Uncategorized

ಉಂದು ಅಮೇಜಾನ್ ಆಫರ್ ..! ಪ್ಲಾಸ್ಟಿಕ್ ಬಕೆಟ್ ಗ್ 26 ಸಾರ , ಮಗ್ ಗ್ 10 ಸಾರ ! EMI ಲಾ ಲಭ್ಯ..!!

Jun 1, 2022

ಉಂದು ಅಮೇಜಾನ್ ಆಫರ್ ..! ಪ್ಲಾಸ್ಟಿಕ್ ಬಕೆಟ್ ಗ್ 26 ಸಾರ , ಮಗ್ ಗ್ 10 ಸಾರ ! EMI ಲಾ ಲಭ್ಯ..!!

ಕುಡ್ಲ : ಅಮೇಜಾನ್ ಡ್ ಮಾರಾಟಗ್ ಉಪ್ಪುನ ಅಂಚನೆ ಇತ್ತೆ ಸೋಲ್ಡ್ ಔಟ್ ಆಯಿನ ಬಕೆಟ್ ದ ಫೋಟೋ ಇಂಟರ್ ನೆಟ್ ಡ್ ವೈರಲ್ ಆತುಂಡು . ಈ ಬಕೆಟ್ ದ ಫೋಟೋ ತೂದು ಜನಕುಲೆಗ್ ಅಚ್ಚರಿ ವ್ಯಕ್ತ ಮಲ್ಪರೆ ಕಾರಣ, ಐಕ್ ದೀನ ಬಿಲೆ .

“ಪ್ಲಾಸ್ಟಿಕ್ ಬಕೆಟ್ ಫಾರ್ ಹೋಮ್ ಅಂಡ್ ಬಾತ್‌ರೂಮ್ ಸೆಟ್ ಆಫ್ 1” ಎಂಬ ಶೀರ್ಷಿಕೆದ ಐಟಂ ನ್ ಇ-ಕಾಮರ್ಸ್ ವೆಬ್‌ಸೈಟ್ ಅಮೇಜಾನ್ ಡ್ ದಾಖಲೆದ ₹ 25,999 ಗೆ ಮಾರಾಟ ಮಲ್ತೊಂದು ಉಲ್ಲೆರ್ . ಉಂದು ನನಲ ವಿಚಿತ್ರವಾಯಿನ ಸಂಗತಿ ಪಂಡ , ಈ ಬಕೆಟ್ ದ ಮೂಲ ಬಿಲೆ 35, 990 ರೂಪಾಯಿ. ಜನಕ್ಲೆಗ್ ಶೇ. 28ರ ರಿಯಾಯಿತಿಡ್ 25,999 ರೂಪಾಯಿಗ್ ತಿಕ್ಕೊಂದು . ಉಂಡು ಅಚ್ಚರಿದ ವಿಚಾರ ಪಂಡ , ಈ ಬಕೆಟ್ ನಮ ಬುಕ್ ಮಲ್ತುಂಡ ತಿಕ್ಕೊಂದು ಉಂಡು .

ಭಾಷೆದ ದಂಗಲ್ ನಡುಟು ಸೊರ ಲಕ್ಕಾಯಿನ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ : ಸುರೇಶ್ ರಾವ್ ಕೊಕ್ಕಡ

Jun 1, 2022

ಭಾಷೆದ ದಂಗಲ್ ನಡುಟು ಸೊರ ಲಕ್ಕಾಯಿನ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ : ಸುರೇಶ್ ರಾವ್ ಕೊಕ್ಕಡ

ಕುಡ್ಲ : ಆ ಭಾಷೆನ ? ಈ ಭಾಷೆನಾ ? ಮಾತಾ ಭಾಷೆಗ್ಲಾ ತನ್ನನೇ ಆಯಿನ ಗತ್ತ್ ಉಂಡು ಪಂದ್ ತೋಜಾಯಿನ್ “ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್”. ರಾಷ್ಟ್ರೀಯ ಭಾಷೆದ ನಡುಟುಲಾ ದಕ್ಷಿಣ ಭಾರತ ಮಾತ್ರ ಅತ್ತoದೆ ಪಂಜಾಬಿ, ಭೋಜ್ ಪುರಿ ಸಿನಿಮಾಲಾ ಬಾಲಿವುಡ್ ಸಿನಿಮಾರಂಗಗ್ ಸಡ್ಡು ಕೊರ್ತುಂಡು .

