ಉಡುಪಿದ ಸುದ್ದಿ | Udupi News

ಸ್ವಾಮಿ ಕೊರಗಜ್ಜನ ಆದಿ ಕುತ್ತಾರ್ ಡ್ ಜೈ ತುಳುನಾಡ್ ಸೇವಾ ಚಾರಿಟೇಬಲ್ ಟ್ರಸ್ಟ್ ರ್ದ್ ರವೀಂದ್ರ ಮೇರೆಗ್ ಪಣವುದ ಸಕಾಯ

Oct 17, 2022

ಸ್ವಾಮಿ ಕೊರಗಜ್ಜನ ಆದಿ ಕುತ್ತಾರ್ ದ ದಿವ್ಯಸನ್ನಿಧಾನಡ್ ಜೈ ತುಳುನಾಡ್ ಸೇವಾ ಚಾರಿಟೇಬಲ್ ಟ್ರಸ್ಟ್ ಸಂಸ್ಥೆದ ಸರ್ವ ಸದ್ಯಸೆರೆರ್ದ್ ಬೊಕ್ಕ ದಾನಿಲೆನ ಸಕಾಯರ್ದ್ 96 ನೇ ಯೋಜನೆದ ಪಲಾನುಭವಿ ಆಯಿನ ಬಡಕುಟುಂಬದ ರವೀಂದ್ರ ಮೇರೆಗ್ ವೈದ್ಯಕೀಯ ಚಿಕಿತ್ಸೆಗಾದ್ ಪಣವುದ ಸಕಾಯನ್ ಕೊರ್ಯೆರ್.

ಮೇರ್ ಆನೆಕಾರ್ ಸಮಸ್ಯೆ ಡ್ ಉಲ್ಲೆರ.ಮೇರೆಗ್ 20,000 ರೂ.ಚೆಕ್ ಕೊರ್ಯೆರ್. ಈ ಸೇವಾ ಯೋಜನೆದ ಯಶಸ್ವಿದೊಟ್ಟಿಗೆ 96 ನೇ ಸಕಾಯ ಯೋಜನೆದ ಯಶಸ್ವಿಗ್ ಮೂಲ ಕಾರಣಕರ್ತೆರಾಯಿನ ಸಂಸ್ಥೆದ ಸರ್ವಸದಸ್ಯೆರ್ ಬೊಕ್ಕ ದಾನಿಲೆಗ್ ಸೇರುಂಡು ಪಂದ್ ಜೈ ತುಳುನಾಡ್ ಅಧ್ಯಕ್ಷೆ ರ್ ಸವಿತಾ ಕಾಂಚನ್ ಪಂಡೆರ್. ಅಂಚನೆ ಎಂಕಲೆನೊಟ್ಟಿಗೆ ಈ ಯೋಜನೆ ಯಶಸ್ವಿ ಆಯೆರೆ ಸಹಕರ ಮಲ್ತ್ ದ್, ಪ್ರೋತ್ಸಾಹ ಮಲ್ತಿನ ಸರ್ವೆರೆಗ್ಲಾ ಸೊಲ್ಮೆಲು, ಇಂಚನೆ ನನಲ ನಿಕುಲೆನ ಸಕಾಯ ಇಪ್ಪಡ್ ಪಂದ್ ಪಂಡೆರ್.

ಹರೀಶ್ ಪೂಂಜಾ ಮೆರೆನ ಮಿತ್ತ್ ಪುಂಡೆರ್ ದಾಳಿ ಮಲ್ತಿನ ಕೇಸ್; ಶಾಸಕೆರೆರ್ದ್ ಸ್ಪಷ್ಟನೆ

Oct 14, 2022

ಕುಡ್ಲ: ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜಾ ಮೆರೆನ ಮಿತ್ತ್ ಪುಂಡೆರ್ ದಾಳಿ ಮಲ್ತಿನ ಘಟನೆ ಕೋಡೆ ನಡುರಾತ್ರೆ ಫರಂಗಿಪೇಟೆದ ಕೈತಲ್ ನಡತ್‌ದಿತ್ತ್‌ದ್, ಈ ಘಟನೆಗ್ ಸಂಬಂಧಿಸಾದ್ ಪ್ರತಿಕ್ರಿಯೆ ಕೊರ್ತೆರ್.

