ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
Religious & Cultural News ಮಾತ ಧರ್ಮದ ಸುದ್ದಿ
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಮೇ.15,16: ಚೇಳಾಯರ್ ಖಂಡಿಗೆ ಧರ್ಮರಸು ಶ್ರೀ ಉಳ್ಳಾಯ ದೈವಸ್ಥಾನಡ್ ಕಂಡೇವುದ ಆಯನ ವರ್ಷೊದ ಜಾತ್ರೆ
ಚೇಳಾಯರ್ ಖಂಡಿಗೆ ಧರ್ಮರಸು ಶ್ರೀ ಉಳ್ಳಾಯ ದೈವಸ್ಥಾನಡ್ ಕಂಡೇವುದ ಆಯನ ವರ್ಷೊದ ಜಾತ್ರೆ ಮೇ.15 ಬೊಕ್ಕ 16ಕ್ಕ್ ನಡಪರೆ ಉಂಡು.
ಮೇ.15 ಸುಕ್ರಾರ ಬೊಲ್ಪುಗು ಮೀನ್ ಪತ್ತಿಯೆರೆ ಉಂಡು. ಬೊಕ್ಕ ಮೂಲಸ್ಥಾನಡ್ ಶುದ್ಧಕಲಶ, ಗಣಹೋಮ, ಸಂಕ್ರಾಂತಿ ಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ ರಾತ್ರೆ ಅನ್ನಸಂತರ್ಪಣೆ, ಬ್ರಹ್ಮಸ್ಥಾನಡ್ ಬ್ರಹ್ಮೆರೆಗ್ ತಂಬಿಲ, ಕುಮಾರ ಸಿರಿಲೆನ ದರ್ಶನ, ಧರ್ಮರಸು ಶ್ರೀ ಉಳ್ಳಾಯ ಬೊಕ್ಕ ಪರಿವಾರ ದೈವೊಲೆನ ಭಂಡಾರ ಮೂಲಸ್ಥಾನಗ್ ಪೋಪುಂಡು. ಬೆಡಿಮಾರ್ದ್ ಪ್ರದರ್ಶನ ಆದ್ ಕೊಡಿ ಏರುಂಡು. ಬೊಕ್ಕ ಪಾಂಚಜನ್ಯ ಆಟ ನಡಪುಂಡು.
ಮೇ.16 ಸನಿಯಾರ ಬೊಲ್ಪುಗು ಧರ್ಮರಸು ಶ್ರೀ ಉಳ್ಳಾಯ, ಇಷ್ಟದೇವತೆ, ಬಬ್ಬರ್ಯ ಬೊಕ್ಕ ಪರಿವಾರ ದೈವೊಲೆಗ್ ನೇಮೋಚ್ಚಯ ಆದ್ ನಂದಿಗೋಣ ಕುಮಾರ ಸಿರಿಲೆನ ಭೇಟಿ ಆಯೆರೆ ಉಂಡು. ಬೊಕ್ಕ ನಾಗದೇವೆರೆಗ್ ಭಕ್ತೆರೆರ್ದ್ ತಂಬಿಲ ಸೇವೆ, ಬಯ್ಯಗ್ ಬಾಕಿಮಾರ್ ಕಂಡಡ್ ಚೆಂಡ್, ಜಾರಂದಾಯ, ಬಂಟ, ಕೊಡಮಣಿತ್ತಾಯ ದೈವೊಲೆಗ್ ಜೋಡಿ ನೇಮೋಚ್ಚಯ, ಬಾಕಿಲ್ ದಾಂತಿ ಶ್ರೀ ಕೋರ್ದಬ್ಬು ದೈವಸ್ಥಾನದ ಕೋರ್ದಬ್ಬು ಬೊಕ್ಕ ಧೂಮಾವತಿ ದೈವೊದ ಭೇಟಿ, ರಾತ್ರೆ ಶ್ರೀ ಉಳ್ಳಾಯ ಬೊಕ್ಕ ಪರಿವಾರ ದೈವೊಲೆಗ್ ಸಾಮೂಹಿಕ ಪೂತ್ತ ಪೂಜೆ, ಸಾರ್ವಜನಿಕ ಅನ್ನಸಂತರ್ಪಣೆ, ಕೊಡಿ ಜಾವೆರೆ ಉಂಡು. ಬೊಕ್ಕ ಖಂಡಿಗೆ ಬೀಡಿಗೆ ಭಂಡಾರ ಪಿದಾಡುಂಡು. ಬೊಕ್ಕ ಎನ್ನಿಲೆಕ್ಕ ಇಜ್ಜೆರ್ ನಾಟಕ ನಡಪರೆ ಉಂಡು.
ಅಂಚೆನೆ ಮೇ.25 ಸೋಮಾರ ಕಲ್ಕುಡ ಬೊಕ್ಕ ಪರಿವಾರ ದೈವೊಲೆಗ್ ನೇಮೋಚ್ಚಯ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆವೊಡು ಪಂದ್ ದೈವಸ್ಥಾನದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಮೇ 9-10: ಸುರತ್ಕಲ್ಡ್ ‘ಲೆಜೆಂಡ್ಸ್ ಕ್ರಿಕೆಟ್ ಲೀಗ್’ ಸೀಸನ್-5; ಹಿರಿಯೆರ್ನ ಕ್ರಿಕೆಟ್ದ ಗೊಬ್ಬು
ಕುಡ್ಲ : ಸುರತ್ಕಲ್ ಸ್ಪೋರ್ಟ್ಸ್ ಆ್ಯಂಡ್ ಕಲ್ಚರಲ್ ಕ್ಲಬ್ (ರಿ.) ಬೊಕ್ಕ ಸುರತ್ಕಲ್ ಸ್ಪೋರ್ಟ್ಸ್ ಆ್ಯಂಡ್ ಕಲ್ಚರಲ್ ಸೇವಾ ಟ್ರಸ್ಟ್ ಮೊಕ್ಲೆನ ಜಂಟಿ ಆಶ್ರಯಡ್ ರಾಜ್ಯ ಮಟ್ಟದ 45 ವರ್ಷ ಮಿತ್ತ್ದ ಆಟಗಾರೆರ್ನ ಕೂಟದ ‘ಓವರ್ ಆರ್ಮ್’ ಕ್ರಿಕೆಟ್ ಪಂದ್ಯಾಕೂಟ ʻಲೆಜೆಂಡ್ಸ್ ಕ್ರಿಕೆಟ್ ಲೀಗ್ (LCL) ಸೀಸನ್-5′ ಮೇ 9 ಬೊಕ್ಕ 10 ತಾರೀಕ್ಗ್ ಸುರತ್ಕಲ್ ಗೋವಿಂದ ದಾಸ್ ಕಾಲೇಜ್ ಮೈದಾನೊಡು ನಡಪರೆ ಉಂಡು ಪಂದ್ ಕಾರ್ಯದರ್ಶಿ ಕಿರಣ್ ಆಚಾರ್ಯ ತೆರಿಪಾಯೆರ್.
