Sun. Nov 22nd, 2026

ಕಾರ್ಲದ ಸುದ್ದಿ Karkala News

” Tulunadu Kailasa” Pavanje Sri Mahalingeshwara temple – Asthabandha Brahmakalasha celebration ‘ತುಳುನಾಡ ಕೈಲಾಸ’ ಪಾವಂಜೆ ಶ್ರೀ ಮಹಾಲಿಂಗೇಶ್ವರನ ಸನ್ನಿಧಿಡ್ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ

ಹಳೆಯಂಗಡಿ : ತುಳುನಾಡ ಕೈಲಾಸ ಪನ್ಪಿನ ಪುಗರ್ತೆದ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನಡ್ ಶನಿಯಾರ ಬೊಲ್ಪುಗು ಅಷ್ಟಬಂಧ ಬ್ರಹ್ಮಕಲಶ ಅಭಿಷೇಕ ಭಾರಿ ಶ್ರದ್ಧಾ ಭಕ್ತಿಡ್ ನಡತ್ಂಡ್.

ಕ್ಷೇತ್ರದ ತಂತ್ರಿಲು ವೇ.ಮೂ. ಉಡುಪಿ ಕಂಬ್ಳಕಟ್ಟ ರಾಧಾಕೃಷ್ಣ ಉಪಾಧ್ಯಾಯ ಮೇರೆನ ಮುತಾಲಿಕೆಡ್, ಹಿರಿಯ ಧಾರ್ಮಿಕ ಚಿಂತಕೆರ್ ವೇ.ಮೂ. ಕೃಷ್ಣ ಭಟ್ ಪಾವಂಜೆ ಮೆರೆನ ಮಾರ್ಗದರ್ಶನೊಡು ಬ್ರಹ್ಮಕಲಶದ ಮಾತ ಧಾರ್ಮಿಕ ವಿಧಿ ವಿಧಾನೊಲು ನಡತ್ಂಡ್.

ಪುಲ್ಯಕಾಂಡೆ 2 ಗಂಟೆರ್ದ್ ಬೇತೆ ಬೇತೆ ಯಾಗ, ಪರಿಕಲಶ ಅಭಿಷೇಕ ಆದ್ ಕುಂಭ ಲಗ್ನದ ಎಡ್ಡೆ ಗಳಿಗೆಡ್ ಬ್ರಹ್ಮಕುಂಭಾಭಿಷೇಕ ನಡತ್ಂಡ್. ಬೊಕ್ಕ ಬೇತೆ ಬೇತೆ ಪೂಜೆ, ಮಹಾಪೂಜೆ, ಧ್ವಜಪೂಜೆ ನಡತ್ಂಡ್. ಅಂಚೆನೆ ಮಹಾ ಅನ್ನಸಂತರ್ಪಣೆದ ಪಲ್ಲ ಪೂಜೆ ಆದ್ ಬಲಿ ಪಿದಾಡ್ದ್ ದೇವಲ್ಯದ ಬಾಕಿಮಾರು ಕಂಡೊಡು ರಥಾಧಿವಾಸ ಯಾಗ ರಥಶುದ್ಧಿ ಬೊಕ್ಕ ದೇವೆರ್ನ ಬಲಿ ಆದ್ ದೇವೆರ್ ತೇರ್ ಗಾಯೆರ್. ಅವೆರ್ದ್ ಬೊಕ್ಕ ಅಜಕಾಯಿ ದರ್ಪುನ ಕಜ್ಜ ನಡತ್ ದ್ ಭಕ್ತೆರ್ ದೇವೆರೆನ ತೇರ್ ನ್ ಒಂಜಿ ಅಜೆ ಒಯಿತೆರ್.ಅವೆರ್ದ್ ಬೊಕ್ಕ ಸಂಘ ಸಂಸ್ಥೆಲೆರ್ದ್ ಸೇವಾರ್ಥವಾದ್ ಬಚ್ಚಂಗಾಯಿ ತುಂಡು ಪಟ್ಟಿಯೆರ್. ಅವೆರ್ದ್ ಬೊಕ್ಕ ಮಹಾ ಅನ್ನಸಂತರ್ಪಣೆ ನಡತ್ಂಡ್. ಬೊಕ್ಕ ಪಾವಂಜೆ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯದೇವಲ್ಯರ್ದ್ ಅಲೆ ನೀರ್ ಸೇವೆ ಇತ್ತ್ಂಡ್.

