ಉಡುಪಿದ ಸುದ್ದಿ | Udupi News

ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿನ್ ಪಾಲನೆ ಮಲ್ಪುಲೇ : ಜಿ.ಜಗದೀಶ್

Apr 28, 2021

ಒಡಿಪು , ಎ.28: ಕೋವಿಡ್ 2ನೇ ಅಲೆ ನಿಯಂತ್ರಣಗ್ ಸಂಭಂದ ಪಟ್ಟಿನಂಚ , ಎ.27ರ್ದ್ ಮೇ 12 ಮುಟ ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿಲೆನ್ ಅನುಷ್ಠಾನ ಮಲ್ಪುನ ನೆಲೆಟ್ಟ್ ಜಿಲ್ಲೆದ ಗಡಿ ಪ್ರದೇಶಡ್ ಚೆಕ್‌ಪೋಸ್ಟ್‌ಲೆನ್ ದೆತ್ದ್ ಅನಗತ್ಯ ವಾಹನ ಸಂಚಾರನ್ ನಿಯಂತ್ರಣ ಮಲ್ಪೊಡು ಪಂದ್ ಜಿಲ್ಲಾಧಿಕಾರಿ ಜಿ.ಜಗದೀಶ್ ತೆರಿಪಾದೆರ್ .

ಮಣಿಪಾಲದ ಜಿಪಂ ಸಭಾಂಗಣಡ್ ಅಂಗಾರೆ ನಡತಿನ ಕೋವಿಡ್ ಮಾರ್ಗಸೂಚಿ ಅನುಷ್ಠಾನದ ಬಗ್ಗೆ ಅಧಿಕಾರಿಲೆನ ಮಟ್ಟದ ಸಭೆದ ಗುರ್ಕಾರ್ಮೆ ವಯಿಸೊಂದು ಪಾತೆರಿಯೆರ್.

ಗಡಿಪ್ರದೇಶಡ್ ಚೆಕ್ ಪೋಸ್ಟ್‌ಲೆನ್ ದೆತ್ದ್ ಅಗತ್ಯ ಸಿಬ್ಬಂದಿಲೆನ್ ನಿಯೋಜನೆ ಮಲ್ದೆರ್ ವೈದ್ಯಕೀಯ ಕಾರಣರ್ದ್ ಬೊಕ್ಕ ಸೂಕ್ತ ಪಾಸ್‌ಲೆನ್ ಪಡೆದ್ ಬರ್ಪಿನಕ್ಲೆನ್ ಥರ್ಮಲ್ ಸ್ಕ್ಯಾನರ್ ಮುಖೇನ ತಪಾಸಣೆ ಮಲ್ತ್ ಪ್ರವೇಶ ಮಲ್ಪರೆ ಅವಕಾಶ ಕೊರ್ಲೆ ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವೊಗು ಆಯ್ಕೆ ಆಂಡ್ ತುಳು ಚಲನಚಿತ್ರ “ಭರತ್ “

Apr 28, 2021

ಕುಡ್ಲ : ವೈಷ್ಣವ ಪ್ರೊಡಕ್ಷನ್ಸ್, ರತ್ನಗಿರಿ ಬೊಕ್ಕ ಮಹಾರಾಷ್ಟ್ರ ತುಳುವೆರ್ನ ಒಟ್ಟುಸೇರಿಗೆಡ್ ಅದ್ದೂರಿ ಕರ್ಚಿಡ್ ನಿರ್ಮಾಣ ಆತಿನ “ಭರತ್” ಪನ್ಪಿನ ಪುದರ್ ದ ಚಲನಚಿತ್ರ ತುಳು , ಕನ್ನಡ ಸೇರ್ದ್ 7 ಬಾಷೆಲೆಡ್ ಬುಡುಗಡೆ ಆವರೆ ಉಂಡು.

