Sat. Nov 21st, 2026

ಊರ್ದ ಸುದ್ದಿ Regional News

ತುಳು ಪಾತೆರ್ಗ ತುಳು ಒರಿಪಾಗ ದುಬೈ ಯುಎ ಕೂಟದ 9 ನೇ ವರ್ಷದ ನೆತ್ತೆರ್ ಕೊರ್ಪಿನ ಶಿಬಿರ

ತುಳು ಪಾತೆರ್ಗ ತುಳು ಒರಿಪಾಗ ದುಬೈ ಯುಎ ಕೂಟದ 9 ನೇ ವರ್ಷದ ನೆತ್ತೆರ್ ಕೊರ್ಪಿನ ಶಿಬಿರ ಮಾರ್ಚ್ 13ನೇ ಐತಾರದಾನಿ ದುಬೈದ ಲತೀಫ್ ಆಸ್ಪತ್ರೆಡ್ ನಡತ್ಂಡ್.

ದುಬೈದ ಸಾಮಾಜಿಕ ರುವಾರಿ ಬಾಲಕೃಷ್ಣ ಸಾಲಿಯಾನ್ ಮೆರ್ನ ಸಾಕಾರಡ್ ನಡತಿನ ಶಿಬಿರಡ್ ಕೂಟದ ಪೆರಿಯ ಸದಸ್ಯೆರ್ ಆಯಿನ ಪ್ರಭಾಕರ್ ಶೆಟ್ಟಿ, ನೋವೇಲ್ ಅಲ್ಮೆಡ, ಸತೀಶ್ ಉಳ್ಳಾಲ್, ಅಜ್ಮಲ್ ದುಬೈ, ಅಶ್ವಥ್ ಬೈಲೂರು, ಪ್ರೇಮ್ ಜಿ, ಪ್ರೀತು ಅಂಚನ್ ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್. ಅಂಚನೆ ಕೂಟದ ಮಾತ ಸದಸ್ಯೆರ್ ಸೇರ್ದ್ 70ರ್ದ್ ಲ ಮಸ್ತ್ ಜನಕುಲು ನೆತ್ತೆರ್ ಕೊರ್ದ್ ಕರ್ಮ ಭೂಮಿದ ಋಣನ್ ತೀರಿಸಾದ್ ಕಾರ್ಯಕ್ರಮ ಎಡ್ಡೆ ರೀತಿಡ್ ಆಪಿಲೆಕ್ಕ ಮಲ್ತೆರ್.

The ninth annual blood donation camp of ” Tulu paterga ; Tulu oripaga ” association of Dubai UAE

The blood donation camp b “Tulu paterlay Tulu oripaley” association was held on Sunday the 13 th of March at Latif hospital Dubai.

Social leader from Dubai Balakrishna Salian lead the camp and more than 70 members donated blood; in the name of the mother land and mother tongue

ಹಿಜಾಬ್ ಲಡಾಯಿ ಸುಪ್ರೀಂ ಕೋರ್ಟ್ಗ್ ಪೋಯೆರೆ ನಿರ್ಧಾರ ಮಲ್ತಿನ ಅರ್ಜಿದಾರೆರ್

ಬೆಂಗ್ಳೂರು : ಹಿಜಾಬ್ ಪಾಡುನ ಇಸ್ಲಾಂದ ಕಡ್ಡಾಯ ಭಾಗ ಅತ್ತ್ , ಶೈಕ್ಷಣಿಕ ಸಂಸ್ಥೆಡ್ ಹಿಜಾಬ್ ಪಾಡೆರೆ ಬಲ್ಲಿ , ಸರ್ಕಾರದ ಸಮವಸ್ತ್ರ ಆದೇಶ ಪಾಲನೆ ಕಡ್ಡಾಯ ಆವೊಡು ಪನ್ಪಿನ ಕರ್ನಾಟಕ ಹೈಕೋರ್ಟ್ದ ತೀರ್ಪು ಪ್ರಶ್ನೆ ಮಲ್ತ್ ಅರ್ಜಿದಾರೆರ್ ಸುಪ್ರೀಂಗ್ ಪೋಪಿನ ನಿರ್ಧಾರ ಮಲ್ತೆರ್.

