ಊರ್ದ ಸುದ್ದಿ Regional News

ಕಾಪು ಸಮಾಜ ಸೇವಾ ವೇದಿಕೆರ್ದ್ ಅಶಕ್ತೆರೆಗ್ ರೇಷನ್

ಕಾಪು, ಜೂನ್ 12: ಸಮಾಜ ಸೇವಾ ವೇದಿಕೆ ಕಳತ್ತೂರು-ಕಾಪು ವತಿರ್ದ್ ಕೊರೋನ 2 ನೇ ಅಲೆಟ್ ದಾನಿಲೆನ ಸಾಕಾರಡ್ ಕಳತ್ತೂರು ಗ್ರಾಮ ಬೊಕ್ಕ ಮಜೂರು ಗ್ರಾಮಡ್ 300ರ್ದ್ ಲಾ ಜಾಸ್ತಿ ಅಶಕ್ತ ಕುಟುಂಬದಕ್ಲೆಗ್ ಬೊಕ್ಕ ಕೊರೋನ ಪೀಡಿತೆರ್ನ ಇಲ್ಲಗ್ ರೇಷನ್ ಕಿಟ್ ಕೊರಿಯೆರ್.

ಸಮಾಜ ಸೇವಾ ವೇದಿಕೆ ಗುರ್ಕಾರ್ಲಾಯಿನ ಮೊಹಮ್ಮದ್ ಫಾರೂಕ್ ಚಂದ್ರನಗರ,ಗೌರವಾಧ್ಯಕ್ಷ ದಿವಾಕರ ಬಿ ಶೆಟ್ಟಿ ಕಳತ್ತೂರು, ಸಂಚಾಲಕೆರಾಯಿನ ದಿವಾಕರ ಡಿ ಶೆಟ್ಟಿ ಕಳತ್ತೂರು ಶರ್ಫುದ್ದಿನ್ ಶೇಖ್ ಮಜೂರು ಪಾಲ್ ಪಡೆದಿತ್ತೆರ್ .

ಭಟ್ಕಳ ರಿಕ್ಷಾ ಚಾಲಕೆ ಆತ್ಮಹತ್ಯೆ

ಭಟ್ಕಳ: ಮಾರುಕೇರಿ ಪಂಚಾಯತ್ ವ್ಯಾಪ್ತಿ ಕಿತ್ರೆಡ್ ರಿಕ್ಷಾ ಚಾಲಕೆ ಒರಿ ಇಲ್ಲದ ಪಿರವು ಉಪ್ಪುನ ಮರಕ್ ಬಲ್ಲ್ ಪಾರ್ದ್ ಆತ್ಮಹತ್ಯೆ ಮಲ್ದೆರ್.

ಮೃತ ವ್ಯಕ್ತಿ ಸೋಮಯ್ಯ ಗೊಂಡ (48) ಪಂದ್ ಗುರ್ತಿಸಾದೆರ್ . ಸಾಲ ಬೊಕ್ಕ ಅನಾರೋಗ್ಯರ್ದ್ ಇತ್ತಿನೆರ್ದಾವರ ಲಾಕ್‌ಡೌನ್ ದ ಪೊರ್ತುಡು ಆರ್ಥಿಕ ಸಂಕಷ್ಟ ಇತ್ತಿನೆರ್ದಾವರ ಬೇಲೆ ಇಜ್ಜಂದೆ ಬಲ್ಲ್ ಪಾಡೊಂದೆರ್ .

ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಡ್ ಈ ಬಗ್ಗೆ ದೂರು ದಾಖಲಾತುಂಡು .

ಕುಡ್ಲಡ್ ಬ್ಲಾಕ್ ಫಂಗಸ್ ಪ್ರಕರಣ : ನಾಲ್ ಜನ ಬುಡುಗಡೆ

ಕುಡ್ಲ , ಜೂ.12: ದ.ಕ. ಜಿಲ್ಲೆಡ್ ಶುಕ್ರವಾರ ಪೊಸತಾದ್ ಬ್ಲ್ಯಾಕ್ ಫಂಗಸ್ ಪ್ರಕರಣಲು ಪತ್ತೆಯಾತುಜಿ . ಆಂಡ ನಾಲ್ ಜನ ಹುಷಾರ್ ಆದ್ ಆಸ್ಪತ್ರೆರ್ದ್ ಡಿಸ್‌ ಜಾರ್ಜ್ ಆತೆರ್ . ನೆತ್ತ ಒಟ್ಟುಗು ಪೇಂಟೆಡ್ ಬ್ಲ್ಯಾಕ್ ಫಂಗಸ್ ಸೋಂಕುರ್ದು ಹುಷಾರ್ ಆಯಿನಕ್ಲೆನ ಸಂಖ್ಯೆ 8ಗ್ ಏರ್ದುಂಡು .