ತುಳುನಾಡ್ದ ಸಂಸ್ಕೃತಿ ಬೊಕ್ಕ ಕೆಲಸ ನಾಡೊಂದು ಬೊಂಬೈಗ್ ಬೈದಿನ ತುಳುವೆರ್ನ ಮನಸ್ ಡ್ ಉಪ್ಪುನ ತುಳುನಾಡ್ದ ಮಿತ್ತ್ ದ ಮೋಕ್ಯೆ, ಅಭಿಮಾನ ಅಂಚೆನೇ 100 ವರ್ಸೊರ್ದಿಂಚಿದ ತುಳುವೆರೆನ ಜೀವನ ಶೈಲಿ, ಬುಲೆಚ್ಚಿಲ್, ನಂಬಿಕೆ ಆಚರಣೆಲೆನ್ ಜಗತ್ತ್ ಗ್ ತೋಜಿಪಾವುನ ಪ್ರಯತ್ನ ಈ ಸಿನಿಮೊಡು ಉಂಡು.
ಅಂಚೆನೇ ತುಳುನಾಡ್ದ ಜಾನಪದ ಸಂಸ್ಕೃತಿಗ್ ಬೊಕ್ಕ ತುಳುವೆರೆಗ್ ತಿಕ್ಕೊಡಾಯಿನ ಮಾನಾದಿಗೆದ ವಿಚಾರೊಡು ಬೊಲ್ಪು ತೋಜಾವುನ ಎಲ್ಯ ಪ್ರಯತ್ನೊಡು ಯಶಸ್ಸ್ ತೋಜುನ ಈ ಪೊರ್ತುಡು ಚಿತ್ರತಂಡದಕುಲು ಜರ್ಮನಿದ ಟೋನಿ ಅಂದ್ರೇವ್ ಮೇರ್ನ vfx ತಂತ್ರಜ್ಞಾನೊನು ಗಲಸೊಂದು ಮಲ್ಲ ಛಾಯಾಗ್ರಾಹಕೆರ್ ಅಂಚೆನೇ ಬೊಂಬೈ ಬೊಕ್ಕ ಚೆನ್ನೈ ತಂತ್ರಜ್ಞೆರ್ನ ಪ್ರಯತ್ನೊಡು ಶೂಟಿಂಗ್ ಮುಗಿತ್ ದೆರ್.

ಬೊಂಬೈದ ದಯಾ ಎಸ್. ಪೂಜಾರಿ ಮೇರ್ನ ನಿರ್ದೇಶನ, ಆರತಿ ಚೆನ್ನೈ ಮೆರೆನ ಸಂಗೀತ ನಿರ್ದೇಶನ ಪಿಚ್ಚರ್ ಗ್ ಒಂಜಿ ಅದ್ಬುತ ರೂಪ ಕೊರ್ತುಂಡು.ವಿಶೇಷ ಬೊಕ್ಕ ವಿನೂತನ ಪ್ರಯತ್ನೊಡು ಶೂಟಿಂಗ್ ಮುಗಿನೇ 2021 ರ ಲೊಕೇನೋವ ಅಂತಾರಾರಾಷ್ಟ್ರೀಯ ಚಲನಚಿತ್ರೋತ್ಸವಗ್ “ಭರತ್” ಪಿಚ್ಚರ್ ಆಯ್ಕೆ ಆತ್ಂಡ್.ಜೂನ್ ಸುರುತ್ತ ವಾರೊಡು ಮರಾಠಿ ಬೊಕ್ಕ ತುಳು ಬಾಸೆಡ್ ಪಿಚ್ಚರ್ ಬುಡುಗಡೆಗ್ ತಯಾರಾತ್ಂಡ್.ತುಳುವೆರ್ನ ಈ ಪ್ರಯತ್ನೊಗು ಮಾತೆರ್ಲ ಆಶೀರ್ವಾದ ಮಲ್ತ್ ದ್ ಸಹಕಾರ ಕೊರ್ಪರ್ ಪಂಡ್ ದ್ ವಿಶ್ವಾಸ ದೀವೊಂದೆರ್
ಭರತ್ ಚಿತ್ರ ತಂಡದಕುಲು ಬೊಕ್ಕ ವೈಷ್ಣವ ಪ್ರೊಡಕ್ಷನ್ಸ್ ರತ್ನಗಿರಿ ಮೊಕುಲು.

