ಉಡುಪಿದ ಸುದ್ದಿ | Udupi News

ಮೇ 20 ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಬುಡುಗಡೆ

Apr 19, 2022

ಒಂದು ಮೊಟ್ಟೆಯ ಕಥೆ ಪಿಚ್ಚರ್ ದ ಮುತಾಲಿಕೆಡ್ ವೈಭವ್ ಪ್ರಿಕ್ಸ್ ಅಡಿಟ್, ಮ್ಯಾಂಗೋ ಪಿಕಲ್ ಬ್ಯಾನರ್ ಸಹಭಾಗಿತ್ವಡ್ ರಾಹುಲ್ ಅಮೀನ್ ನಿರ್ದೇಶನ ಮಲ್ತಿನ “ರಾಜ್‌ ಸೌಂಡ್ಸ್‌ ಆ್ಯಂಡ್‌ ಲೈಟ್ಸ್‌” ಮೇ 20 ತಾರೀಕ್ ಗ್ ತುಳುನಾಡ್ ಡ್ ಬುಡುಗಡೆ ಆಯರೇ ಉಂಡು. ಈ ಪಿಚ್ಚರ್ ಫ್ಯಾಮಿಲಿ ಎಂಟರ್ಟೈ ನ್ಮೆಂಟ್ ಆದಿತ್ತ್ ದ್, ಪಿಚ್ಚರ್ ದ ಟೀಸರ್ ಕೆಲ ದಿನಟ್ಟೆ ಲಕ್ಷರ್ದ್ ಲ ಮಿತ್ತ್ ವೀಕ್ಷಣೆ ಪಡೆದ್ ತುಳು ಚಿತ್ರರಂಗಡ್ ಇತಿಹಾಸನ್ ಸೃಷ್ಟಿ ಮಲ್ತ್ ದ್ಂಡ್.

ಈ ಪಿಚ್ಚರ್ 11 ದೇಶಲೆಡ್ ಬೊಕ್ಕ ಭಾರತದ 6 ಪ್ರಮುಖ ನಗರಡ್ ಸುರುತ್ತ ಪ್ರದರ್ಶನ ನಡಪರೆ ಉಂಡು. ರಾಜ್ ಸೌಂಡ್ಸ್ ಅಂಡ್ ಲೈಟ್ಸ್ ಪಿಚ್ಚರ್ ದ ಉದಿಪನ ಏ.24 ತಾರೀಕ್ ಗ್ ದುಬೈದ ಹೋಟೆಲ್ ಮಾರ್ಕೊ ಪೋಲೋ ಅಲ್ ಮತೀನಾ ಸೇಂಟ್ ದೇರಾಡ್ ಲೇಸ್ ನಡಪರೆ ಇತ್ತ್ ದ್ ಬೊಕ್ಕ ಆಯಿತ್ತ ಲೆಪ್ಪೋಲೆನ್ ಏ.18 ತಾರೀಕ್ ಸೋಮಾರದಾನಿ ಬುಡುಗಡೆ ಮಲ್ತೆರ್.

USA, ಯುನೈಟೆಡ್ ಕಿಂಗ್‌ಡಮ್, ಬಹ್ರೇನ್, ಕುವೈತ್, ನೈಜೀರಿಯಾ, ಜಾಂಬಿಯಾ, ಸೌದಿ ಅರೇಬಿಯಾ, ಇಸ್ರೇಲ್, ಕತಾರ್, ಯುಎಇ (ದುಬೈ, ಅಬುಧಾಬಿ, ಶಾರ್ಜಾ) ಬೊಕ್ಕ ಒಮಾನ್‌ ಡ್ ಪಿಚ್ಚರ್ ದ ಪ್ರೀಮಿಯರ್ ಶೋ ನಡಪರೆ ಉಂಡು.

ಭಾರತದ ಆಜಿ ಪೇಂಟೆಯಾಯಿನ ಬೊಂಬೈ, ಪುಣೆ, ಬರೋಡಾ, ಮೈಸೂರ್ ಬೊಕ್ಕ ಬೆಂಗ್ಳೂರ್ ಡ್ ರಾಜ್ ಸೌಂಡ್ಸ್ ಬೊಕ್ಕ ಲೈಟ್ಸ್ ದ ವಿಶ್ವ ಸುರುತ್ತ ಪ್ರದರ್ಶನಗ್ ಸಾಕ್ಷಿಯಾಯಾರೇ ಉಂಡು. ಉಂದು 11 ದೇಶ ಬೊಕ್ಕ ಭಾರತದ ಆಜಿ ನಗರಡ್ ಪ್ರೀಮಿಯರ್ ಶೋ ಆಯಿನ ಸುರುತ್ತ ಚಿತ್ರ ಆತ್ಂಡ್.

ಪಿಚ್ಚರ್ ನ್ ಆನಂದ್ ಎಂ ನಿರ್ಮಾಣ ಮಲ್ತ್ ದಿತ್ತ್ ದ್, ಬಿ.ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗಾ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಬೊಕ್ಕ ಅರ್ಪಿತ್ ಅಡ್ಯಾರ್ ಸಹ ನಿರ್ಮಾಪಕೆರಾತೆರ್.

ನಾಯಕೆ ನಟೆ ವಿ.ಜೆ.ವಿನೀತ್ ಪಿಚ್ಚರ್ ಗ್ ಕಥೆ, ಚಿತ್ರಕಥೆನ್ ಬರೆತ್ತೆರ್. ಜೇಕಬ್ ಜಾನ್ಸನ್ ಸಾಕಾರನ್ ಮಲ್ತೆರ್. ಗಿರ್ಗಿಟ್ ಪುಗರ್ತೆದ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆನ್ ಬರೆತ್ತೆರ್. ಪಿಚ್ಚರ್ ಗ್ ಪದನ್ ಸೃಜನ್ ಕುಮಾರ್ ತೋನ್ಸೆ ಸಂಯೋಜನೇ ಮಲ್ತೆರ್.

ರಾಜಣ್ಣನ ಮಗೆ ರಿಶಿ ಒರಿ ಈವೆಂಟ್‌ ಮ್ಯಾನೇಜರ್‌. ಯಾನ್ ಒರಿ ಮಲ್ಲ ವ್ಯಕ್ತಿಯಾವೊಡ್ ಪನ್ಪಿನ ಬಗೆಟ್ಟ್ ಮಸ್ತ್ ಪೊರ್ಂಬಾಟ ಮಲ್ತೊಂದಿಪ್ಪುವೆ. ಒಂಜಿ ಮಲ್ಲ ಲೇಸ್ ನ್ ಆಯೋಜನೆ ಮಲ್ತ್ ದ್ ಆಯಿಟ್ಟ್ ಆಯೇ ಯಶಸ್ವಿಯಾಯೆನ ಇಜ್ಜೆನ ಪನ್ಪಿನವ್ ಈ ಚಿತ್ರದ ಕಥೆಯಾತ್ಂಡ್.

ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ತುಳು ಪಿಚ್ಚರ್ ಫೆಬ್ರವರಿ ತಿಂಗೋಲ್ ಡ್ ಬುಡುಗಡೆ ಮಲ್ಪಿನವ್ ಪಂದ್ ಘೋಷಣೆ ಮಲ್ತಿತೆರ್. ಕೋವಿಡ್ ಕಾರಣರ್ದಾವರ ತಾರೀಕ್ ನ್ ದುಂಬು ದೀದಿತ್ತ್ ದ್, ಇತ್ತೆ ಪಿಚ್ಚರ್ ಬುಡುಗಡೆ ಆಯರೇ ಪೊಸ ತಾರೀಕ್ ನ್ ಘೋಷಣೆ ಮಲ್ತೆರ್.

ಪಿಚ್ಚರ್ ಡ್ ತುಳುನಾಡ್ ದ ಕಾಮಿಡಿ ಕಿಂಗ್ ಅರವಿಂದ್ ಬೋಳಾರ್ ಅಭಿನಯ ಮಲ್ತಿನ ಇಂಟ್ರೋ ಟೀಸರ್ ಇತ್ತೆ ಯೂಟ್ಯೂಬ್ ಡ್ ಎಡ್ಡೆ ರೀತಿಡ್ ಪ್ರತಿಕ್ರಿಯೆ ವ್ಯಕ್ತ ಆವೊಂದ್ಂಡ್. ಒಂದು ಮೊಟ್ಟೆಯ ಕಥೆತ್ತ ಚಿತ್ರತಂಡ ಇತ್ತೆ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಪನ್ಪಿನ ಕಾಮಿಡಿ ಅಂಚನೆ ಕೌಟುಂಬಿಕ ಕಥಾ ಸಾರಾಂಶ ಇತ್ತಿನ ಪಿಚ್ಚರ್ ನ್ ಬುಡುಗಡೆ ಮಲ್ಪರೆ ತಯಾರ್ ಆತ್ಂಡ್.

ಕರ್ನಾಟಕ ರಾಜ್ಯ ದೇವಾಡಿಗ ಸಂಘದ ಅಧ್ಯಕ್ಷೆರ್ ಡಾ.ದೇವರಾಜ್ ಕೆ, ದಯಾನಂದ್ ಕತ್ತಲ್ಸಾರ್, ಪಿ.ಅಶೋಕ್, ಪ್ರಕಾಶ್ ಪಾಂಡೇಶ್ವರ, ಮೋಹನ್ ಬಂಟ್ವಾಳ, ನವರಸ ರಾಜೆ ಬೋಜರಾಜ್ ವಾಮಂಜೂರ್, ರೋಷನ್ ರೋನಾಲ್ಡ್, ನಾಯಕ ನಟಿ ಚೈತ್ರಾ ಶೆಟ್ಟಿ ಅಂಚನೇ ಮಸ್ತ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪು : ಸೈಂಟ್ ಮೇರಿಸ್ ಡ್ ಕುಡೊಂಜಿ ಅವಘಡ| ಸೆಲ್ಫಿ ಕ್ರೇಜಿಗ್ ನೀರ್ ಪಾಲಾಯಿನ ಜವಣ್ಯೆರ್

Apr 18, 2022

ಒಡಿಪು : ಸೈಂಟ್ ಮೇರಿಸ್ ಡ್ ಕುಡೊಂಜಿ ಅವಘಡ| ಸೆಲ್ಫಿ ಕ್ರೇಜಿಗ್ ನೀರ್ ಪಾಲಾಯಿನ ಜವಣ್ಯೆರ್

ಒಡಿಪು : ಒಡಿಪುದ ಸೈಂಟ್ ಮೇರಿಸ್ ದ್ವೀಪಡ್ ಸೆಲ್ಫಿ ದೆಪ್ಪೆರೆ ಪೋದು ರಡ್ಡ್ ಜನ ಆಣುಲು ನೀರ್ ಪಾಲ್ ಆಯಿನ ಘಟನೆ ಇನಿ ನಡತ್oಡ್ . ಮಲ್ಪೆ ಬೀಚ್ ಕೈತಲ್ ದ ಸೈಂಟ್ ಮೇರಿಸ್ ದ್ವೀಪಗ್ ಪ್ರವಾಸ ಬೈದಿನ ಬೆಂಗ್ಳೂರುದ GKVK ಕೃಷಿ ಕಾಲೇಜು ಜೋಕುಲು ಲೈಫ್ ಗಾರ್ಡ್ ಸಿಬ್ಬಂದಿಲೆನ ಸೂಚನೆ ಮೀರ್ದ್ ಸೆಲ್ಫಿ ದೆಪ್ಪೆರೆ ಪೋನಗ ಈ ಘಟನೆ ನಡತುಂಡು.

ಲೈಫ್ ಗಾರ್ಡ್ ಸಿಬ್ಬಂದಿ ಒರಿಯೇನ ಪುನ ದೈದೆರ್ ಶವ , ಸತೀಶ್ (21) ನೀರುಪಾಲಾಯಿನ ಜವಣ್ಯೆ ಪಂದ್ ಗುರ್ತಿಸಾದೆರ್ ಕುಡೊಂಜಿ ಪುನ ಕಾದ್ ಶೋದ ಕಾರ್ಯ ಆವೊಂದು ಉಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಏಪ್ರಿಲ್ 18ರ್ದ್ ತುಲು ನಾಟಕೋಚ್ಚಯ ಮಂದಾರ ಪ್ರಶಸ್ತಿ -2022

Apr 18, 2022

ಬೊಲ್ತೆರ್ : ‘ಪರಮಪೂಜ್ಯ ಡಾ. ಡಿ.ವೀರೇಂದ್ರ ಹೆಗ್ಗಡೆ ಬೊಕ್ಕ ವಿಜಯ ರಾಘವ ಪಡ್ವೆಟ್ಯಾರ್ನ ಶುಭಾಶೀರ್ವಾದಡ್ ಮಂದಾರ ಕಲಾವಿದೆರ್ ಉಜಿರೆ ಮೆಕ್ಲೆನ ಮುತಾಲಿಕೆಡ್ ಜಿಲ್ಲಾ ಮಟ್ಟದ ತುಳು ನಾಟಕೋತ್ಸವ ಮಂದಾರ ಪ್ರಶಸ್ತಿ -2022 ಲೇಸ್ ಉಜಿರೆ ಶಾರದಾ ಮಂಟಪಡ್ ಏ.18 ರ್ದ್ 23 ತಾರೀಖ್ ಮುಟ ನಡಪರೆ ಉಂಡು ಪಂದ್ ಮಂದಾರ ಕಲಾ ತಂಡದ ಗೌರವಾಧ್ಯಕ್ಷ ಸುಂದರ ರೈ ಮಂದಾರ ಪಂಡೆರ್ .

