Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಕುದ್ರೋಳಿರ್ದ್ ಬೆಂಗ್ಲೂರುಗು ಐತಿಹಾಸಿಕ ಬಿಲ್ಲವ ಪಾದಯಾತ್ರೆದ ಲೆಪ್ಪೋಲೆ ಬುಡುಗಡೆ

ಕಟಪಾಡಿ : ಬಿಲ್ಲವ, ಈಡಿಗ, ನಾಮಧಾರಿ ಸೇರ್ದ್ 26 ಪಂಗಡದ ಬೇಡಿಕೆಲೆನ್ ಮಲ್ಪಾದ್ ಕೊರಿಯರೆ ಕಲ್ಬುರ್ಗಿದ ಬ್ರಹ್ಮಶ್ರೀ ನಾರಾಯಣ ಗುರು ಪೀಠದ ಶ್ರೀ ಶ್ರೀ ಪ್ರಣವಾನಂದ ಸ್ವಾಮೀಜಿ ಬೊಕ್ಕ ಸಮಾಜ ಬಾಂಧವೆರೆನ ಮುತಾಲಿಕೆಡ್ ಜ.6 ಕ್ ಕುಡ್ಲದ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರರ್ದ್ ಬೆಂಗ್ಲೂರ್ ದ ವಿಧಾನ ಸೌಧ ಮುಟ್ಟ ನಡಪುನ ಐತಿಹಾಸಿಕ ಪಾದಯಾತ್ರೆದ ಒಡಿಪು ಜಿಲ್ಲಾ ಸಮಿತಿದ ಲೆಪ್ಪೋಲೆನ್ ಕಟಪಾಡಿ ಶ್ರೀ ವಿಶ್ವನಾಥ ಕ್ಷೇತ್ರಡ್ ಸಮಾಜದ ಹಿರಿಯೆರಾಯಿನ ಸುಧಾಕರ ಪೂಜಾರಿ ಪಾಂಗಳ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಐತಿಹಾಸಿಕ ಪಾದಯಾತ್ರೆ ಸಮಿತಿದ ಗೌರವಾಧ್ಯಕ್ಷೆರ್ ಉಮೇಶ್ ಪೂಜಾರಿ ಕೇಂಜ, ಮಾಧವ ಬನ್ನಂಜೆ, ರಾಮ ಟಿ ಪೂಜಾರಿ ಸಂತೆಕಟ್ಟೆ, ಶಶಿಧರ್ ಮಲ್ಪೆ, ಪ್ರಭಾಕರ್. ಆರ್. ಸಾಲ್ಯಾನ್, ಸದಾನಂದ ನಾಯಗರ್, ದಿವಾಕರ್ ಸನಿಲ್, ಜಿಲ್ಲಾ ಸಮಿತಿದ ಅಧ್ಯಕ್ಷೆರ್ ರಾಘವೇಂದ್ರ ಕೆ.ಅಮೀನ್, ಕಾರ್ಯಾಧ್ಯಕ್ಷೆರ್ ಪ್ರವೀಣ್. ಎಮ್ ಪೂಜಾರಿ, ಸಂಚಾಲಕೆರ್ ವಿಶುಕುಮಾರ್ ಸುವರ್ಣ ಕಲ್ಯಾಣಪುರ, ಪ್ರಧಾನ ಕಾರ್ಯದರ್ಶಿ ಸಂತೋಷ್ ಕುಮಾರ್ ಬೈರಂಪಳ್ಳಿ, ಚಲನಚಿತ್ರ ನಟೆ, ನಿರ್ದೇಶಕೆರ್ ಸೂರ್ಯೋದಯ ಪೆರಂಪಳ್ಳಿ, ಕ್ಷೇತ್ರದ ಕಾರ್ಯದರ್ಶಿ ಶಿವಾನಂದ ಪೂಜಾರಿ, ಹರೀಶ್ ಕರ್ಕೇರ, ಚಂದ್ರ ಪೂಜಾರಿ, ಶಂಕರ್ ಪೂಜಾರಿ, ಶಿವಪ್ರಸಾದ್ ಪಾಲ ಬೆಂಗ್ರೆ ಸಂತೋಷ್ ಜತ್ತನ್, ದಾಮೋದರ ಜತ್ತನ್ ಹೂಡೆ, ಉದಯ ಪೂಜಾರಿ ಕಂಡಾಳ, ಸಂಜಯ್ ಪೂಜಾರಿ, ಪ್ರವೀಣ್ ಪೂಜಾರಿ ಕುತ್ಯಾರ್, ಶರತ್ ಜತ್ತ ಉದಯ ಸನಿಲ್ ಇತ್ತೆರ್.
✍️ಜಗದೀಶ್ ಪೂಜಾರಿ
ಬೆದ್ರ

