ಊರ್ದ ಸುದ್ದಿ Regional News

ಕೆಮ್ಮಿಂಜೆ ದೇವಸ್ಥಾನಡ್ ಜಾತ್ರೆದ ಅಟ್ಟಣೆದ ಸಭೆ

ಪುತ್ತೂರು: ಇತಿಹಾಸ ಪ್ರಸಿದ್ದ ಕೆಮ್ಮಿಂಜೆ ಶ್ರೀ ಷಣ್ಮುಖ ಸುಬ್ರಹ್ಮಣ್ಯ ಶ್ರೀ ಮಹಾವಿಷ್ಣು ದೇವಸ್ಥಾನಡ್ ನಡಪುನ ವರ್ಷಾವಧಿ ಜಾತ್ರೋತ್ಸವ ಷಷ್ಠಿ ಮಹೋತ್ಸವಗ್ ಗ್ರಾಮದ ಪ್ರತಿ ಇಲ್ಲರ್ದ್ ಕನಿಷ್ಟ ರೂ.1000 ದೇಣಿಗೆ ನಿಗದಿಪಡಿಸಾದ್ ಸಂಗ್ರಹ ಮಲ್ಪುನ ಪಂದ್ ಪೂರ್ವಭಾವಿ ಸಭೆಟ್‌ ತೀರ್ಮಾನ ಮಲ್ತೆರ್.‌

ಅ.29 ದಾನಿ ದೇವಸ್ಥಾನದ ತಂತ್ರಿಲಾಯಿನ ಕೆಮ್ಮಿಂಜೆ ನಾಗೇಶ ತಂತ್ರಿ ಬೊಕ್ಕ ಕಾರ್ತಿಕ್ ತಂತ್ರಿಲೆನ ಮಾರ್ಗದರ್ಶನಡ್, ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಸುಬ್ರಹ್ಮಣ್ಯ ಬಳಕ್ಕುರಾಯರ ಅಧ್ಯಕ್ಷತೆಡ್ ದೇವಸ್ಥಾನದ ಸಭಾಂಗಣಡ್‌ ನಡತ್‌ಂಡ್. ದೇವಸ್ಥಾನದ ವ್ಯವಸ್ಥಾಪಕೆರ್ ಪ್ರಶಾಂತ್, ಭಕ್ತಾದಿಲಾಯಿನ ಡಾ.ಪಿಕೆಎಸ್‌ ಭಟ್, ಶಿವರಾಮ ಭಟ್, ಯು. ಕೆ ನಾಯ್ಕ, ಸುರೇಶ್ ದೇವಾಡಿಗ, ಸುನಿತ್ ಕುಮಾರ್, ಶಿವಪ್ರಸಾದ್, ದಯಾನಂದ, ಅಜಿತೇಶ್, ಶಶಿರಾಜ್, ಗಣೇಶ್, ಸೂರ್ಯ ಕುಮಾರ್, ನಾರಾಯಣ ನಾಯ್ಕ, ರಾಧಾಕೃಷ್ಣ ,ಲೋಕೇಶ್, ಮಿಥುನ್, ಉಮೇಶ್, ಶೀನಪ್ಪ, ಪವನ್‌, ರಾಜೇಶ್ ಎಸ್. ,ಸಂತೋಷ್, ಕಾಂತಪ್ಪ ನಾಯ್ಕ, ಶ್ಯಾಮಣ್ ಪಾಲ್‌ ಪಡೆದಿತ್ತೆರ್.

ರಾಜ್ಯಪಾಲೆರೆಗ್ ಕಂಬುಲದ ಲೆಪ್ಪೋಲೆ ಕೊರ್ನ ಅಶೋಕ್‌ ರೈ

ಪುತ್ತೂರು: ನ.24,25,26 ದಾನಿ ಬೆಂಗಳೂರು ಅರಮನೆ ಮೈದಾನಡ್ ನಡಪರೆ ಇಪ್ಪುನ ಬೆಂಗಳೂರು ಕಂಬುಲಗ್ ರಾಜ್ಯದ ರಾಜ್ಯಪಾಲೆರ್ ತಾವರ್‌ಚಂದ್ ಗೆಹ್ಲೊಟ್ ಮೇರೆಗ್ ಕಂಬುಲ ಸಮಿತಿದ ಅಧ್ಯಕ್ಷೆರ್ ,ಪುತ್ತೂರು ಶಾಸಕೆರ್ ಅಶೋಕ್ ರೈ ಲೆಪ್ಪೋಲೆ ಕೊರ್ದು ಆಹ್ವಾನ ಮಲ್ತೆರ್.‌ ‌

ರಾಜಭವನಡ್‌ ಇನಿ ರಾಜ್ಯಪಾಲೆರೆನ್‌ ಭೇಟಿಯಾಯಿನ ಶಾಸಕೆರ್ನ ಮುತಾಲಿಕೆದ ನಿಯೋಗ ಕಂಬುಲದ ಬಗೆಟ್ಟ್ ಪೂರ್ಣ ವಿವರಣೆ ಕೊರಿಯೆರ್. ನಿಯೋಗಡ್ ತುಳು ಕೂಟದ ಅಧ್ಯಕ್ಷೆರ್ ಸುಂದರ್ ರಾಜ್ ರೈ, ಬಿಬಿಎಂಪಿ ಮಾಜಿ ಕಾರ್ಪೊರೇಟರ್ ಉಮೇಶ್ ಶೆಟ್ಟಿ ಸೇರಿನಂಚ ತುಳು ಕೂಟ ಬೊಕ್ಕ ಕಂಬುಲ ಸಮಿತಿದ ‌ಪ್ರಮುಖೆರ್‌ ಇತ್ತೆರ್.

