ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

1 ಕೋಟಿ ಇಲ್ಲ್‌ಗ್ 300 ಯೂನಿಟ್ ಸೋಲಾರ್ ಕರೆಂಟ್ ಫ್ರೀ! 2024-25 ನೇ ವರ್ಷದ ಕೇಂದ್ರ ಬಜೆಟ್ ಡ್ ಘೋಷಣೆ

Feb 1, 2024

“ಪ್ರಧಾನ ಮಂತ್ರಿ ಸೂರ್ಯೋದಯ ಯೋಜನೆ” ಅಡಿಟ್ ಇಲ್ಲ್‌ಲೆಗ್ ಸೌರ ವಿದ್ಯುತ್ ವ್ಯವಸ್ಥೆಲೆನ್ ಪಾಡ್ದ್ 300 ಯೂನಿಟ್ ಫ್ರೀ ಕರೆಂಟ್ ಕೊರಿಯರೆ ಉಂಡು ಪಂದ್ ಹಣಕಾಸು ಸಚಿವೆರ್ ನಿರ್ಮಲಾ ಸೀತಾರಾಮನ್ ಘೋಷಣೆ ಮಲ್ತ್‌ದೆರ್.ಆರ್ 2024-25 ನೇ ವರ್ಷದ ಬಜೆಟ್ ಡ್ ಈ ಘೋಷಣೆ ಮಲ್ತೆರ್.

ಈ ಯೋಜನೆನ್ ದೇಶದ ಬಡವೆರ್ ಬೊಕ್ಕ ಮಧ್ಯಮ ವರ್ಗದಕುಲು ಪಡೆಯರೆ ಉಲ್ಲೆರ್. ಉಂದೆರ್ದ್ ಭಾರತ ಇಂಧನ ಕ್ಷೇತ್ರಡ್ ಸ್ವಾವಲಂಬಿ ಆಯರೆ ಉಂಡು. ಒಟ್ಟು 1 ಕೋಟಿ ಇಲ್ಲ್‌ಲೆಗ್ ರೂಫ್‌ಟಾಪ್ ಸೋಲಾರ್ ಪಾಡುನ ಗುರಿ ಉಂಡು ಪಂದ್ ಆರ್ ತೆರಿಪಾಯೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಸರ್ವರ್ ಸಮಸ್ಯೆ ಸರಿ ಮಲ್ಪರೆ ಆವಂದಿನ ರಾಜ್ಯ ಸರಕಾರ: ಶಾಸಕೆರ್ ಡಿ.ವೇದವ್ಯಾಸ ಕಾಮತ್ ಆರೋಪ

Oct 12, 2023

ಕುಡ್ಲ: “ರಾಜ್ಯಡ್ ಕಾಂಗ್ರೆಸ್ ಸರಕಾರ ಬತ್ತಿನ ಬೊಕ್ಕ ಪನ್ಪಿನಕುಲು ಕೇನುನಕುಲು ಏರ್ಲಾ ಇಜ್ಜಂದಿನ ಪರಿಸ್ಥಿತಿ ನಿರ್ಮಾಣ ಆತ್ಂಡ್. ಇಂಚಿಪ್ಪ ಶಿವಮೊಗ್ಗ ಜಿಲ್ಲೆಡ್ ನಡತಿನ ಗಲಾಟೆಡ್ ಅವೆನ್ ನಮ ಕಣ್ಣಾರೆ ತೂತ. ಅಲ್ಪದ ಅಮಾಯೆಕೆರೆನ ಮಿತ್ತ್ ಪೆಟ್ಟ್, ಇಲ್ಲ್ ದ ಮಿತ್ತ್ ದಾಳಿ ನಡತ್ ದ್ಂಡ್. ಮುಖ್ಯಮಂತ್ರಿ, ಗೃಹಸಚಿವೆರ್ ದಾಲ ನಡತಿನನೇ ಇಜ್ಜಿ ಪನ್ಪುನ ರೀತಿ ಪಾತೆರೊಂದು ಉಲ್ಲೆರ್ ಪಂದ್ ಶಾಸಕೆರ್ ಡಿ. ವೇದವ್ಯಾಸ ಕಾಮತ್ ಬೆಚ್ಚ ಆತೆರ್.

