ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

Four persons killed in a shoot out at Alabama in USA ಅಮೆರಿಕದ ಅಲಬಾಮಾ ರಾಜ್ಯಡ್ ಗುಂಡು ಬುಡ್ದು ನಾಲ್ ಜನನ್ ಕೆರಿಯೆರ್!

ಅಮೆರಿಕದ ಅಲಬಾಮಾ ರಾಜ್ಯದ ಡ್ಯಾಡಿವಿಲ್ಲೆ ಪ್ರದೇಶಡ್ ಪುಟ್ಟುಪರ್ಬದ ಪಾರ್ಟಿಡ್ ಗುಂಡುದ ದಾಳಿ ನಡತ್ಂಡ್.

ಈ ಘಟನೆಡ್ ನಾಲ್ ಜನ ತೀರ್ ಪೋತೆರ್. 16 ರ್ದ್ ಎಚ್ಚ ಜನಕ್ಕ್ ಪೆಟ್ಟಾತ್ಂಡ್. ತೀರ್ ಪೋಯಿನಕ್ಲೆನೆಟ್ಟ್ ಪುಟ್ಟು ಪರ್ಬ ಆಚರಣೆ ಮಲ್ತೊಂದು ಇತ್ತಿನ 16 ವರ್ಷದ ಪೊಣ್ಣನ ಸಹೋದರೆ ಫಿಲ್ ಲ ಉಲ್ಲೆರ್. ನೆತ್ತ ಬಗೆಟ್ ತನಿಖೆ ನಡಪಾವೊಂದು ಉಲ್ಲ ಪಂದ್ ಪೊಲೀಸೆರ್ ತೆರಿಪಾದೆರ್.

Four persons killed in a shoot out at Alabama in USA

At a shoot out in a birthday party, four persons were killed in Daddy Villa in Alabama in USA. More than 16 persons were injured.

Investigation is being carried out on the matter by the police.

Congress to release it’s fourth list of candidates today ಕಾಂಗ್ರೆಸ್ ಅಭ್ಯರ್ಥಿಲೆನ 4ನೇ ಪಟ್ಟಿ ಇನಿ ಬುಡುಗಡೆ

ಕರ್ನಾಟಕ ವಿಧಾನಸಭೆ ವೋಟುಗು ಇಡೇ ಮುಟ್ಟ ಕಾಂಗ್ರೆಸ್ ಅಭ್ಯರ್ಥಿಲೆನ ಮೂಜಿನೇ ಪಟ್ಟಿ ಬುಡುಗಡೆ ಆತ್ಂಡ್. ಇನಿ 15 ಕ್ಷೇತ್ರಲೆಗ್ 4ನೇ ಪಟ್ಟಿ ಬುಡುಗಡೆ ಅವೆರೆ ಉಂಡು.

ಕಾಂಗ್ರೆಸ್ ಒಟ್ಟು 209 ಕ್ಷೇತ್ರಲೆಗ್ ಅಭ್ಯರ್ಥಿಲೆನ್ ಘೋಷಣೆ ಮಲ್ದ್ಂಡ್. ಜಗದೀಶ್ ಶೆಟ್ಟರ್ ಮೆರೆನ ಹುಬ್ಬಳ್ಳಿ-ಧಾರವಾಡ ಸೆಂಟ್ರಲ್, ಸಿಎಂ ಬೊಮ್ಮಾಯಿ ಮೆರೆನ ಕ್ಷೇತ್ರ ಶಿಗ್ಗಾವಿ ಕ್ಷೇತ್ರಲೆಗ್ ಇನಿ ಟಿಕೆಟ್ ಘೋಷಣೆ ಆವೆರೆ ಉಂಡು.

