Sat. Nov 21st, 2026

ಊರ್ದ ಸುದ್ದಿ Regional News

ಭಾರತ-ಚೀನ ಗಡಿಟ್ ತುಲುನಾಡ ಕೊಡಿ ಪಾರಾಯಿನ ಒಡಿಪುದ ಜವಣ್ಯೆರ್

ಮಣಿಪಾಲ : ಒಡಿಪುದ ಉತ್ಸಾಹಿ ಸಾಹಸಿ ಬೈಕ್‌ ರೈಡರ್ಸ್ ಆಯಿನ ಖ್ಯಾತ ಯೂಟ್ಯೂಬರ್‌ ಶಟರ್‌ಬಾಕ್ಸ್‌ ಫಿಲ್ಮ್ಸ್ ಪ್ರಾಯೋಜಕ ಸಚಿನ್‌ ಬೊಕ್ಕ ಮಣಿಪಾಲದ ಯುವ ಉದ್ಯಮಿ, ಸಾಹಸ ಬೈಕಿಂಗ್‌ ಕ್ರೀಡಾಪಟು ಅರ್ಜುನ್‌ ಪೈ ಮೇರ್ ಬೈಕ್‌ ಪ್ರವಾಸ ಪೋದು ಇಂಡೋ ಚೀನ ಗಡಿ ಪ್ರದೇಶದ 15,300 ಅಡಿ ಎತ್ತರದ ಝುಪಾಕ್‌ಡ್ ತುಲುನಾಡ ಕೊಡಿ ಪಾರಾದ್ ತುಲು ಅಪ್ಪೆನ ಮಿತ್ತ್ ಉಪ್ಪುನ ಅಭಿಮಾನ ತೋಜಾದೆರ್.

ಮೇರ್ ದಿಲ್ಲಿರ್ದ್ ಸುರು ಮಲ್ತಿನ ಬೈಕ್‌ ಪ್ರವಾಸಡ್ 1,900 ಕಿ.ಮೀ. ದೂರ ಪೋದು ಹಿಕ್ಕಿಮ್‌, 12,270 ಅಡಿ ಎತ್ತರದ (ವಿಶ್ವದ ಮಸ್ತ್ ಎತ್ತರಡ್ ಉಪ್ಪುನ ಪೋಸ್ಟ್‌ ಆಫೀಸ್‌) ಬೊಕ್ಕ 11,320 ಎತ್ತರದ ಇಂಡೋ ಚೈನಾ ಗಡಿ ಕಡೆತ ಗ್ರಾಮವಾಯಿನ ಚಿಕ್‌ಟುಲ್‌ ಗ್ರಾಮಗ್ ಭೇಟಿ ಕೊರಿಯೆರ್ . ಬೈಕ್‌ ಯಾತ್ರಾ ಕೂಟಡ್ ಅನ್ನಿ ಅರುಣ್‌ ಬೊಕ್ಕ ಸಾಯಿ ಇತ್ತೆರ್ . ಅರ್ಜುನ್‌ ಬೊಕ್ಕ ಸಚಿನ್ ದಿಲ್ಲಿರ್ದ್ ಮಾ.1ರ್ದ್ ಬೈಕ್‌ ಯಾತ್ರೆನ್ ಸುರು ಮಲ್ತ್ 1,900 ಕಿ.ಮೀ. ಪೋದು ಸಿಲಿಗುರಿ ಮುಟ್ಟು ದೆರ್ .

ಶಿರ್ತಾಡಿ ಮಹಾಲಿಂಗೇಶ್ವರ ದೇವಲ್ಯ : ಮುಷ್ಠಿಪನವು ಲೆಕ್ಕಾಚಾರ

ಶಿರ್ತಾಡಿ : ತಾರೀಖ್ 27/3/2022 ನೇ ಐತಾರ ದಾನಿ ಶಿರ್ತಾಡಿ ದ ಅರ್ಜುನಾಪುರ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಒಟ್ಟು ಆಯಿನ ಮುಷ್ಠಿ ಪನವು ದ ಲೆಕ್ಕಾಚಾರ ನಡಪರೆ ಉಂಡು. ಈ ನೆಲೆಟ್ಟ್ ಭಕ್ತ ಭಾಂದವೆರ್ ಈ ಪುಣ್ಯ ಕಜ್ಜಡ್ ಪಾಲ್ ಪಡೆಯೋಡು ಪಂದ್ ದೇವಲ್ಯದ ಗುರ್ಕಾರ್ಲಾಯಿನ ನಾರಾಯಣ ಶೆಟ್ರ್ ಬೊಕ್ಕ ಸರ್ವ ಸದಸ್ಯೆರ್ ಬಿನ್ನಾಪು ಮಲ್ದೆರ್

