Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಕಾಂಬೋಡಿಯಾದ ಲಾಕ್ಸುರಿ ಹೋಟೆಲ್ ಡ್ ತೂ ಪಾತ್ತ್ ದ್ 10 ಜನ ತೀರ್ ಪೋಯೆರ್

ಕಾಂಬೋಡಿಯಾ: ಮುಲ್ತ ಲಾಕ್ಸುರಿ ಹೋಟೆಲ್ ಡ್ ತೂ ಪಾತ್ತ್ ದ್ 10 ಜನ ತೀರ್ ಪೋಯಿನ ಘಟನೆ ಕಾಂಬೋಡಿಯಾಡ್ ನಡತ್ಂಡ್.

ಈ ಘಟನೆಡ್ 30ರ್ದ್ ಎಚ್ಚ ಜನಕ್ ಪೆಟ್ಟಾತ್ಂಡ್. ತೂ ಪೊತ್ತರೆ ಕಾರಣ ತೆರಿದ್ ಬೈದಿಜಿ. ಅಗ್ನಿ ಶಾಮಕ ಗಾಡಿಲು ತೂ ತೆಕ್ಕಾವೊಂದು ಉಲ್ಲೆರ್.

ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಉಚ್ಚಿಲ ಶಾಖೆಡ್ ಆರ್ಥಿಕ ಅರಿವು ಲೇಸ್

ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಉಚ್ಚಿಲ ಶಾಖೆಡ್ ಡಿ.28 ಕ್ ನಬಾರ್ಡ್ ದ ಒಟ್ಟು ಸೇರಿಗೆಡ್ ಗ್ರಾಹಕೆರೆಗ್ ಆರ್ಥಿಕ ಅರಿವು ಲೇಸ್ ನಡತ್ಂಡ್.

ಲೇಸ್ ದ ಗುರ್ಕಾರ್ಮೆನ್ ಶಾಖೆದ ವ್ಯವಸ್ಥಾಪಕೆರ್ ಮನೋಹರ್ ಪೆಜಮಾಡಿ ಒಯಿಸ್ ದಿತ್ತೆರ್. ಉದಿಪನನ್ SCDCC ಬ್ಯಾಂಕ್ ಪಡುಬಿದ್ರೆ ಶಾಖೆದ ಶಾಖಾ ವ್ಯವಸ್ಥಾಪಕೆರ್ ಪ್ರಭೋದ್ ಚಂದ್ರ ಪೆಜಮಾಡಿ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, ಜನಕುಲು ಬೆನ್ಪುನೆತ್ತೊಟ್ಟಿಗೆ ಆವೆನ್ ಒರಿಪಾವುನ ಮನೋಭಾವನೆನ್ ಬುಲೆಪಾವೊಡು ಪಂದ್ ಪಂಡೆರ್.

ಮಲ್ಲ ಬಿನ್ನೆರಾದ್ ನವೋದಯ ಸ್ವಸಹಾಯ ಸಂಘದ ಮೇಲ್ವಿಚಾರಕೆರ್ ಹರಿನಾಥ್, ಹಿರಿಯ ಪತ್ರಕರ್ತೆರ್ ಬಾಲಕೃಷ್ಣ ಪೂಜಾರಿ ಉಚ್ಚಿಲ ಲೇಸ್ ಡ್ ಪಾಲ್ ಪಡೆದಿತ್ತೆರ್. ಶಾಖೆದ ಸಿಬ್ಬಂದಿ ಶ್ರೀನಿಧಿ ರಾವ್ ಕಾಸ್ ಒರಿಪುನ ವಿಷಯಡ್ ಅಂಚನೆ ಬೊಕ್ಕ ಡಿಜಿಟಲ್ ವೈವಾಟ್ ದ ಬಗೆಟ್ ಮಾಹಿತಿ ಕೊರಿಯೆರ್.

