Sun. Nov 22nd, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಶಾಲೆಡ್ ಜೋಕಾಲಿ ಪೊಲಿದ್ ಕಲ್ಪಾರ್ಥಿ ತೀರ್ ಪೋಯೆರ್

ಲಕ್ನೋ: ಶಾಲೆಡ್ ಇತ್ತಿನ ಜೋಕಾಲಿ ಪೊಲಿದ್ ಕಲ್ಪಾರ್ಥಿ ತೀರ್ ಪೋಯಿನ ಘಟನೆ ಲಕ್ನೋದ ಬಹರೈಚ್ ಖಾಸಗಿ ಶಾಲೆಡ್ ನಡತ್ಂಡ್.ಕಲ್ಪಾರ್ಥಿನ ಪುನನ್ ಮರಣೋತ್ತರ ಪರೀಕ್ಷೆಗ್ ಕಡಪುಡ್ದೆರ್.

ಜಿಲ್ಲೆದ ಮಾತ ಶಾಲೆಲೆಗ್ ಪೋದು ಪರಿಶೀಲನೆ ಮಲ್ಪುವ ಬೊಕ್ಕ ಶಾಲೆಡ್ ಹಾಳಾದ್ ಇತ್ತಿನ ಸ್ವಿಂಗ್‌ನ್ ತೂದು ವರದಿನ್‌ಲ ಪಡೆಯೊನುವ ಪಂದ್ ಬಹರೈಚ್ ಸಿಟಿ ಮ್ಯಾಜಿಸ್ಟ್ರೇಟ್ ಜ್ಯೋತಿ ರಾಯ್ ಪಂಡೆರ್.

ಪಾನಿಪುರಿ ತಿನ್ಪಿನ ಆನೆ

ಗುವಾಹಟಿ: ಅಸ್ಸಾಂ ದ ತೇಜ್ ಪುರ್ ಟ್ಟ್ ಆನೆಯೊಂಜಿ ಮಾರ್ಗದ ಬರಿಟ್ಟ್ ಇತ್ತಿನ ಸ್ಟಾಲ್‌ಡ್ ಪಾನಿಪುರಿ ತಿಂತಿನ ವೀಡಿಯೋ ಇತ್ತೆ ಸಾಮಾಜಿಕ ಜಾಲತಾಣಡ್ ವೈರಲ್ ಆತ್ಂಡ್.

ವೀಡಿಯೋಡ್ ಪಾನಿಪುರಿ ಬ್ಯಾರದಾರ್ ಬರಿಟ್ಟ್ ಉಂತುದು ಆನೆಗ್ ಒಂಜೊಂಜೆ ಪಾನಿಪುರಿ ಕೊರೊಂದಿತ್ತ್‌ದ್, ಆನೆ ತನ್ನ ಸೊಂಡಿಲ್‌ಡ್ ಬಾಯಿದ ಉಲಯಿ ಪಾಡ್ದ್ ತಿನೊಂದು ಉಂಡು.

ಭಾರತ್ ಜೋಡೋ ಯಾತ್ರೆಡ್ ಪಾಲ್ ಪಡೆಯಿನ ಮಾಜಿ ಸಚಿವೆರ್ ಬಿ. ರಮಾನಾಥ ರೈ

ಬಂಟ್ವಾಳ: ಕಾಂಗ್ರೆಸ್ ನಾಯಕೆರ್ ರಾಹುಲ್ ಗಾಂಧಿ ಮೆರೆನ ಮುತಾಲಿಕೆಡ್ ನಡತೊಂದು ಇಪ್ಪುನ ಭಾರತ್ ಜೋಡೋ ಯಾತ್ರೆ ಇತ್ತೆ ಚಿತ್ರದುರ್ಗಡ್ ಪೋವೊಂದಿತ್ತ್‌ದ್ ಈ ಯಾತ್ರೆಡ್ ಮಾಜಿ ಸಚಿವೆರ್ ಬಿ. ರಮಾನಾಥ ರೈ ಮೇರ್ ಪಾಲ್ ಪಡೆದೆರ್.

ಡಿ.ಕೆ ಶಿವಕುಮಾರ್ ಅಂಚನೆ ರಮಾನಾಥ ರೈ ಕರ್ನಾಟಕ ರಾಜ್ಯಡ್ ನಡಪುನ ಯಾತ್ರೆಡ್ ಪೂರ್ತಿಯಾದ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಮಾಹಿತಿ ತಿಕ್ಕ್‌ದ್ಂಡ್.

