Wed. Nov 18th, 2026

ಊರ್ದ ಸುದ್ದಿ Regional News

ಮಾಣಿಲ ಕುಕ್ಕಾಜೆ ಶ್ರೀ ಕಾಳಿಕಾಂಬಾ ಆಂಜನೇಯ ದೇವಲ್ಯೊಡು ಬುಡುಗಡೆ ಆಯಿನ ದಯಾ ಕ್ರಿಯೇಷನ್ ಅರ್ಪಣೆ ಮಲ್ಪುನ ಶ್ರೀ ಕ್ಷೇತ್ರದ ತುಳು ಭಕ್ತಿಗೀತೆ ‘ಸ್ವರ್ಗದ ಸಿರಿ’

ಮಾಣಿಲ ಕುಕ್ಕಾಜೆ ಶ್ರೀ ಕಾಳಿಕಾಂಬಾ ಆಂಜನೇಯ ದೇವಲ್ಯೊಡು ಬುಡುಗಡೆ ಆಯಿನ ದಯಾ ಕ್ರಿಯೇಷನ್ ಅರ್ಪಣೆ ಮಲ್ಪುನ
ಶ್ರೀ ಕ್ಷೇತ್ರದ ತುಳು ಭಕ್ತಿಗೀತೆ ‘ಸ್ವರ್ಗದ ಸಿರಿ’

ವಿಟ್ಲ: ಮಾಣಿಲ ಕುಕ್ಕಾಜೆ ಶ್ರೀ ಕಾಳಿಕಾಂಬಾ ಆಂಜನೇಯ ದೇವಲ್ಯೊಡು ಅಂಗಾರೆ ದಯಾ ಕ್ರಿಯೇಷನ್ ಅರ್ಪಣೆ ಮಲ್ಪುನ
ಶ್ರೀ ಕ್ಷೇತ್ರದ ತುಳು ಭಕ್ತಿಗೀತೆ ‘ಸ್ವರ್ಗದ ಸಿರಿ’ ಪದನ್ ಬುಡುಗಡೆ ಮಲ್ತ್ ಪಾತೆರಿನ ಶ್ರೀ ಕ್ಷೇತ್ರದ ಧರ್ಮದರ್ಶಿ ಶ್ರೀಕೃಷ್ಣ ಗುರೂಜಿ ಪುಣ್ಯ ಕ್ಷೇತ್ರದ ಪೊಲಬು ಮಲ್ಪರೆ , ದೇವಲ್ಯೊದ ಹಿನ್ನೆಲೆ, ಮಹಿಮೆನ್ ನಾಡೊರ್ಮೆ ಪಸರಾಯೆರೆ ಪ್ರಸಕ್ತ ಸನ್ನಿವೇಶಡ್ ಮಸ್ತ್ ಸಾಕಾರ ಕೊರೊಂದು ಉಂಡು. ಸಾಹಿತ್ಯ, ಗಾಯನ, ಸಂಯೋಜನೆ ಎಡ್ಡೆ ರೀತಿಡ್ ಮೂಡ್ದು ಬರೊಂದು ಉಂಡು ಪಂದ್ ಪಂಡೆರ್.

ಈ ಪೊರ್ತುಡು ದಯಾ ಕ್ರಿಯೇಷನ್ ದ ದಯಾನಂದ ಅಮೀನ್ ಬಾಯಾರು, ಸಾಹಿತ್ಯ ಬರೆಯಿನ ಶಶಿಕಲಾ ಭಾಸ್ಕರ್ ದೈಲಾ ಬಾಕ್ರಬೈಲ್, ಗಾಯಕಿ ನಂದಿನಿ ಆಚಾರ್ಯ ವರ್ಕಾಡಿ,
ರವಿ ಎಸ್.ಎಂ,ಕ್ಷೇತ್ರದ ಕಾರ್ಯನಿರ್ವಾಹಕೆರ್, ಭಕ್ತೆರ್ ಪಾಲ್ ಪಡೆದಿತ್ತೆರ್ .

ದೇವೆರೆ ಪಾದೊ ಸೇರ್ಯೆರ್ ಕೇಶವ ಜೋಗಿತ್ತಾಯ

ದೇವೆರೆ ಪಾದೊ ಸೇರ್ಯೆರ್ ಕೇಶವ ಜೋಗಿತ್ತಾಯ

ಕುಕ್ಕೆ ಸುಬ್ರಹ್ಮಣ್ಯ: ಕುಕ್ಕೆ ಸುಬ್ರಹ್ಮಣ್ಯಡ್ 45 ವರ್ಷ ಕಾಲ ಮಲ್ಲ ಭಟ್ರ್ ಆದ್ ತುಳುನಾಡ್ ಡೆ ಮಲ್ಲ ಸಂಖ್ಯೆಡ್ ನಾಗಪ್ರತಿಷ್ಠೆ ಮಲ್ದಿನ ಪುಗಾರ್ತೆ ಪಡೆಯಿನ ಭಾರತದ ಘಟಾನುಘಟಿ ರಾಜಕಾರಣಿಲೆನ ಧಾರ್ಮಿಕ ಸಲಹೆಗಾರೆರಾಯಿನ ಬ್ರಹ್ಮಶ್ರೀ ವೇದ ಮೂರ್ತಿ ಕೇಶವ ಜೋಗಿತ್ತಾಯ ವಯೋಸಹಜ ಸೀಕ್ ರ್ದ್ ಮೇ.24ಕ್ಕ್ ದೇವೆರೆ ಪಾದೋ ಸೇರಿಯೆರ್ .