ಶಾಖೆದ ವ್ಯವಸ್ಥಾಪಕೆರ್ ಮನೋಹರ್ ಪೆಜಮಾಡಿ ಎದ್ಕೊನಿಯೆರ್. ಹಿರಿಯ ಸಿಬ್ಬಂದಿ ಮೀರಾ ಪೂಜಾರಿ ಸೊಲ್ಮೆ ಸಂದಾಯೆರ್. ನವೋದಯ ಸ್ವ ಸಹಾಯ ಸಂಘದ ಪ್ರೇರಕಿ ಕಾಂತಿ ಎಸ್.ಆಚಾರ್ಯ ಪ್ರಾರ್ತನೆ ಮಲ್ತೆರ್. ಈ ಪೊರ್ತುಡು ಸಿಬ್ಬಂದಿಲಾಯಿನ ಮೀರಾ ಪೂಜಾರಿ, ಶ್ರೀನಿಧಿ ರಾವ್, ಅಕ್ಷತಾ, ನವೋದಯ ಸ್ವ ಸಹಾಯ ಸಂಘದ ಪ್ರೇರಕೆರಾಯಿನ ಕಾಂತಿ ಎಸ್ ಆಚಾರ್ಯ, ವಿಮಲಾ ದಯಾನಂದ್ ಇತ್ತೆರ್.

ಪೊಸ ವರ್ಷಾಚರಣೆಗ್ ಒಡಿಪು ಜಿಲ್ಲೆಡ್ ಪೊಸ ನಿಯಮ

ಒಡಿಪು: ಕಾನೂನು ಬೊಕ್ಕ ಸುವ್ಯವಸ್ಥೆ ಕಾಪುನ ನಿಲೆಟ್ಟ್ ಒಡಿಪು ಜಿಲ್ಲಾ ಪೊಲೀಸ್ ಇಲಾಖೆ ಕೆಲವು ನಿಯಮನ್ ಜಾರಿ ಮಲ್ತ್‌ದ್ಂಡ್.

ಡಿ.31 ಜೆಡ್ದ್ ಜನವರಿ 1 ತ್ತ ರಾತ್ರೆ 1 ಗಂಟೆ ಮುಟ್ಟ ಮಾತ್ರ ಒಡಿಪು ಜಿಲ್ಲೆಡ್ ಪೊಸ ವರ್ಷ ಆಚರಣೆ ಮಲ್ಪರೆ ಸಮಯ. ಪಬ್, ರೆಸ್ಟೋರೆಂಟ್, ಕ್ಲಬ್, ರೆಸಾರ್ಟ್ ಇಂಚಿತ್ತಿನ ಕಡೆಟ್ಟ್‌ಲ ಉಂದುವೆ ನಿಯಮ ಇಪ್ಪುಂಡು.

ಪ್ರಧಾನಿ ಮೋದಿನ ಅಮ್ಮ ಹೀರಾ ಬೆನ್ ಆಸ್ಪತ್ರೆಗ್ ದಾಖಲ್

ಅಹ್ಮದಾಬಾದ್: ಪ್ರಧಾನಿ ನರೇಂದ್ರ ಮೋದಿ ಮೆರೆನ ಅಮ್ಮ ಹೀರಾ ಬೆನ್ ಮೆರೆನ್ ಅಹ್ಮದಾಬಾದ್ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್.

ಮೋದಿ ಇನಿ ಬಯ್ಯಗ್ ಆಸ್ಪತ್ರೆಗ್ ಭೇಟಿ ಕೊರ್ದು ಅಮ್ಮನ ಆರೋಗ್ಯ ತೆರಿಯೆರೆ ಉಲ್ಲೆರ್.

PM Narendra Modi’s mother hospitalised

Ahemdabad: PM Narendra Modi’s mother Hera Ben has been hospitalized.
The PM will meet her today evening to enquire if her well being.

ರಾಜೇಶ್ ಶೆಟ್ಟಿ ದೋಟ ಬರೆತಿನ ಮುಗದಾರಗೆ ಕಬಿತೆ ಗೊಂಚಿಲ್ ಬೂಕು ಬುಡುಗಡೆ ಲೇಸ್

ಕುಡ್ಲ ಸಾಹಿತ್ಯಾ ಪ್ರಕಾಶನದ ನಿಲೆಟ್ ರಾಜೇಶ್ ಶೆಟ್ಟಿ ದೋಟ ಮೆರೆನ “ಮುಗದಾರಗೆ” ತುಳು ಕಬಿತೆ ಗೊಂಚಿಲ್ ಬೂಕು ಬುಡುಗಡೆ ಲೇಸ್ ಡಿ. ೨೮ ಬುಧಾರ ಕುಡ್ಲ ಪ್ರೆಸ್ ಕ್ಲಬ್‌ದ ಪ್ರತಿಕಾ ಭವನಡ್ ನಡತ್ಂಡ್.