ಭರಪೂರ ಮನೋರಂಜನೆ ಕೊರೊಂದು ಉಂಡು ಇತ್ತೆ ತುಳು ನಾಡೋರ್ಮೆ ಆತೆ ಅತ್ತoದೆ ವಿಶ್ವಡ್ ಲಾ ಸೌಂಡ್ ಮಲ್ತೊಂದು ಉಂಡು ತುಳು ಸಿನಿಮಾ “ರಾಜ್ ಸೌಂಡ್ಸ್” ಒಂಜಿ ಕಲಾಭಿ ಮಾನಿಯಾದ್ ಪನ್ಪಿನಿ ದಾದ ಪಂಡ ಮಾತೆರ್ಲ ಈ ಸಿನಿಮಾ ತೂವೊಡು. ಗಮ್ಮತ್ತು ಗ್ ಗಮ್ಮತ್ತ್, ಅಂಚನೆ ಒಂಜಿ ಪಿಚ್ಚರ್ ಗ್ ಬೋಡಾಯಿನ ಮಾತಾಲಾ ನೆಟ್ ಉಂಡು ಅಂಚನೆ ಇಂಚಿನ ಪ್ರಯತ್ನೊಗು . ಅದೇ ರೀತಿ ನಮ ಮಾತಾ ಬೆರಿ ಸಾಕಾಯ ಕೊರ್ದು ನಮ್ಮ ಭಾಷೆ ಸಂಸ್ಕೃತಿನ್ ಒರಿಪಾವೊಡು. ಕಾರ್ಲ, ಪುತ್ತೂರು, ಮೂಡಬಿದಿರೆ,ಸುಳ್ಯ ಇಂಚ ಬೇತೆ ಬೇತೆ ಕಡೆಟ್ ಪಿಚ್ಚರ್ ಪ್ರದರ್ಶನ ಆವೊಂದು ಉಂಡು. ತೂಯಿನಕುಲು ಕಮೆಂಟ್ ಮಲ್ಪುಲೇ ಕಲಾವಿದೆರೆಗ್ ಪ್ರೋತ್ಸಾಹ ಕೊರ್ಲೆ.

ಕುಡ್ಲ : ಕ್ಯಾಂಪಸ್ ದ ಉಲಯಿ ಹಿಜಾಬ್ ಗ್ ಅವಕಾಶ ಇಜ್ಜಿ ಆದೇಶ‌ ಕೊರಿನ ಕಾಲೇಜು ಪ್ರಾಂಶುಪಾಲೆರ್

May 29, 2022

ಕುಡ್ಲ : ಕ್ಯಾಂಪಸ್ ದ ಉಲಯಿ ಹಿಜಾಬ್ ಗ್ ಅವಕಾಶ ಇಜ್ಜಿ ಆದೇಶ‌ ಕೊರಿನ ಕಾಲೇಜು ಪ್ರಾಂಶುಪಾಲೆರ್

ಕುಡ್ಲ : ಕೆಲವು ತಿಂಗೊಲ್ ದ ಪಿರವು ಕುಡ್ಲ ಪೊತ್ತಿನ ಹಿಜಾಬ್ ದಂಗಲ್ ರಾಜ್ಯೋಡು ಬಾರಿ ಸೊರ ಲಕ್ಕಾದ್ ಇತ್ತುಂಡು . ಕೋರ್ಟ್ ಆದೇಶರ್ದ್ ಬೊಕ್ಕ ಬೂದಿ ಮುಚ್ಚಿನ ಕೆಂಡದಲಕ ಆದ್ ಇತ್ತಿನ ಕೇಸ್ ಇತ್ತೇ ಕುಡ ಪೊತ್ತೆರೆ ಸುರು ಮಲ್ದುಂಡು . ಕುಡ ಕುಡ್ಲಡ್ ಹಿಜಾಬ್ ವಿವಾದ ಆತುಂಡು . ಮೇ 10ಕ್ಕ್ ಮಂಗಳೂರುದ ವಿವಿ ಘಟಕ ಡಿಗ್ರಿ ಕಾಲೇಜ್ ಡ್ ಹಿಜಾಬ್ ವಿವಾದ ಸುರು ಆತುಂಡು.

ಕುಡ್ಲದ ಹಂಪನಕಟ್ಟೆ ಕಾಲೇಜ್ ಡ್ ಹಿಜಾಬ್ ವಿವಾದಗ್ ಸಂಬಂಧಿ ಹಿಜಾಬ್ ಪಾರ್ದ್ ಬತ್ತುಂಡ ಕಾಲೇಜ್ ಗ್ ಸೇರಾವುಜ ಪಂದ್ ಕುಡ್ಲಡ್ ಶಾಸಕ ವೇದವ್ಯಾಸ ಕಾಮತ್ ಪಂತೆರ್ .

