ಉಡುಪಿದ ಸುದ್ದಿ | Udupi News

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ದೇವೆರೆ ಪಾದೊ ಸೇರಿಯೆರ್ ಉಳ್ಳಾಲ ಶ್ರೀ ಚೀರುಂಭ ಭಗವತೀ ಕ್ಷೇತ್ರದ ಉಪಾಧ್ಯಕ್ಷೆರ್ ಸುಂದರ ಬೆಲ್ಚಡ ಮಾದು ಕೋಡಿ

Sep 16, 2022

ಉಳ್ಳಾಲ ಶ್ರೀ ಚೀರುಂಭ ಭಗವತೀ ಕ್ಷೇತ್ರದ ಉಪಾಧ್ಯಕ್ಷೆರ್ ಆಯಿನ ಸುಂದರ ಬೆಲ್ಚಡ ಮಾದು ಕೋಡಿ ಮೇರ್ ಸುಕ್ರಾರ ಬಯ್ಯಗ್ 7 ಗಂಟೆಗ್ ದೇವೆರೆ ಪಾದೊ ಸೇರಿಯೆರ್.

ಸನಿಯಾರ ಕಾಂಡೆ 10.30 ಗ್ ತೀರ್ ಪೋಯಿನರೆನ ಅಂತಿಮ ಯಾತ್ರೆ ನಡಪರೆ ಉಂಡು. ಆಯಿಬೊಕ್ಕ ಮಾದುಕೋಡಿದ ಇಲ್ಲರ್ದ್ ಪಿದಡ್ದ್ ಬೆಂಜನಪದವು ರುದ್ರಭೂಮಿಡ್ ಕಡೆತ್ತ ಅಂತಿಮಕ್ರಿಯೆ ನಡಪರೆ ಉಂಡು.

ಭಾಯಂದರ್: ಸೆ.17ಕ್ಕ್ ಶಿವಪ್ಪ ರೈ ಪೆರ್ಲ ಸನತಡ್ಕ ಕೈಯಾರು ಮೆರೆನ ನೆಂಪುಗ್ “ಸರ್ವ ಮಂಗಲ ಮಾಂಗಲ್ಯೆ” ಯಕ್ಷಗಾನ

Sep 16, 2022

ಭಾಯಂದರ್: ಸುಮತಿ ರೈ ಎಜುಕೇಶನ್ ಟ್ರಸ್ಟ್ ಮುತಾಲಿಕೆಡ್ ಇಪ್ಪುನ ಸೈಂಟ್ ಆಗ್ನೇಸ್ ಇಂಗ್ಲೀಷ್ ಹೈಸ್ಕೂಲ್ ಭಾಯಂದರ್ ಅಂಚನೆ ಕೆ.ಎಸ್. ಮೆಹ್ತಾ ಜೂನಿಯರ್ ಕಾಲೇಜ್ ಕಾರ್ಯಾಧ್ಯಕ್ಷೆರ್, ಸಮಾಜ ಸೇವಕೆರ್ ಡಾ. ಅರುಣೋದಯ ಎಸ್. ರೈ ಪೆರ್ಲ ಸನತಡ್ಕ ಕೈಯಾರು ಮೆರೆನ ೨೪ನೇ ನೆಂಪುಗ್ ಬಪ್ಪನಾಡು ಶ್ರೀ ದುರ್ಗಾ ಪರಮೇಶ್ವರಿ ಕೃಪಾ ಪೋಷಿತ ಯಕ್ಷಗಾನ ಮಂಡಳಿ ಮುಲ್ಕಿ ಉಂದೆತ್ತ ಕಲಾವಿದೆರ್ನ ಒಟ್ಟು ಸೇರಿಗೆಡ್ “ಸರ್ವ ಮಂಗಲ ಮಾಂಗಲ್ಯೆ” ಯಕ್ಷಗಾನ ಸೆ.17 ಕ್ಕ್ ಶನಿವಾರ ಬಯ್ಯ 4.30-9.30 ಮುಟ್ಟ ಸೈಂಟ್ ಆಗ್ನೇಸ್ ಇಂಗ್ಲೀಷ್ ಹೈಸ್ಕೂಲ್ ಶಿವಭಕ್ತಿ ನಗರ, ನವಘರ್ ರೋಡ್, ಭಾಯಂದರ್‌ಡ್ ನಡಪರೆ ಉಂಡು.