ಆಕಾಶವಾಣಿ ಕುಡ್ಲದ ನಿವೃತ್ತ ಕಾರ್ಯಕ್ರಮ ಮುಖ್ಯಸ್ಥೆರ್, ಸಾಹಿತಿ ಡಾ. ವಸಂತಕುಮಾರ ಪೆರ್ಲ “ಮುಗದಾರಗೆ” ಬೂಕು ಬುಡುಗಡೆ ಮಲ್ತೆರ್. ಅಯಿರ್ದ್ ಬೊಕ್ಕ ಪಾತೆರಿನ ಆರ್, “ಮುಗದಾರಗೆ ಪನ್ಪಿನ ಪುದರ್‌ಡೇ ಒಂಜಿ ಗೂಢಾರ್ಥ ಉಂಡು. ಮುಗ ಪಂಡ ಮೋನೆ. ದಾರಗೆ ಪಂಡ ಬೊಳ್ಳಿ(ನಕ್ಷತ್ರ). ಮೋನೆ ತೂಯಿ ಕೂಡ್ಲೆ ಒರಿಯನ ನಡವಳಿಕೆ ತೆರಿಯೊಲಿ. ಕವಿಕ್ಕ್‌ಲೆಗ್ ನರಮಾನ್ಯನ ಉಲಮನಸ್ಸ್‌ದ ಬಗ್ಗೆ ವಿಶ್ಲೇಷಣೆ ಮಲ್ತ್‌ದ್ ಬರೆಪುನವು ಬಾರೀ ಕುಶಿತ್ತ ಸಂಗತಿ. ರಾಜೇಶ್ ಶೆಟ್ರ್ ಈ ಬೂಕುಡು ನಮೂನೆ ನಮೂನೆದ ಮೋನೆದ ಬಗ್ಗೆ ಬರೆತೆರ್ ಪಂದ್ ಪಂಡೆರ್.

ಲೇಸ್‌ದ ಗುರ್ಕಾರ್ಮೆ ವಹಿಸೊನ್ಯ ಒಎನ್‌ಜಿಸಿ-ಎಂಆರ್‌ಪಿಎಲ್‌ದ ಸಿಎಸ್‌ಆರ್ ವಿಭಾಗದ ಜನರಲ್ ಮ್ಯಾನೇಜರ್ ವೀಣಾ ಟಿ.ಶೆಟ್ಟಿ ಪಾತೆರ್ದ್, ಒವ್ವೇ ಕಡೆಟ್ಟ್ ಒಂಜಿ ಗಳಿಗೆ ತೂಯರೆ ತಿಕ್ಕಿನ ಮೋನೆಡ್ ಮೂಡ್ದಿನ ಬೇತೆ ಬೇತೆ ಭಾವೊದ ಬೆರಿ ಪತ್ತ್‌ದ್ ಕಬಿತೆ ಆತ್ಂಡ್. ಪತ್ರಿಕೋದ್ಯಮ ವೃತ್ತಿಗ್ ಸೇರಿಯೆರ್‌ಡಲ ಅಲ್ಪದ ಒತ್ತಡದ ಬೆನ್ನಾಟಿಕೆದ ನಡುಟುಲ ಕಬಿತೆ ಬರೆಪುನೆನ್ ಬುಡ್ತಿಜೆರ್ ಪಂದ್ ಪಂಡೆರ್.

ಸಾಹಿತಿ, ಕವಿ, ಪ್ರಾಧ್ಯಾಪಕೆರ್ ರಘು ಇಡ್ಕಿದು ಮೇರ್ ಕೃತಿತ್ತ ಪೊಲಬುನ್ ತೆರಿಪಾಯೆರ್. ರಾಜೇಶ್ ಶೆಟ್ಟಿ ದೋಟ ಲೇಸ್‌ಡ್ ಇತ್ತೆರ್. ಪೆರಿಯ ಪತ್ರಕರ್ತೆರ್ ಪಿ.ಬಿ ಹರೀಶ್ ರೈ ಲೇಸ್ ಸುದಾರಿಕೆ ಮಲ್ತೆರ್.