ಮೂಲ್ಕಿ ಸೀಮೆ ಅರಸೆರ್ ಎಂ. ದುಗ್ಗಣ್ಣ ಸಾವಂತೆರ್, ಬಿಜೆಪಿ ಜಿಲ್ಲಾಧ್ಯಕ್ಷೆರ್ ಸುದರ್ಶನ್ ಬೆದ್ರ, ಕೆಪಿಸಿಸಿ ಕಾರ್ಯದರ್ಶಿ ಮಿಥುನ್ ರೈ, ಪಿಸಿಎ ಬ್ಯಾಂಕ್‌ ಅಧ್ಯಕ್ಷೆರ್ ಎಸ್.ಎಸ್.ಸತೀಶ್ ಭಟ್ ಕೊಳುವೈಲು, ತೋಕೂರು ದೇವಸ್ಥಾನದ ಹರಿದಾಸ್ ಭಟ್, ಮೂಲ್ಕಿ ಅರಮನೆತ್ತ ಗೌತಮ್ ಜೈನ್, ಕಸ್ತೂರಿ ಪಂಜ, ಪಾವಂಜೆ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬಿ. ಸೂರ್ಯಕುಮಾರ್, ಜೀರ್ಣೋದ್ಧಾರ ಸಮಿತಿಯ ಅಧ್ಯಕ್ಷೆರ್ ಪ್ರಕಾಶ್ ಎನ್. ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ ನಾನಿಲ್, ಪ್ರಧಾನ ಅರ್ಚಕೆರ್ ವಾಸುದೇವ ಭಟ್, ಪವಿತ್ರಪಾಣಿ ಪಿ. ಗಣೇಶ್ ಭಟ್, ರಡ್ಡ್ ಸಮಿತಿದಲ ಪದುಕೆರಾಯಿನ ರಾಮದಾಸ್ ಪಾವಂಜೆ, ಸುಧಾಕರ ಆರ್ ಅಮೀನ್ ಹಳೆಯಂಗಡಿ, ಪಿ. ಗೋಪಾಲಕೃಷ್ಣ ರಾವ್, ರಘು ಕೆ. ದೇವಾಡಿಗ, ಸುಕುಮಾರ್ ಸಿ. ಜ್ಯೋತಿ ರಾಮಚಂದ್ರ, ಸುಲೋಚನ ಮಹಾಬಲ, ಎಚ್. ಭಾಸ್ಕರ ಸಾಲ್ಯಾನ್, ಜೀವನ್ ಪ್ರಕಾಶ್ ಕಾಮೆರೊಟ್ಟು, ಜಗನ್ನಾಥ ಸನಿಲ್, ಶಶೀಂದ್ರ ಎಂ. ಸಾಲ್ಯಾನ್, ಮೋಹನ್ ಸುವರ್ಣ, ರಮೇಶ್ ಬಂಗೇರ, ಜನಾರ್ದನ ಪಡುಪಣಂಬೂರು, ಸವಿತಾ ಬೆಳ್ಳಾಯರು, ಅರುಣ್‌ಕುಮಾರ್, ಪ್ರಮೀಳಾ ಪೂಜಾರಿ, ಯತೀಶ್ ಕೋಟ್ಯಾನ್, ಸುಂದರ ಸಾಲ್ಯಾನ್, ಕೃಷ್ಣ ಹೆಬ್ಬಾರ್, ಯಾದವ ದೇವಾಡಿಗ, ಸುರೇಶ್ ಬಂಗೇರ ಸಸಿಹಿತ್ಲು, ವಿನೋದ್ ಬೊಳ್ಳೂರು, ಎಸ್‌ಕೆಪಿಎದ ಮೋಹನ್ ರಾವ್, ಸದಸ್ಯೆರ್, ಉಪ ಸಮಿತಿದ ಸದಸ್ಯೆರ್, ಬೇತೆ ಬೇತೆ ಸಂಘ ಸಂಸ್ಥೆದ ಪದುಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್. ಸುಮಾರು 52 ಸ್ವ ಸಹಾಯ ಸಂಘದ ಅಂದಾಜಿ 2 ಸಾವಿರ ಸದಸ್ಯೆರ್ ಸ್ವಯಂ ಸೇವಕೆರಾದ್ ಸೇವೆ ಮಲ್ತೆರ್. ಸುಮಾರರ್ 25 ಸಾವಿರ ಭಕ್ತೆರ್ ಬತ್ತಿತ್ತೆರ್ .

” Tulunadu Kailasa” Pavanje Sri Mahalingeshwara temple – Asthabandha Brahmakalasha celebration

Haleangadi: The rituals of Asthabandha Brahmakalasha was celebrated grandly on Saturday morning at Pavanje Kshetra.

The holy rituals were conducted under the guidance of vedamurthy K Radhakrishna Upadhyay with help from Vedamurthy Krishna Bhat.

” Adalitha Sowdha” at Mulky taluk to be inaugurated by six months ಆಜೇ ತಿಂಗೊಲ್ದ ಉಲಯಿ ಮುಲ್ಕಿ ತಾಲೂಕು ಆಡಳಿತ ಸೌಧ ಉದಿಪನ : ಉಮಾನಾಥ ಕೋಟ್ಯಾನ್ ಭರವಸೆ ಮುಲ್ಕಿ ತಾಲೂಕು ಗಣರಾಜ್ಯ ಉಚ್ಚಯದ ಲೇಸ್

ಮುಲ್ಕಿ : ಮುಲ್ಕಿ ಬೊಕ್ಕ ಬೆದ್ರ ಕ್ಷೇತ್ರಡ್ ಸಮಾನ ರೀತಿದ ಅಭಿವೃದ್ಧಿದ ಬೇಲೆಗ್ ರಾಜ್ಯ ಸರ್ಕಾರ ಅನುದಾನ ಕೊರ್ತುಂಡು. ರಡ್ಡರೆ ತಿಂಗೊಲ್ದ ಪಿರವುಡು ಕೆಸರ್ ಕಲ್ಲ್ ಪಾಡ್ದಿನ ಮುಲ್ಕಿ ತಾಲೂಕು ಆಡಳಿತ ಸೌಧ ದಾಖಲೆ ಅವಧಿಡ್ ಪಂಡ ಕಾಲಿ ಆಜೇ ತಿಂಗೊಲ್ದ ಉಲಯಿ ಉದಿಪನ ಆವರೆ ಉಂಡು ಪಂದ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ಪಂಡೆರ್.

ಆರ್ ಕಾರ್ನಾಡ್ ಗಾಂಧಿ ಮೈದಾನಡ್ ಮುಲ್ಕಿ ತಾಲೂಕು ರಾಷ್ಟ್ರೀಯ ಹಬ್ಬಗಳ ಆಚರಣೆ ಸಮಿತಿ ಮುತಾಲಿಕೆಡ್ ಗುರುವಾರ ನಡತಿನ 74 ನೇ ವರ್ಷದ ಗಣರಾಜ್ಯ ಉಚ್ಚಯದ ಕೊಡಿ ಏರಾದ್, ಲೇಸ್ ಡ್ ಧ್ವಜ ವಂದನೆ ಸ್ವೀಕಾರ ಮಲ್ತ್ ದ್ ಪಾತೆರಿಯೆರ್.

ಮುಲ್ಕಿ ಬೆದ್ರ ವಿಧಾನಸಭಾ ಕ್ಷೇತ್ರೊಡು ಕರಿನ 5 ವರ್ಷೊರ್ದು 1825 ಕೋಟಿ ರೂ. ಅನುದಾನದ ಬೇಲೆ ಆತ್ಂಡ್. ಒಂಜಿ ವರ್ಷ 3 ತಿಂಗೊಲುದ ಅವಧಿಡ್ ಬೆದ್ರದ ಆಡಳಿತ ಸೌಧ ಉದಿಪನ ಆತ್ಂಡ್. ಅಂಚೆನೆ ಮುಲ್ಕಿದ ಗೇರುಕಟ್ಟೆಡ್ ಲ ಸರ್ಕಾರದ ಮಾತ ಕಚೇರಿಲ ಒಂಜೇ ಕಟ್ವಾಣೊಗು ಬರ್ಪಿಲೆಕ 10 ಕೋಟಿ ರೂ.ಕರ್ಚಿ ಡ್ ನಿರ್ಮಾಣ ಆವೊಂದಿಪ್ಪುನ ತಾಲೂಕು ಆಡಳಿತ ಸೌಧ ಇಡೀ ದೇಶೊಡೇ ಸುರೂತ್ತ ಸರ್ತಿ ಪನ್ಪಿಲೆಕ ಆಜಿ ತಿಂಗೊಲುಡು ಕೆಲಸ ಮಲ್ಪರೆ ಉಂಡು ಪಂಡೆರ್.