ಈ ಬಗೆಟ್ ಶಾಸಕೆರ್ ಕುಡ್ಲಡ್ ಪಾತೆರ್ದ್, ಯನ್ನ ಮಿತ್ತ್ ದಾಳಿ ಮಲ್ತಿನವ್ ಅಂದ್, ಗುರುವಾರದಾನಿ ಬೆಂಗ್ಲೂರ್‌ರ್ದ್ ರಾತ್ರೆ ಕುಡ್ಲಗ್ ಬರೊಂದಿಪ್ಪುನ ಪೊರ್ತುಡು ಸ್ಕಾರ್ಪಿಯೊ ಗಾಡಿ ಓವರ್ ಟೇಕ್ ಮಲ್ತ್‌ದ್ ಯಾನ್ ಇತ್ತಿನ ಕಾರ್‌ಗ್ ರಡ್ಡ್ ಸರ್ತಿ ತಲ್ವಾರ್ ದಾಳಿ ಮಲ್ತ್‌ದೆರ್. ಗೃಹ ಸಚಿವೆರ್ ಉಂದೆಕ್ಕ್ ಸರಿಯಾಯಿನ ತನಿಖೆ ಮಲ್ತ್‌ದ್ ಕ್ರಮ ದೆತೊನುನ ಭರವಸೆ ಕೊರ್ತೆರ್ ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಒಡಿಪು: ಟಿಕೆಟ್ ದೆಪ್ಪಂದೆ ರೈಲ್ ಡ್ ಪ್ರಯಾಣ ಮಲ್ತಿನ ಐನ್ ಜನಕ್ ಒಂಜಿ ತಿಂಗೊಲ್ ಕರ್ಪಿಲ್ಲ್ ಸಿಕ್ಸೆ

Oct 14, 2022

ಒಡಿಪು: ಟಿಕೆಟ್ ಇಜ್ಜಂದೆ ರೈಲ್ ಬರ್ತಿನ ಕೆಲವು ಪ್ರಯಾಣಿಕೆರ್ ಜೈಲ್ ಸೇರಿನ ಘಟನೆ ಉಡುಪಿಡ್ ನಡತ್ಂಡ್.

ಜುನೈದ್ (24), ಸುಜಿತ್ (23), ವಿಷ್ಣು (25), ಯುನಿಸ್ (24) ಬೊಕ್ಕ ಮಿಸಾಬ್ (24) ಮೊಕುಲು ಟಿಕೆಟ್ ಇಜ್ಜಂದೆ ಕೇರಳರ್ದ್ ಗೋವಾಗ್ ಮತ್ಸ್ಯಗಂಧ ಎಕ್ಸ್‌ಪ್ರೆಸ್‌ ರೈಲ್ ಬರ್ತ್ ದೆರ್.
ರೈಲ್ ಒಡಿಪು ಎತ್ತ್ ನಗ ಟಿಕೆಟ್ ಪರೀಕ್ಷಕೆರ್ ಟಿಕೆಟ್ ಕೇನುನಗ ಈ ಪ್ರಯಾಣಿಕೆರ್ ಅಸಡ್ಡೆ ಉತ್ತರ ಕೊರ್ತೆರ್.
ಆಯಿಕ್ಕ್ ರೈಲ್ವೇ ರಕ್ಷಣಾ ಪಡೆ ಸಬ್ ಇನ್ಸ್‌ಪೆಕ್ಟರ್ ಸುಧೀರ್ ಶೆಟ್ಟಿ ಬೊಕ್ಕ ಸಿಬ್ಬಂದಿ ಜೀನ ಪಿಂಟೋ ಕೇಸ್ ದಾಖಲ್ ಮಲ್ದೆರ್. ಬೊಕ್ಕ ಒಡಿಪು ಜೆಎಂಎಫ್‌ಸಿ ಕೋರ್ಟ್ ಆರೋಪಿಗ್ ಒಂಜಿ ತಿಂಗೊಲ್ ಕರ್ಪಿಲ್ಲ್ ಸಿಕ್ಷೆ ಬೊಕ್ಕ 1000 ರೂ. ದಂಡ ಪಾಡ್ದೆರ್.