ಕುಡ್ಲದ ಪ್ರೆಸ್ಕ್ಲಬ್ಡ್ ನಡತಿನ ಸುದ್ದಿಗೋಷ್ಠಿಡ್ ಮಾಹಿತಿ ಕೊರ್ನ ಆರ್, ಕರಿನ ಐನ್ ವರ್ಷರ್ದಿಂಚಿ ಯಶಸ್ವಿಯಾದ್ ನಡತೊಂದು ಬೈದಿನ ಈ ಕ್ರೀಡಾಕೂಟ ಹಿರಿಯ ಕ್ರಿಕೆಟಿಗೆರೆನ್ ಒಟ್ಟು ಮಲ್ಪುನ ‘ಹಿರಿಯರ ಕ್ರಿಕೆಟ್ ಪರ್ಬವಾದ್’ ಮೂಡ್ದು ಬರ್ರೆ ಉಂಡು ಪಂದ್ ಪಂಡೆರ್.
ಪಂದ್ಯಾಕೂಟಡ್ ಗೆಂದಿನ ತಂಡದಕ್ಲೆಗ್ ಭರ್ಜರಿ ದುಡ್ಡುದ ಇನಾಮು ಬೊಕ್ಕ ಟ್ರೋಫಿ ಕೊರೊಂದುಲ್ಲ. ಸುರುತ್ತ ಇನಾಮು 1,00,005 ರೂ. ಬೊಕ್ಕ ಟ್ರೋಫಿ, 2 ನೇ ಇನಾಮು 50,005 ರೂ. ಬೊಕ್ಕ ಟ್ರೋಫಿ ಅಂಚೆನೆ 3 ನೇ ಬೊಕ್ಕ 4 ನೇ ಇನಾಮುದ ಒಟ್ಟುಗು ಆಕರ್ಷಕ ಟ್ರೋಫಿ ಪಟ್ಟುವ. ಈ ಪಂದ್ಯ ಕೂಟಡ್ ರಾಜ್ಯದ ಬೇತೆ ಬೇತೆ ಕಡೆರ್ದ್ 45 ವರ್ಷ ಮಿತ್ತ್ದ ಆಟಗಾರೆರ್ನ ತಂಡದಕುಲು ಪಾಲ್ ಪಡೆಯರೆ ಉಲ್ಲೆರ್ ಪಂದ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಗೌರವಾಧ್ಯೆಕ್ಷೆರ್ ಮಹಾಬಲ ಪೂಜಾರಿ ಕಡಂಬೋಡಿ ಬೊಕ್ಕ ಸದಸ್ಯೆರಾಯಿನ ಪುಷ್ಪರಾಜ್ ಶೆಟ್ಟಿ ಮಧ್ಯ ಉಪಸ್ಥಿತರಿತ್ತೆರ್.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
“ತುಲುನಾಡ್ದ ಗುತ್ತುಲು” ಬರವು ಪಂತೊದ ಫಲಿತಾಂಶ
ಪ್ರಶಾಂತ್ ಆಚಾರ್ಯ ಹಂಸರಾಗ ಶೆಟ್ಟಿ
ತುಲುವೆರೆ ಕಲ ಟ್ರಸ್ಟ್(ರಿ.) “ತುಲುನಾಡ್ದ ಗುತ್ತುಲು” ಬಗೆಟ್ಟ್ ಏರ್ಪಾಡ್ ಮಲ್ದಿನ ಬರವು ಪಂತೊಡು ಪ್ರಶಾಂತ್ ಆಚಾರ್ಯ ಸುರುತ್ತ ಇನಾಮು, ಹಂಸರಾಗ ಶೆಟ್ಟಿ ರಡ್ಡನೇ ಇನಾಮು ಪಡೆತೆರ್. ತುಲುವೆರೆ ಕಲತ್ತ ಮೂಜನೇ ವಾರ್ಷಿಕೋತ್ಸವಡ್ ಇನಾಮು ಪಟ್ಟರೆ ಉಂಡು. ರಾಜೇಶ್ ಶೆಟ್ಟಿ ದೋಟ ತೀರ್ಪುಗಾರೆರಾದಿತ್ತೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್ .
ಉಡುಪಿದ ಸುದ್ದಿ | Udupi News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಸ್ಕೂಟಿಗ್ ಎಕ್ಸ್ಪ್ರೆಸ್ ಬಸ್ ಡಿಕ್ಕಿ : ದೇವೆರೆ ಪಾದ ಸೇರಿನ 8 ವರ್ಷದ ಬಾಲೆ
ಕಾಪು : ಕಾಪು ಸರ್ವಿಸ್ ಸ್ಟೇಶನ್ದಲ್ಪ ರಾಷ್ಟ್ರೀಯ ಹೆದ್ದಾರಿಡ್ ಸ್ಕೂಟಿಗ್ ಎಕ್ಸ್ಪ್ರೆಸ್ ಬಸ್ ಎಡ್ತ್ದ್ 8 ವರ್ಷದ ಪೊಣ್ಣು ಬಾಲೆ ತೀರ್ ಪೋಯಿನ ಘಟನೆ ನಡದ್ಂಡ್.
ಸ್ಕೂಟಿಡ್ ಪಿರವುಡು ಕುಲ್ದಿತ್ತಿನ ಸಾತ್ವಿ ಶೆಟ್ಟಿ (8) ತೀರ್ ಪೋಯಿನ ಬಾಲೆ. ಆರೆನ ಪೊಪ್ಪ ನಿತ್ಯಾನಂದ ಶೆಟ್ರೆಗ್ಲ ಪೆಟ್ಟ್ ಆತ್ಂಡ್.
