ಕಾಸ್ರೋಡ್ ಸುದ್ದಿ | Kasargod News

ಪುತ್ತೂರು ಪಡುಮಲೆದ ನಾಗ ಬೆರ್ಮೆರ ಗುಡಿ, ನಾಗ ಸನ್ನಿಧಿ, ರಕ್ತೇಶ್ವರಿ, ತೀರ್ಥಬಾವಿ ಬೊಕ್ಕ ದೇಯಿ ಬೈದೆತಿ ಸಾನ್ನಿಧ್ಯ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶೋತ್ಸವ

Apr 28, 2021

ಪುತ್ತೂರು, ಎಪ್ರಿಲ್ 28: : ಪುತ್ತೂರ್ದ ಪಡುವನ್ನೂರುದ ಪಡುಮಲೆಡ್ ಉಪ್ಪುನ ನಾಗ ಬೆರ್ಮೆರ ಗುಡಿ, ನಾಗ ಸನ್ನಿಧಿ, ರಕ್ತೇಶ್ವರಿ, ತೀರ್ಥಬಾವಿ ಬೊಕ್ಕ ದೇಯಿ ಬೈದೆತಿ ಸಾನ್ನಿಧ್ಯ (ಸಮಾಧಿ)ದ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶೋತ್ಸವ ಶನಿವಾರ ಬ್ರಾಹ್ಮಿ ಮುಹೂರ್ತಡ್ ಸರಳವಾದ್ ನಡತುಂಡು .

ಕ್ಷೇತ್ರದ ತಂತ್ರಿ ಕುಂಟಾರು ರವೀಶ ತಂತ್ರಿಲೆನ ಮಾರ್ಗದರ್ಶನಡ್ ಶನಿವಾರ ಪುಲ್ಯ ಕಾಂಡೆ 3 ಗಂಟೆಗ್ ಅಲ್ಪ ಪ್ರಾಸಾದ ಶುದ್ಧಿ, ಪ್ರಾಸಾದ ಪ್ರತಿಷ್ಠೆ, 3.58 ರ್ದ್ 4.21ರ ಮೀನ ಸುಮುಹೂರ್ತಡ್ ಪ್ರತಿಷ್ಠೆ ಜೀವಕಲಶಾಭಿಷೇಕ, ಮಹಾಪೂಜೆ, ಗಣಪತಿ ಹವನ, ಬ್ರಹ್ಮಕಲಶಾಭಿಷೇಕ, ಮಹಾಪೂಜೆ, ಮಂತ್ರಾಕ್ಷತೆ ಸೇರಿನಂಚ ಪೂಜಾವಿಧಿವಿಧಾನ ನಡತುಂಡು .

ಈ ಮುಖೇನ ಪಡುಮಲೆ ಸಾನ್ನಿಧ್ಯಡ್ 550 ವರ್ಷರ್ದ್ ಉಂತುದಿತ್ತಿನ ಪೂಜಾ ವಿಧಿವಿಧಾನಲೆಗ್ ಶನಿವಾರ ಕೋವಿಡ್ ಮಾರ್ಗಸೂಚಿನ್ ಪಾಲಿಸಾವೊಂದು ಅಂಚನೇ ಸೀಮಿತ ಭಕ್ತೆರ್ನ ಸಮ್ಮುಖಡ್ ಚಾಲನೆ ತಿಕ್ಕ್oಡ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಉಜಿರೆದ ಲಾಯಿಲಡ್ ಕೋವಿಡ್ ಕೇರ್ ಸೆಂಟರ್: ಹರೀಶ್ ಪೂಂಜ

Apr 28, 2021

ಬೆಳ್ತಂಗಡಿ, ಎಪ್ರಿಲ್ 28: ‘ಪೇಂಟೆಡ್ ಕೋವಿಡ್‌ ಮುಂಜಾಗ್ರತಾ ಕ್ರಮವಾದ್ ಉಜಿರೆದ ಲಾಯಿಲಡ್ ಕೋವಿಡ್ ಕೇರ್ ಸೆಂಟರ್, ಜನಕ್ಲೆನ ಸ್ಪಂದನೆಗಾದ್ ಸಹಾಯವಾಣಿ, ₹ 60 ಲಕ್ಷ ವೆಚ್ಚಡ್ ಲಿಕ್ವಿಡ್ ಆಕ್ಸಿಜನ್‌ದ ಸೆಂಟರ್ ಸುರು ಅಂಚನೇ ಹೊರಗುತ್ತಿಗೆಡ್ ವೈದ್ಯೆರ್ನ, ದಾದಿಲೆನ ನೇಮಕಗ್ ವ್ಯವಸ್ಥೆ ಮಲ್ದ ಪಂದ್ ಶಾಸಕ ಹರೀಶ್ ಪೂಂಜ ತೆರಿಪಾಯೆರ್ .

