ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

April 27 th-Tulu Yakshagana play ” Appe Mantradevathe” to be played under the auspices of Manjolugudde Bhajana Mandira, Karimanelu ಎ.27: ಕರಿಮಣೇಲು ಗ್ರಾಮದ ನೂಯಿದಗೋಳಿ ಮಂಜೋಲುಗುಡ್ಡೆ ಭಜನಾ ಮಂದಿರಡ್ ಅಪ್ಪೆ ಮಂತ್ರದೇವತೆ ತುಳು ಆಟ

ನೂಯಿದಗೋಳಿ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಭಜನಾ ಮಂಡಳಿ ಬೊಕ್ಕ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ (ರಿ.) ನೆತ್ತ ಒಟ್ಟುಸೇರಿಗೆಡ್ 32ನೇ ವರ್ಷದ ಲೆಕ್ಕೊಡು ಬಜಪೆದ ಸುಂಕದಕಟ್ಟೆ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಮೊಕ್ಲೆರ್ದ್ ಅಪ್ಪೆ ಮಂತ್ರದೇವತೆ ತುಳು ಆಟ ಎ.27 ಗುರುವಾರ ರಾತ್ರೆ ಕರಿಮಣೇಲು ಗ್ರಾಮದ ನೂಯಿದಗೋಳಿ ಮಂಜೋಲುಗುಡ್ಡೆ ಭಜನಾ ಮಂದಿರಡ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬತ್ತ್ ದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಕರಿಮಣೇಲುದ ನೂಯಿದಗೋಳಿ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಭಜನಾ ಮಂಡಳಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

MAPS college -Books release function ಮ್ಯಾಪ್ಸ್ ಕಾಲೇಜ್ ಡ್ ಬೂಕು ಬುಡುಗಡೆ, ಬಿಸು ಪರ್ಬದ ಇಚಾರ ವಿನಿಮಯ ಲೇಸ್

ತುಳು ಪರಿಷತ್ ಬೊಕ್ಕ ಮ್ಯಾಪ್ಸ್ ಕಾಲೇಜ್ ಕುಡ್ಲ ನೆತ್ತ ಒಟ್ಟುಸೇರಿಗೆಡ್ ಲೇಖಕಿ ಶಾರದಾ ಅಂಚನ್ ಮೆರೆನ ‘ನಂಬಿ ಸತ್ಯೊಲು’ ಬೊಕ್ಕ ‘ರಕ್ತ ಶುದ್ಧಿ- ಆರೋಗ್ಯ ವೃದ್ಧಿ’ ಬೊಕ್ಕ ಡಾ. ಪ್ರಭಾಕರ ನೀರ್ ಮಾರ್ಗ ಮೆರೆನ ಕಾದಂಬರಿ ‘ಓಲಗ” ಬೂಕು ಬುಡುಗಡೆ ಲೇಸ್ ಬೊಕ್ಕ ಬಿಸು ಪರ್ಬದ ಇಚಾರ ವಿನಿಮಯ ಲೇಸ್ ಕುಡ್ಲ ಬಂಟ್ಸ್ ಹಾಸ್ಟೆಲ್ ಕೈತಲ್ ದ ಮ್ಯಾಪ್ಸ್ ಕಾಲೇಜ್ ಡ್ ನಡತ್ಂಡ್.

ಈ ಲೇಸ್ ಡ್ ಪುಗರ್ತೆದ ಸಾಹಿತಿ ಬಿ.ಎಂ. ರೋಹಿಣಿ ಮೇರ್ ಬೂಕುಲೆನ್ ಬಿಡುಗಡೆ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, ಈ ರಡ್ಡ್ ಲೇಖಕೆರ್ ವರ್ಷಗ್ ಒಂಜಿ ಅತ್ತಂಡ ರಡ್ಡ್ ಬೂಕು ಬುಡುಗಡೆ ಮಲ್ಪುನ ಮುಖೇನ ಆಶ್ಚರ್ಯ ಮೂಡಿಸಾದೆರ್. ಬೊಕ್ಕ ಮೂಜಿ ಬೂಕುನ್ ಒಟ್ಟಿಗೆ ಬುಡುಗಡೆ ಮಲ್ಪುನೇ ಮಸ್ತ್ ಇಸೇಸ ಆತ್ಂಡ್ ಪಂದ್ ಪಂಡೆರ್.

