ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information

ಮಂಗಳೂರು ವಿಶ್ವವಿದ್ಯಾನಿಲಯ ಸ್ನಾತಕೋತ್ತರ ಪರೀಕ್ಷೆ ರದ್ದು

ಕೊಣಾಜೆ: ಕೊವಿಡ್‌- 19 ಎರಡನೇ ಅಲೆ ವ್ಯಾಪಕವಾದ್ ಪರಡೊಂದು ಉಪ್ಪುನ ನೆಲೆಟ್ಟ್ ರಾಜ್ಯ ಸರ್ಕಾರ ಎಪ್ರಿಲ್‌ 21ರ್ದ್ ಮೇ 4 ಮುಟ ಶಾಲಾ ಕಾಲೇಜ್ ಗ್ ರಜೆ ಕೊರ್ತೆರ್ ಕುಡ್ಲ ವಿಶ್ವವಿದ್ಯಾನಿಲಯ ಎಪ್ರಿಲ್‌ 26ರ್ದ್ ನಡಪೋಡಿತ್ತಿನ ಸ್ನಾತಕೋತ್ತರ ಪರೀಕ್ಷೆಲೆನ್ ದುಂಬು ಪಾಡ್ದೆರ್.

ಈ ಪೊರ್ತುಡು ಭೌತಿಕ ತರಗತಿಗ್ಲಾ ರಜೆ ಘೋಷಣೆ ಮಲ್ದೆರ್ , ಆಂಡ ಆನ್‌ಲೈನ್‌ ತರಗತಿಲೆನ್ ನಡಪಾವೊಲಿ ಪಂದ್ ಕುಲಸಚಿವೆರ್ನ ಪ್ರಕಟಣೆಡ್ ತೆರಿಪಾದೆರ್ .

ಮಂಗಳೂರು ವಿಶ್ವವಿದ್ಯಾಲಯದ ಪೊಸ ಕುಲಸಚಿವೆರಾದ್ ಡಾ.ಕಿಶೋರ್ ಕುಮಾರ್ ಅಧಿಕಾರ ಸ್ವೀಕಾರ

ಕುಡ್ಲ, ಎಪ್ರಿಲ್ 22: ವಿಶ್ವವಿದ್ಯಾನಿಲಯದ ದೈಹಿಕ ಶಿಕ್ಷಣ ವಿಭಾಗದ ನಿರ್ದೇಶಕೆರಾಯಿನ ಡಾ. ಕಿಶೋರ್ ಕುಮಾರ್ ಸಿಕೆ (ಎಂ.ಪಿ.ಎಡ್, ಪಿ.ಹೆಚ್.ಡಿ) ಮೇರ್ ಪೊಸ ಕುಲಸಚಿವೆರಾದ್ ಅಧಿಕಾರ ವಹಿಸೊಂದೆರ್ .

ರಾಜ್ಯ ಸರ್ಕಾರದ ಅಧೀನ ಕಾರ್ಯದರ್ಶಿ (ಉನ್ನತ ಶಿಕ್ಷಣ ಇಲಾಖೆ) ಮಹೇಶ್ ಆರ್ ಕೊರಿನ ಆದೇಶಾನುಸಾರ, ಮಾರ್ಚ್ 22 ರ್ದ್ ಕೆ. ರಾಜು ಮೊಗವೀರ (ಕೆ.ಎ.ಎಸ್) ಮೆರ್ನ ವರ್ಗಾವಣೆರ್ದ್ ಬೊಕ್ಕ ಉಸ್ತುವಾರಿ ಕುಲಸಚಿವೆರಾದ್ ಬೇಲೆ ಮಲ್ತೊಂದು ಇತ್ತಿನ ಪರೀಕ್ಷಾಂಗ ಕುಲಸಚಿವ ಪ್ರೊ. ಪಿ ಎಲ್ ಧರ್ಮ ಮೇರ್ ಅಧಿಕಾರ ಕೊರಿಯೆರ್ .

ಸುಮಾರ್ ವರ್ಷದ ಬೋಧನೆ/ಆಡಳಿತ ಅನುಭವ ಉಪ್ಪುನ ಡಾ. ಕಿಶೋರ್ ಕುಮಾರ್ ಸಿಕೆ ಕುಡ್ಲ ವಿಶ್ವವಿದ್ಯಾನಿಲಯದ ಕುಲಪತಿ ಸಿಂಡಿಕೇಟ್ ಸದಸ್ಯ, ಅಕಾಡೆಮಿಕ್ ಕೌನ್ಸಿಲ್ ಸದಸ್ಯ, ಡೀನ್ (ಶಿಕ್ಷಣ) ಇಂಚ ಜವಾಬ್ದಾರಿಲೆನ್ ಯಶಸ್ವಿಯಾದ್ ಮಲ್ದೆರ್ .