ಬೊಲ್ತೆರ್ ಸುದ್ದಿ | Belthangady News

May 3rd : Mass marriage celebration at Dharmasthala ಮೇ 3 ಕ್ಕ್ ಧರ್ಮಸ್ಥಳಡ್ ಸಾಮೂಹಿಕ ಮದಿಮೆ

ಧರ್ಮಸ್ಥಳಡ್ ಮೇ 3 ಕ್ಕ್ ಬುಧಾರ ಬಯ್ಯ 6.30 ಗಂಟೆಗ್ ಗೋಧೂಳಿ ಲಗ್ನಡ್ 51 ನೇ ವರ್ಷದ ಧರ್ಮಾರ್ಥ ಸಾಮೂಹಿಕ ಮದಿಮೆ ನಡಪರೆ ಉಂಡು.

ಮದಿಮಾಯಗ್ ಪಂಚೆ ಬೊಕ್ಕ ಶಾಲ್ ಅಂಚನೆ ಮದಿಮಾಲೆಗ್ ಸೀರೆ, ರವಕೆ, ಕರಿಯಮಣಿ ಕೊರ್ಪೆರ್. ರಡ್ಡನೇ ಮದಿಮೆಗ್ ಅವಕಾಶ ಇಪ್ಪುಜಿ. ಮದಿಮೆದ ಮಾತ ಕರ್ಚಿನ್ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಧರ್ಮೋತ್ಥಾನ ಟ್ರಸ್ಟ್‌ದಕುಲು ವಹಿಸೊನುವೆರ್.

May 3rd : Mass marriage celebration at Dharmasthala

The 51 st mass marriage function of the year at Dharmasthala will be held on Wednesday the 3rd of May at 6.30 p.m.

All expenses will be borne by the Sri Dharmasthala Manjunathesawara Dharmothana Trust.

ಬೊಲ್ತೇರ್: ಅಳದಂಗಡಿ ಶ್ರೀ ಮಹಾಗಣಪತಿ ದೇವಲ್ಯಡ್ ಚಪ್ಪರ ಮೂರ್ತ, ಕಾರ್ಯಾಲಯ ಉದಿಪನ

ಬೊಲ್ತೇರ್: ಪುನರ್ ನಿರ್ಮಾಣ ಆವೊಂದಿಪ್ಪುನ ಅಳದಂಗಡಿದ ಪುಗರ್ತೆದ ಶ್ರೀಮಹಾಗಣಪತಿ ದೇವರ ಪ್ರತಿಷ್ಠೆ ಅಂಚನೆ ಬ್ರಹ್ಮಕಲಶಾಭಿಷೇಕ ಲೇಸ್ ಫೆ.4 – 7 ಮುಟ್ಟ ನಡಪರೆ ಇತ್ತ್‌ದ್, ಅಯಿತ್ತ ಸುರುಕ್ಕ್ ನಡಪುನ ಚಪ್ಪರ ಮೂರ್ತ ಅಂಚನೆ ಕಾರ್ಯಾಲಯ ಉದಿಪನ ಜ.13 ಕ್ಕ್ ನಡತ್ಂಡ್.

ಉದ್ಯಮಿ ಹರೀಶ್ ಶೆಟ್ಟಿ ಮೇರ್ ಕರ್ಬಿತ್ತಿಲ್ ಕಂಬನ್ ನಡ್ದ್ ಚಪ್ಪರಕಾರ್ಯಗ್ ಚಾಲನೆ ಕೊರಿಯೆರ್. ಬ್ರಹ್ಮಕಲಶೋತ್ಸವ ಸ್ವಾಗತ ಸಮಿತಿ ಸಂಚಾಲಕೆರ್ ಶಿವಪ್ರಸಾದ ಅಜಿಲ ಕಾರ್ಯಾಲಯನ್ ಉದಿಪನ ಮಲ್ತೆರ್.

ಅಯಿರ್ದ್ ಬೊಕ್ಕ ನಡತಿನ ಸಭಾ ಕಾರ್ಯಕ್ರಮಡ್ ನುಪ್ಪುದಾನ, ತಾಮ್ರಕಲಶ, ದ್ರವ್ಯಕಲಶದ ಕೂಪನ್‌ಲೆನ್ ಅಂಚನೆ ಪ್ರಚಾರ ಸಾಹಿತ್ಯನ್ ಬುಡುಗಡೆ ಮಲ್ತೆರ್.

