ಕುಡ್ಲದ ಸುದ್ದಿ | Mangalore News

ದೇವೆರೆ ಪಾದ ಸೇರಿಯೆರ್ ಯಕ್ಷಗಾನದ ಮಲ್ಲ ಕಲಾವಿದೆರ್, ಮಾಜಿ ಶಾಸಕೆರ್ ಕುಂಬ್ಳೆ ಸುಂದರ್ ರಾವ್

ಕುಡ್ಲ: ಯಕ್ಷಗಾನ ಬೊಕ್ಕ ತಾಳೆ-ಮದ್ದಳೆ ಕ್ಷೇತ್ರದ ಮಲ್ಲ ಕಲಾವಿದೆರ್, ಸುರತ್ಕಲ್ ದ ಮಾಜಿ ಶಾಸಕೆರ್ ಕುಂಬ್ಳೆ ಸುಂದರ ರಾವ್ (88) ಅ. 30 ಬುಧಾರ ದೇವೆರೆ ಪಾದ ಸೇರಿಯೆರ್.

ಕಾಯರ್ಕಾಡಿ ಕುಂಞಕಣ್ಣ ಬೊಕ್ಕ ಕಲ್ಯಾಣಿ ದಂಪತಿಲೆನ ಮಗೆ ಆದ್, 1934ನೇ ಮಾರ್ಚ್ 20ಕ್ ಕೇರಳ ರಾಜ್ಯದ ಕುಂಬಳೆಡ್ ಪುಟ್ಟಿನ ಮೇರ್ ಯಕ್ಷಗಾನ ಕಲಾವಿದೆರಾದ್ ಸುರತ್ಕಲ್, ಧರ್ಮಸ್ಥಳ ಬೊಕ್ಕ ಇರಾ ಯಕ್ಷಗಾನ ಮೇಳಡ್ ಕೆಲಸ ಮಲ್ದೆರ್. ಕರ್ನಾಟಕ ರಾಜ್ಯ ಯಕ್ಷಗಾನ ಅಕಾಡೆಮಿದ ಅಧ್ಯಕ್ಷೆರಾದ್ ಬೊಕ್ಕ 1994 ರ್ದ್ 1999 ಮುಟ್ಟ ಬಿಜೆಪಿರ್ದ್ ಸುರತ್ಕಲ್ ಕ್ಷೇತ್ರದ ಶಾಸಕೆರಾದ್ ಸೇವೆ ಸಂದಾದೆರ್.

ಎಲ್ಲೆ (ಡಿ.1)ಮೆರೆನ ಅಕೇರಿದ ಕ್ರಿಯೆ ನಡಪರೆ ಉಂಡು. ಸಾರ್ವಜನಿಕೆರೆಗ್ ಅಕೇರಿದ ದರ್ಶನ ಮಲ್ಪೆರೆ ಕುಡ್ಲ ದ ಪಂಪ್ವೆಲ್ ಡ್ ಇಪ್ಪುನ ಮೆರೆನ ಇಲ್ಲಲ್ ಅವಕಾಶ ಉಂಡು. ಮೆರೆಗ್ ಬೊಡೆದಿ, ರಡ್ಡ್ ಆನ್ ಜೋಕುಲು, ಮೂಜಿ ಪೊಣ್ಣು ಜೋಕುಲು ಉಲ್ಲೆರ್. ಕುಂಬ್ಳೆ ಸುಂದರ ರಾವ್ ಮೇರ್ನ ನಿಧನೊಗು ಶಾಸಕೆರಾಯಿನ ಉಮಾನಾಥ ಕೋಟ್ಯಾನ್, ಡಾ.ವೈ.ಭರತ್ ಶೆಟ್ಟಿ, ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಯುವ ನಾಯಕೆರ್ ಮಿಥುನ್ ರೈ ಬೊಕ್ಕ ಮಸ್ತ್ ಗಣ್ಯೆರ್ ಅಂಚೆನೆ ಯಕ್ಷಗಾನ ಕ್ಷೇತ್ರದಕುಲು ಸಂತಾಪ ತೆರಿಪಾದೆರ್.

Former MLA, renowned Yakshagana artiste Kumble Sunder Rao no more

Mangalore: Kumble Sunder Rao (88) former MLA from Suratkal,and well known Yakshagana and Talamaddale artiste breathed his last on Wednesday.

He was a performer at Suratkal, Dharmasthala and Eara Yakshagana Mela.He was also former president of Karnataka State Yakshagana Akademi and an MLA from Suratkal from 1994-99.
His funeral rites will be held tomorrow.He leaves behind his wife,two sons and three daughters.