Uncategorized

ಸರಳಿಕುಂಜದ ಧರ್ಮಾರಣ್ಯ ಶ್ರೀ ಗುರುಗಣಪತಿ ಸಭಾಭವನಡ್ ವೀಲ್ ಚಯರ್ ಪಟ್ಟುನ ಲೇಸ್

ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆ ಬಿ‌.ಸಿ ಟ್ರಸ್ಟ್ (ರಿ.) ಸುಳ್ಯ ವಲಯ ಪರಿವಾರಕಾನ ಒಕ್ಕೂಟದ ಮುತಾಲಿಕೆಡ್, ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವೀರೇಂದ್ರ ಹೆಗ್ಗಡೆ ಬೊಕ್ಕ ಡಾ. ಹೇಮಾವತಿ ಅಮ್ಮನ ಮಾರ್ಗದರ್ಶನಡ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆದ ಜನಮಂಗಲ ಲೇಸ್ ದ ಮುಖೇನ ಮಂಜೂರಾಯಿನ ವೀಲ್ ಚಯರ್ ಪಟ್ಟುನ ಲೇಸ್ ಸೆ.17 ಐತಾರ ಬೊಲ್ಪುಗು ಸರಳಿಕುಂಜದ ಧರ್ಮಾರಣ್ಯ ಶ್ರೀ ಗುರುಗಣಪತಿ ಸಭಾಭವನಡ್ ನಡತ್ಂಡ್.

ಈ ಲೇಸ್ ದ ಗುರ್ಕಾರ್ಮೆನ್ ಶ್ರೀ ಕ್ಷೇತ್ರ ಧ.ಗ್ರಾ.ಯೋ.ಬಿ.ಸಿ ಟ್ರಸ್ಟ್ (ರಿ.) ಸುಳ್ಯ ಪರಿವಾರಕಾನ ಒಕ್ಕೂಟದ ಗುರ್ಕಾರೆ ಬಾಲಚಂದ್ರ ಪಿ.ಟಿ ಒಯಿಸೊಂದಿತ್ತೆರ್. ಸುಳ್ಯ ಶಾಸಕೆರ್ ಭಾಗೀರಥಿ ಮುರುಳ್ಯ ಲೇಸ್ ದ ಉದಿಪನ ಮಲ್ತ್ ದ್ ಸಲಕರಣೆ ಪಟ್ಟಿಯೆರ್. ಅಲೆಟ್ಟಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಮಾಜಿ ಗುರ್ಕಾರೆ ಶ್ರೀಪತಿ ಭಟ್ ಮಜಿಗುಂಡಿ ಸಂಘಲೆಗ್ ಬ್ಯಾಗ್ ಪಟ್ಟಿಯೆರ್. ಸರಳಿಕುಂಜ ಧರ್ಮಾರಣ್ಯ ಅಭಿವೃದ್ಧಿ ಸಮಿತಿದ ಸಂಚಾಲಕೆರ್ ಗೋಪಾಲಕೃಷ್ಣ ಭಟ್ ಸಂಘಲೆಗ್ ನಿರ್ಣಯ ಬೂಕು ಪಟ್ಟಿಯೆರ್.

