ಉಡುಪಿದ ಸುದ್ದಿ | Udupi News

ಕಡೆಂಗೋಡ್ಲು ಕಾವ್ಯ ಪ್ರಶಸ್ತಿಗ್ ಅಕ್ಷತಾ ಕೃಷ್ಣಮೂರ್ತಿ ಆಯ್ಕೆ

ಉಡುಪಿ, ಜ.26: ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನಾ ಕೇಂದ್ರ, ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜ್ಯುಕೇಷನ್ (ಮಾಹೆ) ಮೆಕ್ಲೆನ ಒಟ್ಟು ಸೇರಿಗೆಡ್ ಕೊರ್ಪಿನ 2020ನೇ ಸಾಲ್ ದ ಕಡೆಂಗೋಡ್ಲು ಕಾವ್ಯ ಪ್ರಶಸ್ತಿನ್ ಕವಯಿತ್ರಿ ಉತ್ತರ ಕನ್ನಡ ಜಿಲ್ಲೆದ ಅಂಕೋಲಾ ತಾಲೂಕುದ ಬೇಲೇಕೇರಿಯ ಶಿಕ್ಷಕಿ ಅಕ್ಷತಾ ಕೃಷ್ಣಮೂರ್ತಿ ಮೆರೆಗ್ ಕೋಡೆ ಮಾನದಿಗೆ ಮಲ್ತೆರ್ .

ಎಂಜಿಎಂ ಕಾಲೇಜಿಜ್ ದ ನೂತನ ರವೀಂದ್ರ ಮಂಟಪ ಡ್ ಈ ಲೇಸ್ ನಡತುಂಡು.

ಮೂಜನೇ ಆದಿಗ್ರಾಮೋತ್ಸವ ಗ್ರಾಮ ಸಾಹಿತ್ಯ ಸಮ್ಮೇಳನ

ಅಖಿಲ ಕರ್ನಾಟಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತಿ , ಕರ್ನಾಟಕ ಸಾಹಿತ್ಯ ಪರಿಷತ್ತು ಅಜೆಕಾರು ಹೋಬಳಿ, ಲಯನ್ಸ್ ಕ್ಲಬ್ ಮುನಿಯಾಲು , ದುರ್ಗಾಪರಮೇಶ್ವರಿ ಭಜನಾಮಂಡಳಿ ಸಿರಿಬೈಲು ನೆತ್ತ ಒಟ್ಟು ಸೇರಿಗೆಡ್ ಮೂಜನೇ ಆದಿಗ್ರಾಮೋತ್ಸವ ಗ್ರಾಮ ಸಾಹಿತ್ಯ ಸಮ್ಮೇಳನ ಕಡ್ತಲ ಸಿರಿಬೈಲ್ ದ ಬರ್ಬರೇಶ್ವರ ದುರ್ಗಪರಮೇಶ್ವರಿ ದೇವಸ್ಥಾನದ ಸಭಾಂಗಣಡ್ ಇನಿ ನಡತುಂಡು.

ಕ.ಸಾ.ಪ ಮಾಜಿ ಗುರ್ಕಾರ್ಲಾಯಿನ ಹರಿಕೃಷ್ಣ ಪುನರೂರು ಸಮ್ಮೇಳನ ಉದಿಪನ ಮಲ್ತೆರ್ .
ತ್ರಿಭಾಷಾ ಸಾಹಿತಿ ಮೌರಿಸ್ ತಾವ್ರೊ ಅಜೆಕಾರು ಸಮ್ಮೇಳನದ ಗುರ್ಕಾರ್ಮೆ ವಯಿಸೊಂಡೆರ್ ಅಂಚನೇ ಪಾತೆರಿನ ಮೇರ್ ” ಪೇಟೆ ಪಟ್ಟಣದ ಆಂಗ್ಲಮಾಧ್ಯಮದ ಜೋಕುಲು ಕನ್ನಡ ಜೋಕುಲ್ನ ಒಟ್ಟುಗು ಸೇರಂದಿನೆನ್ ನಮ ತೂತ ಇಂದು ಸರಿ ಅತ್ತ್. ನರಮಾನಿ ಸಂಘಜೀವಿ ಮಾತೆರ್ಲ ಸಹೋದರತೆರ್ದ್ ಸೌಹಾರ್ದತೆರ್ದ್ ಬಾಳೋಡು ಪಂಡೆರ್.

