Wed. Nov 18th, 2026

ಊರ್ದ ಸುದ್ದಿ Regional News

MLC ವೋಟು: ಬಿಜೆಪಿಡ್ ಒರ್ತಿ ಪೊಂಜೊವ್ ಸೇರ್ದ್ ನಾಲು ಜನಕ್ಕ್ ಟಿಕೆಟ್

ಬೆಂಗ್ಳೂರ್, ಮೇ 24 : ವಿಧಾನಪರಿಷತ್ತ್ ದ 7 ಸ್ಥಾನಲೆಗ್ ಜೂನ್ 3 ಕ್ಕ್ ನಡಪುನ ಚುನಾವಣೆಡ್ ಬಿಜೆಪಿ ಪಕ್ಷ ನಾಲ್ ಆಭ್ಯರ್ಥಿಲೆನ ಪುದರ್ ಕೊರ್ತುಂಡು.

ಮಾಜಿ ಡಿಸಿಎಂ ಲಕ್ಷ್ಮಣ ಸವದಿ, ಹೇಮಲತಾ ನಾಯಕ್, ಬಿಜೆಪಿ ರಾಜ್ಯ ಕಾರ್ಯದರ್ಶಿ ಕೇಶವ ಪ್ರಸಾದ್, ಎಸ್ಸಿ ಮೋರ್ಚಾ ಅಧ್ಯಕ್ಷೆರ್ ನಾರಾಯಣ ಸ್ವಾಮಿ ಮೊಕ್ಲೆನ್ ಬಿಜೆಪಿ ತನ್ನ ಅಭ್ಯರ್ಥಿಲಾದ್ ಘೋಷಣೆ ಮಲ್ದ್ಂಡ್.

ಉಂದುವೇ ಪೊರ್ತುಡು ಹುಬ್ಬಳ್ಳಿ ನೈಋತ್ಯ ಕ್ಷೇತ್ರದ ಪದವೀಧರೆ ಕ್ಷೇತ್ರಗ್ ಬಸವರಾಜ ಹೊರಟ್ಟಿ ಮೆರ್ನ ಪುದರ್ ನ್ ಘೋಷಣೆ ಮಲ್ತ್ ದೆರ್ ಪಂದ್ ರಾಜ್ಯಾಧ್ಯಕ್ಷೆ ನಳಿನ್ ಕುಮಾರ್ ಕಟೀಲ್ ತೆರಿಪಾಯೆರ್.

ಇನಿ ನಾಮಪತ್ರನ್ ಕೊರ್ರೆ ಕಡೆತ್ತ ದಿನ ಆತ್ಂಡ್. ಕಾಂಗ್ರೆಸ್ ರ್ದ್ ಇರ್ವೆರೆಗ್ ಟಿಕೆಟ್ ತಿಕ್ಕ್ ದಿತ್ತ್ ದ್, ಜೆಡಿಎಸ್ ನನಲ ಪುದರ್ ಘೋಷಣೆ ಮಲ್ತ್ ದಿಜಿ.

MLC election: BJP announces names of 4 candidates including one of a woman candidate

Bangalore, May 24th: In the elections for 7 seats for the legislative council to be held on June 3rd the BJP has announced names of four candidates.

Former DCM Lakshman Savadi, Hemalata Nayak, BJP state secretary Keshav Prasad, Narayan Swami are in the fray.

In the Hubli graduate constituency Basavaraj Horatti is in the fray said BJP state president Nalin Kumar Kateel. Today is the last day for filing nomination Two candidates from the Congress and one from the JDS have been named.

ಆಸ್ಪತ್ರೆಡ್ ಸೈತಿನ ಬಾಲೆ, ಸಮಾಧಿ ಮಲ್ಪರೆ ಕೊನೊನಗ ಜೀವ

ಆಸ್ಪತ್ರೆಡ್ ಸೈತಿನ ಬಾಲೆ, ಸಮಾಧಿ ಮಲ್ಪರೆ ಕೊನೊನಗ ಜೀವ

ಜಮ್ಮು : ಜಮ್ಮು ಬೊಕ್ಕ ಕಾಶ್ಮೀರದ ರಾಂಬನ್ ಜಿಲ್ಲೆದ ಬನಿಹಾಲ್​ಡ್ ಪುಟ್ಟಿ ಬೊಕ್ಕ ಸೈತಿನ ಪೊಣ್ಣು ಬಾಲೆನ್ ಸಮಾಧಿ ಮಲ್ಪರೆ ಕೊನೊನಗ ಬಾಲೆಗ್ ಜೀವ ಬತ್ತಿನ ಘಟನೆ ನಡತುಂಡು.