ಅ.16 : ಥಾಣೆಡ್ ಸೀರೆದ ಪ್ರದರ್ಶನ ಬೊಕ್ಕ ಸೇಲ್ ದ ಲೇಸ್

Oct 13, 2022

ಥಾಣೆ ಬಂಟ್ಸ್ ಅಸೋಸಿಯೇಶನ್ ದ ಅಧ್ಯಕ್ಷೆರ್ ಸುನಿಲ್ ಜೆ. ಶೆಟ್ಟಿ ಮೆರೆನ ಅಧ್ಯಕ್ಷತೆಡ್ ಅಂಚನೆ ಪೊಂಜೊವುಲೆನ ವಿಭಾಗದ ಕಾರ್ಯಾಧ್ಯಕ್ಷೆರ್ ತಾರಾ ಪಿ. ಶೆಟ್ಟಿ ಮುತಾಲಿಕೆಡ್ ಅಕ್ಟೋಬರ್ 16 ಐತಾರ ಕಾಂಡೆ 10 ಗಂಟೆರ್ದ್ ರಾತ್ರೆ 8 ಗಂಟೆ ಮುಟ್ಟ ಥಾಣೆ ಬಂಟ್ಸ್ ಅಸೋಸಿಯೇಶನ್ ಕಚೇರಿಡ್ ಪೊಂಜೊವುಲೆನ ವಿಭಾಗದಕುಲು ಅಟ್ಟಣೆ ಮಲ್ಪುನ ಸೀರೆದ ಪ್ರದರ್ಶನ ಬೊಕ್ಕ ಮಾರಾಟದ ಲೇಸ್ ನಡಪರೆ ಉಂಡು.

ಸುರಭಿ ಕಾಂಚಿಪುರಂ ಸಿಲ್ಕ್ಸ್ ಸಾರಿಸ್ ಲೆಕ್ಕೊಡು 500 ರೂ. ರ್ದ್ 50000 ರೂಪಾಯಿ ಮುಟ್ಟ ಸೀರೆದ ಪ್ರದರ್ಶನ ಬೊಕ್ಕ ಸೇಲ್ ನಡಪರೆ ಉಂಡು. ಎಚ್ಚಿನ ಜನಕುಲು ಉಂದೆಟ್ ಪಾಲ್ ಪಡೆಯೊಡು ಪಂದ್ ಸುರಭಿ ಕಾಂಚಿಪುರಂ ಸಿಲ್ಕ್ಸ್ ಸಾರಿಸ್ ಥಾಣೆ ಮೊಕುಲು ಲೆಪ್ಪೋಲೆಡ್ ತೆರಿಪಾದೆರ್. ಎಚ್ಚದ ಮಾಹಿತಿಗಾದ್ 9819200707, 8976062580 ಈ ನಂಬರ್ ಗ್ ಲೆಪ್ಪು ಕೊರೊಲಿ.

ಯಕ್ಷಗಾನೊದ ಏಸ ಪಾಡ್ದ್ ಕುಷಿ ಪಡೆಯೆರ್ ಚಿತ್ರನಟೆ ರಮೇಶ್ ಅರವಿಂದ್

Oct 13, 2022

ಇಂಚಿಪ್ಪಗ್ ನಟೆ, ನಿರ್ದೇಶಕೆರ್ ರಮೇಶ್ ಅರವಿಂದ್ ಒಡಿಪುದ ಲೇಸ್ ಒಂಜೆಕ್ಕ್ ಬಿನ್ನೆರಾದ್ ಬತ್ತಿತ್ತೆರ್.