ನಿವೃತ್ತ ವಿದ್ಯಾಂಗ ಪರಿವೀಕ್ಷಕ ಕರುಣಾಕರ್ ಹೆಗ್ಡೆ , ಅಂತರರಾಷ್ಟ್ರೀಯ ಯೋಗ ಸಾಧಕ ಶೇಖರ್ ಕಡ್ತಲ ,ಕಾರ್ಕಳ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ಆರ್.ಬಿ.ಜಗದೀಶ್ , ಅಜೆಕಾರು ಗ್ರಾಮ ಸಾಹಿತ್ಯ ಸಮ್ಮೇಳನದ 2019 ರ ಗುರ್ಕಾರ್ದಿ ಪ್ರೇಮ ವಿ ಸೂರಿಗ ಪಾಲ್ ಪಡೆದಿತ್ತೆರ್. ಈ ಪೊರ್ತುಡು ಸಾಧಕೆರೆಗ್ ಮಾನದಿಗೆ ಮಲ್ತೆರ್.ಶೇಖರ ಅಜೆಕಾರು ಪ್ರಸ್ತಾಪನೆ ಮಲ್ತೆರ್ , ರಾಘವೇಂದ್ರ ಮಠದಬೆಟ್ಟು ಎದುಕೊಂಡೆರ್ . ದೀಪಕ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.

ಉಚ್ಚಿಲ ಮಹಾಲಕ್ಷ್ಮಿ ದೇವಸ್ಥಾನಗ್ ಕಂದಾಯ ಸಚಿವೆರಾಯಿನ ಆರ್ ಅಶೋಕ್ ಬೇಟಿ

ಕರ್ನಾಟಕ ಸರಕಾರದ ಮಾನ್ಯ ಕಂದಾಯ ಸಚಿವರಾಯಿನ ಸನ್ಮಾನ್ಯ ಆರ್ ಅಶೋಕ್ ಮೇರ್ ನಾಡೋಜ ಡಾ ಜಿ ಶಂಕರ್ ಬೊಕ್ಕ ದ ಕ ಮೊಗವೀರ ಮಹಾಜನ ಸಂಘದ ಮನವಿಗ್ ಸ್ಪಂದಿಸಾದ್ , ಕಾಪು ಶಾಸಕೆರಾಯಿನ ಲಾಲಾಜಿ ಆರ್ ಮೆಂಡನ್ ಮೆರ್ನ ಶಿಪಾರಸ್ ದ ಮಿತ್ತ್ ಉಚ್ಚಿಲ ಮಹಾಲಕ್ಷ್ಮಿ ದೇವಸ್ಥಾನದ ಕೈತಲ್ ದ ಮಾರ್ಗ ಕಾಮಗಾರಿಗ್ ಶಂಕುಸ್ಥಾಪನೆ ಮಲ್ತೆರ್ . ಐರ್ದ್ ದುಂಬು ಉಚ್ಚಿಲ ಮಹಾಲಕ್ಷ್ಮಿ ದೇವಸ್ಥಾನ ಗ್ ಬೇಟಿ ಕೊರ್ದು ದೇವೆರ್ನ ದರ್ಶನ ದೆತೊಂದು ಪ್ರಸಾದ ಸ್ವೀಕರಿಸಾಯೆರ್ .

ಈ ಪೊರ್ತುಡು ಕಾಪು ಶಾಸಕೆರಾಯಿನ ಲಾಲಾಜಿ ಆರ್ ಮೆಂಡನ್, ಉಡುಪಿ ಶಾಸಕೆರಾಯಿನ ರಘುಪತಿ ಭಟ್, ದ ಕ ಮೊಗವೀರ ಮಹಾಜನ ಸಂಘದ ಗುರ್ಕಾರ್ಲಾಯಿನ ಜಯ ಸಿ ಕೋಟ್ಯಾನ್, ಕ್ಷೇತ್ರಡಳಿತ ಸಮಿತಿ ಗುರ್ಕಾರ್ಲಾಯಿನ ವಾಸುದೇವ ಸಾಲ್ಯಾನ್, ಜೀರ್ಣೋದ್ದಾರ ಸಮಿತಿ ಗುರ್ಕಾರ್ಲಾಯಿನ ಗುಂಡು ಬಿ ಅಮೀನ್, ಕಟ್ಟಡ ಸಮಿತಿಯ ಗುರ್ಕಾರ್ಲಾಯಿನ ಹರಿಯಪ್ಪ ಕೋಟ್ಯಾನ್, ಸುಧಾಕರ ಕುಂದರ್, ದಿನೇಶ್ ಎರ್ಮಾಳ್, ರವೀಂದ್ರ ಶ್ರೀಯಾನ್, ಪಾಲ್ ಪಡೆದಿತ್ತೆರ್.