ಪೂವಣಿಗುತ್ತುದ ನಿತ್ಯಾನಂದ ಶೆಟ್ರೆನ ಕುಟುಂಬ ದುಬೈಡ್ ವಾಸ ಇತ್ತ್ದ್ ಈ ವರ್ಷ ಊರುಡು ವಾಸ ಮಲ್ಪುನ ನಿಲೆಟ್ಟ್ ಸಾತ್ವಿನ್ ಉಡುಪಿದ ಖಾಸಗಿ ಶಾಲೆಗ್ ಸೇರ್ಸಾದಿತ್ತೆರ್. ಆರ್ ಒರಿಯೆ ದುಬೈಗ್ ಪಿರ ಪೋವರೆ ಇತ್ತಿನೆರ್ದಾವರ ಅಗತ್ಯ ಸೊತ್ತುಲೆನ್ ಕನವರೆಂದ್ ಮಗಲೆನ್ ಸ್ಕೂಟಿಡ್ ಕುಲ್ಲಾದ್ ಕಾಪು ಪೇಂಟೆಗ್ ಪೋನಗ ಆ್ಯಕ್ಸಿಡೆಂಟ್ ಆತ್ಂಡ್. ಕಾಪು ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಊರ್ದ ಸುದ್ದಿ Regional News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಬಪ್ಪನಾಡು ದೇವಲ್ಯ ಗೋಪುರ ಪುನರ್ನಿರ್ಮಾಣಗ್ ಐಕಳ ಹರೀಶ್ ಶೆಟ್ರ್ ಭಿನ್ನಯ
ಬಪ್ಪನಾಡ್ ದೇವಲ್ಯದ ಆಡಳಿತ ಮಂಡಳಿಗ್ ಜಾಗತಿಕ ಬಂಟರ ಸಂಘದ ಒಕ್ಕೂಟದ ಗುರ್ಕಾರ್ಲು ಐಕಳ ಹರೀಶ್ ಶೆಟ್ರ್ ಭಿನ್ನಯ
ಮುಲ್ಕಿ: ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಅಭಿವೃದ್ಧಿ ಕಾರ್ಯಲು ನಡತೊಂದುಂಡು ಅಂಚೆನೆ ಹೆದ್ದಾರಿ ಅಗಲೀಕರಣ ಪೊರ್ತುಡು ಐಕಳ ಹರೀಶ್ ಶೆಟ್ರ್ ತನ್ನ ಪೊಪ್ಪ ಅಮ್ಮನ ಅಂಚೆನೆ ಕುಟುಮದಕುಲೆನ ನೆಂಪುಗು 1999 ಟ್ ಮಲ್ದಿನ ಸ್ವಾಗತ ಗೋಪುರ (ಮಹಾದ್ವಾರ) ದ ಅಸ್ತಿತ್ವ ಅತಂತ್ರಡ್ ಇತ್ತ್ ದ್ ಅವೆನ್ ಕುಡೊರ ತನ್ನನೇ ಪುದರ್ ಡ್ ಮಲ್ತ್ ಕೊರ್ಪುನ ನಿಲೆಟ್ ಐಕಳ ಹರೀಶ್ ಶೆಟ್ರ್ ದೇವಲ್ಯದ ಅನುವಂಶಿಕ ಮುಕ್ತೇಸೆರೆರ್ ಮುಲ್ಕಿ ಸೀಮೆದ ಅರಸುಲು ಆಯಿನ ದುಗ್ಗಣ್ಣ ಸಾವಂತೆರೆಗ್ ಅಂಚೆನೆ ದೇವಲ್ಯದ ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ ಮೇರೆಗ್ ಭಿನ್ನಯ ಮಲ್ತೆರ್.
ಈ ಪಿರವು 1999 ಟ್ ಈ ಸ್ವಾಗತ ಗೋಪುರನ್ ಎನ್ನ ಪೊಪ್ಪ ಅಮ್ಮ ,ಅಣ್ಣನಕುಲೆನ ಅಂಚೆನೆ ಇಲ್ಲದಕ್ಲೆನ ಪುದರ್ ಮಲ್ದಿನಿ ಇತ್ತೆ ಅಭಿವೃದ್ಧಿ ಕಾರ್ಯಕ್ರಮ ಅಂಚೆನೆ ಹೆದ್ದಾರಿ ಅಗಲೀಕರಣದ ಕಾರಣಡ್ ದೆಪ್ಪುನ ಪೊರ್ತುಡು ಭಾವನಾತ್ಮಕ ಸ್ಪರ್ಶ ಇಪ್ಪುನ ಈ ಗೋಪುರನ್ ಕುಡೊರ ಅವೆ ಪುದರ್ ಮಲ್ಪವುನೆಕ್ಕ್ ದೇವಲ್ಯ ಸಾಕಾರ ಕೊರೊಡು ಪಂದ್ ಐಕಳ ಹರೀಶ್ ಶೆಟ್ರ್ ಆಡಳಿತ ವರ್ಗನ್ ಭಿನ್ನಯ ಮಲ್ತೆರ್ .
ಈ ಬಗ್ಗೆ ಪ್ರತಿಕ್ರಿಯೆ ಕೊರಿನ ಶ್ವೇತ ಪಳ್ಳಿ ಬೊಕ್ಕ ದುಗ್ಗಣ್ಣ ಸಾವಂತ ಅರಸುಲು ಸಕಾರಾತ್ಮಕವಾದ್ ಪ್ರತಿಕ್ರಿಯೆ ಕೊರ್ದು
25 ವರ್ಷದ ಪಿರವು ಸ್ವಾಗತ ಗೋಪುರ ನಿರ್ಮಾಣ ಮಲ್ದಿನವು ಅಭಿನಂದನೀಯ, ದೇವಲ್ಯದ ಸಮಗ್ರ ಅಭಿವೃದ್ದಿಗ್ ರೂಪುರೇಷೆ ನಡತೊಂದುಂಡು, ಸ್ವಾಗತ ಗೋಪುರ ನಿರ್ಮಾಣದ ಬಗ್ಗೆ ಅಭಿವೃದ್ದಿ ಸಮಿತಿ ಒಟ್ಟು ಪಾತೆರಕತೆ ಮಲ್ತ್ ತೆರಿಪಾವ ಪಂದ್ ಪಂಡೆರ್. ಈ ಪೊರ್ತುಡು