ಆಂಜನೇಯ ಕಲಾಶ್ರೀ ಬೆದ್ರ ಮುತಾಲಿಕೆಡ್ ಬೆದ್ರಡ್ “ಪಿಲಿ ನಲಿಕೆ ತರಬೇತಿ”

ಆಂಜನೇಯ ಕಲಾಶ್ರೀ ಬೆದ್ರ ಮುತಾಲಿಕೆಡ್ ಉಂದುವೇ ಸುರುತ್ತ ಸರ್ತಿ ಬೆದ್ರಡ್ ಎಡ್ಡೆ ರೀತಿದ ತರಬೇತುದಾರೆರ್ದ್ “ಪಿಲಿ ನಲಿಕೆ ತರಬೇತಿ” ಉಂದುವೇ ಅಕ್ಟೋಬರ್ 15 ತಾರೀಕ್‌ಗ್ ಶನಿವಾರದಾನಿ ಬೆದ್ರದ ಸಮಾಜ ಮಂದಿರಡ್ ಉದಿಪನ ಆಯರೆ ಉಂಡು.

“ಪಿಲಿನಲಿಕೆ ತರಬೇತಿ”ಗ್ ಬರ್ಪುನಕುಲು ರಮೇಶ್ ಮೀಜಾರ್ 9535860147 ಈ ನಂಬರ್‌ಗ್ ಲೆಪ್ಪು ಕೊರ್ಲೆ. ಶೆಟ್ಟಿ ಹರೀಶ್ ಪೊಳಲಿ ಬೊಕ್ಕ ಗಣೇಶ್ ಬೆದ್ರ ತರಬೇತುದಾರೆರ್. 3 ವರ್ಷರ್ದ್ 20 ವರ್ಷದ ಉಲಯಿದ ಆಣ್‌ಲು ಅಂಚನೆ 3-15 ವರ್ಷದ ಉಲಯಿದ ಪೊಣ್ಣ್‌ಲು ಉಂದೆಟ್ಟ್ ಪಾಲ್ ಪಡೆಯೊಲಿ. ಶನಿವಾರ ಮಧ್ಯಾಹ್ನ 2-4 ಗಂಟೆ ಮುಟ್ಟ ಅಂಚನೆ ಐತಾರ ಕಾಂಡೆ 9-11 ಗಂಟೆ ಮುಟ್ಟ ಈ ಕ್ಲಾಸ್ ನಡಪರೆ ಉಂಡು.

ಇನಿರ್ದ್ ಅ.27 ಮುಟ್ಟ ಭಕ್ತೆರೆಗ್ ಹಾಸನಾಂಬ ದೇವಿನ ದರ್ಶನ ಭಾಗ್ಯ; ವರ್ಸಗ್ ಒರ ದೆಪ್ಪುನ ದೇವಲ್ಯದ ಬಾಕಿಲ್

ಹಾಸನ: ವರ್ಸಗ್ ಒರ ದೇವಲ್ಯದ ಬಾಕಿಲ್ ದೆಪ್ಪುನ ಹಾಸನ ಜಿಲ್ಲೆದ ಶ್ರೀ ಹಾಸನಾಂಬ ದೇವಿನ ದರ್ಶನನ್ ಇನಿರ್ದ್ ಭಕ್ತೆರೆಗ್ ಮಲ್ಪೊಲಿ. ಧಾರ್ಮಿಕ ವಿಧಿ ವಿಧಾನದ ಮುಖೇನ ಗುರುವಾರ ಮಧ್ಯಾಹ್ನ 12.14 ಕ್ಕ್ ಬಾಕಿಲ್‌ನ್ ದೆತ್ತೆರ್.

ಅಕ್ಟೋಬರ್ 13-27 ಮುಟ್ಟ ಹಾಸನಾಂಬ ದೇವಲ್ಯದ ಬಾಕಿಲ್ ದೆಪ್ಪರೆ ಇತ್ತ್‌ದ್, ಸುರುತ್ತ ದಿನ ಬೊಕ್ಕ ಅ.25 ಕ್ಕ್ ಸೂರ್ಯಗ್ರಹಣ ಇತ್ತಿನೆಡ್ದಾವರ ಭಕ್ತೆರೆಗ್ ದೇವೆರೆನ್ ತೂಯರೇ ಅವಕಾಶ ಇಪ್ಪುಜಿ.