ರಾಜ್ಯದ ಕರಕುಶಲ ವಸ್ತು ಬೊಕ್ಕ ಗುಡಿಕೈಗಾರಿಕೆ ಗ್ ಉತ್ತೇಜನ ಕೊರ್ಲೆ – ಡಾ.ಬೇಳೂರು ರಾಘವೇಂದ್ರ ಶೆಟ್ಟಿ

ಕುಂದಾಪುರ, ಜ.25: ರಾಜ್ಯದ ಕರಕುಶಲ ವಸ್ತು ಬೊಕ್ಕ ಗುಡಿಕೈಗಾರಿಕೆ ಗ್ ಉತ್ತೇಜನ ಕೊರ್ದು , ಕರಕುಶಲಕರ್ಮಿಲೆಗ್ ಸ್ವಾವಲಂಬಿ ಬದುಕು ರೂಪಿಸಾಯರೆ ಕ್ರಮದೆತೊನುನ ಒಟ್ಟುಗು ಮಣ್ಣ್ ದ ಉತ್ಪನ್ನಗ್ ರಾಜ್ಯ ಬೊಕ್ಕ ರಾಷ್ಟ್ರ ಮಟ್ಟಡ್ ಮಾರುಕಟ್ಟೆ ಮಲ್ಪಾದ್ ಕೊರೊಡು ಪಂದ್ ರಾಜ್ಯ ಕರಕುಶಲ ನಿಗಮದ ಗುರ್ಕಾರ್ಲಾಯಿನ ಡಾ.ಬೇಳೂರು ರಾಘವೇಂದ್ರ ಶೆಟ್ಟಿ ಭರವಸೆ ಕೊರ್ತೆರ್.

ಕುಂದಾಪುರ ತಾಲ್ಲೂಕುದ ಆಲೂರು ಗ್ರಾಮದ ಗುರುವಂದನಾ ಪಾಟರಿ ಪ್ರೊಡಕ್ಟ್ ಸಂಸ್ಥೆಗ್ ಶನಿವಾರ ಭೇಟಿ ಕೊರ್ದು , ಅಲ್ಪದ ಮಡಕೆ ತಯಾರಿಕೆ ಬೊಕ್ಕ ಮಣ್ಣ್ ದ ಉತ್ಪನ್ನದ ಬಗ್ಗೆ ಮಾಹಿತಿ ದೆತೊಂಡಿ ಬೊಕ್ಕ ಪಾತೆರಿಯೆರ್.

ಒಡಿಪು ಡು ಜಿಲ್ಲಾಮಟ್ಟದ ರಾಷ್ಟ್ರೀಯ ಪೊಣ್ಣು ಜೋಕ್ಲೆನ ದಿನಾಚರಣೆ – ಬೇಟಿ ಬಚಾವೋ ಬೇಟಿ ಪಡಾವೋ ಅಭಿಯಾನ

ಒಡಿಪು , ಜ.25: ಉಡುಪಿ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ, ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮ, ಮಹಿಳಾ ಶಕ್ತಿ ಕೇಂದ್ರ, ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಒಟ್ಟು ಸೇರಿಗೆಡ್ ಬೇಟಿ ಬಚಾವೋ ಬೇಟಿ ಪಡಾವೋ ಅಭಿಯಾನದ ಪರವಾದ್ ಜಿಲ್ಲಾಮಟ್ಟದ ರಾಷ್ಟ್ರೀಯ ಪೊಣ್ಣು ಜೋಕ್ಲೆನ ದಿನಾಚರಣೆನ್ ಕೋಡೆ ನಿಟ್ಟೂರು ಪೊಣ್ಣು ಜೋಕ್ಲೆನ ಬಾಲಮಂದಿರಡ್ ಅಟ್ಟನೆ ಮಲ್ತಿತ್ತೆರ್.