ಮಲ್ಲ ಬಿನ್ನೆರಾದ್ ಶ್ರೀ ಕ್ಷೇ.ಧ.ಗ್ರಾ.ಯೋ.ಬಿ.ಸಿ ಟ್ರಸ್ಟ್ (ರಿ.) ಸುಳ್ಯ ತಾಲೂಕ್ ದ ಯೋಜನಾಧಿಕಾರಿ ನಾಗೇಶ್ ಪಿ., ಜನಜಾಗೃತಿ ವೇದಿಕೆದ ಗುರ್ಕಾರೆ ಲೋಕನಾಥ ಅಮೆಚೂರು, ಕಾರ್ಯನಿರತ ಪತ್ರಕರ್ತರ ಸಂಘದ ಮಾಜಿ ಗುರ್ಕಾರೆ ಕೃಷ್ಣ ಬೆಟ್ಟ, ಸರಳಿಕುಂಜ ಉದ್ಯಮಿಲು ಜಗದೀಶ್ ಸರಳಿಕುಂಜ, ವಲಯಾಧ್ಯಕ್ಷೆರ್ ನಿತ್ಯಾನಂದ ಕಲ್ಲೆಂಬಿ ಪಾಲ್ ಪಡೆದಿತ್ತೆರ್. ಗೌರವ ಉಪಸ್ಥಿತಿಡ್ ಶೌರ್ಯ ವಿಪತ್ತು ನಿರ್ವಹಣಾ ಘಟಕದ ಮಾಸ್ಟರ್ ಪಿ.ಜಿ ಜಯರಾಮ, ಪರಿವಾರಕಾನ ಒಕ್ಕೂಟದ ನಿಕಟಪೂರ್ವಾಧ್ಯಕ್ಷೆರ್ ಗಣೇಶ್ ಬಿ., ಧರ್ಮಾರಣ್ಯ ಶ್ರೀ ಗುರುಗಣಪತಿ ಭಕ್ತ ಭಜನಾ ಮಂಡಳಿದ ಗುರ್ಕಾರೆ ವಿಜಯ ಸರಳಿಕುಂಜ ಇತ್ತೆರ್.‌ ಸುಳ್ಯ ತಾಲೂಕ್ ದ ಮೇಲ್ವಿಚಾರಕಿ ಪ್ರಿಯಾ ಎನ್ ಎದ್ಕೊನಿಯೆರ್. ಪರಿವಾರಕಾನ ಒಕ್ಕೂಟದ ಜತೆ ಕಾರ್ಯದರ್ಶಿ ಹಿಮಕರ ಸೊಲ್ಮೆ ಸಂದಾಯೆರ್. ಸೇವಾಪ್ರತಿನಿಧಿ ಸುರೇಶ್ ಈ ಲೇಸ್ ದ ಸುಧಾರಿಕೆ ಮಲ್ತೆರ್.

ಸುಬ್ರಹ್ಮಣ್ಯ ಹಾಲು ಉತ್ಪಾದಕ ಮಹಿಳಾ ಸಹಕಾರಿ ಸಂಘದ ಸಾಮಾನ್ಯ ಸಭೆ, ಬೋನಸ್ ಘೋಷಣೆ

ಸುಬ್ರಹ್ಮಣ್ಯ ಹಾಲು ಉತ್ಪಾದಕ ಮಹಿಳಾ ಸಹಕಾರಿ ಸಂಘದ 2020-23 ನೇ ಸಾಲ್ ದ ಸಾಮಾನ್ಯ ಸಭೆ ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಸಭಾಂಗಣಡ್ ಸೋಮಾರ ನಡತ್ಂಡ್.

ಈ ಸಭೆತ್ತ ಗುರ್ಕಾರ್ಮೆನ್ ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘದ ಗುರ್ಕಾರ್ದಿ ಶೋಭಾ ನಲ್ಲೂರಾಯ ಒಯಿಸೊಂದಿತ್ತೆರ್.

ಈ ವರ್ಷ ಮಹಿಳಾ ಸಹಕಾರಿ ಸಂಘಗ್ 202606.17 ರೂ. ಲಾಭಾಂಶ ಬೈದ್ಂಡ್. ಅಂಚೆನೆ ಪ್ರತಿ ಲೀಟರ್ ಗ್ 1.32 ರೂ.ದಲೆಕ್ಕ ಬೋನಸ್ ನ್ ಘೋಷಣೆ ಮಲ್ತೆರ್. ಅತ್ತಂದೆ ಸಂಘದ ಪ್ರತಿ ಸದಸ್ಯೆರೆಗ್ 10 ಶೇಕಡ ಡಿವಿಡೆಂಡ್ ನ್ ಈ ಪೊರ್ತುಡು ಕೊರ್ಪು ಪಂದ್ ಘೋಷಣೆ ಮಲ್ತೆರ್. ಸಂಘಗ್ ಪೇರ್ ಪಾಡುನ ಸದಸ್ಯೆರೆನ ಜೋಕುಲೆಗ್ ಎಸ್. ಎಸ್. ಎಲ್. ಸಿ., ಪಿ.ಯು.ಸಿ.ಡ್ ಎಚ್ಚ ಮಾರ್ಕ್ ಪಡೆಯಿನಕ್ಲೆಗ್ ಮಾನಾದಿಗೆ ಮಲ್ತೆರ್.