Poetry series of Rajesh Shetty Doota “Mugudarege” released

Mangalore Sahitya Prakashana publication ” Mugudaregu” Tulu poetry series,by Rajesh Shetty Doota Book release function was held on Wednesday the 28 th of December at the Press club.

The book release honours was done by Dr Vasanth Kumar Perla retired program chief of Mangalore Akashavani.

Speaking on the occasion he explained the metaphor in the title of the poetry series and told how the poet Rajesh Shetty had beautifully brought about comparison between seemingly unlike characters.

The program was presided by Veena T Shetty GM ONGC – MRPL CSR department who said that the poetry defined the fleecing moments of memories of faces seen on different occasions.

Author, litterateur and teacher Raghu Idkadu introduced the book to the audience. Senior journalist P B Harish Rai hosted the program.

ನಾಲ್ ವರ್ಷರ್ದ್ ಬೊಕ್ಕ ತರೆಕೂಜಲ್ ದೆಪ್ಪಾಯಿನ ಶ್ರೀ ರಾಮಸೇನಾ ಮುಖಂಡೆ

ಚಿಕ್ಕಮಗಳೂರು: ದತ್ತಪೀಠಗ್ ಹಿಂದೂ ಅರ್ಚಕೆರೆನ್ ನೇಮಕ ಮಲ್ಪುನ ನಿಲೆಟ್ಟ್ ಪಂಡಿನ ಪರಕೆನ್ ಇನಿ ಶ್ರೀ ರಾಮಸೇನೆದ ಕಾರ್ಯಾಧ್ಯಕ್ಷೆರ್ ಗಂಗಾಧರ್ ಕುಲಕರ್ಣಿ ದತ್ತಪೀಠಡ್ ಕೂಜಲ್ ದೆತ್ತ್‌ದ್ ಪಂತಿನ ಪರಕೆನ್ ಸಂದಾಯೆರ್.

ಹಿಂದೂ ಅರ್ಚಕೆರೆನ್ ದತ್ತಪೀಠಗ್ ಪಾಡೊಡು ಇಜ್ಜಿಂಡ ಕೂಜಲ್ ದೆಪ್ಪುಜಿ ಪಂದ್ ನಾಲ್ ವರ್ಷದ ಪಿರವು ಗಂಗಾಧರ ಕುಲಕರ್ಣಿ ಪರಕೆ ಪಂದಿತ್ತೆರ್. ಅಂಚಾದ್ ಇತ್ತೆ ಹಿಂದೂ ಅರ್ಚಕೆರೆನ್ ಪಾಡಿನೆಡ್ದಾವರ ಈ ಪರಕೆನ್ ಸಂದಾಯೆರ್.

ಇಲ್ಲಗ್ ನಡುರಾತ್ರೆ ತೂ ಬೂರ್ದು ಒಂಜೇ ಕುಟುಮದ 4 ಜನ ತೀರ್ ಪೋಯೆರ್

ಉತ್ತರ ಪ್ರದೇಶ: ನಡುರಾತ್ರೆ ಇಲ್ಲಗ್ ತೂ ಪೊತ್ತ್‌ದ್ ಒಂಜೇ ಕುಟುಮದ 4 ಜನ ತೀರ್ ಪೋಯಿನ ಘಟನೆ ಉತ್ತರ ಪ್ರದೇಶದ ಮೌ ಜಿಲ್ಲೆದ ಶಾಹ್ಪುರ್ ಗ್ರಾಮಡ್ ನಡತ್ಂಡ್.

ಗದ್ದಿದೇವಿ ಬೊಕ್ಕ ಅರೆನ ಮೂಜಿ ಜೋಕುಲು ತೀರ್ ಪೋತೆರ್. ಇಲ್ಲದ ಸ್ಟವ್‌ರ್ದ್ ತೂ ಪೊತ್ತ್‌ದ್ ಇಡೀ ಇಲ್ಲಗ್ ತೂ ಪೊತ್ತ್‌ದ್ಂಡ್.