ಈ ಪೊರ್ತುಡು ನಡಪುನ ಸಭಾ ಕಾರ್ಯಕ್ರಮಡ್ ಮೀರಾ-ಭಾಯಂದರ್ ಪರಿಸರದ ಸಮಾಜ ಸೇವಕೆರೆನ್ ಮಾನಾದಿಗೆ ಮಲ್ಪರೆ ಉಂಡು. ಸಭಾ ಕಾರ್ಯಕ್ರಮದ ಅಧ್ಯಕ್ಷತೆನ್ ಸುಮತಿ ರೈ ಎಜುಕೇಶನ್ ಟ್ರಸ್ಟ್‌ದ ಕಾರ್ಯಾದ್ಯಕ್ಷೆರ್ ಡಾ. ಅರುಣೋದಯ ಎಸ್. ರೈ ಬಿಳಿಯೂರಗುತ್ತು ಮೇರ್ ವಹಿಸೊನರೆ ಉಲ್ಲೆರ್.

ಮಲ್ಲ ಬಿನ್ನೆರಾದ್ ಸಮಾಜ ಸೇವಕೆರ್ ಭಾಸ್ಕರ್ ಶೆಟ್ಟಿ, ಕಾಶಿಮೀರಾ, ಡಾ| ಸತೀಶ್ ಶೆಟ್ಟಿ, ಶಶಿಧರ ಶೆಟ್ಟಿ ಇನ್ನಂಜೆ, ಗಿರೀಶ್ ಶೆಟ್ಟಿ ತೆಳ್ಳಾರು, ಕರ್ನೂರು ಶಂಕರ್ ಆಳ್ವ, ಶಿವಪ್ರಸಾದ್ ಶೆಟ್ಟಿ ಮಾಣಿಗುತ್ತು, ಲಲನ್ ತಿವಾರಿ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಯಕ್ಷಗಾನ ಕಲಾಭಿಮಾನಿಲು ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆದ್ ಕಲೆ ಅಂಚನೆ ಕಲಾವಿದೆರೆಗ್ ಪ್ರೋತ್ಸಾಹ ಕೊರ್ಲೆ ಪಂದ್ ಸುಮತಿ ರೈ ಎಜುಕೇಶನ್ ಟ್ರಸ್ಟ್ ಉಂದೆತ್ತ ಕಾರ್ಯಾಧ್ಯಕ್ಷೆರ್ ಡಾ. ಅರುಣೋದಯ ಎಸ್. ರೈ ಬಿಳಿಯೂರುಗುತ್ತು ಬೊಕ್ಕ ಸುವರ್ಣಲತಾ ಎ. ರೈ ಪ್ರಕಟನೆಡ್ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸುರತ್ಕಲ್: ಶಾಲೆದ ಕೈತಲ್ ಅಂಡರ್ ಪಾಸ್ ಸಮಸ್ಯೆನ್ ತೂದ್ ಸಕಾಯ ಕೊರಿನ ಶಾಸಕೆರ್ ವೈ ಭರತ್ ಶೆಟ್ಟಿ

Sep 16, 2022

ಸುರತ್ಕಲ್ ಹಿಂದೂ ವಿದ್ಯಾದಾಯಿನಿ ಶಾಲೆದ ಕೈತಲ್ ರಾಷ್ಟ್ರೀಯ ಹೆದ್ದಾರಿ 66 ಟ್ ಇಪ್ಪುನ ಅಂಡರ್ ಪಾಸ್, ಬರ್ಸರ್ದಾವರ ನೀರ್ ಬೊಕ್ಕ ಕೆಸರ್ ದಿಂಜ್‌ದ್ ಶಾಲೆದ ಜೋಕುಲೆಗ್ ನಡಪರೆ ತೊಂದರೆ ಆವೊಂದುಂಡು. ಉಂದೆನ್ ತೂಯಿನ ಶಾಸಕೆರ್ ಆಯಿನ ವೈ. ಭರತ್ ಶೆಟ್ಟಿ ಜಾಗೆಡ್ ಹೋಂ ಗಾರ್ಡ್ ಬೊಕ್ಕ ಪೊಲೀಸೆರ್‍ನ ವ್ಯವಸ್ಥೆನ್ ಮಲ್ತ್‌ದ್ ಸಕಾರ ಕೊರಿಯೆರ್.

