Sat. Nov 21st, 2026

ಊರ್ದ ಸುದ್ದಿ Regional News

ಸಾಲಿಯಾನ್ ಮೂಲಸ್ಥಾನ ಎರ್ಮಾಳ್ ಬಡಾ ವರ್ಸೊದ ಮಹಾಸಭೆ

ಬೊಂಬಾಯಿ :ಸಾಲ್ಯಾನ್ ಮೂಲಸ್ಥಾನ ಎರ್ಮಾಳ್ ಬಡಾ ನೆತ್ತ ಬೊಂಬಾಯಿ ಶಾಖೆದ ಮಹಾಸಭೆ ಗುರ್ಕಾರ್ಲಾಯಿನ್ ಸಿ.ಎಂ ಸಾಲ್ಯಾನ್ ಮೆರ್ನ ಗುರ್ಕಾರ್ಮೆಡ್ ಮಾ. 12ಕ್ಕ್ ಅಂಧೇರಿದ ಮೊಗವೀರ ಭವನಡ್ ನಡತುಂಡು .

ಸುರುಟ್ಟು ಗೌರವ ಕಾರ್ಯದರ್ಶಿ ಕಿಶೋರ್ ಕುಂದರ್ ಎದುಕೊಂಡೆರ್ . ಗುರ್ಕಾರ್ಲು ವರದಿ ವರ್ಷಡ್ ತೀರ್ ಪೋಯಿನ ಸದಸ್ಯೆರ್ನ ಆತ್ಮಗ್ ಸದ್ಗತಿ ತಿಕ್ಕಡ್ ಪಂದ್ ಸಂತಾಪ ಸೂಚನಾ ಠರಾವು ಮಂಜೂರು ಮಲ್ತೆರ್ . ಕೋಶಾಧಿಕಾರಿ ಸೋಮನಾಥ ಸಾಲ್ಯಾನ್ ವಾರ್ಷಿಕ ಲೆಕ್ಕ ಪತ್ರ ಮಂಡನೆ ಮಲ್ತೆರ್ ಅವೆನ್ ಮಾತೆರ್ನಲ ಅನುಮತಿ ದೊಟ್ಟುಗು ಮಂಜೂರು ಮಲ್ತೆರ್ .

ಲೇಸ್ ದ ಗುರ್ಕಾರ್ಮೆ ವಹಿಸ್ ದ್ ಪಾತೆರಿನ ಸಾಲಿಯಾನ್ ಮೂಲಸ್ಥಾನ ಎರ್ಮಾಳ್ ಬಡಾ ನೆತ್ತ ಗುರ್ಕಾರ್ಲಾಯಿನ ಸಿ. ಎಂ. ಸಾಲ್ಯಾನ್ ಪಾತೆರ್ದ್ ಮೂಲಸ್ಥಾನ ಪಟ್ಟಿಗ್ ಸೇರಿನ ಕುಟುಂಬಸ್ಥೆರ್ ಸದಸ್ಯರಾವೊಡು ಪಂದ್ ಬಿನ್ನಾಪು ಮಲ್ತೆರ್. ವಾರ್ಷಿಕ ಉತ್ಸವಡ್ ಪಾಲ್ ಪಡೆದ್ ಸೇವಾಕಾರ್ಯಡ್ ಪಾಲ್ ಪಡೆಯೋಡು ಪಂದ್ ಪಂಡೆರ್.

ಎಚ್ಚದ ವಿವರಗಾದ್ ಎನ್ ಸಾಲಿಯಾನ್ (986 932 37 97), ಕಿಶೋರ್ ಕುಂದರ್ (982 064 7007) ಅಥವಾ ಸೋಮನಾಥ ಸಾಲ್ಯಾನ್ ( 9892 186854) ಮೆಕ್ಲೆಗ್ ಲೆಪ್ಪು ಕೊರ್ದು ಮೂಲಸ್ಥಾನದ ಅಭಿವೃದ್ಧಿಗ್ ಸಾಕಾರ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್.