April 30th: UAE Bunts- 46 th annual get-together; Bunta Vibhushan Award to be presented ಎ.30: ಯು.ಎ.ಇ ಬಂಟ್ಸ್ ದ 46ನೇ ವರ್ಷದ ಕೂಡು ಕಟ್ಟ್, ಬಂಟ ವಿಭೂಷಣ ಪ್ರಶಸ್ತಿ ಲೇಸ್

ದುಬೈ: ಯು.ಎ.ಇ.ಬಂಟ್ಸ್ ದ 46ನೇ ವರ್ಷದ ಕೂಡುಕಟ್ಟ್ ಬೊಕ್ಕ ಪ್ರತಿ ವರ್ಷ ಕೊರ್ಪಿನ 2023 ನೇ ಸಾಲ್ ದ “ಬಂಟ ವಿಭೂಷಣ ಪ್ರಶಸ್ತಿ” ಪ್ರದಾನ ಲೇಸ್ ಎ.30 ಐತಾರ ಬೊಲ್ಪುರ್ದ್ ಬಯ್ಯ ಮುಟ್ಟ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ದೊಟ್ಟಿಗೆ ನಡಪರೆ ಉಂಡು.

ದುಬೈ ದೇರಾದ ಬ್ರಿಸ್ಟೊಲ್ ಹೋಟೆಲ್ (The Bristol Hotel Deira Dubai) ಡ್ ನಡಪುನ ಈ ಲೇಸ್ ದ ಗುರ್ಕಾರ್ಮೆನ್ ಯು.ಎ.ಇ ಬಂಟ್ಸ್ ದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ ಮೇರ್ ಒಯಿಸೊನ್ವೆರ್. ಈ ಲೇಸ್ ಗ್ ಬಿನ್ನೆರಾದ್ ಸಮನ್ವಯಕಾರೆರ್, ಬೊಂಬೈದ ಉದ್ಯಮಿ, ಲೇಸ್ ದ ಸಂಘಟಕೆರ್, ನಿರೂಪಣೆಕಾರೆ ಅಶೋಕ್ ಪಕ್ಕಳ ಮೇರ್ ಪಾಲ್ ಪಡೆಯರೆ ಉಲ್ಲೆರ್.

ಅಂಚೆನೆ ಪ್ರತಿ ವರ್ಷ ಕೊರ್ಪಿನ “ಬಂಟ ವಿಭೂಷಣ ಪ್ರಶಸ್ತಿನ್ ಈ ವರ್ಷ ಆಳ್ವಾಸ್ ಶಿಕ್ಷಣ ಸಂಸ್ಥೆದ ಗುರ್ಕಾರ್ಲು ಡಾ.ಮೋಹನ್ ಆಳ್ವ ಮೆರೆಗ್ ಗೌರವ ಪ್ರಧಾನ ಮಲ್ಪರೆ ಉಂಡು.

ಯು.ಎ.ಇ.ಡ್ ಇಪ್ಪುನ ಬಂಧುಇಷ್ಟೆರ್ ಈ ಲೇಸ್ ಡ್ ಪಾಲ್ ಪಡೆದ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಯು.ಎ.ಇ. ಬಂಟ್ಸ್ ದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ, ಉಪಾಧ್ಯಕ್ಷೆರ್ ಪ್ರವೀಣ್ ಕುಮಾರ್ ಶೆಟ್ಟಿ, ಕಾರ್ಯದರ್ಶಿ ದೇವೇಶ್ ಆಳ್ವ, ಕೋಶಾಧಿಕಾರಿ ಅನಿತಾ ದಯಾನಂದ ಶೆಟ್ಟಿ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)
(+971552032097)

April 30th: UAE Bunts- 46 th annual get-together; Bunta Vibhushan Award to be presented

Dubai: The Bunta Vibhushana Award 2023 will be presented at the Annual get together of the UAE Bunts will be held on April 30 th .

The program will be held at The Bristol Hotel Deira Dubai and will be presided by the president of the Bunts Association , UAE Sri Sarvottam Shetty.The chief guest at the function is enterpreneur from Mumbai Ashok Pakkala.

The prestigious Bunta Vibhushana Award 2023 will be presented to Dr Mohan Alva of Alvas Educational institutions, Moodbidri.