ಈ ಪೊರ್ತುಡು ಹೊಸಬೆಟ್ಟು 8ನೇ ವಾರ್ಡ್‌ದ ಕಾರ್ಪೊರೇಟರ್ ವರುಣ್ ಚೌಟ ಪೊಲೀಸೆರ್‍ನೊಟ್ಟುಗ್ ಸೇರೊಂದು ಕಲ್ಪಾರ್ಥಿಲೆನ್ ಸುರಕ್ಷಿತವಾದ್ ಮಾರ್ಗ ಕಡಪರೆ ಕೈ ಜೋಡಿಸಾಯೆರ್. ಅಂಚನೆ ಅಂಡರ್ ಪಾಸ್‌ಡ್ ಇಪ್ಪುನ ಲೋಪದೋಷದ ಬಗೆಟ್ ಸಂಬಂಧಪಟ್ಟಿನ ಅಧಿಕಾರಿಲೆನೊಟ್ಟುಗ್ ಪಾತೆರ್ದ್ ಶಾಸಕೆರ್‍ನ ಗಮನಗ್ ಕನಯೆರ್. ಮಾತ ಸಮಸ್ಯೆನ್ ಆಯಿನಾತ್ ಬೇಗ ಪರಿಹಾರ ಮಲ್ಪರೆ ಸಂಬಂಧ ಪಟ್ಟಿನ ಅಧಿಕಾರಿಲೆಗ್ ತೆರಿಪಾಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಥಾಣೆ: ಚಿಣ್ಣರ ಬಿಂಬ ಥಾಣೆ ನವೋದಯ ಶಿಬಿರ ಸಾಂಸ್ಕೃತಿಕ ಪ್ರತಿಭಾ ಸ್ಪರ್ಧೆ-2022 ಲೇಸ್

Sep 16, 2022

ಚಿಣ್ಣರ ಬಿಂಬ ಥಾಣೆ ನವೋದಯ ಶಿಬಿರ ಸಾಂಸ್ಕೃತಿಕ ಪ್ರತಿಭಾ ಸ್ಪರ್ಧೆ-2022 ಲೇಸ್ ಸೆಪ್ಟೆಂಬರ್ 18 ತಾರೀಕ್ ಐತಾರದಾನಿ ಮಧ್ಯಾಹ್ನ 2 ಗಂಟೆಗ್ ಥಾಣೆದ ನವೋದಯ ಸದನ್ ಕಿಸಾನ್ ನಗರದ ನವೋದಯ ಇಂಗ್ಲೀಷ್ ಹೈಸ್ಕೂಲ್ ಡ್ ನಡಪರೆ ಉಂಡು.

ಥಾಣೆ ನವೋದಯ ಕನ್ನಡ ಸೇವಾ ಸಂಘದ ದಯಾನಂದ ಬಿ ಹೆಗ್ಡೆ ತುಡರ್ ಅರ್ಲಾದ್ ಲೇಸ್‌ನ್ ಉದಿಪನ ಮಲ್ಪರೆ ಉಲ್ಲೆರ್. ಅಂಚನೆ ಪದ್ಮನಾಭ ಶೆಟ್ಟಿ ಲೇಸ್ ದ ಅಧ್ಯಕ್ಷತೆನ್ ವಹಿಸೊನರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಕೌಶಲ್ಯ ರಾಜೇಂದ್ರ ಹೆಗ್ಡೆ ಬರಿಯರೆ ಉಲ್ಲೆರ್.ಜೋಕುಲೆಗ್ ಭಾಷಣ, ದೇಶಭಕ್ತಿಗೀತೆ, ಭಾವಗೀತೆ ಅಂಚನೆ ಬೇತೆ ಬೇತೆ ರೀತಿದ ಸಾಂಸ್ಕೃತಿಕ ಪಂತ ನಡಪರೆ ಉಂಡು.

ಬೊಲ್ತೇರ್: ಸೆ.19ಗ್ “ಆಯುಷ್ಮಾನ್ ಭಾರತ್ ಆರೋಗ್ಯ ಕಾರ್ಡ್” ಮಲ್ಪುನ ಶಿಬಿರ

Sep 16, 2022

ಅಖಿಲ ಕರ್ನಾಟಕ ರಾಜ ಕೇಸರಿ ಟ್ರಸ್ಟ್ ಬೊಲ್ತೇರ್ ಬೊಕ್ಕ ಅನುಗ್ರಹ ಜನ ಸೇವಾ ಕೇಂದ್ರ ಬೊಲ್ತೇರ್ ಮೊಕ್ಲೆನ ಒಟ್ಟು ಸೇರಿಗೆಡ್ ನಗರ ಪಂಚಾಯತ್ ಬೊಲ್ತೇರ್ ಸಾಕಾರಡ್ ರಾಜಕೇಸರಿ ಸಂಘಟನೆದ ಸಂಸ್ಥಾಪಕೆರ್ ದೀಪಕ್ ಜಿ ಬೆಳ್ತಂಗಡಿ ಮೆರೆನ ಮುತಾಲಿಕೆಡ್ 524ನೇ ಯೋಜನೆ ಸಾರ್ವಜನಿಕ ಮಾಮಲ್ಲ ಉಚಿತ “ಆಬಾ ಆರೋಗ್ಯ ಕಾರ್ಡ್” ನೊಂದಾವಣಿ ಶಿಬಿರ ಸೆ. 19 ತಾರೀಕ್ ಸೋಮಾರದಾನಿ ಕಾಂಡೆ 9 ಗಂಟೆರ್‍ದ್ 4.30 ಮುಟ್ಟ ಬೊಲ್ತೇರ್ ಬಸ್ ನಿಲ್ದಾಣಡ್ ನಡಪರೆ ಉಂಡು.

