Uncategorized

ಎಥೆನಾಲ್ ಘಟಕ ಸ್ಥಾಪನೆಗ್ ಸರಕಾರರ್ದ್ ಮಲ್ಲ ಮಟ್ಟದ ಸಾಕಾರ

ಬ್ರಹ್ಮಾವರ : ಸುಮಾರ್ ಪದಿನೈನ್ ವರ್ಷರ್ದ್ ಚ್ಚಿದ್ ಉಪ್ಪುನ ಬ್ರಹ್ಮಾವರ ಸಕ್ಕರೆ ಕಾರ್ಖಾನೆನ್ ಒರಿಪಾವುನ ಹೋರಾಟ ಮಸ್ತ್ ಸಲ ಆತುಂಡು ಇತ್ತೆ ಪೊಸ ಆಡಳಿತದ ಮಂಡಳಿ ಈ ನೆಲೆಟ್ಟ್ ಒಂಜಾತ್ ಪೂರಕ ಚಟುವಟಿಕೆಡ್ ತೊಡಗುದುಂಡು . ಇಂಚಾದ್ ಸಕ್ಕರೆ ಕಾರ್ಖಾನೆದ ಅಳಿವು -ಒರಿಪಾವುನ ಸಾಧ್ಯತೆದ ಬಗ್ಗೆ ಚರ್ಚೆ ನಡಪಾವುನ ಬಗ್ಗೆ ಬ್ರಹ್ಮಾವರ ಕಾರ್ಯನಿರತ ಪತ್ರಕರ್ತರ ಸಂಘದ ಆಶ್ರಯಡ್ ಕಾರ್ಖಾನೆ ಆಡಳಿತ ಮಂಡಳಿದೊಟ್ಟುಗು ಮಾಧ್ಯಮ ಸಂವಾದ ಲೇಸ್ ಕೋಡೆ ಬ್ರಹ್ಮಾವರ ಮದರ್ ಪ್ಯಾಲೇಸ್ ಸಭಾಂಗಣಡ್ ನಡತುಂಡು.

ಕಾರ್ಖಾನೆ ಆಡಳಿತ ಮಂಡಳಿದ ಗುರ್ಕಾರ್ಲಾಯಿನ ಬಕಾಡಿ ಸುಪ್ರಸಾದ್ ಶೆಟ್ಟಿ ಪಾತೆರ್ದ್ , ರಾಜ್ಯಡ್ 152 ಸಂಸ್ಥೆಲು ಎಥೆನಾಲ್ ಘಟಕ ಸ್ಥಾಪನೆಗ್ ಪುದರ್ ನೋಂದಾವನೆ ಮಲ್ದುಂದು, ನೆಟ್ಟ್ ಬ್ರಹ್ಮಾವರ ಸಕ್ಕರೆ ಕಾರ್ಖಾನೆಲಾ ಒಂಜಿ . ಎಥೆನಾಲ್ ಘಟಕ ಸ್ಥಾಪನೆಗ್ ಸರಕಾರರ್ದ್ ಮಲ್ಲ ಮಟ್ಟದ ಸಹಕಾರ ತಿಕ್ಕೊಂದು ಉಂಡು ಅಂಚನೇ ಅರ್ಥಿಕ ಸಂಸ್ಥೆಲು ಸಾಕಾರ ಕೊರೊಡು ಪನ್ಪಿನ ಸೂಚನೆ ಉಂಡು.