ರೇಡಿಯೊ ಮಣಿಪಾಲ 90.4 MHz ಸಮುದಾಯ ಬಾನುಲಿ: ಆರೋಗ್ಯ ಭಾಗ್ಯ ಲೇಸ್

May 24, 2022

ರೇಡಿಯೊ ಮಣಿಪಾಲ 90.4 MHz ಸಮುದಾಯ ಬಾನುಲಿ: ಆರೋಗ್ಯ ಭಾಗ್ಯ ಲೇಸ್

ಒಡಿಪು : ಒಡಿಪು ಜಿಲ್ಲಾ ರೋಗವಾಹಕ ಆಶ್ರಿತ ಸೀಕ್ ದ ನಿಯಂತ್ರಣಾಧಿಕಾರಿ ಡಾ.ಪ್ರಶಾಂತ್ ಭಟ್ ಈ ಸಂದರ್ಶನಾಧಾರಿತ ಲೇಸ್ ಡ್ ಪಾಲ್ ಪಡೆದ್ ಡೆಂಗ್ಯೂ ಬಗ್ಗೆ ಮಾಹಿತಿ ಕೊರಿಯೆರೆ ಉಲ್ಲೆರ್ . ಈ ಲೇಸ್ ಮೇ ತಿಂಗೊಲ್ದ 24 ನೇ ಅಂಗಾರೆ, ಬಯ್ಯಗ್ 5 ಗಂಟೆಗ್ ಪ್ರಸಾರ ಆಯೆರೆ ಉಂಡು ಅಂಚನೆ
ಮೇ 25ಕ್ಕ್ ಮಧ್ಯಾಹ್ನ 12ಕ್ ಕುಡ ಪ್ರಸಾರ ಆಯೆರೆ ಉಂಡು.

ಶ್ರೀ ಬ್ರಹ್ಮಬೈದರ್ಕಳ ಗರೋಡಿ ಹೊಸಾಳ ಬಾರಕೂರು : ಪ್ರತಿಷ್ಠಾಮಹೋತ್ಸವ, ಸಹಸ್ರ ಕುಂಭಾಭಿಷೇಕ ಕೆಂಪು ಕಲ್ಲ್ ದ ಆಲಯಡ್ ಮೆನ್ಕೊಂದು ಉಪ್ಪುನ ದೇವಲ್ಯ

May 23, 2022

ಶ್ರೀ ಬ್ರಹ್ಮಬೈದರ್ಕಳ ಗರೋಡಿ ಹೊಸಾಳ ಬಾರಕೂರು : ಪ್ರತಿಷ್ಠಾಮಹೋತ್ಸವ, ಸಹಸ್ರ ಕುಂಭಾಭಿಷೇಕ

ಕೆಂಪು ಕಲ್ಲ್ ದ ಆಲಯಡ್ ಮೆನ್ಕೊಂದು ಉಪ್ಪುನ ದೇವಲ್ಯ

ಒಡಿಪು :
ಶ್ರೀ ಕ್ಷೇತ್ರ ಬಾರಕೂರು ಗರೋಡಿ ಶ್ರೀ ಬ್ರಹ್ಮಬೈದರ್ಕಳ ಗರೋಡಿ ಹೊಸಾಳ ನೆತ್ತ ಶ್ರೀ ನಾಗ ದೇವೆರ್ , ಸಪರಿವಾರ ಶ್ರೀ ಬ್ರಹ್ಮಬೈದರ್ಕಳ ಬೊಕ್ಕ ಶ್ರೀ ಶಿವರಾಯ, ಕಲ್ಲುಡ, ಕಾಳಮ್ಮ ದೈವದ ನವೀಕೃತ ಆಲಯ ಸಮರ್ಪಣೆ ಬೊಕ್ಕ ಪುನರ್ ಪ್ರತಿಷ್ಠಾಮಹೋತ್ಸವ, ಸಹಸ್ರ ಕುಂಭಾಭಿಷೇಕ ಆವೊಂದು ಉಪ್ಪುನ ಈ ಗರೋಡಿನ್ ಪೂರ್ತಿಯಾದ್ ಕೆಂಪು ಕಲ್ಲ್ ರ್ದ್ ಕಟ್ಟ್ ದೆರ್ ಉಲಯಿದ ಗರ್ಭಗುಡಿಲ ಕೆಂಪುಕಲ್ಲ್ ರ್ದ್ ನಿರ್ಮಾಣ ಆದ್ ಉಂಡು .ಕಲ್ಲು ಜೋಡಾವುನಲ್ಪ ಮಾತ್ರ ಸಿಮೆಂಟ್ ಗಲಸ್ ದೆರ್ . ನೆತ್ತ ಸುತ್ತ ಉಪ್ಪುನ ಕಂಬನ್ ಲಾ ಕೆಂಪು ಕಲ್ಲ್ ರ್ದ್ ಕಲಾತ್ಮಕವಾದ್ ಕೆತ್ತನೆ ಮಲ್ದೆರ್ . ತುಳಸಿಕಟ್ಟೆ ನಾಗನಕಟ್ಟೆಲ ಕೆಂಪು ಕಲ್ಲ್ ರ್ದ್ ಕಟ್ಟಿನವು . ಒಡಿಪು ಜಿಲ್ಲೆಡ್ ಉಂದೊಂಜಿ ಪೊಸ ಮಾದರಿ ಗರೋಡಿ ಪನ್ಪಿನ ಪುಗಾರ್ತೆ ಪಡೆತುಂಡು.