ಸೋಮವಾರ ಪತ್ರಿಕಾಗೋಷ್ಠಿಡ್ ಪಾತೆರಿನ ಮೇರ್ ‘ 27 ತಾರೀಖ್ ಬೈಯ್ಯ ದ ಉಲಯಿ ಕೋವಿಡ್-19ಗ್ ಸಂಭಂದಿ ಸಹಾಯವಾಣಿ ಸುರು ಮಲ್ತ್ ದ್ ತುರ್ತು ಸ್ಪಂದನೆದ ದೂರವಾಣಿ ಸಂಖ್ಯೆ ಕೊರ್ಪ . ಕೋವಿಡ್ ತಡೆಗಾದ್ ತಹಶೀಲ್ದಾರ್, ಇಒ, ತಾಲ್ಲೂಕು ಆರೋಗ್ಯಾಧಿಕಾರಿ, ತಾಲ್ಲೂಕುದ ಮಾತಾ ಪಿಡಿಒ, ಗಾಮಕರಣಿಲೆನ್ ಲೆತ್ತ್ದ್ ಇತ್ತೇ ಒಂಜಿ ಸುತ್ತುದ ಚರ್ಚೆ ಮಲ್ದ ಪಂದ್ ಪಂಡೆರ್ m

ಲಾಕ್ಡೌನ್ ಪೊರ್ತುಡು ಅಧಿಕಾರಿಲು ಪೊಲೀಸೇರ್ನೋಟ್ಟಿಗೆ ನಿಕಟ ಸಂಪರ್ಕಡ್ ಉಪ್ಪುಲೆ : ಶಾಸಕ ಸಂಜೀವ ಮಠಂದೂರು

Apr 28, 2021

ಪುತ್ತೂರು, ಎಪ್ರಿಲ್ 28: : ಕೋವಿಡ್ ಕರ್ಫ್ಯೂ ಪೊರ್ತುಡು ಸಮಪರ್ಕವಾಯಿನ ಕಾನೂನು ಪಾಲನೆಯಾವೊಡು , ಈ ನೆಲೆಟ್ಟ್ ಮಾತಾ ಅಧಿಕಾರಿಲು ಪೊಲೀಸೇರ್ನೋಟ್ಟಿಗೆ ನಿಕಟ ಸಂಪರ್ಕಡ್ ಉಪ್ಪುಲೆ,ಕಾಂಡೆ 6 ಗಂಟೆರ್ದ್ 10 ಗಂಟೆ ಮುಟ ಅಗತ್ಯ ವಸ್ತುಲೆಗ್ ಬರ್ಪಿನ ಜನಕ್ಲೆಡ ಮಾಹಿತಿ ದೆತೊoದು ವಿನಾಯಿತಿ ಕೊರ್ಲೆ ಪಂದ್ ಶಾಸಕ ಸಂಜೀವ ಮಠಂದೂರು ಸೂಚನೆ ಕೊರಿಯೆರ್ .

ಶಾಸಕ ಸಂಜೀವ ಮಠಂದೂರು ಮೆರ್ನ ಗುರ್ಕಾರ್ಮೆಡ್ ಪುತ್ತೂರು ನಗರಸಭೆಟ್ ಅಂಗಾರೆ ಬೈಯ್ಯ ನಡತಿನ ಕೋವಿಡ್ ಕಫ್ರ್ಯೂ ಪೊರ್ತುಡು ವಹಿಸೊಡಾಯಿನ ಕ್ರಮದ ಬಗ್ಗೆ ಅಧಿಕಾರಿಲೆನ ಸಭೆ ನಡತುಂಡು .

ಸಭೆಟ್ ಅಧಿಕಾರಿಲೆಗ್ ತುರ್ತು ಕ್ರಮದ ಬಗ್ಗೆ ಮಾಹಿತಿ ಕೊರಿನ ಶಾಸಕ ಸಂಜೀವ ಮಠಂದೂರು ಮೇರ್ ನನ ದುಂಬುದ ರಡ್ಡ್ ವಾರ ನೂದೆಕ್ಕ್ ನೂದು ಕೋವಿಡ್ ನಿಯಂತ್ರಣ ಮಲ್ಪುನ ನೆಲೆಟ್ಟ್ ಸೂಕ್ತ ಕ್ರಮ ದೆತೊನೊಡು ಪಂದ್ ಪಂಡೆರ್.

