Mon. Nov 23rd, 2026

ಊರ್ದ ಸುದ್ದಿ Regional News

ಮೆತ್ತನೆದ ಪೊರ್ಲು ಪಾದೊಗು ಮೂಲು ಉಂಡು ಟಿಪ್ಸ್

ನಿಕ್ಲೆನ ಪಾದೊಲು ಸಮೇತ ಪೊರ್ಲುನು ಜಾಸ್ತಿ ಮಲ್ಪೆರೆ ಸಕಾರಿ ಆಪುಂಡು. ಪಾದೊಲು ನುಂಗುದು ಪುಡಾಯೆರೆ ಸುರು ಆಪುಂಡು, ಅಂಚೆನೆ ದ್ವರಗ್ ಪಾದ ಬೊಕ್ಕ ಪಾದದ ಅಡಿ ಮಸ್ತ್ ದಪ್ಪ ಇಂಚ ಮಾತ ಇಪ್ಪುಂಡು. ಮಾತ ಪೊರ್ಲು ಬೊಕ್ಕ ಮೆತ್ತನೆ ಇಪ್ಪೆರೆ ಕೆಲವು ಟಿಪ್ಸ್ಲು ಉಂಡು ತೆರಿಯೊನುಗ. 1. ಬಯ್ಯ ನಿಕ್ಲನ ಮಾತ ಕೆಲಸ ಮುಗಿ ಬೊಕ್ಕ ಒಂಜಿ ಅಗೆಲ ಬಕೆಟ್ ದೆತೊಂದು ಪಾದ ಮುರ್ಕುನ ಮುಟ್ಟ ಉಗುರು ಬೆಚ್ಚ ನೀರ್‌ನ್ ಪಾಡ್ಡೆ. ಒಂಜಿ ಅಂಬೆನ್ ಕಟ್ಟೆ ಮಲ್ತದ್ ರಡ್ ಪಾನೊಗುಲಾ ಸರಿ ಉರ್ದುದು ನೀರ್ ಕಾರ್ ಮುರ್ಕಾದ್ 15 ನಿಮಿಷ ದೀಲೆ. ನಿಕ್ಸನ ದ್ವರಗ್ ಚರ್ಮ ಪೋದು ಪಾದ ಮೆತ್ತನೆ ಆಪುಂಡು.

2. ಮೂಜಿ ಮಲ್ಲ ಚಮ್ಮ ಓಟ್ಸ್, ರಡ್ ಮಲ್ಲ ಚಮ್ಮ ಸಕ್ಕರೆ ಬೊಕ್ಕ ರಡ್ಡ್ ಮಲ್ಲ ಚಮ್ಮ ಪೇರ್ ಸೇರಾದ್ ಎಡ್ಡೆ ಮಿಕ್ಸ್ ಮಲ್ಲುಲೆ ಇಂದೆನ್ ನಿಕ್ಲೆನ ಪಾದದ ಅಡಿಕ್ ಪೂಜಿದ್ ಮಸಾಜ್ ಮಲ್ಲುಲೆ. 15 ನಿಮಿಷ ಬುಡ್ಲೆ ಬೊಕ್ಕ ಉಗುರು ಬೆಚ್ಚ ನೀರ್‌ಡ್ ದೆಕ್ಕಲೆ. ವಾರಗ್ ರಡ್ಡ್ ಸಲ ಅತ್ತ್ಂಡ ಮೂಜಿ ಸಲ ಈ ವಿಧಾನೊನು ಮಲ್ತ್ಂಡ ಪೊರ್ಲುದ ಮೆತ್ತನೆದ ಪಾದ ನಿಕ್ಲನ ಆಪುಂಡು.
3.ಚಿತ್ರ್ ಪುಳಿದ ಚೋಲಿನ್ ನುಂಗಾದ್ ಪೊಡಿ
ಮಲ್ತ್ ದೀಲೆ. ಒಂಜಿ ಮಲ್ಲ ಚಮಚ ಚಿತ್ರ್ ಪುಳಿದ ಪೊಡಿ ಬೊಕ್ಕ ಗುಲಾಬಿದ ನೀರ್‌ನ್ ಬೆರಕೆ ಮಲ್ತ್ ಪಾದೊಲೆಗ್ ಮುಟ್ಟಾದ್ 15 ನಿಮಿಷ ನುಂಗೆರೆ ಬುಡ್ಡೆ, ಬೊಕ್ಕ ಉಗುರು ಬೆಚ್ಚ ನೀರ್‌ಡ್ ದೆಕ್ಕಲೆ. ಪಾದೊದ ಮಾತ ಸಮಸ್ಯೆಲು ದೂರ ಆಪುಂಡು.