ಗೆಜ್ಜೆಗಿರಿದ ಮಾದರಿಡ್ ಮುಲ್ಪ ಗರೋಡಿ ನಿರ್ಮಾಣ ಆವೊಡು ಪನ್ಪಿನ ಭಕ್ತೆರ್ನ ಆಸೆದಲಕ ಗೆಜ್ಜೆಗಿರಿದ ಗರಡಿ ನಿರ್ಮಾಣ ಮಲ್ತಿನ ಮೂಲತಃ ಗದಗದಾರ್ ಆಯಿನ ಇತ್ತೇ ಕುಡ್ಲಡ್ ಉಪ್ಪುನ ಲಂಬಾಣಿ ಕುಬೇರಪ್ಪನ್ ಸಂಪರ್ಕ ಮಲ್ತ್ ಈ ಬೇಲೆ ಅರೆಗ್ ಕೊರ್ತೆರ್.

ಮುಲ್ಪ ನನೊಂಜಿ ಇಸೇಸತೇ ದಾದ ಪಂದ್ ಕೇಂಡ ಗರಡಿಡ್ ಇತ್ತಿನ ಮರರ್ದ್ ಕಟ್ಟಿನ ಕೋಟಿ- ಚೆನ್ನಯ, ಶಿವರಾಯ, ಬಲ್ಲಾಳ, ಜೋಗಿಪುರುಷ, ಬೊಬ್ಬರ್ಯ, ಮಾಯಂದಾಲ್ ಕಾಷ್ಠಶಿಲ್ಪಗ್ ಪ್ರಕೃತಿಕ ವರ್ಣ ಛಾದನೆ ಕೊರೊಂದು ಉಪ್ಪುನವು ಪೇಂಟೆಡ್ ಸುರು ಪಂದ್ ಪಂಡೆರ್ . ರಾಸಾಯನಿಕ ಪೈಂಟ್ ಗಲಸಂದೆ ಕಾಲಿ ಬರೇ ರಂಗ್ ರಂಗ್ ದ ಕಲ್ಲ್ ನ್ ಪೊಡಿ ಮಲ್ತ್ ಐಕ್ ಒಂತೆ ನೀರ್ ಪಾರ್ದ್ ದೊಂಬುಡು ದೀದ್ ಪ್ರಕೃತಿರ್ದೇ ತಯಾರ್ ಮಲ್ತಿನ ಅಂಟ್ ನ್ ಐಕ್ ಮಿಶ್ರಣ ಮಲ್ತ್ ಈ ಕಾಷ್ಠ ಶಿಲ್ಪಗ್ ಬ್ರಶ್‌ದ ಮುಖೇನ ಪಾಡುವೆರ್ . ಈ ಕಲ್ಲ್ ನ್ ಕೇರಳ, ತಮಿಳುನಾಡು ರ್ದ್ ಕಂದೆರ್ . ಆತೆ ಅತ್ತoದೆ ಕಪ್ಪು ರಂಗ್ ನ್ ಚಿಮಣಿ ದೀಪಗ್ ಎಳ್ಳೆಣ್ಣೆನ್ ಪಾಡ್ದ್ ಐತ ಮಜಿರ್ದ್ ತಯಾರ್ ಮಲ್ದೆರ್ . ಈ ರಂಗ್ ಏತ್ ವರ್ಷ ಆಂಡಲಾ ಪೋಪುಜಿ ಪಂದ್ ಅವೆನ್ ತಯಾರ್ ಮಲ್ತಿನ ಕೇರಳ ಕಣ್ಣಾನೂರುದ ಜಗದೀಶ ಪಾಲಿಯಾಟ ಪಂಡೆರ್ .

*ಕೋಡೆ ಪುದೆಕಾಣಿಕೆ*: ಮೇ 22ಕ್ಕ್ ಮಧ್ಯಾಹ್ನ 3 ಗಂಟೆಗ್ ಬಾರಕೂರು ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನರ್ದ್ ಪುದೆಕಾಣಿಕೆ ಮೆರವಣಿಗೆ ಪೋದು ಶ್ರೀ ಬ್ರಹ್ಮಬೈದರ್ಕಳ ಗರಡಿಗ್ ಮುಟ್ಟೆರೆ ಉಂಡು.