ಜ.8: ಬೈಲು ಮೂಡುಕರೆ ಕುಟುಮದ ಪೊಸ ಇಲ್ಲದ ಇಲ್ಲ್ ಒಕ್ಕೆಲ್

ಗುರುಪುರ: 300 ವರ್ಷದ ಪರಪೋಕು ಇಪ್ಪುನ ಬೈಲುಮೂಡುಕರೆ ಕುಟುಮದ ಪೊಸ ಇಲ್ಲದ ಇಲ್ಲ್ ಒಕ್ಕೆಲ್ ಜನವರಿ 7 ಬೊಕ್ಕ 8 ತಾರೀಕ್‌ಗ್ ಭಾರೀ ಗೌಜಿಡ್ ನಡಪರೆ ಉಂಡು.

ಈ ಬಗೆಟ್ಟ್ ಇನಿ ಬೈಲುಮೂಡುಕರೆ ಇಲ್ಲಡ್ ನಡತಿನ ಪತ್ರಿಕಾಗೋಷ್ಠಿಡ್ ಬೈಲುಮೂಡುಕರೆ ಇಲ್ಲದ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಶೆಡ್ಯೆ ಮಂಜುನಾಥ ಭಂಡಾರಿ ಪಾತೆರ್ದ್, 300 ವರ್ಷದ ಪರಪೋಕು ಇಪ್ಪುನ ಈ ಇಲ್ಲ್‌ನ್ 17 ನೇ ಶತಮಾನಡ್ ನಿರ್ಮಾಣ ಮಲ್ತ್‌ದಿತ್ತೆರ್.

ಬೈಲು ಮೂಡುಕರೆ ಕುಟುಮ ಬಂಟ ಸಮಾಜಡ್ ಪ್ರತಿಷ್ಠಿತ ತಾನೊನು ಪಡೆಪುಂಡ್. ಈ ಕುಟುಮದಕುಲು ಸತ್ಯವಂತೆರ್, ಸಾಹಸಿಲು, ದಾನಿಲು ಅಂಚನೆ ಬೆನ್ಪುನಕುಲು ಆತೆರ್. ಮೊಕುಲು ದೈವದ ಬಗ್ಗೆ ನಂಬುದಿತ್ತ್‌ದ್ ಅಕ್ಲೆನ ಸ್ವಂತ ನಿಲೆಟ್ಟ್ ದೇವಸ್ಥಾನ, ದೈವಸ್ಥಾನ, ದೈವದ ಚಾವಡಿ, ನಾಗಬನ ಉಂದೆನ್ ಪೂರ ನಿರ್ಮಾಣ ಮಲ್ತ್‌ದ್ ಊರುದಕುಲು ಪೂಜೆ ಮಲ್ತೊಂದು ಬರೊಂದುಲ್ಲೆರ್.