4. ರಾತ್ರಿ ಜೆಪ್ಪುನೆರ್ದ್ ದುಂಬು ತಾರಾಯಿದ ಎಣ್ಣೆನ್ ಪಾದದ ಅಡಿಕ್ ಮುಟ್ಟಾದ್ ಜೆತ್ಂಡ ಪಾದ ಮೆದು ಬೊಕ್ಕ ಪೊರ್ಲು ಇಪ್ಪುಂಡು.

ವಿಕ್ರಾಂತ್ ತುಳು ಸಿನೆಮಾ ಬುಡುಗಡೆ

ಕುಡ್ಲ , ನ.14: ರಾಧಾ ನಿಸರ್ಗ ಕಂಬೈನ್ಸ್ ಲಾಂಛನಡ್ ರಾಜೇಂದ್ರ ಯಶು ಬೆದ್ರೋಡಿ ನಿರ್ಮಾಣಡ್ ನವೀನ್ ಮಾರ್ಲ ಕೊಡಂಗೆ ನಿರ್ದೇಶನಡ್ ತಯಾರಾಯಿನ ವಿಕ್ರಾಂತ್ ತುಳು ಸಿನಿಮಾ ಶುಕ್ರವಾರ ಪೇಂಟೆದ ಭಾರತ್ ಸಿನಿಮಾಸ್‌ಡ್ ಬುಡುಗಡೆ ಆಂಡ್ .

ಅರೆಸ್ಸೆಸ್ ಮುಖಂಡ ಕಲ್ಲಡ್ಕ ಪ್ರಭಾಕರ ಭಟ್ ಸಿನಿಮಾ ಬುಡುಗಡೆ ಮಲ್ತ್ ಪಾತೆರಿಯೆರ್ .ಜಾಗತಿಕ ಬಂಟರ ಸಂಘದ ಒಕ್ಕೂಟದ ಗುರ್ಕಾರ್ಲಾಯಿನ ಐಕಳ ಹರೀಶ್ ಶೆಟ್ಟಿ, ಉಪಾಧ್ಯಕ್ಷ ಕರ್ನಿರೆ ವಿಶ್ವನಾಥ ಶೆಟ್ಟಿ, ಚಿತ್ರದ ನಿರ್ಮಾಪಕ ರಾಜೇಂದ್ರ ಯಶು ಬೆದ್ರೋಡಿ, ನಿರ್ದೇಶಕ ನವೀನ್ ಮಾರ್ಲ ಕೊಡಂಗೆ, ಚಲನಚಿತ್ರ ನಿರ್ಮಾಪಕೆರಾಯಿನ ಪ್ರಕಾಶ್ ಪಾಂಡೇಶ್ವರ್, ಭರತ್ ಕುಮುಡೇಲ್, ನಟ ವಿನೋದ್ ಶೆಟ್ಟಿ ನಟಿ ಶೀತಲ್ ನಾಯಕ್, ರಮೇಶ್ ರೈ ಕುಕ್ಕುವಲ್ಲಿ, ಆರ್. ಪಾಲ್ ಪಡೆದಿತ್ತೆರ್.

Mangalore, Nov 14: Vikrant Tulu Cinema, directed by Rajendra Yasho Bedrodi and produced by Rajendra Yasho Bedrodi, was released at Bharat Cinemas in the city on Friday.

Addressing a press release, Kalladka Prabhakar Bhatt released the film. In rye cooking, r. Were present.

ಇರೆಟ್ ಚಿತ್ರ ಬುಡ್ಪಾದ್ ತನ್ನ ಕಲಾ ಚಾತುರ್ಪುನು ಪ್ರದರ್ಶನ ಮಲ್ತೊಂದು ಬರೊಂದುಪ್ಪುನ ಎಲ್ಯ ಪ್ರಾಯದ ಜವನ್ಯೆ ಧೀರಜ್ ಕಾಪಿಕಾಡ್

ಇಂಚೊಗ್ ಸಾಮಾಜಿಕ ಜಾಲತಾನೂಡು. ಫೇಸ್ಬುಕ್. ವಾಟ್ಸೆಪು. ಸ್ಟೇಟಸ್ಲೆಡ್ ಓಲು ತೂಂಡಲ ಧೀರಜ್ ಬುಡ್ಪಾಯಿನ ಈ (ಲೀಫ್ ಆರ್ಟ್) ಇರೆತ ಚಿತ್ರನೆ ತುಯೆರೆ ತಿಕ್ಕೂಂದು ಉಂಡು !