45 ವರ್ಷ ಪಿರಾಕ್ಡ್ ಕುಕ್ಕೆ ಸುಬ್ರಹ್ಮಣ್ಯಡ್ ಕೇಶವ
ಜೋಗಿತ್ತಾಯೆರ್ ಭಟ್ರ್ ಆದ್ ಸೇವೆ ಸುರು ಮಲ್ತ್ ಮಲ್ಲ ಭಟ್ರ್ ಆದ್ 2016ಟ್ಟ್ ನಿವೃತ್ತಿ ಪಡೆಯೆರ್ . ಮೇರ್ ಬೊಲ್ತೆರ್ ದ ತನ್ನಿರುಪಂತದ ಬಾಂಗಲಾಯಿ ನಿವಾಸಿಯಾತೆರ್ .
ಮಾಜಿ ಪ್ರಧಾನಿ ದೇವೇಗೌಡ, ಮಾಜಿ ಮುಖ್ಯಮಂತ್ರಿ ಧರ್ಮಸಿಂಗ್, ಉದ್ಯಮಿ ಮುತ್ತಪ್ಪ ರೈ ಸಹಿತ ಕೆಲವು ಘಟಾನುಘಟಿ ನಾಯಕೆರ್ನ ಧಾರ್ಮಿಕ ಸಲಹೆಗಾರೆರಾದ್ ಅಕ್ಲೆನ ಮಾತಾ ಧಾರ್ಮಿಕ ಲೇಸ್ ದ ಮುತಾಲಿಕೆನ್ ಜೋಗಿತ್ತಾಯೆರೇ ತೂವೊಂದು ಇತ್ತೆರ್ .
ಸುಬ್ರಹ್ಮಣ್ಯ ದೇವಲ್ಯಗ್ ಸಚಿನ್ ತೆಂಡೂಲ್ಕರ್ ಬನ್ನಗ ಜೋಗಿತ್ತಾಯೆರೇ ಪ್ರದಾನ ಭಟ್ರ್ ಆದ್ ಇತ್ತೆರ್ .

ಪುತ್ತೂರು ಮಹಾಲಿಂಗೇಶ್ವರ ದೇವಲ್ಯೊಗು ಮುತ್ತಪ್ಪ ರೈ ಬ್ರಹ್ಮರಥೋತ್ಸವ ಸಮರ್ಪಣೆ ಮಲ್ಪುನಗಲ ಜೋಗಿತ್ತಾಯೆರ್ ಧಾರ್ಮಿಕ ಉಸ್ತುವಾರಿ ದೆತೊoದು ಇತ್ತೆರ್.

ವರದಿ : ಗೋಪಿಚಂದನ್ ಕೆ. ಎಸ್

 

ರೇಡಿಯೊ ಮಣಿಪಾಲ 90.4 MHz ಸಮುದಾಯ ಬಾನುಲಿ: ಆರೋಗ್ಯ ಭಾಗ್ಯ ಲೇಸ್

ರೇಡಿಯೊ ಮಣಿಪಾಲ 90.4 MHz ಸಮುದಾಯ ಬಾನುಲಿ: ಆರೋಗ್ಯ ಭಾಗ್ಯ ಲೇಸ್

ಒಡಿಪು : ಒಡಿಪು ಜಿಲ್ಲಾ ರೋಗವಾಹಕ ಆಶ್ರಿತ ಸೀಕ್ ದ ನಿಯಂತ್ರಣಾಧಿಕಾರಿ ಡಾ.ಪ್ರಶಾಂತ್ ಭಟ್ ಈ ಸಂದರ್ಶನಾಧಾರಿತ ಲೇಸ್ ಡ್ ಪಾಲ್ ಪಡೆದ್ ಡೆಂಗ್ಯೂ ಬಗ್ಗೆ ಮಾಹಿತಿ ಕೊರಿಯೆರೆ ಉಲ್ಲೆರ್ . ಈ ಲೇಸ್ ಮೇ ತಿಂಗೊಲ್ದ 24 ನೇ ಅಂಗಾರೆ, ಬಯ್ಯಗ್ 5 ಗಂಟೆಗ್ ಪ್ರಸಾರ ಆಯೆರೆ ಉಂಡು ಅಂಚನೆ
ಮೇ 25ಕ್ಕ್ ಮಧ್ಯಾಹ್ನ 12ಕ್ ಕುಡ ಪ್ರಸಾರ ಆಯೆರೆ ಉಂಡು.