ತುಳು ಸಾಹಿತಿ ಕುಶಾಲಾಕ್ಷಿ ವಿ ಕುಲಾಲ್ ಕಣ್ವತೀರ್ಥ ಮೇರ್ ತುಳುನಾಡ್ ಡ್ ಬಿಸು ಪರ್ಬದ ಆಚರಣೆ ಬೊಕ್ಕ ಆಯಿತ್ತ ಮಹತ್ವದ ಬಗೆಟ್ ತೆರಿಪಾಯೆರ್.

ಲೇಖಕಿ ಶಾರದಾ ಅಂಚನ್ ಮೇರ್ ಪಾತೆರ್ದ್, ನಮ ಮಾತ ಸಜ್ಜನೆರೆನ ಸಹವಾಸ ಮಲ್ಪೊಡು. ಆಪನಗ ಅಕುಲು ನಮ್ಮ ಮಾತ ಪರಿಸ್ಥಿತಿಡ್ಲಾ ನಮಕ್ ಸಹಕಾರ ಕೊರ್ಪೆರ್ ಪಂದ್ ಪಂಡೆರ್. ‌

ಮ್ಯಾಪ್ಸ್ ಕಾಲೇಜ್ ದ ಅಧ್ಯಕ್ಷೆರ್ ದಿನೇಶ್ ಆಳ್ವ ಪಾತೆರ್ದ್, ಬಿಸು ಪರ್ಬದ ಮಹತ್ವ ಬೊಕ್ಕ ಆಚರಣೆದ ಬಗೆಟ್ ಕಲ್ಪಾರ್ಥಿಲೆಗ್ ಮನವರಿಕೆ ಮಲ್ತಿನ ಕುಶಾಲಾಕ್ಷಿ ಮೆರೆನ್ ಅಭಿನಂದಿಸಾದ್, ಕೃತಿತ್ತ ಲೇಖಕೆರೆಗ್ ಎಡ್ಡೆಪ್ಪು ಬಯಕಿಯೆರ್.

ಎಂ.ಆರ್.ಪಿ.ಎಲ್‍ದ ನಿವೃತ್ತ ಮಹಾಪ್ರಬಂಧಕೆರ್ ವೀಣಾ ಶೆಟ್ಟಿ ಮೇರ್ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದು ಪಾತೆರ್ದ್, ಕಲ್ಪಾರ್ಥಿಲು ನನ ತನ್ನ ಬದುಕ್ ನ್ ಕೇವಲ ಬೇಲೆಗ್ ಮಾತ್ರ ಸೀಮಿತವಾದ್ ದೀಯೆರೆ ಬಲ್ಲಿ. ಸಾಮಾಜಿಕ ಆಯಾಮ ನಮ್ಮ ಬದುಕ್ ಗ್ ಮಸ್ತ್ ಮುಖ್ಯ ಆತ್ಂಡ್.‌ ಕೇವಲ ಕಾಸ್ ಸಂಪಾದನೆಯೊಂಜೇ ಉದ್ದೇಶ ಅವಂದೆ, ನಮ್ಮ ಸಂಸ್ಕೃತಿ ಬೊಕ್ಕ ಆಚರಣೆದ ಬಗೆಟ್ ತೆರಿವೊನೊಡು ಪಂದ್ ಪಂಡೆರ್.