ಪಂಪ್‌ವೆಲ್ ಫ್ಲೈಓವರ್‌ದ ಗೋಡೆದ ಮಿತ್ತ್ ಅಕ್ಷೇಪಾರ್ಹ ಬರವು : ಆರೋಪಿಲು ಅರೆಸ್ಟ್

Apr 28, 2021

ಕುಡ್ಲ , ಎ.28: ಪಂಪ್‌ವೆಲ್ ಕೈತಲ್ ದ ಫ್ಲೈಓವರ್‌ದ ಗೋಡೆದ ಮಿತ್ತ್ ಅಕ್ಷೇಪಾರ್ಹ ಸಾಲ್ ಬರೆಯಿನ ಪ್ರಕರಣಗ್ ಸಂಬಂಧ ಪಟ್ಟಿನಂಚ ಪೇಂಟೆದ ಪ್ರಮುಖ ಕಾಲೇಜ್ ದ ರಡ್ಡ್ ವಿದ್ಯಾರ್ಥಿಲೆನ್ ಅರೆಸ್ಟ್ ಮಲ್ದೆರ್ ಪಂದ್ ಪೊಲೀಸ್ ಆಯುಕ್ತ ಶಶಿಕುಮಾರ್ ತೆರಿಪಾದೆರ್ .

ಎ.20 ತಾರೀಖ್ ಗ್ ಪಂಪ್‌ವೆಲ್‌ದ ಫ್ಲೈಓವರ್ ಗೋಡೆದ ಮಿತ್ತ್ ‘ಲಾಕ್‌ಡೌನ್ ಬೋಡು ‘ ಪಂದ್ ಇಂಗ್ಲಿಷ್‌ಡ್ ಬರೆತಿನ ಬರವುದ ಕೈತಲೇ ‘ಬ್ಯಾಡ್ ಬಾಯ್ಸಾ ಇನ್ ದ ಸಿಟಿ’ ಬೊಕ್ಕ ಐತ ಮಿತ್ತ್ ‘ಟೆಲ್ ಯುವರ್ ಮಾಮ್ ****’ ಪಂದ್ ಬರೆದಿತ್ತೆರ್.

ಈ ಬಗ್ಗೆ ಕದ್ರಿ ಠಾಣೆಡ್ ಪ್ರಕರಣ ದಾಖಲಾತುಂಡು . ತನಿಖೆ ನಡಪಾಯಿನ ಪೊಲೀಸೆರ್ ಸಿಸಿ ಕ್ಯಾಮರಾದ ಆಧಾರದ ಮಿತ್ತ್ ರಡ್ಡ್ ಅಪ್ರಾಪ್ತ ಕಾಲೇಜು ವಿದ್ಯಾರ್ಥಿಲೆನ್ ಅರೆಸ್ಟ್ ಮಲ್ದೆರ್ .

ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿನ್ ಪಾಲನೆ ಮಲ್ಪುಲೇ : ಜಿ.ಜಗದೀಶ್

Apr 28, 2021

ಒಡಿಪು , ಎ.28: ಕೋವಿಡ್ 2ನೇ ಅಲೆ ನಿಯಂತ್ರಣಗ್ ಸಂಭಂದ ಪಟ್ಟಿನಂಚ , ಎ.27ರ್ದ್ ಮೇ 12 ಮುಟ ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿಲೆನ್ ಅನುಷ್ಠಾನ ಮಲ್ಪುನ ನೆಲೆಟ್ಟ್ ಜಿಲ್ಲೆದ ಗಡಿ ಪ್ರದೇಶಡ್ ಚೆಕ್‌ಪೋಸ್ಟ್‌ಲೆನ್ ದೆತ್ದ್ ಅನಗತ್ಯ ವಾಹನ ಸಂಚಾರನ್ ನಿಯಂತ್ರಣ ಮಲ್ಪೊಡು ಪಂದ್ ಜಿಲ್ಲಾಧಿಕಾರಿ ಜಿ.ಜಗದೀಶ್ ತೆರಿಪಾದೆರ್ .

ಮಣಿಪಾಲದ ಜಿಪಂ ಸಭಾಂಗಣಡ್ ಅಂಗಾರೆ ನಡತಿನ ಕೋವಿಡ್ ಮಾರ್ಗಸೂಚಿ ಅನುಷ್ಠಾನದ ಬಗ್ಗೆ ಅಧಿಕಾರಿಲೆನ ಮಟ್ಟದ ಸಭೆದ ಗುರ್ಕಾರ್ಮೆ ವಯಿಸೊಂದು ಪಾತೆರಿಯೆರ್.

