ಜೋಕುಲು ಎಡ್ಡೆ ಶಿಕ್ಷಣದ ಒರುಟು ಕೀರ್ತಿವಂತರಾವೊಡು – ಐಕಳ ಹರೀಶ್ ಶೆಟ್ಟಿ
ಮುಲ್ಕಿ: ಜೋಕುಲು ಎಡ್ಡೆ ಶಿಕ್ಷಣದ ಒರುಟು ಸಂಸ್ಕಾರಯುತರಾದೆ ಶಿಕ್ಷಕೆರೆಗ್ ಅಂಚೆನೆ ಇಲ್ಲದಕ್ಲೆಗ್ ವಿಧೇಯರಾದ್ ಕೀರ್ತಿವಂತರಾವೊಡು ಪಂದ್ ವಿಶ್ವ ಬಂಟರ ಸಂಘದ ಒಕ್ಕೂಟದ ಗುರ್ಕಾರ್ಲು ಐಕಳ ಹರೀಶ್ ಶೆಟ್ಟಿ ಪಂಡೆರ್.
ಆರ್ ಮುಲ್ಕಿ ಶ್ರೀ ನಾರಾಯಣ ಗುರು ಸಮೂಹ ಸಂಸ್ಥೆಲೆನ 46ನೇ ವಾರ್ಷಿಕೋತ್ಸವನ್ ಉದಿಪನ ಮಲ್ತ್ ಪಾತೆರಿಯೆರ್.
ಕಾರ್ಯಕ್ರಮದ ಗುರ್ಕಾರ್ಮೆನ್ ಲಲಿತಾ ಆರ್ ಸಾಲ್ಯಾನ್ ಚಾರಿಟೇಬಲ್ ಟ್ರಸ್ಟ್ ಗುರ್ಕಾರ್ಲು ಭಾಸ್ಕರ್ ಎಂ ಸಾಲ್ಯಾನ್ ವೈಸೊಂದಿತ್ತೆರ್.
ಮಲ್ಲ ಬಿನ್ನೆರಾದ್ ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲದ ಗುರ್ಕಾರ್ಲು ಸೂರ್ಯಕಾಂತ ಜಯ ಸುವರ್ಣ, ಕಾರ್ಕಳ ಶ್ರೀ ಭುವನೇಂದ್ರ ಕಾಲೇಜಿದ ಪ್ರಾಂಶುಪಾಲೆರ್ ಮಂಜುನಾಥ ಕೋಟ್ಯಾನ್, ಉದ್ಯಮಿ ಧೀರಜ್ ಹೆಜ್ಮಾಡಿ, ಮುಲ್ಕಿ ಬಿಲ್ಲವ ಸಂಘದ ಗುರ್ಕಾರ್ಲು ವಾಮನ್ ಕೋಟ್ಯಾನ್ ನಡಿಕುದ್ರು, ಶಾಲಾ ಸಂಚಾಲಕೆರ್ ಹರೀoದ್ರ ಸುವರ್ಣ, ಟ್ರಸ್ಟಿಲು ಯೋಗೀಶ್ ಕೋಟ್ಯಾನ್, ಹೇಮರಾಜ, ಅವಿನಾಶ್ ಕೋಟ್ಯಾನ್, ಪ್ರಜ್ಞಾ ಕೋಟ್ಯಾನ್, ಆಡಳಿತಾಧಿಕಾರಿ ಮಂಜುಳಾ ಕೆ ವಿ, ಪ್ರಾಂಶುಪಾಲ ಯತೀಶ್ ಅಮೀನ್, ಮುಖ್ಯೋಪಾಧ್ಯಾಯಿನಿ ಗೀತಾ ಶೆಟ್ಟಿ, ಪಿಟಿಎ ಗುರ್ಕಾರ್ಲು ಉಮೇಶ್ ಜಿ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಕಾರ್ಯಕ್ರಮಡ್ ವಿಶ್ವ ಬಂಟರ ಸಂಘದ ಗುರ್ಕಾರ್ಲುಆದ್ ಆಯ್ಕೆಯಾಯಿನ ಐಕಳ ಹರೀಶ್ ಶೆಟ್ಟಿ ಹಾಗೂಬೊಕ್ಕ ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲದ ಗುರ್ಕಾರ್ಲು ಆದ್ ಆಯ್ಕೆಯಾಯಿನ ಸೂರ್ಯಕಾಂತ ಜೆ ಸುವರ್ಣ ರೆಗ್ ಮಾನಾದಿಗೆ ಮಲ್ತೆರ್.
ಟ್ರಸ್ಟಿ ಬಾಲಚಂದ್ರ ಸನಿಲ್ ಎದ್ಕೊಂಡೆರ್, ಶಿಕ್ಷಕಿ ಪವಿತ್ರ ಮಾನಾದಿಗೆದಕ್ಲೆನ ಪರಿಚಯ ಮಲ್ತೆರ್.
ಶಿಕ್ಷಕೆರ್ ಪುಷ್ಪರಾಜ ಬೊಕ್ಕ ಹರ್ಷಿತ ಕೆ ಕೆ ನಿರೂಪಣೆ ಮಲ್ತೆರ್.
ಶಾಲಾ ಆಡಳಿತಾಧಿಕಾರಿ ಮಂಜುಳ ಸೊಲ್ಮೆ ಸಂದಾಯ ಮಲ್ತೆರ್.
ಬೊಕ್ಕ ಇನಾಮು ಪಟ್ಟುನ , ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್.
ಮುಲ್ಕಿ:ಹಳೆಯಂಗಡಿ ಸರಕಾರಿ ಪ್ರಥಮ ದರ್ಜೆ ಕಾಲೇಜು ಬೊಕ್ಕ ಸ್ನಾತಕೋತ್ತರ ಕೇಂದ್ರಡ್ ಯುವ ರೆಡ್ ಕ್ರಾಸ್ ಘಟಕದ ರಾಷ್ಟ್ರೀಯ ಸೇವಾ ಯೋಜನೆ ಬೊಕ್ಕ ರೇಂಜರ್ಸ್ ಬೊಕ್ಕ ರೋವರ್ಸ್ ಸಹಯೋಗದೊಟ್ಟು, ಲಯನ್ಸ್ ಕ್ಲಬ್ ಕೃಷ್ಣಾಪುರ, ಕಾಟಿಪಳ್ಳದ ಪ್ರಾಯೋಜಕತ್ವಡ್ ರಕ್ತ ದಾನ ಶಿಬಿರ ನಡತ್ಂಡ್.
