ಕಾಸ್ರೋಡ್ ಸುದ್ದಿ | Kasargod News

ಕೋವಿಡ್ ರ್ದ್ ತೀರ್ ಪೋಯಿನ ಕಾರ್ಕಳ ಎಪಿಎಂಸಿ ಗುರ್ಕಾರ್ಲಾಯಿನ ಮೋಹನ್ ದಾಸ್ ಶೆಟ್ಟಿ

ಕಾರ್ಕಳ, ಜೂನ್ 24: ಕಾರ್ಕಳ ಎಪಿಎಂಸಿ ಗುರ್ಕಾರ್ಲಾಯಿನ ಮೋಹನ್ ದಾಸ್ ಶೆಟ್ಟಿ (65) ಕೋವಿಡ್ ಕಾರಣರ್ದ್ ತೀರ್ ಪೋತೆರ್.

ಬೆಳ್ಮಣ್ ರೋಟರಿದ ಸಕ್ರಿಯ ಸದಸ್ಯರಾಯಿನ ಮೇರ್ ಬೆಳ್ಮಣ್ ಬೋರ್ಡ್ ಶಾಲೆದ ಕೈತಲ್ ಕೃಷ್ಣ ಪ್ರಸಾದ ನಿಲಯ ನಿವಾಸಿ. ಸಾಮಾಜಿಕ ಚಟುವಟಿಕೆಡ್ ಸಕ್ರಿಯರಾದ್ ಇತ್ತೆರ್ .ಬಿಜೆಪಿ ಬೆಳ್ಮಣ್ ಘಟಕದ ಮಾಜಿ ಸ್ಥಾನೀಯ ಸಮಿತಿ ಗುರ್ಕಾರ್ಲಾದಿತ್ತೆರ್ .ಇತ್ತೇ ಕೋವಿಡ್ ಗ್ ಬಲಿಯಾತೆರ್ , ಪತ್ನಿ ಒರ್ತಿ ಮಗಲೆರ್ದ್ ದೂರ ಆತೆರ್.ರೋಟರಿ ಕ್ಲಬ್ ಬೆಳ್ಮಣ್ ದ ಕ್ರಿಯಾಶೀಲ ಸದಸ್ಯೆರಾದಿತ್ತಿನ ಮೇರ್ , ನಂದಳಿಕೆ ಬೋರ್ಡ್ ಶಾಲೆ, ಬೆಳ್ಮಣ್ ಸರಕಾರಿ ಪ್ರೌಢಶಾಲೆದ ಬೆಳವಣಿಗೆಡ್ ಪ್ರಮುಖ ಪಾತ್ರ ಮಲ್ತಿತ್ತೆರ್ .

ಮೋಹನ್ ದಾಸ್ ಶೆಟ್ಟಿ ತೀರ್ ಪೋಯಿನೆಕ್ಕ್ ಕಾರ್ಕಳ ಶಾಸಕ ವಿ .ಸುನಿಲ್ ಕುಮಾರ್, ಬೆಳ್ಮಣ್ ಪಂಚಾಯತ್ ಗುರ್ಕಾರ್ಲಾಯಿನ ಜನಾರ್ದನ ತಂತ್ರಿ, ಉಪಾಧ್ಯಕ್ಷೆ ಸಹನಾ ಕುಂದರ್, ರೋಟರಿ ಗುರ್ಕಾರ್ಲಾಯಿನ ಸುಭಾಷ್ ಕುಮಾರ್, ಬಂಟರ ಸಂಘದ ಗುರ್ಕಾರ್ಲಾಯಿನ ಸುಹಾಸ್ ಹೆಗ್ಡೆ ಕಣ್ಣ ನೀರ ಪನಿತರ್ಪಣ ಮಲ್ತೆರ್ .