ಈ ಪೊರ್ತುಡು ಬಿನ್ನೆರಾದ್ ಚಂದ್ರಹಾಸ ಸುವರ್ಣ, ತುಳು ಪರಿಷತ್‍ದ ಪ್ರಧಾನ ಕಾರ್ಯದರ್ಶಿ ಬೆನೆಟ್ ಅಮ್ಮನ್ನ, ಸಾಹಿತಿ ಡಾ.ಪ್ರಭಾಕರ್ ನೀರ್ ಮಾರ್ಗ ಇತ್ತೆರ್. ತುಳು ಪರಿಷತ್ತ್ ದ ಅಧ್ಯಕ್ಷೆರ್ ತಾರಾನಾಥ ಗಟ್ಟಿ ಕಾಪಿಕಾಡ್ ಲೇಸ್ ನ್ ಸುಧಾರಿಕೆ ಮಲ್ತೆರ್. ಕೋಶಾಧಿಕಾರಿ ಶುಭೋಧಯ ಆಳ್ವ ಎದ್ಕೊನಿಯೆರ್. ಡಾ.ಪ್ರಭಾಕರ ನೀರ್ ಮಾರ್ಗ ಗಣ್ಯೆರೆಗ್ ನೆಂಪುದ ಕಾಣಿಕೆ ಕೊರಿಯೆರ್.

MAPS college -Books release function

Tulu Parishad and MAPS college Mangalore together organised a book release function at MAPS college.

Author Sharada Anchan’s books ” Nambi Satyalu ” and ” Raktha Shuddi Arogya Vruddhi” and Dr Dr Prabhakar Neermarga’s book ” Ollaga ” were released. A discussion on the celebration of “Bisu Parbha ” was also held.

The book release honours by well known litterateur B M Rohini. Tulu litterateur Kishalakshi V Kulal spoke on the importance of the celebration of ” Bisu Parbha” in Tulunadu. The program was presided by Veena Shetty retired manager MRPL.

The guests of honour included Chandrahas Suvarna, Benet Ammana from the Tulu Parishad and author Prabhakar Neermarga.

April 22 nd: Silver Jubilee, 25 th year celebration of Dubai Billava Family ಎ.22: ದುಬೈ ಬಿಲ್ಲವ ಫ್ಯಾಮಿಲಿದ 25ನೇ ವರ್ಷದ ದುಬೈ ಬಿಲ್ಲವ ಉಚ್ಚಯ ಬೊಲ್ಲಿ ಪರ್ಬದ ಗೌಜಿ

ಬಿಲ್ಲವ ಫ್ಯಾಮಿಲಿ ದುಬೈದ ವತಿರ್ದ್ 25ನೇ ವರ್ಷದ ದುಬೈ ಬಿಲ್ಲವ ಉಚ್ಚಯ ಬೊಲ್ಲಿ ಪರ್ಬದ ಗೌಜಿ ಎ.22 ಕ್ಕ್ ಸನಿಯಾರ ದುಬೈದ ಶೇಖ್ ಜಾಯೆದ್ ಮಾರ್ಗದಲ್ಪ ಇಪ್ಪುನ ಜುಮಿರಾ ಬಾಲ್ ರೂಂ, ಕ್ರೌನ್ ಪ್ಲಾಜಾ ಹೋಟೆಲ್ ಡ್ ನಡಪರೆ ಉಂಡು.

ಈ ಲೇಸ್ ಡ್ ಸೊಲೂರು ರೇಣುಕಾ ಪೀಠದ ಬ್ರಹ್ಮಶ್ರೀ ನಾರಾಯಣಗುರು ಮಠತ್ತ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಈ ಲೇಸ್ ಡ್ ಅಧ್ಯಕ್ಷೆರ್ ಉಮೇಶ್ ಕುಕ್ಯಾನ್, ಮೋಹನ್ ಅತ್ತಾವರ್, ಜಿತೇಂದ್ರ ಸುವರ್ಣ, ಸತೀಶ್ ಪೂಜಾರಿ, ಪ್ರಭಾಕರ ಡಿ ಸುವರ್ಣ ಪಾಲ್ ಪಡೆಯೆರೆ ಉಲ್ಲೆರ್.