ಮೇ 1 ತಾರೀಕುಡ್ದ್18 ವರ್ಷ ಮಿತ್ತುದಕ್ಲೆಗ್ ಕೊರೊನಾ ವ್ಯಾಕ್ಸಿನ್, ಇನಿಡ್ದಿಂಚಿ ನೋಂದಣಿ ಸುರು

Apr 28, 2021

ಇನಿಡ್ದಿಂಚಿ 18 ವರ್ಷ ಮಿತ್ತುದಕಲೆಗ್ ಕೊರೊನಾ ವ್ಯಾಕ್ಸಿನ್ ಅಭಿಯಾನ ಇಡೀ ದೇಶೊಡೇ ಸುರುವಾದಿತ್ತುದ್,ವ್ಯಾಕ್ಸಿನೇಷನ್‌ ದೆತೊನರೆಗ್ ನೋಂದಣಿ ಮಲ್ತೊನೊಡಾಪುಂಡ್.ಕೇಂದ್ರ ಸರ್ಕಾರ 3 ನೇ ಸರ್ತಿಗ್ ವ್ಯಾಕ್ಸಿನ್ ದ ಅಭಿಯಾನ ಮಲ್ತೊಂದುಂಡು.ಸುರುತ ಸರ್ತಿಗ್ 60 ವರ್ಷ ಮಿತ್ತಿದಕ್ಲೆಗ್ ವ್ಯಾಕ್ಸಿನ್ ಕೊರ್ಪಿನ ಅಭಿಯಾನ,2 ನೇ ಸರ್ತಿಗ್ 45 ವರ್ಷ ಮಿತ್ತದಕ್ಲೆಗ್ ಕೊರೊನಾ ವ್ಯಾಕ್ಸಿನ್ ಕೊರ್ಪಿನ ಅಭಿಯಾನ ಮಲ್ತುದುಂಡ್.ಇತ್ತೆ ಕುಡ ಕೊರೊನಾ ಸೀಕ್ ಜವನೆರೆಗ್ಲಾ ಹೆಚ್ಚಾದ್ ಬರೊಂದುಪ್ಪುನ ಕಾರಣ 18 ವರ್ಷ ಮಿತ್ತದಕ್ಲೆಗ್ ಲಾ ಕೊರೊನಾ ವ್ಯಾಕ್ಸಿನ್ ಕೊರ್ಪಿನ ಅಭಿಯಾನ ಮಲ್ತುದ್ ದೇಶೊನ್ ಕೊರೊನಾ ಮುಕ್ತ ಮಲ್ಪುನ ಸಂಕಲ್ಪ ಕೇಂದ್ರ ಸರ್ಕಾರ ಮಲ್ದುಂಡ್.ಮಾತೆರೆಗ್ ಒರಾನೆ ವ್ಯಾಕ್ಸಿನ್ ದೆತೊನರೆಗ್ ಬಂಗ ಆಪಿನೆಡ್ದಾವರ ಪ್ರತಿಯೊರಿಲಾ‌ ನೋಂದಣಿ ಮಲ್ತುದೇ ವ್ಯಾಕ್ಸಿನ್ ದೆತೊನೊಡಾಪುಂಡ್.

ಈ ನೋಂದಣಿ ಮಲ್ಪರೆಗಾದ್ w.w.w.cow in.gov.in ಲಿಂಕ್ ಓಪನ್‌ ಮಲ್ತುದ್ ,ರಿಜಿಸ್ಟರ್ ಯುವರ್ ಸೆಲ್ಫ್ ಆಯ್ಕೆ ಮಲ್ತುದ್,ಅಲ್ಪ ನಿಕಲ್ನ ಮೊಬೈಲ್ ಗ್ ಒಂಜಿ ಒಟಿಪಿ ಬರ್ಪುಂಡ್.ಅವ್ವೆನ್ ಅಲ್ಪ ಪಾಡ್ದ್ ನಿಕಲ್ನ ಫೋಟೊ,ಪುಟ್ಟುದಿನ ತಾರೀಕು,ಊರುದ ಪುದರ್ ಪಾಡ್ದ್ ನೋಂದಣಿ ಮಲ್ತೊನೊಲಿ.ಕೊರೊನಾ ಲಸಿಕೆ ಪಾಡೊಂದ್ ನಿಕಲೆನ್ ಕೊರೊನಾ ಮುಕ್ತ ಮಲ್ತೊನ್ಲೆ.ಕುಡೊರಿಯಗ್ಲಾ ತೆರಿಪಾಲೆ.ಜೀವ ಒರಿಪುಲೆ.