ಬಂಕೂಟ್ ನಿವಾಸಿ ಬಶರತ್ ಅಹ್ಮದ್ ಮೆರ್ನ ಬೊಡೆದಿಗ್ ಬನಿಹಾಲ್​ದ ಉಪಜಿಲ್ಲಾ ಆಸ್ಪತ್ರೆಡ್ ಪೆದ್ದೆರೆ ಕೊನೊನಗ ಪೊಣ್ಣು ಬಾಲೆ ಆತುಂಡು ಹ ಆಸ್ಪತ್ರೆ ಸಿಬ್ಬಂದಿ ಬಾಲೆ ಸೈತುಂಡು ಪಂದ್ ಇಲ್ಲದಕ್ಲೆಗ್ ತೆರಿಪಾದೆರ್ ನೆರ್ದಾವರ ಇಲ್ಲದಕುಲು ಬಾಲೆದ ಅಂತ್ಯಸಂಸ್ಕಾರಗಾದ್ ಮಸಣಗ್ ಪೋನಗ ಬಾಲೆ ಸಶ್ಮಾನಕ್ಕೆ ಕೊಂಡೊಯ್ದಿದ್ದಾರೆ. ಕೈ ಪಂದಾವುನೇನ್ ತೂದು ಬೇತಕ್ಲೆಗ್ ಮಾಹಿತಿ ಕೊರ್ತೆರ್ . ಅಪಗನೆ ಬಾಲೆನ್ ಕುಡೋರ ಆಸ್ಪತ್ರೆಗ್ ಲೆತೊಂದು ಪೋತೆರ್ , ಅಲ್ಪರ್ದ್ ಇಸೇಸ ಚಿಕಿತ್ಸೆಗಾದ್ ಶ್ರೀನಗರದ ಆಸ್ಪತ್ರೆಗ್ ಲೆತೊಂದು ಬೈದೆರ್ ಇಲ್ಲದಕುಲು ಆಸ್ಪತ್ರೆದ ನಿರ್ಲಕ್ಷ್ಯದ ವಿರುದ್ಧ ಆಸ್ಪತ್ರೆದ ಎದುರು ಪ್ರತಿಭಟನೆ ಮಲ್ದೆರ್ ,.

ಇನಿ ಉಜಿರೆಡ್ ಡಾ.ಬಿ ಯಶೋವರ್ಮ ಮೆರ್ನ ಕಡೆತ್ತ ದರ್ಶನ- ಅಂಗಡಿಲು ಬಂದ್

 

ಬೊಲ್ತೇರ್: ಉಜಿರೆ ಎಸ್.ಡಿ.ಎಂ ಕಾಲೇಜ್ ದ ನಿವೃತ್ತ ಪ್ರಾಂಶುಪಾಲೆರ್ ಡಾ.ಬಿ ಯಶೋವರ್ಮ ತೀರ್ ಪೋಯಿನ ಬಗೆಟ್ಟ್ ಪಾರ್ಥಿವ ಶರೀರನ್ ಇನಿ ಉಜಿರೆದ ಸರ್ಕಲ್ ರ್ದ್ ಎಸ್.ಡಿ.ಎಂ ಕಾಲೇಜ್ ಮುಟ್ಟ ಅಭಿಮಾನಿಲೆನ ಪಾದಯಾತ್ರೆದ ಮೆರವಣಿಗೆಡ್ ಪೋಯರೆ ಉಂಡು. ಕಡೆತ್ತ ದರ್ಶನಗ್ ಮಧ್ಯಾಹ್ನ 2 ಗಂಟೆರ್ದ್ ಬಯ್ಯ 5.30 ಮುಟ್ಟ ಸಾರ್ವಜನಿಕೆರೆಗ್ ಅವಕಾಶನ್ ಮಲ್ತ್ ಕೊರ್ತೆರ್.

ಅಂಚನೆ ಪಾರ್ಥಿವ ಶರೀರದ ಕಡೆತ್ತ ದರ್ಶನನ್ ಮಲ್ಪರೆ ಇನಿ ಬಯ್ಯಗ್ 7 ಗಂಟೆ ಮುಟ್ಟ ಉಜಿರೆ ಪೇಂಟೆದ ಮಾತ ಅಂಗಡಿ ಮುಗ್ಗಟ್ಟುಲೆನ್ ಬಂದ್ ಮಲ್ಪುವ ಪಂದ್ ವರ್ತಕ ಸಂಘದ ಅಧ್ಯಕ್ಷೆರ್ ಅರವಿಂದ್ ಕಾರಂತ್ ತೆರಿಪಾದೆರ್.

Final rites of Dr Yashovarma at Ujjire today-All shops closed in the town in his honour

Bheltangady: The funeral of Dr Yashovarma retired Principal of SDM College Ujjire will be held today.His body will be kept at SDM College Ujjire to pay the last respects from noon 2 p.m to 5.30 p.m for the general public.

To make way for the people to pay their last respects the shops at Ujjire town have voluntarily decided to close down till 7p.m said Aravind Karanth president of the merchant’s association.