ಕಾರ್ಲ ನಿರಂತರ ಯೋಗಶಿಕ್ಷಣ ಕೇಂದ್ರದ ಯೋಗ ಗುರುಕುಲಾಯಿನ ಕೆ. ನರೇಂದ್ರ ಕಾಮತೆರೆಗ್ ಯೋಗ ಕ್ಷೇತ್ರದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್

ಕಾರ್ಲ ನಿರಂತರ ಯೋಗಶಿಕ್ಷಣ ಕೇಂದ್ರದ ಯೋಗ ಗುರುಕುಲಾಯಿನ ಕೆ. ನರೇಂದ್ರ ಕಾಮತೆರೆಗ್ ಯೋಗ ಕ್ಷೇತ್ರದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್

ಕಾರ್ಲ : ಕಾರ್ಲ ನಿರಂತರ ಯೋಗ ಶಿಕ್ಷಣ ಕೇಂದ್ರ ನೆತ್ತ ಯೋಗಗುರುಕುಲಾಯಿನ ಕೆ.ನರೇಂದ್ರ ಕಾಮತ್,ಮೆರ್ನ ಯೋಗ ವಿಭಾಗಡ್ 21 ಪ್ರಮಾಣ ಪತ್ರ ಬೊಕ್ಕ 12 ರಾಷ್ಟ್ರೀಯ ಪ್ರಶಸ್ತಿದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್ ಸೇರ್ಪಡೆ ಆತುಂಡು .

ಮೇರ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಬೆಟ್ಟುಡು ದೈಹಿಕ ಶಿಕ್ಷಕೆ ಆದ್ ಬೇಲೆ ಮಲ್ತೊಂದು ಉಲ್ಲೆರ್.

ಎಸೆಸೆಲ್ಸಿ ಪರೀಕ್ಷೆಡ್ ಮುಡಾರು ಗ್ರಾಮ ವ್ಯಾಪ್ತಿಡ್ ಸಾಧನೆ ಮಲ್ತಿನ ಜೋಕ್ಲೆಗ್ ಬಿಜೆಪಿ ಯುವ ಮೋರ್ಚಾ ಮುಡಾರು ಮಹಾಶಕ್ತಿ ಕೇಂದ್ರದ ವತಿರ್ದ್ ಮಾನದಿಗೆ

ಎಸೆಸೆಲ್ಸಿ ಪರೀಕ್ಷೆಡ್ ಮುಡಾರು ಗ್ರಾಮ ವ್ಯಾಪ್ತಿಡ್ ಸಾಧನೆ ಮಲ್ತಿನ ಜೋಕ್ಲೆಗ್
ಬಿಜೆಪಿ ಯುವ ಮೋರ್ಚಾ ಮುಡಾರು ಮಹಾಶಕ್ತಿ ಕೇಂದ್ರದ ವತಿರ್ದ್ ಮಾನದಿಗೆ

ಕಾರ್ಲ: ಬಿಜೆಪಿ ಯುವ ಮೋರ್ಚಾ ಮುಡಾರು ಮಹಾ ಶಕ್ತಿ ಕೇಂದ್ರದ ವತಿರ್ದ್ ಮುಡಾರು ಗ್ರಾಮ ವ್ಯಾಪ್ತಿದ ಎಸ್.ಎಸ್.ಎಲ್.ಸಿ ಪರೀಕ್ಷೆ ಡ್ ರಾಜ್ಯಗ್ ಸುರುತ ತಾನೊ ಪಡೆಯಿನ ಶ್ರೇಯಾ. ಆರ್.ಶೆಟ್ಟಿ ಬೊಕ್ಕ 90% ರ್ದ್ ಜಾಸ್ತಿ ಅಂಕ ಪಡೆಯಿನ ಜೋಕ್ಲೆನ್ ಅಕ್ಲೆನ ಇಲ್ಲಗ್ ಪೋದು ಮಾನದಿಗೆ ಮಲ್ತೆರ್.

ಈ ಪೊರ್ತುಡು ಬಿಜೆಪಿ ಯುವ ಮೋರ್ಚಾದ ಮಹಾಶಕ್ತಿ ಕೇಂದ್ರ ಗುರ್ಕಾರ್ಲಾಯಿನ ರಜತ್ ರಾಮ್ ಮೋಹನ್, ತಾಲೂಕು ಯುವ ಮೋರ್ಚಾ ಕಾರ್ಯದರ್ಶಿ ಪ್ರಶಾಂತ್ ಕುಮಾರ್, ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ಶಿವಪ್ರಸಾದ್, ರೇಖಾ ಭಂಡಾರಿ,ಜಾಯ್ಸ್ ಪ್ರೆಸಿಲ್ಲಾ, ಯುವ ಮೋರ್ಚಾ ಮುಖಂಡೆರಾಯಿನ ಸುರೇಂದ್ರ ಅಂಚನ್,ಲೋಕೇಶ್ ಶೆಟ್ಟಿ, ಸುನಿಲ್ ಶೆಟ್ಟಿ, ದಿನೇಶ್ ಶೆಟ್ಟಿ,ರಾಘವೇಂದ್ರ, ಪ್ರದೀಪ್ ಹಾಗೂ ಪಕ್ಷದ ಪೆರಿಯಾರ್ ಶಂಕರ್ ಶೆಟ್ಟಿ ,ಸುರೇಶ್ ಭಂಡಾರಿ ಪಾಲ್ ಪಡೆದಿತ್ತೆರ್.