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಓಟುಡು ಶ್ರೀನಿವಾಸ ನಾಯಕ್, ಆರಿಫ್ ಮುಹಮ್ಮದ್ ಸೇರ್ದ್ 15 ಜನ ನಿರ್ದೇಶಕೆರ್ ಆಯ್ಕೆ

Apr 28, 2021

ಕುಡ್ಲ : ದಕ್ಷಿಣ ಕನ್ನಡ ಜಿಲ್ಲೆದ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಮುತಾಲಿಕೆಡ್ ಪೊಸತಾದ್ ಉದಿಪನ ಆದಿತ್ತಿನ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಪೊಸ ಆಡಳಿತ ಮಂಡಳಿ ನಿರ್ದೇಶಕೆರ್ನ ಸ್ಥಾನೊಗು ಕುಡ್ಲದ ಪತ್ರಿಕಾ ಭವನೊಡು ಅಂಗಾರೆ ನಡತಿನ ಓಟುಡು ಶ್ರೀನಿವಾಸ ನಾಯಕ್ ಇಂದಾಜೆ , ಮುಹಮ್ಮದ್ ಆರಿಫ್ ಸೇರ್ದ್ 15 ಜನ ನಿರ್ದೇಶಕೆರಾದ್ ಆಯ್ಕೆ ಆಯೆರ್.

ಒಟ್ಟು 15 ಸ್ಥಾನೊಡು 9 ಸಾಮಾನ್ಯ ಸ್ಥಾನೊಗು 12 ಅಭ್ಯರ್ಥಿಲು ಓಟುದ ಕಲಟ್ಟ್ ಇತ್ತೆರ್.
ಬಯ್ಯಡ್ ಓಟು ಗೆನ್ಪುನ ಕಜ್ಜ ನಡತಿ ಬೊಕ್ಕ ದಕ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಗುರ್ಕಾರ್ಲು ಶ್ರೀನಿವಾಸ್ ನಾಯಕ್ ಇಂದಾಜೆ (177), ಆತ್ಮಭೂಷಣ್ ಭಟ್ (118), ಇಬ್ರಾಹಿಂ ಅಡ್ಕಸ್ಥಳ (139), ಜಿತೇಂದ್ರ ಭಟ್ (127), ಸುಖ್ ಪಾಲ್ ಪೊಳಲಿ (146), ಭಾಸ್ಕರ ರೈ ಕಟ್ಟ (167), ಪುಷ್ಪರಾಜ್ ಬಿ.ಎನ್. (157), ಕೇಶವ ಕುಂದರ್ (115) ಅಂಚೆನೇ ವಿಲ್ಫ್ರೆಡ್ ಡಿಸೋಜ (127) ಆಯ್ಕೆಆಯೆರ್.ಬಾಕಿದ ಸ್ಪರ್ಧಿಲು ಆದಿತ್ತಿನ ಅಶೋಕ್ ಶೆಟ್ಟಿ (48), ಎಸ್.ಜಯರಾಮ್ (57), ರವಿಚಂದ್ರ ಬಿ (88) ಓಟು ಪಡೆತೆರ್.
ಹಿಂದುಳಿದ ವರ್ಗ ಪ್ರವರ್ಗ ಎ ಮೀಸಲು ಕ್ಷೇತ್ರೊರ್ದು ಮುಹಮ್ಮದ್ ಆರಿಫ್ (91) ಬೊಕ್ಕ ವಿಜಯ ಕೋಟ್ಯಾನ್ (67) ಆಯ್ಕೆ ಆತೆರ್. ಈ ವಿಭಾಗೊಡು 2 ಸ್ಥಾನೊಗು 7 ಅಭ್ಯರ್ಥಿಲು ಕಲಟ್ಟ್ ಇತ್ತೆರ್. ನರೇಂದ್ರ ಎಂ.ಪೂಜಾರಿ (27), ಮನೋಹರ ಬಳಂಜ (34), ರಾಜೇಶ್ ಪೂಜಾರಿ (60), ಮೊಹಮ್ಮದ್ ಅನ್ಸಾರ್ ಇನೋಳಿ (49) ಹಾಗೂ ಸಿದ್ದಿಕ್ ನೀರಾಜೆ (42) ಓಟು ದೆತೊಂದೆರ್.ಎಸ್ ಸಿ ಮತ್ತು ಎಸ್ ಟಿ ಸ್ಥಾನೊಗು ಸುರೇಶ್ ಪಳ್ಳಿ ಬೊಕ್ಕ ಹರೀಶ್ ಮೋಟುಕಾನ , ಮಹಿಳಾ ಕ್ಷೇತ್ರೊಗು ಸತ್ಯವತಿ ಬೊಕ್ಕ ಶಿಲ್ಪಾ ಅವಿರೋಧ ಆಯ್ಕೆ ಆದಿತ್ತೆರ್.
ಒಟ್ಟು 209 ಷೇರುದಾರೆರ್ನ ಪೈಕಿ 198 ಸದಸ್ಯೆರ್ ಓಟು ಪಾಡ್ದಿತ್ತೆರ್. ಒಟ್ಟಾರೆ ಶೇ.94.98 ಮತದಾನ ಆತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೊರೊನಾ ವಾರಿಯರ್ಸ್‌ಗಾದ್ ಇಸೇಸ ರೀತಿಡ್ ಸೊಲ್ಮೆ ಸಂದೈತ ಮಲ್ತಿನ ಗೂಗಲ್

