ಕಾಸ್ರೋಡ್ ಸುದ್ದಿ | Kasargod News

ನನ ರಡ್ಡ್ ದಿನಟ್ ಕುಡೊಂಜಿ ಪ್ಯಾಕೇಜ್ ಘೋಷಣೆ: ಸಿಎಂ

ಬೆಂಗ್ಳೂರು, ಮೇ 30: ಬೆಂಗ್ಳೂರುಡು ಐತಾರ ಪಾತೆರಿನ ಸಿಎಂ ಬಿಎಸ್‌ವೈ, ರಡ್ಡನೆ ಹಂತದ ಕೋವಿಡ್ ಪ್ಯಾಕೇಜ್ ತಯ್ಯಾರಿ ಆವೊಂದು ಉಂಡು . ನನ ರಡ್ಡ್ ದಿನಟ್ ಘೋಷಣೆ ಮಲ್ಪುವ ಪಂದ್ ತೆರಿಪಾಯೆರ್ .

ರಾಜ್ಯ ಸರ್ಕಾರ ಕೋವಿಡ್ ರಡ್ಡ ನೆ ಹಂತದ ಲಾಕ್‌ಡೌನ್ ನೆಲೆಟ್ಟ್ ೧೨೫೦ ಕೋಟಿ ಪ್ಯಾಕೇಜ್ ಘೋಷಣೆ ಮಲ್ದುಂಡು ಪಂದ್ ಯಡಿಯೂರಪ್ಪ ತೆರಿಪಾಯೆರ್.

ಕರ್ನಾಟಕ ರಾಜ್ಯ ಪೊಲೀಸ್ : ಸೈಂಟಿಫಿಕ್ ಆಫೀಸರ್ ಹುದ್ದೆಗ್ ಅರ್ಜಿ ‌ಲೆಪ್ಪೋಲೆ

ಮೇ 30: ಕರ್ನಾಟಕ ರಾಜ್ಯ ಪೊಲೀಸ್ (ಕೆಎಸ್ಪಿ), ಕೆಎಸ್ಪಿ ಎಸ್‌ಒ ಅಧಿಸೂಚನೆನ್ ಬುಡುಗಡೆ ಮಲ್ದೆರ್ . ಕರ್ನಾಟಕ ರಾಜ್ಯ ಪೊಲೀಸೇರ್ನ ಫಾರೆನ್ಸಿಕ್ ಸೈನ್ಸ್ ಲ್ಯಾಬೋರೇಟರಿ (ಎಫ್‌ಎಸ್‌ಎಲ್)ಡ್ ಸೈಂಟಿಫಿಕ್ ಆಫೀಸರ್ ಹುದ್ದೆಗ್ 84 ಖಾಲಿ ಹುದ್ದೆನ್ ಭರ್ತಿ ಮಲ್ಪರೆ ಅರ್ಹ ಬೊಕ್ಕ ಆಸಕ್ತ ಅಭ್ಯರ್ಥಿಲೆರ್ದ್ ಆನ್‌ಲೈನ್ ಅರ್ಜಿಗ್ ಲೆಪ್ಪೋಲೆ ಕೊರ್ತೆರ್ . ನೇರ ನೇಮಕಾತಿ ಮುಖೇನ ಕರ್ನಾಟಕಡ್ ಪೂರ್ಣ ಪೊರ್ತುದ ಆಧಾರದ ಮಿತ್ತ್ ಪೋಸ್ಟ್ ಮಲ್ಪರೆ ಆಪುಂಡು..

ಕೆಎಸ್ಪಿ ಸೈಂಟಿಫಿಕ್ ಅಧಿಕಾರಿಲೆಗ್ ಆನ್‌ಲೈನ್ ಅರ್ಜಿ-ಕಮ್-ನೋಂದಣಿ ಪ್ರಕ್ರಿಯೆ ಜೂನ್ 07, 2021 ಕ್ಕ್ ಕಾಂಡೆ 10:00 ಗಂಟೆರ್ದ್ ಸುರು ಆಪುಂಡು ಅಂಚನೆ ಜುಲೈ 07, 2021 ಕ್ಕ್ ಬೈಯ್ಯಗ್ 6:00 ಗಂಟೆಗ್ ಮುಗಿಯುoಡು .