ತಾರಾನಾಥ್ ಸೌಮ್ಯ ದಂಪತಿಲೆನ ಮಗೆ ಆಯಿನ 22 ವರ್ಷ ಪ್ರಾಯದ ಧೀರಜ್.
ವಿದ್ಯಾಭ್ಯಾಸೂಡು ಡಿಪ್ಲೊಮಾ ಮಂತ್ತಿನ ಇಂಬೆರ್. ಬೆಂಗಳೊರ್ಡ್ ಒಂಜಿ ಖಾಸಗಿ ಕಂಪನಿಡ್ ಬೆನೊಂದು ಉಲ್ಲೆರ್. ತುಳುನಾಡ್ದ ಸಂಸ್ಕೃತಿ ಆಚಾರ ವಿಚಾರೊಲೆದ ಬಗ್ಗೆ ಬಾರಿ ಒಲವು ಇತ್ತಿನಾರ್ ಧೀರಜ್.

ಗಾಡಿದ ಮಿತ್ತ್ ಇತ್ತಿನ ಚಿತ್ರೊಲೆದ ಸ್ಟಿಕರ್ ತೂದ್. ಯಾನ್ಲ ಇಂಚೆನೆ ಚಿತ್ರೊಲೆನ ಬುಡ್ಪಾವೊಡು ಪನ್ಪುನ ಯೋಚನೆ ಇಂಬೆರೆನ ಮನಸ್ಸುಗ್ ಬತ್ಂಡ್.ಅವು ದಾದಾನೊ ಒಂಜಿ ದಿನ ಅಶ್ವಥದ ಇರೆಟ್ ತುಳುನಾಡ್ದ ಕಾರ್ನಿಕದ ದೈವ ಸ್ವಾಮಿ ಕೊರಗಜ್ಜನ ಚಿತ್ರ ಬುಡ್ಪಾಯೆರೆ ಪ್ರಯತ್ನ ಬತ್ತೆರ್.ಆ ಚಿತ್ರ ಬಾರಿ ಪೊರ್ಲುಡೆ ಮೂಡುದು ಬತ್ಂಡ್ಲ. ಅಂಚನೆ ಸಾಮಾಜಿಕ ಜಾಲತಾಣಡ್ ಬಾರಿ ವೈರಲ್ ಆಂಡ್.

ಅವೆರ್ದ್ ಬೊಕ್ಕ ಅಂಚನೆ ಆ ಚಿತ್ರ ಬುಡ್ಪಾವುನ ಕಲೆನ್ ದುಂಬರ್ತೊಂದು ಬತ್ತೆರ್ .
ಬೇತೆ ಬೇತೆ ರೀತಿದ ಕೆಲವು ಚಿತ್ರೂಲೆನ್ ಮಂತೆರ್.
ಜನಕ್ಲೆನ ಬಾರಿ ಬೆಂಬಲ ತಿಕ್ಂಡ್. ಚಿತ್ರೊಗಾದ್ ಬಾರಿ ಬೇಡಿಕೆಲ ಬರಿಯೆರೆ ಸುರುಆಂಡ್. ಮದಿಮೆಗ್. ಪುಟ್ಟು ಪರ್ಬೊಗ್ ಮಾತಾ ಉಡುಗೊರೆ ಆದ್ ದೀಯೆರೆ ಲೀಫ್ ಆರ್ಟ್ ಚಿತ್ರ ಮಂತ್ ಕೊರ್ಲೆ ಪಂದ್ ಜನಕ್ಲು ಪುರಾ ಬೇಡಿಕೆ ದಿಯೆರೆ ಸುರುಮಂತೆರ್ ಇಂಬೆರೆಡ.
ಅಂಚನೆ ನಮ್ಮ ಶಾಸಕೆರಾಯಿನ ವೇದವ್ಯಾಸ ಕಾಮತ್ ಇಂಬೆರೆನ ಚಿತ್ರಲ ಮಂತೆರ್ ಧೀರಜ್. ಆ ಚಿತ್ರನ್ ತೂಯಿನ ಶಾಸಕೆರ್ ಅರೆನ ಇನ್ಸ್ಟಾಗ್ರಾಂ ಪೇಜ್ಡ್ ಸ್ಟೇಟಸ್ ಪಾರ್ದ್ ಅಭಿನಂದನೆ ಸಲ್ಲಿಸಾಯೆರ್.ತುಳುನಾಡ್ದ ಸಂಸ್ಕೃತಿನ್ ಬಿಂಬಿಸಾವುನ ಆಟ. ಪಿಲಿ ಏಸ. ಇಂಚ್ಚಿನ ಮಾತಾ ಚಿತ್ರೊಲೆನ್ ಬುಡ್ಪಾವೊಡು ಪನ್ಪುನ ಇಂಬೆರೆನ ಆಸೆ.