ಈ ಪೊರ್ತುಡು ಅಲ್ಪದ ಮನೋವೈದ್ಯೆರ್ ಡಾ. ವಿರೂಪಾಕ್ಷ ದೇವರುಮನೆ ಮೆರೆನ ಇಲ್ಲಡ್ ಇತ್ತಿನ ಯಕ್ಷಗಾನದ ಫೊಟೋ ತೂದ್, ಯಂಕ್‌ಲ ಅವ್ವೇ ರೀತಿಡ್ ಏಸ ಪಾಡೊಡು, ಫೋಟೋಶೂಟ್ ಮಲ್ಪೊಡು ಪಂದ್ ಕೇನೊಂದೆರ್. ಇಂಚಾದ್ ರಮೇಶ್ ಅರವಿಂದ್ ಯಕ್ಷಗಾನೊದ ಏಸ ಪಾಡ್ದ್ ಫೋಟೋಶೂಟ್ ಮಲ್ತೆರ್.

Star Ramesh Aravind puts colours of Yakshagana Artist

Cine star and we’ll known director Ramesh Aravind was the guest of honour at a program in Udupi.He also visited the house of psychiatrist Dr Virupaksha Devarmane and noticing a pic of an Yakshagana Artist wished to don the colors of the same. Later on he had a photo shoot in the colourful dress and makeup of the famous art of tulunadu – Yakshagana.

ಸಮಾಜೊದ ಎಡ್ಡೆಪ್ಪುಗಾದ್ ಬೇಲೆ ಮಲ್ತಿನ ಸರೋಜಾ ಕೆ.ಆಳ್ವ ನನ ನಮಕ್ಕ್ ನೆಂಪು ಮಾತ್ರ

Oct 13, 2022

ಸರಳ ಸಜ್ಜನಿಕೆ ವ್ಯಕ್ತಿತ್ವ ರ್ದ್ ಆದರ್ಶ ಜೀವನ ಮಲ್ತ್ ದ್, ಕುಟುಂಬ ಬೊಕ್ಕ ಸಮಾಜಡ್ ಮಾತೆರ್ನಲ ಗೌರವಗ್ ಪಾತ್ರರಾದ್ ಇಂಚೊಗು ದೇವೆರೆ ಪಾದೊ ಸೇರಿನ ಸಮಾಜಸೇವಕಿ ಸರೋಜಾ ಕೆ.ಆಳ್ವ ನನ ನಮಕ್ಕ್ ಆರ್ ನೆಂಪು ಮಾತ್ರ. ಮೇರ್ ಸಮಾಜ ಸೇವಕೆ, ತುಳು ಅಭಿಮಾನಿ, ಕಾಂಗ್ರೆಸ್‌ ನಾಯಕೆರ್ ಅಗರಿ ನವೀನ್ ಭಂಡಾರಿ ಮೆರೆನ ಬೊಡೆದಿ.

ಪದವು ಚೌಟರ ಇಲ್ಲ್ ದ ಕೆ.ರಾಮ ಆಳ್ವ ಬೊಕ್ಕ ಏಳಿಂಜೆ ಕೋಲೆಟ್ಟು ದಿ.ಅಪ್ಪಿ ಆರ್. ಆಳ್ವರೆನ ಮಗಲ್ ಆಯಿನ ಸರೋಜ ಕೆ. ಆಳ್ವ, ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ ನಿವೃತ್ತ ಜಂಟಿ ನಿರ್ದೇಶಕೆರಾದ್‌ ಸೇವೆ ಮಲ್ದೆರ್.‌ ಮೇರೆನ ಆತ್ಮಗ್ ಆ ದೇವೆರ್ ಚಿರಶಾಂತಿ ಕೊರಡ್ ಪಂದ್ ಕಂಡನಿ ಅಗರಿ ನವೀನ್ ಭಂಡಾರಿ, ಮಗಲ್ ಅನುಷ್ಕಾ ಭಂಡಾರಿ ಶೆಟ್ಟಿ, ಮರ್ಮಯೆ ಡಾ.ವೀಕ್ಷಿತ್ ಶೆಟ್ಟಿ ಬೊಕ್ಕ ಮಾತ ಸಂಬಂದಿಕೆರ್ ದೇವೆರೆಡ ಸುಗಿತೊಂದೆರ್.