ಈ ಇಲ್ಲಡ್ ಕಲ್ಲ್‌ದ ಕಂಬ, ಮಣ್ಣ್‌ದ ಗೋಡೆ, ನಾಲ್ ಸುತ್ತಲ ಪಾಗಾರ, ಲ ಕೊಟ್ಯ ಉಂಡು. ಇಲ್ಲದ ಎದುರು ಮಲ್ಲ ಕೆರೆ, ನಾಲ್ ಸುತ್ತಲ ಬಾರ್ ಬುಳೆಪುನ ಕಂಡ, ನಾಗ ಬನ, ಮಾಗಣೆದ ಎದುರು ದೈವದ ತಾನೊ ಉಂಡು. ಆಯತ ಆಕಾರಡ್ ಇಪ್ಪುನ ಈ ಇಲ್ಲದ ಮಿತ್ತ ಮಾಳಿಗೆಡ್ 7 ಕೋಣೆಲು, ಚಾವಡಿಡ್ ಮಲ್ಲ ಪಿರಾಕ್‌ದ ಉಯ್ಯಾಲೆ ಉಂಡು. ಪಿರಾವುದ ಕಾಲಡ್ ರಾಜ ವಂಶಸ್ಥೆರೆನ ಇಲ್ಲಡ್ ಮಾತ್ರ ಇಂಚಿನ ಉಯ್ಯಾಲೆ ಇಪ್ಪರೆ ಸಾಧ್ಯ ಪಂದ್ ಪಂಡೆರ್.

ಜ.8 ತಾರೀಕ್‌ಗ್ ಕಾಂಡೆ 11.30 ಗ್ ಬೈಲುಮೂಡುಕರೆ ದಿ| ಚಂದ್ರಶೇಖರ ಶೆಟ್ಟಿ ವೇದಿಕೆಡ್ ಬೈಲುಮೂಡುಕರೆ ಇಲ್ಲದ ಸಾಧಕೆರೆಗ್ ಮಾನಾದಿಗೆ ಮಲ್ಪುನ ಲೇಸ್ ನಡಪರೆ ಉಂಡು. ಗುರುಪುರ ವಜ್ರದೇಹಿ ಮಠದ ರಾಜಶೇಖರಾನಂದ ಸ್ವಾಮೀಜಿ ಆಶೀರ್ವಚನ ಮಲ್ಪರೆ ಉಲ್ಲೆರ್. ಕುಡ್ಲ ಉತ್ತರ ಶಾಸಕೆರ್ ವೈ.ಭರತ್ ಶೆಟ್ಟಿ, ಆಳ್ವಾಸ್ ಎಜುಕೇಶನ್ ಫೌಂಡೇಶನ್ ದ ಡಾ| ಎಂ.ಮೋಹನ್ ಆಳ್ವ, ವಿಧಾನ ಪರಿಷತ್ ಸದಸ್ಯೆರ್ ಮಂಜುನಾಥ ಭಂಡಾರಿ, ಜಾಗತಿಕ ಬಂಟರ ಸಂಘದ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಸೇರಿನಂಚನೆ ಮಸ್ತ್ ಬಿನ್ನೆರ್ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.

ಪತ್ರಿಕಾಗೋಷ್ಠಿಡ್ ಶೆಡ್ಯೆ ಮಂಜುನಾಥ್ ಭಂಡಾರಿ ಬೈಲು ಮೂಡುಕರೆ, ಹರೀಶ್ ಶೆಟ್ಟಿ, ದೇವದಾಸ ನಾಯ್ಕ್, ಸತೀಶ್ ಆಳ್ವ, ಭುಜಂಗ ಶೆಟ್ಟಿ ಇತ್ತೆರ್.

ಬೊಲ್ತೇರ್: ಜೋಕ್ಲೆನ ಟ್ರಿಪ್ ದ ಬಸ್ ಬೊಕ್ಕ ಕೆ.ಎಸ್.ಆರ್.ಟಿ.ಸಿ ಬಸ್ ಗುದ್ದುದು ಮಸ್ತ್ ಜನಕ್ಕ್ ಪೆಟ್ಟ್

ಬೊಲ್ತೇರ್: ನಿಡ್ಲೆ ಗ್ರಾಮದ ಬೂಡುಜಾಲು ಕೈತಲ್ ಜೋಕ್ಲೆನ ಟ್ರಿಪ್ (ಪ್ರವಾಸ)ದ ಬಸ್ ಬೊಕ್ಕ ಕೆ.ಎಸ್.ಆರ್.ಟಿ.ಸಿ ಬಸ್ ಗುದ್ದುದು ಮಸ್ತ್ ಜನಕ್ಕ್ ಪೆಟ್ಟ್ ಆಯಿನ ಘಟನೆ ಅಂಗಾರೆ ಮಧ್ಯಾಹ್ನ ನಡತ್ಂಡ್.

