ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Tue. Jun 30th, 2026

ಕುಡ್ಲದ ಸುದ್ದಿ | Mangalore News

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕುಡ್ಲ: ಪಡಿತರ ಚೀಟಿರ್ದ್ ತೀರ್‌ಪೋಯಿನಕ್ಲೆನ ಪುದರ್ ದೆಪ್ಪೆರೆ ಡಿ.ಸಿ ಸೂಚನೆ

ಕುಡ್ಲ: ದ.ಕ ಜಿಲ್ಲೆಡ್ ಕೆಲವೊಂಜಿ ಕುಟುಂಬದ ಸದಸ್ಯೆರ್ ತೀರ್‌ಪೋದಿತ್ತ್ಂಡಲ ಅಕ್ಲೆನ ಪುದರ್ ಪಡಿತರ ಚೀಟಿರ್ದ್ ನನಲ ದೆತ್ತಿಜೆರ್. ಇಂಚ 13,133 ಫಲಾನುಭವಿನಕ್ಲೆನ ಪುದರ್ ಪಡಿತರ ಚೀಟಿಡ್ ಅಕ್ರಮವಾದ್ ಒರಿತೊಂದೆರ್ ಪಂದ್ ತೆರಿದ್ ಬೈದ್ಂಡ್.

ಅಂಚಿನ ಪಡಿತರ ಚೀಟಿ ಇತ್ತಿನಕುಲ್ ತೀರ್‌ಪೋಯಿನಕ್ಲೆನ ದಾಖಲಾತಿನ್ ತಾಲೂಕು ಕಚೇರಿಗ್ ಕೊರ್ದು ಪಡಿತರ ಚೀಟಿರ್ದ್ ಪುದರ್ ದೆಪ್ಪೊಡು. ಇಜಿಂಡ ಅಂಚಿನಕ್ಲೆನ ಕಾರ್ಡ್ ನಿಯಮದ ಪ್ರಕಾರ ಅನರ್ಹ ಮಲ್ಪ ಪಂದ್ ತೆರಿಪಾದೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕುಡ್ಲದ ಗಡ್ ಬಡ್‌ ಐಸ್ ಕ್ರೀಮ್ ಗ್ ಜಗತ್ತ್ ದ ಟಾಪ್ 100 ಪಟ್ಟಿಡ್ ತಾನಮಾನ

ಕುಡ್ಲಡ್ ಐಡಿಯಲ್ ಐಸ್‌ಕ್ರೀಮ್ ಪನ್ಪಿನ ಬ್ರಾಂಡ್ ಬೊಕ್ಕ ಗಡ್‌ಬಡ್ ಐಸ್ ಕ್ರೀಮ್ ದ ರುಚಿ ಜೋಕ್ಲೆರ್ದ್ ಪರಬೆರ್ ಮುಟ್ಟಲ ಗೊತ್ತುಂಡು. ಸುಮಾರ್ 48 ವರ್ಷರ್ದ್ ಐಡಿಯಲ್ ತನ್ನ ಮಳಿಗೆನ್ ವಿಸ್ತಾರ ಮಲ್ತ್ ದ್ ಪಬ್ಬಾಸ್, ಐಡಿಯಲ್ ಕೆಫೆ ನೆಟ್ ಸ್ವಾದದ ರುಚಿನ್ ಕೊರೊದುಂಡು.

ಉದ್ಯಮಿ ಪ್ರಭಾಕರ ಕಾಮತ್ ಮೇರ್ ಶುರು ಮಲ್ತಿನ ಐಡಿಯಲ್ ಐಸ್‌ಕ್ರೀಂ ಇತ್ತೆ ಅರೆನ ಮಗೆ ಮುಕುಂದ ಕಾಮತ್ ಪೊಸತನ, ಪೊಸ ಐಡಿಯಾ, ಪೊಸ ಸ್ವಾದದ ಒಟ್ಟಿಗೆ ಈ ಐಸ್‌ಕ್ರೀಮ್ ಜಗತ್ತ್ ಡೇ ಪುಗರ್ತೆ ಪಡೆದ್ಂಡ್ . ಈ ಪೊರ್ತುಡೆ ಗಡ್‌ಬಡ್ ಗ್ ವಿಶ್ವದ ಮಾನಾದಿಗೆ ತಿಕ್ ದ್ಂಡ್. ಈ ಗಡ್ ಬಡ್ ಐಟಂ ಇತ್ತೆ ವಿಶ್ವದ ಟಾಪ್ 100 ಟ್ ಸ್ಥಾನ ಪಡೆತ್ಂಡ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಜು.30: ಮರಾಟಿ ಸಮಾಜ ಸೇವಾ ಸಂಘ(ರಿ) ನಿರೆಲ್ಡ್ ಕೆಸರ್‌ಗದ್ದೆ ಕ್ರೀಡಾಕೂಟ