ಮೇರ್ ಶುಕ್ರವಾರ ಪತ್ರಿಕಾಗೋಷ್ಠಿಡ್ ಪಾತೆರ್ದ್ , ಏ.18 ಗ್ ಬಯ್ಯಗ್ 6.30 ಕ್ ಬೆಳ್ತಂಗಡಿ ರೋಟರಿ ಕ್ಲಬ್ ಗುರ್ಕಾರ್ಲಾಯಿನ ಶರತ್ ಕೃಷ್ಣ ಪಡುವೆಟ್ನಾಯ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್ , ಆರಿಕೋಡಿ ಶ್ರೀ ಚಾಮುಂಡೇಶ್ವರಿ ಕ್ಷೇತ್ರದ ಧರ್ಮದರ್ಶಿ ಹರೀಶ್ ಆರಿಕೋಡಿ ರಂಗವೇದಿಕೆ ಉದಿಪನ ಮಲ್ಪರೆ ಉಲ್ಲೆರ್ . ಮುಂಡಾಜೆ ಯಂಗ್ ಚಾಲೆಂಜರ್ಸ್ ಸಂಚಾಲಕ ನಾಮದೇವ್ ರಾವ್, ಹಾಸ್ಯ ಕಲಾವಿದ ನವೀನ್ ಡಿ ಪಡೀಲ್, ವಿಧಾನ ಪರಿಷತ್ ಸದಸ್ಯ ಪ್ರತಾಪ ಸಿಂಹ ನಾಯಕ್, ಬೆಳ್ತಂಗಡಿ ಬೆಸ್ಟ್ ಫೌಂಡೇಶನ್ ಗುರ್ಕಾರ್ಲಾಯಿನ ರಕ್ಷಿತ್ ಶಿವರಾಂ, ಸುವರ್ಣ ಪ್ರತಿಷ್ಠಾನದ ಗುರ್ಕಾರ್ಲಾಯಿನ ಸಂಪತ್ ಬಿ ಸುವರ್ಣ, ಉಜಿರೆ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಪುಷ್ಪಾವತಿ ಆರ್ ಶೆಟ್ಟಿ, ರಂಗ ಕಲಾವಿದ ಸುಂದರ ರೈ ಮಂದಾರ, ವಕೀಲ ಧನಂಜಯ್ ರಾವ್ ಬೊಕ್ಕ ವೇಣೂರು ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ವಿ. ಎನ್.ಕುಲಾಲ್ ಬಿನ್ನೆರ್ ಆದ್ ಪಾಲ್ ಪಡೆಯೆರೆ ಉಲ್ಲೆರ್.

” Tulu Natakotsava Mandara Awards -2022 from 18th April.

Bheltangady: With the blessings of Dr D Veerendra Hegggade and Vijaya Raghava Padvatya and the lead from Mandara Artists Ujjire the district level Tulu Natakotsava Mandara Awards-2022 will be held at Sharada Mantap Ujjire from the 18-23rd of April said the honorary president of Mandara Kala group Sri Sundar Rai.

Speaking at the press meet he said the program will be inaugurated by Sharath Krishna Paduvetnaya the president of Rotary club Bheltangady and Harish Arikodi Dharmadarshi of Arikodi Chamundeshwari kshetra will inaugurate the ‘ Ranghavedike’.

Cine artist Naveen D Padil, MP Pratap Simha, Rakshit Shivram from Best foundation Ujjire, Sampath Suvarna from Suvarna foundation, Namdev Rao , director of Young Challenges Mundajey amongst others will be the guests of honour.

ರೇಡಿಯೋ ಮಣಿಪಾಲ್ 90.4 Mhz, ಎಂ.ಐ.ಸಿ ಕ್ಯಾಂಪಸ್, ಮಣಿಪಾಲ: ದೇಸಿ ಸೊಗಡು ಸಮುದಾಯ ಬಾನುಲಿ

Apr 16, 2022

ಮಣಿಪಾಲ : ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ”
ಬಾನುಲಿ ಸರಣಿ ಲೇಸ್ ಡ್ ಎಪ್ರಿಲ್ ತಿಂಗೊಲ್ ದ ತಾರೀಖ್ 16 ನೇ ಶನಿಯಾರ ಶನಿವಾರ ಬಯ್ಯಗ್ 6 ಗಂಟೆಗ್ ಇಲ್ಲಡೆ ಗೊಬ್ಬರ ತಯಾರಿ
ಬಗ್ಗೆ ಲೇಸ್ ನಡಪರೆ ಉಂಡು.

ಕಾರ್ಕಳಡ್ ಶಿಕ್ಷಕಿಯಾಯಿನ ಗುಲಾಬಿ ಪಾಲ್ ಪಡೆಯರೇ ಉಲ್ಲೆರ್
ಎಪ್ರಿಲ್ 17ಕ್ಕ್ ಮಧ್ಯಾಹ್ನ 2ಗಂಟೆಗ್ ಕುಡ ಪ್ರಸಾರ ಉಂಡು.

ಕಾರ್ಲ: ಇರ್ವತ್ತೂರು ಶ್ರೀ ಲಕ್ಷ್ಮೀ ಜನಾರ್ದನ ಸ್ವಾಮಿ ದೇವಲ್ಯಡ್ ವಾರ್ಷಿಕ ಜಾತ್ರಾ ಮಹೋಚ್ಚಯ ಬೊಕ್ಕ ಬ್ರಹ್ಮರಥೋತ್ಸವ

Apr 14, 2022

ಕಾರ್ಲದ ಎಳ್ಳಾರೆ ಮಹತೋಭಾರ ಇರ್ವತ್ತೂರು ಶ್ರೀ ಲಕ್ಷ್ಮೀ ಜನಾರ್ದನ ಸ್ವಾಮಿ ದೇವಲ್ಯಡ್ ಏ.8-ಏ.18 ಮುಟ್ಟ ಶ್ರೀ ಕ್ಷೇತ್ರಡ್ ವಾರ್ಷಿಕ ಜಾತ್ರಾ ಮಹೋಚ್ಚಯ ಬೊಕ್ಕ ಬ್ರಹ್ಮರಥೋತ್ಸವ ಭಾರೀ ಗೌಜಿಡ್ ನಡಪರೆ ಉಂಡು.