ಮೇ 20 ರಾಜ್ಯೋಡು ಬುಡುಗಡೆ ಆಯರೇ ಉಂಡು “ರಾಜ್ ಸೌಂಡ್ ಆಯಂಡ್ ಲೈಟ್ಸ್ ” ತುಳು ಪಿಚ್ಚರ್

May 19, 2022

ಕುಡ್ಲ : ವೈಭವ ಫ್ಲಿಕ್ಸ್ ಅಡಿಟ್ ಮ್ಯಾಂಗೋ ಪಿಕ್ಕಲ್ ಬ್ಯಾನರ್ ಒಟ್ಟು ಸೇರಿಗೆಡ್ ತಯಾರ್ ಆಯಿನ ರಾಜ್ ಸೌಂಡ್ ಆಯಂಡ್ ಲೈಟ್ಸ್ ತುಳು ಪಿಚ್ಚರ್ 11 ಪರ ಊರುಡು ಅಂಚನೆ ದೇಶದ 6 ಕಡೆಟ್ ಮೇ 13, 14,15 ಕ್ಕ್ ಪ್ರೀಮಿಯರ್ ಯಶಸ್ವಿಯಾದ್ ಪ್ರದರ್ಶನ ತೊಜೀದ್ ಬೈದುಂಡು .

‘ಒಂದು ಮೊಟ್ಟೆಯ ಕಥೆ’ ಚಿತ್ರ ಕೂಟದ ಮುತಾಲಿಕೆಡ್ ವೈಭವ್ ಫ್ಲಿಕ್ಸ್ ಅಡಿಟ್ , ಮ್ಯಾಂಗೋ ಪಿಕಲ್ ಬ್ಯಾನರ್ ಒಟ್ಟು ಸೇರಿಗೆಡ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ ತುಳು ಚಿತ್ರ ನಿರ್ಮಾಣನ್ ಮೇ 20 ತಾರಿಕ್ ಗ್ ಕುಡ್ಲಡ್ ಬುಡುಗಡೆ ಆಯೆರೆ ಉಂಡು.

ತುಲುನಾಡ್ಡ್ ಮಾತ್ರ ಅತ್ತoದೆ ಪರ ಊರುಡುಲಾ ತುಳು ಪುಗಾರ್ತೆ ಪಡೆತುಂಡು . ಈ ಪಿಚ್ಚರ್ ಮದಿಮೆ ಬೊಕ್ಕ ಮದರಂಗಿ ಲೇಸ್ ದ ಕಥೆ ಆಧಾರಿತ ಆದ್ ಉಂಡು , ನೈಜತೆಗೆ ಒತ್ತು ಕೊರ್ದು ಎಡ್ಡೆ ರೀತಿಡ್ ಚಿತ್ರ ನಿರ್ಮಾಣ ಮಲ್ದೆರ್.

ಈ ಪಿಚ್ಚರ್ ನ್ ಯುವ ನಟ ರಾಹುಲ್ ಅಮಿನ್ ನಿರ್ದೇಶನ ಮಲ್ದೆರ್ , ಆನಂದ್ ಎನ್ ಕುಂಪಲ, ನಿರ್ಮಾಪಕೆರಾದ್ . ಈ ಸಿನೆಮಾದ ಕಥೆನ್ ವಿನೀಶ್ ಕುಮಾರ್ ಬೊಕ್ಕ ಸಂಭಾಷಣೆನ್ ಗಿರಿಗಿಟ್ ಚಿತ್ರ ಖ್ಯಾತಿದ ಪ್ರಸನ್ನ ಶೆಟ್ಟಿ ಬೈಲೂರು ಬರೆತೆರ್ . ರಾಷ್ಟ್ರೀಯ ಪ್ರಶಸ್ತಿ ವಿಜೇತ ಪಡ್ಡಾಯಿ ಚಿತ್ರ ಖ್ಯಾತಿಯ ಕ್ಯಾಮರಾಮೆನ್ ವಿಷ್ಣುಪ್ರಸಾದ್ ಮೇರ್ ಚಿತ್ರೀಕರಣ ಮಲ್ದೆರ್ . ಸಂಗೀತ ನಿರ್ದೇಶಕೆರಾದ್ ಸೃಜನ್ ಕುಮಾರ್ ತೋನ್ಸೆ, ನವೀನ್ ಶೆಟ್ಟಿ ನೃತ್ಯ ಸಂಯೋಜನೆ ಮಲ್ದೆರ್ . ಚಿತ್ರಕಥೆನ್ ವಿನೀತ್‌ ಕುಮಾರ್‌ ಬೊಕ್ಕ ರಾಹುಲ್ ಅಮೀನ್ ಬರೆತೆರ್ .