ಚಾವಡಿಡ್ ಇತ್ತಿನ ವಿಸ್ತರಣಾಧಿಕಾರಿ ಹರೀಶ್ ಕುಮಾರ್ ಸದಸ್ಯೆರೆಗ್ ತಿಕುನ ಸವಲತ್ತುಲೆನ ಬಗೆಟ್ಟ್ ಪೊಲಬು ಕೊರಿಯೆರ್. ಅಂಚೆನೆ ಶುದ್ಧ ಪೇರ್ ಉತ್ಪಾದನೆ, ಪಶು ಸಾಕಾಣಿಕೆ, ಸಮಸ್ಯೆಲೆನ ಬಗೆಟ್ಟ್ ಪೊಲಬು ಕೊರಿಯೆರ್. ಸುಬ್ರಹ್ಮಣ್ಯ ಮಹಿಳಾ ಸಹಕಾರಿ ಸಂಘ ಪೊರ್ಲುಡೇ ಬೇಲೆ ಮಲ್ಪುನ ಬಗೆಟ್ಟ್ ತೆರಿಪಾಯೆರ್. ಕಾರ್ಯದರ್ಶಿ ಪುಷ್ಪ ವರದಿ ಬೊಕ್ಕ ಲೆಕ್ಕಪರಿಶೋಧನಾ ವರದಿನ್ ಓದಿಯೆರ್.

ಈ ಪೊರ್ತುಡು ಸಂಘದ ಉಪಾಧ್ಯಕ್ಷೆರ್ ಪ್ರೇಮ ಎನ್ ಬಿ, ನಿರ್ದೇಶಕೆರ್ ಲಲಿತ, ಸುಮಿತ್ರ, ಅಮಣ್ಣಿ, ಕಮಲ, ಲತಾ ಪಿ, ಲಲಿತ ಎನ್, ಭವ್ಯ, ಹರಿಣಾಕ್ಷಿ, ಸೀತಮ್ಮ ಪಾಲ್ ಪಡೆದಿತ್ತೆರ್. ಸವಿತಾ ಭಟ್ ಪ್ರಾರ್ತನೆ ಮಲ್ತೆರ್. ಶೋಭಾ ನಲ್ಲೂರಾಯ ಎದ್ಕೊನಿಯೆರ್. ಹೇಮಾವತಿ ಸೊಲ್ಮೆ ಸಂದಾಯೆರ್.

ವರದಿ: ಗೋಪಿಚಂದನ್ ಕೆಎಸ್

ಕರ್ನಾಟಕ ವಿಶ್ವಕರ್ಮ ಅಸೋಸಿಯೇಶನ್: ಮಲಾಡ್ ಪೂರ್ವಡ್ ವಾರ್ಷಿಕ ಶ್ರೀ ವಿಶ್ವಕರ್ಮ ಮಹೋತ್ಸವ

ಮಲಾಡ್: ವಿಶ್ವಕರ್ಮ ಸಮಾಜ ಬಾಂಧವೆರ್ ಸ್ಥಾಪನೆ ಮಲ್ತಿನ ಕರ್ನಾಟಕ ವಿಶ್ವಕರ್ಮ ಅಸೋಸಿಯೇಷನ್ ವಾರ್ಷಿಕ ಶ್ರೀ ವಿಶ್ವಕರ್ಮ ಮಹೋತ್ಸವ ಸೆ.17 ಕ್ಕ್ ಬೊಲ್ಪುರ್ದ್ ಮಲಾಡ್ ಪೂರ್ವದ ಶಾರದಾ ಹೈಸ್ಕೂಲ್ ದಲ್ಪದ ಶ್ರೀ ಸ್ವಾಮಿ ನಾರಾಯಣ ಮಂದಿರಡ್ ಧಾರ್ಮಿಕ ಸಾಂಸ್ಕೃತಿಕ ಲೇಸ್ ದೊಟ್ಟಿಗೆ ನಡತ್ಂಡ್.