ಜನಕುಲು ಸಾಕಾರ ಕೊರಿಯೆರ್ಡ ಲಾಕ್ ಡೌನ್ ಮಲ್ಪುನ ಪ್ರಶ್ನೆನೆ ಇಜ್ಜಿ : ಯಡಿಯೂರಪ್ಪ

ಬೆಂಗ್ಳೂರು, ಮೇ 30: ರಾಜ್ಯಡ್ ಕೊರೋನಾ ಸೋಂಕು ಕಮ್ಮಿ ಆಂಡಲಾ ನಿಯಂತ್ರಣಗ್ ಬೈಜ್ಜಿ . ಈ ನೆಲೆಟ್ಟ್ ರಾಜ್ಯ ಸರ್ಕಾರ ಲಾಕ್​ಡೌನ್​ ದುಂಬು ಮಲ್ಪುoಡ ಪನ್ಪಿನ ಅನುಮಾನ ಜನಕ್ಲೆಗ್ ಮೂಡುದು ಬೈದುಂಡು . ಈ ಸಂಬಂಧ ಇನಿ ಪಾತೆರಿನ ಸಿಎಂ ಬಿಎಸ್​ ಯಡಿಯೂರಪ್ಪ ಜನ ಸಾಕಾರ ಕೊರುಂಡ ಲಾಕ್​ಡೌನ್​ ದುಂಬು ಕೊನೊಪಿನ ಅಗತ್ಯ ಇಜ್ಜಿ. ಇತ್ತೆ ಉಪ್ಪುನ ಲಾಕ್​ಡೌನ್​ ಜೂನ್​ 7 ತಾರೀಖ್ ಮುಟ ದುಂಬು ಪೋಯೇರೆ ಉಂಡು . ಐರ್ದ್ ಬೊಕ್ಕ ಪರಿಸ್ತಿತಿಗ್ ಅನುಗುಣವಾದ್ ದುಂಬುದ ನಿರ್ಧಾರ ದೆತೊನುವ ಪಂದ್ ತೆರಿಪಾಯೆರ್. ರಾಜ್ಯಡ್ ಕೋವಿಡ್​ ಪರಿಸ್ಥಿತಿ ಬಗ್ಗೆ ಡಿಸಿಎಂ ಗೋವಿಂದ ಕಾರಜೋಳ, ಅಶ್ವಥ್​ನಾರಾಯಣ್​, ಸಿಎಸ್​ ರವಿಕುಮಾರ್ ಸೇರಿನoಚ ಪೆರಿಯ ಅಧಿಕಾರಿಲು ಕೋಡೆ ಮುಖ್ಯಮಂತ್ರಿಲು ಸಭೆ ನಡಪಾಯೆರ್ .

ರಡ್ಡ್ ದಿನಟ್ ಆಶಾ ಕಾರ್ಯಕರ್ತೆರೆಗ್ ವೇತನ ಬುಡುಗಡೆ : ಯಡಿಯೂರಪ್ಪ ಭರವಸೆ

ಬೆಂಗ್ಳೂರು, ಮೇ 30: ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಮೆರ್ ಕೋಡೆ ಮೈಸೂರು, ಹಾಸನ, ಬೆಳಗಾವಿ, ಕಲಬುರಗಿ ಬೊಕ್ಕ ವಿಜಯಪುರ ಜಿಲ್ಲೆದ ಸಂಸದೆರ್ ಬೊಕ್ಕ ಶಾಸಕೆರ್ನಟ್ಟಿಗೆ ವಿಡಿಯೊ ಸಂವಾದ ನಡಪಾದ್ , ಕೋವಿಡ್ 19 ಸೋಂಕು ತಡೆಗಟ್ಟುನ ಬಗ್ಗೆ ಚರ್ಚೆ ನಡಪಾಯೆರ್ .

