ಉಡುಪಿದ ಸುದ್ದಿ | Udupi News

ಅ.28: ಒಮಾನ್‌ಡ್ “ಬಯ್ಯ ಮಲ್ಲಿಗೆ” ತುಳು ನಾಟಕ

ಭಾರತೀಯ ಸಾಮಾಜಿಕ ವೇದಿಕೆ ಒಮಾನ್ ತುಳುವೆರ್ ತುಳು ಎಗ್ಗೆ ಮೊಕುಲು ತುಡರ್ ಕಲಾವಿದೆರೆನ ಒಟ್ಟುಗು ಸೇರ್ದ್ ಮಲ್ಪುನ ಕಡೀರ ಕಲಾ ಕಾಣಿಕೆ ಡಾ. ಸಂಜೀವ ದಂಡಕೇರಿ ಬರೆದ್ ನಿರ್ದೇಶನ ಮಲ್ತಿನ ನಾಟಕ “ಬಯ್ಯ ಮಲ್ಲಿಗೆ” ಆಕ್ಟೋಬರ್ 28 ತಾರೀಕ್ ಸುಕ್ರಾರದಾನಿ ಐಎಸ್‌ಸಿ ಹಾಲ್ ದಾರ್ಸೈಟ್ ಓಮಾನ್ ಡ್ ನಡಪರೆ ಉಂಡು ಪಂದ್ ಓಮಾನ್ ತುಳುವೆರ್ ಕೂಟದ ರಮಾನಂದ ಶೆಟ್ಟಿ ಪಂಡೆರ್.

ಈ ಬಗೆಟ್ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಒಮಾನ್ ದೇಶೊಡು ಸುಮಾರ್ 30 ವರ್ಷ ರ್ದ್ ದುಂಬು ತುಳು ಬಾಷೆನ್ ಮೋಕೆ ಮಲ್ಪುನ ಜೋಕುಲು ಈ ತುಳುಕೂಟನ್ ಸುರು ಮಲ್ತ್‌ದೆರ್. ಅಂಚನೇ ಒಮಾನ್ ತುಳು ಅಪ್ಪೆನ ಒವ್ವೆ ಬೇಲೆ ಮಲ್ಪುನಗ ನಮಕ್ಕ್ ಸುರುಕ್ಕು ದುಂಬು ಬತ್ತ್ ಸಕಾಯ ಮಲ್ಪುನಾರ್ ದಿವಾಕರ್ ಶೆಟ್ಟಿ ಮಲ್ಲಾರ್, ಜಿವಿ ರಾಮಕೃಷ್ಣ ಬೊಕ್ಕ ಗಣೇಶ್ ಶೆಟ್ಟಿ ಕುತ್ತಾರ್ ಪದವು. ಅಕ್ಲೆನ ಒಟ್ಟುಗ್ ಬೆರಿ ಸಹಾಯ ಮಲ್ಪುನಕುಲು ಮಸ್ತ್ ಜನ ಉಲ್ಲೆರ್.

2021ಟ್ಟ್ ಪಟ್ಲ ಸತೀಶ್ ಶೆಟ್ಟಿ ಮೆರೆನ ಮುತಾಲಿಕೆಡ್ ಊರುದ ಬೊಕ್ಕ ದುಬೈದ ಕಲಾವಿದೆರೆನ್ ಪಾಡೊಂದಿ ಮಣಿಕಂಠ ಮಹಿಮೆ ಯಕ್ಷಗಾನ ಮಲ್ತ್‌ದಿತ್ತ. ಅಂಚನೆ ನೆತ್ತೆರ್ ದಾನ ಬೊಕ್ಕ ಸಮಾಜಮುಖಿ ಬೇಲೆನ್ ಈ ಕೂಟ ಮಲ್ತುಂದು ಬೈದ್ಂಡ್. ಈ ಸರ್ತಿ ಬಯ್ಯ ಮಲ್ಲಿಗೆ ಪನ್ಪಿನ ನಾಟಕ ಪ್ರದರ್ಶನ ಆಯರೆ ಉಂಡು ಪಂದ್ ಪಂಡೆರ್. ಪ್ರತಿಕಾಗೋಷ್ಠಿಡ್ ಬಯ್ಯ ಮಲ್ಲಿಗೆ ನಾಟಕದ ನಿರ್ದೇಶಕೆರ್ ಡಾ. ಸಂಜೀವ ದಂಡಕೇರಿ, ಜಗನ್ನಾಥ್ ಬಾಳ ಇತ್ತೆರ್.

October 28th: A show of “Bayya Mallige” Tulu drama to be played in Oman

The Indian Social Forum along with Oman Tuluver will organise a show of the Tulu drama ” Bayya Mallige” on October 28th said Ramanand Shetty of Tulu koota Oman.

Speaking at a press meet he said that the Tulukoota was formed 30 years back and has been helping and organising tuluvas in various aspects. Various programmes that bring back memories of the homeland like Yakshagana, plays have been arranged Social service scheme like blood donation camp have also been held he said.