ಬೊಲ್ಪುಗು ಶ್ರೀ ವಿಶ್ವಕರ್ಮ ಹೋಮ ವೇದಮೂರ್ತಿಲಾಯಿನ ಶಂಕರ್ ನಾಥ್ ಪುರೋಹಿತ್, ಗೋಪಾಲಕೃಷ್ಣ ಪುರೋಹಿತ್, ಪ್ರಸನ್ನ ಪುರೋಹಿತ್, ಸಂತೋಷ್ ಪುರೋಹಿತ್, ಪ್ರಶಾಂತ್ ಪುರೋಹಿತ್ ಮೊಕ್ಲೆರ್ದ್ ಅಸೋಸಿಯೇಷನ್‌ ದ ಉಪಾಧ್ಯಕ್ಷೆರ್ ರವೀಶ್ ಆಚಾರ್ಯ ದಂಪತಿಲೆನ ಯಜಮಾನಿಕೆಡ್ ರಂಗ ಕಲಾವಿದೆ, ಸಂಘಟಕೆ ಅಶೋಕ್ ಕೊಡ್ಯಡ್ಕ ನಿರ್ಮಾಣ ಮಲ್ತಿನ ದೇವೆರೆನ ಮಂಟಪಡ್ ನಡತ್ಂಡ್.

ಬೊಲ್ಪುಗು ಭಜನೆ ಮಹೋತ್ಸವಡ್ ಕರ್ನಾಟಕ ವಿಶ್ವಕರ್ಮ ಅಸೋಸಿಯೇಶನ್ ಕಾರ್ಯಕಾರಿ ಸಮಿತಿ, ಯುವ ವಿಭಾಗ, ಮಹಿಳಾ ವಿಭಾಗ, ವಿಶ್ವಕರ್ಮ ಮಹಿಳಾ ಬಳಗ ಡೊಂಬಿವಲಿ, ಶ್ರೀ ಸ್ವಾಮಿನ ಲಲಿತಾಂಬಾ ಭಜನೆ ಮಂಡಳಿ ಬೊರಿವಲಿ, ಶ್ರೀ ವಿಶ್ವ ಕರ್ಮ ಕಾಳಿಕಾಂಬ ಭಜನಾ ವೃಂದ ಮಲಾಡ್ ಮಂಡಳಿಲೆರ್ದ್ ಭಜನೆ ನಡತ್ಂಡ್.

ಮಧ್ಯಾಹ್ನ ಮಹಾಮಂಗಳಾರತಿ ನಡತಿನ ಬೊಕ್ಕ ಮಹಾಪ್ರಸಾದ, ನುಪ್ಪು ಪ್ರಸಾದ ಸೇವೆ ನಡತ್ಂಡ್. ಮಧ್ಯಾಹ್ನದ ಬೊಕ್ಕ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ಜೋಕುಲೆರ್ದ್ ಶಾಸ್ತ್ರೀಯ ನೃತ್ಯ, ಫ್ಯಾನ್ಸಿ ಡ್ರೆಸ್, ಸಾಂಸ್ಕೃತಿಕ ಲೇಸ್ ಬೊಕ್ಕ ವೈವಿಧ್ಯಮಯ ಲೇಸ್ ಸುರೇಶ್ ಶೆಟ್ಟಿ ಪನ್ವೆಲ್ ಬೊಕ್ಕ ಕೂಟದಕ್ಲೆರ್ದ್ ಭಕ್ತಿಸಂಗೀತ ನಡತ್ಂಡ್.

ಬಯ್ಯಗ್ ಅಸೋಸಿಯೇಷನ್ ದ ಗುರ್ಕಾರೆ ಸದಾನಂದ ಆಚಾರ್ಯ ಮೆರೆನ ಗುರ್ಕಾರ್ಮೆಡ್ ಸಭಾ ಲೇಸ್ ನಡತ್ಂಡ್.