ಮುಲ್ಕಿ ಬೆದ್ರ ಕ್ಷೇತ್ರ ಭಾರಿ ಬೇಗೊಡೆ ಅಭಿವೃದ್ಧಿ ಆವೊಂದುಂಡು. ಮುಲ್ಕಿಡ್ ಪರ್ಪಿನ ನೀರ್ ಗ್ ಅಣೆಕಟ್ಟ್, ಅಗತ್ಯವಾದ್ ಬೋಡಾಯಿನ ಫೈರ್ ಸರ್ವಿಸ್ ಸ್ಟೇಶನ್, ತಾಲೂಕು ಕೋರ್ಟು, ಐಬಿ ಇಂಚ ಮಾತ ವಿಧೊಟ್ಟುಲ ಬುಲೆಚ್ಚಿಲ್ ಆವೊಂದುಂಡು ಪಂಡೆರ್.

ತಹಶೀಲ್ದಾರ್ ಅನಂತಶಂಕರ್ , ತಾಲೂಕು ಕಾರ್ಯನಿರ್ವಹಣಾಧಿಕಾರಿ ದಯಾವತಿ, ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉಪಾಧ್ಯಕ್ಷೆರ್ ಸತೀಶ್ ಅಂಚನ್,ಮುಖ್ಯಾಧಿಕಾರಿ ಚಂದ್ರ ಪೂಜಾರಿ, ಕಿನ್ನಿಗೋಳಿ ಪಟ್ಟಣ ಪಂಚಾಯತ್ ಮುಖ್ಯಾಧಿಕಾರಿ ಸಾಯೀಶ್ ಚೌಟ, ಪೊಲೀಸ್ ಇನ್ ಸ್ಪೆಕ್ಟರ್ ಕುಸುಮಾಧರ, ಎಎಸ್ಐ ಚಂದ್ರಶೇಖರ್, ಮುಲ್ಕಿ ಸರಕಾರಿ ಕಾಲೇಜು ಪ್ರಿನ್ಸಿಪಾಲ್ ಡಾ.ವಾಸುದೇವ ಬೆಳ್ಳೆ, ಬೊಕ್ಕ ಹಿಂದೂ, ಮುಸ್ಲಿಂ ,ಕ್ರೈಸ್ತ ಧರ್ಮ ಗುರುಕ್ಕುಲು ಮಲ್ಲ ಬಿನ್ನೆರಾದ್ ಬತ್ತಿತ್ತೆರ್.

ನೆರ್ದ್ ದುಂಬು ಮುಲ್ಕಿ ಠಾಣೆದ ಪಿಎಸ್ಐ ಮಾರುತಿ ಮೆರೆನ ಮುತಾಲಿಕೆಡ್ ಪಥ ಸಂಚಲನ ನಡತ್ಂಡ್. ಪೊಲೀಸ್ ಸಿಬ್ಬಂದಿಲು, ಗೃಹ ರಕ್ಷಕ ದಳ ಸಿಬ್ಬಂದಿ ಅಂಚೆನೆ ಬೇತೆ ಬೇತೆ ಶಾಲೆದ ಎನ್ ಸಿಸಿ, ಸ್ಕೌಟ್ಸ್ ಗೈಡ್ಸ್ ಜೋಕುಲೆರ್ದ್ ಅಂಚೆನೆ ಗ್ರಾಮ ಪಂಚಾಯ್ತಿದಕ್ಲೆನ ಸ್ತಬ್ಧಚಿತ್ರ ಟ್ಯಾಬ್ಲೊ ಮೆರವಣಿಗೆದ ಒಟ್ಟುಗು ಕಾರ್ನಾಡ್ ಸದಾಧಿವ ರಾವ್ ಸರ್ಕಲ್ ಮುಟ್ಟ ಬೊಕ್ಕ ಅಲ್ತ್ ರ್ದ್ ಪಿರ ಗಾಂಧಿ ಮೈದಾನಡ್ ಪಥ ಸಂಚಲನ ನಡತ್ಂಡ್.

ಸಭಾ ಕಾರ್ಯಕ್ರಮತ್ತ ವೇದಿಕೆಡ್ ಸಾಧಕೆರೆಗ್ ಮಾನಾದಿಗೆ, ಸ್ಪರ್ಧಾ ವಿಜೇತೆರೆಗ್ ಇನಾಮು ಪಟ್ಟುನ ಕಜ್ಜ ನಡತ್ಂಡ್. ಅಯಿರ್ದ್ ಬೊಕ್ಕ ಬೇತೆ ಬೇತೆ ಶಾಲೆದ ಜೋಕುಲೆರ್ದ್ ನೃತ್ಯ ಕಾರ್ಯಕ್ರಮ ನಡತ್ಂಡ್.
ಬಿಇಒ ಸದಾನಂದ ಪೂಂಜ ಬಿನ್ನೆರೆನ್ ಎದ್ಕೊಂಡೆರ್. ವಕೀಲೆರ್ ಭಾಸ್ಕರ ಹೆಗ್ಡೆ ಲೇಸ್ ಸುಧಾರಿಕೆ ಮಲ್ತೆರ್.