ಹಿಜಾಬ್ಗ್ ಸಂಬಂಧಿ ಮಾತಾ ರಿಟ್ ಅರ್ಜಿಲೆನ್ ರದ್ದು ಮಲ್ತ್ ಕರ್ನಾಟಕ ತ್ರಿಸದಸ್ಯ ಪೀಠ ಇನಿ ತನ್ನ ತೀರ್ಪು ಕೊರ್ತುಂಡು . ಆಂಡ ಈ ತೀರ್ಪುನು ಪ್ರಶ್ನೆ ಮಲ್ಪರೆ ಅರ್ಜಿದಾರೆರ್ ನಿರ್ಧಾರ ಮಲ್ದೆರ್ , ಸುಪ್ರೀಂ ಕೋರ್ಟ್ ಡ್ ಈ ಬಗ್ಗೆ ಅರ್ಜಿ ಪಾಡೆರೆ ಉಲ್ಲೆರ್ .

ಹಿಜಾಬ್ ದ ಇಚಾರೊಡು ಹೈಕೋರ್ಟ್ ಕೊರಿನ ತೀರ್ಪುಗು ಮಾತೆರ್ಲ ಗೌರವ ಕೊರೊಡು : ಸಿಎಂ ಬೊಮ್ಮಾಯಿ

ಬೆಂಗ್ಳೂರು: ಹಿಜಾಬ್ ಲಡಾಯಿದ ಬಗ್ಗೆ ಹೈಕೋರ್ಟ್ ಕೊರಿನ ತೀರ್ಪುನು ಮಾತಾ ಜೋಕುಲು ಗೌರವ ಕೊರ್ದು ಪಾಲನೆ ಮಲ್ಪೊಡು ಪಂದ್ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಪಂಡೆರ್.

ಜೋಕುಲು ವಿದ್ಯಾಬ್ಯಾಸನ್ ಹಾಲ್ ಮಲ್ಪಂದೆ , ಪರೀಕ್ಷೆ ಬರೆಯೋಡು ಪಂದ್ , ಸಿಎಂ ಬಿನ್ನಾಪು ಮಲ್ತೆರ್.

ಶಿಕ್ಷಣ ಸಂಸ್ಥೆಡ್ ಧಾರ್ಮಿಕ ಆಚರಣೆಗ್ ಅವಕಾಶ ಇಜ್ಜಿ – ತೀರ್ಪು ಕೊರಿನ ಹೈಕೋರ್ಟ್

ಕರ್ನಾಟಕ : ಹಿಜಾಬ್ ವಿಚಾರಡ್ ಕರ್ನಾಟಕ ಹೈಕೋರ್ಟ್ ಮಹತ್ವವಾಯಿನ ತೀರ್ಪು ಕೊರ್ತುಂಡು ಶೈಕ್ಷಣಿಕ ಸಂಸ್ಥೆದ ಜಾಗೆಡ್ ಒವ್ವೆ ರೀತಿದ ಧಾರ್ಮಿಕ ಆಚರಣೆಗ್ ಅವಕಾಶ ಇಜ್ಜಿ ಪಂದ್ ಮುಖ್ಯ ನ್ಯಾಯಮೂರ್ತಿ ಎ.ಜಿ ನಾವದಗಿ ಈ ತೀರ್ಪು ಕೊರಿಯೆರ್ .

ಸರ್ಕಾರ ಕೊರಿನ ಸಮವಸ್ತ್ರ ಪಾಲನೆ ಮಲ್ಪುನ ಕಡ್ಡಾಯ, ಐಕ್ ಪ್ರಶ್ನೆ ಮಲ್ಪರೆ ಇಜ್ಜಿ . ಸರ್ಕಾರದ ಆದೇಶ ಕಡ್ಡಾಯ ಪಂದ್ ಪಂಡೆರ್.