ಹರೀಶ್ ಶೆಟ್ರೆನ ಅಣ್ಣೆ ಐಕಳ ಗುಣಪಾಲ ಶೆಟ್ಟಿ, ಹರೀಶ್ ಶೆಟ್ರೆನ ಅಭಿಮಾನಿಲಾಯಿನ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಒತ್ತು ಗುರ್ಕಾರ್ಲು ಕರ್ನಿರೆ ವಿಶ್ವನಾಥ ಶೆಟ್ಟಿ, ಪ್ರಧಾನ ಕಾರ್ಯಂತೆರ್ ಇಂದ್ರಾಳಿ ಜಯಕರ ಶೆಟ್ಟಿ, ಸಂಚಾಲಕರಾಯಿನ ಕೊಲ್ಲಾಡಿ ಬಾಲಕೃಷ್ಣ ರೈ,ಮುಲ್ಕಿ ಬಂಟರ ಸಂಘದ ಗೌರವಾಧ್ಯಕ್ಷೆರ್ ಸಂತೋಷ್ ಕುಮಾರ್ ಹೆಗ್ಡೆ, ಮುಲ್ಕಿ ಬಂಟರ ಸಂಘ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ಟಿ, ಕಾರ್ಯಂತೆರ್ ಸಾಯಿನಾಥ ಶೆಟ್ಟಿ, ಒತ್ತು ಕಾರ್ಯಂತೆರ್ ಶರತ್ ಶೆಟ್ಟಿ, ಪಣವುದ ಪಾಲವೆರ್ ಸ್ವರಾಜ್ ಶೆಟ್ಟಿ, ಮಾಜಿ ಗುರ್ಕಾರ್ಲು ಪುರುಶೋತ್ತಮ ಶೆಟ್ಟಿ, ಕಾರ್ಯಕಾರಿ ಸಮಿತಿಯ ಸದಸ್ಯ ಸತೀಶ್ಚಂದ್ರ ಹೆಗ್ಡೆ,ನಿಶಾಂತ್ ಶೆಟ್ಟಿ, ಮಹಿಳಾ ವಿಭಾಗದ ಸಂಚಾಲಕಿ ರೋಹಿಣಿ ಶೆಟ್ಟಿ,ಶಮೀನ ಜಿ.ಆಳ್ವ, ಭಾರತಿ ರೈ,ಯುವ ವಿಭಾಗದ ದಾಮೋದರ ಶೆಟ್ಟಿ ಕೊಡೆತ್ತೂರು ,ಪುಷ್ಪರಾಜ ಚೌಟ,ಶ್ರೀಶ ಸರಫ್ ಐಕಳ, ಜತ್ತೊಟ್ಟು ರವಿರಾಜ್ ಶೆಟ್ಟಿ ಬೊಕ್ಕ ಕೆಲವೆರ್ ಇತ್ತೆರ್.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಎ.12: ಬಂಟರ ಯಾನೆ ನಾಡವರ ಸಂಘದ ಬಹಿರಂಗ ಅಧಿವೇಶನ
ಕುಡ್ಲ : ಬಂಟರ ಯಾನೆ ನಾಡವರ ಮಾತೃ ಸಂಘದ ನಿರೆಲ್ಡ್ ಎ.12 ತಾರೀಕ್ಗ್ ಕಾಂಡೆರ್ದ್ ಬಯ್ಯಮುಟ್ಟ ಬಹಿರಂಗ ಅಧಿವೇಶನ, ಪ್ರಶಸ್ತಿ ಪ್ರದಾನ ಬೊಕ್ಕ ಸಾಧಕೆರೆಗ್ ಸನ್ಮಾನ ಕಾರ್ಯಕ್ರಮ ಪುರಭವನಡ್ ನಡಪರೆ ಉಂಡು ಪಂದ್ ಸಂಘದ ಅಧ್ಯಕ್ಷೆರ್ ಅಜಿತ್ ಕುಮಾರ್ ರೈ ಮಾಲಾಡಿ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಪಾತೆರ್ನ ಆರ್, ರಾಜ್ಯ ಹೈಕೋರ್ಟ್ ನ್ಯಾಯಾಧೀಶೆರಾಯಿನ ವಿಶ್ವಜಿತ್ ಶೆಟ್ಟಿ ಸವಣೂರು ಬೊಕ್ಕ ರಾಜೇಶ್ ರೈ ಕಲ್ಲಂಗಳ ಮೊಕುಲು ಮಲ್ಲ ಬಿನ್ನೆರಾದ್ ಲೇಸ್ಡ್ ಪಾಲ್ ಪಡೆವೆರ್. ಕೊಡ್ಯಾನ್ ಮೋಹನ ದೇವ್ ಆಳ್ವ, ಡಾ। ಎಂ.ಕೆ. ಶೈಲಜಾ ಆಳ್ವ ಮೊಕ್ಲೆನ ಗೌರವ ಉಪಸ್ಥಿತಿಡ್ ನಡಪುನ ಈ ಲೇಸ್ದ ಗುರ್ಕಾರ್ಮೆ ನ್ ಮಾಲಾಡಿ ಅಜಿತ್ ಕುಮಾರ್ರೈ ಕೊಡಿಯಾಲ್ ಗುತ್ತು ವಹಿಸೊನ್ವೆರ್.
ಕಲ್ಯಾಣಿ ಆಳ್ವ ಮೆರೆನ ಸ್ಮರಣಾರ್ಥ ನಿಟ್ಟೆ ಡಾ| ಕೊಡ್ಯಾನ್ ನಾಗಪ್ಪ ಆಳ್ವ ಬೊಕ್ಕ ವಿವಿ ನಿಕಟಪೂರ್ವ ಉಪಕುಲಪತಿ ಡಾ| ಸತೀಶ್ ಭಂಡಾರಿ, ಬೆಂಗಳೂರು ಪಶುವೈದ್ಯಕೀಯ ವಿವಿ ಮಾಜಿ ಡೀನ್ ಪ್ರೊ| ವಸಂತ್ ಶೆಟ್ಟಿ ಮುಳ್ಳಾಡ್, ಹಿರಿಯ ಸಾಹಿತಿ ಉಷಾ ಪಿ. ರೈ, ಸಂಗೀತ ನಿರ್ದೇಶಕೆರ್ ಗುರುಕಿರಣ್, ನೃತ್ಯ ವಿದುಷಿ ನಯನಾ ವಿ. ರೈ ಕುದ್ಕಾಡಿ, ನಿವೃತ್ತ ಸೇನಾಧಿಕಾರಿ ಲೆ। ಕರ್ನಲ್ ಅಜಿತ್ ಕುಮಾರ್ ಶೆಟ್ಟಿ ಆರ್ಡಿ ಕುಂದಾಪುರ, ಕಬಡ್ಡಿ ಆಟಗಾರೆ ಪ್ರಶಾಂತ್ ರೈ ಪುತ್ತೂರು, ಅಂತಾರಾಷ್ಟ್ರೀಯ ಈಜು ಪಟು ‘ಚಿಂತನ್ ಎಸ್. ಶೆಟ್ಟಿ ಮೊಕ್ಲೆಗ್ ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು ಪಂದ್ ತೆರಿಪಾಯೆರ್.