ಈ ಮಹೋತ್ಸವದ ಯಶಸ್ವಿಗ್ ಅಸೋಸಿಯೇಷನ್ ದ ಪದಾಧಿಕಾರಿಲಾಯಿನ ಕಾರ್ಯದರ್ಶಿ ಸನತ್ ಕುಮಾರ್ ಆಚಾರ್ಯ, ಪ್ರಸಾದ್ ಆಚಾರ್ಯ, ಕೋಶಾಧಿಕಾರಿ ಬಾಬುರಾಜ ಆಚಾರ್ಯ, ಜತೆ ಕೋಶಾಧಿಕಾರಿ ಸುಧೀರ್ ಆಚಾರ್ಯ, ಆಂತರಿಕ ಲೆಕ್ಕಪರಿಶೋಧಕೆರ್ ಅರುಣ್ ಆಚಾರ್ಯ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ಶುಭಾ ಎಸ್ ಆಚಾರ್ಯ, ಯುವ ವಿಭಾಗದ ಕಾರ್ಯಾಧ್ಯಕ್ಷೆರ್ ರಾಜೇಶ್ ಆಚಾರ್ಯ ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರ್, ಮಹಿಳಾ ವಿಭಾಗ, ಸಮಾಜ ಕಲ್ಯಾಣ ಸಮಿತಿದ ಸದಸ್ಯೆರ್ ಬೆಂದ್ ದೆರ್. ಪೂಜೆದ ಪೊರ್ತುಡು ಮಸ್ತ್ ಸಂಖ್ಯೆಡ್ ಸಮಾಜ ಬಾಂಧವೆರ್ ಪಾಲ್ ಪಡೆದಿತ್ತೆರ್.

ಭಗವಾನ್ ಶ್ರೀ ಕೃಷ್ಣೆ ಜವನೆರೆನ ಆದರ್ಶ ಪುರುಷೆ: ವೆಂಕಟೇಶ್ ಹೆಬ್ಬಾರ್

ಮುಲ್ಕಿ: ಶ್ರೀ ಕೃಷ್ಣೆ ಜವನೆರೆನ ಆದರ್ಶ ಪುರುಷೆಯಾದ್, ದೀನರ ದೈವವಾದ್, ಪಂಡಿತೆರೆನ ಪಾಲ್ ಗ್ ಜ್ಞಾನಿಯಾದ್ ಉಲ್ಲೆ. ಮಹಾಭಾರತಡ್ ಇಡೀ ಯಾನ್ ಪುಟ್ಟಿನೇ ಧರ್ಮ ರಕ್ಷಣೆಗ್ ಪಂದೇ ಪನೊಂದು ಇಪ್ಪುನ ಕೃಷ್ಣೆ, ಧರ್ಮ ರಕ್ಷಣೆದೊಟ್ಟಿಗೆ ಸುಮಾರ್ ಕೆಲಸನ್ ಮಲ್ಪುವೆ. ತುಂಟತನ, ಪ್ರೀತಿ, ಕರುಣೆ, ಗಡಸುತನ, ಹಠ, ಧರ್ಮ, ಜ್ಞಾನ ಮಾತಲ ವ್ಯಕ್ತಿತ್ವ ಇಪ್ಪುನ ಒರಿಯೇ ಒರಿ ಪಂಡ ಅವು ಭಗವಾನ್ ಶ್ರೀ ಕೃಷ್ಣೆ, ಮೆರೆನ ಪುಟ್ಟು ದಿನನ್ ಶ್ರೀ ಕೃಷ್ಣ ಜನ್ಮಾಷ್ಟಮಿ ಪಂದ್ ಆಚರಣೆ ಮಲ್ಪುನವು ಕುಸಿತ್ತ ಇಚಾರ ಪಂದ್ ಲಯನ್ಸ್ ಕ್ಲಬ್ ಬಪ್ಪನಾಡು ಇನ್ಸ್ಪಿರ್ ದ ಸ್ಥಾಪಕಾಧ್ಯಕ್ಷೆರ್ ವೆಂಕಟೇಶ್ ಹೆಬ್ಬಾರ್ ಪಂಡೆರ್.