ರಾಯಚೂರು ಜಿಲ್ಲೆ ಸಿಂದನೂರ್‌ದ ಶಾಲೆದ ಜೋಕ್ಲೆನ ಪ್ರವಾಸದ ಬಸ್ ಅಂಚನೆ ಸುಬ್ರಹ್ಮಣ್ಯರ್ದ್ ಧರ್ಮಸ್ಥಳಗ್ ಬರೊಂದಿತ್ತಿನ ಸರ್ಕಾರಿ ಬಸ್ ಗುದ್ದ್‌ದ್ಂಡ್. ಬಸ್ಸ್‌ದ ಡ್ರೈವರ್‌ನಕ್ಲೆಗ್ ಮಸ್ತ್ ಪೆಟ್ಟಾತ್ಂಡ್. ಬಸ್‌ಟ್ಟ್ ಇತ್ತಿನ ಜೋಕುಲು ಅಂಚನೆ ಪ್ರಯಾಣಿಕೆರೆಗ್ ಪೆಟ್ಟಾದಿತ್ತ್‌ದ್, ಕೈತಲ್‌ದ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್.

ಮೈಸೂರ್‌ಡ್ ಪ್ರಧಾನಿ ಮೋದಿನ ಮೆಗ್ಯನ ಮಗನ ಕಾರ್ ಆಕ್ಸಿಡೆಂಟ್, ಮಗೆ ಅಂಚನೆ ಮರ್ಮಾಲೆಗ್ ಮಲ್ಲ ಪೆಟ್ಟ್

ಮೈಸೂರ್: ಪ್ರಧಾನಿ ನರೇಂದ್ರ ಮೋದಿ ಮೆಗ್ಯನ ಕಾರ್ ತಾಲೂಕ್‌ದ ಕಡಕೋಳ ಕೈತಲ್ ಅಕ್ಸಿಡೆಂಟ್ ಆತ್ಂಡ್. ಮೋದಿ ಮೆರೆನ ಮೆಗ್ಯೆ ಪ್ರಹ್ಲಾದ್ ಮೋದಿಗ್ ಸೇರಿನ ಕಾರ್‌ಗ್ ಆಕ್ಸಿಡೆಂಟ್ ಆತ್ಂಡ್ ಪನ್ಪಿನ ಮಾಹಿತಿ ತೆರಿದ್ ಬೈದ್ಂಡ್.

ಈ ಘಟನೆಡ್ ಪ್ರಹ್ಲಾದ್ ಮೋದಿ ಮೆರೆನ ಮಗೆ ಅಂಚನೆ ಮರ್ಮಾಲ್ ಮೆರೆಗ್ ಪೆಟ್ಟಾತ್ಂಡ್. ಬೆಂಗ್ಲೂರ್‌ರ್ದ್ ಬಂಡೀಪುರಗ್ ಪೋವೊಂದಿತ್ತಿನ ಪೊರ್ತುಡು ಈ ಘಟನೆ ನಡತ್ಂಡ್. ಘಟನೆ ಆಯಿನ ಜಾಗೆಗ್ ಮೈಸೂರ್ ಎಸ್ಪಿ ಸೀಮಾ ಭೇಟಿ ಕೊರ್ದು ಪರಿಶೀಲನೆ ಮಲ್ತ್‌ದೆರ್. ಮೈಸೂರ್ ದಕ್ಷಿಣ ಠಾಣೆಡ್ ದೂರು ದಾಖಲ್ ಆತ್ಂಡ್.