ಬಂಟರ ಯಾನೆ ನಾಡವರ ಸಂಘದ ವತಿರ್ದ್ ವಿಶ್ವಾಸತ್ ಕೆಮಿಕಲ್ಸ್ ಬೊಳ್ಯಗುತ್ತು, ಮುಂಬಯಿ ಚಿಣ್ಣರ ಬಂಬ ಪ್ರತಿಷ್ಠಾನದ ಪ್ರಕಾಶ್ ಭಂಡಾರಿ ಕುಂಬ್ಳೆ ದರ್ಬಾರ್ಕಟ್ಟಿ ರಾಜರಾಜೇಶ್ವರಿ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಕೆ. ಕೆ. ಶೆಟ್ಟಿ ಕುತ್ತಿಕಾರ್, ಉದ್ಯಮಿ ಕರುಣಾಕರ ಶೆಟ್ಟಿ ಮದ್ಯಗುತ್ತು, ಸಹಕಾರಿ ಧುರೀಣ ಡಾ। ದೇವಿಪ್ರಸಾದ ಶೆಟ್ಟಿ ಬೆಳಪು, ಥಾಣೆದ ಹೊಟೇಲ್ ಉದ್ಯಮಿ ವೇಣುಗೋಪಾಲ್ ಎಲ್. ಶೆಟ್ಟಿ, ಮುಗ್ರೋಡಿ ಸುಧಾಕರಶೆಟ್ಟಿ ಶ್ರೀನಿವಾಸ್ ವಿವಿದ ಸಿಇಒ ಡಾ| ನವೀನ್ ಚಂದ್ರ ಶೆಟ್ಟಿ ಕುಂದಾಪುರದ ಕೆಂಚನೂರು ಸೋಮಶೇಖರ ಶೆಟ್ಟಿ ಮ್ಯಾಪ್ಸ್ ಅಧ್ಯಕ್ಷೆರ್ ದಿನೇಶ್ ಆಳ್ವ, ಸಿರಿಕುರಲ್ ರೈತ ಉತ್ಪಾದಕ ಸಂಸ್ಥೆದ ಅಧ್ಯಕ್ಷೆರ್ ಮುರ ಸದಾಶಿವ ಶೆಟ್ಟಿ, ಕೃಷಿ ತಜ್ಞೆ ಡಾ। ಸರಿತಾ ಹೆಗ್ಡೆ, ಶೀಲಾ ಎಕ್ವಿಪ್ಮೆಂಟ್ಸ್ ಆಡಳಿತ ನಿರ್ದೇಶಕೆರ್ ರವೀಂದ್ರನಾಥ ಮಾರ್ಲ ಮೊಕ್ಲೆಗ್ಲ ಸನ್ಮಾನ ನಡಪರೆ ಉಂಡು. ಅಂಚೆನೆ ಉಡುಪಿದ ಯಕ್ಷಗಾನ ಮೇಳ ಸಂಚಾಲಕೆರ್ ಪಿ. ಕಿಶನ್ ಹೆಗ್ಡೆ ಮೆರೆಗ್ ಕೊಡಿಯಾಲ್ ಗುತ್ತು ಭಾರ್ಸ್ಕರೈ ಸ್ಮರಣಾರ್ಥ ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು ಪಂದ್ ಪಂಡೆರ್.
ಪಾರ್ಕಿಂಗ್ ವ್ಯವಸ್ಥೆ
ವಿಶ್ವವಿದ್ಯಾನಿಲಯ ಕಾಲೇಜ್ ಮೈದಾನ, ತಾಲೂಕು ಕಚೇರಿ, ಪಿಡಬ್ಲ್ಯುಡಿ ಮೈದಾನ, ಆರ್ ಟಿಒ ಕಚೇರಿ ಬಳಿ, ಫುಟ್ಬಾಲ್ ಮೈದಾನಡ್ ಪಾರ್ಕಿಂಗ್ ವ್ಯವಸ್ಥೆ ಮಲ್ತ್ದ ಪಂದ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಉಪಾಧ್ಯಕ್ಷೆರ್ ಕಾವು ಹೇಮನಾಥ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಕೆ. ಎಂ. ಶೆಟ್ಟಿ, ಕೋಶಾಧಿಕಾರಿ ಸಿಎ ರಾಮಮೋಹನ ರೈ, ಜತೆ ಕಾರ್ಯದರ್ಶಿ ಸಂಪಿಗೇಡೆ ಸಂಜೀವ ಶೆಟ್ಟಿ ಮೊಕುಲು ಮಾತ ಇತ್ತೆರ್.
ಊರ್ದ ಸುದ್ದಿ Regional News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಬೆದ್ರದ ಸುದ್ದಿ | Moodbidri News
ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information
ಎ.12: ಪಡುಕೊಣಾಜೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಪೊಸ ಕಟ್ವಾನಗ್ ಕೆಸರ್ ಕಲ್ಲ್ ಪಾಡುನ ಲೇಸ್
ಬೆದ್ರ: ಪಡುಕೊಣಾಜೆ ಹಿರಿಯ ಪ್ರಾಥಮಿಕ ಶಾಲೆದ ಶತಮಾನೋಚ್ಚಯದ ಲೆಕ್ಕೊಡು ಎ.12 ಐತಾರದಾನಿ ಶಾಲೆದ ಪೊಸ ಕಟ್ವಾನಗ್ ಕೆಸರ್ ಕಲ್ಲ್ ಪಾಡಿಯೆರೆ ಉಂಡು.
ಈ ಲೇಸ್ ಡ್ ಶಾಸಕೆರ್ ಉಮಾನಾಥ ಎ ಕೋಟ್ಯಾನ್ ಕೆಸರ್ ಕಲ್ಲ್ ಪಾಡಿಯೆರೆ ಉಲ್ಲೆರ್. ಬೊಕ್ಕ ಸಭಾ ಲೇಸ್ ನಡಪುಂಡು.
ಸಭಾ ಲೇಸ್ ದ ಗುರ್ಕಾರ್ಮೆನ್ ಮುಲ್ಕಿ-ಬೆದ್ರ ಕ್ಷೇತ್ರದ ಶಾಸಕೆರ್ ಉಮಾನಾಥ ಎ ಕೋಟ್ಯಾನ್ ಒಯಿಸೊನುವೆರ್. ಮಲ್ಲ ಬಿನ್ನೆರಾದ್ ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್, ಬೆದ್ರ ಕ್ಷೇತ್ರದ ಶಿಕ್ಷಣಾಧಿಕಾರಿ ವಿರೂಪಾಕ್ಷಪ್ಪ ಎಚ್.ಎಸ್, ಶಿರ್ತಾಡಿ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಆಶಾಲತಾ ಎಚ್, ಪಡುಕೊಣಾಜೆ ಸ.ಹಿ.ಪ್ರಾ ಶಾಲೆದ ಆರ್ಥಿಕ ಸಮಿತಿದ ಗೌರವಾಧ್ಯಕ್ಷೆರ್ ತಿಮ್ಮಯ್ಯ ಶೆಟ್ಟಿ, ಬೆದ್ರ ಪ್ರಾವಿಟ್ ಫುಡ್ಸ್ ದ ವಿನ್ಸೆಂಟ್ ಕುಟಿನ್ಹಾ, ಶೀರ್ತಾಡಿ ಕೃಷಿ ಪತ್ತ್ ಸಹಕಾರಿ ಸಂಘದ ಅಧ್ಯಕ್ಷೆರ್ ಪ್ರವೀಣ್ ಕುಮಾರ್ ಜೈನ್, ಬೆದ್ರ ಪಂಚಶಕ್ತಿ ವಿ.ಸ.ಸಂಘದ ಅಧ್ಯಕ್ಷೆರ್ ರಂಜಿತ್ ಪೂಜಾರಿ, ಬೆದ್ರ ತಾಲೂಕ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗಾ.ಯೋ.ದ ಯೋಜನಾಧಿಕಾರಿ ಧನಂಜಯ್, ಬೆದ್ರ ಆರ್.ಆರ್ ಫ್ಯಾಶನ್ಸ್ ದ ರಾಜೇಶ್ ಎಂ.ಕೋಟ್ಯಾನ್, ಬನ್ನಡ್ಕ ಎಸ್ ಕೆ ಎಫ್ ಆಡಳಿತ ನಿರ್ದೇಶಕೆರ್ ರಾಮಚಂದ್ರ ಆಚಾರ್ಯ, ಪಡುಕೊಣಾಜೆ ಜೋಗುಳಬೆಟ್ಟುದ ಲವ ಪಿ ಹೆಗ್ಡೆ, ಸಾಣೂರು ಸ.ಹಿ.ಪ್ರಾ.ಶಾಲೆದ ನಿವೃತ್ತ ಮುಖ್ಯ ಶಿಕ್ಷಕೆರ್ ಶಾಂತಿರಾಜ್ ಜೈನ್, ಕುಡ್ಲದ ಶಕಿಲಾ ಡಿ. ಹೆಗ್ಡೆ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪಡುಕೊಣಾಜೆ ಸ.ಹಿ.ಪ್ರಾ ಶಾಲೆದ ಮುಖ್ಯೋಪಾಧ್ಯಾಯೆರ್, ಎಸ್.ಡಿ.ಎಂ.ಸಿ ಸಮಿತಿದ ಶಿಕ್ಷಕವೃಂದ, ಶತಮಾನೋಚ್ಚಯ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಹಳೆ ವಿದ್ಯಾರ್ಥಿ ಸಂಘದಕುಲು ಲೆಪ್ಪೋಲೆಡ್ ತೆರಿಪಾದೆರ್.