ಕುಡ್ಲಡ್ ಸದ್ಯ 54 ಬ್ಲ್ಯಾಕ್ ಫಂಗಸ್ ಸಕ್ರಿಯ ಪ್ರಕರಣ ಉಂಡು . ನೆಟ್ಟ್ 11 ದ.ಕ.ಜಿಲ್ಲೆಗ್ ಬೊಕ್ಕ 43 ಪ್ರಕರಣ ಪಿದಾಯಿ ಊರುದಕ್ಲೆಗ್ ಬೈದುಂಡು ಪಂದ್ ಅಧಿಕಾರಿಲು ತೆರಿಪಾದೆರ್ .

ಯುವಜನತೆ ಕೋವಿಡ್ ಲಸಿಕೆ ಪಾಡೆರೆ ಸಂಸದೆ ಮಂಗಳ ಅಂಗಡಿ ಸೂಚನೆ

ಬೆಳಗಾವಿ, ಜೂನ್ 12: ‘ಸಧೃಡ ಭಾರತ ನಿರ್ಮಾಣಡ್ ಜವಣ್ಯೇರ್ನ ಪಾತ್ರ ಬಾರಿ ಮುಖ್ಯವಾದುಂಡು ಕೋವಿಡ್ ಎದುರಿಸಾಯೆರೆ ಲಸಿಕೆ (ಚುಚ್ಚುಮದ್ದು) ಪ್ರಬಲ ಅಸ್ತ್ರವಾದುಂಡು ಒವ್ವೆ ಹಿಂಜರಿಕೆ ಇಜ್ಜಂದೆ ಲಸಿಕೆ ಪಡೆಯೋಡು ‘ ಪಂದ್ ಸಂಸದೆ ಮಂಗಲಾ ಅಂಗಡಿ ಪಂಡೆರ್ .

ಕೆಎಲ್‌ಇ ಸಂಸ್ಥೆದ ಪ್ರಭಾಕರ ಕೋರೆ ಆಸ್ಪತ್ರೆ ಬೊಕ್ಕ ವೈದ್ಯಕೀಯ ಸಂಶೋಧನಾ ಕೇಂದ್ರಡ್ 18 ವರ್ಷ ಮಿತ್ತ್ ದಕ್ಲೆಗ್ ಕೋವಿಡ್ ಲಸಿಕೆ ಕೊರ್ಪಿನ ಅಭಿಯಾನಗ್ ಶುಕ್ರವಾರ ಚಾಲನೆ ಕೊರ್ದು ಆರ್ ಪಾತೆರಿಯೆರ್.

ಜೂನ್ 14ರ್ದ್ ಕುಡ್ಲದ ಮಾತಾ ಕೇಂದ್ರಡ್ ಎನ್ಆರ್ ಐಲೆಗ್ ಲಸಿಕೆ ಕೊರಿಯರೆ ಜಿಲ್ಲಾಧಿಕಾರಿ ಆದೇಶ

ಕುಡ್ಲ, ಜೂನ್ 12: ವಿದೇಶಗ್ ಪೋಯಿನ ಅನಿವಾಸಿಲೆಗ್ ದಕ್ಷಿಣ ಕನ್ನಡ ಜಿಲ್ಲೆದ ಮಾತಾ ಆರೋಗ್ಯ ಕೇಂದ್ರ, ಪ್ರಾಥಮಿಕ ಆರೋಗ್ಯ, ನಗರ ಆರೋಗ್ಯ ಕೇಂದ್ರ ಸೇರಿನಂಚ ಮಾತಾ ಲಸಿಕಾ ಕೇಂದ್ರಡ್ ಜೂನ್ 14‌ರ್ದ್ ಲಸಿಕೆ ಪಾಡೆರೆ ದ.ಕ. ಜಿಲ್ಲಾಧಿಕಾರಿ‌ ಆದೇಶ ಕೊರ್ತೆರ್ , ಜಿಲ್ಲಾಧಿಕಾರಿನ ಈ ಆದೇಶನ್ ಅನಿವಾಸಿಲು ಎದುಕೊಂದೆರ್ .