ಬ್ರಹ್ಮಕಲಶೋತ್ಸವ ಸಮಿತಿ ಕಾರ್ಯಾಧ್ಯಕ್ಷೆರ್ ಸದಾನಂದ ಉಂಗಿಲಬೈಲು, ಪ್ರಧಾನ ಕಾರ್ಯದರ್ಶಿ ಸಂತೋಷ್ ಕಾಪಿನಡ್ಕ, ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಗಂಗಾಧರ ಮಿತ್ತಮಾರು, ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷೆರ್ ಡಾಟ ಶಶಿಧರ ಡೋಂಗ್ರೆ, ಪ್ರಧಾನ ಕಾರ್ಯದರ್ಶಿ ನಿತ್ಯಾನಂದ ಶೆಟ್ಟಿ, ಕೋಶಾಧಿಕಾರಿ ಅನಿಲ್ ಕುಮಾರ್, ಬೇತೆ ಬೇತೆ ಸಂಘದ ಪದಾಧಿಕಾರಿಲು ಆಯಿನ ನವೀನ್ ಸಾಮನಿ, ನಿರಂಜನ ಜೋಶಿ, ವಿಶ್ವನಾಥ ಹೋಳ್ಳ, ಜಗನ್ನಾಥ ಶೆಟ್ಟಿ, ಸೋಮನಾಥ ಬಂಗೇರ ವರ್ಪಾಳೆ, ದೇವಿಪ್ರಸಾದ್ ಶೆಟ್ಟಿ, ಯಶೋಧರ ಸುವರ್ಣ, ರಜಿತ್ ರೈ, ಚಂದ್ರಶೇಖರ, ಹರೀಶ್ ಆಚಾರ್ಯ, ಕೃಷ್ಣಪ್ಪ ಬಿಕ್ಕಿರ, ವಿಜಯಕುಮಾರ್ ನಾವರ, ದೀಲೀಪ ಚಕ್ರವರ್ತಿ, ದಿನೇಶ್ ಪಿ.ಕೆ, ಪ್ರಧಾನ ಅರ್ಚಕ ಸೋಮನಾಥ ಮಯ್ಯ ಲೇಸ್‌ಡ್ ಇತ್ತೆರ್. ಪುರೋಹಿತೆರ್ ವಿಜಯಕೃಷ್ಣ ಐತಾಳ ಸರಪಾಡಿ ಮೇರ್ ಧಾರ್ಮಿಕ ವಿಧಾನನ್ ಮಲ್ತೆರ್.

ಅರಿಕೋಡಿ ಚಾಮುಂಡೇಶ್ವರಿ ಗ್ ಪರಕೆ ಪಂಡಿನ ಒಂಜೇ ವಾರಡ್ ನಡತ್ಂಡ್ ಪವಾಡ..!

ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ತಾಲೂಕ್‌ದ ಕನ್ಯಾನ ಗ್ರಾಮದ ಗೌರಿನಿಲಯದ 48 ವರ್ಷದ ವಾಸುದೇವ ನಾಯಕ್ ಮೆರೆಗ್ ತಿಗಲೆಗ್ ಸಂಬಂಧ ಪಟ್ಟಿನ ಸಮಸ್ಯೆ ಇತ್ತ್ಂಡ್. ಕರಿನ ನ.18 ರ್ದ್ ಖಾಸಗಿ ಆಸ್ಪತ್ರೆಡ್ ಚಿಕಿತ್ಸೆ ಸುರು ಆದಿತ್ತ್ಂಡ್.

ಶಸ್ತ್ರಚಿಕಿತ್ಸೆ ಆಯಿಬೊಕ್ಕ ಮೆರೆಗ್ ಪಾತೆರ್ರ ಆವೊಂದಿಜ್ಜಾಂಡ್. ನನ ವಾಸುದೇವ ಮೇರೆಗ್ ಪಾತೆರಿಯರೆ ಆಪುಜಿ ಪಂದ್ ವೈದ್ಯೆರ್ ಪಂಡ್‌ದಿತ್ತೆರ್. ಉಂದೆರ್ದ್ ಪೋಡಿಗೆಡ್ ಇಲ್ಲದಕುಲು ಬೊಲ್ತೇರ್ ತಾಲೂಕ್‌ದ ಬೆಳಾಲುಡ್ ಇಪ್ಪುನ ಅರಿಕೋಡಿ ಶ್ರೀ ಚಾಮುಂಡೇಶ್ವರಿ ದೇವಲ್ಯಗ್ ಪರಕೆ ಪನ್ಪೆರ್. ವಾಸುದೇವ ಮೇರ್ ಪಾತೆರ್ಂಡ ವಜ್ರದ ಮೂಂಕುತಿ ಕೊರ್ಪ ಪಂದ್. ಪರಕೆ ಪಂಡಿನ ಒಂಜೇ ವಾರಡೇ ವಾಸುದೇವ ಮೇರ್ ಪಾತೆರ್‌ದೆರ್. ಇಂಚಾದ್ ಮನದಾನಿಯೇ ದೇವಿನ ಸನ್ನಿಧಿಗ್ ಬತ್ತ್‌ದ್ ವಜ್ರದ ಮೂಂಕುತಿ ಕೊರ್ದು ಪರಕೆ ಸಂದಾದೆರ್.