ಮಸ್ತ್ ಧಾರ್ಮಿಕ ಅಂಚನೆ ಸಾಂಸ್ಕೃತಿಕ ಕಾರ್ಯಕ್ರಮದ ಒರೊಟ್ಟ್ ಈ ಲೇಸ್ ನಡಪರೆ ಉಂಡು.

ದೇವಲ್ಯದ ಪರಪೋಕು

ಪರಶುರಾಮ ಸೃಷ್ಟಿದ ಪುಣ್ಯ ಮಣ್ಣ್ ಡ್ ನಮ ಬೇತೆ ಬೇತೆ ವಿಶಿಷ್ಟ ಕಾರಣಿಕ ಧಾರ್ಮಿಕ ಶ್ರದ್ಧಾ ಕೇಂದ್ರಲೆನ್ ತೂತ. ಅಂಚಿನ ಕಾರ್ಣಿಕ ಕ್ಷೇತ್ರಡ್ ಕಾರ್ಲ ತಾಲ್ಲೂಕ್ ದ ಎಳ್ಳಾರೆ ಗ್ರಾಮಡ್ ಇಪ್ಪುನ ರಡ್ದನೆ ವೈಕುಂಠ ಪುಗರ್ತೆದ ಶ್ರೀ ಕ್ಷೇತ್ರ ಇರ್ವತ್ತೂರು ಶ್ರೀ ಲಕ್ಷ್ಮೀ ಜನಾರ್ಧನ ದೇವಲ್ಯಲ ಒಂಜಿ. ಮುಲ್ಪ ಪ್ರಮುಖ ದೇವೆರಾದ್ ಶ್ರೀ ಲಕ್ಷ್ಮೀ ಜನಾರ್ಧನ ದೇವೆರ್ ಅಂಚನೇ ಪರಿವಾರ ದೇವೆರಾದ್ ಶ್ರೀ ಮಹಾಗಣಪತಿ ಅಂಚನೆ ಶ್ರೀ ಜಲದುರ್ಗೆ ಬೊಕ್ಕ ಪರಿವಾರ ದೈವಲು ಇತ್ತ್ ದ್, ಏಪಲ ತ್ರಿಕಾಲ ಪೂಜೆ ಬೊಕ್ಕ ನೈವೇದ್ಯನ್ ಸದ್ಭಕ್ತೇರ್ದ್ ಸ್ವೀಕಾರ ಮಲ್ತ್ ದ್, ಪ್ರಸನ್ನತೆ ಪಡೆದ್ ಭಕ್ತೆರೆಗ್ ಅನುಗ್ರಹ ಕೊರೊಂದುಲ್ಲಲ್.

ಶ್ರೀ ಕ್ಷೇತ್ರ ಆರ್ಥಿಕವಾದ್ ಪಿರ ಇತ್ತ್ಂಡಲ ಮುಲ್ಪ ದೇವೆರ್ನ ಇಚ್ಛೆದಂಚನೆ ಏಪಲ ನುಪ್ಪುಸೇವೆ ನಡತ್ತೊಂದ್ ಇಪ್ಪುನವ್ ವಿಶೇಷ. ಉಂದೆಕ್ಕ್ ಕಾರಣ ಶ್ರೀ ದೇವೆರ್ ಒಂಜಿ ಕೈಟ್ ನುಪ್ಪುದ ಮುದ್ದೆನ್ ಪತ್ತ್ ದ್ ನೆಲೆಯಾಯಿನವ್. ತುಳುನಾಡ್ ದ ಪುಣ್ಯ ಮಣ್ಣ್ ದ ಈ ಕ್ಷೇತ್ರಡ್ ನೆಲೆಯಾಯಿನ ದೇವೆರ್ ಅಂಗೈಡ್ ನುಪ್ಪುದ ಮುದ್ದೆನ್ ಪತ್ತ್ ದ್ ಉಂತುದೆರ್. ಉಂದೆನ್ ತೂಯಿನ ಭಕ್ತೆರ್ ಶ್ರೀ ಕ್ಷೇತ್ರಡ್ ಸ್ವಯಂ ಸ್ಫೂರ್ತಿಡ್ ಅಮೃತ ಪಡಿ ಸೇವೆಗ್ ಕಾರಣಿಕರ್ತೆರಾದ್ ಶ್ರೀ ದೇವೆರ್ನ ನೈವೇದ್ಯಗಾದ್ ಅರಿನ್ ಕೊರೊಂದುಲ್ಲೆರ್. ಅಮೃತ ಪಡಿ ಸೇವೆ ಅಂಚನೆ ಶಾಶ್ವತ ಪೂಜೆ ಕೊರೊಂದಿಪ್ಪುನೆಡ್ದಾವರ ಶ್ರೀ ದೇವೆರ್ ನಮಕ್ಕ್ ಆಯುರಾರೋಗ್ಯ ಸಕಲಭಾಗ್ಯನ್ ಕರುಣಿಸಾವೊಂದ್ ಉಲ್ಲೆರ್ ಪನ್ಪಿನವ್ ಮುಲ್ಪದ ಭಕ್ತೆರ್ನ ಪಾತೆರ ಆತ್ಂಡ್.