ರಾಜ್ ಸೌಂಡ್ಸ್ & ಲೈಟ್ಸ್’ ತುಳು ಚಲನಚಿತ್ರ ಯುಎಸ್ ಎ, ಲಂಡನ್, ಬಹ್ರೇನ್, ಕುವೈತ್, ನೈಜೀರಿಯಾ, ಜಾಂಬಿಯಾ, ಸೌದಿ ಅರೇಬಿಯಾ, ಇಸ್ರೇಲ್, ಕತಾರ್, ಯುಎಇ ಬೊಕ್ಕ ಒಮಾನ್ ರಾಷ್ಟ್ರಡ್ ಪ್ರೀಮಿಯರ್ ಶೋ ಆಯೆರೆ ಉಂಡು .

ನಾಯಕೆ ಆದ್ ವಿನೀತ್ ಕುಮಾರ್‌, ನಾಯಕಿಯಾದ್ (ಪೊಸ ಪರಿಚಯ) .ಯಶ ಶಿವಕುಮಾರ್ ಬೊಕ್ಕ ನಾಯಕಿ, ಕರಿಷ್ಮಾ ಆಮೀನ್ ಅಭಿನಯ ಮಲ್ದೆರ್ . ತಾoರಾಗಣಡ್ ಹಾಸ್ಯ ದಿಗ್ಗಜೆರಾಯಿನ ನವೀನ್ ಡಿ ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು ಬೊಕ್ಕ ಸತೀಶ್ ಬಂದಲೆ , ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ, ಮರ್ವಿನ್ ಉಮೇಶ್ ಮಿಜಾರ್, ರವಿ ರಾಮಕುಂಜ, ಚೈತ್ರ ಶೆಟ್ಟಿ ಬೊಕ್ಕ ಬೇತೆ ಕಲಾವಿದೆರ್ ಉಲ್ಲೆರ್.

Uncategorized ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜ್ : ಆಡಳಿತಧಿಕಾರಿನ ಬುಡುಗಡೆ

May 16, 2022

ಕುಡ್ಲ : ಫಾದರ್ ಮುಲ್ಲರ್ ಸಂಸ್ಥೆಡ್ ಬೇತೆ ಬೇತೆ ಹುದ್ದೆಡ್ 14 ವರ್ಷ ಸೇವೆ ಮಲ್ತಿನಸಲ್ಲಿಸಿದ್ದ
ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜು ಆಸ್ಪತ್ರೆದ ಆಡಳಿತಾಧಿಕಾರಿ ಫಾ.ರುಡಾಲ್ಫ್ ರವಿ ಡೇಸಾ ಅರೆನ್ ಶುಕ್ರವಾರ ಬುಡುಗಡೆ ಮಲ್ತೆರ್ .

ಅಜಿತ್ ಬಿ. ಮೆನೆಜಸ್ ಎದುಕೊಂಡೆರ್ .ಆಡಳಿತಧಿಕಾರಿ ಕೃತಿಲೆನ್ ಉಪ್ಪುನ ಗೌರವ ಪ್ರಶಸ್ತಿನ್ ವೈದ್ಯಕೀಯ ಅಧೀಕ್ಷಕ ಡಾ. ಉದಯಕುಮಾರ್ ಪಂಡೆರ್ .

Uncategorized

ಕರ್ನಾಟಕ ಮಾಧ್ಯಮ ಅಕಾಡೆಮಿ ನಿಯೋಗರ್ದ್ ರಾಜ್ಯಪಾಲೆರ್ನ ಭೇಟಿ, ಪತ್ರಿಕಾ ದಿನಾಚರಣೆಗ್ ಲೆಪ್ಪೋಲೆ

May 6, 2022

ಬೆಂಗ್ಳೂರು: ರಾಜ್ಯಪಾಲೆರಾಯಿನ ಥವಾರ್ ಚಂದ್ ಗೆಹೊಟ್ ಮೆರೆನ್ ಕರ್ನಾಟಕ ಮಾಧ್ಯಮ ಅಕಾಡೆಮಿ ನಿಯೋಗ ಗುರುವಾರ ಸೌಹಾರ್ದಯುತ ಭೇಟಿ ಮಲ್ತ್ ಚರ್ಚೆ ಮಲ್ತೆರ್.

ಜುಲೈ 1 ಕ್ಕ್ ಅಟ್ಟನೆ ಮಲ್ದಿನ ಪತ್ರಿಕಾ ದಿನಾಚರಣೆ ಲೇಸ್ ಉದಿಪನ ಮಲ್ಪರೆ ಬರೊಡು ಪಂದ್ ರಾಜ್ಯಪಾಲೆರೆಗ್ ಬಿನ್ನಾಪು ಮಲ್ತೆರ್.