ದ.ಕ ಜಿಲ್ಲಾ ರೆಡ್ ಕ್ರಾಸ್ ಸೊಸೈಟಿ ವತಿರ್ದ್ ಮೇ 30 ತಾರೀಖ್ ಗ್ ಅಟ್ಟನೆ ಮಲ್ತಿನ ದ.ಕ. ಜಿಲ್ಲಾಧಿಕಾರಿನೊಟ್ಟುಗು ನಡತಿನ ಅನಿವಾಸಿ ಕನ್ನಡಿಗರ ವೀಡಿಯೊ ಸಂವಾದ ಲೇಸ್ ಡ್ ವಿಶ್ವದಾದ್ಯಂತ ಹಲವು ಅನಿವಾಸಿಲು ಪಾಲ್ ಪಡೆಯೆರ್.

ತುಮಕೂರು : ಎಸ್ಎಸ್ ಎಲ್ ಸಿ ಪರೀಕ್ಷೆಗ್ ತಯಾರಿ

ತುಮಕೂರು, ಜೂನ್ 12: ಜಿಲ್ಲೆಡ್ ಎಸ್ಸೆಸ್ಸೆಲ್ಸಿ ಪರೀಕ್ಷೆಗ್ ಅವ್ವೆತೋ ಮುನ್ನೆಚ್ಚರಿಕೆ ವಯಿಸೊಂದು ತಯಾರ್ ಮಲ್ತೊಂದು ಉಲ್ಲೆರ್ ಇತ್ತೇ ಮಾತಾ ಚರ್ಚೆಲು ಕಡೆತ ಘಟ್ಟ ಮುಟ್ಟುದುಂಡು .

ಕೋವಿಡ್‌-19ರ್ದ್ ಅಗತ್ಯ ಮುಂಜಾಗ್ರತಾ ಕ್ರಮಕ್ಲೆನ್ ದೆತೊನೊಂದು ಉಲ್ಲೆರ್ . ಕೋವಿಡ್ ಸುರುತ್ತ ಅಲೆಯು ಪ್ರಾಯದಕ್ಲೆನ್ ಜಾಸ್ತಿ ಬತ್ತಿತ್ತುಂಡು. ಎರಡನೇ ಅಲೆ ಮಧ್ಯ ವಯಸ್ಕೆರೆಗ್ ಬೇನೆ ಕೊರ್ತುಂಡು. ನನ ಮೂಜನೆ ಅಲೆ ಬತ್ತುಂಡ ಅವು ಜೋಕ್ಲೆನ ಮಿತ್ತ್ ಪರಿಣಾಮ ಬೂರುಂಡು ಪಂದ್ ತಜ್ನೆರ್ ಪಂಡೆರ್ , ಅಂಚಾದ್ ಪರೀಕ್ಷೆ ನಡಪಾಯೆರೆ ಶಿಕ್ಷಣ ಇಲಾಖೆ ಜಾಸ್ತಿ ಎಚ್ಚರಿಕೆ ವಹಿಸೊಂದು ಉಲ್ಲೆರ್ .

ಕುಡೊಂಜಿ ಪ್ಯಾಕೇಜ್ ಗ್ ಸರಕಾರ ಚಿಂತನೆ :ಸಿ ಎಂ ಯಡಿಯೂರಪ್ಪ

ಕುಡ್ಲ, ಜೂನ್ 12: ಅನಿವಾರ್ಯ ಇತ್ತುಂಡ ನನೊಂಜಿ ಪ್ಯಾಕೇಜ್ ಘೋಷಣೆ ಮಲ್ಪುವ ಪಂದ್ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಪಂತೆರ್ .ಶಿ, ವಮೊಗ್ಗ ಜಿಲ್ಲೆದ ಶಿಕಾರಿಪುರಡ್ ಶುಕ್ರವಾರ ಸುದ್ದಿಗಾರೆರ್ನೊಟ್ಟಿಗೆ ಪಾತೆರಿನ ಆರ್ ಕರಿನ 8 ತಿಂಗೊಲುರ್ದು ರಾಜ್ಯಡ್ ತೆರಿಗೆ ಸಂಗ್ರಹ ಕಡಿಮೆ ಆತುಂಡು . ನೆತ್ತ ನಡುಟುಲಾ ಅಭಿವೃದ್ಧಿಗಾದ್ ಶಕ್ತಿ ಮೀರ್ದ್ ಬೇಲೆ ಮಳ್ತೊಂದುಲ್ಲ ಪಂಡೆರ್ .

ಕೇಂದ್ರ ಸರ್ಕಾರರ್ದ್ ಜಾಸ್ತಿ ಅನುದಾನಗ್ ಬೇಡಿಕೆ ದೀತೆ . ಪ್ರಧಾನಿ ಮೋದಿ ಮೇರ್ ಅನುದಾನ ಕೊರ್ಪಿನ ವಿಶ್ವಾಸ ಉಂಡು ಪಂದ್ ಪಂಡೆರ್.