ಪುತ್ತೂರು: ಮರಾಟಿ ಸಮಾಜ ಸೇವಾ ಸಂಘ(ರಿ) ಕೊಂಬೆಟ್ಟು ಬೊಕ್ಕ ಮರಾಟಿ ಯುವ ವೇದಿಕೆ ಕೊಂಬೆಟ್ಟು ಮೊಕ್ಲೆನ ನಿರೆಲ್ಡ್ ಮರಾಟಿ ಯುವ ವೇದಿಕೆ ಭಜನಾ ತಂಡ ಬೊಕ್ಕ ಆರ್ಯಾಪು ಗ್ರಾಮದ ಮರಾಠಿ ಭಾಂದವೆರ್‌ನ ಸಹಕಾರದೊಟ್ಟಿಗೆ ಕಂಬುಳೊದ ಕಂಡೊಡ್ ಆಟಿದ ಐಸಿರ ಕೆಸರ್‌ಗದ್ದೆ ಕ್ರೀಡಾಕೂಟ ಆರ್ಯಾಪು ಗ್ರಾಮದ ಮೇಲ್ಮಜಲ್ ಹಳೆಮನೆ ಗದ್ದೆಡ್ ನಡೆಪೆರುಂಡ್.

ಈ ಲೇಸ್‌ಡ್ ಪೊಜ್ಕೊಕ್ಲೆಗ್ ರಿಲೇ, ಹಗ್ಗ-ಜಗ್ಗಾಟ, ಹಿಂಬದಿ ಓಟ, ಮೂರು ಕಾಲಿನ ಓಟ, ಮಡಕೆ ಹಾಕುನ, 100 ಮೀಟರ್ ಓಟ, ತ್ರೋಬಾಲ್ ಸ್ಪರ್ಧೆ ದೀತೆರ್.

ಆಂಜೊಕ್ಲೆಗ್: ಹಗ್ಗ ಜಗ್ಗಾಟ, ವಾಲಿಬಾಲ್, ರಿಲೇ, 100 ಮೀಟರ್ ಓಟ, ಹಿಂಬದಿ ಓಟ, ಮೂರು ಕಾಲಿನ ಓಟ, ನಿಧಿ ಶೋಧ, ಮಡಕೆ ಹಾಕುನ, ಕೆಸರ್‌ಡ್ ಜಾರ್ ಕಂಬ ಬರ್ತುನ ಸ್ಪರ್ಧೆ ದೀತೆರ್.

ಜೊಕ್ಲೆಗ್: ಓಟ, ಹಿಂಬದಿ ಓಟ, ನಿಂಬೆ ಚಮಚ ಓಟ, ಅಡಿಕೆ ಹಾಲೆ ಎಳೆಯುವುದು, ಮಡಿಕೆ ಹಾಕುನ ಸ್ಪರ್ಧೆ ದಿತೇರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಸಂಚಾರ ನಿಯಮ ಉಲ್ಲಂಘನೆ 222 ಡಿಎಲ್ ರದ್ದ್

ಕುಡ್ಲ: ಬೇಜವಾಬ್ದಾರಿ ಬೊಕ್ಕ ನಿಯಮ ಮೀರಿನ ವಾಹನ ಚಾಲನೆಗ್ ಬರೋಬ್ಬರಿ 222 ಜನಕ್ಲೆನ ವಾಹನ ಚಾಲನೆ ಪರವಾನಿಗೆ ರದ್ದ್ ಮಲ್ಪುನಂಚ ಸಾರಿಗೆ ಅಧಿಕಾರಿಗ್ ಶಿಫಾರಸ್ ಮಲ್ತ್ ದೆೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಜು.28 ಕುಡ್ಲ ವಿವಿ ಕಾಲೇಜಿಡ್ ಆಟಿದ ಕೂಟ ತುಳುವೆರೆ ತೆನಸ್