ಗಡಿಪ್ರದೇಶಡ್ ಚೆಕ್ ಪೋಸ್ಟ್‌ಲೆನ್ ದೆತ್ದ್ ಅಗತ್ಯ ಸಿಬ್ಬಂದಿಲೆನ್ ನಿಯೋಜನೆ ಮಲ್ದೆರ್ ವೈದ್ಯಕೀಯ ಕಾರಣರ್ದ್ ಬೊಕ್ಕ ಸೂಕ್ತ ಪಾಸ್‌ಲೆನ್ ಪಡೆದ್ ಬರ್ಪಿನಕ್ಲೆನ್ ಥರ್ಮಲ್ ಸ್ಕ್ಯಾನರ್ ಮುಖೇನ ತಪಾಸಣೆ ಮಲ್ತ್ ಪ್ರವೇಶ ಮಲ್ಪರೆ ಅವಕಾಶ ಕೊರ್ಲೆ ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವೊಗು ಆಯ್ಕೆ ಆಂಡ್ ತುಳು ಚಲನಚಿತ್ರ “ಭರತ್ “

Apr 28, 2021

ಕುಡ್ಲ : ವೈಷ್ಣವ ಪ್ರೊಡಕ್ಷನ್ಸ್, ರತ್ನಗಿರಿ ಬೊಕ್ಕ ಮಹಾರಾಷ್ಟ್ರ ತುಳುವೆರ್ನ ಒಟ್ಟುಸೇರಿಗೆಡ್ ಅದ್ದೂರಿ ಕರ್ಚಿಡ್ ನಿರ್ಮಾಣ ಆತಿನ “ಭರತ್” ಪನ್ಪಿನ ಪುದರ್ ದ ಚಲನಚಿತ್ರ ತುಳು , ಕನ್ನಡ ಸೇರ್ದ್ 7 ಬಾಷೆಲೆಡ್ ಬುಡುಗಡೆ ಆವರೆ ಉಂಡು.

ತುಳುನಾಡ್ದ ಸಂಸ್ಕೃತಿ ಬೊಕ್ಕ ಕೆಲಸ ನಾಡೊಂದು ಬೊಂಬೈಗ್ ಬೈದಿನ ತುಳುವೆರ್ನ ಮನಸ್ ಡ್ ಉಪ್ಪುನ ತುಳುನಾಡ್ದ ಮಿತ್ತ್ ದ ಮೋಕ್ಯೆ, ಅಭಿಮಾನ ಅಂಚೆನೇ 100 ವರ್ಸೊರ್ದಿಂಚಿದ ತುಳುವೆರೆನ ಜೀವನ ಶೈಲಿ, ಬುಲೆಚ್ಚಿಲ್, ನಂಬಿಕೆ ಆಚರಣೆಲೆನ್ ಜಗತ್ತ್ ಗ್ ತೋಜಿಪಾವುನ ಪ್ರಯತ್ನ ಈ ಸಿನಿಮೊಡು ಉಂಡು.
ಅಂಚೆನೇ ತುಳುನಾಡ್ದ ಜಾನಪದ ಸಂಸ್ಕೃತಿಗ್ ಬೊಕ್ಕ ತುಳುವೆರೆಗ್ ತಿಕ್ಕೊಡಾಯಿನ ಮಾನಾದಿಗೆದ ವಿಚಾರೊಡು ಬೊಲ್ಪು ತೋಜಾವುನ ಎಲ್ಯ ಪ್ರಯತ್ನೊಡು ಯಶಸ್ಸ್ ತೋಜುನ ಈ ಪೊರ್ತುಡು ಚಿತ್ರತಂಡದಕುಲು ಜರ್ಮನಿದ ಟೋನಿ ಅಂದ್ರೇವ್ ಮೇರ್ನ vfx ತಂತ್ರಜ್ಞಾನೊನು ಗಲಸೊಂದು ಮಲ್ಲ ಛಾಯಾಗ್ರಾಹಕೆರ್ ಅಂಚೆನೇ ಬೊಂಬೈ ಬೊಕ್ಕ ಚೆನ್ನೈ ತಂತ್ರಜ್ಞೆರ್ನ ಪ್ರಯತ್ನೊಡು ಶೂಟಿಂಗ್ ಮುಗಿತ್ ದೆರ್.

