ಕಾಸ್ರೋಡ್ ಸುದ್ದಿ | Kasargod News

ಸೋಶಿಯಲ್ ಇಖ್ವಾ ಫೆಡರೇಶನ್ ವತಿರ್ದ್ ಆಂಬುಲೆನ್ಸ್ ಕೊಡುಗೆ

ವಿಟ್ಲ, ಜುಲೈ 11: ಮಾಣಿ ಸೋಶಿಯಲ್ ಇಖ್ವಾ ಫೆಡರೇಶನ್ ವತಿರ್ದ್ ಆಂಬುಲೆನ್ಸ್ ಸೇವಾರ್ಪಣೆ ಬೊಕ್ಕ ಕೆ.ಎಮ್.ಸಿ ಬ್ಲಡ್ ಬ್ಯಾಂಕ್ ಒಟ್ಟು ಸೇರಿಗೆಡ್ ನೆತ್ತೆರ್ ದಾನ ಶಿಬಿರ ಗುರುವಾರ ನೇರಳಕಟ್ಟೆದ ಇಂಡಿಯನ್ ಆಡಿಟೋರಿಯಂಡ್ ನಡತ್oಡ್ .

ದಿ. ಹಾಜಿ ಬಿ.ಹುಸೈನ್ (ಸುಲ್ತಾನ್) ಕೊಡಾಜೆ ಸ್ಮರಣಾರ್ಥ ಅಂಬುಲೆನ್ಸ್ ಸೇವೆನ್ ಮೆರ್ನ ಮಗೆ ಉಮ್ಮರ್ ಫಾರೂಕ್ ಸೇವಾರ್ಪಣೆ ಮಲ್ತೆರ್ . ಸೋಶಿಯಲ್ ಇಖ್ವಾ ಫೆಡರೇಶನ್ ಗುರ್ಕಾರ್ಲಾಯಿನ ಅಬ್ದುಲ್ ರಹ್ಮಾನ್ ಸುಲ್ತಾನ್ ಗುರ್ಕಾರ್ಮೆ ವಹಿಸಿಯೆರ್ .

ನೆತ್ತೆರ್ ದಾನ ಶಿಬಿರನ್ ಉದಿಪನ ಮಲ್ತಿನ ಮಾಣಿ ಶ್ರೀ ಪದ್ಮಾ ಕ್ಲಿನಿಕ್ ದ ಡಾ. ಶ್ರೀನಾಥ್ ಆಳ್ವ ಪಾತೆರ್ದ್ ಯುವ ಸಮುದಾಯ ಸಮಾಜಮುಖಿ ಚಟುವಟಿಕೆಡ್ ಉಪ್ಪುನವು ಶ್ಲಾಘನೀಯ ಪಂದ್ ಪಂಡೆರ್ .

ಪಾಣೆಮಂಗಳೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸುಧೀಪ್ ಕುಮಾರ್ ಶೆಟ್ಟಿ, ಮಾಣಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಬಾಲಕೃಷ್ಣ ಆಳ್ವ, ನೆಟ್ಲಮುಡ್ನೂರು ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಸತೀಶ್ ಪೂಜಾರಿ ಕೊಪ್ಪರಿಗೆ, ಮುಸ್ಲಿಂ ಸೆಂಟ್ರಲ್ ಕಮಿಟಿ ಸದಸ್ಯೆರಾಯಿನ ಹನೀಫ್ ಖಾನ್ , ಮಿಲ್ಲತ್ ಚಾರಿಟೇಬಲ್ ಟ್ರಸ್ಟ್ ಗುರ್ಕಾರ್ಲಾಯಿನ ಹಾಜಿ ಉಮ್ಮರ್ ರಾಜ್ ಕಮಲ್, ಹಾಜಿ ಮುಹಮ್ಮದ್ ರಫೀಕ್ ಸುಲ್ತಾನ್, ಎಸ್ಡಿಪಿಐ ಜಿಲ್ಲಾ ಕಾರ್ಯದರ್ಶಿ ಶಾಹುಲ್ ಹಮೀದ್, ಬರಿಮಾರು ಶ್ರೀ ಮಹಮ್ಮಾಯಿ ದೇವಸ್ಥಾನ ಆಡಳಿತ ಮೊಕ್ತೇಸರ ರಾಕೇಶ್ ಪ್ರಭು, ಸೂರಿಕುಮೇರ್ ಚರ್ಚ್ ನ ಮಾಜಿ ಉಪಾಧ್ಯಕ್ಷ ರೋಶನ್ ಮಾರ್ಟಿಸ್ ಪಾಲ್ ಪಡೆದಿತ್ತೆರ್.

