ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಇನಿ ಬ್ರಹ್ಮಾವರಡ್ ಸತ್ಯನಾಥ ಸ್ಟೋರ್ಸ್‌ ಉದಿಪನ

ಬ್ರಹ್ಮಾವರ, ಮಾ.7: ಕರಿನ 7 ದಶಕರ್ದ್ ಕುಂಟುದ ಬೇರ ಮಲ್ಪುನ ಮುಖೇನ ಕರಾವಳಿ, ಮಲೆನಾಡು ಭಾಗದ ಗ್ರಾಹಕೆರ್ನ ಪ್ರೀತಿಗ್ ಪಾತ್ರವಾಯಿನ ಸತ್ಯನಾಥ ಸ್ಟೋರ್ಸ್‌ ಬೃಹತ್ ವಸ್ತ್ರಮಳಿಗೆ ಬ್ರಹ್ಮಾವರ ಮಾರಿಗುಡಿ ಮಾರ್ಗದ ಪರ ಪೊಲೀಸ್ ಸ್ಟೇಶನ್ ದ ಎದುರು ವಿಶಾಲವಾಯಿನ ಪುರುಷೋತ್ತಮ ಮಂದಿರದ ಪೊಸ ಕಟ್ಟಡಡ್ ಇನಿ ಕಾಂಡೆ ಉದಿಪನ ಆಂಡ್.

ಸಾಬರಕಟ್ಟೆ ಗರಿಕೆಮಠ ಶ್ರೀಅರ್ಕ ಮಹಾಗಣಪತಿ ದೇವಸ್ಥಾನದ ವೇದ ಮೂರ್ತಿ ಜಿ.ರಾಮಪ್ರಸಾದ ಅಡಿಗ ಅಂಗಡಿ ದ ಉದಿಪನ ಮಲ್ತೆರ್ ಬೈಯ 6 ಗಂಟೆಗ್ ಝೀ ಟಿವಿ ಖ್ಯಾತಿ ಸರಿಗಮಪ ಸುಪ್ರಸಿದ್ಧ ಗಾಯಕೆರೆರ್ದ್ ಸತ್ಯನಾಥ ಗಾನವೈಭವ ಸಂಗೀತ ಕಾರ್ಯಕ್ರಮ ನಡಪರೆ ಉಂಡು .ಇರುವರ್ದ್ ಲಾ ಜಾಸ್ತಿ ರಾಜ್ಯದ ವೈವಿಧ್ಯಮಯ ಜವಳಿ ಅಪಾರ ಸಂಗ್ರಹ ಉಪ್ಪುನ ಪರಿಪೂರ್ಣ ಮದಿಮೆ ಜವಳಿ ಅಂಗಡಿ ಆತುಂಡು.

ಉಡುಪಿ ಜಿಲ್ಲಾ ಪೊಲೀಸ್ ವಾರ್ಷಿಕ ಕ್ರೀಡಾಕೂಟ: ಮುಗಿತಲದ ಲೇಸ್

ಒಡಿಪು , ಮಾ.7: ಒಡಿಪು ಜಿಲ್ಲಾ ಪೊಲೀಸ್ ವತಿರ್ದ್ ಮೂಜಿ ದಿನತ ವಾರ್ಷಿಕ ಕ್ರೀಡಾಕೂಟದ ಮುಗಿತಲದ ಲೇಸ್ ಶನಿವಾರ ಉಡುಪಿ ಅಜ್ಜರಕಾಡ್ ಡ್ ಉಪ್ಪುನ ಜಿಲ್ಲಾ ಕ್ರೀಡಾಂಗಣಡ್ ನಡತುಂಡು.

ಮಲ್ಲ ಬಿನ್ನೆರ್ ಆದ್ ಬತ್ತಿನ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ಇನಾಮು ಪಟ್ಟಿಯೆರ್. ಹಗ್ಗಜಗ್ಗಾಟ ಪಂತೋಡು ಒಡಿಪು ಜಿಲ್ಲಾ ಪೊಲೀಸ್ ಕಚೇರಿ ತಂಡ ಸುರುತ್ತ ಬೊಕ್ಕ ಜಿಲ್ಲಾ ಸಶಸ್ತ್ರ ಮೀಸಲು ಪಡೆ ತಂಡ ರಡ್ಡನೇ ಇನಾಮು ಪಡೆಯೆರ್.