ಕರ್ನಾಟಕ ಕಾರ್ಯ ನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ಶಿವಾನಂದ ತಗಡೂರು ಮೆರ್ , ತಾನ್ ಬರೆಯಿನ “ಕೋವಿಡ್ ಕಥೆ” ಬೂಕು ಕೊರಿಯೆರ್.

ಈ ಪೊರ್ತುಡು ಅಕಾಡೆಮಿ ಸದಸ್ಯೆರಾಯಿನ ನಾಗಾರ್ಜುನ ದ್ವಾರಕನಾಥ್, ಬದ್ರುದ್ದೀನ್, ಶಿವರಾಜ್, ಎಸ್.ಲಕ್ಷ್ಮಿನಾರಾಯಣ, ಶಿವಕುಮಾರ್ ಬೆಳ್ಳಿತಟ್ಟೆ ಪಾಲ್ ಪಡೆದಿತ್ತೆರ್..

Uncategorized ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪು : ಪೊಲೀಸ್ ಕಾನ್ಸ್ಟೇಬಲ್ ಆತ್ಮಹತ್ಯೆ ಪ್ರಕರಣ: ಡೆತ್ ನೋಟ್ ಡ್ ನಾಲ್ ಜನತ ಪುದರ್

May 2, 2022

ಒಡಿಪು : ಪೊಲೀಸ್ ಕಾನ್ಸ್ಟೇಬಲ್ ಆತ್ಮಹತ್ಯೆ ಪ್ರಕರಣ: ಡೆತ್ ನೋಟ್ ಡ್ ನಾಲ್ ಜನತ ಪುದರ್

ಒಡಿಪು : ಆದಿ ಒಡಿಪು ಶಾಲೆಡ್ ಪತ್ತನೇ ತರಗತಿ ಪ್ರಶ್ನೆ ಪತ್ರಿಕೆದ ಕೋಣೆನ್ ಕಾತೊಂದು ಇತ್ತಿನ ಮೀಸಲು ಪಡೆತ ಹೆಡ್ ಕಾನ್ ಸ್ಟೇಬಲ್ ರಾಜೇಶ್ ಕುಂದರ್, ಗುರುವಾರ ನಡುರಾತ್ರಿ ತನ್ನನೇ ಸರ್ವಿಸ್ ರೈಫಲ್ ರ್ದ್ ಗುಂಡು ದೀದ್ ಆತ್ಮಹತ್ಯೆ ಮಲ್ತಿನ ಪ್ರಕರಣ ಗ್ ಕುಡೊಂಜಿ ತಿರುವು ಬೈದುಂಡು .

ಮೃತ ರಾಜೇಶ್ ಕುಂದರ್ ಬರೆತಿನ ಒಂಜಿ ಡೆತ್ ನೋಟ್ ತೊಜೀದ್ ಬೈದುಂಡು ಮೆರ್ನ ಸಹೋದ್ಯೋಗಿ ಗಣೇಶ್ ಪನ್ಪಿ ನರೆಗ್ ಈ ಡೆತ್ ನೋಟ್ ತಿಕ್ಕ್ದುಂಡು . ಡೆತ್ ನೋಟ್‌ಡ್ ತನ್ನ ಸಾವುಗು ಡಿಎಆರ್ ಎಸಿಪಿ ಉಮೇಶ್, ಅಶ್ಫಾಕ್ ಬೊಕ್ಕ ಗಂಗೊಳ್ಳಿ ಠಾಣೆ ಪಿಎಸ್‌ಐ ನಂಜ ನಾಯ್ಕ್ ನಾನೊರಿ ಕಾರಣ ಪಂದ್ ಬರೆತೆರ್.

Udupi: Police constable Rajesh Kundar suicide case–four persons named in the death note.

Udupi: In a new twist to the suicide of police head constable Rajesh Kundar from the reserved forces; who was deputed to guard the sslc question papers at Adi Udupi school ; who shot himself with his service revolver on Thrusday night a death note has been found by his co-worker Ganesh .
It is said four persons have been named in the death note including DAR ACP Umesh, Ashfak , and PSI from Gangolli police station Nanja Naik.