ಒಡಿಪು ಜಿಲ್ಲಾ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ರಾಜೇಶ್ ಶೆಟ್ಟಿ ಗೋಷ್ಠಿ ಉದಿಪನ ಮಲ್ತೆರ್ . ಸಕ್ಕರೆ ಕಾರ್ಖಾನೆ ಆಡಳಿತ ಮಂಡಳಿ ಒತ್ತು ಗುರ್ಕಾರ್ಲಾಯಿನ ಉಮಾನಾಥ ಶೆಟ್ಟಿ, ನಿರ್ದೇಶಕ ಆಸ್ತಿಕ್ ಶಾಸ್ತ್ರಿ, ಸಂತೋಷ್ ಶೆಟ್ಟಿ ಬಾಲಾಡಿ, ಸನ್ಮತ್ ಹೆಗ್ಡೆ, ಸುಬ್ಬ ಬಿಲ್ಲವ, ರತ್ನಾಕರ ಗಾಣಿಗ, ಕಾರ್ಖಾನೆದ ಮ್ಯಾನೇಜರ್ ಗೋಪಾಲಕೃಷ್ಣ, ಕಾನೂನು ಸಲಹೆಗಾರ ವಿಜಯ ಹೆಗ್ಡೆ, ಉದ್ಯಮಿ ಭರತ್ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆಯಡಿ ಕಾಸ್ ಮರುಪಾವತಿ ಮಲ್ಪರೆ ದ.ಕ. ಜಿಲ್ಲಾಧಿಕಾರಿ ಸೂಚನೆ

ಕುಡ್ಲ, ಆಗಸ್ಟ್ 8: ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆದಡಿ ಜಿಲ್ಲೆದ ಏಳ್ ಖಾಸಗಿ ಆಸ್ಪತ್ರೆಲು ರೋಗಿಲೆಗ್ ಬೊಕ್ಕ ಅಕ್ಲೆನ ಸಂಬಂಧ ದಕ್ಲೆಗ್ ಜಾಸ್ತಿ ಕಾಸ್ ಪಾವತಿ, ಯೋಜನೆಯಡಿ ಮರ್ದ್ ಗ್ ನಿರ್ಲಕ್ಷ್ಯ ಕೊರಿನ ಬಗ್ಗೆ ತೀವ್ರ ಆಕ್ಷೇಪ ವ್ಯಕ್ತ ಮಲ್ತಿನ ನೆಲೆಟ್ಟ್ ದ.ಕ. ಜಿಲ್ಲಾಧಿಕಾರಿ ಡಾ.ಕೆ.ವಿ. ರಾಜೇಂದ್ರ, ಸಂತ್ರಸ್ತೆರೆಗ್ ಕಾಸ್ ಪಿರ ಕೊರ್ರೆ ಸೂಚನೆ ಕೊರ್ತೆರ್ .

ಪೇಂಟೆದ ಜಿಲ್ಲಾಧಿಕಾರಿ ಕಚೇರಿಡ್ ನಡತಿನ ಜಿಲ್ಲಾ ಮಟ್ಟದ ಕುಂದು ಕೊರತೆ ಪರಿಹಾರ ಸಮಿತಿ ಸಭೆಟ್ ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ ಯೋಜನೆದಡಿ ಸಂತ್ರಸ್ತೆರ್ ದಾಖಲ್ ಮಲ್ತಿನ ದೂರುಲೆನ್ ಕೇಂಡಿನ ಜಿಲ್ಲಾಧಿಕಾರಿ, ಒಂಜಿ ವಾರದುಲಯಿ ರೋಗಿಲೆಗ್ ಅಕ್ಲೆಗ್ ಬ್ಯಾಂಕ್ ಖಾತೆಗ್
ಕಾಸ್ ವರ್ಗಾವಣೆ ಸ್ವೀಕೃತಿ ಪತ್ರನ್ ಜಿಲ್ಲಾಧಿಕಾರಿ ಕಚೇರಿಗ್ ಕೊರಿಯರೆ ಆದೇಶ ಕೊರಿಯೆರ್.