ಬೊಕ್ಕ ಕೊರಿಯೋಗ್ರಾಫರ್ ಪ್ರಸನ್ನ ಪೂಜಾರಿ ಮೆರೆನ ಮುತಾಲಿಕೆಡ್ ನೃತ್ಯ ವೈಭವ, ವಿದ್ವಾನ್ ಸುರೇಶ್ ಅತ್ತಾವರ್ ಕಥೆ ನಿರ್ದೇಶನದ, ಯಶೋದಾ ಮೋಹನ್ ರಚನೆ ಮಲ್ತಿನ, ಚಕ್ರಪಾಣಿ ನೃತ್ಯ ಕಲಾಕೇಂದ್ರ (ರಿ.) ಅತ್ತಾವರ ಮೊಕ್ಲೆರ್ದ್ ಬಿರುವ ಬೊಲ್ಲಿಲು ತುಳು ನೃತ್ಯ ರೂಪಕ ಬೊಕ್ಕ ತೆಲಿಕೆದ ತೆನಾಲಿ ಸುನಿಲ್ ನೆಲ್ಲಿಗುಡ್ಡೆ ಮುತಾಲಿಕೆಡ್, ಗಮ್ಜಲ್ ಕಾಮಿಡಿ ತೆಲಿಪುನಕಲೆಗ್ ಮಾತ್ರ ಲೇಸ್ ನಡಪರೆ ಉಂಡು. ಅವೆರ್ದ್ ಬೊಕ್ಕ ಬಿರ್ದ್ ದ ಪಿಲಿಕುಲು ಪಿಲಿನಲಿಕೆ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

April 22 nd: Silver Jubilee, 25 th year celebration of Dubai Billava Family

The 25 th annual celebration of Dubai Billavas will be celebrated grandly on Saturday , April 22 nd at Crown Plaza hotel.

Sri Vikyathananda Swamiji of Brahmashree Narayan Guru Mutt, Solur Renuka Peetha will bless. President Umesh Kukkyan, Mohan Attavar, Jeetendra Suvarna, Satish Poojary Prabhakar D Suvarna will participate.

The day will include a host of dance performances drama,comedy and the much loved ” Pilinalike” of Tulunadu.

April 25th: Pratista celebration at Marodi Shri Umamaheshwara temple ಎ.25: ಮರೋಡಿ ಶ್ರೀ ಉಮಾಮಹೇಶ್ವರ ದೇವಲ್ಯಡ್ ಪ್ರತಿಷ್ಠಾ ಮಹಾ ಉಚ್ಚಯ

ಬೊಲ್ತೇರ್: ಮರೋಡಿ ಶ್ರೀ ಉಮಾಮಹೇಶ್ವರ ದೇವಲ್ಯಡ್ ಪ್ರತಿಷ್ಠಾ ಮಹಾ ಉಚ್ಚಯದ ಲೆಕ್ಕೊಡು ಚಂಡಿಕಾಯಾಗ, ಮೃತ್ಯುಂಜಯ ಹೋಮ, ಧ್ವನಂತರಿ ಹೋಮ, 108 ಬೊಂಡದ ಅಭಿಷೇಕ ಬೊಕ್ಕ ರಂಗಪೂಜೆ ಎ.25 ಕ್ಕ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ತೀರ್ಥ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅಳದಂಗಡಿ ಅರಮನೆತ್ತ ತಿಮ್ಮಣ್ಣರಸು ಡಾ. ಪದ್ಮಪ್ರಸಾದ ಅಜಿಲೆರ್, ಕ್ಷೇತ್ರದ ತಂತ್ರಿಲು ಬಾಲಕೃಷ್ಣ ಪಾಂಗಾಣ್ಣಾಯ, ಆಡಳಿತ ಮೊಕ್ತೇಸರೆರ್ ದೇವೇಂದ್ರ ಹೆಗ್ಡೆ ಕೊಕ್ರಾಡಿ ಕೊಡಂಗೆ ಗುತ್ತು, ದೇವಲ್ಯದ ಆಡಳಿತ ಮಂಡಳಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Annual Pooja at Koikude Shri Chamundeshwari Sannidhi, Panja ಪಂಜ ಕೊಯಿಕುಡೆ ಶ್ರೀ ಚಾಮುಂಡೇಶ್ವರಿ ದೇವಿ ಸನ್ನಿಧಿಡ್ ವರ್ಷಾಧಿದ ಪೂಜೆ

ಪಂಜ ಕೊಯಿಕುಡೆ : ಶ್ರೀ ಚಾಮುಂಡೇಶ್ವರಿ ದೇವಿ ಸನ್ನಿಧಿಡ್ ವರ್ಷಾವಧಿ ಪೂಜಾ ಮಹೋತ್ಸವ ಬೊಕ್ಕ ಲೆಕ್ಕೊಡು ಚಂಡಿಕಾ ಹೋಮ ನಡತ್ಂಡ್.