ಎಲ್ಲೆ ಸ್ವಚ್ಛ ಸಾಗರ ಸುರಕ್ಷಿತ ಅಭಿಯಾನ ಮುಗಿತಲ

Sep 16, 2022

ಅಂತರಾಷ್ಟ್ರೀಯ ಸಾಗರ ದಿನ ಬೊಕ್ಕ ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಭಾಗವಾದ್ ಪರ್ಯಾವರಣ ಗತಿವಿಧಿ ಕೈಕ್ ದೆತೊಂದಿನ ಸ್ವಚ್ಛ ಸಾಗರ ಸುರಕ್ಷಿತ ಅಭಿಯಾನ ಸೆಪ್ಟೆಂಬರ್ 17ಕ್ಕ್ ಮುಗಿಯರೆ ಉಂಡು ಪಂದ್ ಪರ್ಯಾವರಣ ಗತಿ ವಿಧಿ ನಗರ ಸಂಯೋಜಕೆರ್ ಸತೀಶ್ ಪಂಡೆರ್.

ಈ ಬಗೆಟ್ ಕುಡ್ಲಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಕುಡ್ಲ ಮಹಾನಗರ ಮುತಾಲಿಕೆಡ್ ನಡಪುನ ಕಡಲ ಕಿನಾರೆ ಸ್ವಚ್ಛತಾ ಕಾರ್ಯಕ್ರಮ ಸೆ. 15ಕ್ಕ್ ಸುರು ಆದಿತ್ತ್‌ದ್ ಸೆ. 17ಕ್ಕ್ ಮುಗಿಯರೆ ಉಂಡು ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಕರಾವಳಿ ಕಲ್ಯಾಣ ಪರಿಷತ್ತು ಸಂಯೋಜಕೆರ್ ಪ್ರಮೋದ್ ಅಂಚನ್, ಪಣಂಬೂರು ಮೊಗವೀರ ಮಹಾಸಭಾದ ಅಧ್ಯಕ್ಷೆರ್ ಮಾಧವ ಸುವರ್ಣ, ಕುಡ್ಲ ರಾಮಕೃಷ್ಣ ಮಿಷನ್‌ದ ಸ್ವಯಂಸೇವಕೆರಾಯಿನ ಹರೀಶ್ ಪ್ರಭು, ಪರ್ಯಾವರಣ ಗತಿ ವಿಧಿ ಸುರತ್ಕಲ್ ಪೇಂಟೆದ ಸಹಸಂಯೋಜಕೆರ್ ಅಂಚನೆ ಕೂಳೂರು ಮೊಗವೀರ ಮಹಾಸಭಾದ ಗೌರವ ಸಲಹೆಗಾರೆರ್ ಆಯಿನ ಶುಭೋದ್, ವಿಭಾಗ ಸಹ ಸಂಯೋಜಕೆರ್ ಚಂದ್ರಹಾಸ ಕನೀರ್ ತೋಟ ಇತ್ತೆರ್.

ಬೈಂದೂರ್ : ಶಿರೂರ್ ಟೋಲ್ ಗೇಟ್‌ಡ್ ಉಂತಾದಿನ ಲಾರಿದ 5 ಚಕ್ರನ್ ಕಂಡಿ ಕಲ್ವೆರ್

Sep 16, 2022

ಬೈಂದೂರ್ : ಶಿರೂರು ಟೋಲ್ ಗೇಟ್ ಕೈತಲ್ ಉಂತಾದಿನ ಲಾರಿದ 5 ಚಕ್ರನ್ ಕಂಡಿನ ಘಟನೆ ನಡತ್ಂಡ್.ಉತ್ತರ ಕನ್ನಡ ಜಿಲ್ಲೆದ ಅಂಕೋಲದ ಲಾರಿ ಡ್ರೈವರ್ ಪುರುಷೋತ್ತಮ ತಾಂಡೇಲ್ ಘಟನೆಗ್ ಸಂಬಂಧಿಸಾದ್ ಪೊಲೀಸೆರೆಗ್ ದೂರು ಕೊರ್ತೆರ್.

