ಕುಡ್ಲದ ಸುದ್ದಿ | Mangalore News

ಸಾಮರಸ್ಯದ ಸಂಕೇತ ಶ್ರೀ ರಾಮ – ಪ್ರಭಾಕರ ಭಟ್ ಕಲ್ಲಡ್ಕ

ಶ್ರೀ ರಾಮ ಮಂದಿರ ನಿಧಿ ಸಮರ್ಪಣಾ ಅಭಿಯಾನ ಐತಾರದಾನಿ ಬಡಾನಿಡಿಯೂರು ದ ಪಂಡರೀನಾಥ ವಿಠೋಭ ಭಜನಾ ಮಂದಿರಡ್ ನಡತುಂಡ್.ರಾಷ್ಟ್ರೀಯ ಸೇವಾ ಸಂಘದ ಮುಖ್ಯಸ್ಥೆರಾಯಿನ ಪ್ರಭಾಕರ ಭಟ್ ಕಲ್ಲಡ್ಕ ಈ ಕಜ್ಜೊಡ್ ಬೌದ್ಧಿಕ್ ಕೊರಿಯೆರ್..ಅಯೋಧ್ಯೆಡ್ ಶ್ರೀ ರಾಮದೇವೆರ್ನ ಮಂದಿರ ನಿರ್ಮಾಣ ಆವೊಡಾಂಡ ಐಕ್ ಸಾವಿರ ಅಡೆ ತಡೆ ಇತ್ತುಂಡ್..ಆಂಡಲಾ ರಾಮಭಕ್ತೆರ್ ಒವ್ವೇ ರೀತಿದ ತಾಪತ್ರೆನ್ ಲಾ ಎದುರಿಸಾವೆರುಗ್ ತಯಾರಿತ್ತೆರ್.ಅಂಚ ಬತ್ತಿನ ಬಂಗೊಗ್ ಇನಿ ಎಡ್ಡೆ ಫಲ ತಿಕ್ಕುನ ಸಂದರ್ಭ ಬೈದುಂಡ್.ರಾಮದೇವೆರ್ ಕೋಟಿ ಕೋಟಿ ಜನಕ್ಲೆಗಾದ್ ಉಪ್ಪುನ ದೇವೆರ್.ಅಂಚಾದ್ ರಾಮಮಂದಿರ ನಿರ್ಮಾಣೊಗ್ ಪ್ರತಿಯೊರಿನಲಾ ದುಡ್ಡು ಭಕ್ತಿಪೂರ್ವಕವಾದ್ ಸಮರ್ಪಣೆ ಆವೊಡ್.ಇಲ್ಲಗ್ ಇಲ್ಲಗ್ ಪೋದು ದುಡ್ಡು ಒಟ್ಟು ಮಲ್ಪುನ ಬೇಲೆ ರಾಮಭಕ್ತೆರ್ ಮಲ್ಪೊಡ್.

ರಾಮರಾಜ್ಯದ ನಿರ್ಮಾಣ ದ ಭೂಮಿಪೂಜೆನ್ ಪ್ರಧಾನಿ ಮೋದಿಜಿ ಮಲ್ಪುನ ಪೊರ್ತುಡ್ ಇಡೀ ಜಗತ್ತೇ ತೂತುಂಡ್.ಶಕ್ತಿಯ ಪ್ರದರ್ಶನ ಭಕ್ತಿಯ ದರ್ಶನ ಮಲ್ಪುನ ಪೊರ್ತು ಬೈದುಂಡ್.ಅಂಚಾದ್ ಇಂಚಿನ ಪವಿತ್ರ ಬೇಲೆಗ್ ನಮ ಮಾತೆರ್ಲಾ ಒಟ್ಟಾದ್ ಶಕ್ತಿವಂತೆರಾದ್ ಮಲ್ಪುಗ ಪಂಡುದ್ ಈ ಪೊರ್ತುಡ್ ರಾಮಭಕ್ತೆರೆಡ ಬಿನ್ನಪ ಮಲ್ತೆರ್.ವೇದಿಕೆಡ್ ಶ್ರೀ ಪಂಡರೀನಾಥ ವಿಠೋಭ ಭಜನಾ ಮಂದಿರ ಬಡಾನಿಡಿಯೂರುದ‌‌‌‌ ಅಧ್ಯಕ್ಷೆರಾಯಿನ ಹರೀಶ್ ಮೈಂದನ್,ಮತ್ಸೋದ್ಯಮಿ ರಮೇಶ್ ಕೋಟ್ಯಾನ್ ಉಪಸ್ಥಿತರಿತ್ತೆರ್.

ಕಲ್ಲಮುಂಡ್ಕೂರು ಪೇಂಟೆಡ್ ತುಳು ಲಿಪಿ ಬೋರ್ಡ್ ಉದಿಪನ

ತುಳು ಬಾಸೆಗ್ ಮಾನಾದಿಗೆ ತಿಕ್ಕೊಡು, ತುಳು ಬಾಸೆ ರಾಜ್ಯದ ಅಧಿಕೃತ ಬಾಸೆ ಆವೊಡು, ತುಳು ಬಾಸೆ 8ನೇ ಪರಿಚಯೊಗ್ ಸೇರೊಡು ಪನ್ಪಿನ ಉದ್ದೇಶಡ್ ತುಳುನಾಡ್ ದ ಮಾತ ಜನಕುಲು ಅಂಚನೆ ತುಳುಕಾದ್ ಬೆನ್ನಿ ಬೆನ್ಪಿನ ತುಳು ಸಂಘಟನೆಲು ಸೇರ್ದ್ ಇಂಚಪ್ಪಗ್ ತುಳುನಾಡ್ ಒರ್ಮೆ ತುಳು ಲಿಪಿನ್ ಕಲ್ಪರೆ ಅಂಚನೆ ತುಳು ಲಿಪಿ ಗಳಸರೆ ಸುರು ಮಲ್ದೆರ್.