ನ.4-5 ಯುವಕ ಮಂಡಲದ ಸುವರ್ಣ ಮಹೋತ್ಸವ ಸಂಭ್ರಮ ‘ಪಡ್ನೂರು ಉತ್ಸವ-2023

ಪುತ್ತೂರು : ಪಡ್ನೂರು ಶ್ರೀ ಜನಾರ್ದನ ಯುವಕ ಮಂಡಲ ಬೊಕ್ಕ ಶ್ರೀ ಸರಸ್ವತಿ ಯುವತಿ ಮಂಡಲದ ಒಟ್ಟು ಸೇರಿಗಡೆ ಯುವಕ ಮಂಡಲದ ಸುವರ್ಣ ಮಹೋತ್ಸವ ಸಂಭ್ರಮ ‘ಪಡ್ನೂರು ಉತ್ಸವ’ ನ.4 ಶನಿವಾರ ಬೊಕ್ಕ ನ.5 ಐತಾರ ಪಡ್ನೂರು ಶಾಲಾ ವಠಾರದ ಶ್ರೀ ಜನಾರ್ದನ ರಂಗಮಂದಿರಡ್ ನಡಪೆರೆ ಉಂಡು ಪಂದ್ ಸುವರ್ಣ ಮಹೋತ್ಸವ ಸಮಿತಿ ಕಾರ್ಯದರ್ಶಿ ಶ್ರೀಧರ ಕುಂಜಾರು ತೆರಿಪಾಯೆರ್.‌

ಪತ್ರಿಕಾಗೋಷ್ಠಿಡ್‌ ಪಾತೆರ್ನ ಆರ್ ಸುವರ್ಣ ಮಹೋತ್ಸವದ ಅಂಗವಾದ್ ನ.4 ದಾನಿ ಕಾಂಡೆ 7ಕ್ಕ್ ಜನಾರ್ದನ ಸದನಡ್ ಗಣಪತಿ ಹೋಮ ಆದ್‌ ಬೊಕ್ಕ 9.30ಕ್ಕ್ ನಡಪುನ ಉಚಿತ ವೈದ್ಯಕೀಯ ಶಿಬಿರನ್ ಮುರ ಜಯಂತ್ ಕ್ಲಿನಿಕ್‌ದ ಡಾ.ಕೃಷ್ಣಪ್ರಸಾದ್ ಸರ್ಪಂಗಳ ಉದಿಪನ ಮಲ್ತ್‌, ಡಾ.ಎಂ.ಕೆ. ಪ್ರಸಾದ್ ಗುರ್ಕಾರ್ಮೆ ವಹಿಸೆರೆ ಉಲ್ಲೆರ್.

ಮಲ್ಲ ಬಿನ್ನೆರಾದ್ ಡಾ.ಸುರೇಶ್ ಪುತ್ತೂರಾಯ, ಡಾ.ಸಚಿನ್ ಶಂಕರ್ ಹಾರಕರೆ, ಬೇರಿಕೆ ಆದಿಶಕ್ತಿ ಭಜನಾ ಮಂಡಳಿದ ಅಧ್ಯಕ್ಷೆರ್ ಕೃಷ್ಣಪ್ಪ ಕುಲಾಲ್ ಬೇರಿಕೆ, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಪಡ್ನೂರು ಒಕ್ಕೂಟದ ಅಧ್ಯಕ್ಷೆರ್ ತಿಮ್ಮಪ್ಪ ಪಡ್ನೂರು, ನವೋದಯ ಒಕ್ಕೂಟದ ಅಧ್ಯಕ್ಷೆ ಚಂದ್ರಾವತಿ, ಪಡ್ನೂರು ಹಾಲು ಉತ್ಪಾದಕರ ಸಹಕಾರಿ ಸಂಘದ ಅಧ್ಯಕ್ಷೆರ್ ರಾಮಣ್ಣ ಗೌಡ ಪುಳು, ಪಡ್ನೂರು ಸಿಎಚ್‌ಒ ಸೌಮ್ಯ, ಪಡ್ನೂರು ಶ್ರೀರಾಮ ಫ್ರೆಂಡ್ಸ್ ಅಧ್ಯಕ್ಷೆರ್ ಯತೀಶ್ ಪಂಜಿಗುಡ್ಡೆ, ಯರ್ಮುಂಜಪಳ್ಳ ಗೆಳೆಯರ ಬಳಗದ ಅಧ್ಯಕ್ಷೆರ್ ಕುಶಲ ಗೌಡ ಪಂಜಿಗುಡ್ಡೆ ಪಾಲ್‌ ಪಡೆಯೆರೆ ಉಲ್ಲೆರ್‌ ಪಂದ್‌ ತೆರಿಪಾಯೆರ್.