ಸೆ.14ಕ್ಕ ತನ್ನ ಇಲ್ಲರ್‍ದ್ ಲಾರಿಡ್ ಮಗೆ ಸಾಹಿಲ್‌ನೊಟ್ಟುಗ್ ಪಿದಡ್ದಿತ್ತೆರ್. ಶೀರೂರು ಟೋಲ್ ಗೇಟ್‌ಡ್ ಲಾರಿನ್ ಉಂತಾದ್ ಲಾರಿಡೇ ಕತ್ತಲೆಗ್ ಜೆತ್ತಿತ್ತೆರ್. ಕಾಂಡೆ ಲಕ್ಕ್‌ದ್ ತೂನಗ ಲಾರಿ ಒಂಜಿ ವೈ ವಾಲ್‌ದಿತ್ತ್‌ದ್ 5 ಚಕ್ರನ್ ಕಲ್ವೆರ್ ಕಂಡೊಂದು ಪೋತೆರ್. 5 ಚಕ್ರದ ಕಾಸ್ 1,85,000 ಆತ್ಂಡ್ ಪಂದ್ ದೂರುಡ್ ಬೈಂದೂರ್ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

Uncategorized ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಮೆರೆನ ಪುಟ್ಟಿನ ದಿನ ನನ ದುಂಬುಗ್ ಸ್ಪೂರ್ತಿ ದಿನ

Sep 16, 2022

ಬೆಂಗ್ಲೂರ್: ಪುಗರ್ತೆದ ನಟೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಮೆರೆನ ಪುಟ್ಟಿನ ದಿನ ಆಯಿನ ಮಾರ್ಚ್ 17 ನನ ದುಂಬುಗ್ ಸ್ಪೂರ್ತಿ ದಿನವಾದ್ ಆಚರಣೆ ಮಲ್ಪರೆ ಉಂಡು ಪಂದ್ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಪಂಡೆರ್.

ಕನ್ನಡ ಬೊಕ್ಕ ಸಂಸ್ಕೃತಿ ಖಾತೆ ಅಂಚನೆ ಇಂಧನ ಖಾತೆ ಸಚಿವೆರ್ ಆಯಿನ ವಿ. ಸುನೀಲ್ ಕುಮಾರ್ ಮೇರ್ ಪುನೀತ್ ದಿನಾಚರಣೆನ್ ಸ್ಪೂರ್ತಿ ದಿನವಾದ್ ಆಚರಣೆ ಮಲ್ಪುಲೆಕ್ಕ ಬಿನ್ನಾಪು ಮಲ್ತ್‌ದಿತ್ತೆರ್. ಅಂಚನೆ ಪುನೀತ್ ಪುಟ್ಟಿನ ದಿನನ್ ಸ್ಪೂರ್ತಿ ದಿನ ಪಂದ್ ಸರ್ಕಾರದ ಮುತಾಲಿಕೆಡೆ ಆಚರಣೆ ಮಲ್ಪರೆ ಉಂಡು ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಭಾರೀ ಬರ್ಸರ್ದಾವರ ಲಕ್ನೋಡ್ ಗೋಡೆ ಜರಿದ್ 10 ಜನ ತೀರ್ ಪೋಯೆರ್

Sep 16, 2022

ಲಕ್ನೋ: ಭಾರೀ ಬರ್ಸರ್ದಾವರ ಗೋಡೆ ಜರಿದ್ 10 ಜನ ತೀರ್ ಪೋದಿತ್ತ್‌ದ್ ರಡ್ಡ್ ಜನಕ್ಕ ಮಸ್ತ್ ಪೆಟ್ಟಾಯಿನ ಘಟನೆ ಪೇಂಟೆದ ದಿಲ್ ಶುಕ್ ಜಾಗೆಡ್ ನಡತ್ಂಡ್.

ಪೆಟ್ಟ್ ಆತಿನಕ್ಲೆನ್ ಪೇಂಟೆದ ಸಿವಿಲ್ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್. ತೀರ್ ಪೋದಿತ್ತ್ ನಕ್ಲೆನ ಕುಟುಂಬಗ್ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಮೇರ್ 4 ಲಕ್ಷ ರೂಪಾಯಿ ಅಂಚನೆ ಪೆಟ್ಟ್ ಆದ್ ಚಿಕಿತ್ಸೆ ಪಡೆಯೊಂದಿತ್ತಿನಕ್ಲೆನ ಕುಟುಂಬಗ್ 2 ಲಕ್ಷ ಪಣವುದ ಸಕಾಯನ್ ಘೋಷಿಸಾದೆರ್.