ಶ್ರೀ ಬ್ರಹ್ಮ ಬೈದರ್ಕಳ ಗರಡಿ ಕ್ಷೇತ್ರ ಕಂಕನಾಡಿ : ದೊಂಪದ ಬಲಿ ಉಚ್ಚಯ

ಕುಡ್ಲ : ಶ್ರೀ ಬ್ರಹ್ಮ ಬೈದರ್ಕಳ ಗರಡಿ ಕ್ಷೇತ್ರಡ್ ವರ್ಷಂಪ್ರತಿ ನಡಪುನ ದೊಂಪದ ಬಲಿ ಉಚ್ಚಯ ತಾರೀಖ್ 10-04-2022 ನೇ ಐತಾರ ಕಾಂಡೆ 9.15ಕ್ ಬೈದರ್ಕಳ ದರ್ಶನ ಆದ್ ಶ್ರೀಕ್ಷೇತ್ರರ್ದ್ ಬಾಕಿಮಾರು ಕಂಡಗ್ ಭಂಡಾರ ಬತ್ತ್ ದ್ ,ಬಯ್ಯಗ್ 6.00 ಗಂಟೆಗ್ ಶ್ರೀ ವಿಷ್ಣುಮೂರ್ತಿ ಉತ್ಸವ ರಾತ್ರಿ 7.00 ಗಂಟೆಗ್ ಶ್ರೀ ಕೊಡಮಣಿತ್ತಾಯ ದೈವಗ್ ಗಗ್ಗರ ಸೇವೆ ಐರ್ದ್ ಬೊಕ್ಕ ಕೊಡಮಣಿತ್ತಾಯ ನೇಮ ರಾತ್ರಿ ಗಂಟೆ 11.00ಕ್ ಬೈದರ್ಕಲ ಒಲಿ ಮರೆರ್ದ್ ಪಿದಾಡೆರೆ.

ಈ ಪುಣ್ಯ ಕಜ್ಜಡ್ ಮಾತೆರ್ಲ ಪಾಲ್ ಪಡೆಯೋಡು ಪಂದ್ ದೇವಲ್ಯದ ಮಾತಾ ಸದಸ್ಯೆರ್ ಬಿನ್ನಾಪು ಮಲ್ದೆರ್.

ಎ.8ರ್ದ್ ಸಗ್ರಿ ದೇವಲ್ಯೊಡು ನಾಗಮಂಡಲ ಬ್ರಹ್ಮಕಲಶ ಉಚ್ಚಯ

ಒಡಿಪು : ಸಗ್ರಿ ಶ್ರೀವಾಸುಕಿ ಸುಬ್ರಹ್ಮಣ್ಯ ದೇವಲ್ಯೊಡು ಎ.8ರ್ದ್ 11ತಾರೀಖ್ ಮುಟ ನವನಿರ್ಮಿತ ಶ್ರೀನಾಗದೇವರ ಗುಡಿ ಸಮರ್ಪಣೆ, ಪುನಃ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ ನಾಗಮಂಡಲೋಚ್ಚಯ ಪಾಡಿಗಾರು ಶ್ರೀನಿವಾಸ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.

ದೇವಲ್ಯಡ್ ಕೋಡೆ ಲೆತ್ತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಬ್ರಹ್ಮ ಕಲಶ ಉಚ್ಚಯ ನಾಗಮಂಡಲೋಚ್ಚಯ ಸಮಿತಿ ಗುರ್ಕಾರ್ಲಾಯಿನ , ಶಾಸಕ ಕೆ.ರಘುಪತಿ ಭಟ್, ಪ್ರತಿದಿನ ನಡಪುನ ಧರ್ಮಸಭೆಟ್ ಅವ್ವೆತೋ ಮಠಾಧೀಶೆರ್ ಮಂತ್ರಿನಕುಲು , ಜನಪ್ರತಿನಿಧಿನಕುಲು ಉದ್ಯಮಿನಕುಲು ಬೊಕ್ಕ ಬೇತೆ ಬೇತೆ ಕ್ಷೇತ್ರದ ಗಣ್ಯೆರ್ ಪಾಲ್ ಪಡೆಯರೇ ಉಲ್ಲೆರ್ . ಐರ್ದ್ ಬೊಕ್ಕ ನಡಪುನ ಸಾಂಸ್ಕೃತಿಕ ಲೇಸ್ ಡ್ ರಾಷ್ಟ್ರೀಯ ಅಂತಾರಾಷ್ಟ್ರೀಯ ಕಲಾವಿದೆರ್ ಪಾಲ್ ಪಡೆಯರೇ ಉಲ್ಲೆರ್.