ಗೌಜಿಡ್ ಉದಿಪನ ಆಂಡ್ ಕುಡ್ಲದ ಪುಗಾರ್ತೆದ ” ಮಂಗಳೂರು ಕಂಬುಲ “

ಕುಡ್ಲ : ಕುಡ್ಲ ಕಂಬುಲ ಸಮಿತಿ ವತಿರ್ದ್ ನಡಪುನ 5ನೇ ವರ್ಷದ ರಾಮ ಲಕ್ಷ್ಮಣ ಜೋಡುಕರೆ ತುಡರ್ ಬೊಲ್ಪುದ ಕಂಬುಲ ಇನಿ ಕುಡ್ಲದ ಬಂಗ್ರಕೂಳೂರು ಗೋಲ್ಡ್ ಫಿಂಚ್ ಸಿಟಿಟ್ ಉದಿಪನ ಆಂಡ್.

ಇನಿ ಉದಿಪನ ಆದ್ ಎಲ್ಲೆ 27 ಕ್ಕ್ ಕಾಂಡೆ ಇನಾಮು ಪಟ್ಟುನ ಲೇಸ್ದ ಮುಖೇನ ಮುಗಿಯೆರೆ ಉಂಡು.ಜನವರಿಡ್ ನಡಪೊಡಿತ್ತಿನ ಕಂಬುಲ ಮಾರ್ಚ್ ಡ್ ಆವೊಂದು ಉಂಡು , ಆಂಡಲಾ 130 ಜೊತೆ ಎರುಕುಲು ಪಾಲ್ ಪಡೆತ . ಇನಿ ಕಾಂಡೆ ತುಡರ್ ಅರ್ಲಾವುನ ಮುಖೇನ ಕರಾವಳಿ ಕಾಲೇಜು ಸಮೂಹ ಸಂಸ್ಥೆದ ಮುಖ್ಯಸ್ಥ ಎಸ್. ಗಣೇಶ್ ರಾವ್ ಲೇಸ್ ಉದಿಪನ ಮಲ್ತೆರ್ , ಕಂಕನಾಡಿ ಬ್ರಹ್ಮಬೈದರ್ಕಳ ಗರಡಿ ಅಧ್ಯಕ್ಷ ಕೆ. ಚಿತ್ತರಂಜನ್ ಲೇಸ್ ದ ಉದಿಪನ ನಡಪಾದ್ ಕೊರಿಯೆರ್ . ಕದ್ರಿ ಯೋಗೇಶ್ವರ ಮಠದ ಶ್ರೀ ನಿರ್ಮಲ್‌ನಾಥ್ ಜಿ, ರಾಮಕೃಷ್ಣ ಮಠದ ಏಕಗಮ್ಯಾನಂದಜಿ, ಆದಿಚುಂಚನಗಿರಿ ಶಾಖಾ ಮಠದ ಡಾ. ಧರ್ಮಪಾಲನಾಥ ಸ್ವಾಮೀಜಿ, ವಜ್ರದೇಹಿ ಮಠದ ಶ್ರೀರಾಜಶೇಖರಾನಂದಜಿ ಪಾಲ್ ಪಡೆದ್ ಇತ್ತೆರ್ . ಅಂಚನೆ ಸಮಿತಿ ಗುರ್ಕಾರ್ಲಾಯಿನ ಕ್ಯಾಪ್ಟನ್ ಬೃಜೇಶ್ ಚೌಟ ಲೇಸ್ ಡ್ ಪಾಲ್ ಪಡೆದ್ ಇತ್ತೆರ್ .