The program will be a day of cultural events and entertainment program . A warm welcome to all from the Bunts community UAE from- Sarvottam Shetty, President Bunts Association UAE.

Vice President – Praveen Kumar Shetty
Secretary – Devesh Alva
Treasurer – Anita Dayanand Shetty.

11 persons die of Sunstroke in Mumbai ಬೊಂಬೈಡ್ ದೊಂಬುದ ಪೆಟ್ಟ್ ಗ್ 11 ಜನ ತೀರ್ ಪೋಯೆರ್

ನವಿ ಬೊಂಬೈಡ್ ನಡತಿನ ಮಹಾರಾಷ್ಟ್ರ ಭೂಷಣ ಪ್ರಶಸ್ತಿ ಕೊರ್ಪಿನ ಲೇಸ್ ಡ್ ದೊಂಬುದ ಬಿರ್ಸ್ ಗ್ 11 ಜನ ತೀರ್ ಪೋತೆರ್. ‌

ಅತ್ತಂದೆ 600 ಜನ ಹುಷಾರ್ ತತ್ತ್ ದೆರ್. ಸಾವುದ ಸಂಖ್ಯೆ ಎಚ್ಚಾಪುನ ಅಂದಾಜಿ ಉಂಡು ಪಂದ್ ವರದಿ ಆತ್ಂಡ್. ಟೆಂಟ್ ಪಾಡಂದಿನ ಕಾರಣ ಸಾರರ್ದ್ ಎಚ್ಚ ಜನ ದೊಂಬುಡೇ ಕುಲ್ಲುದು ಲೇಸ್ ತೂಪುಲೆಕ್ಕ ಆಂಡ್. ನೇರ್ದ್ ದೊಂಬುಗು ಬಚ್ಚಿದ್ ಜನ ಸೈದೆರ್ ಪಂದ್ ತೆರಿದ್ ಬೈದ್ಂಡ್. ‌ಈ ಸಭೆಕ್ಕ್ ಮಧ್ಯಪ್ರದೇಶ, ಗುಜರಾತ್, ಕರ್ನಾಟಕರ್ದ್ ಜನ ಬತ್ತಿತ್ತೆರ್.

11 persons die of Sunstroke in Mumbai

At a program organised at New Mumbai to present the Maharashtra Bhushan awards ; 11 persons reportedly died of Sunstroke.

More than 600 persons took ill . People from MP, Gujrat and Karnataka had come down to attend the program. As no pandal was put up most of the person’s had to stand in the hot sun to watch the program.

Kukke Subramanya is the state’s richest temple !! ಕುಕ್ಕೆ ಸುಬ್ರಹ್ಮಣ್ಯ ರಾಜ್ಯದ ನಂ.1 ಸಿರಿವಂತಿಗೆದ ದೇವಲ್ಯ

ಪುಗರ್ತೆದ ಪುಣ್ಯಕ್ಷೇತ್ರ ದಕ್ಷಿಣ ಕನ್ನಡದ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯ ಈ ಸರ್ತಿ 123 ಕೋಟಿ ರೂ. ಆದಾಯ ಪಡೆದ್ ಸಿರಿವಂತಿಗೆಡ್ ರಾಜ್ಯಡೇ ನಂ.1 ತಾನ ಪಡೆತ್ಂಡ್.

2022 ತ್ತ ಎಪ್ರಿಲ್ ರ್ದ್ 2023 ತ್ತ ಮಾ.31 ಮುಟ್ಟ ಆರ್ಥಿಕ ವರ್ಷಡ್ 123,64,49,480 ರೂ. ಆದಾಯ ಆತ್ಂಡ್. ಆಂಡ ಕೊರೊನಾರ್ದ್ 2021-22 ನೇ ಸಾಲ್ ಡ್ 72,73,23,758 ರೂ. ಆದಾಯ ಪಡೆತ್ಂಡ್. ಕುಕ್ಕೆ 2007 ರ್ದ್ ದಿಂಚಿಗ್ ಎಚ್ಚದ ಆದಾಯ ಪಡೆಪುನ ಮುಖೇನ ರಾಜ್ಯದ ಶ್ರೀಮಂತ ದೇವಲ್ಯ ಆತ್ಂಡ್.