Handicrafts exhibitions and sale at Parashurama Theme park ಪರಶುರಾಮ ಥೀಮ್ ಪಾರ್ಕ್ ಡ್ ಕರಕುಶಲ ವಸ್ತು ಪ್ರದರ್ಶನ ಮಾರಾಟ ಮಳಿಗೆ ಉದಿಪನ

ಕಾರ್ಲ: ಆಚಾರ-ಇಚಾರ ಪದ್ದತಿಲು ಒಂಜಿ ಜಾಗೆರ್ದ್ ನನೊಂಜಿ ಜಾಗೆಗ್ ಬದಲ್ ಆದಿಪ್ಪುಂಡು. ಇತ್ತೆ ಒಂಜೇ ವೇದಿಕೆಡ್ ಬೇತೆ ಬೇತೆ ಜಾಗೆದ ವಸ್ತು, ಉತ್ಪನ್ನಲೆನ್ ತೂಪಿನ ಅವಕಾಶ ತಿಕ್ ದ್ಂಡ್ ಪಂದ್ ಇಂಧನ ಸಚಿವೆರ್ ವಿ. ಸುನಿಲ್ ಕುಮಾರ್ ಪಂಡೆರ್.

ಆರ್ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಒಡಿಪು, ಭಾರತ ಸರ್ಕಾರ-ಗಾಂಧೀ ಸಿಲ್ಕ್ ಬಜಾರ್, ಕರ್ನಾಟಕ ರಾಜ್ಯ ಕರಕುಶಲ ಅಭಿವೃದ್ದಿ ನಿಗಮ ಬೆಂಗ್ಲೂರು, ರಾಜ್ಯ ಗ್ರಾಮೀಣ ಜೀವನೋಪಾಯ ಅಭಿಯಾನದ ಸಂಜೀವಿನಿ ರಾಷ್ಟ್ರಮಟ್ಟದ ಕರಕುಶಲ ವಸ್ತುಪ್ರದರ್ಶನ ಬೊಕ್ಕ ರಾಜ್ಯ ಮಟ್ಟದ ಸಂಜೀವಿನ ಉತ್ಪನ್ನದ ಪ್ರದರ್ಶನ ಬೊಕ್ಕ ಮಾರಟ ಮಳಿಗೆನ್ ಉದಿಪನ ಮಲ್ತ್‌ದ್ ಪಾತೆರಿಯೆರ್. ಮೀನುಗಾರಿಕೆ ಬೊಕ್ಕ ಒಳನಾಡು ಸಾರಿಗೆ ಸಚಿವೆರ್, ಒಡಿಪು ಜಿಲ್ಲಾ ಉಸ್ತುವಾರಿ ಸಚಿವೆರ್ ಎಸ್. ಅಂಗಾರ ಲೇಸ್‌ನ್ ಉದಿಪನ ಮಲ್ತ್‌ದ್ ಎಡ್ಡೆಪ್ಪುನು ಬಯಕಿಯೆರ್.

Parashurama Theme park to be inaugurated tomorrow ಎಲ್ಲೆ ಉದಿಪನ ಆಯರೆ ಉಂಡು ಪರಶುರಾಮ ಥೀಮ್ ಪಾರ್ಕ್

ಕಾರ್ಲ: ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ಜ.27 ಕ್ಕ್ ಮಧ್ಯಾಹ್ನ 2.30 ಗಂಟೆಗ್ ಕಾರ್ಲ ತಾಲೂಕ್‌ದ ಬೈಲೂರು ಯರ್ಲಪಾಡಿಡ್ ಪರಶುರಾಮ ಥೀಮ್ ಪಾರ್ಕ್‌ ಉದಿಪನ ಮಲ್ಪರೆ ಉಲ್ಲೆರ್.

ಉಂದುವೇ ಪೊರ್ತುಡು ಆರ್ ಪರಶುರಾಮ ಮೂರ್ತಿನ್ ಲೋಕಾರ್ಪಣೆ ಮಲ್ಪರೆ ಉಲ್ಲೆರ್. ಈ ಲೇಸ್‌ಡ್ ಮಸ್ತ್ ಜನ ಮಲ್ಲ ಬಿನ್ನೆರ್ ಪಾಲ್ ಪಡೆಯರೆ ಉಲ್ಲೆರ್.

Pramod Mutalik: Will contest as a independent candidate in Karkala ಪಕ್ಷೇತರ ಅಭ್ಯರ್ಥಿಯಾದ್ ಕಾರ್ಲ ವಿಧಾನಸಭೆ ಕ್ಷೇತ್ರಡೇ ವೋಟುಗು ಉಂತುವೆ: ಪ್ರಮೋದ್ ಮುತಾಲಿಕ್

ಕಾರ್ಲ: ದುಂಬು ಬರ್ಪಿನ ವಿಧಾನಸಭಾ ವೋಟುಡು ಕಾರ್ಲ ಕ್ಷೇತ್ರರ್ದೆ ಯಾನ್ ಸ್ಪರ್ಧೆಗ್ ಉಂತುವೇ ಪಂದ್ ಶ್ರೀ ರಾಮಸೇನೆದ ಮುಖ್ಯಸ್ಥೆರ್ ಪ್ರಮೋದ್ ಮುತಾಲಿಕ್ ಅಧಿಕೃತವಾದ್ ಘೋಷಣೆ ಮಲ್ತ್‌ದೆರ್.

ಈ ಬಗೆಟ್ಟ್ ಕಾರ್ಲಡ್ ಮಲ್ತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಪಕ್ಷೇತರ ಅಭ್ಯರ್ಥಿಯಾದ್ ಕಾರ್ಲಡ್ ಸ್ಪರ್ಧೆಗ್ ಉಂತುವೆ. ಯಾನ್ ಹಿಂದುತ್ವದ ಪರವಾದ್ ಉಲ್ಲೆ. ಆಂಡ ಬಿಜೆಪಿ ವಿರೋಧಿ ಅತ್ತ್. ಯನ್ನ ಸ್ಪರ್ಧೆ ಹಿಂದುತ್ವಗಾದ್ ಅಂಚನೆ ಭ್ರಷ್ಟಾಚಾರದ ವಿರುದ್ಧವಾದ್ ಪಂದ್ ಪಂಡೆರ್.

Pramod Mutalik: Will contest as a independent candidate in Karkala

Karkala: In the upcoming Vidhana Sabha elections Pramod Mutalik chief of Sri Rama Sena formally announced at a press conference here.

