ಬೆದ್ರದ ಸುದ್ದಿ | Moodbidri News

ರಾಜ್ಯಮಟ್ಟದ ಜೂನಿಯರ್ ಬೊಕ್ಕ ಸಬ್ ಜೂನಿಯರ್ ಪವರ್ ಲಿಫ್ಟಿಂಗ್ ಚಾಂಪಿಯನ್‍ಶಿಪ್‍ ಮಹಿಳಾ ವಿಭಾಗಡ್ ಆಳ್ವಾಸ್ ಗ್ ಸಮಗ್ರ ಪ್ರಶಸ್ತಿ

ಮೂಡುಬಿದಿರೆ: ಕುಡ್ಲದ ಕರ್ನಾಟಕ ಪವರ್ ಲಿಫ್ಟಿಂಗ್ ಸಂಸ್ಥೆ ಬೊಕ್ಕ ಸಾಲಿಗ್ರಾಮದ ವೀರಮಾರುತಿ ಜಿಮ್ ಒಟ್ಟು ಸೇರಿಗೆಡ್ ನಡತಿನ l 24ನೇ ರಾಜ್ಯಮಟ್ಟದ ಜೂನಿಯರ್ ಬೊಕ್ಕ ಸಬ್ ಜೂನಿಯರ್ ಪವರ್ ಲಿಫ್ಟಿಂಗ್ ಚಾಂಪಿಯನ್‍ಶಿಪ್‍ದ ಮಹಿಳಾ ವಿಭಾಗಡ್ ಆಳ್ವಾಸ್ ತಂಡ ಸುರುತ್ತ ಇನಾಮು ಅಂಚನೇ ಆಂಜೊವ್ ಲೆನ ವಿಭಾಗಡ್ ರನ್ನರ್‍ಅಪ್ ಆತುಂಡು .

ಐಕಳ ಬಾವ ಕಾಂತಾಬಾರೆ ಬೂದಾಬಾರೆ ಕಂಬುಲೊಗು ಮುಗಿತಲದ ಚುಕ್ಕೆ- ೧೭೫ ಜೋಡಿ ಎರ್ಲು ಪಾಲ್ ಪಡೆಯಿನ ದಾಖಲೆ

ಮುಲ್ಕಿ : ಐತಿಹಾಸಿಕ ಐಕಳ ಬಾವ ೪೫ ನೇ ಕಾಂತಾಬಾರೆ ಬೂದಾಬಾರೆ ಕಂಬುಲ ಫೆ.೫ ತಾರೀಕ್ ಗ್ ಸುರುವಾದ್ ಫೆ.೬ ತಾರೀಕ್ ಬಯ್ಯಮುಟ್ಟ ಬಾರಿ ಗೌಜಿಡ್ ನಡತ್ಂಡ್.
ರಡ್ಡ್ ದಿನ ನಡತಿನ ಈ ಕಂಬುಲೊಡು ದಾಖಲೆದ ೧೭೫ ಜೋಡಿ ಎರ್ಲು ಪಾಲ್ ಪಡೆದಿತ್ತ.
ಬಯ್ಯದ ಪೊರ್ತುಡು ನಡತಿನ ಮುಗಿತಲದ ಲೇಸ್ ಡ್ ಐಕಳ ಕಂಬುಲ ಸಮಿತಿದ ಗುರ್ಕಾರ್ಲು ಡಾ.ದೇವಿ ಪ್ರಸಾದ್ ಶೆಟ್ಟಿ ಮಾತೆರೆಗ್ಲ ಸೊಲ್ಮೆ ಸಂದಾಯೆರ್. ಈ ಸರ್ತಿ ಚೆನ್ನೆ ಎರುಕ್ಕು ಮಾನಾದಿಗೆ ನಡತ್ಂಡ್. ನನ ದುಂಬಗ್ ಪ್ರತಿ ವರ್ಷ ಲ ಒಂಜೊಂಜಿ ಎರ್ಲೆಗ್ ಮಾನಾದಿಗೆ ಮಲ್ಪುನ ಇರಾದೆ ಉಂಡು ಪಂಡೆರ್.
ಪದಿರಾಡ್ ಜನ ಎರ್ಲೆನ ಯಜಮಾನೆರ್ ಬೊಕ್ಕ ಎರ್ಲೆನ್ ಗಿಡತಿನಕುಲೆಗ್ ಮಾನಾದಿಗೆ ನಡತ್ಂಡ್.ಕಂಬುಲದ ತೀರ್ಪು ಕೊರಿನಲೆಗ್ಲ ಮಾನಾದಿಗೆ ನಡತ್ಂಡ್.

