ಉಡುಪಿದ ಸುದ್ದಿ | Udupi News

ಬಿರುವೆರ್ ಬ್ರದರ್ಸ್ ಹೆಜಮಾಡಿ ಕ್ರಿಕೆಟ್ ಪಂಥ ಮುಗಿತಲದ ಲೇಸ್

ಮುಲ್ಕಿ : ಕೋಟಿ ಚೆನ್ನಯೆರ್ನ ಆದರ್ಶ ಬೊಕ್ಕ ಕ್ರೀಡಾ ಸ್ಪೂರ್ತಿಜವಣ್ಯೆರ್ ಪಾಲಿಸಾವುನೆರ್ದ್ ,ಸಮಾಜೊಡು ಸಂಘಟನೆ ಬಲ ಆಪಿನೆರ್ದ್ ಸಮಾಜದ ಬಂಗಗ್ ಸ್ಪಂದನೆ ಕೊರೋಲಿ ಪಂದ್ ಕರ್ನಾಟಕ ಸರಕಾರದ ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಸಚಿವೇರಾಯಿನ ಕೋಟ ಶ್ರೀನಿವಾಸ ಪೂಜಾರ್ಲು ಹೆಜಮಾಡಿಡ್ ನಡತಿನ ಬಿರುವೆರ್ ಟ್ರೋಫಿ -2022 ರ ಮುಗಿತಲದ ಲೇಸ್ ಡ್ ತಾರಿಕ್ 27/02/2022 ಕ್ಕ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಪಾತೆರಿಯೆರ್.

ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯಿನ ಕಾಪು ಶಾಸಕೆರಾಯಿನ ಲಾಲಾಜಿ ಆರ್ ಮೆಂಡನ್ ಹೆಜಮಾಡಿ ಬಿರುವೆರ್ ಬ್ರದರ್ಸ್ದ ಜವಣ್ಯೆರ್ನ ಬಗ್ಗೆ ಎಡ್ಡೆಪ್ಪುದ ಪಾತೆರ ಪಂದ್ ಸಮಾಜಡ್ ಉಪ್ಪುನ ಪಾಪದಕ್ಲೆನ ಕಷ್ಟಗ್ ಸ್ಪಂದನೆ ಕೊರೊಡು ಪಂದ್ ಪಂಡೆರ್ .

ಮಾಜಿ ಸಚಿವೇರಾಯಿನ ವಿನಯಕುಮಾರ್ ಸೊರಕೆ ಪಾತೆರ್ದ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಸಂದೇಶ – ಒಂಜೇ ಜಾತಿ ,ಒಂಜೇ ಮತ, ಒಂಜೇ ದೇವೆರ್ ಈ ತತ್ವನ್ ಜವಣ್ಯೆರ್ ಪಾಲನೆ ಮಲ್ಪೊಡು ಅಂಚನೆ ಸಮಾಜಡ್ ಶಾಂತಿ ನೆಲೆಸೆರೆ ಜವಣ್ಯೆರ್ ನಾನಾತ್ ಗಟ್ಟಿ ಆವೊಡು ಪಂದ್ ಪಂಡೆರ್.

ಮಲ್ಲ ಬಿನ್ನೆರ್ ಆದ್ ಬತ್ತಿನ ಮಹಾಲಕ್ಷ್ಮೀ ಕೋ ಅಪರೇಟಿವ್ ಬ್ಯಾಂಕ್ ದ ಗುರ್ಕಾರ್ಲಾಯಿನ ಯಶಪಾಲ್ ಸುವರ್ಣ, ಬಿಲ್ಲವ ಮಹಾಮಂಡಲದ ಅಧ್ಯಕ್ಷ ರಾಜಶೇಖರ ಕೋಟ್ಯಾನ್ , ಕಾಪು ಬಿಜೆಪಿಯ ನಿಕಟ ಪೂರ್ವ ಗುರ್ಕಾರ್ಲಾಯಿನ ಪ್ರಕಾಶ್ ಶೆಟ್ಟಿ ಪಾದೆಬೆಟ್ಟು, ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯೆರಾಯಿನ ಗೀತಾಂಜಲಿ ಸುವರ್ಣ ,ಶಿಲ್ಪಾ ಜಿ ಸುವರ್ಣ, ಉದ್ಯಮಿಲಾಯಿನ ಪ್ರಭಾಕರ ಪೂಜಾರಿ ,ಸಂದೇಶ್ ಶೆಟ್ಟಿ ,ಮಾಜಿ ತಾಲೂಕು ಪಂಚಾಯತ್ ಸದಸ್ಯೆ ನೀತಾ ಗುರುರಾಜ್,ತುಳುನಾಡ ಬಿರುವೆರ್ ಸುರತ್ಕಲ್ ನೆತ್ತ ಸ್ಥಾಪಕ ಗುರ್ಕಾರ್ಲಾಯಿನ ಲೋಕೇಶ್ ಕೋಡಿಕರೆ, ಬಿಲ್ಲವ ಬ್ರಿಗೇಡ್ ಕೇಂದ್ರಿಯ ಮಂಡಳಿ ಕುಡ್ಲ ಇದರ ಸ್ಥಾಪಕ ಗುರ್ಕಾರ್ಲಾಯಿನ ಅವಿನಾಶ್ ಸುವರ್ಣ , ಕಾರ್ಯಾಧ್ಯಕ್ಷ ಕಿಶನ್ ಅಮೀನ್, ಜಯಕರ ಹೆಜಮಾಡಿ ಕೋಡಿ ,ಪ್ರಭೋದ್ ಚಂದ್ರ ದೊಡ್ಡಮನೆ ಹೆಜಮಾಡಿ ,ಚಲನಚಿತ್ರ ನಟಿ ಚಿರಶ್ರೀ ಅಂಚನ್ ಬೊಕ್ಕ ಶೀನ ಪೂಜಾರಿ ಪಡುಬಿದ್ರಿ ಪಾಲ್ ಪಡೆದಿತ್ತೆರ್ .
ಈ ಪೊರ್ತುಡು ಸಿಎ ಪರೀಕ್ಷೆಡ್ ಉತ್ತೀರ್ಣಲಾಯಿನ ಅಕ್ಷತಾ ಡಿ ಸಾಲ್ಯಾನ್ ಬೊಕ್ಕ ಕರಾಟೆಡ್ ಅಂತರಾಷ್ಟೀಯ ಮಟ್ಟೋಡು ಸಾಧನೆ ಮಲ್ತಿನ ಧನುಷ್ ಎಸ್ ಸಾಲ್ಯಾನ್ ಮೆಕ್ಲೆಗ್ ಮಾನದಿಗೆ ಮಲ್ತೆರ್ .
ಕ್ರಿಕೆಟ್ ಪಂದ್ಯಾಕೂಟದ ವಿಜೇತರಾದ್ ಪಡುಬಿದ್ರಿ ಬಿರುವೆರ್ ವಾರಿಯರ್ಸ್ ಕೂಟ ಬಿರುವೆರ್ ಟ್ರೋಫಿ -2022 ಅಂಚನೆ 2ಲಕ್ಷ ರೂ .ಪಡೆಯೆರ್ . ಬಿರುವೆರ್ ಕುಡ್ಲ ಕೂಟ ರನ್ನರ್ಸ್ ಅಪ್ ಪ್ರಶಸ್ತಿ ಬೊಕ್ಕ 1 ಲಕ್ಷ ಪನವು ಪಡೆಯೆರ್ .