ಡಿ.28: ತೋಕೂರುಡು ಕಟೀಲ್ ಮೇಳದ ಕಲಾವಿದೆರೆರ್ದ್ ಶ್ರೀ ದೇವಿ ಲಲಿತೋಪಖ್ಯಾನ ಆಟ

ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿದಕುಲು ಡಿ.28 ಬುಧಾರ ಬಯ್ಯಗ್ 5:45 ಕ್ ಶ್ರೀ ಸುಬ್ರಹ್ಮಣ್ಯ ದೇವೆರೆನ ಕಿರು ಷಷ್ಠಿದ ಲೆಕ್ಕೊಡು ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಎದುರು ಭಾಗಡ್ ಪಾಡಿನ ರಂಗಮಂಟಪಡ್ 13ನೇ ವರ್ಷದ “ಶ್ರೀ ದೇವಿ ಲಲಿತೋಪಖ್ಯಾನ” ಆಟ ನಡಪರೆ ಉಂಡು.

ಈ ಲೇಸ್ ಗ್ ಕಲಾಭಿಮಾನಿಲು ಆಯಿನ ನಿಕುಲು ಮಾತ ಬತ್ ದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ತೋಕೂರು ಯಕ್ಷ ಕಲಾರಂಗ, ಊರುದ ಪರವೂರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಬೆದ್ರದ ಬಾಲೆ ಶ್ರೀಯಾನ ಚಿಕಿತ್ಸೆಗ್ ನಂದಳಿಕೆ ಇಂಚರ ಸೇವಾ ಕೂಟರ್ದ್ ಪಣವುದ ಸಕಾಯ

ಬೆದ್ರ ನಿವಾಸಿ ಆಯಿನ ಲಕ್ಷ್ಮಿ ನಾರಾಯಣ ಬೊಕ್ಕ ವಿನುತಾ ದಂಪತಿಲೆನ 1.5 ವರ್ಷ ಬಾಲೆ ಶ್ರೀಯಾ ಬ್ಲಡ್ ಕ್ಯಾನ್ಸರ್ ಆದ್ ಚಿಕಿತ್ಸೆ ಪಡೆವೊಂದುಲ್ಲೆರ್.

ಈ ಬಾಲೆದ ಚಿಕಿತ್ಸೆಗ್ ನಂದಳಿಕೆದ ಇಂಚರ ಸೇವಾ ಬಳಗದಕುಲು 5ನೇ ಸೇವಾ ಯೋಜನೆಗ್ ಶ್ರೀ ಕೊಡಮಣಿತ್ತಾಯ ದೈವೊಲ್ಯ ಶಿಬರೂರು ಮುಲ್ಪ ನಿಧಿ ಸಂಗ್ರಹಣೆ ಆಯೋಜನೆ ಮಲ್ತ್ ದ್ ಒಟ್ಟಾಯಿನ 1,20,383 ರೂ. ಕಾಸ್ ದ ಚೆಕ್ ನ್ ಇನಿ ಶ್ರೀ ಕೊಡಮಣಿತ್ತಾಯ ದೈವೊಲ್ಯ ಶಿಬರೂರು ಮುಲ್ಪ ಶಿಬರೂರು ಗುತ್ತು ಉಮೇಶ್ ಎನ್ ಶೆಟ್ಟಿ ಮೆರೆನ ಮುಖೇನ ಶ್ರೀಯಾನ ಇಲ್ಲದಕ್ಲೆಗ್ ಕೊರಿಯೆರ್. ಈ ಪೊರ್ತುಡು ಈ ತಂಡದ ಅಧ್ಯಕ್ಷೆರ್ ದೀಕ್ಷಿತ್ ದೇವಾಡಿಗ ನಂದಳಿಕೆ, ಗೌರವಾಧ್ಯಕ್ಷೆರ್ ಶೈಲೇಶ್ ಕೋಟ್ಯಾನ್ ಸೂಡ, ಉಪಾಧ್ಯಕ್ಷೆರ್ ಸಂಯುಕ್ತ ಬಿ ಪರ್ಕಳ, ಸದಸ್ಯೆರ್ ಸಂತೋಷ್ ಪೂಜಾರಿ ಹೊಕ್ಕಾಡಿಗೋಳಿ, ರಕ್ಷಿತ್ ಬಂಗೇರ ಅಂಡಿಂಜೆ, ಹಿತೇಶ್ ಕಲ್ಯಾ, ಸುಶ್ಮಿತಾ ರಾಕೇಶ್, ಬೊಕ್ಕ ಜೀತು ಶಿಬರೂರು, ಸುಮಂತ್ ಇತ್ತೆರ್.