ಶಿಕ್ಷಣ ಸಂಸ್ಥೆಡ್ ಹಿಜಾಬ್ ನಿರ್ಬಂಧ ಮಲ್ತಿನ ಕ್ರಮ ಬೊಕ್ಕ ಈ ಸಂಬಂಧ ರಾಜ್ಯ ಸರ್ಕಾರ ಕೊರಿನ ಆದೇಶ ಪ್ರಶ್ನೆ ಮಲ್ತ್ ಕೊರಿನ ಅರ್ಜಿದ ವಿಚಾರಣೆ ಮುಗಿತಿನ ಮುಖ್ಯ ನ್ಯಾಯಮೂರ್ತಿ ರಿತುರಾಜ್ ಅವಸ್ಥಿ, ನ್ಯಾ. ಕೃಷ್ಣ ದೀಕ್ಷಿತ್, ಅಂಚನೆ ನ್ಯಾ. ಖಾಜಿ ಜೈಬುನ್ನಿಸಾ ಇತ್ತಿನ ತ್ರಿಸದಸ್ಯ ಪೀಠ ಇನಿ ತೀರ್ಪು ಕೊರ್ತುಂಡು.

ಪುಗಾರ್ತೆದ ಅಂತಾರಾಷ್ಟ್ರೀಯ ಕಬ್ಬಡ್ಡಿ ಪಂತಾರ್ಥಿನ್ ಗುಂಡು ದೀದ್ ಕೆರಿನ ದುಷ್ಕರ್ಮಿಲು

ದೆಹಲಿ : ಜಲಂದರ್ ದ ಮಾಲಿಯನ್ ಗ್ರಾಮಡ್ ನಡತಿನ ಕಬಡ್ಡಿ ಕಪ್ ಪೊರ್ತುಡು ಅಂತಾರಾಷ್ಟ್ರೀಯ ಕಬ್ಬಡ್ಡಿ ಪಂತಾರ್ಥಿ ಸಂದೀಪ್ ನಂಗಲ್ ಮೆರೆನ್ ಗುರ್ತ ದಾoತಿ ದುಷ್ಕರ್ಮಿಲು ಗುಂಡು ದೀದ್ ಕೆರ್ತೆರ್.ಆರ್ನ ತರೆ ಬೊಕ್ಕ ತಿಗಲೆದ ಮಿತ್ತ್ ಸುಮಾರ್ 20 ಸುತ್ತುಗುಂಡು ಪಾರ್ದೆರ್ ಪಂದ್ ತೆರಿದ್ ಬೈದುಂಡು.

ಜಲಂಧರ್ ಉಪ ಪೊಲೀಸ್ ಅಧೀಕ್ಷಕ ಲಖ್ವಿಂದರ್ ಸಿಂಗ್ ವರದಿನ್ ದೃಢ ಮಲ್ದೆರ್ . ಕಬಡ್ಡಿ ಪಂತಾರ್ಥಿ ಗ್ ಎನ್ಮ ರ್ದ್ ಪತ್ತ್ ಗುಂಡು ನು ಪಂಪ್ ಮಲ್ದೆರ್ ಪಂದ್ ಪೊಲೀಸ್ ದಕುಲು ಪಂತೆರ್.

ಇನಿ ಒಡಿಪುಡು ಜಿಲ್ಲಾ ಮಟ್ಟದ ಆಶಾ ಪ್ರಶಸ್ತಿ ಪ್ರಧಾನ

ಒಡಿಪು : ಒಡಿಪು ಜಿಪಂ, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ಅಂಚನೆ ಜಿಲ್ಲಾ ಸರ್ವೇಕ್ಷಣಾ ಘಟಕ ಒಡಿಪು ಮೆಕ್ಲೆನ ಒಟ್ಟು ಸೇರಿಗೆಡ್ ಜಿಲ್ಲಾ ಮಟ್ಟದ ಆಶಾ ಪ್ರಶಸ್ತಿ ಪ್ರದಾನ ಸಮಾರಂಭ ಮಾ.15ನೇ ಅಂಗಾರೆ ಕಾಂಡೆ 10 ಗಂಟೆಗ್ ಪೇಂಟೆದ ಅಂಬಲಪಾಡಿ ಶ್ಯಾಮಿಲಿ ಚಾವಡಿಡ್ ನಡಪೆರೆ ಉಂಡು..

ಲೇಸ್ ನ್ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ. ಉದಿಪನ ಮಲ್ಪರೆ ಉಲ್ಲೆರ್ , ಜಿಪಂ ಮುಖ್ಯ ಕಾರ್ಯನಿರ್ವಹಣಾಧಿ ಕಾರಿ ಡಾ. ನವೀನ್ ಭಟ್ ವೈ ಗುರ್ಕಾರ್ಮೆ ವಹಿಸರೆ ಉಲ್ಲೆರ್.