ಮೇರ್ ಶಿಮಂತೂರುದ ಶ್ರೀ ಶಾರದಾ ಸೆಂಟ್ರಲ್ ಸ್ಕೂಲ್ ಡ್ ನಡತಿನ ಶ್ರೀ ಕೃಷ್ಣ ಜನ್ಮಾಷ್ಟಮಿ ಲೇಸ್ ಡ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ದ್ ಎಡ್ಡೆಪ್ಪು ಬಯಕಿಯೆರ್.

ಶಾರದ ಸೊಸೈಟಿದ ಅಧ್ಯಕ್ಷೆರ್ ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ಗುರ್ಕಾರ್ಮೆನ್ ಒಯಿಸೊಂದು ಪಾತೆರ್ದ್, ಸಂಸ್ಕತಿನ್ ದುಂಬಾರಿಸಾವೊಂದು ಪೋಪುನಲ್ಪ ವಿಫಲ ಆಂಡ, ಭಾರತದ ಸನಾತನ ನಾಗರಿಕತೆಲು ಮಾದೆ ಆಪುನೆಟ್ಟ್ ಒವ್ವೇ ಅನುಮಾನ ಇಜ್ಜಿ. ಅಂಚಾದ್ ಎಲ್ಯೆರ್ದೆ ಜೋಕುಲೆಗ್ ಸಂಪ್ರದಾಯನ್ ಕಲ್ಪಾವುನ ಕೆಲಸ ಮಲ್ಪೊಡು ಪಂದ್ ಪಂಡೆರ್.

ಅವೆರ್ದ್ ಬೊಕ್ಕ ಕಲ್ಪಾರ್ಥಿಲೆಗ್ ಮುದ್ದುಕೃಷ್ಣ ಬೊಕ್ಕ ಬಾಲಕೃಷ್ಣ ಪಂತೊ, ಕಲ್ಪಾರ್ಥಿಲೆನ ಅಮ್ಮನಕ್ಲೆಗ್ ಯಶೋದಾ ಕೃಷ್ಣ ಪಂತೊನ್ ಆಯೋಜನೆ ಮಲ್ತ್ ದ್ ಇತ್ತೆರ್.

ಈ ಪೊರ್ತುಡು ಶ್ರೀ ಶಾರದ ಸೊಸೈಟಿದ ಕಾರ್ಯದರ್ಶಿ ಪುರಂದರ ಶೆಟ್ಟಿಗಾರ್, ಕೋಶಾಧಿಕಾರಿ ಭುವನಾಭಿರಾಮ ಉಡುಪ, ನಿರ್ದೇಶಕೆರ್ ಪಟೇಲ್ ವಾಸುದೇವ ರಾವ್, ಸುರೇಶ್ ರಾವ್ ಪಿ ಎಸ್, ಶಾಲೆದ ಸಂಚಾಲಕೆರ್ ದೇವಪ್ರಸಾದ್ ಪುನರೂರು ಪಾಲ್ ಪಡೆದಿತ್ತೆರ್.

ಪ್ರಾಂಶುಪಾಲೆರ್ ಜಿತೇಂದ್ರ ವಿ ರಾವ್ ಎದ್ಕೊನಿಯೆರ್. ಸಹ ಶಿಕ್ಷಕಿ ದೀಕ್ಷಿತ ಸೊಲ್ಮೆ ಸಂದಾಯೆರ್. ಸಂದ್ಯಾ ಲೇಸ್ ದ ಸುಧಾರಿಕೆ ಮಲ್ತೆರ್.