ಅಖಿಲ ಭಾರತ ತುಳು ಒಕ್ಕೂಟದ ಗುರಿಕಾರೆ ಆದ್ ಎಸಿ ಭಂಡಾರಿ ಆಯ್ಕೆ

ಕುಡ್ಲ: ಅಖಿಲ ಭಾರತ ತುಳು ಒಕ್ಕೂಟದ 2022-24ನೇ ಸಾಲ್‌ದ ಗುರಿಕಾರೆ ಆದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆರ್ ಎ.ಸಿ. ಭಂಡಾರಿ ಮೇರ್ ಅಖಿಲ ಭಾರತ ತುಳು ಒಕ್ಕೂಟ(ರಿ.)ದ ಮುತಾಲಿಕೆಡ್ ನಡತಿನ ಮಹಾಸಭೆಟ್ಟ್ ಆಯ್ಕೆ ಆತೆರ್. ಮೇರ್ ಮೂಲತಃ ಬಂಟ್ವಾಳದ ಸಜಿಪದಾರ್.

ಅಂಚನೆ ಗೌರವಾಧ್ಯಕ್ಷೆರಾದ್ ಶಶಿಧರ ಬಿ. ಶೆಟ್ಟಿ ಬರೋಡ, ಉಪಾಧ್ಯಕ್ಷೆರ್ ಆದ್ ಜಯಕರ ಶೆಟ್ಟಿ ಇಂದ್ರಾಳಿ ಒಡಿಪು, ಬಿ. ದಾಮೋದರ ನಿಸರ್ಗ ಕುಡ್ಲ, ವಿಜಯಲಕ್ಷ್ಮಿ ಬಿ. ಶೆಟ್ಟಿ ಕುಡ್ಲ, ತಾರಾನಾಥ ಶೆಟ್ಟಿ ಬೋಳಾರ್ ಕುಡ್ಲ, ಪ್ರಧಾನ ಕಾರ್ಯದರ್ಶಿ ಮುಲ್ಕಿ ಕರುಣಾಕರ ಶೆಟ್ಟಿ ಕುಡ್ಲ, ಕೋಶಾಧಿಕಾರಿ ಎಂ. ಚಂದ್ರಹಾಸ ದೇವಾಡಿಗ ಬೆದ್ರ, ಜೊತೆ ಕಾರ್ಯದರ್ಶಿ ಪಿ ಎ ಪೂಜಾರಿ ಕೋಡಿಕಲ್, ಹರೀಶ್ ನೀರ್‌ಮಾರ್ಗ, ಸಂಘಟನಾ ಕಾರ್ಯದರ್ಶಿ ಕದ್ರಿ ನವನೀತ ಶೆಟ್ಟಿ, ಡಾ. ರಾಜೇಶ್ ಆಳ್ವ ಕುಡ್ಲ ಅಂಚನೆ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಆದ್ ಧರ್ಮಪಾಲ ಯು. ದೇವಾಡಿಗ ಬೊಂಬಾಯಿ, ಚಂದ್ರಶೇಖರ್ ಸುವರ್ಣ ಕುಡ್ಲ, ವಿಜಯ್ ಕುಮಾರ್ ಕುಲಶೇಖರ ಬೆಂಗ್ಲೂರ್, ವಿ.ಜಿ. ಪಾಲ್ ಕುಡ್ಲ, ಲೀಲಾಕ್ಷ ಕರ್ಕೇರ ಕುಡ್ಲ, ಗಂಗಾಧರ ಕಿದಿಯೂರು ಒಡಿಪು, ಸುಖಲಾಕ್ಷಿ ವೈ, ಸುವರ್ಣ ಕುಡ್ಲ, ಜಯಂತಿ ಎಸ್. ಬಂಗೇರ ಬೆದ್ರ, ಪ್ರದೀಪ್ ಆಳ್ವ ಕುಡ್ಲ, ಸತೀಶ್ ಸಾಲ್ಯಾನ್ ಕಾಸ್ರೋಡು, ಪುರುಷೋತ್ತಮ ಚೆಂಡ್ಲಾ ಬೆಂಗ್ಲೂರು, ಮೋಹನ್ ದಾಸ್ ಹಿರಿಯಡ್ಕ, ರವಿ ದೇವಾಡಿಗ ಬೊಂಬಾಯಿ, ದುರ್ಗಾಪ್ರಸಾದ್ ರೈ, ಕುಂಬ್ರ ಪುತ್ತೂರ್, ಉಮೇಶ್ ಶೆಟ್ಟಿ ನೂಜಿಬೈಲು ಆಯ್ಕೆ ಆತೆರ್.

A C Bandhari selected as president of All India Tulu Okkutha 

A C Bandhari who has been working relentlessly from the 1970’s for the development and advancement of Tulu language, culture,folk and growth of Tulu newspapers has been selected as president of Akila Baratha Tulu Okkutha.

ಮುಲ್ಕಿ ಬೆದ್ರ ಮಂಡಲದ ಬಿಜೆಪಿ ವಿಜಯ ಸಂಕಲ್ಪ ಅಭಿಯಾನ ಉದಿಪನ

ಮುಲ್ಕಿ: ಬಿಜೆಪಿದ ವಿಜಯ ಸಂಕಲ್ಪ ಅಭಿಯಾನಗ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ಮೇರ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಎದುರು ಸನಿಯಾರ ಕಾಂಡೆ ಜಾಗಂಟೆ ಬೊಟ್ಟುದು ಚಾಲನೆ ಕೊರಿಯೆರ್.

ಈ ಪೊರ್ತುಡು ಬಿಜೆಪಿ ಜಿಲ್ಲಾಧ್ಯಕ್ಷೆರ್ ಸುದರ್ಶನ್ ಬೆದ್ರ , ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉಪಾಧ್ಯಕ್ಷೆರ್ ಸತೀಶ್ ಅಂಚನ್, ಮುಲ್ಕಿ ಬೆದ್ರ ಮಂಡಲ ಅಧ್ಯಕ್ಷೆರ್ ಸುನಿಲ್ ಆಳ್ವ, ಮನೋಹರ ಕೋಟ್ಯಾನ್, ಭುವನಾಭಿರಾಮ ಉಡುಪ, ಈಶ್ವರ ಕಟೀಲ್ , ಕಸ್ತೂರಿ ಪಂಜ, ಲೀಲಾ ಬಂಜನ್, ವಿನೋದ್ ಸಾಲ್ಯಾನ್ ಬೆಳ್ಳಾಯಿರು, ನರಸಿಂಹ ಪೂಜಾರಿ, ಶೈಲೇಶ್ ಶೆಟ್ಟಿ, ರಮಾನಾಥ್ ಪೈ, ಮಹಿಮ್ ಹೆಗ್ಡೆ, ದಿನೇಶ್ ಶೆಟ್ಟಿ ಪಡುಪಣಂಬೂರು, ಹರಿಪ್ರಸಾದ್ ಕೊಲ್ನಾಡು, ವಿನೋದ್ ಬೊಳ್ಳೂರು, ಕೇಶವ್ , ಉದಯ ಅಮೀನ್ ಮಟ್ಟು, ಮೊಕುಲು ಮಾತ ಇತ್ತೆರ್.

