ತುಳು ಸುದ್ದಿ

ದಕ್ಷಿಣ ಕನ್ನಡ ಜಿಲ್ಲೆದ ಎಸ್ಪಿ ಬಿ.ಎಂ.ಲಕ್ಷ್ಮೀ ಪ್ರಸಾದ್ ವರ್ಗಾವಣೆ

ಬೆಂಗಳೂರು, ಎಪ್ರಿಲ್ 02: ದಕ್ಷಿಣ ಕನ್ನಡ ಜಿಲ್ಲೆದ ಎಸ್ಪಿ ಬಿ.ಎಂ.ಲಕ್ಷ್ಮೀ ಪ್ರಸಾದ್ ಸೇರ್ದ್ ರಾಜ್ಯದ ಮೂಜಿ ಜನ ಐಪಿಎಸ್ ಅಧಿಕಾರಿಲೆನ್ ವರ್ಗಾವಣೆ ಮಲ್ತ್ ದ್ ರಾಜ್ಯ ಸರಕಾರ ಗುರುವಾರ ಆದೇಶ ಕೊರ್ತುಂಡು .

ಯಾದಗಿರಿ ಜಿಲ್ಲೆಡ್ ಎಸ್ಪಿಯಾದಿತ್ತಿನ ಎಸ್.ಆರ್.ಭಗವಾನ್ ಮೆರೆನ್ ದಕ್ಷಿಣ ಕನ್ನಡ ಜಿಲ್ಲೆದ ಎಸ್ಪಿಯಾದ್ ವರ್ಗಾವಣೆ ಮಲ್ದೆರ್ . ಶಿವಮೊಗ್ಗ ಎಸ್ಪಿಯಾದುಪ್ಪುನ ಕೆ.ಎಂ.ಶಾಂತರಾಜು ಮೆರೆನ್ ಬೆಂಗಳೂರು ಪೂರ್ವದ ಸಂಚಾರ ವಿಭಾಗ ಡಿಸಿಪಿ ಆದ್ ದಕ್ಷಿಣ ಕನ್ನಡ ಜಿಲ್ಲೆದ ಎಸ್ಪಿ ಆಯಿನ ಬಿ.ಎಂ.ಲಕ್ಷ್ಮೀ ಪ್ರಸಾದ್ ಮೆರೆನ್ ಶಿವಮೊಗ್ಗ ಜಿಲ್ಲೆದ ಎಸ್ಪಿಯಾದ್ ವರ್ಗಾವಣೆ ಮಲ್ದೆರ್ .

ಕುಲಶೇಖರ ಶ್ರೀ ವೀರನಾರಾಯಣ ದೇವಸ್ಥಾನ ಜೀರ್ಣೋದ್ದಾರಗ್ ನಿಧಿ ಸಂಚಯನ

ಕುಡ್ಲ, ಎಪ್ರಿಲ್ 1 : ಸುಮಾರ್ 1500 ವರ್ಷದ ಇತಿಹಾಸ ಉಪ್ಪುನ ಕುಲಶೇಖರದ ಶ್ರೀ ವೀರನಾರಾಯಣ ದೇವಸ್ಥಾನದ ಜೀರ್ಣೋದ್ಧಾರಗ್ ಸಂಕಲ್ಪ ಮಲ್ದೆರ್ ಶ್ರೀ ದೇವರ ಭಾವಚಿತ್ರ ಅನಾವರಣ ಸಹಾಯಧನದ ಕೂಪನ್ ಬುಡುಗಡೆದ ಈ ಲೇಸ್ ಡ್ ಪಾಲ್ ಪಡೆಯುನವು ಎನ್ನ ಪುಣ್ಯ , ಈ ದೇವಸ್ಥಾನದ ಪುನರ್ ನವೀಕರಣಗ್ ನಮ್ಮ ಕೈರ್ದ್ ಆಪಿನ ಮಾತಾ