ಅತ್ತಂದೆ ರಾಜ್ಯಡ್ ಪರಿಶಿಷ್ಟ ಜಾತಿದ ಬಂಧುಲೆಗ್ ಅನ್ಯಾಯ ಆವೊಂದು ಉಂಡು. ರಾಜ್ಯ ಇಡೀ ಆಧಾರ್ ನೋಂದಣಿ, ಬೇತೆ ಕೆಲಸನ್ ಮಲ್ಪರೆ ಜನಕುಲು ಸರಕಾರಿ ಕಚೇರಿಡ್ ಕ್ಯೂ ಉಂತುನ ಪರಿಸ್ಥಿತಿ ಉಂಡು. ಒಲ್ಪ ತೂಂಡಲ ಸರ್ವರ್ ಸಮಸ್ಯೆ ಪನ್ಪೆರ್. ನನ ಕರೆಂಟ್ ಬಿಲ್ ಎಚ್ಚ, ಲೋಡ್ ಶೆಡ್ಡಿಂಗ್ ಸಮಸ್ಯೆ ಸಾಮಾನ್ಯ ಆವೊಂದು ಉಂಡು. ಈ ಬಗೆಟ್ಟ್ ರಾಜ್ಯ ಸರಕಾರ ಒವ್ವೇ ತುರ್ತು ಕ್ರಮ ದೆತೊನವು ತೋಜೊಂದು ಇಜ್ಜಿ. ಸರಕಾರ ಕರೆಂಟ್ ಬಿಲ್ ಎಚ್ಚ ಮಲ್ತ್ ದ್ ಜನಕ್ಲೆಗ್ ತೊಂದರೆ ಕೊರೊಂದು ಉಂಡು ಪಂದ್ ಕಾಮತ್ ಆರೋಪ ಮಲ್ದೆರ್.

ಉಂದೊಂಜಿ ದರೋಡೆಕೋರ ಸರ್ಕಾರ ಆತ್ಂಡ್. ಈ ಬಗೆಟ್ಟ್ ಜನಕುಲು ಎಚ್ಚರೊಡು ಇಪ್ಪೊಡು. ಸೈಬರ್ ವಂಚನೆ ಮಿತಿಮೀರ್ದ್ ನಡತೊಂದು ಉಂಡು. ಜನಕ್ಲೆನ ಅಕೌಂಟ್ ರ್ದ್ ಕಾಸ್ ಕಂಡೊಂದು ಉಲ್ಲೆರ್. ನೆತ್ತ ಜಬದಾರಿನ್ ಸರಕಾರನೇ ದೆತೊನೊಡು. ಈ ಅಕೌಂಟ್ ಕೆಲಸ ಸರಿಯಾಯಿನ ಸಮಯಡ್ ನಡತೊಂದು ಇಜ್ಜಿ. ಸೈಬರ್ ವಂಚನೆನ್ ಸರಕಾರನೇ ನಡಪಾವೊಂದು ಉಂಡಾ ಪನ್ಪುನ ಸಂಸಯ ಉಂಡು. ಸರಕಾರ ಕಾಸ್ ಕಳೆವೊನ್ನಕಲೆಗ್ ಕಾಸ್ ಕೊರೊಡು.