ಬಿಜೆಪಿ ಅಭಿಯಾನದ ಜಾಥಾ ಬಪ್ಪನಾಡ್ ರ್ದ್ ಕಾರ್ನಾಡ್ ಗೇರುಕಟ್ಟೆ ಮುಟ್ಟ ಪೋದು ಸಮಾಪನ ಆಂಡ್.

ಒಂಜಿ ವರ್ಷದ ಉಲಯಿ 10,000 ಶಾಲಾ ಕೋಣೆ ನಿರ್ಮಾಣ: ಶಿಕ್ಷಣ ಸಚಿವೆರ್ ಬಿ.ಸಿ.ನಾಗೇಶ್, ಮುಲ್ಕಿ ಕಾರ್ನಾಡ್ ಸರಕಾರಿ ಪಿಯು ಕಾಲೇಜಿಡ್ 50 ನೇ ವರ್ಷದ ಬಂಗಾರ್ದ ಉಚ್ಚಯ

ಮುಲ್ಕಿ : ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಮೆರೆನ ಕನತ್ತಂಚೆನೆ ಒಂಜಿ ವರ್ಷದುಲಯಿ ಪೊಸ ಶಿಕ್ಷಣ ನೀತಿ ಜಾರಿಗ್ ಬತ್ತ್ ದ್, ಕರ್ನಾಟಕಡ್ 10,000 ಶಾಲೆ ಕೋಣೆಲೆನ್, ಸುಸಜ್ಜಿತವಾಯಿನ ಪಾಯಿಖಾನೆಲೆನ್ ಕಟ್ಟಾದ್ ಕೊರ್ಪಿನ ಯೋಜನೆ ಉಂಡು ಪಂದ್ ಶಿಕ್ಷಣ ಬೊಕ್ಕ ಸಾಕ್ಷರತೆ ಇಲಾಖೆ ಸಚಿವೆರಾಯಿನ ಬೆಳ್ಳೂರು ಚಂದ್ರಶೇಖರ್ ನಾಗೇಶ್ ತೆರಿಪಾಯೆರ್.

ಸರಕಾರಿ ಪದವಿ ಪೂರ್ವ ಕಾಲೇಜು ಕಾರ್ನಾಡ್, ಮುಲ್ಕಿ ನೆತ್ತ 50 ನೇ ವರ್ಷದ ಬಂಗಾರ್ದ ಉಚ್ಚಯದ ಲೇಸ್ ನ್ (ಜ.17) ಉದಿಪನ ಮಲ್ತ್ ದ್ ಆರ್ ಪಾತೆರಿಯೆರ್.

ಬ್ರಿಟಿಷೆರ್ನ ಕಾಲೊಡು ಸುರುಮಲ್ದಿನ ಮೆಕಾಲೆ ಶಿಕ್ಷಣ ಪದ್ಧತಿನ್ ಬದಲ್ ಮಲ್ತ್ ದ್ ಜೋಕ್ಲೆಗ್ ಅಗತ್ಯವಾದ್ ಬೋಡಾಪಿನ (ಸ್ಟೂಡೆಂಟ್ ಸೆಂಟ್ರಿಕ್) ಪೊಸ ಶಿಕ್ಷಣ ನೀತಿನ್ ಕನವೊಡು ಪಂದ್ ದೇಶದ ಪ್ರಧಾನಿ ನರೇಂದ್ರ ಮೋದಿ ಅಧಿಕಾರೊಗು ಬತ್ತಿನ ಸುರುಟ್ಟೇ ಪನ್ತೆರ್. ಅವೇ ಪ್ರಕಾರ ದುಂಬುದ ದಿನೊಟ್ಟು ಪೊಸ ಶಿಕ್ಷಣ ನೀತಿ (ಎನ್ ಇಪಿ) ಜಾರಿಗ್ ಬರಿಯರೆ ಉಂಡು. ಅಯಿತ್ತ ಪ್ರಕಾರ ಬೊಮ್ಮಾಯಿ ಸರ್ಕಾರ, ಬರ್ಪಿನ ಆಗಸ್ಟ್ 15 ತಾರೀಕ್ ದ ಉಲಯಿ10000 ಶಾಲಾ ಕೊಠಡಿ, ಶೌಚಾಲಯ ಕಟ್ಟಾವರೆ 250 ಕೋಟಿ ರೂ. ದೀತೆರ್. ಅವ್ವತ್ತಾಂದೆ ಒರಾನೆ 15,000 ಶಿಕ್ಷಕೆರೆನ್ ನೇಮಕ ಮಲ್ಪುನ ಯೋಚನೆಲ ಉಂಡು. ಒಟ್ಟಾರೆ ಪೊಸ ಶಿಕ್ಷಣದ ಪ್ರಕಾರ,ಶಿಕ್ಷಣ ಸಂಸ್ಥೆ ಲೆಡ್ ಪೊಸ ಬದಲಾವಣೆ ಆವರೆ ಉಂಡು. ಅವೆರ್ದ್ ಜೋಕುಲೆಡ ರಾಷ್ಟ್ರೀಯ ಭಾವನೆ ಪುಟ್ಟುಂಡು ಪಂಡೆರ್.

ಸುವರ್ಣ ಮಹೋತ್ಸವ ಸಮಿತಿದ ಅಧ್ಯಕ್ಷೆರ್, ಶಾಸಕೆರ್ ಉಮಾನಾಥ ಕೋಟ್ಯಾನ್ “ಹೊನ್ನ ಕಾರ್ನಾಡು” ನೆಂಪು ಸಂಚಿನ್ ಬುಡುಗಡೆ ಮಲ್ತೆರ್. ಸಮಿತಿದ ಉಪಾಧ್ಯಕ್ಷೆರ್ , ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ ಅಧ್ಯಕ್ಷತೆ ಒಯಿಸ್ ದಿತ್ತೆರ್.