ಕಾಡ್ ಪಂಜಿದ ಬೋಂಟೆಗ್ ಪಾಡಿನ ಕರೆಂಟ್ ದ ವಯರ್ ತಾಗ್ದ್ ತೀರ್ ಪೋಯಿನ ರಡ್ಡ್ ಜನ ಪೊಲೀಸ್ ಪೇದೆ

ಕಾಡ್ ಪಂಜಿದ ಬೋಂಟೆಗ್ ಪಾಡಿನ ಕರೆಂಟ್ ದ ವಯರ್ ತಾಗ್ದ್ ತೀರ್ ಪೋಯಿನ ರಡ್ಡ್ ಜನ ಪೊಲೀಸ್ ಪೇದೆ

ಕೇರಳ : ಕಾಡು ಪ್ರಾಣಿಲೆನ್ ಬೋಂಟೆ ಮಲ್ಪುನ ಅಪರಾಧ ಆಂಡಲಾ ಅಲ್ಪ ಅಲ್ಪ ಪ್ರಾಣಿದ ಬೋಂಟೆ ಪ್ರಕರಣ ತೊಜೀದ್ ಬರೊಂದು ಉಂಡು ಅಂಚನೆ ಇತ್ತೇ ಪ್ರಾಣಿಗ್ ದೀನ ಕರೆಂಟ್ ದ ವಯರ್ ತಾಗ್ ದ್ ರಡ್ಡ್ ಜನ ತೀರ್ ಪೋಯಿನ ಘಟನೆ ಕೇರಳದ ಪಲಕ್ಕಾಡ್ ಜಿಲ್ಲೆಡ್ ನಡತ್oಡ್ , ಆರೋಪಿನ್ ಪೋಲಿಸೆರ್ ಪತ್ತ್ ದೆರ್ .

ತೀರ್ ಪೋಯಿನಕುಲು ಮುತ್ತಿಕುಲಂಗರ ಕೆಎಪಿ-2 ಬೆಟಾಲಿಯನ್‌ಡ್ ಬೇಲೆ ಮಲ್ತೊಂದು ಇತ್ತೆರ್ . ಕಂಡ್ ದ್ ವಿದ್ಯುತ್ ತಂತಿದ ಬಲೆ ಪಾರ್ದ್ ಪೇದೆ ಸೈಯ್ಯರೆ ಕಾರಣವಾಯಿನ ಆರೋಪದ ಮಿತ್ತ್ ಮುತ್ತಿಕುಲಂಗರ ನಿವಾಸಿ ಸುರೇಶ್ ಪನ್ಪಿನಯೆನ್ ಪೊಲೀಸೆರ್ ಪತ್ತ್ ದೆರ್ . ಅಕ್ರಮವಾದ್ ಕಾಡ್ ಪಂಜಿ ಪತ್ತಿನ ಅವ್ವೆತೋ ಪ್ರಕರಣ ನೆತ್ತ ದುಂಬುಲ ಇಂಬೇನ ಮಿತ್ತ್ ಇತ್ತುಂಡು.

ಎಸ್.ಎಸ್.ಎಲ್.ಸಿ ಪರೀಕ್ಷೆಡ್ ರಾಜ್ಯೊಗು ಸುರುತ ತಾನೊ ಪಡೆಯಿನ ಕಾರ್ಲದ ಪೆರ್ಮೆದ ಶ್ರೇಯ.ಆರ್ ಶೆಟ್ಟಿ ಯುವ ಬಂಟರ ಸಂಘ ಕಾರ್ಲದ ವತಿರ್ದ್ ಮಾನದಿಗೆ…

ಕಾರ್ಲ : ಕಾರ್ಲ ಬಜಗೋಳಿದ ಶ್ರೇಯ ಆರ್ ಶೆಟ್ಟಿ ಎಸ್ಎಸ್ಎಲ್. ಸಿ ಪರೀಕ್ಷೆಡ್ 625 ಕ್ಕೆ 625 ಅಂಕ ಪಡೆದ್ ರಾಜ್ಯಗ್ ಸುರುತ ತಾನೊ ಪಡೆತೆರ್ . ಮೇರ್ ರವೀಂದ್ರಶೆಟ್ಟಿ ಬಜಗೋಳಿ ಬೊಕ್ಕ ರೂಪ ಶೆಟ್ರೆನ ಮಗಲ್ .

ಕನ್ನಡ ಮಾಧ್ಯಮಡ್ ಕಲ್ತಿನ ಶ್ರೇಯ ಬೆದ್ರದ ಆಳ್ವಾಸ್ ಪ್ರತಿಷ್ಠಾನದ ವಿದ್ಯಾರ್ಥಿನಿ

ಮೆರೆಗ್ ಕೋಡೆ ಯುವ ಬಂಟರ ಸಂಘ ಕಾರ್ಲ ವತಿರ್ದ್ ಮಾನದಿಗೆ ಮಲ್ತೆರ್ .

ಈ ಪೊರ್ತುಡು ಯುವ ಬಂಟರ ಸಂಘದ ಗುರ್ಕಾರ್ಲಾಯಿನ ಅವಿನಾಶ್ ಜಿ ಶೆಟ್ಟಿ.ಹಾಗೂ ತಂಡದ ಸದಸ್ಯೆರ್ . ಗಣೇಶ ಜಾಲ್ಸೂರು, ಭುವನೇಂದ್ರ ಹೈಸ್ಕೂಲ್ ಶಿಕ್ಷಕೆರ್ ಬೊಕ್ಕ ಶ್ರೇಯಾ ಶೆಟ್ಟಿನ ಇಲ್ಲದಕುಲು ಪಾಲ್ ಪಡೆದಿತ್ತೆರ್.