ಮರೋಳಿ : ಮಾರ್ಗದ ಬೇಲೆ ಬೊಕ್ಕ ತಡೆಗೋಡೆ ಕಟ್ಟುನ ಬೇಲೆಗ್ ಕೆಸರ್ ಕಲ್ಲ್ ಪಾಡಿನ ಶಾಸಕೆರ್ ವೇದವ್ಯಾಸ್ ಕಾಮತ್

ಕುಡ್ಲ: ಕುಡ್ಲ ಮಹಾನಗರ ಪಾಲಿಕೆದ ಮರೋಳಿ ಶ್ರೀ ಸೂರ್ಯನಾರಾಯಣ ದೇವಲ್ಯದ ಕೈತಲ್ ದ ಇಪ್ಪುನ ಮಾರ್ಗ ದ ಬೇಲೆ ಬೊಕ್ಕ ತಡೆಗೋಡೆ ಕಟ್ಟಾವುನ ಬೇಲೆಗ್ ಶಾಸಕೆರ್ ವೇದವ್ಯಾಸ್ ಕಾಮತ್ ಕೆಸರ್ ಕಲ್ಲ್ ಪಾಡಿಯೆರ್.

ಈ ಪೊರ್ತುಡು ಪಾತೆರ್ನ ಶಾಸಕೆರ್, ಈ ಭಾಗದ ಜನಕ್ಲೆನ ಬೇಡಿಕೆದಂಚನೆ ಕಾಮಗಾರಿಗ್ ಅನುದಾನ ಬಿಡುಗಡೆ ಆತ್ಂಡ್. ಬೋಗೊಡೆ ನೆತ್ತ ಬೇಲೆಲ ಸುರು ಆಪುಂಡು. ಇತ್ತೆ ನೆಟ್ಟೆ ಎಲ್ಯ ಮಾರ್ಗ ಇಪ್ಪುನೆರ್ದಾವೆರ ಗಾಡಿ ಪೋಯೆರೆಗ್ ಭಂಗ ಆಪುಂಡು. ಅಂಚಾದ್ ಮಾರ್ಗ ಅಗೆಲ ಮಲ್ತ್ ದ್, ತಡೆಗೋಡೆ ಮಲ್ಪುನ ಯೋಜನೆ ಉಂದು ಪಂದ್ ಪಂಡೆರ್.
ಈ ಪೊರ್ತುಡು ಮೇಯರ್ ಜಯಾನಂದ ಅಂಚನ್, ಪಾಲಿಕೆ ಸ್ಥಾಯಿ ಸಮಿತಿ ಅಧ್ಯಕ್ಷೆರ್ ಕಿಶೋರ್ ಕೊಟ್ಟಾರಿ, ಕಾರ್ಪೋರೇಟರ್ ಕೇಶವ ಮರೋಳಿ, ನಾಮನಿರ್ದೇಶಿತ ಸದಸ್ಯೆರ್ ಭಾಸ್ಕರ್ ಚಂದ್ರ ಶೆಟ್ಟಿ, ರಮೇಶ್ ಕಂಡೆಟ್ಟು, ಬಿಜೆಪಿ ಮುಖಂಡೆರಾಯಿನ ಜಗದೀಶ್ ಶೆಣೈ, ಕೃಷ್ಣ ಎಸ್.ಆರ್, ಜನಾರ್ದನ್ ದೇವಾಡಿಗ, ಜಗನ್ನಾಥ ದೊಡ್ಡಮನೆ, ಸರಳ ಕುಲಾಲ್, ಅರುಣ್ ಶೆಟ್ಟಿ, ಪುರುಷೋತ್ತಮ ಕೋಟ್ಯಾನ್, ಕಿರಣ್ ದೇವಾಡಿಗ ಮರೋಳಿ, ಪ್ರಶಾಂತ್ ಮರೋಳಿ, ಅನಿತಾ ಅರುಣ್, ಮಾಲತಿ ಅರುಣ್ ಶೆಟ್ಟಿ, ರಾಜೇಶ್, ಪ್ರಮೀಳಾ ಶೆಟ್ಟಿ, ಲೀಲಾ ಸತೀಶ್, ರಾಘವೇಂದ್ರ ಶೆಣೈ ಇತ್ತೆರ್.