ಮಾ.27 ಕ್ಕ್ ಒಡಿಪು ವಿಶ್ವ ರಂಗಭೂಮಿ ದಿನಾಚರಣೆ

ಒಡಿಪು , ಮಾ.26: ಕರ್ನಾಟಕ ನಾಟಕ ಅಕಾಡೆಮಿ ಬೆಂಗ್ಳೂರು, ಎಂಜಿಎಂ ಕಾಲೇಜು ಒಡಿಪು ಬೊಕ್ಕ ಬೆಂಗ್ಳೂರುದ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಒಟ್ಟು ಸೇರಿಗೆಡ್ ರಂಗಭೂಮಿ ಒಡಿಪು ‘ವಿಶ್ವ ರಂಗಭೂಮಿ ದಿನಾಚರಣೆ’ ನ್ ಮಾ.27 ಕ್ಕ್ ಒಡಿಪುದ ಎಂಜಿಎಂ ಕಾಲೇಜ್ ದ ಪೊಸ ರವೀಂದ್ರ ಮಂಟಪಡ್ ಅಟ್ಟನೆ ಮಲ್ದೆರ್ ಪಂದ್ ರಂಗಭೂಮಿಯ ಅಧ್ಯಕ್ಷ ತಲ್ಲೂರು ಶಿವರಾಮ ಶೆಟ್ಟಿ ಪಂಡೆರ್ .

ಶುಕ್ರವಾರ ಲೆತ್ತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್ ಬಯ್ಯಗ್ 6:00ಗಂಟೆಗ್ ನಡಪುನ ವಿಶ್ವ ರಂಗಭೂಮಿ ದಿನಾಚರಣೆನ್ ರಥಬೀದಿ ಗೆಳೆಯರು ಒಡಿಪು ನೆತ್ತ ಅಧ್ಯಕ್ಷ ಬೊಕ್ಕ ವಿಮರ್ಶಕ ಪ್ರೊ.ಮುರಳೀಧರ ಉಪಾಧ್ಯ ಹಿರಿಯಡ್ಕ ಉದಿಪನ ಮಲ್ಪರೆ ಉಲ್ಲೆರ್ . ಅಂಬಲಪಾಡಿ ಶ್ರೀಜನಾರ್ದನ ಬೊಕ್ಕ ಮಹಾಕಾಳಿ ದೇವಸ್ಥಾನದ ಧರ್ಮದರ್ಶಿ ಡಾ.ನಿ.ಬೀ. ವಿಜಯ ಬಲ್ಲಾಳ್ ಗುರ್ಕಾರ್ಮೆ ವಹಿಸರೆ ಉಲ್ಲೆರ್.

ಮಾ.30 ರ್ದ್ ಹೆಜಮಾಡಿ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಬ್ರಹ್ಮ ಕಲಶ ಉಚ್ಚಯ

ಪಡುಬಿದ್ರಿ: 10 ಕೋಟಿ ರೂ. ಪಣವುದಡು ಸಂಪೂರ್ಣ ಪುನರ್ ನಿರ್ಮಾಣ ಆಯಿನ ಇತಿಹಾಸ ಪ್ರಸಿದ್ಧ ಹೆಜಮಾಡಿದ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ ನಾಗಮಂಡಲ ಸೇವೆದ ಗೌಜಿ ಮಾರ್ಚ್ 30ರ್ದ್ ಎಪ್ರಿಲ್ 7 ಮುಟ ನಡಪರೆ ಉಂಡು.

ಶುಕ್ರವಾರ ದೇವಲ್ಯದ ಚಾವಡಿ ಡ್ ನಡತಿನ ಸುದ್ದಿಗೋಷ್ಠಿಡ್ ದೇವಲ್ಯದ ಆಡಳಿತ ಮೊಕ್ತೇಸರೆರಾಯಿನ ದಯಾನಂದ ಹೆಜಮಾಡಿ ಈ ಬಗ್ಗೆ ಸಮಗ್ರ ಮಾಹಿತಿ ಕೊರಿಯೆರ್.

ಎ.5ಕ್ಕ್ ಕಾಂಡೆ ಅಶ್ಲೇಷ ಬಲಿ, ಮಧ್ಯಾಹ್ನ ಮಹಾ ಅನ್ನ ಸಂತರ್ಪಣೆ, ಬಯ್ಯಗ್ 5 ಗಂಟೆಗ್ ಹಾಲಿಟ್ಟು ಸೇವೆ, 6 ಗಂಟೆರ್ದ್ ಸಗ್ರಿ ಗೋಪಾಲಕೃಷ್ಣ ಸಾಮಗರ ಮುತಾಲೀಕೇಡ್ ನಾಗಮಂಡಲ ಸೇವೆ ನಡಪರೆ ಉಂಡು .