ಶ್ರೀ ಮಹಾಲಕ್ಷ್ಮಿ ದೇವಲ್ಯ ಉಚ್ಚಿಲ : ಇನಿತ ಕಾರ್ಯಕ್ರಮದ ವಿವರ

ಮುಲ್ಕಿ: ಉಚ್ಚಿಲದ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಜೀರ್ಣೋದ್ಧಾರ ಆದ್ ಪೊಸ ದೇಖಿಡ್ ತೋಜಿದ್ ಲಕ್ಷಾಂತರ ಭಕ್ತೆರೆನ್ ಆಕರ್ಷಣೆ ಮಲ್ತೊಂದುಂಡು. ಈ ಸಾನ್ನಿಧ್ಯಡ್ ೨೦೨೨ನೇ ಏಪ್ರಿಲ್ ೧ ಸುಕ್ರಾರೊರ್ದು ಏಪ್ರಿಲ್ ೧೫ ಸುಕ್ರಾರ ಮುಟ್ಟ ಶ್ರೀ ಮಹಾಲಕ್ಷ್ಮಿ ದೇವಿ, ಪರಿವಾರ ದೇವೆರ್‍ನ ಪುನರ್‌ಪ್ರತಿಷ್ಠೆ, ರಥೋತ್ಸವ, ಚತುಃಪವಿತ್ರ ನಾಗಮಂಡಲೋತ್ಸವದ ಲೇಸ್ ಶ್ರೀ ಕ್ಷೇತ್ರದ ತಂತ್ರಿಲು ವಿದ್ವಾನ್ ಕುಕ್ಕಿಕಟ್ಟೆ ರಾಘವೇಂದ್ರ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು. ದೇವಲ್ಯೊಡು ಇನಿ ನಡಪುನ ಲೇಸ್ ದ ವಿವರ.

ಏ.೪ ಸೋಮಾರ ಕಾಂಡೆ ಬಿಂಬ ಶುದ್ಧಿ ಬೊಕ್ಕ ವೈದಿಕ ವಿಧಿವಿಧಾನ, ಬಯ್ಯಡ್ ಸುಗಮ ಸಂಗೀತ, ಚಕ್ರಾಬ್ಧ ಮಂಡಲ ಪೂಜೆ, ನಿತ್ಯ ಭಜನೆ, ಧಾರ್ಮಿಕ ಸಭಾ ಕಾರ್ಯಕ್ರಮಡ್ ಶ್ರೀ ಸುಬ್ರಹ್ಮಣ್ಯ ಮಠತ್ತ ಶ್ರೀ ವಿದ್ಯಾಪ್ರಸನ್ನ ತೀರ್ಥ ಸ್ವಾಮಿಲೆರ್ದ್ ಆಶೀರ್ವಚನ, ೬.೩೦ಕ್ಕ್ ಹೂಡೆ ಶ್ರೀ ಹನುಮಾನ್ ವಿಠೋಭ ಮಾತೃ ಮಂಡಳಿದ ಭಜಕೆರೆರ್ದ್ ನಲಿತ್‌ದ್ ಭಜನೆ, ನೃತ್ಯ ಭಾರತಿ, ಕದ್ರಿ ಮೊಕ್ಲೆರ್ದ್ ನವದುರ್ಗ ನಮಃ, ಶ್ರೀ ಕೃಷ್ಣಾಂತರಂಗ ನೃತ್ಯ ರೂಪಕ ಬೊಕ್ಕ ದೇವದಾಸ್ ಕಾಪಿಕಾಡ್ ಕೂಟದಕ್ಲೆರ್ದ್ “ನಮಸ್ಕಾರ ಮಾಸ್ಟ್ರೇ’ ತುಳು ನಾಟಕ ಪ್ರದರ್ಶನ ನಡಪರೆ ಉಂಡು.