ಬೊಂಬೈದ ದಯಾ ಎಸ್. ಪೂಜಾರಿ ಮೇರ್ನ ನಿರ್ದೇಶನ, ಆರತಿ ಚೆನ್ನೈ ಮೆರೆನ ಸಂಗೀತ ನಿರ್ದೇಶನ ಪಿಚ್ಚರ್ ಗ್ ಒಂಜಿ ಅದ್ಬುತ ರೂಪ ಕೊರ್ತುಂಡು.ವಿಶೇಷ ಬೊಕ್ಕ ವಿನೂತನ ಪ್ರಯತ್ನೊಡು ಶೂಟಿಂಗ್ ಮುಗಿನೇ 2021 ರ ಲೊಕೇನೋವ ಅಂತಾರಾರಾಷ್ಟ್ರೀಯ ಚಲನಚಿತ್ರೋತ್ಸವಗ್ “ಭರತ್” ಪಿಚ್ಚರ್ ಆಯ್ಕೆ ಆತ್ಂಡ್.ಜೂನ್ ಸುರುತ್ತ ವಾರೊಡು ಮರಾಠಿ ಬೊಕ್ಕ ತುಳು ಬಾಸೆಡ್ ಪಿಚ್ಚರ್ ಬುಡುಗಡೆಗ್ ತಯಾರಾತ್ಂಡ್.ತುಳುವೆರ್ನ ಈ ಪ್ರಯತ್ನೊಗು ಮಾತೆರ್ಲ ಆಶೀರ್ವಾದ ಮಲ್ತ್ ದ್ ಸಹಕಾರ ಕೊರ್ಪರ್ ಪಂಡ್ ದ್ ವಿಶ್ವಾಸ ದೀವೊಂದೆರ್
ಭರತ್ ಚಿತ್ರ ತಂಡದಕುಲು ಬೊಕ್ಕ ವೈಷ್ಣವ ಪ್ರೊಡಕ್ಷನ್ಸ್ ರತ್ನಗಿರಿ ಮೊಕುಲು.

ಮೇ 1 ತಾರೀಕುಡ್ದ್18 ವರ್ಷ ಮಿತ್ತುದಕ್ಲೆಗ್ ಕೊರೊನಾ ವ್ಯಾಕ್ಸಿನ್, ಇನಿಡ್ದಿಂಚಿ ನೋಂದಣಿ ಸುರು

Apr 28, 2021

ಇನಿಡ್ದಿಂಚಿ 18 ವರ್ಷ ಮಿತ್ತುದಕಲೆಗ್ ಕೊರೊನಾ ವ್ಯಾಕ್ಸಿನ್ ಅಭಿಯಾನ ಇಡೀ ದೇಶೊಡೇ ಸುರುವಾದಿತ್ತುದ್,ವ್ಯಾಕ್ಸಿನೇಷನ್‌ ದೆತೊನರೆಗ್ ನೋಂದಣಿ ಮಲ್ತೊನೊಡಾಪುಂಡ್.ಕೇಂದ್ರ ಸರ್ಕಾರ 3 ನೇ ಸರ್ತಿಗ್ ವ್ಯಾಕ್ಸಿನ್ ದ ಅಭಿಯಾನ ಮಲ್ತೊಂದುಂಡು.ಸುರುತ ಸರ್ತಿಗ್ 60 ವರ್ಷ ಮಿತ್ತಿದಕ್ಲೆಗ್ ವ್ಯಾಕ್ಸಿನ್ ಕೊರ್ಪಿನ ಅಭಿಯಾನ,2 ನೇ ಸರ್ತಿಗ್ 45 ವರ್ಷ ಮಿತ್ತದಕ್ಲೆಗ್ ಕೊರೊನಾ ವ್ಯಾಕ್ಸಿನ್ ಕೊರ್ಪಿನ ಅಭಿಯಾನ ಮಲ್ತುದುಂಡ್.ಇತ್ತೆ ಕುಡ ಕೊರೊನಾ ಸೀಕ್ ಜವನೆರೆಗ್ಲಾ ಹೆಚ್ಚಾದ್ ಬರೊಂದುಪ್ಪುನ ಕಾರಣ 18 ವರ್ಷ ಮಿತ್ತದಕ್ಲೆಗ್ ಲಾ ಕೊರೊನಾ ವ್ಯಾಕ್ಸಿನ್ ಕೊರ್ಪಿನ ಅಭಿಯಾನ ಮಲ್ತುದ್ ದೇಶೊನ್ ಕೊರೊನಾ ಮುಕ್ತ ಮಲ್ಪುನ ಸಂಕಲ್ಪ ಕೇಂದ್ರ ಸರ್ಕಾರ ಮಲ್ದುಂಡ್.ಮಾತೆರೆಗ್ ಒರಾನೆ ವ್ಯಾಕ್ಸಿನ್ ದೆತೊನರೆಗ್ ಬಂಗ ಆಪಿನೆಡ್ದಾವರ ಪ್ರತಿಯೊರಿಲಾ‌ ನೋಂದಣಿ ಮಲ್ತುದೇ ವ್ಯಾಕ್ಸಿನ್ ದೆತೊನೊಡಾಪುಂಡ್.