6ಕ್ಕ್ ಕಾಂಡೆ 9.36ರ ವೃಷಭ ಲಗ್ನ ಸುಮುಹೂರ್ತಡ್ ಸಹಸ್ರ ಪರಿಕಲಶ ಸಹಿತ ಬ್ರಹ್ಮಕಲಶಾಭಿಷೇಕ, ಮಹಾ ರಥಾರೋಹಣ, ಮಧ್ಯಾಹ್ನ 12.30ಕ್ಕ್ ಮಹಾ ಅನ್ನಸಂತರ್ಪಣೆ, ರಾತ್ರಿ ಮಹಾ ರಥೋತ್ಸವ, ಖ್ಯಾತ ಯಕ್ಷಗಾನ ಭಾಗವತೇರಾಯಿನ ಪಟ್ಲ ಸತೀಶ್ ಶೆಟ್ರೆನ ಭಾಗವತಿಕೆಡ್ ವಿಶೇಷ ಬಲಿ ಸೇವೆ, ಖ್ಯಾತ ಸ್ಯಾಕ್ಸೋಫೋನ್ ವಾದಕಿ ಭಾರತಿ ಗೋಪಾಲ್‍ರೆನ ಸ್ಯಾಕ್ಸೋಫೋನ್ ವಾದನ ಸೇವೆ ನಡಪರೆ ಉಂಡು

ಉಕ್ರೇನ್ ರ್ದ್ ಪಿರ ಬತ್ತಿನ ಕಲ್ಪಾರ್ಥಿಲೆನ ವಿದ್ಯಾಭ್ಯಾಸಗ್ ಸಾಕಾರ : ಸಚಿವ. ಡಾ. ಸುಧಾಕರ್

ಕುಡ್ಲ : ಉಕ್ರೇನ್‌ರ್ದ್ ಪಿರ ಬತ್ತಿನ ವೈದ್ಯಕೀಯ ಜೋಕ್ಲೆನ ಕಲಿಕೆ ದುಂಬರಿಸಾವುನ ನೆಲೆಟ್ಟ್ ನೇಮಿಸಲಾಯಿನ ಸಮಿತಿ ಶೀಘ್ರ ವರದಿ ಕೊರಿಯೆರೆ ಉಂಡು , ಐತ ಆಧಾರದಡಿ ಕಾನೂನು ಚೌಕಟ್ಟಿನಡಿ ಅವಕಾಶ ಕೊರ್ಪ ಪಂದ್ ಆರೋಗ್ಯ ಬೊಕ್ಕ ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್ ಪಂಡೆರ್ .

ಕುಡ್ಲಡ್ ಶುಕ್ರವಾರ ಸುದ್ದಿಗಾರೆರ್ನ ಒಟ್ಟುಗು ಪಾತೆರಿನ ಆರ್ ಉಕ್ರೇನ್‌ಡ್ ಯುದ್ಧ ನನಲ ಆವೊಂದು ಉಂಡು . ಕುಡ ಅಡೆಗ್ ಪೋದು ವಿದ್ಯಾಭ್ಯಾಸ ದುಂಬರಿಪಾವುನ ಬಗ್ಗೆ ಧೈರ್ಯ ಇಜ್ಜಿ ಸುಮಾರ್ 700 ರಾಜ್ಯದ ಜೋಕುಲು ಅಲ್ಪರ್ದ್ ಪಿರ ಬೈದೆರ್.

ಎ.2 ಕ್ಕ್ ಬುಡುಗಡೆ ಆಯರೆ ಉಂಡು “ಸ್ಪೂರ್ತಿದ ಕಡಲ್ ಅಮ್ಮ” ತುಳು ಆಲ್ಬಮ್ ಸಾಂಗ್‌

ಕುಡ್ಲ : ದಯಾ ಕ್ರಿಯೇಷನ್ ಅರ್ಪಣೆ ಮಲ್ಪುನ “ಸ್ಪೂರ್ತಿದ ಕಡಲ್ ಅಮ್ಮ” ಪನ್ಪಿನ ಪೊಸ ತುಳು ಆಲ್ಬಮ್ ಸಾಂಗ್ ದ ಪೋಸ್ಟರ್ .,ಶ್ರೀ ಕ್ಷೇತ್ರ ಕುಕ್ಕಾಜೆದ ಧರ್ಮದರ್ಶಿ ಶ್ರೀ ಶ್ರೀಕೃಷ್ಣ ಗುರೂಜಿನ ಶುಭ ಆಶೀರ್ವಾದಡ್ ಬುಡುಗಡೆ ಆಂಡ್ .