ಅಂಚನೆ ಯುವ ತುಳುನಾಡ್ ®️ ಕುಡ್ಲ ಬೊಕ್ಕ ಕಲ್ಲಮುಂಡ್ಕೂರು ಊರ್ದ ಪತ್ತ್ ಸಮಸ್ತೆರ್ ಸೇರ್ದ್ ಕಲ್ಲಮುಂಡ್ಕೂರು ಪೇಂಟೆಡ್ ತುಳು ಲಿಪಿ ಬೋರ್ಡ್ ಉದಿಪನ ಮಲ್ತೆರ್.
ಇ ಪೊರ್ತುಡು ಜಯಪ್ರಕಾಶ್ ಪಡಿವಾಳ ತುಳು ಲಿಪಿ ಬೋರ್ಡ್ ನ್ ಉದಿಪನ ಮಲ್ತೆರ್. ಲೇಸ್ ದ ಗುರ್ಕಾರ್ಲು ಆದ್ ಧನಕೀರ್ತಿ ಬಲಿಪ, ವೇದಿಕೆದ ಬಿನ್ನೆರಾದ್ ಕಸ್ತೂರಿ ಪಂಜ, ಜಿಲ್ಲಾ ಪಂಚಾಯತ್ ಉಪಾಧ್ಯಕ್ಷರು ದ.ಕ ಜಿಲ್ಲೆ, ಯಾದವ್ ಕೋಟ್ಯಾನ್,ಮಾನಾದಿಗೆದ ಗುರ್ಕಾರ್ಲು ಯುವ ತುಳುನಾಡ್®️ ಕುಡ್ಲ, ಎಂ. ಚಂದ್ರಹಾಸ ದೇವಾಡಿಗ, ನಾಗರಾಜ್ ಕಾಮತ್, ಸಂದೀಪ್ ಸಾಲ್ಯಾನ್, ಸುಂದರ ಪೂಜಾರಿ, ವಸಂತ ನಾಯ್ಕ್, ಈಶ್ವರ ಕಟೀಲ್, ಶಾಂಭವಿ ಶೆಟ್ಟಿ, ಕೇಶವ ಪೂಜಾರಿ,ರಕ್ಷಿತ್ ಭಟ್,ಲಿಖೇಶ್ ಪೂಜಾರಿ,ಗಿರೀಶ್ ಭಟ್,ಕಿಶನ್ ನಾಯ್ಕ್,ಸಂಪ್ರೀತ್ ಪೂಜಾರಿ,ರೋಶನ್ ಸಿಕ್ವೇರಾ,ಅಭಿಜಿತ್,ಸುದೀಪ್,ಪ್ರಸಾದ್ ಜೋಗಿ,ಆನಂದ ಸುವರ್ಣ ಇತ್ತೆರ್. ಇ ಪೊರ್ತುಡು ಯುವ ತುಳುನಾಡ್ ®️ ಕುಡ್ಲ ಸಂಘಟನೆದ ಪ್ರಧಾನ ಕಾರ್ಯಂತೆರ್ ರಿತೇಶ್ ಡಿಸೋಜ, ಖಜಾಂಜಿ ರಕ್ಷಣ್ ಪೂಜಾರಿ, ಮಹಿಳಾ ಗುರ್ಕಾರ್ದಿ ದೀಪಿಕಾ ಶೇರಿಗಾರ್, ಪದುಕೆರ್ ಗ್ಲೆನ್ ವಿಶಾಲ್ ಡಿಸಿಲ್ವ ಇತ್ತೆರ್. ಲೇಸ್ ದ ಸುದಾರಿಮೆನ್ ಗುರು ಎಂ ಪಿ ಮೆರ್ ಮಲ್ತೆರ್ಡ, ಸೊಲ್ಮೆ ಸಂದಾಯಿತನ್ ರಕ್ಷಣ್ ಪೂಜಾರಿ ಮಲ್ತೆರ್.

ಕೋಟಿ ಚೆನ್ನಯೆರ್ನ ಜೀವನಗಾಥೆ ಪ್ರಬಂಧ ಪಂತೋ

ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರ (ರಿ.) ಬೈದಶ್ರೀ ಆದಿ ಉಡುಪಿ ಮೊಕ್ಲೆನ ಒಟ್ಟು ಸೇರಿಗೆಡ್ 10 ವರ್ಷ ಜಾಸ್ತಿ 20 ವರ್ಷರ್ದ್ ತಿರ್ತ್ ದ ಜೋಕ್ಲೆಗಾದ್ ಕೋಟಿ ಚೆನ್ನಯೆರ್ನ ಜೀವನಗಾಥೆ ಪ್ರಬಂಧ ಪಂತೋ ನಡಪರೆ ಉಂಡು. ಜಾಲತಾಣದ ಮುಖೇನ ಬರೆದ್/ ಟೈಪ್ ಮಲ್ತ್ ದ್ ಕಡಪಾವೊಲಿ. ಕಡಪಾಯರೆ ಕಡೇತ ದಿನ 15-1-2021.ಗೆಂದಿನಕ್ಲೆಗ್ ಪಣಾವುದ ಇನಾಮು ಉಂಡು. ಪಂದ್ ಪ್ರಕಟಣೆಡ್ ತೆರಿಪಾದೆರ್.