ಕುಡ್ಲ: ಮಂಗಳೂರು ವಿಶ್ವವಿದ್ಯಾಲಯ, ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳುಪೀಠ, ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್, ಕುಡ್ಲ ಶ್ರೀ ಸಂಸ್ಥಾನ ಒಡಿಯೂರು ತುಳು ಅಧ್ಯಯನ ಕೇಂದ್ರ ಮೊಕ್ಲೆನ ಒಟ್ಟು ಸೇರಿಗೆಡ್ ಆಟಿದ ಕೂಟ ತುಳುವೆರೆ ತೆನಸ್ ಅಟಿಲ್ ಅರಗಣೆ ಪಂತೊ ಲೇಸ್ ಸುಕ್ರಾರ ಬಯ್ಯಗ್ 5.30 ಗಂಟೆಗ್ ಹಂಪನಕಟ್ಟೆದ ರವೀಂದ್ರ ಕಲಾಭವನಡ್ ನಡಪೆರೆ ಉಂಡು.

ಲೇಸ್ ದ ಗುರ್ಕಾರ್ಲಾದ್ ಕುಡ್ಲ ವಿ.ವಿ ಸಂಧ್ಯಾ ಕಾಲೇಜ್‌ದ ಪ್ರಾಂಶುಪಾಲೆರ್ ಡಾ.ಲಕ್ಷ್ಮೀದೇವಿ ಎಲ್ ಪಾಲ್‌ಪಡೆಯೆರೆ ಉಲ್ಲೆರ್. ಸಂಪನ್ಮೂಲ ವ್ಯಕ್ತಿಲಾದ್ ಹಿರಿಯ ಪತ್ರಕರ್ತೆರ್ ಬೊಕ್ಕ ಅಧ್ಯಕ್ಷೆರ್ ಕುಡ್ಲ ಪ್ರೆಸ್ ಕ್ಲಬ್ ಶ್ರೀ ಪಿ.ಬಿ ಹರೀಶ್ ರೈ, ಸಾಹಿತಿಲು ಶ್ರೀ ರೂಪಕಲಾ ಆಳ್ವ, ಬರವುಗಾರೆರ್, ತುಳು ಲಿಪಿ ಶಿಕ್ಷಕೆರ್ ಶ್ರೀ ಗೀತಾ ಲಕ್ಷ್ಮೀಶ್ ಪಾಲ್‌ಪಡೆಯೆರೆ ಉಲ್ಲೆರ್.

ಗೌರವ ಉಪಸ್ಥಿತಿಟ್ ಸಂಯೋಜೆಕೆರ್, ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ಡಾ. ಮಾಧವ ಎಂ.ಕೆ, ಸಂಯೋಜೆಕೆರ್, ಎಂ.ಕಾಂ ಎಂ.ಬಿ.ಎ ವಿಭಾಗ ಡಾ. ಜಗದೀಶ್ ಎಂ.ಬಿ., ಕಾರ್ಯಕ್ರಮದ ಸಂಯೋಜೆಕೆರಾದ್ ತುಳು ಎಂ.ಎ ವಿಭಾಗದ ಶ್ರೀ ಪ್ರಶಾಂತಿ ಶೆಟ್ಟಿ ಇರುವೈಲು, ಕೊಂಕಣಿ ಎಂ.ಎ ವಿಭಾಗದ ಡಾ.ಬಿ. ದೇವದಾಸ್ ಪೈ, ಎಂ.ಕಾಂ ವಿಭಾಗದ ಶ್ರೀ ವೆಂಕಟೇಶ್ ನಾಯಕ್, ಎಂ.ಬಿ.ಎ(ಐಬಿ) ವಿಭಾಗದ ಶ್ರೀ ರಾಜೇಶ್ ಕುಮಾರ್ ಪಾಲ್ ಪಡೆಯೆರುಲ್ಲೆರ್.