ಸುರತ್ಕಲ್: ಜಲೀಲ್‌ನ್ ಕೆರ್‍ತಿನ ಕೇಸ್ ದ ನನೊರಿ ಆರೋಪಿ ಅರೆಸ್ಟ್

ಸುರತ್ಕಲ್: ಕೃಷ್ಣಾಪುರದ ಜಲೀಲ್‌ ನ್ ಕೆರ್‍ತಿನ ಕೇಸ್‌ಗ್ ಸಂಬಂಧಿಸಾದ್ ನನೊರಿ ಆರೋಪಿನ್ ಸುರತ್ಕಲ್ ಪೊಲೀಸ್‌ದಕುಲು ಅರೆಸ್ಟ್ ಮಲ್ತ್‌ದೆರ್.

ಕಾಟಿಪಳ್ಳ 4ನೇ ಬ್ಲಾಕ್‌ದ ಲಕ್ಷ್ಮೀಶ ದೇವಾಡಿಗ (28) ಅರೆಸ್ಟ್ ಆಯಿನ ಆರೋಪಿ. ಕರೀನ ಸನಿವಾರ ರಾತ್ರೆ 8.30 ಗು ಕೃಷ್ಣಾಪುರದ ಫ್ಯಾನ್ಸಿ ಬೊಕ್ಕ ಜೋಡುದ ಅಂಗಡಿದ ಎದುರು ಬಿಸತ್ತಿ ಪಾಡ್ದ್ ಜಲೀಲ್‌ನ್ ಕೆರ್‍ದಿತ್ತೆರ್. ಈ ಬಗೆಟ್ಟ್ 3 ಜನನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದಿತ್ತ್‌ದ್ ಇತ್ತೆ ನಾಲನೇ ಆರೋಪಿನ್ ಸುರತ್ಕಲ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.

Manglore : Jaleel murder case; another accused arrested

Suratkal: In connection with the murder of Krishnapura Jaleel another arrest has been made by the Suratkal police.

Lakshmeesh Devadiga (28) of Katipalla 4th block was arrested. Jaleel was murdered on Saturday at around 8.30p.m near his fancy shop in Krishnapura.Already three persons have been arrested in connection with this case.

ಜ.12 : ಧಾರವಾಡಡ್ ರಾಷ್ಟ್ರೀಯ ಯುವ ಉಚ್ಚಯಗ್ ಪ್ರಧಾನಿ ಮೋದಿ ಬರಿಯೆರೆ

ಧಾರವಾಡ: 26ನೇ ರಾಷ್ಟ್ರೀಯ ಯುವ ಉಚ್ಚಯ ಲೇಸ್ ಹುಬ್ಬಳ್ಳಿ-ಧಾರವಾಡಡ್ ನಡಪರೆ ಉಂಡು. ನೆತ್ತ ಉದಿಪನಗ್ ಪ್ರಧಾನಿ ಮೋದಿ ಮೇರ್ ಬರಿಯೆರೆ ಉಲ್ಲೆರ್ ಪಂದ್ ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ಸಚಿವೆರಾಯಿನ ನಾರಾಯಣ ಗೌಡ ತೆರಿಪಾದೆರ್.