ಜೂನ್ 1 ರ್ದ್ ಮೀನುಗಾರಿಕೆಗ್ ತಾತ್ಕಾಲಿಕ ನಿಷೇಧ

ಜೂನ್ 1 ರ್ದ್ ಮೀನುಗಾರಿಕೆಗ್ ತಾತ್ಕಾಲಿಕ ನಿಷೇಧ

ಕುಡ್ಲ : ಕುಡ್ಲದ ಕರಾವಳಿ ಭಾಗಡ್ ಬಲೆ, ಮೀನುಗಾರಿಕಾ ಸಾಧನ ಅತ್ತ್oಡ ಒವ್ವೆ ಯಾಂತ್ರಿಕೃತ ದೋಣಿ ಗಲಸ್ ದ್ ಬೊಕ್ಕ 10 ಅಶ್ವಶಕ್ತಿ ಸಾಮರ್ಥ್ಯರ್ದ್ ಮಿತ್ತ್ದ ಇನ್‍ಬೋರ್ಡ್ ಅತ್ತ್ ಡ ಔಟ್‍ಬೋರ್ಡ್ ಯಂತ್ರ ಪಾಡಿನ ಸಾಂಪ್ರದಾಯಿಕ ಓಡದ ಮುಖೇನ ಮೀನ್ ಪತ್ತುನೆನ್ ಮೀನುಗಾರೆರ್ನ ಹಿತದೃಷ್ಠಿಡ್ ಜೂನ್ 1ರ್ದ್ ಜುಲೈ 31 ಮುಟ 61 ದಿನ ಮುಟ ತಾತ್ಕಾಲಿಕವಾದ್ ನಿಷೇಧ ಮಲ್ದೆರ್ .


10 ಅಶ್ವಶಕ್ತಿ ಮುಟದ ಸಾಮರ್ಥ್ಯ ಉಪ್ಪುನ ಮೋಟಾರಿಕೃತ ಇಂಜಿನ್ ಬೊಕ್ಕ ಸಾಂಪ್ರದಾಯಿಕ ಅತ್ತ್ ಡ ನಾಡಓಡದ ಮುಖೇನ ಮೀನುಗಾರಿಕೆ ಮಲ್ಪರೆ ಅವಕಾಶ ಉಂಡು ನಿಯಮಲೆನ್ ಉಲ್ಲಂಘನೆ ಮಲ್ತುಂಡ ಕರ್ನಾಟಕ ಕಡಲ ಮೀನುಗಾರಿಕಾ ಕಾಯ್ದೆ_1986ದ ಅನ್ವಯ ಒಂಜಿ ವರ್ಷದ ಪೊರ್ತುಗು ಡೀಸೆಲ್ ಮಿತ್ತ್ ಉಪ್ಪುನ ಪಣವುದ ಸಾಕಾರ ಪಡೆಯೆರೆ ಅನರ್ಹರಾಪೆರ್ ಪಂದ್ ಮೀನುಗಾರಿಕೆದ ಜಂಟಿ ನಿರ್ದೇಶಕೆರ್ ಪ್ರಕಟಣೆಯಡ್ ಪಂಡೆರ್ .

ಹುಬ್ಲಿಡ್ ಬಸ್ ಲಾರಿ ತಾಂಟ್ ದ್ ಮಲ್ಲ 8 ಜನ ತೀರ್ ಪೋಯೆರ್; 27 ಜನಕ್ಕ್ ಮಲ್ಲ ಪೆಟ್ಟ್

 

ಹುಬ್ಬಳ್ಳಿ: ಹುಬ್ಬಳ್ಳಿ- ಧಾರವಾಡ ಬೈಪಾಸ್ ದ ರೇವಡಿಹಾಳ ಕ್ರಾಸ್ ದ ಕೈತಲ್ ಸೋಮಾರದಾನಿ ಕತ್ತಲೆಗ್ ಖಾಸಗಿ ಬಸ್ ಅಂಚನೆ ಲಾರಿ ತಾಂಟ್ ದ್, ಡ್ರೈವರ್ ಸೇರ್ದ್ 8 ಜನ ತೀರ್ ಪೋಯೆರ್. 27 ಜನಕ್ಲೆಗ್ ಮಲ್ಲ ಪೆಟ್ಟ್ ಆತ್ಂಡ್.

ಬಸ್ ಮಹಾರಾಷ್ಟ್ರದ ಕೊಲ್ಹಾಪುರರ್ದ್ ಬೆಂಗ್ಳೂರ್ ದಂಚಿ ಅಂಚನೆ ಲಾರಿ ಬೆಂಗ್ಳೂರ್ದ್ ಪುಣೆ ದಂಚಿ ಪೋವೊಂದಿತ್ತಿನ ಪೊರ್ತುಡ್ ಈ ಅಪಘಾತ ನಡತ್ ದ್ಂಡ್. ಜಾಗಡೇ ರಡ್ಡ್ ಗಾಡಿದ ಡ್ರೈವರ್ ಸೇರಿನಂಚನೆ 6 ಜನ ತೀರ್ ಪೋಯೆರ್.

ಗಾಯ ಆತಿನ 27 ಜನಕುಲು ಹುಬ್ಬಳ್ಳಿದ ಕಿಮ್ಸ್ ಡ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದ್ ಉಲ್ಲೆರ್. ಉಂದೆಟ್ಟ್ ಕೆಲವೆರ್ನ ಸ್ಥಿತಿ ಗಂಭೀರವಾದುಂಡು ಪಂದ್ ಪೊಲೀಸ್ ದಕುಲು ತೆರಿಪಾದೆರ್. ಮಹಾನಗರ ಪೊಲೀಸ್ ಆಯುಕ್ತೆರ್ ಆಯಿನ ಲಾಭೂ ರಾಮ ಅಂಚನೇ ಉತ್ತರ ಸಂಚಾರ ಠಾಣೆದ ಪೊಲೀಸೆರ್ ಅಪಘಾತ ಆಯಿನ ಜಾಗೆಗ್ ಬತ್ತ್ ದ್ ಗಾಯ ಆತಿನಕ್ಲೆನ್ ಹುಬ್ಬಳ್ಳಿದ ಕಿಮ್ಸ್ ಆಸ್ಪತ್ರೆಗ್ ಸೇರ್ಸಾದೆರ್.