ಕ್ರೆಡಿಟ್ ಬೊಕ್ಕ ಡೆಬಿಟ್ ಕಾರ್ಡ್ ಗಲಸುನಕ್ಲೆಗ್ ಅಕ್ಟೋಬರ್ 1 ತಾರೀಕ್ ರ್ದ್ ಪೊಸ ರೂಲ್ಸು

Sep 16, 2022

ಬೊಂಬಾಯಿ: ಅಕ್ಟೋಬರ್ 1 ತಾರೀಕ್ ರ್ದ್ ಬೊಕ್ಕ ಕ್ರೆಡಿಟ್ ಬೊಕ್ಕ ಡೆಬಿಟ್ ಕಾರ್ಡ್ ಗ್ ಪೊಸ ರೂಲ್ಸು ಸುರುವಾಪುಂಡು. ಗಿರಾಕಿಲು ಇತ್ತೆ ಎಚ್ಚ ಎಚ್ಚ ಡೆಬಿಟ್ ಕಾರ್ಡ್ ಅತ್ತಂಡ ಕ್ರೆಡಿಟ್ ಕಾರ್ಡ್ ಬಳಕೆ ಮಲ್ತೊಂದುಲ್ಲೆರ್. ಆಂಡ ಕಾರ್ಡ್ ಗಲಸುನಕ್ಲೆಗ್ ಪೊಸ ಆದೇಶನ್ ಆರ್‌ಬಿಐ ಕೊರ್ತ್ಂಡ್. ಅಕ್ಟೋಬರ್ 1 ಜೆಡ್ದ್ ಕಾರ್ಡ್ ನಿಯಮಡ್ ಭಾರೀ ಬದಲಾವಣೆ ಆಯರೆ ಉಂಡು.

ಅಕ್ಟೋಬರ್ 1 ಜೆಡ್ದ್ ಬ್ಯಾಕಿಂಗ್ ಕ್ಷೇತ್ರದ ನಿಯಮಡ್ ಬದಲಾವಣೆ ಆಯರೆ ಉಂಡು. ಕಾರ್ಡ್-ಆನ್-ಫೈಲ್ ಟೋಕನೈಸೇಶನ್ (ಸಿಒಎಫ್ ಕಾರ್ಡ್ ಟೋಕನೈಸೇಶನ್) ನಿಯಮನ್ 1ನೇ ತಾರೀಕ್ ರ್ದ್ ಕನಯರೆ ಉಂಡು ಪಂದ್ ರಿಸರ್ವ್ ಬ್ಯಾಂಕ್ ತೆರಿಪಾದ್ಂಡ್. ಟೋಕನೈಸೇಶನ್ ವ್ಯವಸ್ಥೆ ಬದಲ್ ಆಯಿಬೊಕ್ಕ ಕಾರ್ಡ್ ಬಳಕೆ ಮಲ್ಪುನಕ್ಲೆಗ್ ಎಚ್ಚದ ಸೌಲಭ್ಯ ಬೊಕ್ಕ ಭದ್ರತೆ ತಿಕ್ಕರೆ ಉಂಡು ಪಂದ್ ಭಾರತೀಯ ರಿಸರ್ವ್ ಬ್ಯಾಂಕ್ ಮಾಹಿತಿ ಕೊರ್ತ್ಂಡು.

ಆರ್‌ಬಿಐ ಮಾಹಿತಿದ ಪ್ರಕಾರ ಕ್ರೆಡಿಟ್ ಬೊಕ್ಕ ಡೆಬಿಟ್ ಕಾರ್ಡ್ ಮುಖೇನ ಪಾವತಿನ್ ದುಂಬುರ್ದುಲ ಎಚ್ಚ ಸುರುಕ್ಷಿತವಾದ್ ಮಲ್ಪುನವ್ ಪೊಸ ನಿಯಮದ ಉದ್ದೇಶವಾತ್ಂಡ್. ಕರಿನ ಕೆಲ ದಿನ ರ್ದ್, ಕ್ರೆಡಿಟ್-ಡೆಬಿಟ್ ಕಾರ್ಡ್‌ಲೆನ ವಂಚನೆದ ಬಗೆಟ್ ಮಸ್ತ್ ದೂರು ಬರೊಂದುಂಡು. ಪೊಸ ನಿಯಮ ಜಾರಿ ಆಯಿಬೊಕ್ಕ ಗ್ರಾಹಕೆರ್ ಆನ್‌ಲೈನ್, ಪಾಯಿಂಟ್ ಆಫ್ ಸೇಲ್(ಪಿಒಎಸ್) ಅತ್ತಂಡ ಡೆಬಿಟ್ ಅತ್ತಂಡ ಕ್ರೆಡಿಟ್ ಕಾರ್ಡ್‌ದೊಟ್ಟುಗ್ ಅಪ್ಲಿಕೇಶನ್ ವೈವಾಟ್ ಮಲ್ಪುವೆರ್.