ಈ ನೋಂದಣಿ ಮಲ್ಪರೆಗಾದ್ w.w.w.cow in.gov.in ಲಿಂಕ್ ಓಪನ್‌ ಮಲ್ತುದ್ ,ರಿಜಿಸ್ಟರ್ ಯುವರ್ ಸೆಲ್ಫ್ ಆಯ್ಕೆ ಮಲ್ತುದ್,ಅಲ್ಪ ನಿಕಲ್ನ ಮೊಬೈಲ್ ಗ್ ಒಂಜಿ ಒಟಿಪಿ ಬರ್ಪುಂಡ್.ಅವ್ವೆನ್ ಅಲ್ಪ ಪಾಡ್ದ್ ನಿಕಲ್ನ ಫೋಟೊ,ಪುಟ್ಟುದಿನ ತಾರೀಕು,ಊರುದ ಪುದರ್ ಪಾಡ್ದ್ ನೋಂದಣಿ ಮಲ್ತೊನೊಲಿ.ಕೊರೊನಾ ಲಸಿಕೆ ಪಾಡೊಂದ್ ನಿಕಲೆನ್ ಕೊರೊನಾ ಮುಕ್ತ ಮಲ್ತೊನ್ಲೆ.ಕುಡೊರಿಯಗ್ಲಾ ತೆರಿಪಾಲೆ.ಜೀವ ಒರಿಪುಲೆ.

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಓಟುಡು ಶ್ರೀನಿವಾಸ ನಾಯಕ್, ಆರಿಫ್ ಮುಹಮ್ಮದ್ ಸೇರ್ದ್ 15 ಜನ ನಿರ್ದೇಶಕೆರ್ ಆಯ್ಕೆ

Apr 28, 2021

ಕುಡ್ಲ : ದಕ್ಷಿಣ ಕನ್ನಡ ಜಿಲ್ಲೆದ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಮುತಾಲಿಕೆಡ್ ಪೊಸತಾದ್ ಉದಿಪನ ಆದಿತ್ತಿನ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಪೊಸ ಆಡಳಿತ ಮಂಡಳಿ ನಿರ್ದೇಶಕೆರ್ನ ಸ್ಥಾನೊಗು ಕುಡ್ಲದ ಪತ್ರಿಕಾ ಭವನೊಡು ಅಂಗಾರೆ ನಡತಿನ ಓಟುಡು ಶ್ರೀನಿವಾಸ ನಾಯಕ್ ಇಂದಾಜೆ , ಮುಹಮ್ಮದ್ ಆರಿಫ್ ಸೇರ್ದ್ 15 ಜನ ನಿರ್ದೇಶಕೆರಾದ್ ಆಯ್ಕೆ ಆಯೆರ್.

