್ .

ಕುಡ್ಲ ಪತ್ರಿಕಾಭವನದಡ್ ಅಂಗಾರೆ ನಡತಿನ ಲೇಸ್ ಡ್ ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿರ್ದ್ ಕೊರ್ಪಿನ ಪ.ಗೋ. ಪ್ರಶಸ್ತಿನ್ ಪತ್ರಕರ್ತ ಪ್ರದೀಶ್.ಎಚ್.ಮರೋಡಿ ಮೆರೆಗ್ ಮಾನದಿಗೆ ಮಲ್ತ್ ದ್ ಪಾತೆರಿಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನ ಜಾತ್ರಾ ಮಹೋತ್ಸವ

Mar 31, 2021

ಕಟೀಲು, ಮಾರ್ಚ್ 31: ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನ ಜಾತ್ರಾ ಮಹೋತ್ಸವ ತಾರೀಖ್ 13/4/2021 ರ್ದ್ 20/4/2021 ಮುಟ ನಡಪರೆ.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಾವೂರು ದೇವಸ ಮರುಳು ಧೂಮಾವತಿ ಬೊಕ್ಕ ಪರಿವಾರ ದೈವದ ವರ್ಷಾವದಿ ಉಚ್ಚಯ

Mar 31, 2021

ಕುಡ್ಲ, ಮಾರ್ಚ್ 31: ತಾರೀಖ್ 3/4/2021 ನೇ ಶನಿವಾರ ಕಾವೂರು ದೇವಸಡ್ ಉಪ್ಪುನ ಮರುಳು ಧೂಮಾವತಿ ಬೊಕ್ಕ ಪರಿವಾರ ದೈವದ ವರ್ಷಾವದಿ ಉಚ್ಚಯ ನಡಪರೆ ಉಂಡು.

ಕಾಂಡೆ 9 ಗಂಟೆಗ್ ಭಂಡಾರ ಪಿದಾರ್ದ್ ದೈವಸ್ಥಾನಗ್ ಬತ್ದ್ ಮಧ್ಯಾಹ್ನ 12:30 ರ್ದ್ ಮಹಾ ಅನ್ನಸಂತರ್ಪಣೆ ಅಂಚನೇ ಬೈಯ್ಯ 6 ಗಂಟೆಗ್ ಮೈಸಂದಾಯ ನೇಮ ರಾತ್ರಿ 10:30ಕ್ ಮರುಳು ಧೂಮಾವತಿ ದೈವಗ್ ಗಗ್ಗರ ಸೇವೆ ನೇಮ ನಡಪರೆ ಉಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ವಿಷ್ಣುಮೂರ್ತಿ ಯುವಕವೃಂದ (ರಿ.) ಸಾರ್ವಜನಿಕ ಸತ್ಯನಾರಾಯಣ ಪೂಜೆ ಬೊಕ್ಕ ಮಾನದಿಗೆದ ಲೇಸ್

Mar 30, 2021

ಬಂಟ್ವಾಳ , ಮಾರ್ಚ್ 30: ಶ್ರೀ ವಿಷ್ಣುಮೂರ್ತಿ ಯುವಕವೃಂದ (ರಿ.) ವಿಷ್ಣುನಗರ ನೆತ್ತ ಪರವಾದ್ ಎನ್ಮನೆ ವರ್ಷದ ವಾರ್ಷಿಕೋತ್ಸವದ ಪ್ರಯುಕ್ತ ಸಾರ್ವಜನಿಕ ಸತ್ಯನಾರಾಯಣ ಪೂಜೆ ಬೊಕ್ಕ ಮಾನದಿಗೆದ ಲೇಸ್ ಅಂಚನೇ ಸಾಂಸ್ಕೃತಿಕ ಕಾರ್ಯಕ್ರಮ ತಾರೀಖ್ 27/3/2021ನೇ ಶನಿವಾರ ಕುಂಡಡ್ಕ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನದ ವಠಾರಡ್ ನಡತ್oಡ್.