A terrible accident in Hubli: 8 persons dead and 27 persons seriously injuried

Hubli: In a terrible accident in Dharwad bypass at Rewadihala cross between a private bus and a lorry late on Monday night; 8 persons lost their lives including the driver of the bus.27 persons were seriously injuried

The bus was heading for Bangalore from Kholapur and the lorry towards Pune from Bangalore.

The injured were admitted to KIMS hospital Hubli.The city police commissioner of Hubli Labu Ram and the traffic police from the Northen limits visited the site and helped in admitting the injured.

ತುಲುವೆರೆ ಪಕ್ಷ : ತುಳುನಾಡ್ ಒಕ್ಕೂಟ ಕಾರ್ಯಕರ್ತೆರ್ನ ಸಮಾಲೋಚನಾ ಸಭೆ

ತುಲುವೆರೆ ಪಕ್ಷ : ತುಳುನಾಡ್ ಒಕ್ಕೂಟ ಕಾರ್ಯಕರ್ತೆರ್ನ
ಸಮಾಲೋಚನಾ ಸಭೆ

ಬೊಲ್ತೆರ್ : ತುಳುವೆರೆ ಪಕ್ಷ ಬೊಕ್ಕ ತುಳುನಾಡ್ ಒಕ್ಕೂಟ ಕಾರ್ಯಂತೆರ್ನ ಸಮಾಲೋಚನಾ ಸಭೆ ಪಕ್ಷದ ಕೇಂದ್ರ ಕಛೇರಿಡ್ ಶೈಲೇಶ್‌ಆರ್.ಜೆ,ಮೆರೆನ ಗುರ್ಕಾರ್ಮೆಡ್ ನಡತುಂಡು , ತುಲುನಾಡೋರ್ಮೆ ಪಕ್ಷ ಸಂಘಟನೆದ ಬಗ್ಗೆ ವಿಸ್ತ್ರತಚರ್ಚೆ ನಡತುಂಡು .
ತುಳುವೆರೆ ಪಕ್ಷದ ಗುರ್ಕಾರ್ಲಾಯಿನ ಶೈಲೇಶ್‌ಆರ್.ಜೆ.ಪಾತೆರ್ದ್ ಭಾಷಾವಾರು ರಾಜ್ಯದ ರಚನೆದ ಪೊರ್ತುಡು ತುಳು ಭಾಷೆಗ್ ರಾಜ್ಯ ಕೊರಂದೆ ರಾಷ್ಟ್ರೀಯ ಪಕ್ಷ ತುಳುವೆರೆಗ್ ಅನ್ಯಾಯ ಮಲ್ದುಂಡು. ತುಳು ಭಾಷೆನ್ ಸಂವಿಧಾನದ ೮ನೇ ಪರಿಚ್ಛೇದಗ್ ಸೇರಾಯೆರೆ ಮೀನ ಮೇಷ ಮಲ್ತೊಂದು ಉಪ್ಪುನವು ತುಳು ಭಾಷೆದ ನಾಶಗ್ ಮುನ್ನುಡಿ ಬರೆಯಿಲಕ ತುಳುವೆರೆಗ್ ಆವೊಂದು ಉಂಡು ಪಂದ್ ಪಂಡೆರ್ . ತುಳು ಚಳುವಳಿ ಪ್ರತಿ ಹಳ್ಳಿ ಪೇಂಟೆಡ್ ಆವೊಂದು ಉಂಡು ದುಂಬುದ ದಿನಟ್ ತುಳುವೆರೆ ಪಕ್ಷದರೂಪಡ್ ಮಾಮಲ್ಲ ಮರ ಆದ್ ಬುಲೆವಡ್ ಪಂದ್ ಪಂಡೆರ್, ಪ್ರಜಾಪ್ರಭುತ್ವ ವ್ಯವಸ್ಥೆದ ಮಾತಾ ಹಂತಡ್ ತುಳು ಭಾಷೆ ಬೊಕ್ಕ ತುಳು ಲಿಪಿದ ಅನುಷ್ಠಾನಗ್ ಕಾರ್ಯಂತೆರ್ ಪೊರ್ಬಾoಟ ಮಲ್ಪೊಡು ಪಂದ್ ಪಂಡೆರ್ . ತುಳುವೆರೆ ಪಕ್ಷನ್ ವಾರ್ಡ್ ಮಟ್ಟಡೇ ಸಂಘಟನಾತ್ಮಕವಾದ್ ಕಟ್ಟುನ ಮುಖೇನ ನನ ದುಂಬುದ ದಿನಟ್ ಚುನಾವಣೆಡ್ ಪಕ್ಷದ ಅಭ್ಯರ್ಥಿಲು ಗೆಂದೊಡು ಉಂದು ಪ್ರತಿ ಕಾರ್ಯಂತೆರ್ನ ಜವಾಬ್ದಾರಿ ಜಯ ಗಳಿಸುವಂತೆ ಪಂದ್ ಪಂಡೆರ್.

