ತುಳುವೆರ್ ಜಾತಿ, ಧರ್ಮ ಬೇಧ ಮಲ್ಪಂದೆ ಪೊರ್ಂಬಾಟ ಮಲ್ತ್ಂಡ ಮಾತ್ರ ನ್ಯಾಯ ತಿಕ್ಕು : ದಿಲ್ ರಾಜ್ ಆಳ್ವ
ಕುಡ್ಲ : ತುಳುವೆರ್ ಜಾತಿ, ಮತ ಬೇಧ ದಾಂತೆ ನಿಸ್ವಾರ್ಥವಾದ್ ಪೊರ್ಂಬಾಟ ಮಲ್ತ್ಂಡ ಮಾತ್ರ ತುಳುವೆರೆಗ್ ನ್ಯಾಯ ತಿಕ್ಕು ಪಂದ್ ತುಳು ಪೊರ್ಂಬಾಟಗಾರೆ ದಿಲ್ ರಾಜ್ ಆಳ್ವ ತೆರಿಪಾದೆರ್.
ತುಳುವೆರೆನ ಅಪ್ಪೆ ಬಾಸೆಗ್ ಮಾನ್ಯತೆ ಇನಿ ತಿಕ್ಕುಂಡು ಎಲ್ಲೆ ತಿಕ್ಕುಂಡು ಪಂದ್ ಕರಿನ ಸುಮಾರ್ ವರ್ಷ ದ್ಲಾ ತುಳುವೆರೆ ಹೋರಾಟ ಮಾಲ್ತೊಂದೆ ಬೈದೆರ್. ಟ್ವಿಟ್ಟರ್ ಕ್ಯಾಂಪೆನ್ , ಪ್ರೆಸ್ ಮೀಟ್ , ಪ್ರತಿಭಟನೆ ಇಂಚ ನಾನಾ ರೀತಿಡ್ ತುಳುವೆರ್ ತುಳು ಬಾಸೆಗ್ ರಾಜ್ಯ ಮಾನದಿಗೆ ತಿಕ್ಕೊಡು , 8ನೇ ಪರಿಚ್ಚೇದಗ್ ಸೇರೊಡು ಪಂದ್ ಸುಮಾರ್ ಪ್ರಯತ್ನಲೆನ್ ಮಲ್ತ್ ದೆರ್. ಅಂಚೆನೇ ಮಲ್ತೊಂದುಲ್ಲೆರ್. ಆಂಡ ಇನಿಕ್ ಮಾನ್ಯ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಚಿವೆರ್ ಆಯಿನ ನಮ್ಮನೆ ನೆಲೆಟ್ ಪುಟ್ಟುದ್ ಬಲತಿನ ತುಳುವೆ ಸುನಿಲ್ ಕುಮಾರ್ ಇನಿ ತುಳು ಬೊಕ್ಕ ಕೊಡವ ಭಾಷೆಗ್ ಒವ್ವೆ ರೀತಿಡ್ ಕರ್ನಾಟಕಡ್ ಅಧಿಕೃತ ಸ್ಥಾನಮಾನ ಕೊರ್ರೆಗ್ ಆಪುಜಿ. ಅವ್ವತ್ತಂದೆ ಕನ್ನಡ ಕಡ್ಡಾಯ ಮಲ್ತ್ ದ್ ನನಾತ್ ಬಂಗ ಕೊರ್ಯೆರ್ . ಒಂಜಿ ಕಡೆಟ್ ತುಳು ರಾಜ್ಯ ಭಾಷೆ ಆವೆರೆ ಕೆಲವು ತಾಂತ್ರಿಕ ದೋಷ ಉಂಡು ಪಂಡೆರ್ಂಡ ಇಂಚಿ ಸಚಿವೆರ್ ತುಳು ಭಾಷೆಗ್ ಅಧಿಕೃತ ಸ್ಥಾನಮಾನ ಕೊರ್ಪುಜಿಂದ್ ಕಡ್ಡಿ ತುಂಡಾಯಿಲೆಕ ಪಂಡೆರ್.
ಉಂದು ಮಾತ ಬೆಳವಣಿಗೆ ತೂನಗ ನಾಯಕೆರೆಗ್ ಭಾಷೆನ್ ಅಧಿಕೃತ ಮಲ್ಪೆರೆ ಮನಸೇ ಇಜ್ಜಿ ಪಂದ್ ತೋಜೊಂದುಪ್ಪುನ ಮಾತ್ರ ಸತ್ಯ , ನನರ್ದ್ ತುಳು ಹೋರಾಟ ಮಲ್ಪುನಗ ಮಾತ ತುಳುವೆರೆ ಜಾತಿ ಧರ್ಮ ರಾಜಕೀಯದ ಮೋನೆ ತೂವಂದೆ ನಿಸ್ವಾರ್ಥವಾದ್ ನಡತ್ಂಡ ಮಾತ್ರ ನಮ್ಮ ಹಕ್ಕು ನಮಕ್ ತಿಕ್ಕು ಪಂದ್
#StopKannadaImposition #tulunadu #TuluTo8thSchedule ಪಂದ್ ಹ್ಯಾಶ್ ಟ್ಯಾಗ್ ಪಾಡ್ದ್ ಫೇಸ್ ಬುಕ್ಕುಡು ಬರೆತೆರ್.