ಮೇರ್ ಧಾರವಾಡಡ್ ಪಾತೆರ್ದ್, ಜನವರಿ 12 ದಾನಿ ಈ ಲೇಸ್ ಡ್ ಮೋದಿ ಬೊಕ್ಕ ಸುಮಾರ್ 7500 ಕ್ ಎಚ್ಚ ಜವನೆರ್ ಬೊಕ್ಕ ಕ್ರೀಡಾ ಸಚಿವೆರ್ ಅನುರಾಗ್ ಸಿಂಗ್ ಠಾಕೂರ, ಧಾರವಾಡ ಜಿಲ್ಲೆದ ಸಂಸದೆರ್, ಸಚಿವೆರಾಯಿನ ಜೋಶಿ ಪಾಲ್ ಪಡೆಯೆರೆ ಉಲ್ಲೆರ್. ಈ ಲೇಸ್ ಸಿಎಂ ಮೆರೆನ ಅಧ್ಯಕ್ಷತೆಡ್ ನಡಪುಂಡು. ಡಾ.ಶಾಲಿನಿ ರಜನೀಶ ಮೇರ್ ಹೆಚ್ಚದ ಜಬದಾರಿನ್ ದೆತೊಂದೆರ್. ಈ ಬಗೆಟ್ ಅಟ್ಟಣೆದ ಸಭೆಲ ನಡತ್ಂಡ್.

ನೈತಿಕ ಪೊಲೀಸ್‌ಗಿರಿ ಪುದರ್ ಡ್ ನಡತೊಂದು ಇಪ್ಪುನ ದೌರ್ಜನ್ಯನ್ ಉಂತಾವೊಡು ಪಂದ್ ದಕ್ಷಿಣ ಕನ್ನಡ ಯುವ ಜೆಡಿಎಸ್ ಅಧ್ಯಕ್ಷೆರ್ ಅಕ್ಷಿತ್ ಸುವರ್ಣ ಮುತಾಲಿಕೆಡ್ ಪೊರಂಬಾಟ

ಕುಡ್ಲ: ನೈತಿಕ ಪೊಲೀಸ್‌ಗಿರಿ ಪುದರ್ ಡ್ ನಡತೊಂದು ಇಪ್ಪುನ ದೌರ್ಜನ್ಯನ್ ಉಂತಾವೊಡು ಪಂದ್ ದಕ್ಷಿಣ ಕನ್ನಡ ಯುವ ಜೆಡಿಎಸ್ ಅಧ್ಯಕ್ಷೆರ್ ಅಕ್ಷಿತ್ ಸುವರ್ಣ ಮುತಾಲಿಕೆಡ್ ಪೊರಂಬಾಟ ನಡತ್ಂಡ್.

ಈ ಬಗೆಟ್ ನಗರ ಪೊಲೀಸ್ ಆಯುಕ್ತೆರೆಗ್ ಬಿನ್ನಾಪು ಸಂದಾಯೆರ್. ಈ ಸಭೆಟ್ಟ್ ಅಕ್ಷಿತ್ ಸುವರ್ಣ ಪಾತೆರ್ದ್, ವೋಟ್ ಕೈತಲ್ ಬರೊಂದು ಇಪ್ಪುನಗ ಮತದಾರೆರೆನ ಮನಸ್ ಡ್ ಗೊಂದಲನ್ ದಿಂಜಾವುನ ಸನ್ನಿವೇಶಲು ಸೃಷ್ಟಿ ಆಪುಂಡು. ನೆಕ್ ಆಡಳಿತದ ಬಿಜೆಪಿ ಸರಕಾರವೇ ನೇರ ಹೊಣೆ. ಒವ್ವೇ ಸಂಸ್ಥೆಗ್ ಕಾನೂನುನ್ ಕೈಕ್ ದೆತೊನ್ನ ಹಕ್ಕ್ ಇಜ್ಜಿ. ಪೊಲೀಸ್ ಇಲಾಖೆ ಇಂಚಿನ ವ್ಯಕ್ತಿಲೆಗ್ ಕಡಿವಾಣ ಪಾಡೊಡು ಬೊಕ್ಕ ಅಂಚಿನಕ್ಲೆಗ್ ಕಠಿಣ ಶಿಕ್ಷೆ ಕೊರೊಡು. ಇಂಚಿನ ಘಟನೆಲು ಕೂಡ ಅವಂದಿಲೆಕ್ಕ ಪೊಲೀಸೆರ್ ಎಚ್ಚರಿಕೆ ಒಯಿಸೊಡು ಪಂದ್ ಪಂಡೆರ್.