ಸಹಕಾರಗನ್ ಮಲ್ಪರೆ ನಮ ತಯಾರ್ ಉಲ್ಲಾ ಪಂದ್ ಮಂಗಳೂರು ದಕ್ಷಿಣದ ಶಾಸಕೆರಾಯಿನ ಡಿ. ವೇದವ್ಯಾಸ ಕಾಮತ್ ಪಂಡೆರ್.
ಮೇರ್ ಕುಡ್ಲದ ಓಲ್ಡ್‍ಕೆಂಟ್ ಮಾರ್ಗಡ್ ಉಪ್ಪುನ ಶ್ರೀ ದೇವಿ ದೇವಸ್ಥಾನಗ್ ಶಾಸಕರ ಅನುದಾನದರ್ದ್ ಕೊರಿನoಚಿನ ಮೇಲ್ಚಾವಣಿ ಉದಿಪನ ಮಲ್ತ್ ದ್ , ಶ್ರೀ ವೀರನಾರಾಯಣ ದೇವೆರ್ನ ಭಾವಚಿತ್ರಬುಡುಗಡೆ ಮಲ್ತ್ ದ್ ಪಾತೆರಿಯೆರ್.ದ.ಕ. ಜಿಲ್ಲಾ ಮೂಲ್ಯರ
ಯಾನೆ ಕುಲಾಲರ ಮಾತೃಸಂಘ(ರಿ.)ಅಟ್ಟನೆ ಮಲ್ದಿನ ಈ ಲೇಸ್ ಡ್ ಪಾತೆರಿನ ಮೇರ್ ಇನಿ ಕುಲಾಲ ಸಮಾಜ ಬುಲೆಯೊಂದು ಉಂಡು . ಯುವ ಜನತೆ ಸಮಾಜಮುಖಿ ಬೇಲೆದಲ್ಪ ಜಾಸ್ತಿ ಗೇನ ಕೊರೊಂದು ಉಲ್ಲೆರ್ ಮೆಕ್ಲೆಗ್ ರಾಜಕೀಯವಾದ್ ಶಕ್ತಿ ಕೊರ್ಪಿನ ಬೇಲೆ ನನ ದುಂಬುದ ದಿನಟ್ ನಡಪರೆ ಉಂಡು ಪಂದ್ ಪಂಡೆರ್.

ಈ ಪೊರ್ತುಡು ಶಾಸಕೆರೆನ್ ಬೊಕ್ಕ ಕುಡ್ಲ ಮ.ನ.ಪಾ ಮೇಯರ್ ಪ್ರೇಮಾನಂದ ಶೆಟ್ಟಿ ಮೆರೆಗ್ ಮಾನದಿಗೆ ಮಲ್ತೆರ್.
ಜಿ.ಪಂ ಒತ್ತು ಗುರ್ಕರ್ರ್ಲಾಯಿನ ಶ್ರೀಮತಿ ಕಸ್ತೂರಿ ಪಂಜ ಪಾತೆರ್ದ್ ನಮ್ಮ ಕುಲದೇವೆರಾಯಿನ ಕುಲಶೇಖರ ಶ್ರೀ ವೀರನಾರಾಯಣ ದೇವಸ್ಥಾನದ ಜೀರ್ಣೋದ್ಧಾರಗ್ ಇಡೀಯ ಸಮಾಜ ಒತ್ತು ಕೊರೊಡು ಬಿಜೆಪಿ ರಾಜ್ಯಾಧ್ಯಕ್ಷರಾಯಿನ ನಳಿನ್ ಕುಮಾರ್ ಕಟೀಲ್ ಮೆರ್ನ ಮಾರ್ಗದರ್ಶನಡ್ ಸಚಿವೆರ್ನ , ಶಾಸಕೆರ್ನ ಸಹಿತ ಮುಖ್ಯಮಂತ್ರಿನ್ ಭೇಟಿಯಾದ್ ಕನಿಷ್ಠ ರಡ್ಡ್ ಕೋಟಿಯಾoಡಲ `ನಿಧಿ’ ಪಡೆಯರೆ ಪ್ರಯತ್ನ ಮಲ್ಪುಗ ಪಂದ್ ಪಂಡೆರ್.