ಅಕ್ಕಸೊಡೇ ಪುಡಾದ್ ಪೋಂಡು ಜಪಾನ್‌ದ ಎಪ್ಸಿಲಾನ್-6 ರಾಕೆಟ್

ಜಪಾನ್‌ದ ಅಂತರಿಕ್ಷ ಪರಿಶೋಧನಾ ಸಂಸ್ಥೆ ಉಡಾವಣೆ ಮಲ್ತಿನ ಎಪ್ಸಿಲಾನ್-6 ರಾಕೆಟ್ ವಿಫಲ ಆತ್ಂಡ್. ಒಟ್ಟು 8 ಉಪಗ್ರಹಕ್ಲೆನ್ ಪತೊಂದು ಅಕ್ಕಸೊಗು ಪೋಯಿನ ಎಪ್ಸಿಲಾನ್-6 ಬೊಕ್ಕ ಅಲ್ಪ ತನ್ನ ದಿಕ್ಕ್‌ ಬದಲ್ ಮಲ್ತ್‌ದ್ಂಡ್.

ಅಂಚಾದ್ ರಾಕೆಟ್ ಪುಡಾದ್ ಪೋತುಂಡು. 20 ವರ್ಷಡ್ ಜಪಾನ್‌ದ ರಾಕೆಟ್ ವಿಫಲ ಆತಿನವ್ ಉಂದುವೇ ಸುರುತ್ತ ಸರ್ತಿ. ರಾಕೆಟ್‌ದ ಅವಶೇಷಲು ಫಿಲಿಫೈನ್ಸ್ ದ ಮುಡಾಯಿ ಕಡಲ್‌ಗ್ ಬೂರ್‌ದ್ಂಡ್ ಪಂದ್ ತೆರಿದ್ ಬೈದ್ಂಡ್.

Japan’s Epsilon rocket failed after launch

Epsilon -6 rocket launced into space by the Japanese Aerospace agency faied and was commanded to self destruct a few minutes after take off. With eight sattillites in tow it changed route after take off.This is the first time in 20 years that a rocket launch has failed in Japan.The debris from the rocket has fallen into the sea near Philippines sources said

ಪೊಂಜೊವುಲೆನ ಏಷ್ಯಾಕಪ್; ಭಾರತ ಫೈನಲ್‌ಗ್

ಪೊಂಜೊವುಲೆನ ಏಷ್ಯಾಕಪ್ ಟೂರ್ನಿಡ್ ಭಾರತ ಫೈನಲ್‌ಗ್ ಪೋತುಂಡು. ಬಾಂಗ್ಲಾದೇಶದ ಸಿಹ್ಲೆಟ್‌ಡ್ ನಡತಿನ ಸುರುತ್ತ ಸೆಮಿಫೈನಲ್ ಪಂತೊಡು ಭಾರತ ಥಾಯ್‌ಲೆಂಡ್ ಕೂಟನ್ 74 ರನ್‌ರ್ದ್ ಸೋಪಾದ್ ಫೈನಲ್‌ಗ್ ಪೋತುಂಡು.

ಸುರುಕ್ಕ್ ಬ್ಯಾಟಿಂಗ್ ಮಲ್ತಿನ ಭಾರತ ಶೆಫಾಲಿ ವರ್ಮಾ (42), ಹರ್ಮನ್ ಪ್ರಿತ್ ಕೌರ್ (36) 20 ಓವರ್‌ಡ್ 6 ವಿಕೆಟ್ ಕಳೆಯೊಂದು 148 ರನ್ ಮಲ್ತ್‌ದಿತ್ತ್ಂಡ್.

India enters finals in Women’s Asia Cup cricket tournament

In the ladies Women’s Asia Cup cricket tournament india has reached the finals. At the semi finals played at Bangladesh India beat Thailand by 74 runs to reach the finals.

ಯಕ್ಷಗಾನೊದ ಏಸ ಪಾಡ್ದ್ ಕುಷಿ ಪಡೆಯೆರ್ ಚಿತ್ರನಟೆ ರಮೇಶ್ ಅರವಿಂದ್

ಇಂಚಿಪ್ಪಗ್ ನಟೆ, ನಿರ್ದೇಶಕೆರ್ ರಮೇಶ್ ಅರವಿಂದ್ ಒಡಿಪುದ ಲೇಸ್ ಒಂಜೆಕ್ಕ್ ಬಿನ್ನೆರಾದ್ ಬತ್ತಿತ್ತೆರ್.