Apr 28, 2021

ನವದೆಹಲಿ, ಏಪ್ರಿಲ್ 28: ಗೂಗಲ್ ಕೊರೊನಾ ವಾರಿಯರ್ಸ್‌ಗಾದ್ ಇಸೇಸ ಡೂಡಲ್ ಮಲ್ತ್ ಸೊಲ್ಮೆ ಸಂದೈತ ಮಲ್ದುಂಡು .

ವಿಶ್ವಡ್ ಕೊರೊನಾ ಸೋಂಕು ಜಾಸ್ತಿ ಆವೊಂದು ಉಪ್ಪುನೆರ್ದಾವರ , ಈ ಪೊರ್ತುಡು ತಮ್ಮ ಪ್ರಾಣನ್ ಲಾ ಲೆಕ್ಕಗ್ ದೀಯಂದೇ ಸೇವೆ ಮಲ್ತೊಂದು ಉಪ್ಪುನ ಆರೋಗ್ಯ ಕಾರ್ಯಕರ್ತೆರ್ ಸಂಶೋಧಕೆರೆಗ್ ಗೂಗಲ್ ಡೂಡಲ್ ಇಸೇಸ ಸೊಲ್ಮೆ ಸಂದೈತ ಮಲ್ದುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಭಾರತಗ್ 135 ಕೋಟಿ ನೆರವು ಘೋಷಣೆ ಮಲ್ತಿನ ಗೂಗಲ್ ಸಿಇಒ ಸುಂದರ್ ಪಿಚೈ

Apr 28, 2021

ಕರ್ನಾಟಕ, ಎಪ್ರಿಲ್ 28: ಏಪ್ರಿಲ್ 4 ರ್ದ್ ದಿನ ಒಂಜೇಟ್ಟ್ ಒಂಜಿ ಲಕ್ಷರ್ದ್ ಲಾ ಜಾಸ್ತಿ ಜನಕುಲು,ಏಪ್ರಿಲ್ 14 ರ್ದ್ ಒಂಜಿ ದಿನಟ್ ರಡ್ಡ್ ಲಕ್ಷರ್ದ್ಲಾ ಜಾಸ್ತಿ ಜನಕುಲು, ಅಂಚನೇ ಏಪ್ರಿಲ್ 17 ರ್ದ್ ಒಂಜೇ ದಿನಟ್ಟ್ ರೆಡ್ಡರೆ ಲಕ್ಷರ್ದ್ ಜಾಸ್ತಿ ಜನಕುಲು ಕೊರೊನಾ ಸೋಂಕು ಪೀಡಿತೇರಾವೊಂದು ಉಲ್ಲೆರ್.

ಕರಿನ 24 ಗಂಟೆಡ್ ದೇಶಡ್ 3.5 ಲಕ್ಷರ್ದ್ ಜಾಸ್ತಿ ಜನ ಕೊರೊನಾ ಸೋಂಕಿತೆರ್ ಪತ್ತೆಯಾತೆರ್.
ಈ ನೆಲೆಟ್ಟ್ ಭಾರತಗ್ 135 ಕೋಟಿ ನೆರವುನು ಗೂಗಲ್ ಸಿಇಒ ಸುಂದರ್ ಪಿಚೈ
ಘೋಷಣೆ ಮಲ್ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಭಾರತೀಯ ಜನತಾ ಪಾರ್ಟಿ ವತಿರ್ದ್ ನೆತ್ತೆರ್ ದಾನ ಶಿಬಿರ