ಕ್ರೀಡಾ ಅಂಕಣಕಾರೆ ಎಸ್.ಜಗದೀಶ್ಚಂದ್ರ ಅಂಚನ್ ಗ್ ಕೆ.ವಿ.ಆರ್.ಟ್ಯಾಗೋರ್ ಪ್ರಶಸ್ತಿ ಪ್ರದಾನ

ಕ್ರೀಡಾ ಅಂಕಣಕಾರೆ ಎಸ್.ಜಗದೀಶ್ಚಂದ್ರ ಅಂಚನ್ ಗ್
ಕೆ.ವಿ.ಆರ್.ಟ್ಯಾಗೋರ್ ಪ್ರಶಸ್ತಿ ಪ್ರದಾನ

ಕುಡ್ಲ : ಕಾರ್ಯನಿರತ ಪತ್ರಕರ್ತೆರ್ನ ಸಂಘ( ಕೆಯುಡಬ್ಲ್ಯುಜೆ )ದ ಕಾಸ್ರೊಡು ಘಟಕ ಬೇತೆ ಬೇತೆ ದತ್ತಿನಿಧಿ ಪ್ರಶಸ್ತಿಗ್ ಏಳ್ ಜನ ಪತ್ರಕರ್ತರ್ತೆರೆನ್ ಆಯ್ಕೆ ಮಲ್ದೆರ್ , ಕ್ರೀಡಾ ಅಂಕಣಕಾರೆರಾದ್ ಪುಗಾರ್ತೆ ಪಡೆಯಿನ ಎಸ್. ಜಗದೀಶ್ಚಂದ್ರ ಅಂಚನ್ ಸೂಟರ್ ಪೇಟೆ ಮೆರೆಗ್ ಕೆ.ವಿ. ಆರ್. ಟ್ಯಾಗೋರ್ ದತ್ತಿನಿಧಿ ಪ್ರಶಸ್ತಿನ್ ಕರ್ನಾಟಕ ರಾಜ್ಯ ಸರಕಾರದ ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆ ಸಚಿವೆರಾಯಿನ ಕೋಟ ಶ್ರೀನಿವಾಸ ಪೂಜಾರ್ಲು ಪ್ರದಾನ ಮಲ್ತೆರ್ .

ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ ಬೆಂಗ್ಳೂರು , ಕಾಸ್ರೋಡು ಜಿಲ್ಲಾ ಪತ್ರಕರ್ತೆರ್ನ ಸಂಘ ಬೊಕ್ಕ ಕರ್ನಾಟಕ ಸರಕಾರದ ಪ್ರವಾಸೋದ್ಯಮ ಇಲಾಖೆದ ಒಟ್ಟು ಸೇರಿಗೆಡ್ ಕುಂಬಳೆದ
ನಾರಾಯಣ ಮಂಗಲ ಎ.ಎಲ್.ಪಿ.ಶಾಲೆದ ಎಂ.ವಿ. ಬಳ್ಳುಳ್ಳಾಯ ಚಾವಡಿಡ್ ದತ್ತಿನಿಧಿ ಪ್ರಶಸ್ತಿ ಲೇಸ್ ಐತಾರ ನಡತ್oಡ್.

ನಿವೃತ್ತ ಐಪಿಎಸ್ ಅಧಿಕಾರಿ, ಕರ್ನಾಟಕ ವಾರ್ತಾ ಇಲಾಖೆದ ಆಯುಕ್ತೆರಾಯಿನ ಕೆ. ವಿ. ಆರ್. ಟ್ಯಾಗೋರ್ ಸ್ಮರಣಾರ್ಥ ಮೆರ್ನ ದೋಸ್ತಿ ಟಿ.ತಿಮ್ಮೇಗೌಡ ಹಾಗೂ ವೆಂಕಟೇಶ್ ತುಪ್ಪಿಲ್ ಕೊರಿನ ಈ ದತ್ತಿನಿಧಿ ಮಾನದಿಗೆ ರೂ.25,000/- ಪ್ರಶಸ್ತಿ ಫಲಕ ಉಂಡು ಉಂದೆನ್ , ಎಸ್. ಜಗದೀಶ್ಚಂದ್ರ ಅಂಚನ್ ಗ್ ಕೊರ್ದು ಮಾನದಿಗೆ ಮಲ್ತೆರ್.