ಲೇಸ್ ದ ಗುರ್ಕಾರ್ಮೆನ್ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕ ಎನ್.ವಿಷ್ಣುವರ್ಧನ್ ವಹಿಸಿಸ್ ದಿತ್ತೆರ್ . ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕುಮಾರಚಂದ್ರ ಎದುಕೊಂಡೆರ್. ಉಡುಪಿ ವೃತ್ತ ನಿರೀಕ್ಷಕ ಮಂಜುನಾಥ್ ಸೊಲ್ಮೆ ಸಂದೈತ ಮಲ್ತೆರ್ . ಪೊಲೀಸ್ ಕಂಟ್ರೋಲ್ ರೂಮ್‌ನ ಪಿಎಸ್ಸೈ ಬಿ.ಮನಮೋಹನ್ ರಾವ್ ಲೇಸ್ ದ ನಿರೂಪಣೆ ಮಲ್ತೆರ್ .

ಸುಲ್ತಾನ್ ಪ್ರೀಮಿಯರ್ ಲೀಗ್ ಮಿತ ಓವರ್ ಕ್ರಿಕೆಟ್ : ಟೀಮ್ ರೂಫ್ ಟೆಕ್ ಗ್ ಇನಾಮು

ಕುಡ್ಲ : ಕಾಟಿಪಳ್ಳ ಮಲ್ನಾಡ್ ಟೀ ವತಿರ್ದ್ ನಡತಿನ ‘ಸುಲ್ತಾನ್ ಪ್ರೀಮಿಯರ್ ಲೀಗ್’ಮಿತ ಓವರ್ ಕ್ರಿಕೆಟ್’ ಪಂತೋಡು ನಕೀಝ್ ಬೊಕ್ಕ ಸಾರಿಕ್ ಸಹೋದರರ ಮಾಲಕತ್ವದ ಟೀಮ್ ರೂಫ್ ಟೆಕ್, ಕಾಟಿಪಳ್ಳ ಟ್ರೋಫಿ, ಪನವುದ ಇನಾಮು 40 ಸಾರ ರೂ. ಗೆಂದ್ದೆರ್ .

ರೆಡ್‌ಕ್ರಾಸ್ ಸಂಸ್ಥೆ ಒಡಿಪು ಜಿಲ್ಲಾ ಘಟಕರ್ದ್ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ

ಒಡಿಪು : ಭಾರತೀಯ ರೆಡ್‌ಕ್ರಾಸ್ ಸಂಸ್ಥೆ ಉಡುಪಿ ಜಿಲ್ಲಾ ಘಟಕದ ವತಿರ್ದ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆನ್ ಮಾ.8 ತಾರೀಖ್ ಗ್ ಕಾಂಡೆ 9:30ಗ್ ರೆಡ್‌ಕ್ರಾಸ್ ಭವನಡ್ ಆಚರಣೆ ಮಲ್ಪರೆ ಅಟ್ಟನೆ ಮಲ್ದೆರ್ .

ಒಡಿಪುದ ಬಾಲಭವನಡ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮ

ಒಡಿಪು , ಮಾ.7: ಜಿಲ್ಲಾ ಮಹಿಳಾ ಮಂಡಲದ ಒಕ್ಕೂಟ ಒಡಿಪು , ಜಿಲ್ಲಾ ಕಾನೂನು ಸೇವೆ ಪ್ರಾಧಿಕಾರ ಒಡಿಪು , ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ ಒಡಿಪು , ಮಲಬಾರ್ ಗೋಲ್ಡ್ ಆಯಂಡ್ ಡೈಮಂಡ್ಸ್ ಒಡಿಪು , ಚೈತನ್ಯ ಜಿಲ್ಲಾ ಸ್ತ್ರೀ ಶಕ್ತಿ ಒಕ್ಕೂಟ ಒಡಿಪು ಬೊಕ್ಕ ಸಖಿ ಒನ್‌ಸ್ಟಾಪ್ ಸೆಂಟರ್ ಒಡಿಪು ಜಿಲ್ಲೆ ಮೆಕ್ಲೆನ ಒಟ್ಟು ಸೇರಿಗೆಡ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮ ಮಾ.8 ತಾರೀಖ್ ಗ್ ಕಾಂಡೆ 10 ಗಂಟೆಗ್ ಒಡಿಪುದ ಬಾಲಭವನಡ್ ನಡಪರೆ ಉಂಡು.