ಗೆಂದಿನಿ ಏರ್ ?
ಕನೆಪಲಯಿಡ್ ವಾಮಂಜೂರು ತಿರುವೈಲುಗುತ್ತು ಅಭಯ್ ನವೀನ್ಚಂದ್ರ ಆಳ್ವೆರ್ನ ಎರ್ಲು ಸುರೂತ್ತ ಇನಾಮು ಗೆಂದ್ಂಡ್. ಗಿಡದಿನಾರ್ ಬೈಂದೂರು ಭಾಸ್ಕರ ದೇವಾಡಿಗೆರ್.(ಅಂಚೆನೇ 6.5 ಕೋಲು ನಿಶಾನೆಗೆ ನೀರು ರಟ್ಟಾದದೆನರ್).
ಬೊಳ್ಳಂಬಳ್ಳಿ ಚೈತ್ರ ಪರಮೇಶ್ವರ ಭಟ್ (೨ ನೇ ಇನಾಮು)ಪಲಯಿಮುಟ್ಟಿನಾರ್ ಬೈಂದೂರು ಮಹೇಶ್ ಪೂಜಾರಿ(6.5 ಕೋಲು ನಿಶಾನೆಗೆ ನೀರು ರಟ್ಟಾದೆರ್)
ಅಡ್ಡ ಪಲಯಿ: ಬೋಳಾರ ತ್ರಿಶಾಲ್ ಕೆ ಪೂಜಾರಿ (ಒಂಜಿನೇ) ಪಲಯಿ ಮುಟ್ಟಿನಾರ್ ಮಂದಾರ್ತಿ ಶಿರೂರು ಗೋಪಾಲ ಕೃಷ್ಣ ನಾಯ್ಕ್.
ಆಲದಪದವು ಮೇಗಿನಮನೆ ಅಜ್ಜಾಡಿ ಬಾಬು ರಾಜೇಂದ್ರ ಶೆಟ್ಟಿ (೨ನೇ) ಪಲಯಿ ಮುಟ್ಟಿನಾರ್ ಬಂಗಾಡಿ ಕುದ್ಮನ್ ಲೋಕಯ್ಯ ಗೌಡ್ರು.
ಬಲ್ಲ್ ದ ಮಲ್ಲ ಎರ್ಲೆನ ವಿಭಾಗೊಡು ಮಿಜಾರು ಪ್ರಸಾದ್ ನಿಲಯ ಶಕ್ತಿ ಪ್ರಸಾದ್ ಶೆಟ್ಟಿ ಎ” (೧ ನೇ)
ಗಿಡದಿನಾರ್ ಮಿಜಾರ್ ಅಶ್ವಥಪುರ ಶ್ರೀನಿವಾಸ ಗೌಡ. ಮಿಜಾರು ಪ್ರಸಾದ್ ನಿಲಯ ಶಕ್ತಿ ಪ್ರಸಾದ್ ಶೆಟ್ಟಿ ಬಿ (೨ ನೇ) ಗಿಡದಿನಾರ್ ಅಶ್ವಥಪುರ ಶ್ರೀನಿವಾಸ ಗೌಡ.ಎಲ್ಯ ಎರ್ಲೆನ ಬಲ್ಲ್ ದ ವಿಭಾಗೊಡು ಸುರೂತ್ತ ಇನಾಮು ಮೂಡಬಿದ್ರಿ ನಿವ್ ಪಡಿವಾಲ್ಸ್ ಹಾರ್ದಿಕ್ ಹರ್ಷವರ್ಧನ ಪಡಿವಾಳ್ಸ್ ಗಿಡದಿನಾರ್ ಅಶ್ವಥಪುರ ಶ್ರೀನಿವಾಸ ಗೌಡ.ರಡ್ಡನೇ ಇನಾಮು ಜಪ್ಪು ಮನ್ಕುತೋಟಗುತ್ತು ಸಾಚಿ ಅನಿಲ್ ಶೆಟ್ಟಿ. ಗಿಡದಿನಾರ್ ಪಣಪಿಲ ಪ್ರವೀಣ್ ಕೋಟ್ಯಾನ್.
ನುಗತ್ತ ಮಲ್ಲ ಎರ್ಲು ಸುರೂತ್ತ ಇನಾಮು ಕೌಡೂರು ಬೀಡು ತುಷಾರ್ ಮಾರಪ್ಪ ಭಂಡಾರಿ ಬಿ ಗಿಡದಿನಾರ್ ಬಾರಾಡಿ ನತೀಶ್. ರಡ್ಡನೇಇನಾಮು ಇರುವೈಲು ಪಾನಿಲ ಬಾಡ ಪೂಜಾರಿ ಎ . ಗಿಡದಿನಾರ್ ಬೈಂದೂರು ವಿವೇಕ್
ನುಗ ಎಲ್ಯ ಎರ್ಲೆನ ವಿಭಾಗ
೧ ನೇ ಕಾಂತಾವರ ಬಾಂದೊಟ್ಟು ನಿಖಿಲ್ ಮೋಕ್ಷಿತ್ ಕುಮಾರ್. ಗಿಡದಿನಾರ್ ಮರೋಡಿ ಶೀಧರ್. ರಡ್ಡನೇ ಕಾರಿಂಜ ಕೊಂಬೆಲ್ ಗುತ್ತು ಪ್ರಶಾಂತ್ ಪೂಜಾರಿ ಎ. ಗಿಡದಿನಾರ್
ಅತ್ತೂರು ಕೋಡಂಗೆ ಸುಧೀರ್ ಸಾಲ್ಯಾನ್.
ವಿಜಯಕುಮಾರ್ ಕಂಗಿಮಾರ್ ಲೇಸ್ ನಡಪಾದ್ ಕೊರಿಯೆರ್.