ಪಂಜ ಶ್ರೀ ಮಹಾಗಣಪತಿ ಮಂದಿರದ ಪ್ರಧಾನ ಅರ್ಚಕೆರಾಯಿನ ಕೆ.ಸುರೇಶ್ ಭಟ್ , ವೇದಮೂರ್ತಿ ಪ್ರಸನ್ನ ತಂತ್ರಿಲು ಯೆದಾಡಿ ಬೊಕ್ಕ ಕಾರ್ತಿಕ್ ಭಟ್ ಮೆರೆನ ಮುತಾಲಿಕೆಡ್ ಶ್ರೀದೇವಿ ಸನ್ನಿಧಿಡ್ ಚಂಡಿಕಾ ಯಾಗ ನಡತ್ಂಡ್.

ಈ ಪೊರ್ತುಡು ಶ್ರೀ ಚಾಮುಂಡೇಶ್ವರಿ ದೇವಿ ಸನ್ನಿಧಿ ಪಂಜ ಕೊಯಿಕುಡೆ ನೆತ್ತ ಪ್ರಧಾನ ಅರ್ಚಕೆರಾಯಿನ ಸೀತಾರಾಮ್ ಅಮೀನ್ ಇತ್ತೆರ್.
ಬೊಕ್ಕ ದೇವಿ ದರ್ಶನ, ಮಹಾಪೂಜೆ ಆದ್ ಅನ್ನ ಸಂತರ್ಪಣೆ ನಡತ್ಂಡ್. ಈ ಪೊರ್ತುಡು ದೇವಿ ಸನ್ನಿಧಿದ ಮಾತಾ ಭಕ್ತೆರ್ ಪೂಜಾ ಮಹೋತ್ಸವಡ್ ಪಾಲ್ ಪಡೆಯೆರ್.

Tokur Yuvaka Sangha Suvarna Sabhabavana-Summer Camp inaugurated ತೋಕೂರು ಯುವಕ ಸಂಘದ ಸುವರ್ಣ ಸಭಾಂಗಣಡ್ ಬೇಸಿಗೆ ಶಿಬಿರದ ಉದಿಪನ

ಮುಲ್ಕಿ: ನೆಹರು ಯುವ ಕೇಂದ್ರ ಕುಡ್ಲ, ರಜತ ಮಹಾ ಉಚ್ಚಯ ಸಮಿತಿ ಮಹಿಳಾ ಮಂಡಲ (ರಿ.) ತೋಕೂರು ಬೊಕ್ಕ ಯುವಕ ಸಂಘ(ರಿ.) ತೋಕೂರು ನೆತ್ತ ಒಟ್ಟುಸೇರಿಗೆಡ್ ತೋಕೂರುದ ಯುವಕ ಸಂಘದ ಸುವರ್ಣ ಸಭಾಂಗಣಡ್ ಬೇಸಿಗೆ ಶಿಬಿರದ ಉದಿಪನ ನಡತ್ಂಡ್.

ಈ ಲೇಸ್ ಡ್ ತೋಕೂರು ಸುಬ್ರಮಣ್ಯ ಶಿಮಂತ್ರಾಯ ಮೇರ್ ತುಡರ್ ಅರ್ಲಾದ್, ಲೇಸ್ ನ್ ಉದಿಪನ ಮಲ್ತ್ ದ್ ಜೋಕುಲೆನ್ ಉದ್ದೇಶಿಸಾದ್ ಆಶೀರ್ವಚನ ಕೊರಿಯೆರ್.