Saroja K Alva a well known social worker is now a memory:

A woman with a mild and sweet demeanour who has served her family and the society alike and who has won the hearts of all with her pleasing personality Saroja K Alva is now just a memory.

A staunch Tuluva and a social worker she retired as joint director of women and children development department.She was the wife of Congress leader Agari Naveen Bandhari and daughter of Chowta House K Rama Alva and late Appi Alva.

Deeply mourned by:
Agari Naveen Bandhary ( Husband)
Anuska Bandhary Shetty ( daughter)
Dr Vikshith Shetty (son in law)
Relatives and friends.

ಕುಡ್ಲಡ್ ಕುಡ ಎಸ್‌ಡಿಪಿಐ, ಪಿಎಫ್‌ಐ ಲೀಡರ್ ನಕ್ಲೆನ ಇಲ್ಲಗ್ ರೈಡ್; 5 ಜನ ವಶಕ್ಕ್

Oct 13, 2022

ಕುಡ್ಲಡ್ ಪುಲ್ಯಕಾಂಡೆ ಕುಡ ಪಿಎಫ್‌ಐ ಲೀಡರ್ ನಕ್ಲೆನ ಇಲ್ಲದ ಮಿತ್ತ್ ಪೊಲೀಸೆರ್ ದಾಳಿ ಮಲ್ತ್‌ದ್, 5 ಜನನ್ ವಶಕ್ಕ್ ದೆತೊಂದೆರ್.

ಇಂಚಿಪ್ಪಗ್ ದೇಶಡ್ ಪಿಎಫ್‌ಐ ಸಂಘಟನೆನ್ ಕೇಂದ್ರ ಸರ್ಕಾರ ಬ್ಯಾನ್ ಮಲ್ಪರೆ ಆದೇಶ ಮಲ್ತಿತ್ತ್ಂಡ್. ಈ ಬೆರಿಟ್ಟೆ ಪಿಎಫ್‌ಐ ವಿರುದ್ಧ ರಾಜ್ಯದ ಪೊಲೀಸೆರ್ ಕುಡ ಕಾರ್ಯಾಚರಣೆ ಮಲ್ಪರೆ ಸುರು ಮಲ್ತ್‌ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಅ.25 ಬೊಕ್ಕ ನ.8 ಗು ಅರ್ಧ ಗ್ರಹಣ: ಡಾ.ಎ.ಪಿ ಭಟ್

Oct 12, 2022

ಒಡಿಪು: ಈ ಸರ್ತಿ ದೀಪಾವಳಿರ್ದ್ ಬೊಕ್ಕ ಲಕ್ಷದೀಪೋತ್ಸವದ ಸಮಯಡ್ ರಡ್ಡ್ ಅಪರೂಪದ ಗ್ರಹಣ ನಡಪರೆ ಉಂಡು ಪಂದ್ ಒಡಿಪುದ ಡಾ.ಎ.ಪಿ ಭಟ್ ತೆರಿಪಾದೆರ್.