ಮುಡಿಪು ಬ್ಲಾಕ್ ಕಾಂಗ್ರೆಸ್ ಅಲ್ಪಸಂಖ್ಯಾತರ ಘಟಕದ ಪೊಸ ಗುರ್ಕಾರ್ಲಾದ್ ಮರು ಆಯ್ಕೆಯಾಯಿನ ಮುಹಮ್ಮದ್ ಇಮ್ತಿಯಾಝ್ ತುಂಬೆ

ಬಂಟ್ವಾಳ, ಜುಲೈ 11: ಮುಡಿಪು ಬ್ಲಾಕ್ ಕಾಂಗ್ರೆಸ್ ಅಲ್ಪಸಂಖ್ಯಾತರ ಘಟಕದ ಪೊಸ ಗುರ್ಕಾರ್ಲಾದ್ ಯುವ ಉದ್ಯಮಿ ಮುಹಮ್ಮದ್ ಇಮ್ತಿಯಾಝ್ ತುಂಬೆ ರಡ್ಡನೇ ಸಲ ನೇಮಕ ಆತೆರ್.

ಮಾಜಿ ಸಚಿವ, ಶಾಸಕ ಯು.ಟಿ.ಖಾದರ್ ಮೆರ್ನ ನಿರ್ದೇಶನದಲಕ , ಮುಡಿಪು ಬ್ಲಾಕ್ ಗುರ್ಕಾರ್ಲಾಯಿನ ಪ್ರಶಾಂತ್ ಖಾಜವ ಮೆರ್ನ ಶಿಫಾರಸ್ದ ಮಿತ್ತ್ ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ಗುರ್ಕಾರ್ಲಾಯಿನ ಕೆ.ಕೆ.ಶಾಹುಲ್ ಹಮೀದ್ ಮೇರ್ ಮುಹಮ್ಮದ್ ಇಮ್ತಿಯಾಝ್ ತುಂಬೆ ಮೆರೆನ್ ಗುರ್ಕಾರ್ಲಾದ್ ನೇಮಕ ಮಲ್ದೆರ್.

ಕುಡ್ಲದ ಮಲ್ಲಿಕ್ಕಟ್ಟೆ ಕಾಂಗ್ರೆಸ್ ಭವನಡ್ ಪಕ್ಷದ ಪ್ರಮುಖ ನಾಯಕೆರ್ನ ಸಮ್ಮುಖಡ್ ಇಮ್ತಿಯಾಝ್ ತುಂಬೆ ಮೇರ್ ಕೋಡೆ ನೇಮಕಾತಿ ಆದೇಶ ಪತ್ರ ಸ್ವೀಕಾರ ಮಲ್ತೆರ್ . ತುಂಬೆ ಗ್ರಾಮದ ನಿವಾಸಿಯಾಯಿನ ಮುಹಮ್ಮದ್ ಇಮ್ತಿಯಾಝ್ ತುಂಬೆ ಪದವೀಧರೇರಾತೆರ್ ಮುಡಿಪು ಬ್ಲಾಕ್ ಕಾಂಗ್ರೆಸ್ ದ ಸಕ್ರಿಯ ಕಾರ್ಯಂತೆರ್ ಆತೆರ್ .

ಗ್ಯಾಸ್ ದ ಬಿಲೆ ಏರಿಕೆ ವಿರೋಧಿಸಾದ್ ಡಿವೈಎಫ್‌ಐ,ರಿಕ್ಷಾ ಚಾಲಕೆರೆರ್ದ್ ಪ್ರತಿಭಟನೆ

ಕುಂದಾಪುರ, ಜುಲೈ 10: ಅನಿಲ ಬೆಲೆ ಏರಿಕೆ ವಿರೋಧಿಸಾದ್ ಡಿವೈಎಫ್‌ಐ ಕುಂದಾಪುರ ತಾಲೂಕು ಸಮಿತಿ ಬೊಕ್ಕ ಕುಂದಾಪುರ ಆಟೋರಿಕ್ಷಾ ಅಂಚನೇ ವಾಹನ ಚಾಲಕರ ಸಂಘ(ಸಿಐಟಿಯು) ಮುತಾಲಿಕೆಡ್ ಬುಧವಾರ ಕುಂದಾಪುರಡ್ ಪ್ರತಿಭಟನೆ ನಡತುಂಡು .