ಮಲ್ಲ ಬಿನ್ನೆರಾದ್ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ , ಸುವರ್ಣ ಮಹೋತ್ಸವ ಸಮಿತಿದ ಗೌರವಾಧ್ಯಕ್ಷೆರ್ ಎಂ.ಯದುನಾರಾಯಣ ಶೆಟ್ಟಿ, ಧರ್ಮದರ್ಶಿ ಹರಿಕೃಷ್ಣ ಪುನರೂರು,ಅಜಿತ್ ರೈ ಪಾದೆಮನೆ,ಎಂ.ಎಚ್. ಅರವಿಂದ ಪೂಂಜ, ಕರ್ಣಾಟಕ ಬ್ಯಾಂಕ್ ಅಧಿಕಾರಿ ಪಿ.ಪ್ರದೀಪ್ ಕುಮಾರ್, ಕಾರ್ಪೊರೇಶನ್ ಮಾಜಿ ನಿವೃತ್ತ ಡಿಜಿಎಂ ಜಾನ್ ಡಿಸೋಜ ಉದ್ಯಮಿಲಾಯಿನ ಎಂ.ಬಿ.ಖಾನ್, ಗುರುದಾಸ್ ಶೆಣೈ, ಬೆನೆಡಿಕ್ಟ್ ಮಚಾದೊ, ಶಿಕ್ಷಣ ಇಲಾಖೆ ಉಪನಿರ್ದೇಶಕೆರ್ , ಸಿ.ಡಿ.ಜಯಣ್ಣ , ಸುಧಾಕರ ಕೆ., ಬಿಇಒ ಸದಾನಂದ ಪೂಂಜ, ಗೋವಿಂದ ಮಡಿವಾಳ್, ಮುಖ್ಯೋಪಾಧ್ಯಾಯಿನಿ ಜಯಲಕ್ಷ್ಮಿ ನಾಯಕ್, ಕಾಲೇಜು ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್, ಸುವರ್ಣ ಮಹೋತ್ಸವ ಸಮಿತಿದ ಕಾರ್ಯಾಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ಟಿ, ಕೋಶಾಧಿಕಾರಿ ಗಣೇಶ್ ಆರ್.ಕುಡ್ವ, ಉಪನ್ಯಾಸಕಿ ಡಾ.ರೇಖಾ, ಪ್ರೌಢ ಶಾಲೆ ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ಹರ್ಷರಾಜ್ ಶೆಟ್ಟಿ ಜಿಎಂ, ಸುವರ್ಣ ಮಹೋತ್ಸವ ಸಮಿತಿ ಸದಸ್ಯೆರ್, ಹಳೆ ವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಶಮೀನಾ ಆಳ್ವ ಇತ್ತೆರ್.

ಭಾಗ್ಯಶ್ರೀ ಬೊಕ್ಕ ಕೂಟದಕುಲು ದೇವೆರೆನ್ ಸುಗಿತೆರ್. ಪ್ರಿನ್ಸಿಪಾಲ್ ಡಾ. ವಾಸುದೇವ ಬೆಳ್ಳೆ ಪ್ರಸ್ತಾವಿಕವಾದ್ ಪಾತೆರಿಯೆರ್.

ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾದ್ ಶಾಲೆದ ಹಳೆ ವಿದ್ಯಾರ್ಥಿ ರವೀಂದ್ರ ಪ್ರಭು ಮೆರೆನ ಕೂಟದಕ್ಲೆರ್ದ್ ಸಂಗೀತ ರಸಮಂಜರಿ, ಶಾಲೆದ ವಿದ್ಯಾರ್ಥಿಲೆರ್ದ್ ನೃತ್ಯ ಕಾರ್ಯಕ್ರಮ ಬೊಕ್ಕ ಕಲಾ ಸಂಗಮ ಕಲಾವಿದೆರೆರ್ದ್ ಶಿವ ದೂತೆ ಗುಳಿಗೆ ನಾಟಕ ಪ್ರದರ್ಶನ ನಡತ್ಂಡ್.

ಪಾವಂಜೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ಬ್ರಹ್ಮಕಲಶ ಉಚ್ಚಯದ ದೊಂಪ ಮೂರ್ತ

ಹಳೆಯಂಗಡಿ : ಜೀರ್ಣೋದ್ಧಾರ ಆದ್ ಇತ್ತೆ ಬ್ರಹ್ಮಕಲಶ ಉಚ್ಚಯೊಗು ತಯಾರಾದಿತ್ತಿನ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನಡ್ ಬುಧಾರ ಮಧ್ಯಾಹ್ನ 12.10 ತ್ತ ಎಡ್ಡೆ ಗಳಿಗೆಡ್ ದೊಂಪದ ಮೂರ್ತ ನಡತ್‌ಂಡ್.

ಪೆರಿಯ ವಿದ್ವಾಂಸೆರ್ ವೇದಮೂರ್ತಿ ಕೃಷ್ಣ ಭಟ್ ಪಾವಂಜೆ ಪ್ರಾರ್ತನೆ ಮಲ್ತ್ ದ್ ಬ್ರಹ್ಮಕಲಶ ಉಚ್ಚಯದ ಮಾತಾ ಕಜ್ಜಲ ದಾಲಾ ಕುಂದು ದಾಂತೆ ನಡಪಡ್ ಪಂದ್ ಪಂಡೆರ್.