Kukke Subramanya is the state’s richest temple !!

Kukke Subramanya temple with an income of 123 crores received this year is the richest temple in Karnataka.

Mangalore International airport – gets the Apex India Green Leaf Award ಕುಡ್ಲ ಅಂತರ್ ರಾಷ್ಟ್ರೀಯ ಇಮಾನ ನಿಲ್ದಾಣಗ್ ಅಪೆಕ್ಸ್ ಇಂಡಿಯಾ ಗ್ರೀನ್ ಲೀಫ್ ಪ್ರಶಸ್ತಿ

ಕುಡ್ಲ ಅಂತರ್ ರಾಷ್ಟ್ರೀಯ ಇಮಾನ ನಿಲ್ದಾಣ ಅಪೆಕ್ಸ್ ಇಂಡಿಯಾ ಫೌಂಡೇಶನ್‌ ರ್ದ್ ಪರಿಸರ ಸುಸ್ಥಿರತೆಗಾದ್ ಪುಗರ್ತೆದ ಅಪೆಕ್ಸ್ ಇಂಡಿಯಾ ಗ್ರೀನ್ ಲೀಫ್ ಅವಾರ್ಡ್- 2022 ಪಡೆತ್ಂಡ್.

ಗೋವಾಡ್ ಅಂಗಾರೆ ನಡತಿನ ಸಮ್ಮೇಳನಡ್ ಪುಗರ್ತೆದ ನಟಿ ಪೂನಂ ಧಿಲ್ಲೋನ್ ಪ್ರಶಸ್ತಿನ್ ಪ್ರದಾನ ಮಲ್ದೆರ್. ಎಎಎಚ್‌ಎಲ್‌ದ ಡಿಜಿಎಂ (ಇಎಚ್‌ಎಸ್) ಅಝರುದ್ದೀನ್ ಕಾಝಿ, ಪರಿಸರ ಅಧಿಕಾರಿ ಕೃತಿ ಜೈನ್ ಬೊಕ್ಕ ಇಮಾನ ನಿಲ್ದಾಣದ ಪರಿಸರ ಅಧಿಕಾರಿ ಶ್ರೀಧರ್ ಮಹಾವರ್ಕರ್ ಪ್ರಶಸ್ತಿನ್ ಸ್ವೀಕಾರ ಮಲ್ತೆರ್.

ಈ ಮನ್ನಣೆ ಸುಸ್ಥಿರತೆ ಬೊಕ್ಕ ಹಸಿರು ಭವಿಷ್ಯನ್ ಕಟ್ಟಾವುನ ಸಂಸ್ಥೆದ ಏಪಲ ಪ್ರಯತ್ನಗ್ ಸಾಕ್ಷಿ ಆತ್ಂಡ್ ಪಂದ್ ಕುಡ್ಲ ಅಂತರ್ ರಾಷ್ಟ್ರೀಯ ಇಮಾನ ನಿಲ್ದಾಣದ ಪ್ರಕಟಣೆ ತೆರಿಪಾದ್ಂಡ್.

Mangalore International airport – gets the Apex India Green Leaf Award

The prestigious Apex India Green Leaf Award 2022 given for environmental conservation was bagged by the Mangalore international airport.

The award was presented by Actress Poonam Dhillon at a program at Goa . AAHL DGM Azzrudin Kaju, Environmental officer Krithi Jain, Shreedhar Mahavarkar were present on the occasion.