ಈ ಪೊರ್ತುಡು ವೇಣೂರು ಹೋಬಳಿ ವ್ಯಾಪ್ತಿ ಉಪ್ಪುನ ಪಕ್ಷದbಎನೊರು ಸೀಮೆದ ಗುರ್ಕಾರ್ಲಾದ್ಉದಯ ಗೋಳಿಯಂಗಡಿ ಬೊಕ್ಕ ಬೆಳ್ತಂಗಡಿ ಹೋಬಳಿ ವ್ಯಾಪ್ತಿದ ಪಕ್ಷದ ಬೋಲ್ತೆರ್ ಸೀಮೆಯ ಗುರ್ಕಾರ್ಲಾದ್ ಕೆ.ಎಂ. ಮೊಹಮ್ಮದ್ ಶರೀಫ್ ಬೊಕ್ಕ ಒತ್ತು ಗುರ್ಕಾರ್ಲಾದ್ ರಮೇಶ್ ಸಾಲಿಯಾನ್‌ ಉಜಿರೆ ಆಯ್ಕೆಯಾಯೆರ್ .
ತುಳುನಾಡ್ ಒಕ್ಕೂಟ ತಾಲೂಕು ಘಟಕದ ಗುರ್ಕಾರ್ಲಾಯಿನ ಸುರೇಂದ್ರ ಕೋಟ್ಯಾನ್‌ ಜೊತೆ ಕಾರ್ಯದರ್ಶಿ ಜಿ.ವಿ. ಹರೀಶ್ ಸವಣಾಲು, ಪಕ್ಷದ ಕರಂಬಾರು ಗ್ರಾಮ ಸಮಿತಿದ ಗುರ್ಕಾರ್ಲಾಯಿನ ಉಮೇಶ್‌ಕುಲಾಲ್ ಬೊಕ್ಕ ಪಕ್ಷದ ಇಂದ ಬೆಟ್ಟು ಗ್ರಾಮ ಸಮಿತಿದ ಗುರ್ಕಾರ್ಲಾಯಿನ ಸುಜಿತ್ ಮೊಯಿಲಿ ಬಂಗಾಡಿ ಪಕ್ಷ ಸಂಘಟನೆ, ಚುನಾವಣೆ ತಯಾರಿ ಬಗ್ಗೆ ಅಭಿಪ್ರಾಯ ಪಂಡೆರ್ . ಪಕ್ಷ ಬೊಕ್ಕ ಸಂಘಟನೆದ ಕಾರ್ಯಂತೆರ್ ಈ ಪೊರ್ತುಡು ಪಾಲ್ ಪಡೆದಿತ್ತೆರ್ .

ಗೆಜ್ಜೆಗಿರಿತ ಮಾದರಿಡ್ ನಿರ್ಮಾಣ ಆಯಿನ ಹೊಸಾಳ ಗರಡಿ : ಮೇ 28 ಮುಟ ಪ್ರತಿಷ್ಟಾ ಉಚ್ಚಯ 

ಗೆಜ್ಜೆಗಿರಿತ ಮಾದರಿಡ್ ನಿರ್ಮಾಣ ಆಯಿನ ಹೊಸಾಳ ಗರಡಿ : ಮೇ 28 ಮುಟ ಪ್ರತಿಷ್ಟಾ ಉಚ್ಚಯ

ಬ್ರಹ್ಮವರ : ಬಾರ್ಕೂರುಡು ಗೆಜ್ಜೆ ಗಿರಿತ ಮಾದರಿಡ್ ಹೊಸಾಳ ಗರಡಿ ನಿರ್ಮಾಣ ಆವೊಂದು ಉಂಡು . ಅವ್ವೆ ಕುಶಲ ಕರ್ಮಿಲೆರ್ದ್ ಕೆಂಪು ಕಲ್ಲ್ ಡ್ ಕಲಾತ್ಮಕವಾದ್ ಗರಡಿ ಮೂಡುದು ಬೈದುಂಡು . ಮೇ 22ರ್ದ್ 28 ತಾರಿಕ್ ಮುಟ ಬೇತೆ ಬೇತೆ ಧಾರ್ಮಿಕ ಲೇಸ್ ದೊಟ್ಟುಗು ಪುನಃ ಪ್ರತಿಷ್ಟಾ ಉಚ್ಚಯ ನಡಪೆರೆ ಉಂಡು.

ಶಿಲ್ಪಿ ಇನ್ವ ಯೋಗೀಶ್ ಆಚಾರ್ಯೆರ್ನ ಕೂಟದಕುಲು ಮರತ ಬೇಲೆ ಮಲ್ತೊಂದು ಉಲ್ಲೆರ್. ದುಂಬು ಇತ್ತಿನ ಮೂರ್ತಿಲೆಗ್ ರಂಗ್ ಪಾಡುನ ಕಜ್ಜ ನಡತೊಂದು ಉಂಡು.