ಕುಡ್ಲ ವಿ.ವಿ ಸಂಧ್ಯಾ ಕಾಲೇಜ್‌ದ ಉಪನ್ಯಾಸಕೆರ್, ಸಿಬ್ಬಂದಿ ವರ್ಗಲು, ಬೊಕ್ಕ ವಿದ್ಯಾರ್ಥಿಲು ಕಾರ್ಯಕ್ರಮಗ್ ಮೋಕೆಡ್ ಎದ್ಕೊಂದೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

2023 ಆಗಸ್ಟ್ ತಿಂಗೊಲುಡ್ ಒವ್ ದಿನ ಬ್ಯಾಂಕ್‌ ರಜೆ

ಸಾಮಾನ್ಯವಾದ್ ಬ್ಯಾಂಕ್‌ಗ್ ರಡ್ಡನೇ ಶನಿವಾರ ಬೊಕ್ಕ ನಾಲನೇ ಶನಿವಾರದ ಒಟ್ಟಿಗೆ ರಾಷ್ಟ್ರೀಯ ರಜಾದಿನ, ಕೆಲವ್ ಪರ್ಬದಾನಿ ಬ್ಯಾಂಕ್ ಬಂದ್ ಉಪ್ಪುಂಡು.

2023 ಆಗಸ್ಟ್ ತಿಂಗೊಲುಡ್ ಕರ್ನಾಟಕಡ್ ಜಾಸ್ತಿ ದಿನ ಬ್ಯಾಂಕ್‌ಗ್ ರಜೆ ಇಜ್ಜಿ. ಇಂಚಾದ್ ಬ್ಯಾಂಕ್ ಗ್ರಾಹಕೆರೆರ್ನ ಕೆಲಸ-ಕಾರ್ಯಗ್ ಈ ತಿಂಗೊಲು ತೊಂದರೆ ಇಜ್ಜಿ.

ಆ.12 ರಡ್ಡನೇ ಶನಿವಾರದ ರಜೆ. ಆ.15 ಸ್ವಾತಂತ್ರ್ಯ ದಿನಾಚರಣೆಗ್ ಬ್ಯಾಂಕ್‌ಗ್ ರಜೆ. ಆ.26 ನಾಲನೇ ಶನಿವಾರ ಬ್ಯಾಂಕ್‌ಗ್ ರಜೆ.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಸೆ.16 ಯುವ ಬಂಟ ಸಮ್ಮೇಳನ

ಕುಡ್ಲ ಬಂಟರ ಯಾನೆ ನಾಡವರ ಮಾತೃ ಸಂಘ (ರಿ) ನಿರೆಲ್ಡ್ ಶ್ರೀ ಸಿದ್ದಿ ವಿನಾಯಕ ಬೊಕ್ಕ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಲೆಕ್ಕಡ್ ಓಂಕಾರ ಬಂಟ್ಸ್ ಹಾಸ್ಟೆಲ್ ಕುಡ್ಲ ಮೂಲ್ ಸೆಪ್ಟೆಂಬರ್ 16 ದಾನಿ ಬಂಟ ಯುವ ಸಮ್ಮೇಳನ ನಡಪರೆ ಉಂಡು.

ಲೇಸ್‌ದ ಪೂರ್ವಭಾವಿ ಸಭೆ ಬಂಟ್ಸ್ ಹಾಸ್ಟೆಲ್ ಅಮೃತೋತ್ಸವ ಕಟ್ಟಡದ ಸಭಾಂಗಣಡ್ ನಡತ್ಂಡ್.

ಲೇಸ್ ಡ್ ಸಮ್ಮೇಳನ ಸಮಿತಿದ ಉಸ್ತುವಾರಿ ಅಶ್ವತ್ಥಾಮ ಹೆಗ್ಡೆ ಪಾತೆರ್ದ್ ಸೆಪ್ಟೆಂಬರ್ 16 ದಾನಿ ಐತಾರ ಬೊಲ್ಪುಗು ದೀಪ ಉದಿಪನದ ಬೊಕ್ಕ ವಿಚಾರಗೋಷ್ಠಿ, ಸಾಧರ್ಕೆನ ಒಟ್ಟಿಗೆ ಸಂವಾದ, ಸಾಂಸ್ಕೃತಿಕ ಕಾರ್ಯಕ್ರಮ, ಹಾಸ್ಯ ದಿಗ್ಗಜೆರ್ನ ಒಟ್ಟಿಗೆ ಪಟ್ಟಾಂಗ ಕಾರ್ಯಕ್ರಮ ನಡಪೆರೆ ಉಂಡು ಪಂದ್ ತೆರಿಪಾದೆರ್.