ಇಂಬೆರೆನ ಈ ಆಸೆ ಆಯಿನಾತ್ ಬೇಗ ಇಡೇರಡ್. ತುಳುನಾಡ್ದ ಸಂಸ್ಕೃತಿನ್ ಬಿಂಬಿಸಾವುನ ನನಲಾತ್ ಚಿತ್ರೂಲು ಇರೆನ್ ಕೈಟ್ ಮೂಡುದು ಬರಡ್. ಇರ್ನ ಈ ಕಲೆ ನನಲಾತ್ ಎತ್ತರೂಗ್ ಪೊವಡ್ ಪಂದ್ ಎಡ್ಡೆಪು ಬಯಕುವ. ಸೊಲ್ಮೆಲು.
✍🏻ಕಿಶೋರ್ ಕೊಂಡಾಣ

ಲಯನ್ಸ್‌ ಕ್ಲಬ್‌ ಕಾರ್ಕಳ ಸಿಟಿ ವತಿರ್ದ್ ಪೊಲೀಸ್‌ ಠಾಣೆಗ್ ಸಿಸಿಟಿವಿ ಕೊಡುಗೆ

ಕಾರ್ಲ : ಲಯನ್ಸ್‌ ಕ್ಲಬ್‌ -ಕಾರ್ಕಳ ಸಿಟಿ ವತಿರ್ದ್ ಕಾರ್ಲ ನಗರ ಪೊಲೀಸ್‌ ಠಾಣೆಗ್ ಸಿಸಿಟಿವಿ ನ್ ಕೊಡುಗೆಯಾದ್ ಕೊರ್ತೆರ್. ಪೊಲೀಸ್‌ ಠಾಣೆ ಮಲ್ತಿನ ಬಿನ್ನಾಪುದ ಪ್ರಕಾರ ಜೋಡುಮಾರ್ಗ ಬೊಕ್ಕ ಸಾಣೂರು ಗ್ರಾ.ಪಂ. ಸದಸ್ಯ ಕರುಣಾಕರ್‌ ಕೋಟ್ಯಾನ್‌ ಮೆರೆನ ಬಿನ್ನಾಪುದ ಮಿತ್ತ್ ಸಾಣೂರು ಮುರತ್ತಂಗಡಿಗ್ ಪಾಡೆರೆ ಸಿಸಿಟಿವಿ ಕೊರ್ತೆರ್ ನ. 12 ಕ್ಕ್ ಪೊಲೀಸ್‌ ಠಾಣೆಡ್ ಡಿ.ವೈ.ಎಸ್.ಪಿ. ಎಸ್ ವಿಜಯ ಪ್ರಸಾದ್, ಸರ್ಕಲ್ ಇನ್ಸಪೆಕ್ಟರ್ ಸಂಪತ್ ಕುಮಾರ್, ಎಸ್.ಐ. ಮಧು ಬಿ.ಇ. ಮೆರೆಗ್ ಸಿಸಿಟಿವಿ(CCTV CAMERA)ಹಸ್ತಾಂತರ ಮಲ್ತೆರ್ .

CCTV Donation to Police Station by Lions Club Karkala City:

Karkala: Lions Club – City of Karkala donated CCTV to Karkala city police station. On request of the police station, Jodurstay and Sanur At the request of Member Karunakar Kotan, CCTV was given for the installation of Sanur Murattangadi.