ರಡ್ಡರೆ ಗಂಟೆರ್ದ್ ಜಾಸ್ತಿ ಕಾಲ ನಡತಿನ ಈ ಸಭೆಟ್ ಕೋವಿಡ್ ನಿರ್ವಹಣೆಡ್ ಬರೊಂದು ಉಪ್ಪುನ ಸಮಸ್ಯೆಲು ಸವಾಲುದ ಬಗ್ಗೆ ಚರ್ಚೆ ಮಲ್ತೆರ್ .ಆಶಾ ಕಾರ್ಯಕರ್ತೆರ್ನ ಬಾಕಿ ವೇತನ ಬುಡುಗಡೆ ಗ್ ಇತ್ತೆ ಕ್ರಮ ದೆತೊನ್ದೆರ್ ನನ ಬರ್ಪಿನ ರಡ್ಡ್ ಮೂಜಿ ದಿನಟ್ಟ್ ವೇತನ ಬುಡುಗಡೆ ಆಯೆರೆ ಉಂಡು ಪಂದ್ ಮುಖ್ಯಮಂತ್ರಿ ತೆರಿಪಾಯೆರ್ .

ಹೃದಯಾಘಾತರ್ದ್ ತೀರ್ ಪೋಯಿನ ಮಾಜಿ ಕಾರ್ಪೊರೇಟರ್ ಇಸ್ಮಾಯೀಲ್

ಕುಡ್ಲ , ಮೇ 30: ಕುಡ್ಲ ಮಹಾನಗರ ಪಾಲಿಕೆದ ಮಾಜಿ ಕಾರ್ಪೊರೇಟರ್, ಸುರತ್ಕಲ್ ಕೈತಲ್ ದ ಇಡ್ಯ ನಿವಾಸಿ ಇಸ್ಮಾಯೀಲ್ ಐ (65) ಶನಿವಾರ ಮಧ್ಯಾಹ್ನ ಪೇಂಟೆದ ಖಾಸಗಿ ಆಸ್ಪತ್ರೆಡ್ ಹೃದಯಾಘಾತರ್ದ್ ತೀರ್ ಪೋಯೆರ್.

ಮೃತೆರ್ ಮೂಜಿ ಆಣ್ ಜೋಕುಲು ಬೊಕ್ಕ ಇಷ್ಟ ಮಿಟ್ರೆರೆರ್ದ್ ದೂರ ಆತೆರ್.ಕಾಂಗ್ರೆಸ್ ಡ್ ಸಕ್ರಿಯರಾದ್ ಮೆರ್ 1997ಟ್ಟ್ ಇಡ್ಯ 7ನೆ ವಾರ್ಡ್‌ರ್ದ್ ಕುಡ್ಲ ಮಹಾನಗರ ಪಾಲಿಕೆಗ್ ಕಾರ್ಪೊರೇಟರ್ ಆದ್ ಆಯ್ಕೆಯಾದಿತ್ತೆರ್.

ವೀರಕಂಬ ಗ್ರಾಮ ಪಂಚಾಯತ್ ವತಿರ್ದ್ ಇಲ್ಲ ಇಲ್ಲಗ್ ಫಾಗಿಂಗ್

ಕಲ್ಲಡ್ಕ ಮೇ 29, ಬಂಟ್ವಾಳ ತಾಲೂಕು ವೀರಕಂಭ ಗ್ರಾಮದ ಗೊಳಿಮಾರ್ ಪನ್ಪಿನ ಜಾಗೆಡ್ ಡೆಂಗ್ಯೂ ಜ್ವರ ತೋಜಿನ ನೆಲೆಟ್ಟ್ ವೀರಕಂಭ ಗ್ರಾಮ ಪಂಚಾಯತ್ ವತಿರ್ದ್ ಡೆಂಗ್ಯೂ ಜ್ವರ ಉಪ್ಪುನ ಇಲ್ಲ್ ಅಂಚನೆ ಕೈತಲ್ ದ ಇಲ್ಲಗ್ ಫಾಗಿಂಗ ಮಲ್ತೆರ್ ಈ ಪೊರ್ತುಡು ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀಯುತ ದಿನೇಶ್ ಅಂಚನೆ ಗ್ರಾಮ ವ್ಯಾಪ್ತಿದ ಕಿರಿಯ ಆರೋಗ್ಯ ಸಹಾಯಕಿ ಶ್ರೀಮತಿ ಜ್ಯೋತಿ ಕೆ ಪಾಲ್ ಪಡೆದಿತ್ತೆರ್.