ಸುಮಾರ್ 3000 ಜನ ಬಂಟ ಯುವಕ-ಯುವತಿಯೆರ್ ಈ ಲೇಸ್‌ಡ್ ಸೆರಿಯೆರೆ ಉಲ್ಲೆರ್. ಅವ್ವೆ ದಿನ ರೆಡ್ ಕ್ರಾಸ್ ಸಂಸ್ಥೆದ ಒಟ್ಟಿಗೆ ರಕ್ತದಾನ ಶಿಬಿರ ನಡಪರೆ ಉಂಡು.

ಸಮಿತಿದ ಪ್ರಮುಖೆರಾಯಿನ ವಸಂತ ಶೆಟ್ಟಿ, ದಿವಾಕರ ಸಾಮಾನಿ ಚೇಳಾರ್ ಗುತ್ತು, ಅಭಿಷೇಕ್ ಶೆಟ್ಟಿ, ಸಾಹಿಲ್ ರೈ, ಮೀನಾ ಶೆಟ್ಟಿ ಉಪಯುಕ್ತ ಮಾಹಿತಿ ಕೊರಿಯೆರ್. ಅಂಚೆನೆ ಉಲ್ಲಾಸ್ ಶೆಟ್ಟಿ ಪೆರ್ಮುದೆ, ಮನೀಷ್ ರೈ, ಸಾರಿಕಾ ಭಂಡಾರಿ ಈ ಲೇಸ್‌ಡ್ ಪಾಲ್‌ಪಡೆಯೆರ್.

ಉಡುಪಿದ ಸುದ್ದಿ | Udupi News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಒಡಿಪು ಕಾಲೇಜಿಗ್ ಮಾಜಿ ಚಿತ್ರನಟಿ, ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆ ಖುಷ್ಬೂ ಭೇಟಿ

ಒಡಿಪು: ಖಾಸಗಿ ನರ್ಸಿಂಗ್ ಕಾಲೇಜಿದ ಶೌಚಾಲಯಡ್ ವಿದ್ಯಾರ್ಥಿಲೆನ ವೀಡಿಯೋ ಚಿತ್ರೀಕರಣ ಮಲ್ತಿನ ಪ್ರಕರಣದ ವಿಚಾರಣೆ ಮಲ್ಪರೆ ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆ, ಮಾಜಿ ಚಿತ್ರ ನಟಿ ಖುಷ್ಬೂ ಗುರುವಾರ ಆ ಕಾಲೇಜಿಗ್ ಭೇಟಿ ಕೊರ್ತೆರ್.

ಇನಿ ಬೊಲ್ಪುಗು ನೇತ್ರಜ್ಯೋತಿ ಪ್ಯಾರಾ ಮೆಡಿಕಲ್ ಕಾಲೇಜ್‌ಗ್ ಭೇಟಿ ಕೊರ್ತೆರ್. ಕಾಲೇಜ್‌ದ ಆಡಳಿತ ಮಂಡಳಿದ ಮುಖ್ಯಸ್ಥೆ ಲಕ್ಷ್ಮೀ ಕೃಷ್ಣ ಪ್ರಸಾದ್ ಮೇರ್ ಖುಷ್ಬೂ ಮೆರೆನ್ ಎದ್ಕೊಂಡೆರ್. ಕಾಲೇಜಿಡ್ ವೀಡಿಯೊ ಮಲ್ತಿನ ಜಾಗೆಗ್ ಖುಷ್ಬೂ ಪೋದು ಪರಿಶೀಲನೆ ಮಲ್ತೆರ್. ಆಡಳಿತ ಮಂಡಳಿದ ಒಟ್ಟಿಗೆ ಒಂಜಿ ಗಂಟೆ ಪಾತೆರ್ದ್ ಮಾಹಿತಿ ದೆತೊಂಡೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ವೈದ್ಯೆರ್ನ ನಿರ್ಲಕ್ಷ್ಯ; ಬಾಣಂತಿ ತೀರ್ ಪೋಯೆರ್!