ಲೇಸ್ ದ ಗುರ್ಕಾರ್ಮೆನ್ ವಿಶ್ವ ಬ್ಯಾಂಕ್ ನೆರವುದ ನೀರ್ ಸರಬರಾಜ್ ಬೊಕ್ಕ ಪರಿಸರ ನೈರ್ಮಲ್ಯ ಸಮಿತಿ ತೋಕೂರು ಕ್ಲಸ್ಟರ್ ನೆತ್ತ ಅಧ್ಯಕ್ಷೆರ್ ದಿನಕರ ಸಾಲ್ಯಾನ್ ಮೇರ್ ಒಯಿಸ್ ದಿತ್ತೆರ್.

ಮುಕ್ಕ ಸಿಂಧೂರ ಕಾಂಪ್ಲೆಕ್ಸ್ ದ ಮಾಲಕೆರ್, ಉದ್ಯಮಿ ಬೊಕ್ಕ ವಿದ್ಯಾದಾಯಿನಿ ಸುರತ್ಕಲ್ ಶಿಕ್ಷಣ ಸಂಸ್ಥೆದ ಟ್ರಸ್ಟಿ ಟಿ ಜಿ.ರಾಮಚಂದ್ರರಾವ್ ಮೊಕ್ಲೆನ ಸಮಾಜ ಸೇವೆಗಾದ್ ಅಭಿನಂದನೆ ಮಲ್ತೆರ್.

ಈ ಪೊರ್ತುಡು ಕರಕುಶಲ ಕಲೆ ತರಬೇತಿ ಶಿಕ್ಷಕಿ ವಸಂತಿ ಎಸ್ ಭಟ್ ಬೊಕ್ಕ ರಜತ ಮಹಾ ಉಚ್ಚಯ ಸಮಿತಿದ ಗೌರವಾಧ್ಯಕ್ಷೆರ್ ಯಶೋದ ಪಿ ರಾವ್ ಇತ್ತೆರ್.

ಮಹಿಳಾ ಮಂಡಲದ ಅಧ್ಯಕ್ಷೆರ್ ಅನುಪಮಾ ಎ ರಾವ್ ಎದ್ಕೊನಿಯೆರ್. ಯುವಕ ಸಂಘದ ಅಧ್ಯಕ್ಷೆರ್ ಶೇಖರ ಶೆಟ್ಟಿಗಾರ್ ಮೇರ್ ಸೊಲ್ಮೆ ಸಂದಾಯೆರ್. ಯುವಕ ಸಂಘದ ಕೋಶಾಧಿಕಾರಿ ಹೇಮನಾಥ್ ಅಮೀನ್ ಲೇಸ್ ದ ಸುಧಾರಿಕೆ ಮಲ್ತೆರ್.

Tokur Yuvaka Sangha Suvarna Sabhabavana- Summer Camp inaugurated

Mulki: Nehru Yuva Kendra Mangalore, Mahila Mandal Tokkur and Yuvaka Sangha Tokur jointly organised a Summer camp which was inaugurated at Tokur Yuvaka Sangha Suvarna Sabhabavana.

May 4 th: PM Narendra Modi to visit Udupi district ಮೇ‌ 4 : ಪ್ರಧಾನಿ ಮೋದಿ ಒಡಿಪುಗ್ ಭೇಟಿ

ಒಡಿಪು: ಪ್ರಧಾನಿ ಮೋದಿ ಮೇ 4 ಕ್ಕ್ ಒಡಿಪು ಜಿಲ್ಲೆಗ್ ಭೇಟಿ ಕೊರ್ದು ಬಿಜೆಪಿ ಸಮಾವೇಶಡ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಬಿಜೆಪಿ ಮೂಲಲು ತೆರಿಪಾದ್ಂಡ್.

ಮೇ 4 ಕ್ಕ್ ಒಡಿಪು ಜಿಲ್ಲಾ ಕೇಂದ್ರ ಅತ್ತಂಡ ಸರಿಯಾಯಿನ ಪ್ರದೇಶಡ್ ಸಮಾವೇಶ ನಡಪುನ ಅಂದಾಜಿ ಉಂಡು. ಪ್ರಧಾನಿ ಜಿಲ್ಲೆಗ್ ಭೇಟಿ ಕೊರಿಯೆರೆ ಇಪ್ಪುನ ಬಗೆಟ್ ಕೇಂದ್ರದ ನಾಯಕೆರ್, ಜಿಲ್ಲಾ ಪ್ರಮುಖೆರೆಗ್ ಪೊಲಬು ಕೊರ್ತೆರ್.