ಹಿಜಾಬ್ ಲಡಾಯಿದ ನೆಲೆಟ್ಟ್  ಕುಡ್ಲಡ್ ಶಾಲಾ ಕಾಲೇಜ್ ಗ್ ರಜೆ

ಕುಡ್ಲ : ಅಂಗಾರೆ ಕಾಂಡೆ ಹೈಕೋರ್ಟ್ ಹಿಜಾಬ್ ಬಗ್ಗೆ ತೀರ್ಪು ಕೊರ್ಪಿನ ನೆಲೆಟ್ಟ್ ಕುಡ್ಲಡ್ ನಿಷೇಧಾಜ್ಞೆ ಜಾರಿ ಮಲ್ದೆರ್ , ಕುಡ್ಲದ ಮಾತಾ ಶಾಲಾ ಕಾಲೇಜ್ ಗ್ ರಜೆ ಘೋಷಣೆ ಮಲ್ದೆರ್ .

ನಮ ಮಾತಾ ಶಾಲಾ-ಕಾಲೇಜುಗು ರಜೆ ಕೊರೊಂದು ಉಲ್ಲಾ .ಬಾಹ್ಯ ಪರೀಕ್ಷೆಗಳು ವೇಳಾಪಟ್ಟಿದಲಕ ಉಪ್ಪುಂಡು . ಮಾತಾ ಶಾಲಾ-ಕಾಲೇಜ್ದ ಆಂತರಿಕ ಪರೀಕ್ಷೆನ್ ದುಂಬು ಕೊನೊಪ ಪಂದ್ ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ ಪಂಡೆರ್.

ಕುದ್ರೋಳಿ‌ ದೇವಲ್ಯಡ್ ದೇವೆರ್ನ ದರ್ಶನ ಪಡೆಯಿನ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್

ಕುಡ್ಲ : ರಾಜ್ಯ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಕುಡ್ಲ ಒಡಿಪು ಜಿಲ್ಲೆಗ್ ಬತ್ತಿನ ನೆಲೆಟ್ಟ್ ಇನಿ ಶ್ರೀಕ್ಷೇತ್ರ ಕುದ್ರೋಳಿಗ್ ಭೇಟಿ ಕೊರಿಯೆರ್ .

ಶ್ರೀಕ್ಷೇತ್ರ ಕುದ್ರೋಳಿದ ಗೋಕರ್ಣನಾಥ ಬೊಕ್ಕ ಪರಿವಾರ ದೇವೆರೆಗ್ ವಿಶೇಷ ಪೂಜೆ‌ ಮಲ್ತೆರ್ . ಈ ಪೊರ್ತುಡು ದೇವಲ್ಯದ ವತಿರ್ದ್ ರಾಜ್ಯಪಾಲೆರೆಗ್ ಶಾಲು, ಫಲಪುಷ್ಪ,ದೇವರ ವಿಗ್ರಹ ಕೊರ್ದು ವಿಶೇಷ ಗೌರವ ಕೊರಿಯೆರ್ . ಶ್ರೀಕ್ಷೇತ್ರಗ್ ಭೇಟಿ ಕೊರಿನಕ್ಲೆನ ದಾಖಲೆ ಬೂಕುಡು ರಾಜ್ಯಪಾಲೆರ್ ಪುದರ್ ಸಹಿ ಪಾಡಿಯೆರ್ . ಐರ್ದ್ ಬೊಕ್ಕ ಮಾಜಿ ಕೇಂದ್ರ ಸಚಿವ ಬಿ.ಜನಾರ್ದನ ಪೂಜಾರ್ಲೆನ ಆತ್ಮಕಥೆದ ಇಂಗ್ಲಿಷ್ ಅನುವಾದ ಬೂಕು ಕೊರಿಯೆರ್ .