Uncategorized

ದೇವೆರ್ನ ಪಾದ ಸೇರಿಯೆರ್ ತಿಮ್ಮಪ್ಪ ಕಾಂಜವೆರ್

Apr 28, 2022

ಮಂಜೇಶ್ವರ : ಕುಜುಂಬ ಕಾಂಜವೆರ್ನ ವಂಶಸ್ಥೆರ್, ಗ್ರಾಮದ ಗಡಿ ಪ್ರಧಾನೆರ್ ಆಯಿನ ಸುವರ್ಣ ಕುಟುಂಬದ ಹಿರಿಯೆರ್ ಹೊಸಬೆಟ್ಟು ಮಂಜೇಶ್ವರದ ತಿಮ್ಮಪ್ಪ ಕಾಂಜವೆರ್ ದೇವೆರ್ನ ಪಾದ ಸೇರಿಯೆರ್.
ಮೇರ್ ದೈವಾರಾಧನೆ ಕ್ಷೇತ್ರಡ್ ಎಡ್ಡೇನ ತೆರಿದಿನಾರ್, ಶ್ರೀ ಕ್ಷೇತ್ರ ಉದ್ಯಾವರ ಮಾಡದ ಅಣ್ಣ ದೈವ ಪರಂಪರೆದ ದೈವ ಪರಿಚಾರಕೆರ್ಲ ಅಂದ್. ಅವ್ವತ್ತಾಂದೆ ಕೋಟಿ ಚೆನ್ನಯೆರ್ ನ ಜತೆಟ್ಟ್ ಆರಾಧನೆ ಪಡೆಪುನ ಕುಜುಂಬ ಕಾಂಜವೆರ್ನ ವಂಶಸ್ಥೆರ್ಲ ಅಂದ್.

Uncategorized

ಉಂದು ಅಮೇಜಾನ್ ಆಫರ್ ..! ಪ್ಲಾಸ್ಟಿಕ್ ಬಕೆಟ್ ಗ್ 26 ಸಾರ , ಮಗ್ ಗ್ 10 ಸಾರ ! EMI ಲಾ ಲಭ್ಯ..!!

ಭಾಷೆದ ದಂಗಲ್ ನಡುಟು ಸೊರ ಲಕ್ಕಾಯಿನ್ ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್ : ಸುರೇಶ್ ರಾವ್ ಕೊಕ್ಕಡ

ಕುಡ್ಲ : ಕ್ಯಾಂಪಸ್ ದ ಉಲಯಿ ಹಿಜಾಬ್ ಗ್ ಅವಕಾಶ ಇಜ್ಜಿ ಆದೇಶ‌ ಕೊರಿನ ಕಾಲೇಜು ಪ್ರಾಂಶುಪಾಲೆರ್

ರೇಡಿಯೊ ಮಣಿಪಾಲ 90.4 MHz ಸಮುದಾಯ ಬಾನುಲಿ: ಆರೋಗ್ಯ ಭಾಗ್ಯ ಲೇಸ್

ಮೇ 20 ರಾಜ್ಯೋಡು ಬುಡುಗಡೆ ಆಯರೇ ಉಂಡು “ರಾಜ್ ಸೌಂಡ್ ಆಯಂಡ್ ಲೈಟ್ಸ್ ” ತುಳು ಪಿಚ್ಚರ್

ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜ್ : ಆಡಳಿತಧಿಕಾರಿನ ಬುಡುಗಡೆ

ಕರ್ನಾಟಕ ಮಾಧ್ಯಮ ಅಕಾಡೆಮಿ ನಿಯೋಗರ್ದ್ ರಾಜ್ಯಪಾಲೆರ್ನ ಭೇಟಿ, ಪತ್ರಿಕಾ ದಿನಾಚರಣೆಗ್ ಲೆಪ್ಪೋಲೆ

ಒಡಿಪು : ಪೊಲೀಸ್ ಕಾನ್ಸ್ಟೇಬಲ್ ಆತ್ಮಹತ್ಯೆ ಪ್ರಕರಣ: ಡೆತ್ ನೋಟ್ ಡ್ ನಾಲ್ ಜನತ ಪುದರ್

ದೇವೆರ್ನ ಪಾದ ಸೇರಿಯೆರ್ ತಿಮ್ಮಪ್ಪ ಕಾಂಜವೆರ್

You Missed

ಬಸ್‌ತ ಚಾರ್ಜ್‌ಲ ಎಚ್ಚಾಂಡ್!

ಮೀನ್‌ದ ಲಾರಿಲೆನ ಮಿತ್ತ್ 604 ಕೇಸ್ : 3.02 ಲಕ್ಷ ರೂ. ದಂಡ ವಸೂಲ್

ಜೈ ತುಲುನಾಡ್ ಬೆಂಗಳೂರು(ರಿ.) ಮುತಾಲಿಕೆಡ್ ತುಳು ಲಿಪಿ ಪರೀಕ್ಷೆ

ಕ್ಯಾಲಿಫೋರ್ನಿಯಾ (ಅಮೆರಿಕ) ತುಳುವ ಮಹಾಸಭೆತ್ತ ಅಧ್ಯಕ್ಷೆರ್ ಅನಿತಾ ನಾಯಕ್