ದೀಪಾವಳಿ ಪರ್ಬದ ದುಂಬುನಾನಿ (ಅ.25) ಪಾರ್ಶ್ವ ಸೂರ್ಯ ಗ್ರಹಣ ಆಂಡ, ಕಾರ್ತೀಕ ತಿಂಗೊಲ್ದ ಪುಣ್ಣಮೆದಾನಿ (ನ.8) ಪಾರ್ಶ್ವ ಚಂದ್ರ ಗ್ರಹಣ ಆಯರೆ ಉಂಡು. ಸೂರ್ಯ ಗ್ರಹಣ ಬಯ್ಯಗ್, ಚಂದ್ರಗ್ರಹಣ ಬೊಲ್ಪುಗು ಆಪುನೆರ್ದಾವೆರ ಈ ರಡ್ಡ್ ಗ್ರಹಣಲು ಭಾರತಗ್ ಮಸ್ತ್ ಅಪರೂಪವಾದುಂಡು. ಅ.25 ತ್ತ ಪಾರ್ಶ್ವ ಸೂರ್ಯ ಗ್ರಹಣ ಬಯ್ಯಗ್ 5.08ಕ್ ಸುರುವಾದ್ 6.29 ಕ್ ಮುಗಿಪುಂಡು. ಬೊಕ್ಕ ನ.8 ತ್ತ ಪಾರ್ಶ್ವ ಚಂದ್ರಗ್ರಹಣ ಪುಣ್ಣಮೆದ ಚಂದ್ರೆ ಮೂಡುನಗ ಕಾಂಡೆ 6 ಕ್ಕ್ ಸುರು ಆದ್ ಬಜಿ 19 ನಿಮಿಷ ಇಪ್ಪುಂಡು. ಬೊಕ್ಕ ಬಯ್ಯಗ್ 6.19 ಕ್ ಗ್ರಹಣ ಮುಗಿಪುಂಡು.
ಸೂರ್ಯ ಗ್ರಹಣದ ಪೊರ್ತುಡು ಸೂರ್ಯನ್ ಕಾಲಿ ಕಣ್ಣ್ ಡ್ ಏಪಲ ತೂಯರೆ ಬಲ್ಲಿ. ಆಂಡ ಚಂದ್ರ ಗ್ರಹಣದ ಪೊರ್ತುಡು ಚಂದ್ರ ನ್ ಕಾಲಿ ಕಣ್ಣ್ ಡ್ ತೂವೊಲಿ ಪಂದ್ ಆರ್ ಪಂಡೆರ್.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ವಿದ್ಯೆ ಕಲ್ಪೆರೆ ಬೋಡಾದ್ ತಿಬಿಲೊಗು ರಂಗ್ ಕೊರ್ಪಿನ ರಕ್ಷಾ ಪೂಜಾರಿ

Oct 12, 2022

ಒಡಿಪು : ಬೊಲ್ಪುದ ಪರ್ಬ ದೀಪಾವಳಿ ಕೈತಲ್ ಬರೊಂದು ಇಪ್ಪುನ ಪೊರ್ತುಡು ಏತೋ ಜನ ಕಲೆಗಾರೆರ್ ಮಣ್ಣ್ ದ ತಿಬಿಲೊಲೆನ್ ಉತ್ಪತ್ತಿ ಮಲ್ತ್ ದ್ ಮಾರ್ದ್ ಜೀವನ ದೆಪ್ಪುವೆರ್.