ಐರ್ದ್ ದುಂಬು ಕುಡ್ಲದ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಗ್ ಬತ್ತಿನ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೆರೆಗ್ ಜಿಲ್ಲಾಡಳಿತದ ವತಿರ್ದ್ ಮೋಕೆಡ್ ಎದುಕೊಂಡೆರ್ .ಈ ಪೊರ್ತುಡು ಜಿಲ್ಲಾ ಪಂಚಾಯತ್ ಸಿ.ಇ.ಒ ಡಾ ಕುಮಾರ್, ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ಸೇರಿನಂಚ ಅಧಿಕಾರಿಲು ಪಾಲ್ ಪಡೆದಿತ್ತೆರ್.

ಮಾ. 22-27 ಮುಟ್ಟ ಕಾಂಚನ ಪೆರ್ಲ ಶ್ರೀ ಷಣ್ಮುಖ ದೇವೆರ್ನ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ

ಕುಡ್ಲ,ಮಾ.14: ಕಾಂಚನ ಪೆರ್ಲ ಶ್ರೀ ಷಣ್ಮುಖ ದೇವಲ್ಯದ ಬ್ರಹ್ಮಕಲಶೋಚ್ಚಯ ಸಮಿತಿದ ಗೌರವಾಧ್ಯಕ್ಷೆರ್ ಅಂಚನೆ ಸುಬ್ರಮಣ್ಯ ಶ್ರೀ ಸಂಪುಟ ನರಸಿಂಹ ಮಠತ್ತ ಪರಮಪೂಜ್ಯ ಶ್ರೀ ಶ್ರೀ ಶ್ರೀ ವಿದ್ಯಾಪ್ರಸನ್ನ ತೀರ್ಥ ಸ್ವಾಮೀಜಿ ಬೊಕ್ಕ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿಲು ಆಯಿನ ಪರಮಪೂಜ್ಯ ಡಾ.ಡಿ. ವೀರೇಂದ್ರ ಹೆಗ್ಗಡೆ ಮೆರ್ನ ಮಾರ್ಗದರ್ಶನಡ್ ಬ್ರಹ್ಮಶ್ರೀ ವೇದಮೂರ್ತಿ ನೀಲೇಶ್ವರ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಕಾಂಚನ ಪೆರ್ಲ ಶ್ರೀ ಷಣ್ಮುಖ ದೇವೆರ್ನ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ಮಾರ್ಚ್ 22-27 ಮುಟ್ಟ ನಡಪರೆ ಉಂಡು.

ಬೇತೆ ಬೇತೆ ರೀತಿದ ಧಾರ್ಮಿಕ ಅಂಚನೆ ಸಾಂಸ್ಕೃತಿಕ ಕಾರ್ಯಕ್ರಮ ಈ ಲೇಸ್ ಡ್ ನಡಪರೆ ಇತ್ತ್ ದ್, ಮಾರ್ಚ್ 27ನೇ ತಾರೀಕ್ ದಾನಿ ಕಾಂಡೆ 11.24 ತ್ತ ಮಿಥುನ ಲಗ್ನಡ್ ಬ್ರಹ್ಮಕಲಶಾಭಿಷೇಕ ಅಂಚನೇ ಮಧ್ಯಾಹ್ನ ನುಪ್ಪು ಪುರ್ಸಾದ ಸೇವೆಲ ನಡಪರೆ ಉಂಡು.

ಮಾತ ಭಕ್ತಾಭಿಮಾನಿಲು ಈ ದೇವಲ್ಯಗ್ ಬತ್ತ್ ದ್ ದೇವೆರ್ನ ಕೃಪೆಗ್ ಪಾತ್ರರಾವೊಡ್ ಪಂದ್ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಧನ್ಯ ಕುಮಾರ್ ರೈ ಬಿಳಿಯೂರುಗುತ್ತು ತೆರಿಪಾದೆರ್.

ಮಾ. 26ಕ್ಕ್ 5ನೇ ವರ್ಷದ ಕುಡ್ಲ ಕಂಬುಲದ ಗೌಜಿ

ದಕ್ಷಿಣ ಕನ್ನಡ ಜಿಲ್ಲೆದ ಕುಡ್ಲ ಪೇಂಟೆದ ಬಂಗ್ರಕೂಳೂರ್ ದ ಗೋಲ್ಡ್ ಫಿಂಚ್ ಸಿಟಿತ್ತ ರಾಮ-ಲಕ್ಷ್ಮಣ ಜೋಡು ಕರೆಟ್ಟ್ 5 ನೇ ವರ್ಷದ ಕುಡ್ಲ ಕಂಬುಲ ಉಚ್ಚಯ ಉಂದುವೇ ಬರ್ಪಿನ ಮಾರ್ಚ್ 26ನೇ ಸನಿಯಾರ ನಡಪರೆ ಉಂಡು.