ಅ.13: ನಾಲಾಸೋಪಾರದ ಗ್ಯಾಲಕ್ಸಿ ಸಭಾಂಗಣಡ್ ಕಣಂಜಾರು ಕಲೋತ್ಸವ-2023

ಫ್ರೆಂಡ್ಸ್ ಸರ್ಕಲ್ ಕಣಂಜಾರ್ ಬೊಂಬೈದ 20 ನೇ ವರ್ಷೊದ ಲೆಕ್ಕೊಡು ಶಶಿಧರ ಕೆ ಶೆಟ್ಟಿ ಇನ್ನಂಜೆ ಮೆರೆನ ಗುರ್ಕಾರ್ಮೆಡ್, ಪ್ರವೀಣ್ ಶೆಟ್ಟಿ ಕಣಂಜಾರ್ ಮೆರೆನ ಮುತಾಲಿಕೆಡ್ ನಾಲಾಸೋಪಾರಡ್ ಕಣಂಜಾರು ಕಲೋತ್ಸವ-2023 ಅ.13 ಸುಕ್ರಾರ ನಾಲಾಸೋಪಾರದ ಗ್ಯಾಲಕ್ಸಿ ಸಭಾಂಗಣಡ್ ನಡಪರೆ ಉಂಡು.

ಅಂಚೆನೆ ಈ ಲೇಸ್ ದೊಟ್ಟಿಗೆ ಸಾಂಸ್ಕೃತಿಕ ಲೇಸ್, ಸಭಾ ಲೇಸ್ ಬೊಕ್ಕ ಸಾಧಕೆರೆಗ್ ಸನ್ಮಾನ ಲೇಸ್ ನಡಪರೆ ಉಂಡು.

ಮುಲ್ಕಿ ನಗರ ಪಂಚಾಯತ್ ವ್ಯಾಪ್ತಿಡ್ ಗೃಹಲಕ್ಷ್ಮಿ ಯೋಜನೆ ಉದಿಪನ

ಮುಲ್ಕಿ : ಕಾಂಗ್ರೆಸ್ ಸರ್ಕಾರದ ಗ್ಯಾರಂಟಿ ಯೋಜನೆಡ್ ಒಂಜಾಯಿನ ಗೃಹ ಲಕ್ಷ್ಮಿ ಯೋಜನೆಗ್ ಮುಲ್ಕಿ ನಗರ ಪಂಚಾಯತ್ ಸಭಾಂಗಣಡ್ ಗುರುವಾರ ಚಾಲನೆ ಕೊರಿಯೆರ್.

ತಹಶೀಲ್ದಾರ್ ಪ್ರದೀಪ್ ಕುರ್ಡೇಕರ್ ತಾರೆದ ಸಿರಿ ಕೊಂಬು ಅರಳಾವುನ ಮುಕೇನ ಸಭಾ ಕಾರ್ಯಕ್ರಮ ಉದಿಪನ ಮಲ್ತೆರ್.

ಮಲ್ಲ ಬಿನ್ನೆರಾದ್ ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉಪಾಧ್ಯಕ್ಷೆರ್ ಸತೀಶ್ ಅಂಚನ್, ಸದಸ್ಯೆರಾಯಿನ ಹರ್ಷರಾಜ್ ಎಂ.ಶೆಟ್ಟಿ, ವಿಮಲಾ ಪೂಜಾರ್ತಿ, ಬಾಲಚಂದ್ರ ಕಾಮತ್, ಪುತ್ತುಬಾವ, ಶೈಲೇಶ್ ಶೆಟ್ಟಿ, ರಾಧಿಕಾ ಕೋಟ್ಯಾನ್, ದಯಾವತಿ ಅಂಚನ್, ಯೋಗೀಶ್ ಕೋಟ್ಯಾನ್, ಶಾಂತಾ ಕಿರೋಡಿಯನ್ ಇತ್ತೆರ್.

ತಹಶೀಲ್ದಾರ್ ಪ್ರದೀಪ್ ಕುರ್ಡೇಕರ್ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್.

ಸರಕಾರಿ ಕಾಲೇಜಿದ ಕಲ್ಪಾರ್ಥಿಲು ದೇವೆರೆನ್ ಸುಗಿತೆರ್. ನಗರಪಂಚಾಯತ್ ಮುಖ್ಯಾಧಿಕಾರಿ ಎಂ.ಎನ್.ಮೇಸ್ತ ಪ್ರಸ್ತಾವಿಕವಾದ್ ತೆರಿಯೆರ್.
ರೇಷ್ಮಾ ಪೂಜಾರಿ ಲೇಸ್ ನಡಪಾದ್ ಕೊರಿಯೆರ್.