ಬಡ ಕುಟುಂಬದ ಮಂಜುನಾಥ ಪೂಜಾರಿಗ್ ಚಿಕಿತ್ಸೆಗಾದ್ ಮನವಿ

Mar 30, 2021

ನಮ್ಮ ಮೋಕೆದ ದೋಸ್ತಿ ಮಂಜುನಾಥ್ ಪೂಜಾರಿ ಕೊಕ್ಕರ್ಣೆ ಮೇರ್ ರಡ್ಡ್ ಕಿಡ್ನಿ ವೈಫಲ್ಯರ್ದ್ ಕೆ.ಎಂ.ಸಿ. ಮಣಿಪಾಲ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್ . ಸಹೃದಯಿಲಾಯಿನ ನಿಕುಲು ಮೆರ್ನ ಚಿಕಿತ್ಸೆಗ್ ಆರ್ಥಿಕ ನೆರವು ಕೊರ್ದು ಸಾಕಾರ ಕೊರೊಡು ಪಂದ್ ಈ ಮುಖೇನ ಬಿನ್ನಾಪು. ನಿಕ್ಲೆನ ಸಾಕಾರ ಬಾರಿ ಅಗತ್ಯ ಉಂಡು, ಸಾಕಾರ ಮಲ್ಪುನಕುಲು ನೇರವಾದ್ ಆರ್ನ ಬ್ಯಾಂಕ್ ಖಾತೆಗ್ ಅತ್ತುಂಡ ಫೋನ್ ಪೇ ಬೊಕ್ಕ ಗೂಗಲ್ ಪೇ ಗ್ ಜಮ ಮಲ್ಪೋಲಿ .

“ಹನಿ ಗೂಡಿದರೆ ಹಳ್ಳ” ಪನ್ಪಿನ ಪಾತೆರದ ಪ್ರಕಾರ ನಿಕ್ಲೆನ ಬೆರಿ ಸಹಾಯಲ ಬಾರಿ ಅಮೂಲ್ಯ ವಾಯಿನವು.

41ನೇ ಶಿರೂರ್ ಬೈರಂಪಳ್ಳಿ ಗ್ರಾಮ ಪಂಚಾಯತ್ ಗುರ್ಕಾರ್ಲೆಗ್ ಅಂಚನೇ ಒತ್ತು ಗುರ್ಕಾರ್ಲೆಗ್ ತುಳು ಲಿಪಿತಾ ಬೋರ್ಡ್ ವಿತರಣೆ

Mar 30, 2021

ಕುಡ್ಲ, ಮಾರ್ಚ್ 30: 41ನೇ ಶಿರೂರ್ ಬೈರಂಪಳ್ಳಿ ಗ್ರಾಮ ಪಂಚಾಯತ್ ಗುರ್ಕಾರ್ಲೆಗ್ ಅಂಚನೇ ಒತ್ತು ಗುರ್ಕಾರ್ಲೆಗ್ ತುಳು ಲಿಪಿತಾ ಬೋರ್ಡ್ ಕೊರ್ದು ದುಂಬುಗು ತುಳು ಲಿಪಿ ಬುಲೆಪಾವರೆ ಬೇರಿಬಲೋ ಕೇಂಡೊಂಡೆರ್ . ಈ ಪೋರ್ತುಡ್ ಪಂಚಾಯತ್ ಗುರ್ಕಾರ್ಲು ಜಿಯಾನಂದ ಹೆಗ್ಡೆ ಒತ್ತು ಗುರ್ಕಾರ್ಲು ಸಚೇತಾ ರಾವ್ ಅಂಚೆನೇ ಪಂಚಾಯತ್ ಸದಸ್ಯ ಹರ್ಷಿತ್ ಬಕ ರೋಹಿತ್ ಬೈರಂಪಳ್ಳಿ, ಸಂದೀಪ್ ಬೆಳ್ಳಾರ್ಪಡಿ ಅಂಚೆನೇ ಜೈ ತುಳುನಾಡ್ ಕಾರ್ಲ ರವಿಚಂದ್ರ, ನಿಧೀಶ್ ಜೈ ತುಳುನಾಡ್ ಇತ್ತೆರ್.

ಈ ಗುರ್ಕಾರ್ಲ್ಡ್ ಬಿನ್ನಪ್ಪು ಮಲ್ತೊನ್ದ ದುಂಬುಗ್ ಹರಿಕಂಡಿಗೆ ಶಾಲೆ, ಬೆಳ್ಳಾರ್ಪಡಿ ಶಾಲೆಡ್ ತುಳು ಲಿಪಿ ಮಲ್ಪರೆ ಅನುಮತಿ ಬೆಂಬಲ ಕೇಂಡೊಂಡ.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಕಬಿತೆ | Tulu Poetry ತುಳು ಸುದ್ದಿ ರಪಕ್ಕ ಸುದ್ದಿ Flash News