ಈ ಪೊರ್ತುಡು ಅಲ್ಪದ ಮನೋವೈದ್ಯೆರ್ ಡಾ. ವಿರೂಪಾಕ್ಷ ದೇವರುಮನೆ ಮೆರೆನ ಇಲ್ಲಡ್ ಇತ್ತಿನ ಯಕ್ಷಗಾನದ ಫೊಟೋ ತೂದ್, ಯಂಕ್‌ಲ ಅವ್ವೇ ರೀತಿಡ್ ಏಸ ಪಾಡೊಡು, ಫೋಟೋಶೂಟ್ ಮಲ್ಪೊಡು ಪಂದ್ ಕೇನೊಂದೆರ್. ಇಂಚಾದ್ ರಮೇಶ್ ಅರವಿಂದ್ ಯಕ್ಷಗಾನೊದ ಏಸ ಪಾಡ್ದ್ ಫೋಟೋಶೂಟ್ ಮಲ್ತೆರ್.

Star Ramesh Aravind puts colours of Yakshagana Artist

Cine star and we’ll known director Ramesh Aravind was the guest of honour at a program in Udupi.He also visited the house of psychiatrist Dr Virupaksha Devarmane and noticing a pic of an Yakshagana Artist wished to don the colors of the same. Later on he had a photo shoot in the colourful dress and makeup of the famous art of tulunadu – Yakshagana.

ಸಮಾಜೊದ ಎಡ್ಡೆಪ್ಪುಗಾದ್ ಬೇಲೆ ಮಲ್ತಿನ ಸರೋಜಾ ಕೆ.ಆಳ್ವ ನನ ನಮಕ್ಕ್ ನೆಂಪು ಮಾತ್ರ

ಸರಳ ಸಜ್ಜನಿಕೆ ವ್ಯಕ್ತಿತ್ವ ರ್ದ್ ಆದರ್ಶ ಜೀವನ ಮಲ್ತ್ ದ್, ಕುಟುಂಬ ಬೊಕ್ಕ ಸಮಾಜಡ್ ಮಾತೆರ್ನಲ ಗೌರವಗ್ ಪಾತ್ರರಾದ್ ಇಂಚೊಗು ದೇವೆರೆ ಪಾದೊ ಸೇರಿನ ಸಮಾಜಸೇವಕಿ ಸರೋಜಾ ಕೆ.ಆಳ್ವ ನನ ನಮಕ್ಕ್ ಆರ್ ನೆಂಪು ಮಾತ್ರ. ಮೇರ್ ಸಮಾಜ ಸೇವಕೆ, ತುಳು ಅಭಿಮಾನಿ, ಕಾಂಗ್ರೆಸ್‌ ನಾಯಕೆರ್ ಅಗರಿ ನವೀನ್ ಭಂಡಾರಿ ಮೆರೆನ ಬೊಡೆದಿ.

ಪದವು ಚೌಟರ ಇಲ್ಲ್ ದ ಕೆ.ರಾಮ ಆಳ್ವ ಬೊಕ್ಕ ಏಳಿಂಜೆ ಕೋಲೆಟ್ಟು ದಿ.ಅಪ್ಪಿ ಆರ್. ಆಳ್ವರೆನ ಮಗಲ್ ಆಯಿನ ಸರೋಜ ಕೆ. ಆಳ್ವ, ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ ನಿವೃತ್ತ ಜಂಟಿ ನಿರ್ದೇಶಕೆರಾದ್‌ ಸೇವೆ ಮಲ್ದೆರ್.‌ ಮೇರೆನ ಆತ್ಮಗ್ ಆ ದೇವೆರ್ ಚಿರಶಾಂತಿ ಕೊರಡ್ ಪಂದ್ ಕಂಡನಿ ಅಗರಿ ನವೀನ್ ಭಂಡಾರಿ, ಮಗಲ್ ಅನುಷ್ಕಾ ಭಂಡಾರಿ ಶೆಟ್ಟಿ, ಮರ್ಮಯೆ ಡಾ.ವೀಕ್ಷಿತ್ ಶೆಟ್ಟಿ ಬೊಕ್ಕ ಮಾತ ಸಂಬಂದಿಕೆರ್ ದೇವೆರೆಡ ಸುಗಿತೊಂದೆರ್.

Saroja K Alva a well known social worker is now a memory:

A woman with a mild and sweet demeanour who has served her family and the society alike and who has won the hearts of all with her pleasing personality Saroja K Alva is now just a memory.

A staunch Tuluva and a social worker she retired as joint director of women and children development department.She was the wife of Congress leader Agari Naveen Bandhari and daughter of Chowta House K Rama Alva and late Appi Alva.

Deeply mourned by:
Agari Naveen Bandhary ( Husband)
Anuska Bandhary Shetty ( daughter)
Dr Vikshith Shetty (son in law)
Relatives and friends.

You Missed