Apr 28, 2021

ಕುಡ್ಲ, ಎಪ್ರಿಲ್ 28: ಭಾರತೀಯ ಜನತಾ ಪಾರ್ಟಿ,ಕುಡ್ಲ ನಗರ ದಕ್ಷಿಣ ಮಂಡಲ ಬೊಕ್ಕ ಸೇವಾಂಜಲಿ ಚಾರಿಟೇಬಲ್ ಟ್ರಸ್ಟ್ (ರಿ .) ಜೋಡುಮಠ ಮಾರ್ಗ , ಕುಡ್ಲ ಅಂಚನೇ
ಕೆ.ಎಂ.ಸಿ. ಆಸ್ಪತ್ರೆ, ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ತಾರೀಖ್ 30-04-2021ನೇ ಶುಕ್ರವಾರ ಕಾಂಡೆ 10.00 ಗಂಟೆರ್ದ್ ಬೈಯ್ಯ 5 ಗಂಟೆ ಮುಟ ಕುಡ್ಲದ ಶ್ರೀ ಟಿ.ವಿ. ರಮಣ ಪೈ ಸಭಾಂಗಣಡ್ ನೆತ್ತೆರ್ ದಾನ ಶಿಬಿರ ನಡಪರೆ ಉಂಡು.

ಎಚ್ಚದ ಮಾಹಿತಿಗಾದ್ ಲೆಪ್ಪು ಕೊರ್ಲೆ : 9141907907

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಇಲ್ಲಡ್ ಉಪ್ಪುನ ಕೋವಿಡ್ ರೋಗಿಲೆಗ್ ಮಾರ್ಗದರ್ಶನ ಕೊರಿಯರೆ ಕಾಲ್ ಸೆಂಟರ್ಡ್ ಒಟ್ಟು 1,100 ಜನ ನೇಮಕ : ಡಾ.ಕೆ.ಸುಧಾಕರ್

Apr 28, 2021

ಬೆಂಗಳೂರು,ಏಪ್ರಿಲ್ 28 : ಇಲ್ಲಡ್ ಉಪ್ಪುನ ಕೋವಿಡ್ ರೋಗಿಲೆಗ್ ಮಾರ್ಗದರ್ಶನ ಕೊರಿಯರೆ ಕಾಲ್ ಸೆಂಟರ್ಡ್ ಒಟ್ಟು 1,100 ಜನ ನೇಮಕ ಮಲ್ಪರೆ ತೀರ್ಮಾನ ಮಲ್ದ ಪಂದ್ ಆರೋಗ್ಯ ಬೊಕ್ಕ ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್ ತೆರಿಪಾಯೆರ್ .

ಕೋವಿಡ್ ಟಾಸ್ಕ್ ಫೋರ್ಸ್ ಸಭೆರ್ದ್ ಬೊಕ್ಕ ಸುದ್ದಿಗೋಷ್ಠಿ ಡ್ ಪಾತೆರಿನ ಸಚಿವೆರ್,ಇತ್ತೇ ಕಾಲ್ ಸೆಂಟರ್ಡ್ 400 ಸಿಬ್ಬಂದಿಲು ಉಲ್ಲೆರ್. ಇಲ್ಲದ ಆರೈಕೆಡ್ ಉಪ್ಪುನಕ್ಲೆಗ್ ಕರೆ ಮಲ್ತ್ ದ್ ಮಾರ್ಗದರ್ಶನ ಕೊರಿಯರೆ 11 ಕೋಟಿ ರೂ. ವೆಚ್ಚಡ್ 6 ತಿಂಗೊಲ್ ಗ್ ಹೆಚ್ಚುವರಿ ಸಿಬ್ಬಂದಿ ನೇಮಕ ಮಲ್ತ್ ದ್ , ಪೊಸ ವ್ಯವಸ್ಥೆ ಮಲ್ಪುವ ಪಂದ್ ಪಂಡೆರ್

ಒಡಿಪುಡು ಬೇರ ಮಲ್ತೊಂದು ಇತ್ತಿನ ಅಂಗಡಿಲೆಗ್ ನಗರಸಭೆ ಅಧಿಕಾರಿಲೆನ ದಾಳಿ: 80,500 ರೂ. ದಂಡ ವಸೂಲಿ

Apr 28, 2021

ಒಡಿಪು , ಎ.28: ಜಿಲ್ಲಾಡಳಿತದ ಆದೇಶದ ನಡುಟುಲಾ ಒಡಿಪುಡು ಬೇರ ಮಲ್ತೊಂದು ಇತ್ತಿನ ಕೆಲವು ಅಂಗಡಿಲೆಗ್ ನಗರಸಭೆ ಅಧಿಕಾರಿಲೆನ ಕೂಟ ಕೋಡೆ ದಾಳಿ ಮಲ್ದುಂಡು.