ಮಂಗಳೂರು ವಿಶ್ವವಿದ್ಯಾನಿಲಯ : 15 ಜನಕ್ ಸಾಧಕೆರೆಗ್ ಮಾನದಿಗೆ

ಮಂಗಳಗಂಗೋತ್ರಿ: ದಶಮ ಗೌಜಿಡ್ ಉಪ್ಪುನ ಕುಡ್ಲ ವಿಶ್ವವಿದ್ಯಾನಿಲಯದ ಡಾ| ಪಿ. ದಯಾನಂದ ಪೈ ಬೊಕ್ಕ ಪಿ. ಸತೀಶ್‌ ಪೈ ಯಕ್ಷಗಾನ ಅಧ್ಯಯನ ಕೇಂದ್ರ ಯಕ್ಷಗಾನ ಕ್ಷೇತ್ರಡ್ ಸಾಧನೆ ಮಲ್ತಿನ ಸಾಧಕೆರೆಗ್ ದಶಮಾನೋತ್ಸವ ಮಾನದಿಗೆ ಮಲ್ಪರೆ ನಿರ್ಧಾರ ಮಲ್ದೆರ್.

ತೆಂಕು ಬಡಗುತಿಟ್ಟುದ ಹಿಮ್ಮೇಳ ಬೊಕ್ಕ ಮುಮ್ಮೇಳ ಸಹಿತ 15 ಜನಕ್ “ದಶಮಾನೋತ್ಸವ ಪ್ರಶಸ್ತಿ’ಗ್ ಬೊಕ್ಕ ಯಕ್ಷಗಾನ ಸಾಹಿತ್ಯ ಕ್ಷೇತ್ರದ ರಡ್ಡ್ ಸಾಧಕೆರೆಗ್ “ಕೃತಿ ಪ್ರಶಸ್ತಿ’ ಮಾನದಿಗೆ ಮಲ್ಪರೆ ಉಲ್ಲೆರ್ .

Mangalore Gangotri: Mangalore University Dr. Dashammabasi P. Dayananda Pai and P. Satish Pai Yakshagana Study Center has decided to award the Dakshinotsava Award to the performers of Yakshagana.

Fifteen people, including Tenku Badagitta’s backing and mummella, are being awarded the “Dashamanotsava Award” and two achievements in the field of Yakshagana Literature.

2 ವರ್ಷದ ಕೋವಿಡ್ ಬ್ರೇಕ್ ಡ್ದ್ ಬೊಕ್ಕ ಜೈನಕಾಶಿಡ್ ನಡಪರೆ ಉಂಡು ಅಳ್ವಾಸ್ ನುಡಿಸಿರಿ-ವಿರಾಸತ್

ಬೆದ್ರ,ನ.12: ಕೊರೊನಾ ಕಾರಣಡ್ದಾವರ ರಡ್ಡ್ ವರ್ಷ ಇಜ್ಜಂದಿನ ಆಳ್ವಾಸ್ ನುಡಿಸಿರಿ ಬೊಕ್ಕ ವಿರಾಸತ್, ಈ ಸರ್ತಿ ಬೆದ್ರದ ವಿದ್ಯಾಗಿರಿಡ್ ಡಿ.31 ಜೆಡ್ದ್ ಜ. 2 ಮುಟ್ಟ ನಡಪರೆ ಉಂಡು.

ಈ ವರ್ಷ ರಡ್ಡ್ ಕಾರ್ಯಕ್ರಮಲ ಒಟ್ಟುಗು ನಡಪುನವ್ ನನೊಂಜಿ ವಿಶೇಷವಾತ್ಂಡ್. ಡಿಸೆಂಬರ್ 31 ಕ್ಕ್ ಆಳ್ವಾಸ್ ವಿರಾಸತ್ ಬೊಕ್ಕ ನುಡಿಸಿರಿ ಉದಿಪನ ಆದ್, 2022 ಜನವರಿ 2 ಮುಟ್ಟ 11 ವೇದಿಕೆಡ್ ಮಸ್ತ್ ಕಾರ್ಯಕ್ರಮಲು ನಡಪರೆ ಉಂಡು.

ಸರಿಯಾಯಿನ ಪೊರ್ತು ಬನ್ನಗ ಬಿಟ್ ಕಾಯಿನ್ ಪ್ರಕರಣದ ದಾಖಲೆನ್ ಬುಡುಗಡೆ ಮಲ್ಪುವ – ಡಿಕೆಶಿ

ಬೆಂಗ್ಳೂರ್, ನ. 12 : ಬಿಟ್ ಕಾಯಿನ್ ಪ್ರಕರಣಗ್ ಸಂಬಂಧಿಸಾದ್ ಮಾತ ದಾಖಲೆನ್ ಸಂಗ್ರಹಣೆ ಮಲ್ತ್ ದ. ಸರಿಯಾಯಿನ ಪೊರ್ತು ಬನ್ನಗ ಬುಡುಗಡೆ ಮಲ್ಪುವ ಪಂದ್ ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ. ಶಿವಕುಮಾರ್ ಪಂಡೆರ್.