ಕುಡ್ಲ: ವೈದ್ಯೆರ್ನ ನಿರ್ಲಕ್ಷ್ಯರ್ದ್ ಬಂಜಿನ ಪೊಂಜೊವ್ ತೀರ್‌ಪೋಯಿನ ಘಟನೆ ಕುಡ್ಲದ ಖಾಸಗಿ ಆಸ್ಪತ್ರೆಡ್ ನಡತ್‌ಂಡ್.

ಬೊಲ್ತೆರ್‌ದ ವೇಣೂರು ನಿವಾಸದ ಪ್ರದೀಪ್ ಅರೆನ ಬೊಡೆದಿ ಶಿಲ್ಪಾ ತೀರ್‌ಪೊಯಿನಾರ್. ರಡ್ಡನೆ ಡೆಲಿವೆರಿಗ್ ಆಪರೇಷನ್ ಮಲ್ತ್ ದ್ ಬಾಲೆನ್ ಪಿದೈ ದೆತ್‌ದೆರ್. ಬಾಲೆ ಸುರಕ್ಷಿತವಾದ್ ಉಂಡು. ಅಪ್ಪೆ ಒಂಜಿ ತಿಂಗೊಲು ಕೋಮಾಡ್ ಇತ್ತ್ ದ್ ಸೋಮವಾರ ತೀರ್‌ಪೋಯೆರ್ ಪಂದ್ ತೆರಿದ್ ಬೈದ್ಂಡ್.

ಶಿಲ್ಪಾ ಒಂಜಿ ತಿಂಗೊಲು ಪಿರಾಕ್ ಇಲ್ಲದಕ್ಲೆನ ಒಟ್ಟಿಗೆ ಟೆಸ್ಟ್ ಗ್ ಪಂದ್ ಆಸ್ಪತ್ರೆಗ್ ಪೋದಿತ್ತೆರ್. ಆಸ್ಪತ್ರೆಡ್ ಕೂಡ್ಲೆ ಅಡ್ಮಿಟ್ ಆವರೆ ಪಂಡೆರ್. ಅಂಚನೆ ಅಡ್ಮಿಟ್ ಆದ್ ಆಪರೇಷನ್ ಮಲ್ಪುನ ಅಗತ್ಯ ಉಂಡ್ ಪಂದ್ ಆಪರೇಷನ್ ಮಲ್ತ್ ಬಾಲೆ ಪಿದೈ ದೆತ್‌ದ್ ಇತ್ತೆರ್. ಆಂಡ ಶಿಲ್ಪಾ ಅರೆಗ್ ರಕ್ತಸ್ರಾವ ಜಾಸ್ತಿ ಆದ್ ಗರ್ಭಕೋಶಡ್ ತೊಂದರೆ ಉಂಡ್ ಪಂದ್ ವೈದ್ಯೆರ್ ಗರ್ಭಕೋಶ ದೆತ್ತ್ ದೆರ್. ಕೋಮಾಡ್ ಇತ್ತಿನ ಶಿಲ್ಪಾ ಸೋಮವಾರ ತೀರ್ ಪೋಯೆರ್.

ಈ ವಿಷಯ ತೆರಿನ ಇಲ್ಲದಕುಲ್ ವೈದ್ಯೆರ್ನ ನಿರ್ಲಕ್ಷ್ಯ ಖಂಡನೆ ಮಲ್ತ್ ದ್ ವಿಶ್ವಕರ್ಮ ಬಾಂಧವೆರ್ ಬೊಕ್ಕ ಸಂಘಟನೆದ ಪ್ರಮುಖೆರ್ ಆಸ್ಪತ್ರೆದ ಎದುರು ಪ್ರತಿಭಟನೆ ಮಲ್ತೆರ್. ವೈದ್ಯೆರ್ನ ನಿರ್ಲಕ್ಷ್ಯ ಗ್ ಅಮಾಯೆಕೆರ್ ಬಲಿ ಆವೊದುಲ್ಲೆರ್, ನೆತ್ತ ಬಗ್ಗೆ ಸೂಕ್ತ ಕ್ರಮ ದೆತೊನಂಚ ಆಗ್ರಹ ಮಲ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ತುಲುವೆರೆ ಕಲ ‘ಸಬಿ ಸವಾಲ್’ ಪಂತೊ