ಜ.1-8: ಬ್ರಹ್ಮರಕೂಟ್ಲು ಶ್ರೀ ಮೂಕಾಂಬಿಕಾ ಕೃಪಾ, ಶ್ರೀ ರಾಮ ಭಜನಾ ಮಂದಿರ(ರಿ.) ನೆತ್ತ 51 ನೇ ವರ್ಷದ ಏಕಾಹ ಭಜನೆ ಉಚ್ಚಯ

ಬಂಟ್ವಾಳ: ಕಳ್ಳಿಗೆ ಶ್ರೀ ಮೂಕಾಂಬಿಕಾ ಕೃಪಾ, ಶ್ರೀ ರಾಮ ಭಜನಾ ಮಂದಿರ(ರಿ.) ನೆತ್ತ 51 ನೇ ವರ್ಷದ ಏಕಾಹ ಭಜನೆ ಉಚ್ಚಯ ಜ.1ರ್ದ್ 8 ಮುಟ್ಟ ನಡಪರೆ ಉಂಡು.

ಜ.1 ಐತಾರ ಭಜನೆ ಸಂಕೀರ್ತನೆ, ಮಹಾಪೂಜೆ, ಅನ್ನಸಂತರ್ಪಣೆ, ಕೈತಲ್ ದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ಲೇಸ್, ಧಾರ್ಮಿಕ ಸಭಾ ಲೇಸ್, ಪ್ರತಿಭಾ ಪುರಸ್ಕಾರ, ಬೊಕ್ಕ ಯಾನ್ ಉಲ್ಲೆತ್ತ ತುಳು ನಾಟಕ ನಡಪುಂಡು. ಜ.2 ಸೋಮಾರರ್ದ್ ಜ.6 ಶುಕ್ರಾರ ಮುಟ್ಟ ಸಂಧ್ಯಾ ಭಜನೆ ಬೊಕ್ಕ ಜ.6 ಶುಕ್ರಾರ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಪಾವಂಜೆ ಮೊಕ್ಲೆರ್ದ್ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು. ಜ.7 ಶನಿವಾರ 51 ನೇ ಏಕಾಹ ಭಜನೆ ಉಚ್ಚಯ ಸುರು ಆಪುಂಡು. ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಜ.8 ಐತಾರ 51 ನೇ ಏಕಾಹ ಭಜನೆ ಉಚ್ಚಯದ ಮಂಗಳ ಆಚರಣೆ, ಪ್ರಸಾದ ಕೊರಿಯೆರೆ ಉಂಡು. ಬೊಕ್ಕ ಆನಂದ ಭಜನೆ ನಡಪುಂಡು ಪಂದ್ ಶ್ರೀ ರಾಮ ಭಜನಾ ಮಂದಿರ(ರಿ.)ದ ಅಧ್ಯಕ್ಷೆರ್, ಸರ್ವಸದಸ್ಯೆರ್, ಆಡಳಿತ ಸಮಿತಿ, ಉಚ್ಚಯ ಸಮಿತಿ ಬೊಕ್ಕ ಮಾತೃ ಮಂಡಳಿದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ ರ್ದ್ ಪಣವುದ ಸಕಾಯ

ಮಿಜಾರ್ ದ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ ರ್ದ್ ಕುಡ್ಲ ತಾಲೂಕ್ ದ ರಡ್ಡ್ ಬಡಪತ್ತ್ ದ ಕುಟುಂಬಗ್ 20, 20, ಸಾರ ರೂ. ಪಣವುದ ಸಕಾಯನ್ ಕೊರಿಯೆರ್.