ಲೇಸ್ ನ್ ಪುಟಾಣಿ ಜೋಕ್ಲೆನೊಟ್ಟಿಗೆ ದೈಕ್ ನೀರ್ ಪಾಡುನ ಮುಖೇನ ಮಕ್ಕಳ ಕಲ್ಯಾಣ ಸಮಿತಿದ ಗುರ್ಕಾರ್ಲಾಯಿನ ರೊನಾಲ್ಡ್ ಫುರ್ಟಾಡೋ, ಜೋಕ್ಲೆನ ಬಾಯಿಗ್ ಜೇನು ತುಪ್ಪಹಾಕಿ ಪಾರ್ದ್ ಎಡ್ಡೆಪ್ಪುದ ಪಾತೆರ ಪಂದ್ ಉದಿಪನ ಮಲ್ತೆರ್.

ಲೇಸ್ ದ ಗುರ್ಕಾರ್ಮೆ ವಯಿಸೊಂದಿನ ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆದ ಉಪ ನಿರ್ದೇಶಕ ಆರ್.ಶೇಷಪ್ಪ ಪಾತೆರ್ದ್ , ಮಕ್ಕಳ ರಕ್ಷಣೆ, ಪೋಷಣೆ ಬೊಕ್ಕ ಸರಕಾರದ ಯೋಜನೆ ಅನುಷ್ಠಾನ ಮಲ್ಪುನ ಮುಖೇನ ಪೊಣ್ಣು ಜೋಕ್ಲೆನ ಮುಖ್ಯ ವಾಹಿನಿಗ್ ಕನವೊಡು ಪಂದ್ ಪಂಡೆರ್.

ಕೊಡವೂರುಡು ರಾಶಿಪೂಜೆ ಉತ್ಸವದ ಗೌಜಿದೊಟ್ಡುಗ್ ಜೋಕ್ಲೆಗ್ ಗೊಬ್ಬರೆಗ್ ಅಮ್ಯೂಸ್ ಮೆಂಟ್ ಪಾರ್ಕ್ ದ ವ್ಯವಸ್ಥೆ

ಕೊಡವೂರು ಪುರಾಧೀಶ ಶ್ರೀ ಶಂಕರನಾರಾಯಣನ ಮಹೋರಥೋತ್ಸವ ಬೊಕ್ಕ ಅಪರೂಪಡ್ ಅಪರೂಪ ಪನ್ಪಿನ ರಾಶಿ ಪೂಜಾ ಮಹೋತ್ಸ ವ ಜ.25 ರ್ದ್ ಸುರು ಆಯರೇ ಉಂಡು. ಈ ಮಾತಾ ಧಾರ್ಮಿಕ ಬೇಲೆನ್ ಅವಿಸ್ಮರಣೀಯ ಮಲ್ಪರೆ ಮಲ್ಪೆ ಬೀಚ್ ನಿವಾಸಿ ಗೋಪಾಲ್ ಸಾರಥ್ಯದ (9844634588) ಕರಾವಳಿ ಅಮ್ಯೂಸ್ ಮೆಂಟ್ ಪಾರ್ಕ್ ಸಾರ್ವಜನಿಕೆರ್ನ ಆಕರ್ಷಣೆದ ಕೇಂದ್ರವಾದ್ ಜನವರಿ 27 ರ್ದ್ ಸುರು ಆಯರೇ ಉಂಡು. ಸಾರ್ವಜನಿಕೆರ್ ನೆತ್ತ ಪ್ರಯೋಜನ ದೆತೊನೊಲಿ.

ಹಾ‌‌‌‌…..ಮನಸ್ ಗ್ ಸಂತಸ ಕೊರ್ಪಿನ ಗೊಬ್ಬುಲೆಡ್ ನಿಕುಲು ಲಾ ಪಾಲ್ ಪಡೆಯೋಲಿ.

ಜಾಗೆ : ಶ್ರೀದೇವಳದ ಪಿರವುದ ಕಂಡೊಡು.
ಮಾತೆರೆಗ್ಲಾ ಮೋಕೆಡ್ ಎದುಕೊನುನ ಗುರ್ಕಾರ್ಲು ಅಂಚನೇ ಸರ್ವ ಸದಸ್ಯೆರ್ ರಾಶಿ ಪೂಜಾ ಮಹೋತ್ಸವ ಸೇವಾ ಸಮಿತಿ ಕೊಡವೂರು