ಪೆರಿಯೆರಾಯಿನ ರಾಮಣ್ಣ ಉಪ್ಪಿನಂಗಡಿ, ಯಜ್ಞೇಶ್ವರ ಬರ್ಕೆ, ನ್ಯಾಯವಾದಿ ರಾಮ್ ಪ್ರಸಾದ್, ಆರ್ಥಿಕ ಸಲಹೆಗಾರೆರಾಯಿನ ಪುಂಡರೀಕಾಕ್ಷ ಕೈರಂಗಳ , ಶ್ರೀಮತಿ ರೂಪಾ.ಡಿ ಬಂಗೇರ, ಶ್ರೀ ವೀರನಾರಾಯಣ ದೇವಸ್ಥಾನದ ಮ್ಯಾನೇಜಿಂಗ್ ಟ್ರಸ್ಟಿ, ಪುರುಷೋತ್ತಮ ಕುಲಾಲ್ ಕಲ್ಬಾವಿ, ಜೀರ್ಣೋದ್ದಾರ ಸಮಿತಿ ಗುರ್ಕಾರ್ಲಾಯಿನ ದಾಮೋದರ್.ಎ., ಮಹೇಶ್ ಸವಣೂರು, ನ್ಯಾಯವಾದಿ ಕುಶಾಲಪ್ಪ ಕುಲಾಲ್, ಗಿರಿಧರ ಜೆ. ಮೂಲ್ಯ, ಪ್ರೇಮಾನಂದ ಕುಲಾಲ್,ಲ!ಅನಿಲ್‍ದಾಸ್, ಮಾತೃಸಂಘದ ಶ್ರೀಮತಿ ಪ್ರಮೀಳಾ ಸಾಲ್ಯಾನ್, ಜಯಶ್ರೀ, ಭಾಸ್ಕರ್ ಪೆರುವಾಯಿ ಪಾಲ್ ಪಡೆದಿತ್ತೆರ್.ಪ್ರವೀಣ್ ಬಸ್ತಿ ಎದುಕೊಂಡೆರ್,ನವೀನ್ ಕುಲಾಲ್ ನಿರೂಪಣೆ ಮಲ್ತೆರ್.

ಪರ್ಪಿನ ನೀರ್, ವಿದ್ಯೆ, ಅನಾರೋಗ್ಯ ಸಮಸ್ಯೆಡ್ ರಾಜಕೀಯ ಬಲ್ಲಿ : ಕೋಟ ಶ್ರೀನಿವಾಸ ಪೂಜಾರಿ

ಕುಡ್ಲ, ಮಾರ್ಚ್ 31: ಪರ್ಪಿನ ನೀರ್, ವಿದ್ಯೆ, ಅನಾರೋಗ್ಯ ಸಮಸ್ಯೆಲೆಗ್ ಗ್ರಾಮ ಪಂಚಾಯತ್ ದ ಸದಸ್ಯೆರ್ ಕೂಡಲೇ ಸ್ಪಂದಿಸಾದ್ ಸಮಸ್ಯೆಲೆದ ಪರಿಹಾರಗಾದ್ ದುಂಬು ಬರೊಡು ಅಂಚನೇ ಈ ಸಮಸ್ಯೆ ಲೆಡ್ ಒವ್ವೆ ರೀತಿದ ರಾಜಕೀಯ ಮಲ್ಪರೆ ಬಲ್ಲಿ ಹಿಂದುಳಿದ ವರ್ಗ ಬೊಕ್ಕ ಮುಜುರಾಯಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ತೆರಿಪಾಯೆರ್.

ಮೇರ್ ಹೆಜಮಾಡಿದ ಬಿಲ್ಲವ ಸಂಘದ ವಠಾರಡ್ ಬಿರುವೆರ್ ಬ್ರದರ್ಸ್ ಹೆಜಮಾಡಿ ಮೆಕ್ಲೆನ ವತಿರ್ದ್ ನಡತಿನ ನೂತನ ಪದಾಧಿಕಾರಿಲೆನ ಪದಗ್ರಹಣ ಬೊಕ್ಕ ಪಂಚಾಯತ್ ಸದಸ್ಯೆರ್ನ ಮಾನದಿಗೆ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಪಾತೆರಿಯೆರ್.

ಲೇಸ್ ದ ಗುರ್ಕಾರ್ಮೆನ್ ಬಿರುವೆರ್ ಬ್ರದರ್ಸ್ ನೆತ್ತ ಸ್ಥಾಪಕ ಗುರ್ಕಾರ್ಲಾಯಿನ ಶ್ರೀಧರ ಸುವರ್ಣ ಮೇರ್ ವಯಿಸ್ದಿತ್ತೆರ್.ಮಲ್ಲ ಬಿನ್ನೆರ್ ಆದ್ ಪಡುಬಿದ್ರಿ ಜಿಲ್ಲಾ ಪಂಚಾಯತ್ ಸದಸ್ಯೆರಾಯಿನ ಶಶಿಕಾಂತ್ ಪಡುಬಿದ್ರಿ, ತಾಲ್ಲೂಕು ಪಂಚಾಯತ್ ಸದಸ್ಯೆರಾಯಿನ ನೀತ್ ಗುರುರಾಜ್, ಬಿರುವೆರ್ ಕುಡ್ಲ ನೆತ್ತ ಜಿಲ್ಲಾ ವಕ್ತಾರ ಲಕ್ಷ್ಮೀಷ ಪೂಜಾರಿ, ಹೆಜಮಾಡಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ, ಹೆಜಮಾಡಿ ಬಿರುವೆರ್ ಸಂಘದ ಗುರ್ಕಾರ್ಲಾಯಿನ ಲೋಕೇಶ್ ಅಮೀನ್, ಉದ್ಯಮಿ ಸಂದೇಶ್ ಶೆಟ್ಟಿ ಪಡುಬಿದ್ರೆ ಬಿಜೆಪಿ ಯುವ ಮೋರ್ಚಾ ಮಹಾಶಕ್ತಿ ಕೇಂದ್ರದ ಗುರ್ಕಾರ್ಲಾಯಿನ ಕೀರ್ತನ್ ಪೂಜಾರಿ , ಕಾಪು ಕ್ಷೇತ್ರ ಬಿಜೆಪಿದ ಮಾಜಿ ಗುರ್ಕಾರ್ಲಾಯಿನ ಪ್ರಕಾಶ್ ಶೆಟ್ಟಿ ಪಾದೆಬೆಟ್ಟು,ಉದ್ಯಮಿ ಶರತ್ ಸಾಲ್ಯಾನ್ ಮುಂಬಯಿ , ಅರ್ಚಕೆರಾಯಿನ ಹರೀಶ್ ಶಾಂತಿ ಮುಂಬಯಿ ಪಾಲ್ ಪಡೆದ್ ಇತ್ತೆರ್.

ಪೊಸ ಗುರ್ಕಾರ್ಲಾಯಿನ ರಿತೇಶ್ ಕುಮಾರ್ ನನ ದುಂಬು ನಡಪೋಡಾಯಿನ ಕಾರ್ಯ ಯೋಜನೆದ ಬಗ್ಗೆ ಪಾತೆರಿಯೆರ್.ಈ ಲೇಸ್ ಡ್ ಹೆಜಮಾಡಿ ಗ್ರಾಮ ಪಂಚಾಯತ್ ದ 21 ಜನ ಸದಸ್ಯೆರೆಗ್ ಮಾನದಿಗೆ ಮಲ್ತೆರ್.

ಅತೀಶ್ ಸುವರ್ಣ ಎದುಕೊಂಡೆರ್, ಮನೋಹರ್ ಹೆಜಮಾಡಿ ಪ್ರಸ್ತಾವನೆ ಮಲ್ತೆರ್, ಮನೋಹರ್ ಅಮೀನ್ ಪ್ರಾರ್ಥನೆ ಮಲ್ತೆರ್, ಗುರುಪ್ರಸಾದ್ ಸೊಲ್ಮೆ ಸಂದೈತ ಮಲ್ತೆರ್, ಮೋಹನ್ ಸುವರ್ಣ ಮುಲ್ಕಿ ಬೊಕ್ಕ ಮನೋಹರ್ ಹೆಜಮಾಡಿ ಲೇಸ್ ದ ನಿರೂಪಣೆ ಮಲ್ತೆರ್. ಸಭಾ ಕಾರ್ಯಕ್ರಮರ್ದ್ ಬೊಕ್ಕ ವಿಠಲ್ ನಾಯಕ್ ಕಲ್ಲಡ್ಕ ಮೆರೆರ್ದ್ ವಿನೂತನ ಶೈಲಿದ ಗೀತ ಸಾಹಿತ್ಯ ಸಂಭ್ರಮ ನಡತ್o ಡ್.