ಅರುಣ್ ಉಳ್ಳಾಲ್‌ ಗ್ ಉನ್ನತ ಡಾಕ್ಟರೇಟ್ ಪದವಿ

Mar 30, 2021

ಕುಡ್ಲ, ಮಾರ್ಚ್ 30: “ಭಗವತಿ ಆರಾಧನೆ ಸಾಂಸ್ಕೃತಿಕ ಅಧ್ಯಯನ’ ಪನ್ಪಿನ ವಿಷಯಡ್ ಕರಿನ 7 ವರ್ಷರ್ದ್ ಕೇರಳದ ಕೊಚ್ಚಿರ್ದ್ ಕರ್ನಾಟಕದ ಮಡಿಕೇರಿ ಮುಟ ನಡಪಾಯಿನ ಮಹತ್ವದ ಪಿಹೆಚ್. ಡಿ ಸಂಶೋಧನ ಕ್ಷೇತ್ರಕಾರ್ಯನ್ ಮಲ್ತೊಂದು ಜಾನಪದ ವಿದ್ವಾಂಸ ಪ್ರೊ.ಕೆ. ಚಿನ್ನಪ್ಪ ಗೌಡ ಬೊಕ್ಕ ಸಹಪ್ರಧ್ಯಾಪಕ ಡಾ ಳ್. ನಾಗಪ್ಪ ಗೌಡ ಆರ್ ಮೆಕ್ಲೆನ ಮಾರ್ಗದರ್ಶನಡ್ ಕುಡ್ಲ ವಿಶ್ವವಿದ್ಯಾಲಯಗ್ ಕೊರಿನ 316 ಪುಟತ ಮಹಾಪ್ರಬಂಧಗ್ ಈ ಸರ್ವಶ್ರೇಷ್ಠ ಪದವಿ ತಿಕ್ಕ್ದ್oಡ್.

ಬೇತೆ ಬೇತೆ ವಿಶ್ವವಿದ್ಯಾನಿಲಯರ್ದ್ ಅರುಣ್‌ ಮೆರ್ನ ಮಹಾಪ್ರಬಂಧದ ಮಿತ್ತ್ ಬೈದಿನ ಬಾಹ್ಯ ಮೌಲ್ಯಮಾಪನದ ವರದಿಡ್ ಲಾ ಮುಕ್ತ ಪ್ರಶಂಸೆಲು ಬೈದುಂಡುಇತ್ತೆ ಉನ್ನತ ಶ್ರೇಣಿದೊಟ್ಟುಗು MA, MPhil, NET ಪದವಿಲೆನ್ ಪಡೆತಿನ ಡಾ. ಅರುಣ್ ಉಳ್ಳಾಲ್‌ ಇತ್ತೆ ಪಿಹೆಚ್. ಡಿ ಮಲ್ದಿನೆರ್ದಾವರ ಶಿಕ್ಷಣ ರಂಗಡೇ ಬಾರಿ ಮಲ್ಲ ಕೀರ್ತಿ ಕಂದಿನ ಪೆರ್ಮೆ ಮೆರೆಗ್ ಉಂಡು.

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಕಬಿತೆ | Tulu Poetry ತುಳು ಸುದ್ದಿ ರಪಕ್ಕ ಸುದ್ದಿ Flash News

ಅಪ್ರಕಟಿತ ತುಳು ನಾಟಕ ಹಸ್ತಪ್ರತಿ ಸ್ಪರ್ಧೆ 2020’ಡ್ ತುಳು ಸಾಹಿತಿ ಅಕ್ಷತಾ ರಾಜ್ ಪೆರ್ಲ ಮೇರ್ನ ಸಾಪೊದ ಕಣ್ಣ್ ನಾಟಕೊಗು ಸುರುತ್ತ ತಾನೊ

Mar 30, 2021

ಕುಡ್ಲ, ಮಾರ್ಚ್ 30 : ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಪ್ರಾಯೋಜಕತ್ವಡ್ ತುಳುಕೂಟ ಕೊರ್ಪಿನ ರತ್ನವರ್ಮ ಹೆಗ್ಗಡೆ ಪ್ರಶಸ್ತಿ -2020ಕ್ಕ್ ‘ಅಕ್ಷತಾರಾಜ್ ಪೆರ್ಲ ಮೆರ್ನ ‘ಸಾಪೊದ ಕಣ್ಣ್ ‘ ಪ್ರಥಮ, ರಾಜಶ್ರೀ ಟಿ.ರೈ ಪೆರ್ಲ ಮೆರ್ನ” ತತ್ತ್ ಮೋಸದ ಬಾಲೆ “‘ ದ್ವಿತೀಯ ಬೊಕ್ಕ ಶಶಿರಾಜ್ ರಾವ್ ಕಾವೂರು ಮೆರ್ನ ಬಿಂಬೋದ ಬೊಲ್ಪು ಮೂಜನೆ ಇನಾಮುಗು ಆಯ್ಕೆ ಆತ್oಡ್.