ವೀರ ಸಾವರ್ಕರ್ ಜಯಂತಿ : ಮಾರ್ಗಗ್ ವೀರ ಸಾವರ್ಕರ್ ಪುದರ್

ಓಡಿಪು, ಮೇ 29: ಕೊಡವೂರು ಪರಿಸರದ ಅವ್ವೆತೋ ಇಲ್ಲದ ಮಾರ್ಗದ ಸಮಸ್ಯೆ ಮಸ್ತ್ ವರ್ಷರ್ದ್ ಉಂಡು, ಮುಲ್ಪದ ನಿವಾಸಿಲು ಬೇತಕ್ಲೆನ ಇಲ್ಲದ ಸಾದಿಡ್, ಜಾಲ್ ಡ್ ನಡತೊಂದು ಪೋಪಿನ ಪರಿಸ್ಥಿತಿ ಇತ್ತುಂಡು.

ತಂಕ್ಲೆನ ಗಾಡಿನ್ ಬೇತಕ್ಲೆನ ಇಲ್ಲಡ್ ದೀದ್ ಪೋಪಿನಿ ಮನೆಯಲ್ಲಿ ಇಟ್ಟು ಹೋಗುವುದು,ತುರ್ತು ಪರಿಸ್ಥಿತಿಡ್ ಸರಿಯಾಯಿನ ಮಾರ್ಗ ಇಜ್ಜಂದೆ ಸರಿಯಾಯಿನ ಪೊರ್ತುಡು ಆಸ್ಪತ್ರೆಗ್ ಪೋಯೆರ್ ಆವಂದಿನ ಪರಿಸ್ಥಿತಿ ಇತ್ತುಂಡು ಅಂಚನೆ ಇಂದು ಅವ್ವೆತೋ ವರ್ಷರ್ದ್ ಈ ಭಾಗದ ಜನಕ್ಲೆನ ಸಮಸ್ಯೆಯಾದುಂಡು.

ಈ ಸಮಸ್ಯೆನ್ ಅರಿಕೆ ಮಲ್ತಿನ ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ಮೆರ್ನ ಮುತಾಲಿಕೆಡ್ ಅಲ್ಪದ ಜನಕ್ಲೆನ್ ಒಟ್ಟು ಮಲ್ತ್ ಮಾರ್ಗ ನಿರ್ಮಾಣ ಮಲ್ಪುನ ಅಲ್ಲಿನ ಬೇಲೆ ಸುರು ಮಲ್ತೆರ್. ಸುರುಕು ಮಾರ್ಗಗ್ ಬೋಡಾಪಿನ ಜಾಗೆನ್ ಅಲ್ಪದ ಜನಕ್ಲೆಡ ವಿಶ್ವಾಸ ದೆತೊoದು ಐತ ವ್ಯವಸ್ಥೆ ಮಲ್ತದ್ ಕೈತಲ್ ದ ನಾಗರೀಕೆರ್ನ ಅಭಿಪ್ರಾಯನ್ ದೆತೊoದು ಬೇಲೆ ಸುರು ಮಲ್ತೆರ್.ಇಂಚ ಶ್ರಮದಾನದ ಮುಖಾಂತರ ಮಾರ್ಗ ನಿರ್ಮಾಣ ಆಂಡ್ .