ಪೊಸ ಟೋಕನ್ ವ್ಯವಸ್ಥೆದ ಅಡಿಟ್ಟ್ ಡೆಬಿಟ್ ಬೊಕ್ಕ ಕ್ರೆಡಿಟ್ ಕಾರ್ಡ್‌ಲೆನ ಸಂಪೂರ್ಣ ಡೇಟಾನ್ ಟೋಕನ್ ಆದ್ ಪರಿವರ್ತನೆ ಮಲ್ಪುವೆರ್. ಕಾರ್ಡ್ ಗಲಸುನಕುಲು ಕಾರ್ಡ್‌ನ್ ಟೋಕನೈಸ್ ಮಲ್ಪರೆ ಒವ್ವೆ ಕಾಸ್ ಕಟ್ಟೊಡ್ಂದು ಇಜ್ಜಿ. ನಿಕ್ಲೆನ ಕಾರ್ಡ್‌ನ್ ಟೋಕನ್ ಆದ್ ಪರಿವರ್ತನೆ ಮಲ್ತ್ಂಡ, ನಿಕ್ಲೆನ ಕಾರ್ಡ್ ಮಾಹಿತಿ ಒವ್ವೆ ಶಾಪಿಂಗ್ ವೆಬ್‌ಸೈಟ್ ಅತ್ತಂಡ ಇ-ಕಾಮರ್ಸ್ ವೆಬ್‌ಸೈಟ್‌ಡ್ ಟೋಕನ್ ಆದ್ ಒರಿಪಾವೊಲಿ.

16 ನಂಬರ್ ?
ಗ್ರಾಹಕೆರ್ ಕಾರ್ಡ್ ಗಲಸ್‌ದ್ ಸೊತ್ತು ಖರೀದಿ ಮಲ್ಪರೆ ಸುರು ಮಲ್ತಿ ಬೊಕ್ಕ, ಬೇರದಕುಲು ಟೋಕನೈಸೇಶನ್ ಸುರು ಮಲ್ಪುವೆರ್. ಬೊಕ್ಕ ಕಾರ್ಡ್ ನ್ ಟೋಕನೈಸ್ ಮಲ್ಪರೆ ಒಪ್ಪಿಗೆ ಕೇನುವೆರ್. ಒಪ್ಪಿಗೆ ದೆತೊನಿ ಬೊಕ್ಕ ವ್ಯಾಪಾರಿ ಕಾರ್ಡ್ ನೆಟ್ವರ್ಕ್ಗ್ ಬಿನ್ನಾಪು ಕಡಪುಡ್ವೆರ್.

16 ನಂಬರ್ ದ ಕಾರ್ಡ್ ಸಂಖ್ಯೆನ್ ಕಾರ್ಡ್ ನೆಟ್‌ವರ್ಕ್‌ರ್ದ್ ರಚನೆ ಮಲ್ತಿನ ಟೋಕನ್‌ದೊಟ್ಟುಗು ಬದಲ್ ಮಲ್ಪುವೆರ್. ಬೊಕ್ಕ ಚಿಲ್ಲರೆ ವ್ಯಾಪಾರಿಗ್ ಪಿರ ಕಡಪುಡ್ವೆರ್. ನನ ದುಂಬುದ ವೈವಾಟ್ ಗಾದ್ ಚಿಲ್ಲರೆ ವ್ಯಾಪಾರಿರ್ದ್ ಈ ಟೋಕನ್ ನ್ ಫೈಲ್‌ಡ್ ದೀಪೆರ್. ಅಕುಲು ಇತ್ತೆ ತನ್ನ ಸಿವಿವಿ ಬೊಕ್ಕ ಒಟಿಪಿ ಪಾಡ್ಯರೆ ಪಿರವುದಲಕನೇ ಪಾಡೊಡು.

ರಿಸಲ್ಟ್ ದಾದ?

ವೈವಾಟ್ ಮಲ್ಪುನಗ ನಿಜವಾಯಿನ ಕಾರ್ಡ್ ವಿವರೊನು ವ್ಯಾಪಾರಿನೊಟ್ಟುಗ್ ಪಟ್ಟುನ ಕಾರಣ ಟೋಕನೈಸ್ ಮಲ್ತಿನ ಕಾರ್ಡ್ ವಹಿವಾಟುನ್ ಎಚ್ಚ ಸುರಕ್ಷಿತ ಪಂದ್ ಗಣನೆಗ್ ದೆತೊನುವೆರ್. ಕಾರ್ಡ್-ಆನ್-ಫೈಲ್ ಟೋಕನೈಸೇಶನ್ ಮಾನದಂಡ ಜಾರಿಗ್ ಬತ್ತಿ ಬೊಕ್ಕ ಪ್ಲ್ಯಾಟ್‌ಫಾರ್ಮ್‌ಲು ಶಾಪರ್‌ನ ಕಾರ್ಡ್ ದ ಸೂಕ್ಷ್ಮ ವಿವರನ್ ಒವ್ವೆ ರೂಪಡ್ ಸಂಗ್ರಹಣೆ ಮಲ್ಪರೆ ಸಾಧ್ಯ ಆಪುಜಿ.