ಸುಮಾರ್ 30 ವರ್ಷರ್ದ್ ಕ್ರೀಡಾ ಲೇಖನದ ಮುಖೇನ ಗುರ್ತಿಸಾಯಿನ ಜಗದೀಶ್ಚಂದ್ರ ಅಂಚನ್ ಇತ್ತೇ ಮುಟ ಸುಮಾರ್ 4500ರ್ದ್ ಜಾಸ್ತಿ ಕ್ರೀಡಾ ಲೇಖನ/ಅಂಕಣ ಬರವುನು ಬರೆತೆರ್ , ಉಂದು ರಾಜ್ಯ , ಅಂತರ್ ರಾಜ್ಯ ಮಟ್ಟದ ಬೇತೆ ಬೇತೆ ದಿನ ಪತ್ರಿಕೆಡ್ , ವಾರಪತ್ರಿಕೆಡ್ ಅಂಚನೆ ಮಾಸಪತ್ರಿಕೆಡ್ ಪ್ರಕಟ ಆತ್oಡ್ . ಮೆಕ್ಲೆನ ಚೊಚ್ಚಲ ಕೃತಿ ” ವಿಶ್ವಕಪ್ ಕ್ರಿಕೆಟ್ ಸಮರ ” ಪ್ರಕಟ ಆತುಂಡು .
ಪ್ರಶಸ್ತಿ ಪ್ರದಾನ ಲೇಸ್ ಡ್ ಶ್ರೀಮದ್ ಎಡನೀರು ಮಠಾಧೀಶೆ ರಾಯಿನ ಶ್ರೀ ಶ್ರೀ ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿ, ಶ್ರೀ ಪಾಣಕ್ಕಾಡ್ ಸಯ್ಯದ್ ಮುನನ್ವರಲಿ ಶಿಹಾಬ್ ತಂಙಳ್ ,‌ ಪದ್ಮಶ್ರೀ ಪುರಸ್ಕೃತ ಅಮೈ ಮಹಾಲಿಂಗ ನಾಯ್ಕ್ , ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ಜಿ.ಸಿ.ಲೋಕೇಶ್ , ಮಂಜೇಶ್ವರ ಶಾಸಕೆರಾಯಿನ ಎ.ಕೆ.ಎಂ.ಅಶ್ರಫ್ , ಪೆರಿಯ ಮಾಧ್ಯಮ ತಜ್ಞ ಈಶ್ವರ ದೈತೋಟ , ಕುಂಬಳೆ ಗ್ರಾಮ ಪಂಚಾಯತ್ ಉಪಾಧ್ಯಕ್ಷ ನಾಸರ್‌ ಮೊಗ್ರಾಲ್ , ಪತ್ರಕರ್ತರ ಸಂಘ ಕಾಸರಗೋಡು ಘಟಕದ ಗುರ್ಕಾರ್ಲಾಯಿನ ಎ.ಆರ್.ಸುಬ್ಬಯ್ಯಕಟ್ಟೆ , ದಕ್ಷಿಣ ಕನ್ನಡ ಘಟಕದ ಗುರ್ಕಾರ್ಲಾಯಿನ ಶ್ರೀನಿವಾಸ ನಾಯಕ್ ಇಂದಾಜೆ ಪಾಲ್ ಪಡೆದಿತ್ತೆರ್.
ಮೆರ್ನ ಕ್ರೀಡಾ ಬರವುಗಾದ್ 2013ಟ್ಟ್ ‘ಮೀಡಿಯಾ ಅವಾರ್ಡ್’, 2014ಟ್ಟ್ ‘ಸಮಾಜ ರತ್ನ ‘ ರಾಜ್ಯ ಪ್ರಶಸ್ತಿ , 2016ರ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ , 2018ಟ್ಟ್ ಗಡಿನಾಡ ರಾಜ್ಯೋತ್ಸವ ಪ್ರಶಸ್ತಿ ; ಜಾನಪದ ಕ್ರೀಡೆದ ಬಗ್ಗೆ ಮೇರ್ ಬರೆಯಿನ ಕ್ರೀಡಾ ಲೇಖನಗಾದ್ 2019ನೇ ಜಾನಪದ ಲೋಕ ರಾಜ್ಯ ಪ್ರಶಸ್ತಿ ; 2020ಟ್ಟ್ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯ ಸಮ್ಮೇಳನಡ್ ಕೆ.ಎ.ನೆಟ್ಟಕಲ್ಲಪ್ಪ ರಾಜ್ಯ ಪ್ರಶಸ್ತಿ , 2021ಟ್ಟ್ ಸಿದ್ಧಗಂಗಾ ಶ್ರೀ ರಾಜ್ಯ ಪ್ರಶಸ್ತಿ , ಆತೆ ಅತ್ತoದೆ ನಮ್ಮ ಕುಡ್ಲ ಸಾಧಕ ಪ್ರಶಸ್ತಿ , ಲಯನ್ಸ್ ರಾಜ್ಯೋತ್ಸವ ಪ್ರಶಸ್ತಿ ಸೇರಿನಂಚ ಅವ್ವೆತೋ ಮಾನದಿಗೆ ಪಡೆತೆರ್.

ಟಿ.ಎ ಶರವಣಗ್ ಜೆಡಿಎಸ್ ಟಿಕೆಟ್ ಘೋಷಣೆ

ಬೆಂಗ್ಳೂರ್: ಜೆಡಿಎಸ್ ವಿಧಾನ ಪರಿಷತ್ ಚುನಾವಣೆಗ್ ಟಿಕೆಟ್ ಘೋಷಣೆ ಮಲ್ತ್ ದೆರ್. ಪೆರಿಯ ನಾಯಕೆ ಟಿ.ಎ.ಶರವಣಗ್ ಟಿಕೆಟ್ ಕೊರ್ಪಿನವ್ ಪಂದ್ ಪ್ರಕಟಣೆ ಮಲ್ತ್ ದೆರ್.