ಶ್ರೀ ಕ್ಷೇತ್ರ ಇರ್ವತ್ತೂರು ಎಳ್ಳಾರೆ ಶ್ರೀ ಲಕ್ಷ್ಮೀ ಜನಾರ್ಧನ ದೇವಲ್ಯ ಸುಮಾರ್ 1400 ವರ್ಷದ ಪಿರವು ಆಲೂಪೆರ್ನ ಆಳ್ವಿಕೆಡ್ ನಿರ್ಮಾಣ ಆಯಿನ ಬಗ್ಗೆ ದೇವಲ್ಯದ ಪ್ರಾಂಗಾಣ ಅಂಚನೆ ಸುತ್ತ ಇಪ್ಪುನ ಶಿಲಾಶಾಸನಡ್ ಉಲ್ಲೇಖ ಉಂಡು. ಆಯಿಬೊಕ್ಕ ಕ್ರಿ.ಶ.1413 ಟ್ ವಿಜಯನಗರ ಸಾಮ್ರಾಜ್ಯದ ಅಧೀನಡ್ ಇತ್ತಿನ ಬಾರ್ಕೂರು ಸಾವಂತೆರ್ ಕಾಲಡ್ ಈ ದೇವಲ್ಯ ಪುನರ್ ನಿರ್ಮಾಣ ಆಂಡ್ ಪನ್ಪಿನವ್. ಶಾಸನಡ್ ಉಲ್ಲೇಖ ಉಂಡು. ಕ್ರಿ.ಶ.1448ದ ಡಿಸೆಂಬರ್ ತಿಂಗೋಲ್ ಡ್ ಬತ್ತಿನ ಆಮಾವಾಸ್ಯೆ ಅಂಚನೆ ಸೂರ್ಯಗ್ರಹಣದ ಪರ್ವಕಾಲಡ್ ಬಾರುಕೂರ್ದ ರಾಜ್ಯಪಾಲೆರ್ ಬಾನಪ್ಪ ಒಡೆಯೆರ್ ವಿಜಯನಗರ ಚಕ್ರವರ್ತಿ ಮಲ್ಲಿಕಾರ್ಜುನ ರಾಯನ ಪುದರ್ ಡ್ ಈ ದೇವಲ್ಯದ ನಿತ್ಯ ಪೂಜೆ, ಪರ್ವಕಾಲದ ಪೂಜೆ, ಕಾಲಾಧಿಬೋಗದ ಪೂಜಾ ಕಾರ್ಯಲೆನ್ ವಿಧಿವತ್ತಾದ್ ತಪ್ಪದೇ ನಡಪಾಯರೆ ಬೋಡಾದ್ ಎಳ್ಳಾರೆ ಗ್ರಾಮನ್ ಅಂಚನೆ ಗ್ರಾಮದ ಉತ್ಪತ್ತಿಗಾದ್ ದಾನವಾದ್ ಕೊರ್ದ್ ರಾಜ್ಯಪಾಲ ಬಾನಪ್ಪ ಒಡೆಯೆರ್ ಇರ್ವತ್ತೂರ್ ಎಳ್ಳಾರೆ ಈ ದೇವಲ್ಯಗ್ ಭೇಟಿಕೊರ್ದ್ ಕ್ರಿ.ಶ.1449 ಫೆಬ್ರವರಿ 25ಕ್ಕ್ ಈ ದಾನ ಸಂಬಂಧ ಪುದರ್ ದೀತೆರ್ ಪಂದ್ ಶಿಲಾಶಾಸನಡ್ ತೆರಿದ್ ಬರ್ಪುಂಡ್.

ಶಾಸನದ ಪ್ರಕಾರ ಶ್ರೀ ಕ್ಷೇತ್ರ ಇರ್ವತ್ತೂರು ಸುಮಾರ್ ಇರ್ವ ಊರುಲೆಗ್ ಸಂಬಂಧಪಟ್ಟ್ ದಿತ್ತ್ ದ್, ಕ್ರಿ.ಶ.1413 ಜನವರಿಡ್ ರಚನೆ ಮಲ್ತಿನ ಶಿಲಾ ಶಾಸನಡ್ ಈ ಕ್ಷೇತ್ರಗ್ “ಇರ್ವತ್ತೂರ್ ನಾಡ್” ಪಂದ್ ಪುದರ್ ದೀತೆರ್.

ಈ ಕ್ಷೇತ್ರದ ವ್ಯಾಪ್ತಿ ಏಳರೇ ಮಾಗಣೆಡ್ ಇತ್ತ್ ದ್, ಮುಖ್ಯವಾದ್ ಎಳ್ಳಾರೆ, ಕುಕ್ಕುಜೆ, ಕಡ್ತಲ, ಬೈರಂಪಳ್ಳಿ, 41ನೇ ಶಿರೂರು, ಹರಿಖಂಡಿಗೆ, ಪಂಚನಬೆಟ್ಟು, ಬೊಮ್ಮೆರ್ ಬೆಟ್ಟು ಗ್ರಾಮದ ಅರ್ಧಭಾಗ, ಎರ್ಲಪಾಡಿ, ಮರ್ಣೆ, ಅಜೆಕಾರು, ಮುಟ್ಲುಪಾಡಿ, ಅಂಡಾರು, ಎಣ್ಣೆಹೊಳೆ, ಶಿರ್ಲಾಲು, ಕೆರ್ವಾಶೇ, ವರಂಗ, ಮುನಿಯಾಲು, ಮುದ್ರಾಡಿ, ಕಬ್ಬಿನಾಲೆ, ನಾಡ್ಪಾಲು, ಸೋಮೇಶ್ವರ, ಚಾರ, ಹೆಬ್ರಿ, ಶಿವಪುರ, ಕಜಾನೆ ಇಂಚಿನ ಇರ್ವ ಊರುಲೆಗ್ ಸಂಬಂಧ ಪಟ್ಟಿನ ಕ್ಷೇತ್ರನೇ ಇರ್ವತ್ತೂರ್. ಅಂಚಾದ್ ಈ ಕ್ಷೇತ್ರಗ್ ಸಂಬಂಧ ಪಟ್ಟಿನ ಊರುಡ್ ಇಪ್ಪುನ ಇಲ್ಲಡ್ ಒವ್ವೆ ಶುಭ ಕಾರ್ಯಕ್ರಮ, ದೈವಲೆನ ನೇಮೋಚ್ಚಯ ನಡಪುನ ಪೊರ್ತುಡ್ ಶ್ರೀ ದೇವೆರೆಗ್ ಕಾಣಿಕೆ, ತಾರಾಯಿ ದೆದ್ದೀದ್ ಪ್ರಾರ್ಥನೆ ಮಲ್ತ್ ದ್ ಕ್ಷೇತ್ರದ ಸಿರಿಮುಡಿ ಗಂಧ ಪ್ರಸಾದನ್ ದೆತೊಂದ್ ಪೋಪಿನವ್ ಮುಲ್ಪದ ರೂಢಿ.

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಭಾರತದ ರಕ್ಷಣಾ ಇಲಾಖೆದ ಬ್ರಿಗೇಡಿಯರ್ ಹುದ್ದೆ ಪಡೆಯಿನ ಅಜೆಕಾರ್ ದ ಸಚ್ಚಿದಾನಂದ ಪ್ರಭು

Apr 14, 2022

ಕಾರ್ಲ : ಅಜೆಕಾರು ಮರ್ಣೆ ಗ್ರಾಮದ ಕಾಡುಹೊಳೆ ಸಚ್ಚಿದಾನಂದ ಪ್ರಭು ಮೇರ್ ಭಾರತದ ರಕ್ಷಣಾ ಇಲಾಖೆದ ಬ್ರಿಗೇಡಿಯರ್ ಹುದ್ದೆ ಪಡೆತೆರ್ .ಕಾಡುಹೊಳೆಟ್ ಪ್ರಾಥಮಿಕ ಶಿಕ್ಷಣ, ಅಜೆಕಾರು ಜ್ಯೋತಿ ಶಾಲೆಡ್ ಪ್ರೌಢಶಿಕ್ಷಣ, ಎಸ್‌ಡಿಎಂ ಉಜಿರೆಡ್ ಪಿಯು ಶಿಕ್ಷಣ ಮಲ್ತಿನ ಪ್ರಭು ಮೇರ್ ಒಡಿಪು ವೈಕುಂಠ ಬಾಳಿಗಾ ಕಾಲೇಜಿಡ್ ಎಲ್‌ಎಲ್‌ಬಿ ಪದವಿ ಪಡೆತೆರ್ .