 

ಈ ವಿಷಯಡ್ ಪಾತೆರ್ದಿನ ಆರ್, ಬಿಟ್ ಕಾಯಿನ್ ಪ್ರಕರಣನ್ ಬಿಜೆಪಿ ಸರ್ಕಾರ ಮುಚ್ಚಾದ್ ಪಾಡ್ರೆ ಪ್ರಯತ್ನ ಮಲ್ತೊಂದಿತ್ತ್ ದ್, ಮುಖ್ಯಮಂತ್ರಿಲು ಅಂಚನೆ ಗೃಹ ಸಚಿವೆರ್ ಈ ವಿಷಯಡ್ ಮಸ್ತ್ ಪಾತೆರ್ದೆರ್. ಕೊಡೆ ಕುಮಾರಸ್ವಾಮಿ ಮೇರ್ ಲ ಪಂತೆರ್. ಸರ್ಕಾರ ಪ್ರಕರಣದ ವಿಚಾರವಾದ್ ಮಾಧ್ಯಮಲೆಗ್ ಬುಡುಗಡೆ ಮಲ್ತಿನ ಮಾಹಿತಿನ್ ಅಕುಲೆಗ್ ಅನುಕೂಲ ಆಪುನಂಚಿನ ಅಂಶಲೆನ್ ಮಾತ್ರ ಬುಡುಗಡೆ ಮಲ್ತೊಂದುಲ್ಲೆರ್ ಪಂದ್ ಪಂಡೆರ್.

ನನ ದುಂಬುಗ್ ಬಸ್ ಡ್ ಜನಕುಲು ಮೊಬೈಲ್ ಡ್ ಪದ ಪಾಡ್ಯರ ಇಜ್ಜಿ

ಬೆಂಗ್ಳೂರ್, ನ.12: ಬಸ್ ಡ್ ಪೋನಾಗ ಮಸ್ತ್ ಜನಕುಲು ಮೊಬೈಲ್ ನ್ ಗಳಸುನವ್ ಸಾಮಾನ್ಯ. ಮಸ್ತ್ ಜನಕುಲು ಮೊಬೈಲ್ ಡ್ ಪದನ್ ಕೆನೊಂದು ಪೋಪೆರ್. ಕೆಲವೆರ್ ಇಯರ್ ಫೋನ್ ದೀದ್ ಪದ ಕೇಂಡ, ನನ ಕೆಲವೆರ್ ಜೋರಾದ್ ಪದ ದೀದ್ ಅಕುಲೆಗ್ ಮಾತ್ರ ಅತ್ತಂದೆ ಮಾತ ಜನಕುಲೆಗ್ ಕೇನುಲೆಕ ದೀಪೆರ್. ಆಂಡ ನೆಕ್ಕ್ ಬ್ರೇಕ್ ಪಾಡ್ಯರ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ಸೂಚಿಸಾದೆರ್.

ಜನಕುಲು ಬಸ್ಸ್ ಡ್ ಮೊಬೈಲ್ ಮುಖೇನ ಜೋರಾದ್ ಪದ, ವಾರ್ತೆ, ಸಿನಿಮಾನೆಲ್ ಪಾಡುನವ್ ಶಬ್ದ ಮಾಲಿನ್ಯ ಬೊಕ್ಕ ಬೇತೆ ಜನಕುಲೆಗ್ ತೊಂದರೆಯಾಪುಂಡ್. ಈ ಬಗೆಟ್ ಹೈಕೋರ್ಟ್ ಡ್ ಮಸ್ತ್ ಜನಕುಲು ಅರ್ಜಿನ್ ದಾಖಲಿಸಾದೆರ್.