ಅಂಚೆನೆ ಇಲ್ಲಡ್ ಕಷ್ಟ ಉಪ್ಪುನಗ ಕಲ್ಪರೆ ಬೋಡಾದ್ ಉಪ ಕೆಲಸ ಮಲ್ತ್ ದ್ ಶಾಲೆ ಕಲ್ತ್ ದ್ ಅಪ್ಪೆ ಅಮ್ಮೆರ್ನ ಪಣವುದ ದುನ್ನೊನು ಕಮ್ಮಿ ಮಲ್ಪುನಕುಲುಲ ಏತೋಜನ ಉಲ್ಲೆರ್. ಬೆದ್ರದ ಖಾಸಗಿ ಕಾಲೇಜ್ ದ ದೃಶ್ಯಕಲಾ ವಿಭಾಗದ ವಿದ್ಯಾರ್ಥಿನಿ ಒರ್ತಿ ಮಣ್ಣ್ ದ ದೀಪಲೆಗ್ ರಂಗ್ ಕೊರ್ದು ಮೆನ್ಕುಲೆಕ ಮಲ್ದೆರ್. ಒಡಿಪು ಜಿಲ್ಲೆದ ಕಾಪುದ ಕಲಾವಿದೆ ರಕ್ಷಾ ಆರ್ ಪೂಜಾರಿ, ತನ್ನ ಶಿಕ್ಷಣಕ್ಕಾದ್ ಮಾತ್ರ ಅತ್ತಾಂದೆ ಡಿಪ್ಲೊಮಾ ಕಲ್ತೊಂದು ಇಪ್ಪುನ ತನ್ನ ಮೆಗ್ಯನ ಶಿಕ್ಷಣಗ್ ಸಕಾಯ ಮಲ್ಪುನ ಉದ್ದೇಶಡ್ ದೀಪಲೆನ್ ಮಲ್ತ್ ದ್, ಮಾರ್ಯೆರೆ ನಿರ್ಧಾರ ಮಲ್ದೆರ್. ನೆತ್ತ ಒಟ್ಟಿಗೆ ಸಾಲೆ ಜೋಕುಲೆಗ್ಲಾ ಕ್ರೀಯಾಶೀಲತೆ ಬರೊಡು ಪಂದ್ ಅಕಲೆಗ್ಲಾ ಬಣ್ಣ ಪಡುನೆನ್ ಕಲ್ಪಾದ್ ಕೊರೊಂದು ಉಲ್ಲೆರ್. ಅಂಚನೆ ಬೇತೆ ಬೇತೆ ವಿನ್ಯಾಸದ ದೀಪಲೆಗಾದ್ ಮೇರೆಗ್ ನಿಕುಲು ಕ್ವಾಲ್ ಮಲ್ಪೊಲಿ.

ರಕ್ಷಾ ಪೂಜಾರಿ: 9964777580

ಯಕ್ಷಗಾನದ ಏಸ ಪಾಡ್ದ್ ಕುಷಿ ಪಡೆಯೊಂಡೆರ್ ಸಚಿವೆರ್ ಡಾ.ಸುಧಾಕರ್

Oct 12, 2022

ತುಳುನಾಡ್‌ದ ಆಣ್ ಕಲೆ ಯಕ್ಷಗಾನದ ಏಸ ಪಾಡ್ದ್ ಸಚಿವೆರ್ ಡಾ. ಸುಧಾಕರ್ ಕುಷಿ ಪಡೆಯೊಂದೆರ್. ಉತ್ತರ ಕನ್ನಡ ಜಿಲ್ಲೆದ ಕಾರವಾರ ತಾಲೂಕ್‌ದ ಭಟ್ಕಳಗ್ ಭೇಟಿ ಮಲ್ತಿನ ಪೊರ್ತುಡು, ಏಸ ಪಾಡ್ದ್ ಫೋಟೋಗ್ ಪೋಸ್ ಕೊರ್ತೆರ್.

ಶಾಸಕೆರ್ ಸುನೀಲ್ ನಾಯ್ಕ್ ಅರೆನ ಇಲ್ಲಡ್ ಯಕ್ಷಗಾನ ಅಟ್ಟನೆ ಮಲ್ತ್‌ದಿತ್ತೆರ್. ಉಂದೆಟ್ಟ್ ಪಾಲ್ ಪಡೆಯಿನ ಸಚಿವೆರ್ ಆಟ ಮುಗಿ ಬೊಕ್ಕ ಏಸ ಪಾಡ್ದ್ ಕುಷಿ ಪಡೆಯೊನ್ಯೆರ್.