ಊರ್ದ ಸುದ್ದಿ Regional News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಎಂಸಿಸಿ ಬ್ಯಾಂಕ್ಗ್ 13 ಕೋಟಿ ರೂ. ಲಾಭ: ಅನಿಲ್ ಲೋಬೊ
ಪೊಸ ಆರ್ಥಿಕ ವರ್ಷಡ್ 25 ಶಾಖೆದ ಗುರಿ: ದೇರಳಕಟ್ಟೆಡ್ 22ನೇ ಶಾಖೆ, ಕಟಪಾಡಿಡ್ 23ನೇ ಶಾಖೆ
ಕುಡ್ಲ : ತುಳುನಾಡ್ದ ಪುಗರ್ತೆದ ಎಂಸಿಸಿ ಬ್ಯಾಂಕ್ 2025- 2026ನೇ ವಿತ್ತೀಯ ವರ್ಷಡ್ ಮಾತಾ ವ್ಯವಹಾರ ಮಾನದಂಡಡ್ ಗಮನಾರ್ಹ ಸಾಧನೆ ಮಲ್ತ್ದ್ 13 ಕೋಟಿ ಲಾಭ ಮಲ್ದ್ಂಡ್ ಪಂದ್ ಎಂಸಿಸಿ ಬ್ಯಾಂಕ್ ಚೇರ್ಮನ್ ಅನಿಲ್ ಲೋಬೊ ತೆರಿಪಾಯೆರ್.
ಆರ್ ಬ್ಯಾಂಕ್ದ ಆಡಳಿತ ಭವನಡ್ ಅಂಗಾರೆ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರ್ದ್, ಈ ವರ್ಷ ತನ್ನ 114ನೇ ವರ್ಷದ ಸೇವೆನ್ ಪೂರ್ಣ ಮಲ್ತೊಂದುಂಡು ಪಂದ್ ಪಂಡೆರ್.
2018ನೇ ವರ್ಷಡ್ ಬ್ಯಾಂಕ್ದ ಆಡಳಿತ ಸುರು ಮಲ್ತಿನ ಇತ್ತೆದ ಆಡಳಿತ ಮಂಡಳಿದ ಅವಧಿಡ್ 500 ಕೋಟಿ ರೂ. ಇತ್ತಿನ ಬ್ಯಾಂಕ್ದ ಒಟ್ಟು ವ್ಯವಹಾರ ಕರಿನ ಏಳರೆ ವರ್ಷಡ್ ಮೂಜಿ ಪಟ್ಟ್ ಹೆಚ್ಚಾತ್ಂಡ್. ಬ್ಯಾಂಕ್ದ ನೆಟ್ವರ್ತ್ ರೂ.83.76 ಕೋಟಿರ್ದ್ ರೂ.91.80 ಕೋಟಿಗ್ ಏರಿಕೆಯಾತ್ಂಡ್.ಪ್ರಸಕ್ತ ಆರ್ಥಿಕ ವರ್ಷಡ್ ಬ್ಯಾಂಕ್ ರೂ.285 ಕೋಟಿ ರೂ.ದ ಒಟ್ಟು ವ್ಯವಹಾರ ವಹಿವಾಟ್ನ್ ದಾಖಲ್ ಮಲ್ದ್ಂಡ್. ಉಂದು ಬ್ಯಾಂಕ್ದ ದೃಢವಾಯಿನ ಸಾಧನೆ ಬೊಕ್ಕ ಸ್ಥಿರವಾಯಿನ ಬೆಳವಣಿಗೆ ಬೊಕ್ಕ ಪರಿಣಾಮಕಾರಿ ವ್ಯವಹಾರ ತಂತ್ರದ ಪ್ರತಿಬಿಂಬವಾದ್ ತೋಜುಂಡು. ಎನ್ಆರ್ಐ ಗ್ರಾಹಕೆರ್ನ ನಿರಂತರ ಬೆಂಬಲ ಸಹ ಬ್ಯಾಂಕಿನ ಅಭಿವೃದ್ದಿಗೆ ಕಾರಣವಾತ್ಂಡ್ ಪಂದ್ ಪಂಡೆರ್.
ನಿವ್ವಳ ಎನ್ಪಿಎ (Net NPA) ಕಡಿಮೆ ಮಲ್ಪರೆ ನಿರಂತರ ಪ್ರಯತ್ನ ಮಲ್ತ್ದ್, ಅವೆನ್ ಒಟ್ಟು ಮುಂಗಡದ 1.25% ಮಟ್ಟಗ್ ಕಮ್ಮಿ ಮಲ್ಪುನೆಟ್ಟ್ ಯಶಸ್ವಿಯಾತ್ಂಡ್. ಒಟ್ಟು ವ್ಯವಹಾರ ರೂ.1525 ಕೋಟಿಗೆ ಮುಟುದು, 23% ವೃದ್ಧಿ ಆತ್ಂಡ್.