ಪೆತ್ತ ಕಂಡುನೆನ್ ಖಂಡಿಸಾಯಿನ ಮುಸ್ಲಿಂ ಒಕ್ಕೂಟ : ಕಲ್ವೆರೆನ್ ಪತ್ತೆರೆ ಆಗ್ರಹ ಮಲ್ತಿನ ಶರೀಫ್

ಕಾರ್ಲ : ಕಾರ್ಲ ಪರಿಸರಡ್ ಇಂಚೋಗು ಅಮಾನುಷ ಬೊಕ್ಕ ಅಮಾನವೀಯವಾದ್ ಪೆತ್ತ ಕಂಡುನ ತೊಜೀದ್ ಬರೊಂದು ಉಂಡು . ಉಂದು ಬಾರಿ ಬೇಜಾರ್ ದ ಸಂಗತಿ ಆದುಂಡು ಈ ಬೇಲೆನ್ ಒಡಿಪು ಜಿಲ್ಲಾ ಮುಸ್ಲಿಂ ಒಕ್ಕೂಟ ಖಂಡನೇ ಮಲ್ಪುಂಡು ಪಂದ್ ಮುಸ್ಲಿಮ್ ಒಕ್ಕೂಟ ತಾಲೂಕು ಘಟಕದ ಅಧ್ಯಕ್ಷ ಮೊಹಮ್ಮದ್ ಶರೀಫ್ ಬಂಗ್ಲೆಗುಡ್ಡೆ ಪಂಡೆರ್ .

ಪೆತ್ತ ಕಂಡುನೆರ್ದ್ ಅವೆನೇ ನಂಬೋoದು ಐರ್ದ್ ಬರ್ಪಿನ ಕಾಸ್ ಡ್ ಬದ್ ಕ್ ಕಟ್ಟುನಕುಲು ಆವೆತೋ ಜನ ಪೆತ್ತ ಕಲೆಯೊಂದು ಬಾರಿ ಆದಾಯದಿಂದಲೇ ಬದುಕು ಬಂಗಡ್ ಉಲ್ಲೆರ್. ಆತೆ ಅತ್ತoದೆ ಸಮಾಜಡ್ ಶಾಂತಿ, ಸೌಹಾರ್ದತೆಗ್ ಇಂಚಿನ ಬೇಲೆರ್ದ್ ಧಕ್ಕೆ ಆವೊಂದು ಉಂದು . ಪಂದ್ ಪಂಡೆರ್.

ಬಾರಿ ವೈರಲ್ ಆವೊಂದು ಉಂಡು ಸ್ಪೂರ್ತಿದ ಕಡಲ್ ಅಮ್ಮ ಸಾಂಗ್

ಕುಡ್ಲ : ದಯಾ ಕ್ರಿಯೇಷನ್ ಅರ್ಪಣೆ ಮಲ್ಪುನ “ಸ್ಪೂರ್ತಿದ ಕಡಲ್ ಅಮ್ಮ” ಪನ್ಪಿನ ಪೊಸ ತುಳು ಆಲ್ಬಮ್ ಸಾಂಗ್ .,ಶ್ರೀ ಕ್ಷೇತ್ರ ಕುಕ್ಕಾಜೆದ ಧರ್ಮದರ್ಶಿ ಶ್ರೀ ಶ್ರೀಕೃಷ್ಣ ಗುರೂಜಿಲೆನ ಶುಭ ಆಶೀರ್ವಾದಡ್ ಏಪ್ರಿಲ್ 2 ಕ್ಕ್ ಶ್ರೀ ಕ್ಷೇತ್ರ ಕುಕ್ಕಾಜೆಡ್ ಬುಡುಗಡೆ ಆತುಂಡು .