ಎಪಲ ಜೆಡಿಎಸ್ ನ್ ಗಟ್ಟಿ ಮಲ್ತೊಂದ್ ಬರೊಂದಿತ್ತಿನ ಈ ನಾಯಕೆನ ನಿಷ್ಠೆಗ್ ಪಕ್ಷ ಇತ್ತೆ ಸರಿಯಾಯಿನ ಸ್ಥಾನನ್ ಕೊರ್ತೆರ್.

Sharavan gets the JDS ticket

Bangalore: JDS has announced the name of its candidate for the Vidhana Parishad elections.Senior leader T A Sharavan has bagged the JDS ticket.

Known to be a loyalist and a relentless party worker he has helped in rebuilding the party.

ಬಾರ್ಕೂರು ಹೊಸಾಳ ಗರೊಡಿದ ದೈವೊಲೆಗ್ ಪ್ರಕೃತಿದ ರಂಗ್; ಸಾವಯವ ರಂಗ್ ಡ್ ಮೆಣ್ಕುನ ರಾಜ್ಯದ ಸುರೂತ್ತ ಗರೊಡಿ

ಮೂಲು ಒಲ್ಪ ತೂಂಡಲ ರಂಗ್ ರಂಗ್ ದ ಚಿತ್ತಾರೊಲೆನ್ ತೂಂಡ ಕಣ್ಣ್ ಲೆಗ್ ಇಂಪು. ಈ ರಂಗ್ ರಾಸಾಯನಿಕ ರಂಗ್ ಅತ್ತ್ . ಪ್ರಕೃತಿಡ್ ತಿಕ್ಕುಲೆನ ವಸ್ತುಲೆನ್ ಗಲಸ್ ದ್ ಮಲ್ದಿನ ಸಾವಯವ ರಂಗ್. ದೇವಲ್ಯದ ನಗರ ಬಾರ್ಕೂರ್ ದ ಹೊಸಾಳ ಬ್ರಹ್ಮ ಬೈದೆರ್ಲೆನ ದೇವಲ್ಯ ಪಂದ್ ವಿಶಿಷ್ಟವಾದ್ ರೀತಿಡ್ ಪೊಸತ್ತಾದ್ ನಿರ್ಮಾಣ ಆದಿತ್ತ್ ದ್, ಪ್ರತಿಷ್ಠಾ ಮಹೋಚ್ಚಯಗ್ ತಯಾರ್ ಆವೊಂದ್ಂಡು.

ಹೊಸಾಳ ಗರಡಿ ಪಂದ್ ಜನಮನಟ್ಟ್ ಇತ್ತಿನ ಸಾನಿಧ್ಯಡ್ ನಾಗದೇವೆರ್, ಸಪರಿವಾರ, ಬ್ರಹ್ಮಬೈದೆರ್ಲು, ಶಿವರಾಯ ದೈವ ಅಂಚೆನೆ ಪೊಸ ಗುಡಿಟ್ಟ್ ಮೇ 22 – 28 ಮುಟ್ಟ ನಡಪುನ ಮಸ್ತ್ ಬಗೆತ್ತ ಕಾರ್ಯಕ್ರಮದೊಟ್ಟುಗ್ ಪುನರ್ ಪ್ರತಿಷ್ಠೆ ಆಯರೆ ಉಂಡು. ಡಾ.ವೈ.ಎಸ್.ಹೆಗ್ಡೆ ಮುತಾಲಿಕೆಡ್ ಗುರ್ಕಾರ್ಲಾಯಿನ ರಾಘವ ಶೆಟ್ಟಿ, ಪಾತ್ರಿಲು , ಅರ್ಚಕೆರ್ , ಗರಡಿದ ಇಲ್ಲದಕುಲು , ಗುರ್ಕಾರ್ಲು ಊರ ಪರವೂರ ಭಕ್ತೆರ್ನ ಸಮಿತಿ ರಚನೆ ಮಲ್ದೆರ್.

ಕರಿನ ರಡ್ಡ್ ವರ್ಷದ ಪಿರವು ಕೋಟಿ ಚೆನ್ನಯೆರ್ನ ಮೂರ್ತಿನ್ ಸಂಪ್ರದಾಯಿಕವಾದ್ ನಿರ್ಮಾಣ ಮಲ್ತಿನ ಗೆಜ್ಜೆಗಿರಿತ್ತ ಮಾದರಿಡ್ ಅವ್ವೆ ಕುಶಲಕರ್ಮಿಲೆರ್ದ್ ಕೆಂಪು ಕಲ್ಲ್ ಡ್ ಕಲಾತ್ಮಕವಾದ್ ಬಾರ್ಕೂರ್ ದ ಗರಡಿ ಮೂಡ್ ದ್ ಬೈದ್ಂಡ್. ಕಲಾತ್ಮಕವಾಯಿನ ಮರತ್ತ ಕೆತ್ತನೆನ್ ಶಿಲ್ಪಿ ಆಯಿನ ಯೋಗೀಶ್ ಆಚಾರ್ಯ ಮೆರ್ನ ಕೂಟದಕುಲು ನಿರ್ಮಾಣ ಮಲ್ತ್ ದೆರ್.