ಮೈಸೂರುದ ಡಿ. ಎಂ. ಎಸ್ ಲಲಿತಕಲಾ ಸಂಸ್ಥಾನಡ್ 5 ವರ್ಷ ಕಲಾ ಶಿಕ್ಷಣ ಪಡೆಯಿನ ಕೇರಳದ ಜಗದೀಶ್ ಪಾಲಿಯಾಟ್ ಮುತಾಲಿಕೆದ 7 ಜನ ನುರಿತ ಕಲಾವಿದೆರ್ನ ಕೂಟರ್ದ್ ಕರಿನ ಒಂಜಿ ತಿಂಗೊಲುರ್ದು ರಂಗ್ ಪಾಡುನ ಕಜ್ಜ ನಡತೊಂದು ಉಂಡು. ಇತ್ತೇ ಕಡೆತ ಹಂತ ಮುಟ್ಟುದುಂಡು.

ಕಲ್ಲ್ ದ ರೂಪೊಡು ಉಪ್ಪುನ 7 ರಂಗ್ ದ ಕಲ್ಲ್ ನ್ ಪೊಡಿ ಮಲ್ತ್ ಬ್ರಷ್ ದ ಮುಖೇನ ರಂಗ್ ಪಾಡೊಂದು ಉಲ್ಲೆರ್. ಈ ರಂಗ್ ಗ್ ಕೆಜಿಗ್ 19 ಸಾರ ರೂ ಬಿಲೆ ಉಂಡು ಅವೆನ್ ಮಿಶ್ರಣ ಮಲ್ತ್ ಪಾಡಿಬೊಕ್ಕ ಏತೇ ವರ್ಷ ಆಂಡಲಾ ಕಟ್ಟಿನ ಕಲ್ಲ್ ದ ರಂಗ್ ಮಾಜುಜಿ.

ಸಮಿತಿ ರಚನೆ : ಪೊಸ ಗುಡಿಟ್ ನಾಗ ದೇವೆರ್ , ಸಪರಿವಾರ, ಬ್ರಹ್ಮಬೈದರ್ಕಳ ದೈವ, ಶಿವರಾಯ, ಜೀರ್ಣೋದ್ಧಾರದ ಗೌರವಾಧ್ಯಕ್ಷ ಡಾ.ವೈ.ಎಸ್. ಹೆಗ್ಡೆ ಮುತಾಲಿಕೆಡ್ ಗುರ್ಕಾರ್ಲಾಯಿನ ರಾಘವ ಶೆಟ್ಟಿ, ಪಾತ್ರಿಲು , ಅರ್ಚಕೆರ್ , ಗರಡಿದ ಇಲ್ಲದಕುಲು , ಗುರ್ಕಾರ್ಲು ಊರ ಪರವೂರ ಭಕ್ತೆರ್ನ ಸಮಿತಿ ರಚನೆ ಮಲ್ದೆರ್ .

ಕೋಟೆಕೇರಿ ದೇವಲ್ಯೊರ್ದು ಪುದೆಕಾಣಿಕೆ ಮೆರವಣಿಗೆ: ಐತಾರ ಕೋಟೇಕೇರಿ ಶ್ರೀ ಪಂಚಲಿಂಗೇಶ್ವರ, ದೇವಲ್ಯೊರ್ದು ಮೆರವಣಿಗೆ ಮುಖೇನ ಪುದೆ ಕಾಣಿಕೆ ಅರ್ಪಣೆ ಮಲ್ತೆರ್. ಪ್ರತಿಷ್ಠಾಪನಾ ಕಲಶ, ಪ್ರಭಾವಳಿದೊಟ್ಟುಗು ಪೊಂಜೊವ್ಲೆನ ಪೂರ್ಣಕುಂಭ, ಕುಣಿತದ ಭಜನೆ, ಚೆಂಡೆ ಕೂಟ , ನಾನಾಬೇತೆ ಬೇತೆ ಟ್ಯಾಬೋ ಪುದೆ ಕಾಣಿಕೆ ಮೆರವಣಿಗೆನ್ ನನಾತ್ ಪೊರ್ಲು ಮಲ್ತುಂಡು.

ಈ ಪೊರ್ತುಡು ಡಾ.ವೈ.ಎಸ್.ಹೆಗ್ಡೆ ಗುರ್ಕಾರ್ಲು ರಾಘವ ಶೆಟ್ಟಿ, ಪ್ರಧಾನ ಪಾತಿ ರಘು ಪೂಜಾರಿ, ಉಪಾಧ್ಯಕ್ಷೆರಾಯಿನ ಶ್ರೀನಿವಾಸ ಶೆಟ್ಟಿಗಾರ್, ಸಿ.ಎ.ಗಣೇಶ್ ಕಾಂಚನ್, ಕೃಷ್ಣ ಪೂಜಾರಿ ಬೌಂಡಿಮನೆ, ರಾಜು ಟಿ.ಪೂಜಾರಿ, ಪ್ರಧಾನ ಕಾರ್ಯದರ್ಶಿ ರಕ್ಷಿತ್, ಜೊತೆ ಕಾರ್ಯದರ್ಶಿ ಪ್ರಮೋದ್‌ ಪೂಜಾರಿ, ಕೋಶಾಧಿಕಾರಿ ಜಗದೀಶ್ ಪೂಜಾರಿ ಪಾಲ್ ಪಡೆದಿತ್ತೆರ್.