ಮುತ್ತೂರು ಗ್ರಾಮದ ನಿವಾಸಿ ವೇದಾವತಿ ಮೇರೆಗ್ ರಿಕ್ಷಾ ಆಕ್ಸಿಡೆಂಟ್ ಆದ್ ಸೊಂಟಗ್ ಪೆಟ್ಟಾದ್ ಜೆತ್ತಿನಲ್ಪನೇ ಇತ್ತೆರ್. ಮೆರೆನ ಚಿಕಿತ್ಸೆಗ್ 5 ಲಕ್ಷ ರೂ. ಬೋಡು ಪಂದ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ ಗ್ ಬಿನ್ನಾಪು ಮಲ್ತ್ ದ್ ಇತ್ತೆರ್. ಅಂಚಾದ್ ಈ ಕುಟುಂಬಗ್ 20,000/- ಚೆಕ್ ನ್ ಪಟ್ಟಿಯೆರ್. ಅಂಚನೆ ಗುರುಪುರ ಕಿನ್ನಿಮಜಲು ನಿವಾಸಿ ಕಸ್ತೂರಿ ಮೇರ್ 6 ತಿಂಗೊರ್ಲೊದಿಂಚಿ ಶ್ವಾಸಕೋಶದ ಕ್ಯಾನ್ಸರ್ ರ್ದ್ ನರಲೊಂದು ಉಲ್ಲೆರ್. ಮೆರೆನ ಚಿಕಿತ್ಸೆಗ್ 7-8 ಲಕ್ಷ ರೂ. ದ ಅಗತ್ಯ ಉಂಡು. ಈ ಕುಟುಂಬಗ್ 20,000/- ರೂ. ದ ಚೆಕ್ ನ್ ಕೊರಿಯೆರ್. ಈ ಪೊರ್ತುಡು ಗಂಗಾಧರ್ ಪೂಜಾರಿ, ಗೋಪಾಲ್ ಗೌಡ ಎಡಪದವು, ಸುಬ್ರಮಣ್ಯ ಕೋರ್ಡೆಲ್, ಭುಜಂಗ ಕುಲಾಲ್ ಅದ್ಯಪಾಡಿ, ಚಂದ್ರಕಾಂತ್, ಹರೀಶ್ ಫಿಟ್ಟರ್, ಚಂದ್ರಕಾಂತ್ ಎಡಪದವು ಬೊಕ್ಕ ಕೂಟದ ಪದಾಧಿಕಾರಿಲು ಇತ್ತೆರ್.

ತಿಬರಾಯನದ ಪೊರ್ತುಡು ಮುಲ್ಕಿ ಅರ್ಪಣಾ ಸೇವಾ ಟ್ರಸ್ಟ್ ಒಟ್ಟು ಮಲ್ತಿನ ಪನವುದ ಸಕಾಯ ಪಟ್ಟುನ ಲೇಸ್

ತಿಬಾರ ಕೊಡಮಣಿತ್ತಾಯ ಜಾತ್ರೆಡ್ ಮುಲ್ಕಿದ ಅರ್ಪಣಾ ಸೇವಾ ಟ್ರಸ್ಟ್ ಬೊಕ್ಕ ಬೇತೆ ಬೇತೆ ಸಂಘ ಸಂಸ್ಥೆಲೆನ ಸಹಕಾರಡ್ ತಿಬರಾಯನ ಸೇವಾ ಯೋಜನೆದಡಿಟ್ ತ್ರಿಶಾ ಪನ್ಪುನ 4 ವರ್ಷದ ಬಾಲೆದ ಶ್ವಾಸಕೋಶದ ಚಿಕಿತ್ಸೆಗ್ 78,993 ರೂ.ದ ಚೆಕ್ ನ್ ಅಪ್ಪೆ ಹೇಮಾವತಿ ಮೆರೆಗ್ ಅಂಚೆನೆ ಧ್ರುವ ಪನ್ಪಿನ 4 ವರ್ಷದ ಬಾಲೆದ ಮೂತ್ರಪಿಂಡದ ಸರ್ಜರಿಗಾದ್ 78,992 ರೂ. ದ ಚೆಕ್ ನ್ ಅಮ್ಮೆರ್ ಚೇತನ್ ಪೂಜಾರಿ ಮೆರೆಡ ಡಿ.25ಕ್ ಶಿಬರೂರು ದೇವಲ್ಯಡ್ ಕೊರಿಯೆರ್.

ಈ ಲೇಸ್ ಡ್ ದೇವಲ್ಯದ ಗುತ್ತಿನಾರ್ ಎನ್. ಉಮೇಶ್ ಶೆಟ್ಟಿ, ಪ್ರಮುಖೆರಾಯಿನ ಕೆ. ಆರ್. ಶೆಟ್ಟಿ ಅಡ್ಯಾರ್ ಪದವು ಬೊಕ್ಕ ಅರ್ಪಣಾ ಸೇವಾ ಟ್ರಸ್ಟ್ ದ ಸದಸ್ಯೆರ್ ಬೊಕ್ಕ ಬೇತೆ ಬೇತೆ ಸಂಘ ಸಂಸ್ಥೆದ ಪ್ರಮುಖೆರ್ ಪಾಲ್ ಪಡೆದಿತ್ತೆರ್.

You Missed