ಬಾರ್ಕೂರ್ ಡ್ ಇಪ್ಪುನ ಪುಗರ್ತೆದ ಗರಡಿ ಮಸ್ತ್ ವರ್ಷರ್ದ್ ಭಕ್ತಾದಿಲೆನ್ ಆಕರ್ಷಿಸಾದ್ ಉಂಡು. ದುಂಬು ಇತ್ತಿನ ಮೂರ್ತಿಲೆಗ್ ರಂಗ್ ಪಾಡುನ ಕಜ್ಜ ನಡತೊಂದು ಉಂಡು. ಮೈಸೂರುದ ಡಿ. ಎಂ. ಎಸ್ ಲಲಿತಕಲಾ ಸಂಸ್ಥಾನಡ್ 5 ವರ್ಷ ಕಲಾ ಶಿಕ್ಷಣ ಪಡೆಯಿನ ಕೇರಳದ ಜಗದೀಶ್ ಪಾಲಿಯಾಟ್ ಮುತಾಲಿಕೆದ 7 ಜನ ಕಲಾವಿದೆರ್ನ ಕೂಟರ್ದ್ ಕರಿನ ಒಂಜಿ ತಿಂಗೊಲುರ್ದು ರಂಗ್ ಪಾಡುನ ಕಜ್ಜ ನಡತೊಂದು ಉಂಡು. ಆಧುನಿಕವಾಯಿನ ರಂಗ್ ನ್ ಪಾಡಂದೇ ಸಾವಯುವ ರಂಗ್ ನ್ ಈ ಕೂಟ ಪಾಡೊಂದ್ಂಡು. ಸಾವಯುವ ಬಣ್ಣ ಪಂಡ ಭೂಮಿದ ಅಡಿ ಭಾಗಡ್ ಇಪ್ಪುನ ಕಲ್ಲ್ ಮಣ್ಣುಲೆನ್, ಶಿಲಾರಂಜಕ ಉಂದೆನ್ ಪೂರ ದೆತ್ತ್ ದ್, ಅವೆನ್ ಪುಡಿ ಮಲ್ತ್ ದ್ ಅವೆಕ್ಕ್ ಬೇತೆ ಬೇತೆ ರಂಗ್ ಬರ್ಪುಲೆಕ್ಕ ಮಲ್ತ್ ದ್ ಅವೆನ್ ವಿಶಿಷ್ಟವಾಯಿನ ರೀತಿಡ್ ಮಸ್ತ್ ಮೂರ್ತಿಲೆಗ್ ಪಾಡೊಂದುಲ್ಲೆರ್.

ಮೂರ್ತಿಲೆಗ್ ಕೊರ್ಪಿನ ರಂಗ್ ರಾಜ್ಯೊಡೇ ಸುರು ಪನ್ಪಿನ ಪುಗರ್ತೆ ಬಾರ್ಕೂರ್ ಹೊಸಾಳ ಗರೊಡಿಗ್ ಸೇರುಂಡು. ಈ ರಂಗ್ ಗ್ ಕಿಲೊಕ್ಕು 19 ಸಾರ ಬಿಲೆ ಇತ್ತ್ ದ್ ಅವೆನ್ ಕಲತ್ತಿ ಬೊಕ್ಕ ಮಸ್ತ್ ವರ್ಷ ಆಯಿತ್ತ ರಂಗ್ ಅಂಚನೆ ಇಪ್ಪುನವ್ ಈ ನೈಸರ್ಗಿಕ ರಂಗ್ ದ ವಿಶಿಷ್ಟ. ಮಸ್ತ್ ವಿಶಿಷ್ಟ ಇತ್ತಿನ ಬಾರ್ಕೂರ್ ಗರಡಿಡ್ ದೈವಾಲಯ ಒಂಜಿ ಪೊಸ ರೀತಿಡ್ ನಿರ್ಮಾಣ ಆವೊಂದಿಪ್ಪುನವು ಮುಲ್ಪದ ಜನಕ್ಲೆಗ್ ಮೆಚ್ಚುಗೆ ವ್ಯಕ್ತವಾತ್ಂಡ್.

Barkoor Garadi modified into a colorful structure

The Barkoor Garadi in the temple town of Barkoor has been renovated into a beautiful colorful structure and is ready for the consecration ceremonies.

Popularly known as Hosala Garadi ,the ceremonies will be held from May 22-28th.The holy rituals will be held under the leadership of Dr Y.S Hegde, Ragava Shetty and other associated persons of the Garadi, devotees and the public.

The artisans who worked on the newly renovated the Koti Chennya Daivastana at Gejjegiri kshetra have worked on the red stone colour ful structure here, and the wood work carving was done by Yogish Acharya and his team.