ಪ್ರಾಯದಕುಲು, ಅಸಹಾಯಕೆರ್, ವಿಧವೆಯೆರ್ ಇಂಚ ಮಾತೆರೆಗ್ಲಾ ನೆರ್ದ್ ದುಂಬು ತಿಕೊಂದು ಇತ್ತಿನ ಸವಲತ್ತ್ ತಿಕೊಂದಿಜ್ಜಿ. ಮಾತೆಕ್ಲಾ ಬಿಪಿಎಲ್ ಕಾರ್ಡ್ ಮಾನದಂಡ ಮಲ್ತೊಂದು ಉಂಡು. ಆಂಡ ಕರಿನ ನಾಲ್ ತಿಂಗೊಲುರ್ದಿಂಚ ಒಂಜೇ ಒಂಜಿ ಪೊಸ ಬಿಪಿಎಲ್ ಕಾರ್ಡ್ ಮಲ್ತಿಜಿ. ಇಂಚಿನವೇ ನೂದೆರ್ದ್ ಎಚ್ಚ ಸಮಸ್ಯೆಲು ಪ್ರತಿ ದಿನ ಎದುರಾವೊಂದು ಉಂಡು. ಜಿಲ್ಲಾಡಳಿತ, ಮಂತ್ರಿಲೆನೊಟ್ಟಿಗೆ ಏರ್ಲಾ ಕೆಬಿ ಕೊರೊಂದು ಇಜ್ಜೆರ್. ಉಂದು ಕರಿನ ನಾಲ್ ತಿಂಗೊಲ್ ಕಾಂಗ್ರೆಸ್ ಆಡಳಿತ ಜನಕ್ಲೆಗ್ ಕೊರಿನ ಭಾರೀ ಮಲ್ಲ ಸಾಧನೆ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ವಿಜಯ್ ಕುಮಾರ್, ನಿತಿನ್ ಕುಮಾರ್, ಮಾಜಿ ಮೇಯರ್ ಪ್ರೇಮಾನಂದ ಶೆಟ್ಟಿ, ದಿವಾಕರ್ ಪಾಂಡೇಶ್ವರ್, ಪ್ರಧಾನ ಕಾರ್ಯದರ್ಶಿ ರೂಪಾ ಬಂಗೇರ, ಸುರೇಂದ್ರ ಜಪ್ಪಿನಮೊಗರು ಇತ್ತೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ನನ ದುಂಬಗ್ ಗ್ರಾಂ. ಪಂ ಮಟ್ಟಡೇ ಆದಾಯ ಬೊಕ್ಕ ಜಾತಿ ಪ್ರಮಾಣ ಪತ್ರ..!

Oct 4, 2023

ಬೆಂಗ್ಲೂರ್: ಆದಾಯ ಬೊಕ್ಕ ಜಾತಿ ಪ್ರಮಾಣ ಪತ್ರಲೆನ್ ನನ ದುಂಬುಗ್ ಗ್ರಾಮ ಪಂಚಾಯತ್‌ದ ಬಾಪೂಜಿ ಸೇವಾ ಕೇಂದ್ರಡ್ ಕೊರಿಯರೆ ತೀರ್ಮಾನ ಮಲ್ತ್‌ದ ಪಂದ್ ಗ್ರಾಮೀಣಾಭಿವೃದ್ದಿ ಅಂಚನೆ ಪಂಚಾಯತ್ ರಾಜ್ ಸಚಿವೆರ್ ಪ್ರಿಯಾಂಕ್ ಖರ್ಗೆ ತೆರಿಪಾದೆರ್.

ಟ್ವೀಟ್ ಮುಕೇನ ಮಾಹಿತಿ ಕೊರಿನ ಆರ್, “ರಾಜ್ಯದ ಗ್ರಾಮೀಣ ಭಾಗದ ಜನಕ್ಲೆಗ್ ಎಚ್ಚದ ಅನುಕೂಲ ಕೊರ್ಪಿನ ನಿಲೆಟ್ಟ್ ನಾಡಕಚೇರಿಡ್, ಅಟಲ್ ಜನಸ್ನೇಹಿ ಕೇಂದ್ರಲೆಡ್ ಕೊರೊಂದಿತ್ತಿನ ೪೪ ಸರ್ಕಾರಿ ಸೇವೆಲು ನನ ದುಂಬುಗ್ ಗ್ರಾಮ ಪಂಚಾಯಿತಿಡ್ ಇಪ್ಪುನ ಬಾಪೂಜಿ ಸೇವಾ ಕೇಂದ್ರಲೆಡ್ ತಿಕ್ಕರೆ ಉಂಡು” ಪಂದ್ ಆರ್ ತೆರಿಪಾದೆರ್.