ಒಟ್ಟು 15 ಸ್ಥಾನೊಡು 9 ಸಾಮಾನ್ಯ ಸ್ಥಾನೊಗು 12 ಅಭ್ಯರ್ಥಿಲು ಓಟುದ ಕಲಟ್ಟ್ ಇತ್ತೆರ್.
ಬಯ್ಯಡ್ ಓಟು ಗೆನ್ಪುನ ಕಜ್ಜ ನಡತಿ ಬೊಕ್ಕ ದಕ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಗುರ್ಕಾರ್ಲು ಶ್ರೀನಿವಾಸ್ ನಾಯಕ್ ಇಂದಾಜೆ (177), ಆತ್ಮಭೂಷಣ್ ಭಟ್ (118), ಇಬ್ರಾಹಿಂ ಅಡ್ಕಸ್ಥಳ (139), ಜಿತೇಂದ್ರ ಭಟ್ (127), ಸುಖ್ ಪಾಲ್ ಪೊಳಲಿ (146), ಭಾಸ್ಕರ ರೈ ಕಟ್ಟ (167), ಪುಷ್ಪರಾಜ್ ಬಿ.ಎನ್. (157), ಕೇಶವ ಕುಂದರ್ (115) ಅಂಚೆನೇ ವಿಲ್ಫ್ರೆಡ್ ಡಿಸೋಜ (127) ಆಯ್ಕೆಆಯೆರ್.ಬಾಕಿದ ಸ್ಪರ್ಧಿಲು ಆದಿತ್ತಿನ ಅಶೋಕ್ ಶೆಟ್ಟಿ (48), ಎಸ್.ಜಯರಾಮ್ (57), ರವಿಚಂದ್ರ ಬಿ (88) ಓಟು ಪಡೆತೆರ್.
ಹಿಂದುಳಿದ ವರ್ಗ ಪ್ರವರ್ಗ ಎ ಮೀಸಲು ಕ್ಷೇತ್ರೊರ್ದು ಮುಹಮ್ಮದ್ ಆರಿಫ್ (91) ಬೊಕ್ಕ ವಿಜಯ ಕೋಟ್ಯಾನ್ (67) ಆಯ್ಕೆ ಆತೆರ್. ಈ ವಿಭಾಗೊಡು 2 ಸ್ಥಾನೊಗು 7 ಅಭ್ಯರ್ಥಿಲು ಕಲಟ್ಟ್ ಇತ್ತೆರ್. ನರೇಂದ್ರ ಎಂ.ಪೂಜಾರಿ (27), ಮನೋಹರ ಬಳಂಜ (34), ರಾಜೇಶ್ ಪೂಜಾರಿ (60), ಮೊಹಮ್ಮದ್ ಅನ್ಸಾರ್ ಇನೋಳಿ (49) ಹಾಗೂ ಸಿದ್ದಿಕ್ ನೀರಾಜೆ (42) ಓಟು ದೆತೊಂದೆರ್.ಎಸ್ ಸಿ ಮತ್ತು ಎಸ್ ಟಿ ಸ್ಥಾನೊಗು ಸುರೇಶ್ ಪಳ್ಳಿ ಬೊಕ್ಕ ಹರೀಶ್ ಮೋಟುಕಾನ , ಮಹಿಳಾ ಕ್ಷೇತ್ರೊಗು ಸತ್ಯವತಿ ಬೊಕ್ಕ ಶಿಲ್ಪಾ ಅವಿರೋಧ ಆಯ್ಕೆ ಆದಿತ್ತೆರ್.
ಒಟ್ಟು 209 ಷೇರುದಾರೆರ್ನ ಪೈಕಿ 198 ಸದಸ್ಯೆರ್ ಓಟು ಪಾಡ್ದಿತ್ತೆರ್. ಒಟ್ಟಾರೆ ಶೇ.94.98 ಮತದಾನ ಆತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೊರೊನಾ ವಾರಿಯರ್ಸ್‌ಗಾದ್ ಇಸೇಸ ರೀತಿಡ್ ಸೊಲ್ಮೆ ಸಂದೈತ ಮಲ್ತಿನ ಗೂಗಲ್

Apr 28, 2021

ನವದೆಹಲಿ, ಏಪ್ರಿಲ್ 28: ಗೂಗಲ್ ಕೊರೊನಾ ವಾರಿಯರ್ಸ್‌ಗಾದ್ ಇಸೇಸ ಡೂಡಲ್ ಮಲ್ತ್ ಸೊಲ್ಮೆ ಸಂದೈತ ಮಲ್ದುಂಡು .

ವಿಶ್ವಡ್ ಕೊರೊನಾ ಸೋಂಕು ಜಾಸ್ತಿ ಆವೊಂದು ಉಪ್ಪುನೆರ್ದಾವರ , ಈ ಪೊರ್ತುಡು ತಮ್ಮ ಪ್ರಾಣನ್ ಲಾ ಲೆಕ್ಕಗ್ ದೀಯಂದೇ ಸೇವೆ ಮಲ್ತೊಂದು ಉಪ್ಪುನ ಆರೋಗ್ಯ ಕಾರ್ಯಕರ್ತೆರ್ ಸಂಶೋಧಕೆರೆಗ್ ಗೂಗಲ್ ಡೂಡಲ್ ಇಸೇಸ ಸೊಲ್ಮೆ ಸಂದೈತ ಮಲ್ದುಂಡು.

ಭಾರತಗ್ 135 ಕೋಟಿ ನೆರವು ಘೋಷಣೆ ಮಲ್ತಿನ ಗೂಗಲ್ ಸಿಇಒ ಸುಂದರ್ ಪಿಚೈ

Apr 28, 2021

ಕರ್ನಾಟಕ, ಎಪ್ರಿಲ್ 28: ಏಪ್ರಿಲ್ 4 ರ್ದ್ ದಿನ ಒಂಜೇಟ್ಟ್ ಒಂಜಿ ಲಕ್ಷರ್ದ್ ಲಾ ಜಾಸ್ತಿ ಜನಕುಲು,ಏಪ್ರಿಲ್ 14 ರ್ದ್ ಒಂಜಿ ದಿನಟ್ ರಡ್ಡ್ ಲಕ್ಷರ್ದ್ಲಾ ಜಾಸ್ತಿ ಜನಕುಲು, ಅಂಚನೇ ಏಪ್ರಿಲ್ 17 ರ್ದ್ ಒಂಜೇ ದಿನಟ್ಟ್ ರೆಡ್ಡರೆ ಲಕ್ಷರ್ದ್ ಜಾಸ್ತಿ ಜನಕುಲು ಕೊರೊನಾ ಸೋಂಕು ಪೀಡಿತೇರಾವೊಂದು ಉಲ್ಲೆರ್.