ಒಡಿಪು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಗ್ ಅನುಕೂಲ ಆಪುಲೆಕ್ಕ ಸರಿಯಾಯಿನ ಪ್ರದೇಶಡ್ ಮೇ 4 ಕ್ಕ್ ಪ್ರಧಾನ ಮೋದಿ ಸಮಾವೇಶ ನಡಪರೆ ಉಂಡು. ಈ ಬಗೆಟ್ ಕೇಂದ್ರ ನಾಯಕೆರ್ ಪೊಲಬು ಕೊರ್ತೆರ್ ಪಂದ್ ಬಿಜೆಪಿ ಒಡಿಪು ಜಿಲ್ಲಾಧ್ಯಕ್ಷೆರ್ ಕುಯಿಲಾಡಿ ಸುರೇಶ್‌ ನಾಯಕ್‌ ತೆರಿಪಾದೆರ್.

ಯೋಗಿ ಆದಿತ್ಯನಾಥ್‌ ವೋಟುದ ಪ್ರಚಾರಗ್ ಬರ್ಪಿನ ಅಂದಾಜಿ ಉಂಡು. ಅತ್ತಂದೆ ಕಾಂಗ್ರೆಸ್‌ ರಾಷ್ಟ್ರೀಯ ನಾಯಕೆರ್, ಸ್ಟಾರ್‌ ಪ್ರಚಾರಕೆರೆನ್ ಜಿಲ್ಲೆಗ್ ಲೆಪ್ಪೆರೆ ರಡಿ ಮಲ್ತೊಂದು ಉಲ್ಲೆರ್.

May 4 th: PM Narendra Modi to visit Udupi district

Udupi : PM Narendra Modi will visit Udupi to take part in the BJP Samavesh said sources from the BJP.

Yogi Adityanath is also likely to attend and take part in election campaign.

Alternative medicine practitioner Chomu Panambae celebrates 100 th birthday!! ನಾಟಿ ವೈದ್ಯೆರ್ ಚೋಮು ಪಣಂಬೆ ಮೆರೆನ 100 ವರ್ಷದ ಪುಟ್ಟು ಪರ್ಬ

ಮಜಿಬೈಲ್: ಊರುದ ನಾಟಿ ವೈದ್ಯೆರ್ ಚೋಮು ಪಣಂಬೆ ಮೆರೆನ 100 ವರ್ಷದ ಪುಟ್ಟು ಪರ್ಬನ್ ಜೋಕುಲು, ಪುಲ್ಲಿನಕುಲು ಗೌಜಿಡ್ ಎಪ್ರಿಲ್ 16 ಕ್ಕ್ ಆಚರಣೆ ಮಲ್ತೆರ್.

ಬೊಕ್ಕ ಗೆಳೆಯರ ಬಳಗ (ರಿ.) ಬಲ್ಲಂಗುಡೇಲು ವತಿರ್ದ್ ನಾಟಿ ವೈದ್ಯೆರ್ ಚೋಮು ಮೆರೆನ್ ಅಭಿನಂದಿಸಾಯೆರ್.

ಈ ಪೊರ್ತುಡು ಗೆಳೆಯರ ಬಳಗ (ರಿ.) ಬಲ್ಲಂಗುಡೇಲು ಸಂಸ್ಥೆದ ಅಧ್ಯಕ್ಷೆರ್ ಮಾದವ ಉಳಿಯ, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಉಪಸ್ಥಿತಿಡ್ ಇತ್ತ್ ದ್, ಚೋಮು ಮೆರೆರ್ದ್ ಆರ್ಶಿವಾದ ಪಡೆಯೆರ್.

Alternative medicine practitioner Chomu Panambae celebrates 100 th birthday !!

Manjibail: Chomu Panambae alternative medicine practitioner of the village celebrated his 100 th birthday with his family on April 16 th.

Later he was honoured by Gelayara Balaga (r) association.The president of the association Madava Uliya and members were present.