ಅಶ್ವಿನಿ ಪೆರುವಾಯಿ ಮೆರೆನ ಅದ್ಭುತ ಕಂಠ ಸಿರಿಟ್ ಮೂಡುದು ಬತ್ತಿನ
“ಸ್ಪೂರ್ತಿದ ಕಡಲ್ ಅಮ್ಮ” ಪನ್ಪಿನ ಈ ಪೊಸ ತುಳು ಆಲ್ಬಮ್ ಸಾಂಗ್ ದಯಾ ಕ್ರಿಯೇಷನ್ ಯೂಟ್ಯೂಬ್ ಚಾನಲ್ ಡ್ ಬುಡುಗಡೆ ಆತುಂಡು.

36ನೇ ವರ್ಸೋದ ಉಪ್ಪಿನಂಗಡಿ “ವಿಜಯ – ವಿಕ್ರಮ” ಜೋಡುಕರೆ ಕಂಬುಲ ಕೂಟದ ಫಲಿತಾoಶ

ಕೂಟೊಡು ಪಾಲ್ ಪಡೆಯಿನ ಎರುಕ್ಲೆನ ಸಂಖ್ಯೆ :

ಕನೆಪಲಯಿ : 04 ಜೊತೆ
ಅಡ್ಡಪಲಯಿ : 08 ಜೊತೆ
ಬಲ್ಲ್ ದ ಮಲ್ಲ : 13 ಜೊತೆ
ನಾಯರ್ ದ ಮಲ್ಲ : 23 ಜೊತೆ
ಬಲ್ಲ್ ದ ಎಲ್ಯ 12 ಜೊತೆ
ನಾಯರ್ ದ ಎಲ್ಯ : 65 ಜೊತೆ
ಒಟ್ಟು ಎರುತ ಸಂಖ್ಯೆ: 125 ಜತೆ

ಕನೆಪಲಯಿ :

ಸುರುತ ಇನಾಮು : ವಾಮಂಜೂರು ತಿರುವೈಲುಗುತ್ತು ನವೀನ್ಚಂದ್ರ ಆಳ್ವ
ಪಲಯಿ ಮುಟ್ಟಿನಾರ್ : ಬೈಂದೂರು ಭಾಸ್ಕರ ದೇವಾಡಿಗ

ರಡ್ಡನೇ ಇನಾಮು : ಬಾರ್ಕೂರು ಶಾಂತಾರಾಮ್ ಶೆಟ್ಟಿ
ಪಲಯಿ ಮುಟ್ಟಿ ನಾರ್: ಮಂದಾರ್ತಿ ಶಿರೂರು ಗೋಪಾಲ ನಾಯ್ಕ್

ಅಡ್ಡ ಪಲಯಿ :

ಸುರುತ ಇನಾಮು : ಪೆರಿಯಾವುಗುತ್ತು ಸತೀಶ್ ಗಟ್ಟಿಯಾಳ್
ಪಲಯಿ ಮುಟ್ಟಿನಾರ್: ಮುಳಿಕಾರು ಕೆವುಡೇಲು ಅಣ್ಣಿ ದೇವಾಡಿಗ

ರಡ್ಡ ನೇ ಇನಾಮು : ಕೆರೆಕೋಡಿಗುತ್ತು ಬೀಯಪಾದೆ ಶೇಖರ್ ಪೂಜಾರಿ “ಎ”
ಪಲಯಿ ಮುಟ್ಟಿನಾರ್ : ಸಾವ್ಯ ಗಂಗಯ್ಯ ಪೂಜಾರಿ

ಬಲ್ಲ್ ದ ಮಲ್ಲ :

ಸುರುತ ಇನಾಮು : ಮಿಜಾರ್ ಪ್ರಸಾದ್ ನಿಲಯ ಶಕ್ತಿ ಪ್ರಸಾದ್ ಶೆಟ್ಟಿ “ಎ”
ಗಿಡಯಿನಾರ್ : ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ರಡ್ಡನೇ ಇನಾಮು : ಮಾಳ ಆನಂದ ನಿಲಯ ಶೇಖರ್ ಎ ಶೆಟ್ಟಿ
ಗಿಡಯಿನಾರ್:ಕೊಳಕೆ ಇರ್ವತ್ತೂರು ಆನಂದ್