ಈ ಪೊರ್ತುಡು ರತೀಶ್ ಕರ್ಕೇರ, ಸತ್ತಾರ್ ಬಂದರ್, ಕಲೀಲ್, ಸುಶೀಲ್ ನೊರೋನ್ಹಾ, ದಿನಕರ ಉಳ್ಳಾಲ್, ರತ್ನಾಕರ ಸುವರ್ಣ, ಇಕ್ಬಾಲ್ ಮುಲ್ಕಿ, ನಾಸಿರ್ ಉಳ್ಳಾಲ್, ರಮೀಜಾ ನಾಸಿರ್, ನಾಸಿರ್ ಬಂದರ್, ಸುಮಿತ್ ಸುವರ್ಣ, ರಹೀಮ್ ಮಲ್ಲೂರು, ಶಿವ ಸಾಲಿಯಾನ್, ರಿನಿತ್ ಎನ್ ಪೂಜಾರಿ, ನಿತೇಶ್ ಪೂಜಾರಿ, ಧನುಷ್, ವಿನಿತ್ ಪೂಜಾರಿ, ಧನುಷ್, ವಿನಿತ್ ಪೂಜಾರಿ ಪ್ರದೀಪ್, ನಿಶಾಂತ್ ಪೂಜಾರಿ, ಜಯದೀಪ್, ಕಾರ್ತಿಕ್ ಪೂಜಾರಿ, ವಿನಯ್, ಜಿತೇಶ್ ರೈ, ಆಶಿಶ್ ಶೆಟ್ಟಿ, ನಿಜಾಲ್ ಮತ್ತು ನಿಖಿಲ್ ಶೆಟ್ಟಿ ಇತ್ತೆರ್.

ಡಿ.30: ಸೋಮನಾಥ ಎಸ್. ಕರ್ಕೇರ ಮೆರೆನ ನೂದು ಹನಿಗವನಲೆನ ಸಂಕಲನ ಹನಿ-ಧ್ವನಿ ಬುಡುಗಡೆ ಲೇಸ್

ಬೊಂಬೈ ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಮುತಾಲಿಕೆಡ್ ಸೋಮನಾಥ ಎಸ್. ಕರ್ಕೇರ ಮೆರೆನ ನೂದು ಹನಿಗವನಲೆನ ಸಂಕಲನ ಹನಿ-ಧ್ವನಿ ಬುಡುಗಡೆ ಲೇಸ್ ಡಿ.30 ಶುಕ್ರಾರ ಬಯ್ಯಗ್ 6:30 ಗು ಬೊಂಬೈದ ಚೆಂಬೂರು ಫೈನ್ ಆರ್ಟ್ ಸೊಸೈಟಿಡ್ ನಡಪರೆ ಉಂಡು.

ಈ ಲೇಸ್ ನ್ ಬೊಂಬೈದ ಸೋಮಯ್ಯ ಕಾಲೇಜ್ ದ ನಿವೃತ್ತ ಪ್ರಾಂಶುಪಾಲೆರ್ ಡಾ. ಎಸ್.ಕೆ ಭವಾನಿ ಬುಡುಗಡೆ ಮಲ್ಪೆರೆ ಉಲ್ಲೆರ್. ಬೊಂಬೈದ ಕವಯತ್ರಿ, ಲೇಖಕಿ ಅನಿತಾ ಪೂಜಾರಿ ತಾಕೋಡೆ ಕೃತಿ ಪರಿಚಯ ಮಲ್ಪೆರೆ ಉಲ್ಲೆರ್.

Somnath S Karkera’s poems audio release under the patronage of Mumbai University’s Kannada department

The Mumbai University ‘s Kannada department will patronize the audio release of Somnath Karkera’s work Hani Dwani on Saturday the 30th of December at Fine Arts Society Chembur at 6.30 p.m.

The audio release honours will be made by Dr S K Bavani, Retired principal of Mumbai’s Somaiah college of commerce.Poetess and author from Mumbai Anitha Poojary will introduce the poetry work to the audience.

You Missed