ಧರ್ಮಸ್ಥಳ: ಕನ್ಯಾಡಿಡ್ ಕಾರ್ ಬೊಕ್ಕ ಬೈಕ್ ಗುದ್ದುದು ಬೈಕ್‌ದಾರೆಗ್ ಮಸ್ತ್ ಪೆಟ್ಟ್

ಬೊಲ್ತೇರ್: ಕಾರ್ ಬೊಕ್ಕ ಬೈಕ್ ಗುದ್ದುದ್ ಬೈಕ್ ಡ್ರೈವರ್‌ಗ್ ಮಸ್ತ್ ಪೆಟ್ಟಾತಿನ ಘಟನೆ ಕನ್ಯಾಡಿಡ್ ನಡತ್ಂಡ್.

ಧರ್ಮಸ್ಥಳರ್ದ್ ಉಜಿರೆದಂಚಿ ಬರೊಂದಿತ್ತಿನ ಬೈಕ್ ಬೊಕ್ಕ ಧರ್ಮಸ್ಥಳಗ್ ಪೊವೊಂದಿತ್ತಿನ ಕಾರ್‌ದ ನಡುಟ್ಟ್ ಕನ್ಯಾಡಿ ರಾಮ ಮಂದಿರದ ತಿರ್ಗಾಸ್‌ಡ್ ಈ ಘಟನೆ ನಡತ್ಂಡ್. ಬೈಕ್ ಡ್ರೈವರ್ ನಿತೀಶ್ ಮೆರೆಗ್ ಮಸ್ತ್ ಪೆಟ್ಟಾತ್ಂಡ್. ಬೊಲ್ತೇರ್ ಸಂಚಾರಿ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.

ಧರ್ಮಸ್ಥಳ ಸುತ್ತಮುತ್ತ ಖಾಸಗಿ ಹೋಟೆಲ್‌ಗ್ ಅವಕಾಶ ಕೊರೊಡ್ಚಿ: ಸರ್ಕಾರಗ್ ವೀರೇಂದ್ರ ಹೆಗ್ಗಡೆರೆನ ಬಿನ್ನಾಪು

ಧರ್ಮಸ್ಥಳ ಕ್ಷೇತ್ರದ ಸುತ್ತಮುತ್ತ ಖಾಸಗಿ ಹೋಟೆಲ್‌ಗ್ ಅವಕಾಶ ಕೊರೊಡ್ಚಿ ಪಂದ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆರ್ ಸರ್ಕಾರಗ್ ಬಿನ್ನಾಪು ಮಲ್ತ್‌ದೆರ್.

ಈ ಬಗೆಟ್ಟ್ ಪಾತೆರಿನ ಆರ್, ಧರ್ಮಸ್ಥಳ ದೇವಲ್ಯದ ಒಂಜರೆ ರಡ್ಡ್ ಕಿ.ಮೀ ಸುತ್ತಮುತ್ತ ಖಾಸಗಿ ಹೊಟೇಲ್‌ಗ್ ಅವಕಾಶ ಕೊರೊಡ್ಚಿ. ಮಾಸದ ಹೋಟೆಲ್ ಬತ್ತ್ಂಡ ಬಾರ್‌ ಲ ಬರ್ಪುಂಡು. ಕ್ಷೇತ್ರದ ಪಾವಿತ್ರ್ಯತೆ ಕಾಪುನೆಕ್ಕ್ ಸರ್ಕಾರ ಸಾಕಾರ ಮಲ್ಪೊಡು ಪಂದ್ ಬಿನ್ನಾಪು ಮಲ್ತೆರ್.