ಕುಡ್ಲ: ತುಲುವೆರೆ ಕಲ , ಕುಡ್ಲ ಸಂಘಟನೆ ಅಟ್ಟಣೆ ಮಲ್ತಿನ ತುಳುನಾಡ್ ದ ನಾಡು ನುಡಿ ನೆತ್ತ ಲೆಕ್ಕಡ್ ‘ಸಬಿ ಸವಾಲ್’ ರಸಪ್ರಶ್ನೆ ಪಂತೊಡು ರೇಣುಕಾ ಕಣಿಯೂರು ಸುರುತ ಬಹುಮಾನ ಪಡೆತೆರ್.
ಭಾಸ್ಕರ್ ಎ ವರ್ಕಾಡಿ ದ್ವಿತೀಯ, ಕೆ. ಶಶಿಕಲಾ ಭಾಸ್ಕರ್ ದೈಲಾ ಬಾಕ್ರಬೈಲ್ ತೃತೀಯ ಸ್ಥಾನನ್ ಪಡೆತೆರ್.

ಮಿತ್ತೂರು ವಿಶ್ವನಾಥ ಕುಲಾಲ್, ಪೂರ್ಣಿಮಾ ಕಿರಣ್ ಮಂಜೇಶ್ವರ, ರಕ್ಷಿತ್ ಬಿ. ಕರ್ಕೇರ ಪದವಿನಂಗಡಿ, ಅನುರಾಧಾ ರಾಜೀವ್ ಸುರತ್ಕಲ್, ಆರ್.ಕೆ ನಿರಂಜನ್, ಶ್ವೇತಾ ಅಮೈ, ದಿವ್ಯಾ ಅಂಚನ್ ಪಕ್ಷಿಕೆರೆ, ಅಶೋಕ ಎನ್ ಕಡೇಶಿವಾಲಯ, ಸತೀಶ್ ಸಾಲಿಯಾನ್ ನೆಲ್ಲಿಕುಂಜೆ, ಹರಿಣಿ ಎಂ ಶೆಟ್ಟಿ ಕಾಪು, ಪ್ರಫುಲ್ಲ ದಿನೇಶ್ ಶೆಟ್ಟಿ ಡೊಂಬಿವಿಲಿ, ನಿರ್ಮಲಾ ಶೇಸಪ್ಪ ಖಂಡಿಗೆ ಮೊಕುಲ್ ತೀರ್ಪುಗಾರೆರ್ನ ಮೆಚ್ಚುಗೆ ಪಡೆಯೆರ್.

ತಂಡದ ಅಧ್ಯಕ್ಷೆರ್ ಗೀತಾ ಲಕ್ಷ್ಮೀಶ್ ಪಂತೊ ಸಂಯೋಜನೆ ಮಲ್ತೆರ್.

You Missed

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

“ಕೃಷ್ಣಣ್ಣ ಬೇಗ ಬಲೆ” ನಾಟಕದ ಮೂರ್ತ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳುವ ಮಹಾಸಭೆ ಇಂಟರ್ ನ್ಯಾಷನಲ್‌ದ ಗುರ್ಕಾರೆ ಆದ್ ಸರ್ವೋತ್ತಮ ಶೆಟ್ಟಿ ಆಯ್ಕೆ

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಲುನಾಡ ಮೂಲ್ಯೆರ್ -ಕುಲಾಲೆ”ರ್‌ನ ಮೂಲ ಕಟ್ಟ್ ಕಟ್ಟಳೆದ ತುಲಿಪು

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಬಂಟ್ಸ್ ಹಾಸ್ಟೆಲ್ ಶ್ರೀ ಸಿದ್ದಿವಿನಾಯಕ ಪ್ರತಿಷ್ಠಾನದ ಸಾರ್ವಜನಿಕ ಗಣೇಶೋತ್ಸವ

Copyright © All rights reserved - The Times of Kudla Mangalore | Paper News by Themeansar.