ಶ್ರೀ ಕ್ಷೇತ್ರ ಮಂದರ್ತಿಡ್ ಬಡಗುತಿಟ್ಟ್ ದ ಯಕ್ಷಗಾನ ಕಲಾವಿದೆರೆಗ್ ಶ್ರೀ ಪಟ್ಲ ಫೌಂಡೇಶನ್ ವತಿರ್ದ್ ಕಿಟ್

ಕುಡ್ಲ, ಜೂನ್ 24: ಶ್ರೀ ಕ್ಷೇತ್ರ ಮಂದರ್ತಿಡ್ ಇರ್ನೂದೆರ್ದ್ ಜಾಸ್ತಿ ಯಕ್ಷಗಾನ ಕಲಾವಿದೆರೆಗ್ ಶ್ರೀ ಪಟ್ಲ ಫೌಂಡೇಶನ್ ವತಿರ್ದ್ ಆಹಾರದ ಕಿಟ್ ಕೊರಿಯೆರ್.

ಕೈತಲ್ದ ಪೆರಿಯೆರಾಯಿನ ಶ್ರೀ ಶೇಡಿಕೊಡ್ಲು ವಿಠಲ ಶೆಟ್ಟಿ ಮೇರ್ ಹೆಗ್ಗುಂಜೆ ಪ್ರಭಾಕರ ಶೆಟ್ಟಿ ಮೇರ್ ಪಟ್ಲ ಪೌಂಡೇಶನ್ ಕಾರ್ಯದರ್ಶಿಲಾಯಿನ ಕೆರೆಕಟ್ಟೆ ಉದಯ ಶೆಟ್ಟಿ ಮೇರ್ ಹೆಗ್ಗುಂಜೆ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀ ಮತಿ ಜ್ಯೋತಿ ಹೆಗ್ಡೆ ಮೇರ್ ಸಮಾಜಸೇವಕೆರಾಯಿನ ಅಶೋಕ್ ಕುಂದರ್ ಮೇರ್ ಭಾಗವತೇರಾಯಿನ ಕೊಕ್ಕರ್ಣೆ ಸದಾಶಿವ ಅಮೀನ್ ,ಸುರೇಶ್ ಶೆಟ್ಟಿ ಶಂಕರನಾರಾಯಣ ಬೊಕ್ಕ ಶ್ರೀ ರಾಘವೇಂದ್ರ ಮಯ್ಯ ಮೇರ್ ಕಲಾಭಿಮಾನಿಲಾಯಿನ ರಮೇಶ್ ಮೆಂಡನ್ ಮೇರ್ ಪಾಲ್ ಪಡೆದಿತ್ತೆರ್.

ಪೆರಿಯ ಕಲಾವಿದೆರಾಯಿನ ಶ್ರೀ ನರಾಡಿ ಭೋಜರಾಜ ಶೆಟ್ಟಿಯಾಯಿನ ಕಲಾವಿದೆರ್ನ ಪರವಾದ್ ಶ್ರೀ ಪಟ್ಲ ಭಾಗವತೆರೆನ ಬಗ್ಗೆ ಪಾತೆರಿಯೆರ್.

ಕರೋನ ಸಂಕಷ್ಟಡ್ ಆಹಾರ ಕಿಟ್ ಪಡೆಯಿನ ಕಲಾವಿದ ಸಹೋದೆರ್ ಸಂತ್ರಪ್ತಿರ್ದ್ ಶ್ರೀ ಪಟ್ಲ ಭಾಗವತೆರೆಗ್ ಶ್ರೀ ಮಂದರ್ತಿ ಅಮ್ಮ ಆಯುರಾರೋಗ್ಯ ಐಶ್ವರ್ಯ ಕೊರಡ್ ಪಂದ್ ಪ್ರಾರ್ಥನೆ ಮಲ್ತೆರ್.