ಒಡಿಪುಡ್ ಜಿ.ಶಂಕರ್ ಆರೋಗ್ಯ ಸುರಕ್ಷಾ ಕಾರ್ಡ್ ರಿನೀವಲ್ ಮಲ್ಪುನ ಲೇಸ್

ಜಿ. ಶಂಕರ್ ಫ್ಯಾಮಿಲಿ ಟ್ರಸ್ಟ್ (ರಿ.) ಅಂಬಲಪಾಡಿ ಒಡಿಪು, ಮೊಗವೀರ ಯುವ ಸಂಘಟನೆ (ರಿ.) ಒಡಿಪು ಜಿಲ್ಲೆ ಮುಕುಲ್ ಮಣಿಪಾಲ ಸಿಗ್ನಾ ಹೆಲ್ತ್ ಇನ್ಸುರೆನ್ಸ್ ಕಂಪೆನಿ ಮುತಾಲಿಕೆಡ್ ಮಾಹೆ ಮಣಿಪಾಲ ಒಟ್ಟು ಸೇರುಗೆಡ್ ಸುರು ಮಲ್ತಿನ ಆರೋಗ್ಯ ಸುರಕ್ಷಾ ಯೋಜನೆದ ಜಿ. ಶಂಕರ್ ಆರೋಗ್ಯ ಸುರಕ್ಷಾ ಕಾರ್ಡ್ ನ್ ರಿನೀವಲ್ ಮಲ್ಪುಲೆ ಅಂಚನೆ ಪೊಸ ಕಾರ್ಡ್ ನ್ ನೊಂದಣಿ ಮಲ್ಪುನ ಲೇಸ್ ನವೆಂಬರ್ 15 ನೆಡ್ದ್ ನವೆಂಬರ್ 30 ಮುಟ್ಟ ಒಡಿಪುದ ಅಂಬಲಪಾಡಿಡ್ ನಡಪರೆ ಉಂಡು.

50 ಸಾರ ಮೌಲ್ಯದ ಆರೋಗ್ಯ ವಿಮಾ ಯೋಜನೆ ಉಂದಾದಿತ್ತ್ ದ್, ಕಾರ್ಡ್ ಮಲ್ಪುನಕುಲ್ ಈ ವಿಮಾ ಯೋಜನೆಡ್ ಇತ್ತಿನ ಸೀಕ್ ದ ಸೌಲಭ್ಯನ್ ಪಡೆಯೋಲಿ. ಕುಟುಂಬದಕುಲ್ ರೇಷನ್ ಕಾರ್ಡ್ ಬೊಕ್ಕ ಆಧಾರ್ ಕಾರ್ಡ್ ದೊಟ್ಟುಗ್ ಜಾಗೆಗ್ ಬತ್ತ್ ದ್ ನೊಂದಣಿನ್ ಮಲ್ಪೊಲಿ. ಎಚ್ಚದ ಮಾಹಿತಿಗಾದ್ 0820-2532099/9380103099/9845208043 ನಂಬರ್ ಗ್ ಲೆಪ್ಪು ಕೊರ್ಲೆ.

ಕುಡ್ಲ :ಪೇಂಟೆದ ಕಂಕನಾಡಿ ಕೈತಲ್ ಡ್ ಕಾರ್ ದ ಉಲಯಿ ಒಂಜಿ ಜನತ್ತ ಪುನ ತಿಕ್ ದ್ಂಡ್.

ಕುಡ್ಲ, ನ.12: ಪೇಂಟೆದ ಕಂಕನಾಡಿ ಕೈತಲ್ ಡ್ ಕಾರ್ ದ ಉಲಯಿ ಒಂಜಿ ಜನತ್ತ ಪುನ ತಿಕ್ ದ್ಂಡ್.. ಗುರುವಾರ ಕತ್ತಲೆಡ್ದ್ ಈ ಕಾರ್ ಕಂಕನಾಡಿಡ್ ಉಂತುದಿತ್ತ್ಂಡ್ ಪಂದ್ ಕೈತಲ್ ದ ಜನಕುಲು ಮಾಹಿತಿನ್ ಕೊರ್ತೆರ್.

ಇನಿ ಮಧ್ಯಾಹ್ನಲ ಈ ಕಾರ್ ಅನಾಥವಾಯಿನ ಸ್ಥಿತಿಡ್ ಇತ್ತಿನೆನ್ ತೂಯಿನ ಜನಕುಲು ಕಾರ್ ದ ಉಲಯಿ ಒಂಜಿ ಜನತ್ತ ಪುನ ತಿಕ್ ದ್ಂಡ್. ಪೊಲೀಸೆರ್ ಜಾಗೆಗ್ ಬತ್ತ್ ದ್, ಪರಿಶೀಲನೆ ಮಲ್ತೊಂದುಲ್ಲೆರ್.

You Missed