ಸುರುಕ್ಕು ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಪನ್ಪಿನ ಕರಾವಳಿ ಜಿಲ್ಲೆಡೇ ಸೇವೆ ಕೊರೊಂದಿತ್ತಿನ ಬ್ಯಾಂಕ್, ಇತ್ತೆ ರಾಜ್ಯದಾದ್ಯಂತ ತನ್ನ ಕಾರ್ಯಾಚರಣೆನ್ ವಿಸ್ತರಣೆ ಮಲ್ದ್ಂಡ್. ಪ್ರಸ್ತುತ ಆರ್ಥಿಕ ವರ್ಷಡ್ ಬೈಂದೂರುಡು 20ನೇ ಶಾಖೆ ಬೊಕ್ಕ ಸಂತೆಕಟ್ಟೆಡ್ 21ನೇ ಶಾಖೆ ಉದಿಪನ ಆತ್ಂಡ್. ಕುಲಶೇಖರ ಶಾಖೆನ್ ಸ್ವಂತ ಕಟ್ವಾಣಗ್ ಸುಸಜ್ಜಿತ ಸೌಲಭ್ಯೊಡು ಸ್ಥಳಾಂತರ ಮಲ್ದ್ಂಡ್. ಬೆಳ್ಮಣ್, ಸುರತ್ಕಲ್, ಉಡುಪಿ, ಬೆಳ್ತಂಗಡಿ, ಸಂತೆಕಟ್ಟೆ, ಕಿನ್ನಿಗೋಳಿ ಬೊಕ್ಕ ಕುಲಶೇಖರಡ್ ಪೊಸ 7 ಏಟಿಎಮ್ ಸ್ಥಾಪಿನೆ ಆತ್ಂಡ್. ಇಂಚ 15 ಎಟಿಎಂ ಉಂಡು ಪಂದ್ ಪಂಡೆರ್.
2026-27ನೇ ವರ್ಷಡ್ 4 ಪೊಸ ಶಾಖೆ ಉದಿಪನ ಮಲ್ಪುನ ಯೋಜನೆ ಪಾಡ್ದ, ಶಾಖೆದ ಸಂಖ್ಯೆ 25ಕ್ಕ್ ಏರಿಯರೆ ಉಂಡು. 22ನೇ ಶಾಖೆ ದೇರಳಕಟ್ಟೆಡ್ ಬೊಕ್ಕ 23ನೇ ಶಾಖೆನ್ ಕಟಪಾಡಿಡ್ ಮಲ್ಪರೆ ಅನುಮತಿ ತಿಕ್ದ್ಂಡ್. ಕರ್ನಾಟಕಡ್ ಎನ್ಆರ್ಐ ಸೌಲಭ್ಯ ಉಪ್ಪುನ 2ನೇ ನಗರ ಪಟ್ಟಣ ಸಹಕಾರಿ ಬ್ಯಾಂಕ್ ಪನ್ಪಿನ ಪೆರ್ಮೆಗ್ ಪಾತ್ರವಾತ್ಂಡ್ ಪಂದ್ ತೆರಿಪಾಯೆರ್.
2025–26 ಆರ್ಥಿಕ ವರ್ಷಡ್ ಬ್ಯಾಂಕ್ ರೂ.13 ಕೋಟಿ ತೆರಿಗೆ ಪೂರ್ವ ಲಾಭ ದಾಖಲ್ ಮಲ್ದ್ಂಡ್. ರೂ.872.88 ಕೋಟಿ ಠೇವಣಿ ಹೊಂದಿದ್ದು, ಕರಿನ ವರ್ಷರ್ದ್ 23.74% ಎಚ್ಚ ಆತ್ಂಡ್. ರೂ.652.06 ಕೋಟಿ ಸಾಲ ನೀಡಿದ್ದು, 21.79% ವೃದ್ಧಿ ಆತ್ಂಡ್. ವರ್ಕಿಂಗ್ ಕ್ಯಾಪಿಟಲ್ ರೂ.1008.97 ಕೋಟಿ (21.52% ವೃದ್ಧಿ) ಬೊಕ್ಕ ಷೇರು ಬಂಡವಾಳ ರೂ.34.08 ಕೋಟಿ ಆತ್ಂಡ್. ಬ್ಯಾಂಕ್ದ ಸಿಆರ್ಎಆರ್ (CRAR) 31 ಮಾರ್ಚ್ 2026ರ ವೇಳೆಗೆ 17% ಆಗಿದ್ದು, ನಿಗದಿ ಮಲ್ದಿನ 12% ಮಾನದಂಡರ್ದ್ ಹೆಚ್ಚಾತ್ಂಡ್. 31 ಮಾರ್ಚ್ 2026ರ ಪೊರ್ತುಡು ಬ್ಯಾಂಕ್ದ ಒಟ್ಟು ವ್ಯವಹಾರ ರೂ.1525 ಕೋಟಿಗ್ ಏರಿಕೆಯಾತ್ಂಡ್.
ನನ ದುಂಬುದ ಯೋಜನೆ
ಜೂನ್ ಅಂತ್ಯದ ಉಲಯಿ ದೇರಳಕಟ್ಟೆ 22ನೇ ಶಾಖೆ ಉದಿಪನ, ಮಂಗಳೂರು (ಮೋರ್ಗನ್ಗೇಟ್) ಶಾಖೆನ್ ಜುಲೈ ಅಕೇರಿದ ಉಲಯಿ ಸ್ಥಳಾಂತರ, ಆಗಸ್ಟ್ ಸುರುತ್ತ ವಾರಡ್ ಕಟಪಾಡಿಡ್ 23ನೇ ಶಾಖೆ ಆರಂಭ ಆಪುಂಡು. ಕಾರ್ಕಳ ಶಾಖೆ ಆಗಸ್ಟ್ ಅಕೇರಿದ ಉಲಯಿ ಸ್ವಂತ ಕಟ್ಟಡಗ್ ಸ್ಥಳಾಂತರ,ಬೆದ್ರ ಶಾಖೆ ನೆಲ ಮಾಲಿಗೆಗ್ ಸ್ಥಳಾಂತರ, ಮಾರ್ಚ್ ಅಂತ್ಯದ ಉಲಯಿ ವಾಮಂಜೂರುಡು 24ನೇ ಶಾಖೆ ಉದಿಪನ ಅಂಚೆನೆ ಮಾರ್ಚ್ ಅಂತ್ಯದ ಉಲಯಿ ಕುಡ್ಲಡ್ ಸಿಲ್ವರ್ ಶಾಖೆ (25ನೇ ಶಾಖೆ) ಆರಂಭ ಆವರೆ ಉಂಡು. 3 ನಗದು ಠೇವಣಿ ಬೊಕ್ಕ ವಿತರಣೆ, ಎಟಿಎಂ ಯಂತ್ರ ಸ್ಥಾಪನೆ ಮಲ್ಪುನ ಉದ್ದೇಶ ಉಂಡು ಪಂದ್ ತೆರಿಪಾಯೆರ್.