ಕಾಂಡೆ 8.30 ಗಂಟೆಗ್ ದಿ. ರತ್ನ ಮಾಧವ ಶೆಟ್ಟಿ ವೇದಿಕೆಡ್ ಕಂಬುಲದ ಉದಿಪನ ಆಯರೆ ಉಂಡು. ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿ ಕ್ಷೇತ್ರದ ಅಧ್ಯಕ್ಷೆರ್ ಕೆ.ಚಿತ್ತರಂಜನ್ ಉದಿಪನ ಮಲ್ಪರೆ ಉಲ್ಲೆರ್. ಕುಡ್ಲದ ಕರಾವಳಿ ಕಾಲೇಜ್ ದ ಸ್ಥಾಪಕಾಧ್ಯಕ್ಷೆರ್ ಆಯಿನ ಎಸ್.ಗಣೇಶ್ ರಾವ್ ಗುರ್ಕಾರ್ಮೆ ಒಯಿಸೊನರೆ ಉಲ್ಲೆರ್.

ಕದ್ರಿ ಯೋಗೇಶ್ವರ ಮಠತ್ತ ಪೀಠಾಧೀಶೆರ್ ಶ್ರೀ ರಾಜಯೋಗಿ ನಿರ್ಮಲ್ ನಾಥ್ ಜಿ ಮಹಾರಾಜ್, ಕುಡ್ಲ ರಾಮಕೃಷ್ಣ ಮಠತ್ತ ಶ್ರೀ ಸ್ವಾಮಿ ಏಕಗಮ್ಯಾನಂದಜಿ ಮಹಾರಾಜ್, ಕಾವೂರು ಆದಿಚುಂಚನಗಿರಿ ಶಾಖಾ ಮಠತ್ತ ಅಧ್ಯಕ್ಷೆರ್ ಡಾ. ಶ್ರೀ ಧರ್ಮಪಾಲನಾಥ ಸ್ವಾಮೀಜಿ, ಗುರುಪುರ ವಜ್ರದೇಹಿ ಮಠತ್ತ ಶ್ರೀ ರಾಜಶೇಖರಾನಂದ ಸ್ವಾಮಿಲು ಅಂಚನೇ ಮಸ್ತ್ ಮಲ್ಲ ಮಲ್ಲ ಬಿನ್ನೆರ್ ಈ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಮಾರ್ಚ್ 27ಕ್ಕ್ ಕಾಂಡೆ 8 ಗಂಟೆಗ್ ಗೆಂದಿನ ಸ್ಪರ್ದಿಲೆಗ್ ಇನಾಮು ಕೊರ್ಪಿನ ಲೇಸ್ ನಡಪರೆ ಉಂಡು ಪಂದ್ ಕಂಬುಲ ಸಮಿತಿದ ಅಧ್ಯಕ್ಷೆರ್ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಬೃಜೇಶ್ ಚೌಟ ತೆರಿಪಾದೆರ್.

Mangalore Kambala- On March 26th

The fifth annual ” Kambala” of Mangalore at Goldfinch city’s Rama Lakshmana Jodukere on Saturday March 26th.

The Kambala will be inaugurated by K.Chittaranjan the president of Kankanady Garadi at 8.30 a.m. The program will be presided by S.Ganesh Rao the founder of Karavali group of institutions.

The guests of honour are Sri Rajayogi Nirmal nath Ji Maharaj from Kadri Yogeshwar Mutt, Sri Swami Ekhagambanandaji Maharaj from Ramakrishna Mutt, Rajashekar Nanda Swamiji from from Gurupur Vajradehi Mutt, Mangalore branch president of Adichunchana Giri Mutt Kavoor Dr Sri Dharmapal nath Swamiji and many other dignitaries are expected to be the part of this programme.

The closing ceremony and prize distribution will be on 27th March at 8 a.m said Captain Brijesh Chowta the president of Kambala samiti.

You Missed