” Gouji Gammat ” Tulu film released at Tulunadu ತುಳುನಾಡ್ ಡ್ ಬುಡುಗಡೆ ಆಂಡ್ ಗೌಜಿ ಗಮ್ಮತ್ ತುಳು ಪಿಕ್ಚರ್

ಕುಡ್ಲ: ಮೋವಿನ್ ಫಿಲಂಸ್ ಲಾಂಛನಡ್ ತಯಾರ್ ಆಯಿನ ಗೌಜಿಗಮ್ಮತ್ ತುಳು ಪಿಕ್ಚರ್ ಸುಕ್ರಾರ ಭಾರತ್ ಮಾಲ್ ದ ಬಿಗ್ ಸಿನಿಮಾಸ್ ಡ್ ಬುಡುಗಡೆ ಆಂಡ್.

ಲೇಸ್ ಡ್ ತುಡರ್ ಅರ್ಲಾಪುನ ಮುಖೇನ ಉದಿಪನ ಮಲ್ತ್ ದ್ ಪುಗರ್ತೆದ ರಂಗಕರ್ಮಿ, ಚಲನ ಚಿತ್ರ ನಿರ್ದೇಶಕೆರ್ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ಮೇರ್ ಪಾತೆರ್ದ್, ನಿರ್ಮಾಪಕೆರಾಯಿನ ಮೋಹನ್ ಭಟ್ಕಳ್ ಬೊಕ್ಕ ವಿನಾಯಕ ತೀರ್ಥಹಳ್ಳಿ ಮೆರೆನ ಶ್ರಮ ಗೌಜಿ ಗಮ್ಮತ್ ಸಿನಿಮಾ ಯಶಸ್ಸ್ ತೂಪುನ ಮುಖೇನ ನನಾತ್ ಜನಕ್ಕ್ ಪ್ರೇರಣೆ ಅವಡ್, ಪಿಕ್ಚರ್ ನ್ ತುಳುನಾಡ್ ದ ಸರ್ವಧರ್ಮದ ಜನಕುಲು ಇಷ್ಟಪಡೆಪುನ ಮುಖೇನ ಪಿಕ್ಚರ್ ಯಶಸ್ಸು ಅವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.

ಬೊಕ್ಕ ಅರವಿಂದ್ ಬೋಳಾರ್ ಮೇರ್ ಪಾತೆರ್ದ್, ಶ್ರಮ ಒಯಿಸಾದ್ ನಿರ್ಮಾಣ ಆದ್ ಬುಡುಗಡೆ ಆಯಿನ ಈ ಪಿಕ್ಚರ್ ಗೆಲ್ಪೊಡು. ನೇರ್ದ್ ತುಳು ಪಿಕ್ಚರ್ ನಿರ್ಮಾಪಕೆರೆಗ್ ನನಾತ್ ಎಡ್ಡೆ ಪಿಕ್ಚರ್ ಮಲ್ಪರೆ ಧೈರ್ಯ ಬರ್ಪುಂಡು ಪಂದ್ ಪಂಡೆರ್.

ಪಿಕ್ಚರ್ ದ ನಿರ್ಮಾಪಕೆರ್, ನಿರ್ದೇಶಕೆರ್ ಪ್ರಕಾಶ್ ಪಾಂಡೇಶ್ವರ್ ಪಾತೆರ್ದ್, ಗೌಜಿ ಗಮ್ಮತ್ ಪಿಕ್ಚರ್ ನ್ ಮತ ತುಳುವೆರ್ ತೂದು ಚಿತ್ರತಂಡನ್ ಆಶೀರ್ವಾದ ಮಲ್ಪೊಡು. ತುಳು ಚಿತ್ರರಂಗದ ಮತೆರ್ಲಾ ಒಗ್ಗಟ್ಟಾಂಡ ನಮ್ಮ ನೆಲತ್ತ ತುಳು ಪಿಕ್ಚರ್ ಯಶಸ್ಸ್ ಅಪುಂಡು ಪಂದ್ ಪಂಡೆರ್.