ಕದ್ರಿ ದಕ್ಷಿಣ ವಾರ್ಡ್: 1 ಕೋಟಿ ಪಣವುಡು ರಾಜಕಾಲುವೆ ಅಭಿವೃದ್ಧಿ ಕಾಮಗಾರಿಗ್ ಶಾಸಕ ವೇದವ್ಯಾಸ್ ಕಾಮತ್ ಭೂಮಿಪೂಜೆ

ಕದ್ರಿ ದಕ್ಷಿಣ ವಾರ್ಡ್: 1 ಕೋಟಿ ಪಣವುಡು ರಾಜಕಾಲುವೆ ಅಭಿವೃದ್ಧಿ ಕಾಮಗಾರಿಗ್ ಶಾಸಕ ವೇದವ್ಯಾಸ್ ಕಾಮತ್ ಭೂಮಿಪೂಜೆ

ಕುಡ್ಲ : ಕುಡ್ಲ ಮಹಾನಗರ ಪಾಲಿಕೆಯ ಕದ್ರಿ ದಕ್ಷಿಣ ವಾರ್ಡ್ ಡ್ 1 ಕೋಟಿ ಪಣವುದ ಸಾಕರಡ್ ರಾಜಕಾಲುವೆದ ಆಯ್ದ ಭಾಗಡ್ ಅಭಿವೃದ್ಧಿ ಕಾಮಗಾರಿಗ್ ಶಾಸಕ ವೇದವ್ಯಾಸ್ ಕಾಮತ್ ಮೇರ್ ಭೂಮಿಪೂಜೆ ಮಲ್ತೆರ್ .

ಈ ಬಗ್ಗೆ ಪಾತೆರಿನ ಆರ್ , ಕದ್ರಿ ಹಿಂದೂ ರುದ್ರಭೂಮಿರ್ದ್ ಕದ್ರಿ ರಾಕ್ಸ್ ಮುಟ ರಾಜಕಾಲುವೆದ ತಡೆಗೋಡೆ ಅಭಿವೃದ್ಧಿಗ್ ರಾಜ್ಯ ಸರಕಾರದ ಎಲ್ಯ ನೀರಾವರಿ ಇಲಾಖೆರ್ದ್ 1 ಕೋಟಿ ರೂಪಾಯಿ ಅನುದಾನ ಬುಡುಗಡೆ ಮಲ್ದೆರ್ ಪಂದ್ ಪಂಡೆರ್.

ಈ ಪೊರ್ತುಡು ಪಾಲಿಕೆ ಸದಸ್ಯೆರಾಯಿನ ಕದ್ರಿ ಮನೋಹರ್ ಶೆಟ್ಟಿ, ಶಕಿಲಾ ಕಾವಾ, ದಿನೇಶ್ ದೇವಾಡಿಗ, ಶ್ರೀಕಾಂತ್ ರಾವ್, ಶಾಲಿನಿ ವಿಶ್ವನಾಥ್ ಆಚಾರ್, ಕೃಷ್ಣ ಶೆಟ್ಟಿ, ವಸಂತ್ ಜೆ ಪೂಜಾರಿ, ದೇವಿಚರಣ್ ಶೆಟ್ಟಿ, ಮನೀಷ್ ಪಾಂಡ್ಯ, ಗೋಪಾಲ ಕೃಷ್ಣ ರಾವ್, ತುಳಸಿದಾಸ್ ಕದ್ರಿ, ಪ್ರದೀಪ್ ಆಚಾರ್ಯ, ಸೋಮನಾಥ್ ದೇವಾಡಿಗ, ಯಶವಂತ ನಾಯಕ್, ಗಾಡ್ವಿನ್,‌ಕೇಶವ ಕದ್ರಿ,‌ಪ್ರಕಾಶ್, ಚಂದ್ರಕಾಂತ್, ಜಗದೀಶ್ ಕದ್ರಿ, ಅವಿನಾಶ್ ರೈ, ಹೇಮಚಂದ್ರ, ಸಚಿನ್ ಕದ್ರಿ, ಕೌಶಿಕ್, ವಿವೇಕ್ ಕದ್ರಿ, ವಿನಯ್ ಕದ್ರಿ, ದಿವಾಕರ್ ಕದ್ರಿ, ಶಿವಪ್ಪ ನಂತೂರು, ರಂಜನ್, ಸತ್ಯನಾರಾಯಣ ರಾವ್, ನರೇಶ್ ರಾವ್, ವಿಜಯ್ ಭಂಡಾರಿ, ಸಂಜೀವ ಅಡ್ಯಾರ್, ವೆಂಕಟೇಶ್, ಕೌಶಿಕ್, ಅನಂತ್ ಅಂಚನ್, ನಾಗೇಶ್ ಕದ್ರಿ, ರವಿ, ದಿನೇಶ್ ದೇವಾಡಿಗ ಕಂಬ್ಳ, ರಾಘವೇಂದ್ರ ಬಿರ್ವತ್ತಾಯ, ಭೋಜ, ಜನಾರ್ದನ, ಸುನಿಲ್, ಅನಿಲ್, ದೀಪಕ್, ಅರುಣ್ ಕದ್ರಿ, ರೋಷನ್ ಪಾಲ್ ಪಡೆದಿತ್ತೆರ್.