ಬೆಂಗ್ಲೂರ್‌ಡು ಪುಲ್ಯಕಾಂಡೆನೇ 15 ಕಡೆಟ್ಟ್ ಐಟಿ ದಾಳಿ!

Oct 4, 2023

ಬೆಂಗ್ಲೂರ್: ರಾಜಧಾನಿ ಬೆಂಗ್ಲೂರ್‌ಡ್ ಪುಲ್ಯಕಾಂಡೆ ಐಟಿ ಅಧಿಕಾರಿಲು ಶಾಕ್ ಕೊರ್ದಿತ್ತ್‌ದ್, 15 ನೆರ್ದ್ ಎಚ್ಚದ ಕಡೆಟ್ಟ್ ಐಟಿ ದಾಳಿ ಮಲ್ತ್‌ದೆರ್.

ವಿಜಯನಗರ, ಬಿಟಿಎಂ ಲೇಔಟ್, ಹುಳಿಮಾವು, ಸದಾಶಿವನಗರ, ಸ್ಯಾಂಕಿ ಟ್ಯಾಂಕ್ ಸೇರಿನಂಚನೆ ಮಸ್ತ್ ಕಡೆಟ್ಟ್ ಅಧಿಕಾರಿಲು ದಾಳಿ ಮಲ್ತ್‌ದಿತ್ತ್‌ದ್, ಐಟಿ ಅಧಿಕಾರಿಲೆನ 15 ನೆರ್ದ್ ಎಚ್ಚದ ತಂಡ ದಾಳಿಗಾದ್ ಚೆನ್ನೈ, ದಿಲ್ಲಿರ್ದ್ ರಾತ್ರೆಡೇ ಬೆಂಗ್ಲೂರ್‌ಗ್ ಬೈದೆರ್.

ತೆರಿಗೆ ವಂಚನೆ ಮಲ್ತಿನ ಖಾಸಗಿ ಕಂಪನಿಲು, ಅವೆತ್ತ ಮಾಲೀಕೆರ್ ಅಂಚನೆ ಬಂಗಾರ್‌ದ ಬ್ಯಾರ ಮಲ್ಪುನ ಇಲ್ಲದಕ್ಲೆನ ಮಿತ್ತ್ ದಾಳಿ ಮಲ್ತ್‌ದಿನ ಮಾಹಿತಿ ತಿಕ್ಕ್‌ದ್ಂಡ್. ಸದ್ಯಗ್ ದಾಳಿ ಮಲ್ತ್‌ದ್ ದಾಖಲೆದ ಪರಿಶೀಲನೆ ಮಲ್ತೊಂದುಲ್ಲೆರ್.

ಎಲ್ ಪಿಜಿ ಗ್ಯಾಸ್ ಕನಪಿನಕ್ಲೆಗ್ ಕಮಿಷನ್ ಎಚ್ಚ, ಗಿರಾಕಿಲೆಗ್ 8.24 ರೂ. ನಷ್ಟ!

Oct 4, 2023

ಅಟಿಲ್‌ಗ್ ಗಲಸುನ ಎಲ್‌ಪಿಜಿ ಗ್ಯಾಸ್ ಕೊರ್ಪಿನಕ್ಲೆನ ಕಮಿಷನ್ ಕಾಸ್‌ನ್ ಕೇಂದ್ರ ಪೆಟ್ರೋಲಿಯಂ ಬೊಕ್ಕ ನೈಸರ್ಗಿಕ ಅನಿಲ ಸಚಿವಾಲಯ ಎಚ್ಚ ಮಲ್ತ್ಂಡ್.