The Barkoor Garadi is revered and is backed by devotees all over.The colouring of the old idols is being done by artisans from D.M.S Lalithakala firm under the leadership of Jagadish Paliat and his team.

Special organic color is specifically made for the purpose using only naturally occurring substances.It is said this is the first time in the state such a organic color is made and it is beautiful and expensive.On the whole the renovated structure of the Barkoor Garadi is both colourful and unique.

ಕೃಷಿ ಅಭಿಯಾನ 2022-23 ಪರವಾದ್ ಕೃಷಿ ಇಲಾಖೆದ ಯೋಜನೆದ ಸಮಗ್ರ ಮಾಹಿತಿ ಉಪ್ಪುನ “ಮಾಹಿತಿ ರಥ”

ಕೃಷಿ ಅಭಿಯಾನ 2022-23 ಪರವಾದ್ ಕೃಷಿ ಇಲಾಖೆದ ಯೋಜನೆದ ಸಮಗ್ರ ಮಾಹಿತಿ ಉಪ್ಪುನ “ಮಾಹಿತಿ ರಥ”

ಕಾರ್ಲ : ಕೃಷಿ ಅಭಿಯಾನ ಲೇಸ್ :2022-23 ನೆತ್ತ ಪರವಾದ್ ಇಲಾಖೆದ ಯೋಜನೆದ ಸಮಗ್ರ ಮಾಹಿತಿ ಉಪ್ಪುನ “ಮಾಹಿತಿ ರಥ “ ತಾರಿಕ್ 25/5/2022 ನೇ ಬುಧಾರದಾನಿ ಕಾಂಡೆ 10.30 ಗಂಟೆಗ್ ದುರ್ಗ ಪಂಚಾಯತ್ ಗ್ ಬರಿಯೆರೆ ಉಂಡು.

ಕೃಷಿ, ತೋಟಗಾರಿಕೆ ಬೊಕ್ಕ ರೈತ ವಿಜ್ಞಾನಿಲು ನೆತ್ತೊಟ್ಟುಗು ಬತ್ತ್ ದ್ ಇಲಾಖೆದ ಯೋಜನೆಲು ಬೊಕ್ಕ ಕೃಷಿಗ್ ಸಂಬಂಧಿ ಕೀಟ ಸೀಕ್ , ಸಮಸ್ಯೆಲೆಗ್ ಅಗತ್ಯ ಮಾರ್ಗದರ್ಶನ ಕೊರಿಯೆರೆ ಉಲ್ಲೆರ್ ಪಂದ್ ದುರ್ಗಾ ಗ್ರಾಮ ಪಂಚಾಯತ್ ಪ್ರಕಟಣೆಡ್ ತೆರಿಪಾದುಂಡು.

ಪರಿಶಿಷ್ಟ ಪಂಗಡದ ಆಣ್ ಪೊಣ್ಣು ಅಂತರ್ಜಾತಿ ಮದಿಮೆ ಆಂಡ ಆನುಲೆಗ್ 2.50 ಲಕ್ಷ, ಪೊಣ್ಣುಲೆಗ್ 3ಲಕ್ಷ ಪಣವುದ ಸಾಕಾರ : ರಾಜ್ಯ ಸರಕಾರ ನಿರ್ಧಾರ

ಪರಿಶಿಷ್ಟ ಪಂಗಡದ ಆಣ್ ಪೊಣ್ಣು ಅಂತರ್ಜಾತಿ ಮದಿಮೆ ಆಂಡ ಆನುಲೆಗ್ 2.50 ಲಕ್ಷ, ಪೊಣ್ಣುಲೆಗ್ 3ಲಕ್ಷ ಪಣವುದ ಸಾಕಾರ : ರಾಜ್ಯ ಸರಕಾರ ನಿರ್ಧಾರ

ಬೆಂಗ್ಳೂರು: ಅಂತರ್ಜಾತಿ ವಿವಾಹನ್ ಪ್ರೋತ್ಸಾಹ ಮಲ್ಪುನ ನೆಲೆಟ್ಟ್ ಸರಕಾರ ಮಹತ್ವದ ನಿರ್ಧಾರ ದೆತೊನ್ದುಂಡು .ಪರಿಶಿಷ್ಟ ಪಂಗಡದ ಆಣ್ ಪೊಣ್ಣು ಲು ಅಂತರ್ಜಾತಿ ಮದಿಮೆ ಆಂಡ ಪ್ರೋತ್ಸಾಹ ಧನ ಕೊರ್ಪ ಸರಕಾರ ಘೋಷಣೆ ಮಲ್ದುಂಡು .
ಆಣಗ್ 2.50 ಲಕ್ಷ, ಪೊಣ್ಣಗ್ 3ಲಕ್ಷ ಪ್ರೋತ್ಸಾಹಧನ ಕೊರ್ಪ ಪಂದ್ ಸಚಿವ ಬಿ ಶ್ರೀರಾಮುಲು ತಮ್ಮ ಟ್ವೀಟ್ ಡ್ ಪಂಡೆರ್.