ಒಡಿಪು ನಗರ ಸಭೇರ್ದ್ ಸೇತುವೆನ್ ಮಲ್ತ್ದ್ ಮಾರ್ಗಗ್ ತನ್ನ ಸ್ವಂತ ಕಾಸ್ ರ್ದ್ ಮಣ್ಣು ಪಾರ್ದ್ ಗ್ರಾಮಸ್ಥರೇ ಮಾರ್ಗ ನಿರ್ಮಾಣ ಮಲ್ಪುನ ಕಾರ್ಯ ಪೂರ್ಣ ಆಂಡ್ .ಇಂಚ ಅವ್ವೆತೋ ವರ್ಷರ್ದ್ ಮಾರ್ಗ ಇಜ್ಜಂದಿನ ಜನಕ್ಲೆನ್ ಪೊಸತಾದ್ ಮಾರ್ಗ ನಿರ್ಮಾಣ ಆತಿನವು ಮಾತೆರೆಗ್ಲಾ ಖುಷಿ ಕೊರ್ತುಂಡು ಇಂಚ ಕೊಡವೂರು ವಾರ್ಡ್ ಡ್ 7 ಪೊಸ ಮಾರ್ಗದ ನಿರ್ಮಾಣ ಕಾರ್ಯ ನಡತೊಂದು ಉಂಡು ,ನನ ದುಂಬುದ ದಿನಟ್ ಆ ಮಾರ್ಗಲ ಪೂರ್ಣ ಆಯೆರೆ ಉಂಡು ಪಂದ್ ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ತೆರಿಪಾಯೆರ್ .

ಪೊಸ ಮಾರ್ಗಗ್ ಪುದರ್ ದೀಪಿನ ಪೊರ್ತುಡು ಸ್ವಾತಂತ್ರ ಹೋರಾಟಗಾರೆರಾಯಿನ ವೀರ ಸಾವರ್ಕರ್ ಪುದರ್ ದೀಯೆರ್.ಈ ಪರಿಸರದ ಜನಕುಲು ಮಾರ್ಗಗ್ ಸ್ವಾತಂತ್ರ ಹೋರಾಟಗಾರೆರಾಯಿನ ವೀರ ಸಾವರ್ಕರ್ ಪುದರ್ ದೀಯೆರೆ ತೀರ್ಮಾನ ಮಲ್ದಿನ ಬಾರಿ ಸಂತೋಷದ ಇಚಾರ ಇಂಚನೇ ಸ್ವತಂತ್ರ ಹೋರಾಟಗಾರೆರೆನ್ ನೆಂಪು ಮಲ್ಪುನ ಕಾರ್ಯ ಆವೊಡು ಪಂದ್ ಪಂಡೆರ್.

ಒಡಿಪುಡು ಶುಕ್ರವಾರ 9497 ಜನಕ್ ಕೊರೋನ ಲಸಿಕೆ

ಒಡಿಪು, ಮೇ 29: ಉಡುಪಿ, ಜಿಲ್ಲೆಡ್ ಶುಕ್ರವಾರ ಒಟ್ಟು 9497 ಜನಕ್ ಕೋವಿಡ್ ಲಸಿಕೆನ್ ಕೊರ್ತೆರ್ . ನೆಟ್ಟ್ 6335 ಜನಕ್ ಲಸಿಕೆದ ಸುರುತ್ತ ಡೋಸ್ ದೆತೊoಡ , 3162 ಜನ ರಡ್ಡನೇ ಡೋಸ್ ದೆತೊoದೆರ್ ಪಂದ್ ಡಿಎಚ್‌ಓ ಡಾ.ಸುಧೀರ್‌ಚಂದ್ರ ಸೂಡ ತೆರಿಪಾದೆರ್ .

ಇನಿ 18 ರ್ದ್ 44 ವರ್ಷದ ಉಲಯಿ 1880 ಜನಕ್ ಸುರುತ್ತಾ ಡೋಸ್‌ನ್ ದೆತೊoದೆರ್ . 45 ವರ್ಷ ಮಿತ್ತ್ ದ 4279 ಜನ ಸುರುತ್ತ ಡೋಸ್ ಅಂಚನೆ 3082 ಜನ ರಡ್ಡನೇ ಡೋಸ್‌ ದೆತೊನ್ದೆರ್ .