1997ಟ್ಟ್ ಭಾರತೀಯ ಭೂಸೇನೆಡ್ ಅಸಿಸ್ಟೆಂಟ್ ಜಡ್ಜ್ ಅಡ್ವಕೇಟ್ ಜನರಲ್ ಹುದ್ದೆಗ್ ನೇಮಕ ಆದ್ ಇತ್ತೆರ್ . ಐರ್ದ್ ಬೊಕ್ಕ ಕರ್ನಲ್ ಮಿಲಿಟರಿ ಸೆಕ್ರೆಟರಿ (ಕಾನೂನು), ಡೆಪ್ಯೂಟಿ ಜಡ್ಜ್ ಅಡ್ವಕೇಟ್ ಜನರಲ್ ಆಗಿ ಸೇವೆ ಮಲ್ತೆರ್ ..

ಮೇರ್ ಕಾಡುಹೊಳೆ ಕೊಪ್ಪಲದ ದಿ. ಬಾಬುರಾಯ ಪ್ರಭು ಬೊಕ್ಕ ರತ್ನಮ್ಮ ದಂಪತಿ ಪುತ್ರ, ಬೈಲೂರು ಜ್ಯೋತಿ ಪ್ರಭು ಅರೆನ ಬೊಡೆದಿ .

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಒಡಿಪು : ಸಚಿವ ಈಶ್ವರಪ್ಪ ವಿರುದ್ದ ಎಫ್ಐಆರ್ ದಾಖಲ್

Apr 13, 2022

ಒಡಿಪು : ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್. ಈಶ್ವರಪ್ಪ ವಿರುದ್ಧ ಕಮಿಷನ್ ಆರೋಪ ಮಲ್ತಿನ ಗುತ್ತಿಗೆದಾರ ಸಂತೋಷ್ ಪಾಟೀಲ್ ಆತ್ಮಹತ್ಯೆ ಪ್ರಕರಣ ಸಂಬಂಧ ಸಚಿವ ಕೆ.ಎಸ್. ಈಶ್ವರಪ್ಪ ವಿರುದ್ಧ ಉಡುಪಿ ಪೊಲೀಸ್ ಠಾಣೆಡ್ ಎಫ್‌ಐಆರ್ ದಾಖಲಾತುಂಡು.

ಮೃತ ಸಂತೋಷ್ ಪಾಟೀಲ್ ಮೆರೆನ ಅಣ್ಣೆ ಪ್ರಶಾಂತ ಪಾಟೀಲ್ ನಡುರಾತ್ರಿ 2.20ತ ಪೊರ್ತುಡು ಒಡಿಪು ನಗರ ಠಾಣೆಡ್ ಪ್ರಕರಣ ದಾಖಲ್ ಮಲ್ತೆರ್ , ಕಲಂ 306 ನೆ ಅಡಿಟ್ ಈಶ್ವರಪ್ಪ ಬೊಕ್ಕ ಅಕ್ಲೆನ ಆಪ್ತ ಸಹಾಯಕೆರಾಯಿನ ಬಸವರಾಜ್, ರಮೇಶ್ ಮೆಕ್ಲೆನ ಮಿತ್ತ್ ಪ್ರಕರಣ ದಾಖಲ್ ಆತುಂಡು.

ಕಾಪು: ಶ್ರೀ ನಾರಾಯಣ ಗುರು ಭಜನಾ ಮಂದಿರಡ್ 78ನೇ ವಾರ್ಷಿಕ ಮಂಗಲೋತ್ಸವ

Apr 12, 2022

ಒಡಿಪು: ಕಾಪು ತಾಲೂಕ್ ದ ಮಟ್ಟು ಶ್ರೀ ನಾರಾಯಣ ಗುರು ಭಜನಾ ಮಂದಿರಡ್ 78ನೇ ವಾರ್ಷಿಕ ಮಂಗಲೋತ್ಸವ, ಗಣಹೋಮ, ಶ್ರೀ ಸತ್ಯನಾರಾಯಣ ಪೂಜೆ ಬೊಕ್ಕ ಜನಕುಲೆಗ್ ನುಪ್ಪು ಸೇವೆ ಏಪ್ರಿಲ್ 14 ತಾರೀಕ್ ಗ್ ಭಾರೀ ಗೌಜಿಡ್ ನಡಪರೆ ಉಂಡು.

ಕಾಂಡೆ 9 ಗಂಟೆಗ್ ಸಾಮೂಹಿಕ ಪ್ರಾರ್ಥನೆ ಬೊಕ್ಕ ಗಣಹೋಮ, 10 ಗಂಟೆಗ್ ಶ್ರೀ ಸತ್ಯನಾರಾಯಣ ಪೂಜೆ, 12 ಗಂಟೆಗ್ ಮಹಾಪೂಜೆ, ತೀರ್ಥಪ್ರಸಾದ, ವಿಶೇಷ ಭಜನಾ ಕಾರ್ಯಕ್ರಮ, 12.30 ಗ್ ಜನಕುಲೆಗ್ ನುಪ್ಪು ಸೇವೆ, ಬಯ್ಯ 6.45ಕ್ ಕಲಶ ಪ್ರತಿಷ್ಠೆ, ಭಜನಾ ಕಾರ್ಯಕ್ರಮ, ರಾತ್ರಿ 12 ಗಂಟೆಗ್ ಭಜನಾ ಮಹಾಮಂಗಲ, ಪ್ರಸಾದ ವಿತರಣೆ. ಎ.15 ತಾರೀಕ್ ಗ್ ಬಯ್ಯ 6.30 ಗ್ ಗುರುಪೂಜೆ, ರಾತ್ರಿ 7.30 ಗ್ ಸಾಂಸ್ಕೃತಿಕ ಕಾರ್ಯಕ್ರಮ, ರಾತ್ರಿ 8.30 ಗ್ ಪರಮ ಪದ್ಮ ಕಲಾವಿದೆರ್ ತುಳು ಜಾನಪದ ಐತಿಹಾಸಿಕ ನಾಟಕ ಚಲನಚಿತ್ರ ನಟೆ ಚೇತನ್ ರೈ ಮಾಣಿ ಅಭಿನಯ ಬಿರ್ಸೆ ಅನಿಕುಮಾರ್ ಸಸಿಹಿತ್ಲು ಬೊಕ್ಕ ಬೇತೆ ಪುಗರ್ತೆದ ಕಲಾವಿದೆರೆಡ್ದ್ ಶಿವ ಪುರ್ಸಾದ ಬಬ್ಬರ್ಯೆ ಪನ್ಪಿನ ತುಳು ನಾಟಕ ನಡಪರೆ ಉಂಡು.

