ಬೊಲ್ತೆರ್ ಸುದ್ದಿ | Belthangady News

ಕಾಪು ಯುವ ಕಾಂಗ್ರೆಸ್ ವತಿರ್ದ್ ತೆನಸ್ ದ ಕಿಟ್

ಕಾಪು ಜೂನ್ 16, : : ಕಾಪು ಬ್ಲಾಕ್ ಯುವ ಕಾಂಗ್ರೆಸ್ ವತಿರ್ದ್ ಮಾಜಿ ಸಚಿವೇರಾಯಿನ ವಿನಯ ಕುಮಾರ್ ಸೊರಕೆ ಮೆರ್ನ ಮುತಾಲಿಕೆಡ್ ಬಡವು ದಕ್ಲೆಗ್ ತೆನಸ್ ಕೊರ್ಪಿನ ಕಾರ್ಯಕ್ರಮದಡಿ ರಾಜೀವ್ ಭವನದ ಎದುರು ರಾಷ್ಟ್ರೀಯ ಹೆದ್ದಾರಿಡ್ ಪೋಪಿನ ಲಾರಿ ಚಾಲಕೆರೆಗ್ ಪಾಂಗಾಳ ಬೊಕ್ಕ ಮಲ್ಲಾರ್ ನಲ್ಲಿರುವ ಅಶ್ರಮಕ್ಕೆ ಕಾಪು ಕೂಪ್ಪಲಂಗಡಿ ಕಾಲೂನಿ ನಿವಾಸಿಲೆಗ್ ತೆನಸ್ ದ ಕಿಟ್ ಕೊರಿಯೆರ್.

ಯಶಸ್ವಿಯಾಯಿನ “ಟ್ವೀಟ್‌ ತುಳುನಾಡು” ಅಭಿಯಾನ: 4 ಲಕ್ಷರ್ದ್ ಜಾಸ್ತಿ ಟ್ವೀಟ್

ಕುಡ್ಲ, ಜೂನ್ 14:: ಪಂಚ ದ್ರಾವಿಡ ಭಾಷೆಡ್ ಒಂಜಾಯಿನ ತುಳು ಭಾಷೆ ರಾಜ್ಯದ ಅಧಿಕೃತ ಭಾಷೆ ಆವೊಡು ಪನ್ಪಿನ ಸೊರೊ ತುಳುನಾಡ್ ಡ್ ಏಪಲಾ ಕೇನೊಂದು ಉಂಡು. ಈ ಬಗ್ಗೆ ಹೋರಾಟಲಾ ನಡತೊಂದು ಉಂಡು. ಆಂಡ ಕಡೆತ ಹಂತ ಮಾತ್ರ ನನಲ ಮುಟ್ಟು ದಿಜಿ . ತುಳು ಭಾಷೆ ಸಂವಿಧಾನದ ಎನ್ಮನೆ ಪರಿಚ್ಛೇದಗ್ ಸೇರ್ಪಡೆ ಅವೊಡೆ . ಅಧಿಕೃತ ಭಾಷಾ ಮಾನ್ಯತೆ ತಿಕ್ಕೊಡೆ ಪನ್ಪಿನ ನೆಲೆಟ್ಟ್ ಸರಕಾರದ ಗಮನ ಸೆಳೆಯುನ ನೆಲೆಟ್ಟ್ ಜೂನ್ ೧೩ನೇ ಐತಾರ ದಾನಿ ಜೈತುಳುನಾಡು ಸಂಘಟನೆ ಬೊಕ್ಕ ಬೇತೆ ತುಳು ಪರ ಸಂಘಟನೆದ ಒಟ್ಟು ಸೇರಿಗೆಡ್ ಟ್ವಿಟರ್ ಅಭಿಯಾನ ಸುರು ಆದಿತ್ತುಂಡು .

ಕಾಂಡೆರ್ದ್ ರಾತ್ರಿ ಮುಟ ನಡತಿನ ಈ ಅಭಿಯಾನಡ್ ನಾಲ್ ಲಕ್ಷರ್ದ್ ಜಾಸ್ತಿ ಜನ ಟ್ವೀಟ್ ಮಲ್ಪುನ ಮುಖೇನ ಭಾಷೆದ ಮಹತ್ವ ಸಾರ್ದೆರ್ . .ತುಳು ಅಫೀಶಿಯಲ್ ಇನ್ ಕೆಎ,ಕೆಎಲ್’ ಪನ್ಪಿನ ಹ್ಯಾಷ್‌ಟ್ಯಾಗ್ ಅಡಿಟ್ ಅಭಿಯಾನ ನಡತುಂಡು . ಜೈ ತುಳುನಾಡು, ಯುವ ತುಳುನಾಡು ಸಂಘಟನೆದ ಮುತಾಲಿಕೆಡ್ ಅವ್ವೆತೋ ಸಂಘ ಸಂಸ್ಥೆಲು ಈ ಅಭಿಯಾನಡ್ ಪಾಲ್ ಪಡೆದಿತ್ತೆರ್.

ಕೊರೋನ ಪರೀಕ್ಷೆ ಜಾಸ್ತಿ ಮಲ್ಪರೆ ಜಿಲ್ಲಾಧಿಕಾರಿ ಸೂಚನೆ

ಕುಡ್ಲ, ಜೂನ್ 14 : ದಕ್ಷಿಣ ಕನ್ನಡ ಜಿಲ್ಲೆಡ್ ಪಾಸಿಟಿವಿಟಿ ಪ್ರಮಾಣ ಕಮ್ಮಿ ಆವಂದಿನ ನೆಲೆಟ್ಟ್ ಜಿಲ್ಲೆಡ್ ಟೆಸ್ಟಿಂಗ್ ಪ್ರಮಾಣ ಜಾಸ್ತಿ ಮಲ್ಪರೆ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್ .