ಜ.6: ಶ್ರೀರಾಮ ಗೆಳೆಯರ ಬಳಗ ಪುತ್ತಿಲ ಬೊಕ್ಕ ಪುತ್ತಿಲ ಪರಿವಾರ ಮುಂಡೂರು ವತಿರ್ದ್ ‘ಸಾರ್ವಜನಿಕ ಶ್ರೀ ದುರ್ಗಾ ಪೂಜೆ ಬೊಕ್ಕ ಧಾರ್ಮಿಕ ಕಾರ್ಯಕ್ರಮ

ಪುತ್ತೂರು : ಶ್ರೀರಾಮ ಗೆಳೆಯರ ಬಳಗ ರಿ. ಪುತ್ತಿಲ ಬೊಕ್ಕ ಪುತ್ತಿಲ ಪರಿವಾರ ಮುಂಡೂರು ವತಿರ್ದ್ ಸಾರ್ವಜನಿಕ ಶ್ರೀ ದುರ್ಗಾ ಪೂಜೆ ಬೊಕ್ಕ ಧಾರ್ಮಿಕ ಕಾರ್ಯಕ್ರಮ ಜ.6 ದಾನಿ ಬಯ್ಯಗ್ ಶ್ರೀರಾಮ ಕ್ರೀಡಾಂಗಣ ಪುತ್ತಿಲಡ್ ನಡಪೆರೆ ಉಂಡು. ಈ ಪೊರ್ತುಡು ಪದಾಧಿಕಾರಿಲೆನ ಆಯ್ಕೆ ಪ್ರಕ್ರಿಯೆ ನಡತ್‌ಂಡ್.‌

ಗೌರವಾಧ್ಯಕ್ಷೆರ್ ಅರುಣ್ ಕುಮಾರ್ ಪುತ್ತಿಲ, ಅಧ್ಯಕ್ಷೆರ್ ಅನಿಲ್ ಕುಮಾರ್ ಕಣ್ಣರ್ನೂಜಿ, ಪ್ರಧಾನ ಕಾರ್ಯದರ್ಶಿ ಬಾಲಚಂದ್ರ ಸೊರಕೆ, ಜೊತೆ ಕಾರ್ಯದರ್ಶಿ ಪ್ರಸಾದ್ ಬಿ.ಕೆ, ಗೀತಾ ರಮೇಶ್ ಕುರೆಮಜಲು, ಕೋಶಾಧಿಕಾರಿ ಬಾಲಚಂದ್ರ ಗೌಡ ಕಡ್ಯ, ಸಂಚಾಲಕೆರ್ ನೀಲಪ್ಪ ಪೂಜಾರಿ ಕುರೆಮಜಲು, ಸಹ ಸಂಚಾಲಕೆರ್ ಪುರಂದರ ಗೌಡ ನಡುಬೈಲು, ರಾಧಾಕೃಷ್ಣ ಪುತ್ತಿಲ, ಅವಿನಾಶ್ ಕೆದಗೆದಡಿ, ಪ್ರತೀಕ್ ಪುತ್ತಿಲ, ಉಪಾಧ್ಯಕ್ಷೆರಾದ್ ಪುಷ್ಪ ಪುರಂದರ ಗೌಡ ನಡುಬೈಲು, ಮೋನಪ್ಪ ಗೌಡ ಗುತ್ತಿನಪಾಲು, ವಿನಯ್ ಪುತ್ತಿಲ, ಜಗದೀಶ ಕಲ್ಲಮ, ಚಂದ್ರಶೇಖರ ಕುರೆಮಜಲು, ಚಂದ್ರಶೇಖರ ಕೆದಗೆದಡಿ, ಸಂಘಟನಾ ಕಾರ್ಯದರ್ಶಿ ಹರೀಶ್ ಬಿ.ಕೆ.,ಯೋಗಿಶ್ ಕಲ್ಲಮ, ವಿಶ್ವನಾಥ ಗೌಡ ನಡುಬೈಲು, ಶಿವಪ್ಪ ನಾಯ್ಕ್ ಬರೆಕೊಲಾಡಿ, ಗಣೇಶ್ ನಾಯ್ಕ್ ಕೋಡಿಬೈಲು. ಗೌರವ ಸಲಹೆಗಾರೆರ್ ಅಶೋಕ್ ಕುಮಾರ್ ಪುತ್ತಿಲ, ಬಾಲಕೃಷ್ಣ ಪೂಜಾರಿ ಕುರೆಮಜಲು, ಸುಂದರ ನಾಯ್ಕ್ ಬಿ.ಕೆ., ಸನತ್ ಸುವರ್ಣ ಪೆರಿಯಡ್ಕ, ಮೋಹನ ನಾಯ್ಕ್ ಕೆದಗೆದಡಿ, ಸಜ್ಜನ್ ಕುಮಾರ್ ಕಣ್ಣರ್ನೂಜಿ ಆಯ್ಕೆ ಆಯೆರ್.