ಡಿವೈಎಫ್‌ಐ ತಾಲೂಕು ಗುರ್ಕಾರ್ಲಾಯಿನ ರಾಜೇಶ್ ವಡೇರಹೋಬಳಿ ಪಾತೆರ್ದ್ , ಮಾರಕ ಕೊರೋನಾ ಸೋಂಕು ಸಾಮಾನ್ಯ ಜನತೆತ ಬದ್ಕ್ ನ್ ಬಲಿ ದೆತೊನ್ದುಂಡು ಈ ಕರಾಳ ಪೊರ್ತುಡೆ ಕೇಂದ್ರ ಸರಕಾರ ಅಗತ್ಯ ವಸ್ತುದ ಬಿಲೆ ಏರಿಕೆ ಮಲ್ದಿನವು ಜನಸಾಮಾನ್ಯೆರೆಗ್ ಕಷ್ಟ ಆತುಂಡು ಪಂದ್ ಪಂಡೆರ್

ರೋಟರಿ ಕ್ಲಬ್ ಗುರ್ಕಾರ್ಲಾದ್ ಅಧಿಕಾರ ಸ್ವೀಕಾರ ಮಲ್ಪರೆ ಉಪ್ಪುನ ಮೊಹಮ್ಮದ್ ವಳವೂರು

ಬಂಟ್ವಾಳ,ಜುಲೈ 10: ಪೇಂಟೆದ ಪ್ರತಿಷ್ಠಿತ ಸೇವಾ ಸಂಸ್ಥೆಯಾಯಿನ ರೋಟರಿ ಕ್ಲಬ್ ಬಂಟ್ವಾಳದ 2021-22ನೇ ಸಾಲ್ ದ ಪೊಸ ಗುರ್ಕಾರ್ಲಾದ್ ಅಂಚನೇ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ಜುಲೈ 9 ತಾರೀಖ್ ಗ್ ಬೈಯ್ಯ ಬಿ.ಸಿ.ರೋಡ್ ದ ರೋಟರಿ ಬಿ.ಎ.ಸೋಮಯಾಜಿ ಮೆಮೋರಿಯಲ್ ಸಭಾಂಗಣಡ್ ನಡಪರೇ ಉಂಡು ಪಂದ್ ಪೊಸ ಗುರ್ಕಾರ್ಲಾಯಿನ ಮುಹಮ್ಮದ್ ವಳವೂರು ತೆರಿಪಾಯೆರ್ .

ಗುರುವಾರ ಬೈಯ್ಯ ಬಿ.ಸಿ.ರೋಡ್ ಡ್ ಲೆತ್ತಿನ ಸುದ್ದಿಗೋಷ್ಠಿಡ್ ಪಾತೆರಿನ ಮೇರ್ , ಪೂರ್ವ ಜಿಲ್ಲಾ ಗವರ್ನರ್ ಡಾ. ನಾಗಾರ್ಜುನ್ ಮೇರ್ ಪೊಸ ಪದಾಧಿಕಾರಿಲೆನ ಪದಗ್ರಹಣ ಬೋಧಿಸಾಯೆರ್ . ಮಲ್ಲ ಬಿನ್ನೆರ್ ಆದ್ ಜಿಲ್ಲೆದ 3181 ವಲಯ 4ರ ಸಹಾಯಕ ಗವರ್ನರ್ ರೋ. ಪಿಎಚ್‌ಎಫ್ ಸುರೇಂದ್ರ ಕಿಣಿ, ಜಿಲ್ಲೆ 3181ರ ವಲಯ ಸೇನಾನಿ ರೋ. ಪಿಎಚ್‌ಎಫ್ ಅವಿಲ್ ಮಿನೇಜಸ್ ಪಾಲ್ ಪಡೆಯರೇ ಉಲ್ಲೆರ್.