ಬಲ್ಲ್ ದ ಎಲ್ಯ :

ಸುರುತ ಇನಾಮು : ಮೂಡಬಿದ್ರಿ ಹೊಸಬೆಟ್ಟು ಏರಿಮಾರು ಬರ್ಕೆ ಚಂದ್ರಹಾಸ ಸಾಧು ಸನಿಲ್
ಗಿಡಯಿನಾರ್: ಬೈಂದೂರು ವಿವೇಕ್ ಪೂಜಾರಿ

ರಡ್ಡನೇ ಇನಾಮು : ಚೊಕ್ಕಾಡಿ ಕಟಪಾಡಿ ದೈವೀಕ್ ಸಂತೋಷ್ ಶೆಟ್ಟಿ “ಎ”
ಗಿಡಯಿನಾರ್: ಬೈಂದೂರು ಮಂಜುನಾಥ್

ನಾಯರ್ದ ಮಲ್ಲ ::

ಸುರುತ ಇನಾಮು : ಇರುವೈಲು ಪಾನಿಲ ಬಾಡ ಪೂಜಾರಿ “ಎ”
ಗಿಡಯಿನಾರ್: ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ರಡ್ಡನೇ ಇನಾಮು : ಇರುವೈಲು ಪಾನಿಲ ಬಾಡ ಪೂಜಾರಿ “ಬಿ”
ಗಿಡಯಿನಾರ್: ಬೈಂದೂರು ವಿವೇಕ್ ಪೂಜಾರಿ

ನಾಯರ್ ದ ಎಲ್ಯ :

ಸುರುತ ಇನಾಮು : ಮೊಗರುಗುತ್ತು ರಿಷಿ ಶೆಟ್ಟಿ “ಎ”
ಗಿಡಯಿನಾರ್: ಕೋರಿಂಜೆ ಅರುಣ್

ರಡ್ಡ ನೇ ಇನಾಮು : ನಕ್ರೆ ಮಹೋಧರ ನಿವಾಸ ಇಶಾನಿ ದಯಾನಂದ ಭಂಡಾರಿ
ಗಿಡಯಿನಾರ್: ಬೈಂದೂರು ವಿಶ್ವನಾಥ ದೇವಾಡಿಗ

ಎನ್. ಟಿ. ಪೂಜಾರಿ ಗುರ್ಕಾರ್ಮೆದ ರೆಸ್ಟೋರೆಂಟ್ಗ್ ಟೈಂಸ್ ಫುಡ್ಸ್ ಅವಾರ್ಡ್

 

ಬೊಂಬಾಯಿ : ಬೊಂಬಾಯಿದ ಪುಗರ್ತೆದ ಹೋಟೇಲ್ ಉದ್ಯಮಿ, ಬಿಲ್ಲವ ಚೇಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿದ ಕಾರ್ಯಾಧ್ಯಕ್ಷೆರಾಯಿನ ಎನ್. ಟಿ. ಪೂಜಾರಿ ಮೆರೆನ ಗುರ್ಕಾರ್ಮೆದ ರೆಸ್ಟೋರೆಂಟ್ ಆಯಿನ ಬೊಂಬಾಯಿದ ಬಾಂದ್ರಾದ ಬಿ.ಕೆ.ಸಿ. ಯ ಕೈಮಾ ಬೊಕ್ಕ ಬಟರ್ಫ್ಲೈ ಹೈ ರೆಸ್ಟೋರೆಂಟ್ ಗ್ ಈ ಸಲದ ಟೈಂಸ್ ಫುಡ್ಸ್ ಅವಾರ್ಡ್ ಬೈದುಂಡು .