ಒಡಿಪುದ ಶ್ರೀ ಕೃಷ್ಣನ ನಾಡ್ ದ ಶ್ರೀ ವಾದಿರಾಜ ಸ್ವಾಮಿಲೆನ ವರಪ್ರಸಾದ ಅಂಚನೆ ವಿಶ್ವ ವಿಖ್ಯಾತಿ ಪಡೆಯಿನ ಮಟ್ಟು ಗುಳ್ಳದ ಗ್ರಾಮ ಪಂದೇ ಪುಗರ್ತೆ ಪಡೆಯಿನ ಮಟ್ಟು ಗ್ರಾಮದ ಕಡಲತಡಿಟ್ಟ್ ಆರಾಧನೆ ಮಲ್ತೊಂದ್ ಬತ್ತಿನ ಮಂದಿರ ಶ್ರೀ ನಾರಾಯಣ ಗುರು ಭಜನಾ ಮಂದಿರ, ಮಟ್ಟು ತೆಂಕು ಕೊಪ್ಲ.

ಒಂಜೇ ಜಾತಿ ಒಂಜೇ ಮತ ಒಂಜೇ ದೇವೆರ್ ಪನ್ಪಿನ ಅಮರ ತತ್ವದ ಮುಖೇನ ಮುರ್ಕೊಂದಿತ್ತಿನ ಹಿಂದೂ ಧರ್ಮಗ್ ಪುನರ್ ಚೈತನ್ಯ ಕೊರಿನ ಮಹಾನ್ ಸಂತೆರ್ ಬ್ರಹ್ಮಶ್ರೀ ನಾರಾಯಣ ಗುರುಕುಲು. ಆರ್ನ ವಿದ್ಯೆರ್ದ್ ಸ್ವತಂತ್ರರಾಲೆ, ಸಂಘಟನೆರ್ದ್ ನನಲ ಗಟ್ಟಿ ಆಲೆ. ಬದುಕ್ ಉಂತಿನ ನೀರ್ ಆಯರೇ ಬಲ್ಲಿ. ಜಾತಿ ಒವ್ ಆಂಡಲ ದಾನೆ..? ಮನುಷ್ಯೇ ಎಡ್ಡೆ ಇಪ್ಪೊಡ್. ಇಂಚಿತ್ತಿನ ಅಮರ ಸಂದೇಶನ್ ಲೋಕಗ್ ಸಾರಿನ ಗುರುಕ್ಲೆನ ತತ್ವದಡಿಟ್ಟ್ 77 ವರ್ಷದ ಪಿರ ಮಂದಿರ ಉದಯ ಆಂಡ್.

1944 ಟ್ ದಿ| ಐತಪ್ಪ ಅಂಚನ್ ಮುತಾಲಿಕೆಡ್ ಸ್ಥಾಪನೆ ಆದ್, 1977 ಟ್ ಪುನರ್ ನಿರ್ಮಾಣ ಆಂಡ್. ಕರೀನ 77 ವರ್ಷಲೆಡ್ದ್ ಏಪಲ ಶನಿವಾರ ಭಜನಾ ಸಂಕೀರ್ತನೆ, ಶ್ರೀ ನಾರಾಯಣ ಗುರು ಜಯಂತಿ, ಶ್ರೀ ಸತ್ಯನಾರಾಯಣ ಪೂಜೆ, ವಾರ್ಷಿಕ ಭಜನಾ ಮಂಗಲೋಚ್ಚಯನ್ ಆಚರಣೆ ಮಲ್ತೊಂದ್ ಶ್ರದ್ಧಾ ಭಕ್ತಿದ ಕೇಂದ್ರವಾದ್ ಮೂಡ್ ದ್ ಬರೊಂದ್ಂಡ್.

ಭಕ್ತಾದಿ ಸದಸ್ಯೆರ್ನ ಆಶಯದಂಚನೆ, 43 ವರ್ಷರ್ದ್ ಪರ ಇತ್ತಿನ ಮಂದಿರನ್ 54 ಲಕ್ಷ ಖರ್ಚ್ ಮಲ್ತ್ ದ್ ಪುನರ್ ನಿರ್ಮಾಣ ಮಲ್ತ್ ದೆರ್. ಈ ಸಮಿತಿಡ್ ಇತ್ತೆ 52 ಜನ ಸದಸ್ಯೆರ್ ಉಲ್ಲೆರ್. ಸರ್ಕಾರರ್ದ್ 10 ಲಕ್ಷ ಅಂಚನೇ ರಾಜಕಾರಣಿರ್ದ್ 5 ಲಕ್ಷದ ಪಣವುದ ಸಾಕಾಯ ಈ ಮಂದಿರಗ್ ತಿಕ್ಕ್ ದ್ಂಡ್.

ಕೊರೊನಾದಂಚಿನ ಬಂಗದ ಪರಿಸ್ಥಿತಿಡುಲ ಊರುದ ಜನಕುಲು ಸಾಕಾಯ ಕೊರ್ತೆರ್. ಗ್ರಾಮೀಣ ಬದ್ ಕ್ ಗೊಂಜಿ ಶ್ರದ್ಧಾ ಭಕ್ತಿದ ಆಯಾಮನ್ ಕೊರ್ಪಿನ ಈ ಮಂದಿರ ನಾನಾತ್ ಎಡ್ಡೆ ಆವಡ್ ಪಂದ್ ಶ್ರೀ ನಾರಾಯಣ ಗುರು ಭಜನಾ ಮಂದಿರ, ಮಟ್ಟು, ತೆಂಕು ಕೊಪ್ಲದ ಗೌರವಾಧ್ಯಕ್ಷೆರ್, ಅಧ್ಯಕ್ಷೆರ್ ಬೊಕ್ಕ ಪದಾಧಿಕಾರಿಲು ಅಂಚನೇ ಸರ್ವ ಸದಸ್ಯೆರ್ ಎಡ್ಡೆಪ್ಪುನ್ ಬಯಕ್ ದೆರ್.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಉಚ್ಚಿಲ ದೇವಲ್ಯಗ್ 5 ಕೋಟಿ ಪಣವುದ ಸಕಾಯ : ಸಿಎಂ ಘೋಷಣೆ