ನಲ್ಲೂರು ಪಂಚಾಯತ್ ಗುರ್ಕಾರ್ಲಾದ್ ಕವಿತಾ ಸಂತೋಷ್

ಕಾರ್ಲ, ಆಗಸ್ಟ್ 4 : ನಲ್ಲೂರು ಗ್ರಾ.ಪಂ.ದ ಗುರ್ಕಾರ್ಲಾದ್ ಕವಿತಾ ಸಂತೋಷ್ ಮೇರ್ ಆಯ್ಕೆಯಾತೆರ್ . ಈ ದುಂಬು ಗುರ್ಕಾರ್ಲಾಯಿನ ಗಾಯತ್ರಿ ಪ್ರಭು ಮೇರ್ ಮೇ ತಿಂಗೊಲ್ಡು ತಮ್ಮ ಹುದ್ದೆಗ್ ರಾಜೀನಾಮೆ ಕೊರಿನ ನೆಲೆಟ್ಟ್ ಸಾಮಾನ್ಯ ಪೊಂಜೊವ್ಲೆಗ್ ಇತ್ತಿನ ಗುರ್ಕಾರ್ಲೆನ ತಾನೋಗು ಆ. 3 ಕ್ಕ್ ಗ್ರಾಮ ಪಂಚಾಯತ್ ಸಭಾಂಗಣಡ್ ಓಟು ನಡತುಂಡು .

ಕದ್ರಿ ಸ್ಮಾರಕಡ್ ಜುಲೈ 26ಕ್ಕ್ ಕಾರ್ಗಿಲ್ ವಿಜಯೋತ್ಸವ

ಕುಡ್ಲ, ಜುಲೈ 24 : ಶ್ರೀ ಪತಂಜಲಿ ಯೋಗ ಶಿಕ್ಷಣ ಸಮಿತಿ ನೇತ್ರಾವತಿ ವಲಯ ಕುಡ್ಲ ಬೊಕ್ಕ ಶ್ರೀ ಪತಂಜಲಿ ಯೋಗ ಶಿಕ್ಷಣ ಫೌಂಡೇಶನ್ ವತಿರ್ದ್ ಜು.26ಕ್ಕ್ ಕಾರ್ಗಿಲ್ ವಿಜಯೋತ್ಸವ ಪೇಂಟೆದ ಕದ್ರಿಯ ಹುತಾತ್ಮ ಯೋಧರ ಸ್ಮಾರಕಡ್ ನಡಪರೆ ಉಂಡು.

ಕಾಂಡೆ 6:30ಕ್ ಕಾರ್ಯಕ್ರಮ ಸುರು ಆಯೆರೆ ಉಂಡು , ಕಾರ್ಗಿಲ್ ಕದನಡ್ ಅಪ್ರತಿಮ ಧೈರ್ಯ, ಸಾಹಸ, ಶೌರ್ಯ ಮೆರೆದ್ ಶತ್ರು ಸೈನಿಕೆರೆಗ್ ಸಿಂಹಸ್ವಪ್ನವಾದ್ ಕಾದ್ ದ್ ವೀರ ಮರಣ ಹೊಂದಿನ ಅಮರ ಸೇನಾನಿಲೆನ ವೀರಗಾಥೆ, ವಿಜಯಗಾಥೆಲೆನ್ ಸ್ಮರಣೆ ಮಲ್ಪರೆ ಉಂಡು . ಯೋಧೆರೆಗ್ ಶ್ರದ್ಧಾ ನಮನ ಸಲ್ಲಿಸಾದ್ ದುಂಬುದ ಪೀಳಿಗೆಗ್ ರಾಷ್ಟ್ರಭಕ್ತಿದ ಅಮೃತ ಸಿಂಚನ ಮಲ್ಪುನ ಪ್ರೇರಣಾದಾಯಕ ವಿಚಾರ ಮುಟ್ಟವ . ಸಂಸ್ಥೆದ ಯೂಟ್ಯೂಬ್ ಬೊಕ್ಕ ಫೇಸ್‌ಬುಕ್‌ಡ್ ಕಾರ್ಯಕ್ರಮದ ನೇರಪ್ರಸಾರ ನಡಪರೆ ಉಂಡು ಪಂದ್ ಪತಂಜಲಿ ಯೋಗ ಶಿಕ್ಷಣ ಸಮಿತಿ ಜಿಲ್ಲಾಧ್ಯಕ್ಷ ಅಶೋಕ್ ಕುಮಾರ್ ಜೈನ್ ಸುದ್ದಿಗೋಷ್ಠಿಡ್ ತೆರಿಪಾಯೆರ್ .