ಉಡುಪಿದ ಸುದ್ದಿ | Udupi News

ಸ್ವಾಮಿ ಕೊರಗಜ್ಜನ ಆದಿ ಕುತ್ತಾರ್ ಡ್ ಜೈ ತುಳುನಾಡ್ ಸೇವಾ ಚಾರಿಟೇಬಲ್ ಟ್ರಸ್ಟ್ ರ್ದ್ ರವೀಂದ್ರ ಮೇರೆಗ್ ಪಣವುದ ಸಕಾಯ

ಹರೀಶ್ ಪೂಂಜಾ ಮೆರೆನ ಮಿತ್ತ್ ಪುಂಡೆರ್ ದಾಳಿ ಮಲ್ತಿನ ಕೇಸ್; ಶಾಸಕೆರೆರ್ದ್ ಸ್ಪಷ್ಟನೆ

ಒಡಿಪು: ಟಿಕೆಟ್ ದೆಪ್ಪಂದೆ ರೈಲ್ ಡ್ ಪ್ರಯಾಣ ಮಲ್ತಿನ ಐನ್ ಜನಕ್ ಒಂಜಿ ತಿಂಗೊಲ್ ಕರ್ಪಿಲ್ಲ್ ಸಿಕ್ಸೆ

ಅ.16 : ಥಾಣೆಡ್ ಸೀರೆದ ಪ್ರದರ್ಶನ ಬೊಕ್ಕ ಸೇಲ್ ದ ಲೇಸ್

ಯಕ್ಷಗಾನೊದ ಏಸ ಪಾಡ್ದ್ ಕುಷಿ ಪಡೆಯೆರ್ ಚಿತ್ರನಟೆ ರಮೇಶ್ ಅರವಿಂದ್

ಕುಡ್ಲಡ್ ಕುಡ ಎಸ್‌ಡಿಪಿಐ, ಪಿಎಫ್‌ಐ ಲೀಡರ್ ನಕ್ಲೆನ ಇಲ್ಲಗ್ ರೈಡ್; 5 ಜನ ವಶಕ್ಕ್

ಅ.25 ಬೊಕ್ಕ ನ.8 ಗು ಅರ್ಧ ಗ್ರಹಣ: ಡಾ.ಎ.ಪಿ ಭಟ್

ವಿದ್ಯೆ ಕಲ್ಪೆರೆ ಬೋಡಾದ್ ತಿಬಿಲೊಗು ರಂಗ್ ಕೊರ್ಪಿನ ರಕ್ಷಾ ಪೂಜಾರಿ

ಯಕ್ಷಗಾನದ ಏಸ ಪಾಡ್ದ್ ಕುಷಿ ಪಡೆಯೊಂಡೆರ್ ಸಚಿವೆರ್ ಡಾ.ಸುಧಾಕರ್

You Missed

ಜಾಗತಿಕ ಬಂಟರ ಸಂಘಗಳ ಒಕ್ಕೂಟಗ್ ರೂ.2 ಕೋಟಿ ದೇಣಿಗೆ ಕೊರ್ನ ಉದ್ಯಮಿ ತೋನ್ಸೆ ಆನಂದ್ ಎಂ. ಶೆಟ್ಟಿ

ತುಳುಕೂಟದ ಕೋಟಾದಡಿ ಮೆಡಿಕಲ್ ಸೀಟ್ ಪಡೆಯಿನ ನಿಕ್ಷೇಪ್ ಸುವರ್ಣ

ಚಾರ್ ಧಾಮ್ ಯಾತ್ರೆಗ್ ಪೋದಿತ್ತಿನ ಕುಂಪಲ ನಿವಾಸಿ ತಿಗಲೆ ಬೇನೆಡ್ ಮರಣ

ಸೆ.25-27: ಸುರತ್ಕಲ್‌ ಬಂಟರ ಭವನಡ್ ಕೃಷಿ ಮೇಳ, ಆಹಾರ ಮೇಳ, ಹೋಳಿಗೆ ಪರ್ಬ ಬೊಕ್ಕ ಸಸ್ಯೋತ್ಸವ