ಈ ಪೊರ್ತುಡು ಅರ್ಜುನ್ ಕಾಪಿಕಾಡ್, ಪ್ರಕಾಶ್ ತೂಮಿನಾಡ್, ನಿರ್ಮಾಪಕೆರ್ ವಿನಾಯಕ ತೀರ್ಥಹಳ್ಳಿ, ಮೋಹನ್ ಭಟ್ಕಳ್, ನಿರ್ದೇಶಕೆರ್ ಎಜೆ ಮಣಿ ಕಾರ್ತಿಕೇಯನ್, ಪೆರಿಯ ನಟಿ ಜಯಶೀಲ, ಜಗನ್ನಾಥ ಶೆಟ್ಟಿ ಬಾಳ, ಮೋಹನ್ ಕೊಪ್ಪಲ, ಪ್ರಭಾಕರ ಬ್ರಹ್ಮಾವರ್, ರಾಮದಾಸ್ ಸಸಿಹಿತ್ಲು, ಗಣೇಶ್ ಕಾಮತ್, ಸಂದೀಪ್ ಬೆದ್ರ, ನಾಯಕೆ ನಟ ಕರ್ಣ ಉದ್ಯಾವರ, ನಟಿ ಸ್ವಾತಿ ಪ್ರಕಾಶ್ ಶೆಟ್ಟಿ, ಕಿಶೋರ್ ಬೆದ್ರ, ಚೇತಕ್ ಪೂಜಾರಿ, ಡಿ ಬಿ ಮಂಜುನಾಥ ಇತ್ತೆರ್.

ವೀಕ್ಷಿತ್ ಕೆಮ್ತೂರ್ ಲೇಸ್ ದ ಸುಧಾರಿಕೆ ಮಲ್ತೆರ್. ಈ ಪಿಕ್ಚರ್ ಕುಡ್ಲದ ರೂಪವಾಣಿ, ಬಿಗ್ ಸಿನಿಮಾಸ್, ಪಿವಿಆರ್, ಸಿನಿಪೊಲಿಸ್ ಡ್, ಒಡಿಪುದ ಕಲ್ಪನಡ್, ಮಣಿಪಾಲದ ಭಾರತ್ ಸಿನಿಮಾ, ಐನಾಕ್ಸ್ ಡ್, ಪಡ್ಡೆದ್ರದ ಭಾರತ್ ಸಿನಿಮಾಡ್, ಸುರತ್ಕಲ್ ದ ನಟರಾಜ್, ಸಿನಿ ಗ್ಯಾಲಕ್ಸಿಡ್, ಪುತ್ತೂರ್ ದ ಅರುಣಾ, ಭಾರತ್ ಸಿನಿಮಾಡ್, ಬೆದ್ರದ ಅಮರಶ್ರೀಡ್, ಕಾರ್ಲದ ರಾಧಿಕಾಡ್ ಬುಡುಗಡೆ ಆಂಡ್.

ಈ ಪಿಕ್ಚರ್ ದ ಕಥೆತ್ತ ಸಾರಾಂಶ

ಸುಂದರ ಕುಟುಂಬದ ಹಾಸ್ಯವಾದ್ ಇಪ್ಪುನ ಕಥೆ ಸಾರಾಂಶದ ಪಿಕ್ಚರೇ ಗೌಜಿ ಗಮ್ಮತ್. ಒಂಜಿ ಸಂಸಾರಡ್ ಬೇತೆ ಬೇತೆ ರೀತಿದ ಮನಸ್ಥಿತಿದಕುಲು ಇಪ್ಪುವೆರ್. ಯಾನ್ ಪಂಡಿನನೇ ಸರಿ, ಯಾನ್ ಮಲ್ತಿನನೇ ಸರಿ ಪನ್ಪುನ ಸ್ಫರ್ಧಾತ್ಮಕ ವ್ಯಕ್ತಿತ್ವದಕುಲು ಇಪ್ಪುವೆರ್. ಅವು ಸಮಾಜಗ್ ಕೆಲವೊರ ಹಾಸ್ಯವಾದ್ ತೋಜುಂಡು. ಕೆಲವೊರ ಗಂಭೀರವಾದ್ ತೋಜುಂಡು. ಆಂಡ ಆ ಮನಸ್ಥಿತಿ ಇಪ್ಪುನ ಭಾವನೆಲು ಕೆಲವೊರ ಮನಸ್ ಮುಟ್ಟುಲೆಕ್ಕ ಇಪ್ಪುಂಡು. ಆ ಭಾವನೆಲು ಬೊಕ್ಕ ಭಾವನೆದ ಉದ್ದೇಶಲು, ಜೀವನಡ್ ಎದುರಾಪುನ ಸಮಸ್ಯೆಲೆನ್ ಆ ಪಾತ್ರಲು ಎಂಚ ಸರಿ ಮಲ್ಪುವ ಪನ್ಪುನೆನ್ ಹಾಸ್ಯ ಮಿಶ್ರಿತವಾದ್ ತೊಜಿಪಾಯಿನ ಕಥೆನೇ ಗೌಜಿ ಗಮ್ಮತ್.