14 ಕೆಜಿ ಸಿಲಿಂಡರ್ ಕಮಿಷನ್‌ನ್ 64.84 ರೂಪಾಯಿರ್ದ್ 73.18 ರೂಪಾಯಿಗ್ ಎಚ್ಚ ಆತ್ಂಡ್. ಪಂಡ 8.24 ರೂಪಾಯಿ ಎಚ್ಚ ಆತ್ಂಡ್. 5 ಕೆಜಿ ಸಿಲಿಂಡರ್‌ದ ಕಮಿಷನ್ ಕಾಸ್ 32.42 ರೂಪಾಯಿರ್ದ್ 36.54 ರೂಪಾಯಿಗ್ ಎಚ್ಚ ಮಲ್ತ್‌ದೆರ್. ನನ ಗ್ರಾಹಕೆರ್ ಸಿಲಿಂಡರ್ ಕಾಸ್‌ದ ಒಟ್ಟಿಗೆ ಕಮಿಷನ್ ಕಾಸ್‌ನ್‌ಲ ಕೊರೊಡಾಪುಂಡು.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಜುಲೈ 27 ಕ್ಕ್ ಖಾಸಗಿ ಬಸ್, ಆಟೋ, ಟ್ಯಾಕ್ಸಿ ಬಂದ್

Jul 20, 2023

ಬೆಂಗ್ಲೂರ್: ಶಕ್ತಿ ಯೋಜನೆರ್ದ್ ಬಂಗಗ್ ತಿಕ್ಕೊಂದಿನ ಖಾಸಗಿ ಬಸ್ ಮಾಲೀಕೆರ್, ಆಟೋ ರಿಕ್ಷಾ, ಟ್ಯಾಕ್ಸಿ ಮಾಲೀಕೆರ್ದ್ ಜುಲೈ 27 ಕ್ಕ್ ಬಂದ್‌ಗ್ ಲೆಪ್ಪು ಕೊರ್ತೆರ್.

ಶಕ್ತಿ ಯೋಜನೆನ್ ಖಾಸಗಿ ಬಸ್‌ಗ್‌ಲ ಕೊರೊಡು. ಆಟೋ ಡ್ರೈವರ್‌ನಕ್ಲೆಗ್‌ಲ ಪಣವುನ ಸಾಕಾಯ ಮಲ್ಪೊಡು. ಇಂಚ ಪ್ರಮುಖ ಬೇಡಿಕೆನ್ ಸರ್ಕಾರದ ದುಂಬು ದೀಯರೆ 20 ರ್ದ್ ಎಚ್ಚದ ಸಂಘಟನೆಲು ಬಂದ್‌ಗ್ ಲೆಪ್ಪು ಕೊರ್ತೆರ್.

ಅಧಿವೇಶನಡ್ ಬಿಜೆಪಿ ಶಾಸಕೆರ್ ಅಮಾನತ್ ಕೇಸ್; ರಾಜ್ಯಪಾಲೆರೆನ್ ಭೇಟಿ ಮಲ್ತಿನ ಸ್ಪೀಕರ್ ಖಾದರ್

Jul 20, 2023

ಬೆಂಗ್ಲೂರ್: ವಿಧಾನಸಭೆಟ್ ಕೋಡೆ ನಡತಿನ ವಿಪಕ್ಷ ಬಿಜೆಪಿ ಪೊರ್ಂಬಾಟ ಬೊಕ್ಕ 10 ಬಿಜೆಪಿ ಶಾಸಕೆರ್ ಅಮಾನತ್ ಆಯಿನ ವಿಚಾರಗ್ ಸಂಬಂಧಿಸಾದ್ ವಿಧಾನಸಭೆತ್ತ ಸ್ಪೀಕರ್ ಯು.ಟಿ ಖಾದರ್ ಇನಿ ರಾಜ್ಯಪಾಲೆರೆನ್ ಭೇಟಿ ಮಲ್ತ್‌ದೆರ್.