ಈ ಲೇಸ್ ನ್ ಒಡಿಪು ಜಿಪಂ ಉಪಾಧ್ಯಕ್ಷೆ ಬೊಕ್ಕ ಒಡಿಪು ತಾಲೂಕು ಮಹಿಳಾ ಮಂಡಲದ ಒಕ್ಕೂಟದ ಗುರ್ಕಾರ್ಲಾಯಿನ ಶೀಲಾ ಕೆ ಶೆಟ್ಟಿ ಉದಿಪನ ಮಲ್ಪರೆ ಉಲ್ಲೆರ್ , ಜಿಲ್ಲಾ ಮಹಿಳಾ ಮಂಡಲದ ಒಕ್ಕೂಟದ ಗುರ್ಕಾರ್ಲಾಯಿನ ಸರಳಾ ಬಿ ಕಾಂಚನ್ ಲೇಸ್ ದ ಗುರ್ಕಾರ್ಮೆ ವಯಿಸೊಂದೆರ್.

ಜನ ಔಷಧಿ ದಿನಾಚರಣೆ ಪ್ರಯುಕ್ತ ಪ್ರಧಾನ ಮಂತ್ರಿ ನೊಟ್ಟಿಗೆ ನೇರ ಸಂವಾದ

ಒಡಿಪು , ಮಾ.7: ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಮೇರ್ ಮಾ.7 ತಾರೀಖ್ ಗ್ ಜನ ಔಷಧಿ ದಿನಾಚರಣೆದ ಪ್ರಯುಕ್ತ ಬ್ರಹ್ಮಾವರ ಸಮುದಾಯ ಆರೋಗ್ಯ ಕೇಂದ್ರ ಕಟ್ಟಡದ ಪ್ರಧಾನ ಮಂತ್ರಿ ಬಾರತೀಯ ಜನೌಷಧಿ ಕೇಂದ್ರಡ್ ಕಾಂಡೆ 10 ಗಂಟೆರ್ದ್ 12 ಗಂಟೆ ಮುಟ ವೀಡಿಯೊ ಕಾನ್ಫರೆನ್ಸ್ ಮುಖೇನ ಜನೌಷಧಿ ಪರಿಯೋಜನೆದ ಬಗ್ಗೆ ಸಾರ್ವಜನಿಕೆರೆಗ್ ನೇರ ಸಂವಾದ ಮಲ್ಪರೆ ಉಲ್ಲೆರ್ .

ಲೇಸ್ ನ್ ಕಾಂಡೆ 10 ಗಂಟೆಗ್ ಕೇಂದ್ರ ರಾಸಾಯನಿಕ ಬೊಕ್ಕ ರಸಗೊಬ್ಬರ ಇಲಾಖೆ ಸಚಿವ ಡಿ.ವಿ.ಸದಾನಂದ ಗೌಡ ಉದಿಪನ ಮಲ್ಪರೆ ಉಲ್ಲೆರ್ . ರಾಜ್ಯ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ಸಚಿವ ಡಾ.ಕೆ. ಸುಧಾಕರ್, ಗೃಹ, ಕಾನೂನು, ಸಂಸದೀಯ ಬೊಕ್ಕ ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವ ಬಸವರಾಜ ಬೊಮ್ಮಾಯಿ, ಮುಜರಾಯಿ, ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖಾ ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ಬಂದರು, ಮೀನುಗಾರಿಕೆ ಅಂಚನೇ ಒಳನಾಡು ಜಲಸಾರಿಗೆ ಇಲಾಖೆ ಸಚಿವ ಎಸ್.ಅಂಗಾರ, ಸಂಸದೆರಾಯಿನ ಶೋಭಾ ಕರಂದ್ಲಾಜೆ, ನಳಿನ್ ‌ಕುಮಾರ್ ಕಟೀಲ್ ಅಂಚನೇ ಜನಪ್ರತಿನಿಧಿಲು ಪಾಲ್ ಪಡೆಯರೆ ಉಲ್ಲೆರ್.