ಕಾಸ್ರೋಡ್ ಸುದ್ದಿ | Kasargod News

ಕೋವಿಡ್ ಸಂಕಷ್ಟದ ನಡುಟುಲಾ ಮೌಂಟ್ ಎವರೆಸ್ಟ್ ಚಾರಣಗ್ ಗ್ರೀನ್ ಸಿಗ್ನಲ್

ಕಠ್ಮಂಡು, ಎಪ್ರಿಲ್ 26: ನೇಪಾಳ ಕೊರೊನಾ ಸೀಕ್ ದ ನಡುಟುಲಾ ಈ ವರ್ಷ ವಿಶ್ವದ ಅತ್ಯುನ್ನತ ಶಿಖರ ಮೌಂಟ್ ಎವರೆಸ್ಟ್ ಚಾರಣಗಾದ್ ದಾಖಲೆ ಪ್ರಮಾಣದಾತ್ ಪರವಾನಿಗೆ ಕೊರ್ತುಂಡು .

ಈ ವರ್ಷ, ಶುಕ್ರವಾರ ಮುಟ ಮೌಂಟ್ ಎವರೆಸ್ಟ್ ಚಾರಣಗಾದ್ ೩೯೪ ಪರವಾನಗಿಲೆನ್ ಕೊರ್ತುಂಡು . ೨೦೧೯ಡ್ ೩೮೧ ಪರವಾನಗಿಲೆನ್ ಕೊರ್ದಿತ್ತೆರ್ ಪಂದ್ ಪ್ರವಾಸೋದ್ಯಮ ಇಲಾಖೆದ ನಿರ್ದೇಶಕಿ ಮೀರಾ ಆಚಾರ್ಯ ತೆರಿಪಾಯೆರ್.

ನೇಪಾಳ ಮೌಂಟ್ ಎವರೆಸ್ಟ್ ಚಾರಣರ್ದ್ ಬರ್ಪಿನ ಆದಾಯದ ಮಿತ್ತ್ ಅವಲಂಬಿತ ಆತುಂಡು . ಈ ವಾರ ಎವರೆಸ್ಟ್ ಬೇಸ್ ಕ್ಯಾಂಪ್‌ಡ್ ಸುರುತ್ತ ಕೋವಿಡ್ ಪ್ರಕರಣ ವರದಿಯಾತುಂಡು . ಈ ನೆಲೆಟ್ಟ್ ಎವರೆಸ್ಟ್ ಬೇಸ್ ಕ್ಯಾಂಪ್‌ಗ್ ಬರ್ಪಿನ ದುಂಬು ಪರ್ವತಾರೋಹಿಲು ಕ್ವಾರಂಟೈನ್‌ ಆವೊಡು ಪಂದ್ ನೇಪಾಳ ಸರ್ಕಾರ ಸೂಚನೆ ಕೊರ್ತೆರ್ .

ಮಾತಾ ಜಿಲ್ಲಾ ಕೇಂದ್ರ ಡ್ ಪಿಎಂ ಕೇರ್ಸ್ ಮುಖೇನ ಆಕ್ಸಿಜನ್ ಉತ್ಪಾದನಾ ಘಟಕ : ಸಿಎಂ ಯಡಿಯೂರಪ್ಪ

ಬೆಂಗಳೂರು, ಎ. 26: `ದೇಶಡ್ ಜಿಲ್ಲಾ ಕೇಂದ್ರದ ಸರಕಾರಿ ಆಸ್ಪತ್ರೆಡ್ , ಒಟ್ಟು 551 ಆಕ್ಸಿಜನ್ ಉತ್ಪಾದನಾ ಘಟಕಲೆನ್ ಪಿಎಂ ಕೇರ್ಸ್ ಮುಖೇನ ಸ್ಥಾಪನೆ ಮಲ್ತೊಂದು ಉಲ್ಲೆರ್ ನೆಕ್ಕಾತ್ರ , ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮೆರೆಗ್ ಸೊಲ್ಮೆ ಸಂದೈತ ಮಲ್ಪುವೆ ಪಂದ್ ಮುಖ್ಯಮಂತ್ರಿ ಯಡಿಯೂರಪ್ಪ ತೆರಿಪಾದೆರ್ .

ಐತಾರ ಸರಣಿ ಟ್ವೀಟ್ ಮಲ್ದಿನ ಯಡಿಯೂರಪ್ಪ, `ಈ ಮುಖೇನ ಸರಕಾರಿ ಆಸ್ಪತ್ರೆಡ್ ತುರ್ತಾದ್ ಆಕ್ಸಿಜನ್ ಘಟಕದ ಸ್ಥಾಪನೆದ ಕರ್ನಾಟಕ ರಾಜ್ಯದ ಕೋರಿಕೆನ್ ಕೇಂದ್ರ ಸರಕಾರ ಈಡೇರಿಸಾದುಂಡು ಪಂದ್ ಪಂಡೆರ್ ‘.