ಕರಿನ 24 ಗಂಟೆಡ್ ದೇಶಡ್ 3.5 ಲಕ್ಷರ್ದ್ ಜಾಸ್ತಿ ಜನ ಕೊರೊನಾ ಸೋಂಕಿತೆರ್ ಪತ್ತೆಯಾತೆರ್.
ಈ ನೆಲೆಟ್ಟ್ ಭಾರತಗ್ 135 ಕೋಟಿ ನೆರವುನು ಗೂಗಲ್ ಸಿಇಒ ಸುಂದರ್ ಪಿಚೈ
ಘೋಷಣೆ ಮಲ್ದೆರ್.

ಕಾಸ್ರೋಡ್ ಸುದ್ದಿ | Kasargod News

ಉಜಿರೆದ ಲಾಯಿಲಡ್ ಕೋವಿಡ್ ಕೇರ್ ಸೆಂಟರ್: ಹರೀಶ್ ಪೂಂಜ

ಲಾಕ್ಡೌನ್ ಪೊರ್ತುಡು ಅಧಿಕಾರಿಲು ಪೊಲೀಸೇರ್ನೋಟ್ಟಿಗೆ ನಿಕಟ ಸಂಪರ್ಕಡ್ ಉಪ್ಪುಲೆ : ಶಾಸಕ ಸಂಜೀವ ಮಠಂದೂರು

ಪಂಪ್‌ವೆಲ್ ಫ್ಲೈಓವರ್‌ದ ಗೋಡೆದ ಮಿತ್ತ್ ಅಕ್ಷೇಪಾರ್ಹ ಬರವು : ಆರೋಪಿಲು ಅರೆಸ್ಟ್

ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿನ್ ಪಾಲನೆ ಮಲ್ಪುಲೇ : ಜಿ.ಜಗದೀಶ್

ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವೊಗು ಆಯ್ಕೆ ಆಂಡ್ ತುಳು ಚಲನಚಿತ್ರ “ಭರತ್ “

ಮೇ 1 ತಾರೀಕುಡ್ದ್18 ವರ್ಷ ಮಿತ್ತುದಕ್ಲೆಗ್ ಕೊರೊನಾ ವ್ಯಾಕ್ಸಿನ್, ಇನಿಡ್ದಿಂಚಿ ನೋಂದಣಿ ಸುರು

ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಓಟುಡು ಶ್ರೀನಿವಾಸ ನಾಯಕ್, ಆರಿಫ್ ಮುಹಮ್ಮದ್ ಸೇರ್ದ್ 15 ಜನ ನಿರ್ದೇಶಕೆರ್ ಆಯ್ಕೆ

ಕೊರೊನಾ ವಾರಿಯರ್ಸ್‌ಗಾದ್ ಇಸೇಸ ರೀತಿಡ್ ಸೊಲ್ಮೆ ಸಂದೈತ ಮಲ್ತಿನ ಗೂಗಲ್

ಭಾರತಗ್ 135 ಕೋಟಿ ನೆರವು ಘೋಷಣೆ ಮಲ್ತಿನ ಗೂಗಲ್ ಸಿಇಒ ಸುಂದರ್ ಪಿಚೈ

You Missed

“ನಮ್ಮ ಕುಡ್ಲ”ದ ಲೀಲಾಕ್ಷ ಬಿ. ಕರ್ಕೇರ ಮೆರೆಗ್ ಕಂಬುಲ ಅಕಾಡೆಮಿ ಪ್ರಶಸ್ತಿ

ಯುಕೆ ತುಳು ಕಮ್ಯುನಿಟಿಗ್ ಪೊಸ ಪದಾಧಿಕಾರಿಲೆನ ಆಯ್ಕೆ

ಕಟೀಲ್ ದೇಲಂತಡೆಡ್ ಭಕ್ತೆರೆಗ್ ಆ್ಯಪಲ್ ಪಟ್ಟಿಯೆರ್

ಅ.11-19: ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ನವರಾತ್ರಿ ವೈಭವ