“ಸ್ಪೂರ್ತಿದ ಕಡಲ್ ಅಮ್ಮ” ಪನ್ಪಿನ ಈ ಪೊಸ ಆಲ್ಬಂ ಪದಕ್ ಉಮನಾಥ್ ಕೋಟ್ಯಾನ್ ತೆಂಕಕಾರದೂರು ಸಾಹಿತ್ಯ ಬರೆತೆರ್ . ಅಶ್ವಿನಿ ಪೆರುವಾಯಿ ಸೊರಟ್ ಮೂಡ್ದು ಬರಿಯೆರೆ ಉಪ್ಪುನ ಈ ಆಲ್ಬಂ ದ ನಿರ್ಮಾಣ ಉಷಾ ಆರ್ ಎಮ್. ಮಂಜುನಾಥ್ ಕೊಡ್ಲಾಮೊಗರು ಬೊಕ್ಕ ಸಮಗ್ರ ನಿರ್ವಹಣೆ ದಯಾನಂದ ಅಮೀನ್ ಬಾಯಾರ್. ಪ್ರಚಾರ ಕಲೆ&ಸಂಕಲನ ರಿತೇಶ್ ಸೂಪಲಚ್ಚಿಲ್ ಕೊರ್ತೆರ್ .
ಈ ಪೊಸ ತುಳು ಆಲ್ಬಮ್ ಸಾಂಗ್ ಏಪ್ರಿಲ್ 2 ಕ್ಕ್ ದಯಾ ಕ್ರಿಯೇಷನ್ ಯೂಟ್ಯೂಬ್ ಚಾನಲ್ ಡ್ ಬುಡುಗಡೆ ಆಯರೇ ಉಂಡು .

ಇನಿ ಬಯ್ಯಗ್ ಪ್ರಮಾಣ ವಚನ ಸ್ವೀಕಾರ ಮಲ್ಪರೆ ಉಲ್ಲೆರ್ ಯೋಗಿ ಆದಿತ್ಯನಾಥ್ : ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್ ಪ್ರಧಾನಿ ನರೇಂದ್ರ ಮೋದಿ, ಗೃಹಸಚಿವ ಅಮಿತ್‌ ಶಾ,

ಡೆಲ್ಲಿ : ಯೋಗಿ ಆದಿತ್ಯನಾಥ ಮೇರ್ ರಡ್ಡ ನೇ ಸಲ ಉತ್ತರ ಪ್ರದೇಶದ ಮುಖ್ಯಮಂತ್ರಿಯಾದ್ ಶುಕ್ರವಾರ ಪ್ರಮಾಣವಚನ ಸ್ವೀಕಾರ ಮಲ್ಪರೆ ಉಲ್ಲೆರ್ ನೆತ್ತ ಒಟ್ಟುಗು . ಉತ್ತರಪ್ರದೇಶಡ್ ೫ ಪೂರ್ಣಾವಧಿಗ್ ಸಿಎಂ ಹುದ್ದೆನ್ ನಿರ್ವಹಿಸಿ ಕುಡ ಅಧಿಕಾರ ಪಡೆಯಿನ ಸುರುತ ಮುಖ್ಯಮಂತ್ರಿ ಪನ್ಪಿನ ಪೆರ್ಮೆ ಮೆರೆನವು.

ಉತ್ತರ ಪ್ರದೇಶ ವಿಧಾನಸಭೆ ಓಟುಡ್ ೪೦೩ ಸ್ಥಾನದ ಪೈಕಿ ಬಿಜೆಪಿ 273 ತಾನೊ ಡು ಭಾರಿ ಜಯಭೇರಿ ಪಡೆದ್ ಇತ್ತುಂಡು .
ಅಟಲ್‌ ಬಿಹಾರಿ ವಾಜಪೇಯಿ ಕ್ರೀಡಾಂಗಣಡ್ ನಡಪರೆ ಉಪ್ಪುನ ಲೇಸ್ ಡ್ ಬಯ್ಯಗ್ ನಾಲ್ಕು ಗಂಟೆಗ್ ಸಿಎಂ ಆದ್ ಯೋಗಿ ಪ್ರತಿಜ್ಞಾವಿಧಿ ಸ್ವೀಕಾರ ಮಲ್ಪರೆ ಉಲ್ಲೆರ್ . ಬಾರಿ ಗೌಜಿಡ್ ನಡಪರೆ ಉಪ್ಪುನ ಪ್ರಮಾಣವಚನ ಲೇಸ್ ಡ್ ಪ್ರಧಾನಿ ನರೇಂದ್ರ ಮೋದಿ, ಗೃಹಸಚಿವ ಅಮಿತ್‌ ಶಾ, ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಪಾಲ್ ಪಡೆಯರೇ ಉಲ್ಲೆರ್.