ಶ್ರೀ ಮಹಾವೀರ ಕಾಲೇಜ್ ಡ್ ಮಹಾವೀರ ಜಯಂತಿ ಆಚರಣೆ

ಮೂಡುಬಿದಿರೆ, ಎಪ್ರಿಲ್ 26: ಶ್ರೀ ಮಹಾವೀರ ಕಾಲೇಜ್ ಡ್ ಐತಾರ ಭ| ಮಹಾವೀರ ಜಯಂತಿನ್ ಸರಳವಾದ್ ಆಚರಣೆ ಮಲ್ತೆರ್.

ಮಾಜಿ ಸಚಿವ, ಮಹಾವೀರ ಕಾಲೇಜ್ ಆಡಳಿತ ಮಂಡಳಿ ಗುರ್ಕಾರ್ಲಾಯಿನ ಕೆ.ಅಭಯಚಂದ್ರ ಮೆರ್ನ ಮುತಾಲಿಕೆಡ್ ಮಲ್ಲಿನಾಥ ಇಂದ್ರ ಮೇರ್ ಕಾಲೇಜ್ ದ ಪ್ರವೇಶಭಾಗಡುಪ್ಪುನ ಶ್ರೀ ಮಹಾವೀರ ಸ್ವಾಮಿನ ಅಮೃತಶಿಲೆದ ಮೂರ್ತಿಗ್ ಪೇರ್ , ಶ್ರೀಗಂಧ ದ್ರವ್ಯರ್ದ್ ಅಭಿಷೇಕ ಮಲ್ತ್ ಪೂಜೆ ಮಲ್ತೆರ್ .

ಕಾಲೇಜ್ ದ ಪ್ರಾಚಾರ್ಯ ಮೇಜರ್ ಡಾ. ರಾಧಾಕೃಷ್ಣ ಶೆಟ್ಟಿ, ಪ.ಪೂ.ಕಾಲೇಜು ಪ್ರಾಚಾರ್ಯ ಪ್ರೊ. ಎಂ. ರಮೇಶ್ ಭಟ್, ಪ್ರೊ. ಹರೀಶ್,ಎಸ್‌ಎನ್ ಮೂಡುಬಿದಿರೆ ಪಾಲಿಟೆಕ್ನಿಕ್ ಪ್ರಾಚಾರ್ಯ ಜೆ.ಜೆ.ಪಿಂಟೋ, ಎಂಕೆ ಅನಂತ್ರಾಜ್ ಸಿಪಿಎಡ್ ಪ್ರಾಚಾರ್ಯ ಧನಂಜಯ ಶೆಟ್ಟಿ, ಎ.ಜಿ.ಸೋನ್ಸ್ ಐಟಿಐ ಪ್ರಾಚಾರ್ಯ ಜಯರಾಮ ಶೆಟ್ಟಿಗಾರ್, ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ವೀಕೆಂಡ್ ಕರ್ಫ್ಯೂ ಗ್ ಒಡಿಪುಡು ಐತಾರ ಎಡ್ಡೆ ಸ್ಪಂದನೆ

ಒಡಿಪು , ಎ.26: ಕೊರೋನ ರಡ್ಡನೇ ಅಲೆ ನಿಯಂತ್ರಣ ಮಲ್ಪುನ ನೆಲೆಟ್ಟ್ ರಾಜ್ಯ ಸರಕಾರ ಘೋಷಣೆ ಮಲ್ದಿನ ವಾರಾಂತ್ಯದ ಕರ್ಫ್ಯೂಗ್ ಐತಾರ ಉಡುಪಿ ಪೇಂಟೆಡ್ ಬಾರಿ ಎಡ್ಡೆ ಸ್ಪಂದನೆ ತಿಕ್ಕ್ದುಂಡು, ಜನಜೀವನ ಸಂಪೂರ್ಣ ಸ್ತಬ್ದ ಆದಿತ್ತುಂಡು .

ಕಾಂಡೆ 10ಗಂಟೆಗ್ ಮಾತಾ ಅಂಗಡಿಲು ಬಂದ್ ಆಪಿನೆರ್ದಾವರ ತರಕಾರಿ, ದಿನಸಿ, ಪೇರ್ ದ ಅಂಗಡಿಡ್ ಜನ ರಾಶಿ ಬೂರ್ದು ವಸ್ತುಲೆನ್ ದೆತೊನ್ಡೆರ್. ಶನಿವಾರರ್ದ್ ಜಾಸ್ತಿ ಐತಾರ ಜಾಸ್ತಿ ಬೇರೆ ಆತ್oಡ್ ಪಂದ್ ತರಕಾರಿ ವರ್ತಕೆರ್ ತೆರಿಪಾದೆರ್ .