ಈ ಮಾನದಿಗೇನ್ ಎನ್. ಟಿ. ಪೂಜಾರಿ ಬೊಕ್ಕ ಆರ್ನ ಮಗಲ್ ನಿಕಿತಾ ಪೂಜಾರಿ ಇಂಚೋಗು ಪಡೆಯೆರ್ .

ಭರತನಾಟ್ಯ ವಿದ್ವತ್ ಪರೀಕ್ಷೆಡ್ ಪಾಸ್ ಆಯಿನ ವೆನೆಸ್ಸಾ

ಕುಡ್ಲ : ಕರ್ನಾಟಕ ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿ ನಡಪಾಯಿನ ಭರತನಾಟ್ಯ ವಿದ್ವತ್ ಅಂತಿಮ ಪರೀಕ್ಷೆಡ್ ಕುಡ್ಲದ ನೃತ್ಯ ಸುಧಾ ಸಂಸ್ಥೆದ ವಿದ್ಯಾರ್ಥಿನಿ ವೆನೆಸ್ಸಾ ಮೊಂತೆರೊ ವಿಶಿಷ್ಟ ಶ್ರೇಣಿಡ್ ತೇರ್ಗಡೆ ಆತೆರ್ .

ವೆನೆಸ್ಸಾ, ವಿದುಷಿ ಸೌಮ್ಯ ಸುಧೀಂದ್ರ ರಾವ್ ಮೆರೆನ ಶಿಷ್ಯೆ.
ಕುಡ್ಲದ ಸಂತ ಅಲೋಶಿಯಸ್ ಕಾಲೇಜ್ ಡ್ ಅಂತಿಮ ವರ್ಷದ ಬಿ.ಕಾಂ ಪದವಿ ವಿದ್ಯಾರ್ಥಿನಿ. ಬೆಳುವಾಯಿ ಎಸ್.ಎಂ.ಪಿ. ಪ್ರೌಢಶಾಲೆ ಪದವೀಧರ ಸಹಾಯಕ ವಲೇರಿಯನ್ ಮೊಂತೆರೊ ಬೊಕ್ಕ ತೆಂಕಮಿಜಾರು ಸರ್ಕಾರಿ ಪದವಿ ಪೂರ್ವ ಕಾಲೇಜ್ ದ ಉಪನ್ಯಾಸಕಿ ಅನಿತಾ ಪಿಂಟೊ ದಂಪತಿಲೆನ ಮಗಲ್ .

ಐನೆಕಿದು ಗ್ರಾಮೊದ ಕೆದಿಲ ಶಶಿಧರ್ ಮೆರೆನ ತೋಟೊಗು ದಾಳಿ ಮಲ್ತಿನ ಆನೆ

ಕೆದಿಲ : ಐನೆಕಿದು ಗ್ರಾಮದ ಕೆದಿಲ ಶಶಿಧರ್ ಮೆರೆನ ತೋಟಗ್ ಆನೆ ದಾಳಿ ಮಲ್ತಿನ ಘಟನೆ ಇನಿ ಕಾಂಡೆ 5.30ಕ್ ನಡತುಂಡು . ರಡ್ಡ್ ದಿನತ ಪಿರವುಲಾ ಉಂದುವೇ ಗ್ರಾಮ ದ ರವಿ ಕೆದಿಲ ಮೆರೆನ ತೋಟಗ್ ಆನೆ ದಾಳಿ ಮಲ್ದುಂಡು ನೆರ್ದಾವರ ಬೆನ್ನಿ ಗ್ ಮಸ್ತ್ ಹಾನಿಆತುಂಡು .

ಇತ್ತೆ ಆನೆ ದಾಳಿ ಈ ಜಾಗೆಡ್ ಜಾಸ್ತಿ ಆವೊಂದು ಉಂಡು ಬೆನ್ನಿ ಬೆನ್ಪಿನಕ್ಲೆಗ್ ಮಸ್ತ್ ಬಂಗ ಆವೊಂದು ಉಂಡು ಪಂದ್ ಪಂಡೆರ್.

ವರದಿ : ಚಂದನ್ ಕೆ ಎಸ್

You Missed