Apr 11, 2022

ಉಚ್ಚಿಲ : ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ಉಚ್ಚಿಲ ಮಹಾಲಕ್ಷ್ಮಿ ದೇವಲ್ಯದ ಅಭಿವೃದ್ಧಿ ಗ್ 5 ಕೋಟಿ ರೂ. ಪಣವು ದ ಸಕಾಯ ಘೋಷಣೆ ಮಲ್ತೆರ್.
ಬ್ರಹ್ಮಕಲಶೋತ್ಸವದ ಗೌಜಿಡ್ ಉಪ್ಪುನ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಗ್ ಸೋಮಾರ ಭೇಟಿ ಕೊರಿನ ಆರ್ ಈ ವಿಷಯ ಪಂಡೆರ್.
ಮೊಗವೀರ ಸಮಾಜದ ಹಾಸ್ಟೆಲ್ , ಮೊಗವೀರ ಪೊಂಜೊವುಲೆಗ್ ಶೂನ್ಯ ಬಡ್ಡಿಡ್ ಸಾಲ , 2 ಲಕ್ಷ ರೂ ಡೀಸೆಲ್ ಸಬ್ಸಿಡಿನ್ ಉಂದುವೇ ಪೊರ್ತುಡು ಘೋಷಣೆ ಮಲ್ತೆರ್.

ಬ್ರಹಕಲಶ ಪುಣ್ಯೋತ್ಸವ ಸಮಿತಿ ಅಧ್ಯಕ್ಷೆರ್, ಜೀರ್ಣೋದ್ಧಾರ ಸಮಿತಿ ಗೌರವಾಧ್ಯಕ್ಷೆರ್ ನಾಡೋಜ ಡಾ.ಜಿ.ಶಂಕರ್ ಪ್ರಸ್ರಾವಿಕವಾದ್ ಪಾತೆರ್ದ್, ಬಿನ್ನೆರೆನ್ ಎದ್ಕೊಂದು ಕೆಲವು ಬೇಡಿಕೆ ನ್ ದುಂಬು ದೀಯೆರ್.
ಮೊಗವೀರರಿಗೆ ಹಾಸ್ಟೆಲ್ , ಶೂನ್ಯ ಬಡ್ಡಿ ಸಾಲ, ಡೀಸೆಲ್ ಸಬ್ಸಿಡಿ ಕೊರ್ಲೆ, ಮೀನುಗಾರೆರ್ ಕಷ್ಟ ಉಂಡು. ಏಪಲ ಮೀನ್ ತಿಕ್ಕುಜಿ.ಉಚ್ಚಿಲ ಪ್ರವಾಸೋದ್ಯಮ ಕ್ಷೇತ್ರ ಆವಡ್ ಪಂದ್ ಘೋಷಣೆ ಮಲ್ಪುಲೆ. ಮೀನುಗಾರಿಕೆ ವಿದ್ಯಾಲಯ ಕೊರ್ಲೆ ಪಂದ್ ಸಿಎಂಗ್ ಬಿನ್ನೈತ ಮಲ್ತೆರ್.
ಮಲ್ಲ ಬಿನ್ನೆರಾದ್ ಮೀನುಗಾರಿಕೆ ಸಚಿವೆರ್ ಎಸ್.ಅಂಗಾರೆರ್, ಹಿಂದುಳಿದ ವರ್ಗಗಳ ಸಮಾಜಕಲ್ಯಾಣ ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ, ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರ್ ಸುನಿಲ್ ಕುಮಾರ್, ಸಾರಿಗೆ ಸಚಿವೆರ್ ಶ್ರೀರಾಮುಲು,ಶಾಸಕೆರಾಯಿನ ವೇದವ್ಯಾಸ ಕಾಮತ್, ಲಾಲಾಜಿ ಮೆಂಡನ್, ಸುಕುಮಾರ್ ಶೆಟ್ಟಿ, ಡಾ. ಭರತ್ ಶೆಟ್ಟಿ, ಕುಡ್ಲ ಪಾಲಿಕೆ ಮೇಯರ್ ಮೊಗವೀರ ಮಹಸಭಾದ ಅಧ್ಯಕ್ಷೆರ್ ಜಯ ಸಿ. ಕೋಟ್ಯಾನ್, ಯಶ್ ಪಾಲ್ ಸುವರ್ಣ , ಎ.ಸಿ. ಕುಂದರ್, ಗಂಗಾಮತಸ್ಥ ಸಂಘದ ಅಧ್ಯಕ್ಷೆರ್ ಮೌಲಾ ಅಲಿ, ಉದಯಕುಮಾರ್ ಶೆಟ್ಟಿ,
ಮೊಕುಲು ಮಾತ ಪಾಲ್ ಪಡೆದಿತ್ತೆರ್.
ಲಿಖಿತ್ ಕರ್ಕೇರ ಪ್ರಾರ್ಥನೆ ಮಲ್ತೆರ್.ಸುಧಾಕರ ಸಾಲದ ಸೊಲ್ಮೆ ಸಂದಾಯೆರ್.
ಏ.1 ತಾರೀಕ್ ಗ್ ಸುರುವಾತಿನ ಬಹ್ಮಕಲಶೋತ್ಸವ ಲೇಸ್ ಏ.15 ಮುಟ್ಟ ನಡಪರೆ ಉಂಡು.
ಏ.11 ಸೋಮಾರ ಕಾಂಡೆ ದೇವಸ್ಥಾನ ಡ್ ಸೃಷ್ಟಿ ಬಲಿ ಆದ್ ಕೊಡಿ ಏರ್ಂಡ್. ಬೊಕ್ಕ ನವಕ ಕಲಶಾಭಿಷೇಕ, ಗಣೇಶ ಉಪನಿಷತ್ ಯಾಗ ಬೊಕ್ಕ ಅಷ್ಟ ದ್ರವ್ಯ ಗಣಪತಿ ಯಾಗ ನಡತ್ಂಡ್. ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾದ್ ಸುಗಮ ಸಂಗೀತ ಕಾರ್ಯಕ್ರಮ ನಡತ್ಂಡ್.

Aid of 5 crore rupees to the Uchila temple- CM’s announcement.

Uchila: The CM Basavaraj Bommai who visited the Mahalakshmi temple at Uchila for the ongoing Brahmakalashotsava celebrations; announced an aid of 5 crore rupees.

He also announced about a hostel for the Mogaveer society; a zero interest loan facility for Mogaveer women ,a subsidy of two laks for diesel among others.
The honorary president of the Brahmakalashotsava Samithi Dr G.Shankar said that he had put forward some demands for the betterment of the Mogaveer society to the government.The fishing community faces a lot of hardship when the catch of fish is less . A few have been approved and the announcement has been made he said .
The guests of honour were the minister for fisheries S.Angar, Kota Srinivasa Poojary minister for backward classes social development, Sunil Kumar minister for Kannada and culture among others.

The celebrations which started on the 1st of April will continue till the 15th.