ತುಳುವೆರ್ನ ಬೇಡಿಕೆಗ್ ಒಡಿಪು ಸಂಸದೆರ್ ಕೋಂಗಿ ಕಟ್ಟಿನೆಕ್ಕ್ ತುಳುವೆರೆ ಪಕ್ಷ ಖಂಡನೆ

ಬೊಲ್ತೇರ್ (ಬೆಳ್ತಂಗಡಿ)ಜೂನ್ 24: ಒಡಿಪು ಚಿಕ್ಕಮಗಳೂರು ಸಂಸದೆರ್‌ ಶೋಭಾ ಕರಂದ್ಲಾಜೆ ತುಳುನಾಡ್ ರಾಜ್ಯ ಬೇಡಿಕೆದ ವಿಚಾರೊಡು ಇಂಚೊಗು ಕೋಂಗಿದ ಪಾತೆರ ಪಂಡಿನೆನ್ ತುಳುವೆರೆ ಪಕ್ಷ ಖಂಡಿಸಾದೆರ್.

ಶೋಭಾ ಕರಂದ್ಲಾಜೆ ಮೇರ್ ಇಂಚೊಗು ಕನ್ನಡ ಏಕೀಕರಣ ಚಳವಳಿನ್ ಸಮರ್ಥನೆ ಮಲ್ತ್‌ದ್ ತುಳು ಏಕೀಕರಣ ಚಳವಳಿನ್ ಕುಚೋದ್ಯದ ಬೇಡಿಕೆ ಪಂಡ್‌ದ್ ತುಳುವೆರೆಗ್ ಅಪಮಾನ ಮಲ್ದೆರ್ . ಉಂದು ಅರೆನ ರಡ್ದ್ ನಾಲಾಯಿನ್ ತೋಜಾವುಂಡು ಪಂಡ್‌ದ್ ತುಳುವೆರೆ ಪಕ್ಷದ ಗುರ್ಕಾರ್ಲು ಶೈಲೇಶ್ ಆರ್.ಜೆ. ಬೊಕ್ಕ ಪಕ್ಷದ ಬೊಲ್ತೇರ್ ತಾಲೂಕು ಘಟಕದ ಗುರ್ಕಾರ್ಲು ಪ್ರಶಾಂತ್ ಎಂ. ಪಂತೆರ್

ಒಡಿಪುದ ಸಂಸದೆರ್ ತುಳುವೆರೆನ ನಾಡು ನುಡಿತ್ತ ಪೊರ್‌ಂಬಾಟೊಗು ಕೋಂಗಿ ಕಟ್ಟ್ ದ್ ಸಮಸ್ತ ತುಳುವೆರೆನ ಭಾವನೆಗೆ ಬೇನೆ ಮಲ್ದೆರ್ . ತುಳುನಾಡ್, ಬಾಸೆ, ಸಂಸ್ಕೃತಿ, ಆಚಾರಗ್ ಕೋಂಗಿ ಕಟ್ಟ್oಡಲಾ ತುಳುವೆರೆ ಪಕ್ಷ ಅವೆನ್ ವಿರೋಧ ಮಲ್ಪುಂಡು ಪಂಡ್‌ದ್ ಅಕುಲು ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.

ತುಳುವೆರೆ ಪಕ್ಷಗ್ ಇಂಚೋಗು ರಾಷ್ಟ್ರೀಯ ಚುನಾವಣಾ ಆಯೋಗ ಅಧಿಕೃತ ಮಾನ್ಯತೆ ಕೊರ್ತಿನೆನ್ ನಮ್ ಮುಲ್ಪ ನೆಂಪು ಮಲ್ಪೊಲಿ .

ತುಳು ಅಕಾಡೆಮಿ ಸದಸ್ಯೆರೆಡ್ದ್ ದೈವಾರಾಧಕೆರೆಗ್‌ ಫುಡ್ ಕಿಟ್

ಒಡಿಪು, ಜೂನ್ 23: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ತಾರಾ ಉಮೇಶ್ ಆಚಾರ್ಯ, ಬೊಕ್ಕ ಡಾ.ಆಕಾಶ್ ರಾಜ್ ಜೈನ್ ದೈವಾರಾಧನಾ ಕಲಾವಿದೆರೆಗ್ ಮಾಸ್ಕ್,ಬಿಸ್ಕಿಟ್ ಬೊಕ್ಕ ಫುಡ್ ಕಿಟ್ ಕೊರ್ದ್ ಸಹಕಾರ ಮಲ್ತೆರ್.