ಅರ್ಚಕೆರಾಯಿನ ಪಿ. ವಾಸುದೇವ ಭಟ್, ಪವಿತ್ರಪಾಣಿ ಗಣೇಶ್ ಭಟ್, ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಸೂರ್ಯಕುಮಾರ್, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಪ್ರಕಾಶ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ ನಾನಿಲ್, ಜೊತೆ ಕಾರ್ಯದರ್ಶಿ ರಾಮದಾಸ್ ಪಾವಂಜೆ, ಜತೆ ಕೋಶಾಧಿಕಾರಿ ಸುಧಾಕರ ಆರ್. ಅಮೀನ್ ನಾನಿಲ್, ಸಮಿತಿ ಸದಸ್ಯೆರಾಯಿನ ಪಿ.ಗೋಪಾಲಕೃಷ್ಣ ರಾವ್ ಕೊರುವೇಲ್, ಭಾಸ್ಕರ ಸಾಲ್ಯಾನ್, ಜ್ಯೋತಿ ರಾಮಚಂದ್ರ, ಸುಲೋಚನಾ, ರಘು ದೇವಾಡಿಗ, ಪ್ರಮೀಳಾ ಪೂಜಾರಿ, ಹಳೆಯಂಗಡಿ ಗ್ರಾಮ ಪಂಚಾಯ್ತಿ ಸದಸ್ಯೆರ್ ನಾಗರಾಜ್, ಕೇಶವ ಸನಿಲ್, ಗಣೇಶ್ ಯು., ಮೋಹನ್ ಸುವರ್ಣ,ಸುಂದರ ಸಾಲ್ಯಾನ್, ಪೀತಾಂಬರ ಶೆಟ್ಟಿಗಾರ್, ರವಿ ಪ್ರಸಾದ್ ಭಟ್ ಮೊಕುಲು ಮಾತ ಇತ್ತೆರ್.

ಮಾದರಿ ಪೇಂಟೆ ಆದ್ ಮುಲ್ಕಿ ಅಭಿವೃದ್ಧಿ ಆವರೆ ಉಂಡು: ಉಮಾನಾಥ ಕೋಟ್ಯಾನ್

ಮುಲ್ಕಿ : ಮುಲ್ಕಿ ಪೇಂಟೆದ ವ್ಯಾಪ್ತಿಡ್ ಸುಮಾರ್ 10 ಕೋಟಿ ರೂ.ಕರ್ಚಿಡ್ ತಹಸೀಲ್ದಾರ್ ಕಚೇರಿ, ಕಂದಾಯ ಇಲಾಖೆ ಕಟ್ವಾನೊದ ಬೇಲೆ ಬಿರ್ಸ್‌ಡ್ ನಡತೊಂದು ಇತ್ತ್‌ದ್, ಎಪ್ರಿಲ್‌ಡ್ ಉದಿಪನ ಆಯರೆ ಉಂಡು. ನಗರ ವ್ಯಾಪ್ತಿ ಒಂಜೆಟ್ಟ್ 12.61 ಕೋಟಿ ರೂ. ಮುಟ್ಟದ ಬೇಲೆ ನಡತೊಂದು ಇತ್ತ್‌ದ್ ದುಂಬುದ ದಿನಟ್ಟ್ ಕೋರ್ಟು, ಪ್ರವಾಸಿ ಮಂದಿರ, ಅಗ್ನಿಶಾಮಕ ದಳತ್ತ ಕಟ್ವಾನ, ಬಸ್ ನಿಲ್ದಾಣ, ತಾ.ಪಂ. ಕಟ್ವಾನ ನಿರ್ಮಾಣ ಮಲ್ತ್‌ದ್ ಮೂಲ್ಕಿನ್ ಮಾದರಿ ನಗರವಾದ್ ಮಲ್ಪರೆ ಉಂಡು ಪಂದ್ ಮುಲ್ಕಿ ಬೆದ್ರ ಶಾಸಕೆರ್ ಪಂಡೆರ್.

ಮೂಲ್ಕಿ ನಗರ ಪಂಚಾಯತ್ ವ್ಯಾಪ್ತಿಡ್ ಸರ್ಕಾರದ ಅನುದಾನಡ್ ಲೋಕೋಪಯೋಗಿ ಇಲಾಖೆರ್ದ್ ಆಯರೆ ಇಪ್ಪುನ 320 ಲಕ್ಷ ರೂ. ಕರ್ಚಿದ ಬೇತೆ ಬೇತೆ ರೀತಿದ ಕಾಮಗಾರಿಲೆಗ್ ಜ.11 ಸೋಮಾರ ಚಾಲನೆ ಕೊರ್ದು ಆರ್ ಪಾತೆರಿಯೆರ್. ಬಿಜಾಪುರ ಕಾಲೋನಿನ್ ಅಭಿವೃದ್ಧಿ ಮಲ್ಪುನ ಉದ್ದೇಶಡ್ 6 ಕೋಟಿ ರೂಪಾಯಿದ ಮಾಸ್ಟರ್ ಪ್ಲ್ಯಾನ್ ತಯಾರ್ ಆತ್ಂಡ್ ಪಂದ್ ಕೋಟ್ಯಾನ್ ಪಂಡೆರ್.

ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ ಲೇಸ್‌ದ ಅಧ್ಯಕ್ಷತೆ ವಹಿಸ್ ದಿತ್ತೆರ್. ಈ ಪೊರ್ತುಡು ಉಪಾಧ್ಯಕ್ಷೆರ್ ಸತೀಶ್ ಅಂಚನ್, ಮಾಜಿ ಅಧ್ಯಕ್ಷೆರ್ ಸುನಿಲ್ ಆಳ್ವ, ಮುಖ್ಯಾಧಿಕಾರಿ ಪಿ.ಚಂದ್ರ ಪೂಜಾರಿ, ವಿಪಕ್ಷ ನಾಯಕಿ ವಿಮಲಾ ಪೂಜಾರಿ, ಸದಸ್ಯೆರ್ ಆಯಿನ ಪುತ್ತುಬಾವ, ಹರ್ಷ ರಾಜ ಶೆಟ್ಟಿ, ಮಂಜುನಾಥ ಕಂಬಾರ, ವಂದನಾ ಕಾಮತ್, ಶಾಂತಾ ಕಿರೋ ಡಿಯನ್, ದಯಾವತಿ ಅಂಚನ್, ರಾಧಿಕ ಕೋಟ್ಯಾನ್, ಈರಣ್ಣ ಅರಳಗುಂಡಿ, ನರಸಿಂಹ ಪೂಜಾರಿ ಲೇಸ್‌ಡ್ ಪಾಲ್ ಪಡೆದಿತ್ತೆರ್. ಸದಸ್ಯೆರ್ ಶೈಲೇಶ್ ಕುಮಾರ್ ಬತ್ತಿನ ಬಿನ್ನೆರೆನ್ ಎದ್ಕೊಂದು ಸೊಲ್ಮೆ ಸಂದೈತ ಮಲ್ತೆರ್.

You Missed