ಕುಡ ಜಾಸ್ತಿ ಆವೊಂದು ಉಂಡು ಪೆಟ್ರೋಲ್ ದ ಬಿಲೆ : ದಿನ ಬುರ್ದು ದಿನ 80 ಪೈಸೆ ಜಾಸ್ತಿ

ಕರ್ನಾಟಕ : 137 ದಿನರ್ದ್ ಬೊಕ್ಕ ಕರಿನ ರಡ್ಡ್ ದಿನಟ್ ಪೆಟ್ರೋಲ್, ಡೀಸೆಲ್ ಬೆಲೆ ಜಾಸ್ತಿ ಮಲ್ದೆ . ಸುರುತ ದಿನ 80 ಪೈಸೆ ಬೊಕ್ಕ ರಡ್ಡನೇ ಎರಡನೇ ದಿನ 80 ಪೈಸೆ ಜಾಸ್ತಿ ಮಲ್ತಿನ ತೈಲ ದರ ಮೂಜನೇ ದಿನ ಪರಿಷ್ಕರಣೆ ಆದ್ ಇತ್ತುಜಿ..

ಇನಿ ಕುಡ ಪೆಟ್ರೋಲ್ ಬೊಕ್ಕ ಡೀಸೆಲ್ ಬೆಲೆ ಪ್ರತಿ ಲೀಟರ್‌ಗ್ 80 ಪೈಸೆ ಜಾಸ್ತಿ ಆತುಂಡು
ಮುಂಬೈಡ್ ಪೆಟ್ರೋಲ್ ಬೆಲೆ 112.51 ರೂ. ಬೊಕ್ಕ ಡೀಸೆಲ್ ದರ 96.70 ರೂ. ಉಂಡು
.ಚೆನ್ನೈಡ್ ಪೆಟ್ರೋಲ್ ಬೆಲೆ 103.67 ರೂ., ಡೀಸೆಲ್ ಬೆಲೆ 93.71 ರೂ.(76 ಪೈಸೆ ಜಾಸ್ತಿ ),
ಕೋಲ್ಕತ್ತಾಡ್ ಪೆಟ್ರೋಲ್ ಬೆಲೆ 106.34 ರೂ.(84 ಪೈಸೆ ಜಾಸ್ತಿ ), ಡೀಸೆಲ್ ಬೆಲೆ 91.42 ರೂ.(80 ಪೈಸೆ ಜಾಸ್ತಿ ಆತುಂಡು

ವಾಯುಭಾರ ಕುಸಿತ: ಇನಿ ಭಾರೀ ಬರ್ಸ ಬರ್ಪಿನ ನಿರೀಕ್ಷೆ; ಕೆಲವು ಜಿಲ್ಲೆಡ್ ಯಲ್ಲೋ ಅಲರ್ಟ್

ಕುಡ್ಲ : ಅಂಡಮಾನ್‌ ನಿಕೋಬಾರ್ ಡ್ ವಾಯುಭಾರ ಕುಸಿತ ಜಾಸ್ತಿ ಆಯಿನೆರ್ದಾವರ ಬೆಂಗ್ಳೂರು ನಗರ, ಬೆಂಗಳೂರು ಗ್ರಾಮಾಂತರ, ಚಿಕ್ಕಬಳ್ಳಾಪುರ, ಕೋಲಾರ, ಚಾಮರಾಜನಗರ ಇಂಚಿನ ಕೆಲವು ಜಾಗೆಡ್ ಇನಿ ಬರ್ಸ ಬರ್ಪಿನ ನಿರೀಕ್ಷೆ ಉಂಡು .

ಮೂಜಿ ದಿನಟ್ ಬೆಂಗ್ಳೂರು, ಕುಡ್ಲ , ಒಡಿಪು , ಶಿವಮೊಗ್ಗ, ಮೈಸೂರು, ಕೊಡಗು, ಚಿಕ್ಕಮಗಳೂರುಡು ಬರ್ಸ ಬರೊಂದು ಉಂಡು ಈ ಜಿಲ್ಲೆಡ್ ಇನಿಲಾ ಹಳದಿ ಅಲರ್ಟ್ ಘೋಷಣೆ ಮಲ್ದೆರ್ . ಕರ್ನಾಟಕಡ್ ಇನಿ ಕುಡ್ಲಡ್ ಬರ್ಸರ್ದ್ ಯೆಲ್ಲೋ ಅಲರ್ಟ್​ ಘೋಷಣೆ ಮಲ್ದೆರ್ .

You Missed