ರಾಜಭವನಡ್ ಇನಿ ಥಾವರ್ ಚಂದ್ ಗೆಹ್ಲೋಟ್ ಅರೆನ್ ಭೇಟಿ ಮಲ್ತಿನ ಖಾದರ್ ಮೇರ್ ಕೋಡೆ ನಡತಿನ ಘಟನೆನ್ ರಾಜ್ಯಪಾಲೆರೆಗ್ ಪಂಡ್‌ದ್ ದೂರು ಕೊರ್ತೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಅಧಿವೇಶನಡ್ ಕಾಕಜಿ ದಕಿನ 10 ಜನ ಬಿಜೆಪಿ ಶಾಸಕೆರ್ ಅಮಾನತ್

Jul 19, 2023

ಬೆಂಗ್ಲೂರು: ವಿಧಾನಸಭಾ ಅಧಿವೇಶನದ ಪೊರ್ತುಡು ಡೆಪ್ಯುಟಿ ಸ್ಪೀಕರ್‌ನ ಮಿತ್ತ್ ಕಾಕಜಿ ದಕ್ಕಿನ 10 ಜನ ಬಿಜೆಪಿ ಶಾಸಕೆರೆನ್ ಸಭಾಧ್ಯಕ್ಷೆರ್ ಯು.ಟಿ.ಖಾದರ್ ಅಮಾನತ್ ಮಲ್ದೆರ್.

ಡಾ.ಅಶ್ವಥ್ ನಾರಾಯಣ್, ವೇದವ್ಯಾಸ ಕಾಮತ್, ಅರವಿಂದ ಬೆಲ್ಲದ್, ದೀರಜ್ ಮುನಿರಾಜು, ಯಶಪಾಲ್ ಸುವರ್ಣ, ಸುನಿಲ್ ಕುಮಾರ್, ಆರ್ ಅಶೋಕ್, ಉಮಾನಾಥ ಕೋಟ್ಯಾನ್, ಆರಗ ಜ್ಞಾನೇಂದ್ರ, ಭರತ್ ಶೆಟ್ಟಿ ಮೊಕ್ಲೆನ್ ಈ ಅಧಿವೇಶನ ಮುಗಿಪುನ ಮುಟ ಅಮಾನತು ಮಲ್ತ್ ದೆರ್. ಬಿಜೆಪಿದ ನಾಲ್ ಶಾಸಕೆರ್ನ ಮಿತ್ತ್ ಸ್ಪೀಕರ್ ಕ್ರಮ ದೆತೊನ್ನ ಸಾಧ್ಯತೆ ಉಂಡು ಪಂದ್ ತೆರಿದ್ ಬೈದ್ಂಡ್.

ಬೆಂಗ್ಲೂರುಡು ಕುಡೊಂಜಿ ಡಬ್ಬಲ್ ಮರ್ಡರ್: ಕುಡ್ಲಗ್ ಲಿಂಕ್ !?

Jul 18, 2023

ಬೆಂಗ್ಲೂರ್: ಜನ್ಮ ಕೊರಿನ ಅಪ್ಪೆ ಅಮ್ಮೆರೆನ್ ಸ್ವಂತ ಮಗೆನೇ ಕೆರ್ದ್ ತಪ್ಪಾದ್ ಪೋಯಿನ ಘಟನೆ ಕೊಡಿಗೇಹಳ್ಳಿ ಠಾಣಾ ವ್ಯಾಪ್ತಿದ ಬ್ಯಾಟರಾಯನ ಪುರಟ್ ಸೋಮಾರ ರಾತ್ರೆ ನಡದ್ಂಡ್.