” Gouji Gammat ” Tulu film released at Tulunadu

” Gouji Gammat” Tulu film made under the Movin films banner was released at Bharat Mall Mangalore on Friday.

April 22 nd – 26 th – Kaup Beach festival ಎ.22-26: ಕಾಪು ಬೀಚ್ ಉಚ್ಚಯ

ವಾಕಿಂಗ್ ಡೈರೆಕ್ಟರಿ ಈವೆಂಟ್ ಮ್ಯಾನೇಜ್ಮೆಂಟ್ ವತಿರ್ದ್ ಕಾಪು ಬೀಚ್‌ಡ್ ಎ.22-26 ಮುಟ್ಟ ಬೀಚ್ ಉಚ್ಚಯ ನಡಪರೆ ಉಂಡು ಪಂದ್ ಆಯೋಜಕೆರ್ ಆರ್.ಡಿ. ಶೆಣೈ ತೆರಿಪಾದೆರ್.

ಒಡಿಪುಡ್ ನಡತಿನ ಸುದ್ದಿಗೋಷ್ಠಿಡ್ ಮೇರ್ ಪಾತೆರ್ದ್, ತೆನಸ್, ಸಾಂಸ್ಕೃತಿಕ, ಕೃಷಿ ಮೇಳ, ಫಲಪುಷ್ಪ ಪ್ರದರ್ಶನ, ಪೆಟ್ ಶೋ, ಚಿತ್ರಕಲಾ ಪ್ರದರ್ಶನ, ಪೊಯ್ಯೆದ ಕಲಾಕೃತಿ ಉಚ್ಚಯಡ್ ಉಂಡು. ಅತ್ತಂದೆ ನೂದು ಮಳಿಗೆನ್ ಪಾಡಿಯೆರೆ ಉಂಡು. ಅಂಚೆನೆ ಪ್ರತಿದಿನ ಬೊಲ್ಪುಗು 10 ಗಂಟೆರ್ದ್ ರಾತ್ರೆ 10 ಗಂಟೆ ಮುಟ್ಟ ಉಚ್ಚಯ ನಡಪರೆ ಉಂಡು. ಬಯ್ಯಗ್ 6 ಗಂಟೆರ್ದ್ 10 ಗಂಟೆ ಮುಟ್ಟ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು ಪಂದ್ ಪಂಡೆರ್. ಸುದ್ದಿಗೋಷ್ಠಿಡ್ ಆಯೋಜಕೆರ್ ಗಣೇಶ್ ಸುನಂದರಾಜ್ ಇತ್ತೆರ್.

April 22 nd – 26 th -Kaup Beach festival

Beach festival will be organised at Kaup beach from April 22-26 by the Walking Directory Events management said organiser R D Shenoy.

Speaking at a press conference at Udupi he said that the beach festival will have a host of activities like flower show, krishi mela, food festival, pet show cultural activities and the like. It will consist of 100 stalls and will be open from 10 a m morning till 10 p.m.