ಉಡುಪಿದ ಸುದ್ದಿ | Udupi News

ದೇವೆರೆ ಪಾದೊ ಸೇರಿಯೆರ್ ಉಳ್ಳಾಲ ಶ್ರೀ ಚೀರುಂಭ ಭಗವತೀ ಕ್ಷೇತ್ರದ ಉಪಾಧ್ಯಕ್ಷೆರ್ ಸುಂದರ ಬೆಲ್ಚಡ ಮಾದು ಕೋಡಿ

ಭಾಯಂದರ್: ಸೆ.17ಕ್ಕ್ ಶಿವಪ್ಪ ರೈ ಪೆರ್ಲ ಸನತಡ್ಕ ಕೈಯಾರು ಮೆರೆನ ನೆಂಪುಗ್ “ಸರ್ವ ಮಂಗಲ ಮಾಂಗಲ್ಯೆ” ಯಕ್ಷಗಾನ

ಸುರತ್ಕಲ್: ಶಾಲೆದ ಕೈತಲ್ ಅಂಡರ್ ಪಾಸ್ ಸಮಸ್ಯೆನ್ ತೂದ್ ಸಕಾಯ ಕೊರಿನ ಶಾಸಕೆರ್ ವೈ ಭರತ್ ಶೆಟ್ಟಿ

ಥಾಣೆ: ಚಿಣ್ಣರ ಬಿಂಬ ಥಾಣೆ ನವೋದಯ ಶಿಬಿರ ಸಾಂಸ್ಕೃತಿಕ ಪ್ರತಿಭಾ ಸ್ಪರ್ಧೆ-2022 ಲೇಸ್

ಬೊಲ್ತೇರ್: ಸೆ.19ಗ್ “ಆಯುಷ್ಮಾನ್ ಭಾರತ್ ಆರೋಗ್ಯ ಕಾರ್ಡ್” ಮಲ್ಪುನ ಶಿಬಿರ

ಎಲ್ಲೆ ಸ್ವಚ್ಛ ಸಾಗರ ಸುರಕ್ಷಿತ ಅಭಿಯಾನ ಮುಗಿತಲ

ಬೈಂದೂರ್ : ಶಿರೂರ್ ಟೋಲ್ ಗೇಟ್‌ಡ್ ಉಂತಾದಿನ ಲಾರಿದ 5 ಚಕ್ರನ್ ಕಂಡಿ ಕಲ್ವೆರ್

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಮೆರೆನ ಪುಟ್ಟಿನ ದಿನ ನನ ದುಂಬುಗ್ ಸ್ಪೂರ್ತಿ ದಿನ

ಭಾರೀ ಬರ್ಸರ್ದಾವರ ಲಕ್ನೋಡ್ ಗೋಡೆ ಜರಿದ್ 10 ಜನ ತೀರ್ ಪೋಯೆರ್

ಕ್ರೆಡಿಟ್ ಬೊಕ್ಕ ಡೆಬಿಟ್ ಕಾರ್ಡ್ ಗಲಸುನಕ್ಲೆಗ್ ಅಕ್ಟೋಬರ್ 1 ತಾರೀಕ್ ರ್ದ್ ಪೊಸ ರೂಲ್ಸು

You Missed

ಜಾಗತಿಕ ಬಂಟರ ಸಂಘಗಳ ಒಕ್ಕೂಟಗ್ ರೂ.2 ಕೋಟಿ ದೇಣಿಗೆ ಕೊರ್ನ ಉದ್ಯಮಿ ತೋನ್ಸೆ ಆನಂದ್ ಎಂ. ಶೆಟ್ಟಿ

ತುಳುಕೂಟದ ಕೋಟಾದಡಿ ಮೆಡಿಕಲ್ ಸೀಟ್ ಪಡೆಯಿನ ನಿಕ್ಷೇಪ್ ಸುವರ್ಣ

ಚಾರ್ ಧಾಮ್ ಯಾತ್ರೆಗ್ ಪೋದಿತ್ತಿನ ಕುಂಪಲ ನಿವಾಸಿ ತಿಗಲೆ ಬೇನೆಡ್ ಮರಣ

ಸೆ.25-27: ಸುರತ್ಕಲ್‌ ಬಂಟರ ಭವನಡ್ ಕೃಷಿ ಮೇಳ, ಆಹಾರ ಮೇಳ, ಹೋಳಿಗೆ ಪರ್ಬ ಬೊಕ್ಕ ಸಸ್ಯೋತ್ಸವ