ಜಿಲ್ಲಾಧಿಕಾರಿ ಕಚೇರಿಡ್ ನಡತಿನ ನಡತಿನ ಅಧಿಕಾರಿಲೆನ ಸಭೆಟ್ ಡಿಸಿ ಈ ಸೂಚನೆನ್ ಕಟ್ಟುನಿಟ್ಟಾದ್ ಪಾಲನೆ ಮಲ್ಪರೆ ಸೂಚನೆ ಕೊರ್ತೆರ್ . ಜಿಲ್ಲೆಡ್ ನನ ಪಾಸಿಟಿವ್ ಬತ್ತಿನ ಸೋಂಕಿತೆರ್ನ ಇಲ್ಲದ ಕೈತಲ್ ಉಪ್ಪುನ 50 ಇಲ್ಲಡ್ ಮಾತೆರೆಗ್ಲಾ ಖಾಡ್ಡಾಯವಾದ್ ಕೊರೊನಾ ಟೆಸ್ಟ್ ನಡಪಾವೊಡು ಪಂದ್ ಪಂಡೆರ್.

ಸುಬ್ರಮಣ್ಯಡ್ ರಿಕ್ಷಾ,ಟ್ಯಾಕ್ಸಿ ಚಾಲಕೆರೆಗ್ ಕೋವಿಡ್ ಕಿಟ್

ಸುಬ್ರಹ್ಮಣ್ಯ, ಜೂನ್ 14 : ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಡ್ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಮೋಹನ್‌ರಾಮ್ ಸುಳ್ಳಿ ಮೆರ್ನ ಮುತಾಲಿಕೆಡ್ ಕಿಟ್ ವಿತರಣೆ ನಡತುಂಡು .’

ಕಡಬ ಬೊಕ್ಕ ಸುಳ್ಯ ತಾಲ್ಲೂಕುಡು ಇತ್ತೇ ನಾಲ್ ಆಂಬುಲೆನ್ಸ್‌ನ್ ಉಚಿತವಾದ್ ಕೊರ್ತೆರ್ . ಸಾರ್ವಜನಿಕೆರ್ ನೆತ್ತ ಉಪಯೋಗನ್ ಪಡೆಯೊಂದು ಉಲ್ಲೆರ್. ಸರ್ಕಾರದ ಆದೇಶದ ಪ್ರಕಾರ ‘ಸಿ’ ಗ್ರೇಡ್ ದೇವಸ್ಥಾನದ ಸಿಬ್ಬಂದಿಲೆಗ್ ಇತ್ತೇ ಆಹಾರ ಸಾಮಗ್ರಿ ಕಿಟ್ ಕೊರ್ತೆರ್ .

ಸಹಾಯಕ ಕಾರ್ಯ ನಿರ್ವಹಣಾಧಿಕಾರಿ ಪುಷ್ಪಲತಾ, ವ್ಯವಸ್ಥಾಪನಾ ಸಮಿತಿ ಸದಸ್ಯೆರಾಯಿನ ಶೋಭಾ ಗಿರಿಧರ್, ವನಜಾ ವಿ. ಭಟ್, ದೇವಸ್ಥಾನದ ಸಿಬ್ಬಂದಿ, ಸುಬ್ರಹ್ಮಣ್ಯ ಗ್ರಾಮ ಪಂಚಾಯಿತಿ ಸದಸ್ಯೆರ್ ಪಾಲ್ ಪಡೆತೆರ್.

ಭಾರತೀಯ ಫುಟ್ಬಾಲ್ ಕೂಟದ ಮಾಜಿ ನಾಯಕ, ಒಡಿಪುದ ಶೇಖರ್ ಬಂಗೇರ ಕೊರೋನಾಗ್ ಬಲಿ

ಒಡಿಪು, ಜೂನ್ 13: ಭಾರತೀಯ ಫುಟ್ಬಾಲ್ ಕೂಟದ ಮಾಜಿ ನಾಯಕ, ಒಡಿಪು ಮೂಲದ ಶೇಖರ್ ಪದ್ದು ಬಂಗೇರ (74) ಕೊರೋನಾಗ್ ಬಲಿಯಾತೆರ್.

ಕೋವಿಡ್ ಸೋಂಕುಗು ಇತ್ತಿನ ಶೇಖರ್ ಬಂಗೇರ ಮೇರ್ ಬ್ರಹ್ಮಾವರದ ಮಹೇಶ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಇತ್ತೆರ್ . ಚಿಕಿತ್ಸೆ ಫಲಕಾರಿ ಆವಂದೆ ಗುರುವಾರ ಕಾಂಡೆ ತೀರ್ ಪೋಯೆರ್.

ಒಡಿಪುದ ಬಡಾನಿಡಿಯೂರು ಮೂಲದ ಶೇಖರ್ ಬಂಗೇರ ಮೇರ್ ಭಾರತೀಯ ಫುಟ್ಬಾಲ್ ಕೂಟದ ಗೋಲ್ ಕೀಪರ್ ಆದಿತ್ತೆರ್ . ಇಂದುವೆ ಪೊರ್ತುಡು ಆರ್ ಕೂಟದ ಗುರ್ಕಾರ್ಲುಲಾ ಆದಿತ್ತೆರ್ . ಬಹುಕಾಲ ಮುಂಬೈಯಿಡೆ ಇತ್ತಿನ ಆರ್ ಅವ್ವೆತೋ ಫುಟ್ಬಾಲ್ ಸಂಘಸಂಸ್ಥೆಡ್ ಕೋಚ್ ಆದ್ ಬೇಲೆ ಮಲ್ದೆರ್.