ಭಾಸ್ಕರ್ ಬೊಕ್ಕ ಶಾಂತಮ್ಮ ದಂಪತಿಲೆನ್ ಅಕ್ಲೆನ ರಡ್ಡನೇ ಮಗೆ ಶರತ್ ಕೆರ್ದ್ ಪೋತೆ ಪಂದ್ ತೆರಿದ್ ಬೈದ್ಂಡ್. ಭಾಸ್ಕರ್ ಬೊಕ್ಕ ಶಾಂತಮ್ಮ ಕುಡ್ಲ ಮೂಲದಕುಲು ಪಂದ್ ಗೊತ್ತಾತ್ಂಡ್. ಮೊಕಲೆಗ್ ರಡ್ಡ್ ಜೋಕುಲ್ ಉಲ್ಲೆರ್. ಒರಿ ದುಬೈಡ್ ಕೆಲವು ವರ್ಷ ಬೇಲೆ ಮಲ್ತ್ ದ್ ಪಿರ ಬತ್ತಿತ್ತೆರ್.

ಕೇಂದ್ರ ಸರ್ಕಾರದ ಉದ್ಯೋಗಿ ಆದಿತ್ತಿನ ಶಾಂತಮ್ಮ ರಿಟೈರ್ಡ್ ಆದಿತ್ತೆರ್. ಅಪ್ಪೆ ಅಮ್ಮೆರ್‌ನೊಟ್ಟುಗು ಮೊಕ್ಲೆನ ಎಲ್ಯ ಮಗೆ ಆರೋಪಿ ಶರತ್ ಇತ್ತೆ. ಶರತ್ ಅಪಗಪಗ ಪರ್ದ್ ಬತ್ತ್‌ದ್ ಅಪ್ಪೆ ಅಮ್ಮೆರ್‌ಡ ಲಡಾಯಿ ಮಲ್ತೊಂದಿತ್ತೆಗೆ. ಅವ್ವೇ ರೀತಿ ಕೋಡೆ ರಾತ್ರೆ 8 ಗಂಟೆಗ್ ಲಡಾಯಿ ಮಲ್ತ್‌ದ್ ಕರ್ಬದ ರಾಡ್‌ರ್ದ್ ಅಪ್ಪೆ ಅಮ್ಮೆರೆಗ್ ಹಾಕ್ ದೆ. ಅಯಿರ್ದ್ ಬೊಕ್ಕ ಬಾಕಿಲ್‌ಗ್ ಬೀಗ ಪಾಡ್ದ್ ಪಾರ್ ಪೋತೆ ಪಂದ್ ಪೊಲೀಸೆರ್ ತೆರಿಪಾದೆರ್.

ಮಲ್ಲ ಮಗೆ ಪೊಪ್ಪ ಅಮ್ಮಗ್ ಫೋನ್ ಮಲ್ಪುನಗ ರಡ್ಡ್ ಜನಲ ಕಾಲ್ ದೆತ್ತೊಂದಿಜ್ಜಾಂಡ್. ಈ ಪೊರ್ತುಡು ಬರಿತ್ತ ಇಲ್ಲದಕ್ಲೆಗ್ ಕಾಲ್ ಮಲ್ತ್‌ದ್ ಪರಿಶೀಲನೆ ಮಲ್ಪುನಗ ಕೆರ್ತಿನವು ತೆರಿದ್ ಬೈದ್ಂಡ್. ಈ ಬಗೆಟ್ ಮಾಹಿತಿ ತೆರಿನ ಕೊಡಿಗೇಹಳ್ಳಿ ಪೊಲೀಸೆರ್ ಜಾಗೆಗ್ ಭೇಟಿ ಕೊರ್ದು ಪರಿಶೀಲನೆ ಮಲ್ತ್‌ದೆರ್. ಆರೋಪಿನ್ ಪೊಲೀಸೆರ್ ನಾಡೊಂದುಲ್ಲೆರ್. ಕೆಲವು ದಿನತ್ತ ಪಿರವುಡು ರಡ್ಡ್ ಜನ ಉದ್ಯಮಿಲೆನ್ ದುಂಬೊರ ಬೇಲೆಗಿತ್ತಿನಾಯೆನೇ ಕೆರ್ತಿನ ಘಟನೆ ನಡತ್ ದಿತ್ತ್ಂಡ್.