ಕೋಡೆ ಕಾಂಡೆರ್ದೆ ಬೈಯ್ಯ ಮುಟ್ಟಲಾ ರಥಬೀದಿ, ಮಸೀದಿ ರಸ್ತೆ, ಕೆಎಂ ಮಾರ್ಗ, ಮಣಿಪಾಲಡ್ ಬೇರ ಮಲ್ತೊಂದು ಇತ್ತಿನ ಸುಮಾರ್ 30 ಅಂಗಡಿಲೆಗ್ ದಾಳಿ ನಡಪಾಯಿನ ಅಧಿಕಾರಿಲೆನ ಕೂಟ, 80,500 ರೂ. ದಂಡ ವಸೂಲಿ ಮಲ್ದುಂಡು .

ಅಗತ್ಯ ವಸ್ತು ಬುರ್ದು ಒವ್ವೆ ರೀತಿದ, ಅಂಗಡಿ ದೆಪ್ಪoದಿಲಕ ಇತ್ತೇ ಜಿಲ್ಲಾಡಳಿತ ಆದೇಶ ಕೊರ್ತುಂಡು , ಆಂಡಲಾ ಕೆಲವೊಂಜಿ ಅಂಗಡಿದಕುಲು ಬೇರ ಮಲ್ತೊಂದು ಉಪ್ಪುನ ತೊಜಿದ್ ಬೈದುಂಡು. ಐಕಾದ್ ದಾಳಿ ಮಲ್ತ್ ದ್ , ಕನಿಷ್ಠ 2000ರೂ.ರ್ದ್ ಗರಿಷ್ಠ 10ಸಾರ ಮುಟ ದಂಡ ಪಾಡ್ದೆರ್ ಪಂದ್ ನಗರಸಭೆ ಪೌರಾಯುಕ್ತ ಡಾ.ಉದಯ ಶೆಟ್ಟಿ ತೆರಿಪಾದೆರ್ .

ಲಾಕ್‌ಡೌನ್-ಕರ್ಫ್ಯೂ ಡ್ ಜಿಲ್ಲಾಡಳಿತ ಪ್ರತ್ಯೇಕ ಪಾಸ್ ವ್ಯವಸ್ಥೆ ಇಜ್ಜಿ : ಡಾ.ರಾಜೇಂದ್ರ ಕೆ.ವಿ.

Apr 28, 2021

ಕುಡ್ಲ , ಎ.28: ಕೊರೋನ ನಿಯಂತ್ರಣ ಮಲ್ಪುನ ಸಲುವಾದ್ ರಾಜ್ಯಾದ್ಯಂತ ಮೇ 12 ನೇ ಕಾಂಡೆ 6 ಗಂಟೆ ಮುಟ ಲಾಕ್‌ಡೌನ್-ಕರ್ಫ್ಯೂ ಪಾಡ್ದೆರ್ . ಈ ಮಧ್ಯೆ ಅಗತ್ಯ ವಸ್ತುದ ಖರೀದಿಗ್ ಕಾಂಡೆ 6 ಗಂಟೆರ್ದ್ 10 ಗಂಟೆ ಮುಟ ಅವಕಾಶ ಕೊರ್ತೆರ್ . ತುರ್ತು ಆರೋಗ್ಯ ಸೇವೆ, ಮದಿಮೆದ ಲೇಸ್ ಡ್ ಪಾಲ್ ಪಡೆಯರೆ ಅಂಚನೇ ಪರೀಕ್ಷೆ ಹಾಜರಾಯಾರೆ ಜಿಲ್ಲಾಡಳಿತ ಪ್ರತ್ಯೇಕ ಪಾಸ್ ವ್ಯವಸ್ಥೆ ಮಲ್ದುಜಿ. ಪೂರಕ ದಾಖಲೆಪತ್ರದೊಟ್ಟುಗು ಪ್ರಯಾಣ ಮಲ್ಪರೆ ಅವಕಾಶ ಕೊರ್ತೆರ್ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ತೆರಿಪಾದೆರ್ .

ದ.ಕ.ಜಿಲ್ಲಾಧಿಕಾರಿ ಕಚೇರಿದ ಸಭಾಂಗಣಡ್ ಅಂಗಾರೆ ಸುದ್ದಿಗೋಷ್ಠಿಡ್ ಪಾತೆರಿನ ಮೇರ್ 14 ದಿನ ಕರ್ಪ್ಯೂ ಮಾರ್ಗಸೂಚಿಲು ಬೊಕ್ಕ ನಿರ್ಬಂಧಲು ಕಟ್ಟುನಿಟ್ಟಾದ್ ಅನುಷ್ಠಾನ ಆಯರೇ ಉಂಡು ಪಂದ್ ಪಂಡೆರ್ .