ತನ್ನ ಅಮ್ಮೆರ್ನ ನೆಂಪುಗು ಡಾ.ಹೆಗ್ಗಡೆ ಕರಿನ 45 ವರ್ಷರ್ದ್ ಈ ಮಾನದಿಗೆ ಕೊರೊಂದು ಉಲ್ಲೆರ್ . ಪ್ರಶಸ್ತಿ ಕ್ರಮವಾದ್ 10, 8, 6 ಸಾವಿರ ರೂ. ಪನವು , ಪ್ರಶಸ್ತಿ ಪತ್ರ ಬೊಕ್ಕ ಸ್ಮರಣಿಕೆ ಉಂಡು . ವಿಶ್ರಾಂತ ಪೆರಿಯ ಪತ್ರಕರ್ತ ಮನೋಹರ ಪ್ರಸಾದ್, ಸಾಹಿತಿ ಕದ್ರಿ ನವನೀತ ಶೆಟ್ಟಿ ಬೊಕ್ಕ ಉಡಲ್ ಪತ್ರಿಕೆ ಸಂಪಾದಕಿ ಜಯಂತಿ ಎಸ್. ಬಂಗೇರ ಮೆಕುಲು ಇತ್ತಿನ ಸಮಿತಿ ಕೃತಿಲೆನ್ ಆಯ್ಕೆ ಮಲ್ದುಂಡು . ಮಂಗಳಾದೇವಿ ದೇವಸ್ಥಾನ ವಠಾರಡ್ ತುಳುಕೂಟ ಕುಡ್ಲ ವತಿರ್ದ್ ಎಪ್ರಿಲ್ .14 ತಾರೀಖ್ ಗ್ ನಡಪುನ ಬಿಸು ಪರ್ಬ ಲೇಸ್ ಡ್ ಮಾನದಿಗೆ ಮಲ್ಪರೆ ಉಲ್ಲೆರ್ ಪಂದ್ ಬಿ.ದಾಮೋದರ ಪ್ರಕಟಣೆಡ್ ತೆರಿಪಾದೆರ್ .

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ದಿ|| ಎಕ್ಕೂರು ಬಾಬಣ್ಣನ ನೆಂಪುಗು ಎಕ್ಕೂರು ಬಾಬಣ್ಣ ಮಹಿಳಾ ವೇದಿಕೆ ಸ್ಥಾಪನೆ

Mar 30, 2021

ಕುಡ್ಲ, ಮಾರ್ಚ್ 30 : ದಿ|| ಎಕ್ಕೂರು ಬಾಬಣ್ಣನ ನೆಂಪುಗು ಕೋಡೆ ಎಕ್ಕೂರುಡು ಎಕ್ಕೂರು ಬಾಬಣ್ಣ ಮಹಿಳಾ ವೇದಿಕೆ ಸ್ಥಾಪನೆ ಆಂಡ್ ಇಂದುವೇ ಪೊರ್ತುಡು ಬಡಪತ್ತ್ಡ್ ಉಪ್ಪುನ ಕುಟುಂಬಲೆಗ್ ಧನ ಸಹಾಯ, ಪಡಿತರ ವಿತರಣೆ ಇಂಚ ಅವ್ವೆತೋ ಸಮಾಜಮುಖಿ ಬೇಲೆಗಾದೆ ಬಾಬಣ್ಣ ಸುರು ಮಲ್ದಿನ ಸಂಸ್ಥೆಯಾಯಿನ ಧೀನಾ ಬಂಧುಗು ಕೋಡೆ ಅಂಗವಿಕಲ ಬಾಲೆಗ್ ವೀಲ್ ಚೇರ್, ಬಂಗದ ಕುಟುಂಬಗ್ ಪಡಿತರ ಕೊರ್ಪಿನ ಮುಖೇನ ಕುಡ ಚಾಲನೆ ಕೊರಿಯೆರ್.

ಶ್ರೀ ನಾಗಬ್ರಹ್ಮ ಅದಿಮೊಗೆರ್ಕಳ ಪರಿವಾರ ದೈವಬೊಕ್ಕ ಶ್ರೀ ನಾಗದೇವರ ಪ್ರತಿಷ್ಠಾ ವರ್ಧಂತ್ಯುತ್ಸವ ಬೊಕ್ಕ ದೈವೊಲೆನ ನೇಮೋತ್ಸವ

Mar 30, 2021

ಕುಡ್ಲ, ಮಾರ್ಚ್ಶ್ರೀ 30: ನಾಗಬ್ರಹ್ಮ ಅದಿಮೊಗೆರ್ಕಳ ಪರಿವಾರ ದೈವಬೊಕ್ಕ ಶ್ರೀ ನಾಗದೇವರ ಪ್ರತಿಷ್ಠಾ ವರ್ಧಂತ್ಯುತ್ಸವ ಬೊಕ್ಕ ದೈವೊಲೆನ ನೇಮೋತ್ಸವತಾರೀಖ್ ತಾ. 8-5-2021ನೇ ಶನಿವಾರ ಬೊಕ್ಕ ತಾ. 9-5-2021ನೇ ಐತಾರದಾನಿ ಕಾಂಡೆ ಗಂಟೆ 9.00ರ್ದ್ ವೇದಮೂರ್ತಿ ರಾಜಗೋಪಾಲಾಚಾರ್ಯ ಮೆರ್ನ ಮುತಾಲಿಕೆಡ್ ನಡಪರೆ ಉಂಡು.