ಉಡುಪಿದ ಸುದ್ದಿ | Udupi News

ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿನ್ ಪಾಲನೆ ಮಲ್ಪುಲೇ : ಜಿ.ಜಗದೀಶ್

ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವೊಗು ಆಯ್ಕೆ ಆಂಡ್ ತುಳು ಚಲನಚಿತ್ರ “ಭರತ್ “

ಮೇ 1 ತಾರೀಕುಡ್ದ್18 ವರ್ಷ ಮಿತ್ತುದಕ್ಲೆಗ್ ಕೊರೊನಾ ವ್ಯಾಕ್ಸಿನ್, ಇನಿಡ್ದಿಂಚಿ ನೋಂದಣಿ ಸುರು

ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಓಟುಡು ಶ್ರೀನಿವಾಸ ನಾಯಕ್, ಆರಿಫ್ ಮುಹಮ್ಮದ್ ಸೇರ್ದ್ 15 ಜನ ನಿರ್ದೇಶಕೆರ್ ಆಯ್ಕೆ

ಕೊರೊನಾ ವಾರಿಯರ್ಸ್‌ಗಾದ್ ಇಸೇಸ ರೀತಿಡ್ ಸೊಲ್ಮೆ ಸಂದೈತ ಮಲ್ತಿನ ಗೂಗಲ್

ಭಾರತಗ್ 135 ಕೋಟಿ ನೆರವು ಘೋಷಣೆ ಮಲ್ತಿನ ಗೂಗಲ್ ಸಿಇಒ ಸುಂದರ್ ಪಿಚೈ

ಭಾರತೀಯ ಜನತಾ ಪಾರ್ಟಿ ವತಿರ್ದ್ ನೆತ್ತೆರ್ ದಾನ ಶಿಬಿರ

ಇಲ್ಲಡ್ ಉಪ್ಪುನ ಕೋವಿಡ್ ರೋಗಿಲೆಗ್ ಮಾರ್ಗದರ್ಶನ ಕೊರಿಯರೆ ಕಾಲ್ ಸೆಂಟರ್ಡ್ ಒಟ್ಟು 1,100 ಜನ ನೇಮಕ : ಡಾ.ಕೆ.ಸುಧಾಕರ್

ಒಡಿಪುಡು ಬೇರ ಮಲ್ತೊಂದು ಇತ್ತಿನ ಅಂಗಡಿಲೆಗ್ ನಗರಸಭೆ ಅಧಿಕಾರಿಲೆನ ದಾಳಿ: 80,500 ರೂ. ದಂಡ ವಸೂಲಿ

ಲಾಕ್‌ಡೌನ್-ಕರ್ಫ್ಯೂ ಡ್ ಜಿಲ್ಲಾಡಳಿತ ಪ್ರತ್ಯೇಕ ಪಾಸ್ ವ್ಯವಸ್ಥೆ ಇಜ್ಜಿ : ಡಾ.ರಾಜೇಂದ್ರ ಕೆ.ವಿ.

You Missed

“ಕುಡ್ಲಡ್ ನೀರ್‌ದ ಸಮಸ್ಯೆ ಪರಿಹಾರಗ್ ತುಂಬೆ ಡ್ಯಾಮ್ ಎತ್ತರ ಮಲ್ಪಾಲೆ, ಕಡಲ್‌ದ ನೀರ್ ಶುದ್ದ ಮಲ್ಪಾಲೆ”

ಸೆ.27 : ಶಿವಾಯ ಫೌಂಡೇಶನ್(ರಿ) ವತಿರ್ದ್ ಶೈಕ್ಷಣಿಕ ಸಹಾಯ, ಪ್ರತಿಭಾ ಪುರಸ್ಕಾರ, ವಿದ್ಯಾ ಪ್ರೇರಣಾ 2026

ನಿಡ್ಲೆ ಗೋವಿಂದ ಭಟ್ರೆಗ್ ಮಂಡೆಚ್ಚ ಪ್ರಶಸ್ತಿ -2026

ಪಾವಂಜೆ ಜಂಕ್ಷನ್ ಡ್ ಬ್ಯಾರಿಕೇಡ್ ಗ್ ತಾಂಟಿನ ಮೀನ್ ದ ಲಾರಿ – ತತ್ತಿನ ಮಲ್ಲ ಅನಾಹುತ