ಬ್ಯಾಂಕ್ದ ಠೇವಣಿ ಭಾರತೀಯ ರಿಸರ್ವ್ ಬ್ಯಾಂಕ್ ಮಾರ್ಗಸೂಚಿದಂಚ ಡಿಪಾಸಿಟ್ ಇನ್ಸುರೆನ್ಸ್ ಅಂಡ್ ಕ್ರೆಡಿಟ್ ಗ್ಯಾರಂಟಿ ಕಾರ್ಪೊರೇರ್ಷನ್ (DICGC) ಮೂಲಕ ವಿಮೆ ಮಲ್ದ್ಂಡ್.ಈ ಸಾಧನೆಗ್ ಸದಸ್ಯೆರ್ ಬೊಕ್ಕ ಗ್ರಾಹಕೆರ್ ನ ವಿಶ್ವಾಸ, ಸಿಬ್ಬಂದಿಲೆನ ಸಮರ್ಪಿತ ಸೇವೆನೇ ಪ್ರಮುಖ ಕಾರಣವಾದುಂಡು. ಬರ್ಪಿನ ಆರ್ಥಿಕ ವರ್ಷಡ್ಲ ಉಂದುವೇ ರೀತಿದ ಬೆರಿಬಲತ್ತ ಒಟ್ಟುಗು ಎಡ್ಡೆ ಸಾಧನೆ ಮಲ್ಪುನ ನಿರೀಕ್ಷೆನ್ ಬ್ಯಾಂಕ್ ದೀವೊಂದುಂಡು ಪಂದ್ ಪಂಡೆರ್.
ಪತ್ರಿಕಾಗೋಷ್ಠಿಡ್ ಉಪಾಧ್ಯಕ್ಷೆರ್ ಜೆರಾಲ್ಡ್ ಜೂಡ್ ಡಿಸಿಲ್ವ , ನಿರ್ದೇಶಕೆರಾಯಿನ ಆಂಡ್ರೂ ಡಿಸೊಜಾ, ಡಾ| ಜೆರಾಲ್ಡ್ ಪಿಂಟೊ, ಅನಿಲ್ ಪತ್ರಾವೊ, ಜೆ.ಪಿ. ರೊಡ್ರಿಗಸ್, ಡೇವಿಡ್ ಡಿಸೊಜಾ, ಎಲ್ರೊಯ್ ಕಿರಣ್ ಕ್ರಾಸ್ಟೊ, ಹೆರಾಲ್ಡ್ ಮೊಂತೇರೊ, ರೋಶನ್ ಡಿಸೊಜಾ, ಮೆಲ್ವಿನ್ ವಾಸ್, ವಿನ್ಸೆಂಟ್ ಲಸ್ರಾದೊ, ಸಿ.ಜಿ. ಪಿಂಟೊ, ಸುಶಾಂತ್ ಸಲ್ಡಾನ್ಹಾ, ಐರಿನ್ ರೆಬೆಲ್ಲೊ, ಡಾ| ಫ್ರೀಡಾ ಡಿಸೋಜ, ಆಲ್ವಿನ್ ಪಿ. ಮೊಂತೆರೊ, ಫೆಲಿಕ್ಸ್ ಡಿಕ್ರೂಜ್, ಶರ್ಮಿಳಾ ಮಿನೇಜಸ್ ಬೊಕ್ಕ ಮಹಾ ಪ್ರಬಂಧಕೆರ್ ಸುನಿಲ್ ಮಿನೇಜಸ್ ಇತ್ತೆರ್.
ದೇರಳಕಟ್ಟೆ, ಕಟಪಾಡಿಡ್ ಪೊಸ 2 ಶಾಖೆ ಉದಿಪನ
“ಗ್ರಾಹಕೆರ್ನ ಬೊಕ್ಕ ಸಿಬ್ಬಂದಿಲೆನ ಸಹಕಾರೊಡು ನಿರ್ದೇಶಕೆರೆನ ಮಾರ್ಗದರ್ಶನೊಡು ಬ್ಯಾಂಕ್ ಎಡ್ಡೆ ಪ್ರಗತಿ ಆವೊಂದುಂಡು. ಜೂನ್ ಅಕೇರಿದ ಉಲಯಿ ದೇರಳಕಟ್ಟೆಡ್ 22ನೇ ಶಾಖೆ ಅಂಚೆನೆ ಆಗಸ್ಟ್ ಸುರೂತ್ತ ವಾರೊಡು ಕಟಪಾಡಿಡ್ 23ನೇ ಶಾಖೆ ಉದಿಪನ ಆವರೆ ಉಂಡು”
ಅನಿಲ್ ಲೋಬೊ,
ಚೇರ್ಮನ್, ಎಂಸಿಸಿ ಬ್ಯಾಂಕ್, ಕುಡ್ಲ
ಜೈ ತುಲುನಾಡ್(ರಿ.) ಬೆಂಗಳೂರು:ಮಾನಾದಿಗೆದ ಸಲಹೆಗಾರೆರಾದ್ ಶ್ರೀ ನಿಧೀಶ್ ಶೆಟ್ಟಿ ಶಿರೂರು.
ಜೈ ತುಲುನಾಡ್(ರಿ.) ಬೆಂಗಳೂರು ಕೂಟದ ಗೌರವ ಸಲಹೆಗಾರೆರಾದ್ ಶ್ರೀಯುತ ನಿಧೀಶ್ ಶೆಟ್ಟಿ ಅಜತ್ ಬತ್ತುದೆರ್.
ತುಳು ಪೊಂರ್ಬಾಟ,ತುಳುತ ಒವ್ವೆ ಕೆಲಸೊಲೆಡ್ ದುಂಬು ಉಂತುನ ಇಂಬೆರ್,ಬೆಂಗಳೂರುದ ತುಳು ಸಂಘಟನೆಲೆಗ್ ಚಿರ ಪರಿಚಿತೆರ್.
ಜೈ ತುಲುನಾಡ್ ಕೂಟ ಪ್ರತಿ ವರ್ಷ ಅಟ್ಟನೆ ಮಲ್ಪುನ ತುಲುನಾಡ ಆಟಿ ಲೇಸ್ಗ್ ಭಾರಿ ಮಲ್ಲೆಡ್ ಗೆಲ್ಮೆ ಕೊರ್ದು,ಸಂಘಟನೆದ ಬೊಲೆಚ್ಚಿಲ್ಗ್ ಮಲ್ಲ ಮಟ್ಟುಡು ಪೊನೆಯಿನಾರ್.
ಮಲ್ಲ ಸ್ವರ,ಚುರುಕು ಬುದ್ದಿ,ಸಂಘಟನಾತ್ಮಕ ಚಾತುರ್ಪೊಡು,ನಿಧೀಶ್ ಶೆಟ್ಟಿ ಇನಿಕಾನಗ ಬೆಂಗಳೂರು ತುಲು ಪೊಂರ್ಬಾಟೊಟು ತನ್ನನೇ ಆಯಿನ ಗುರ್ತ ಸಂಪೊಲಿತೊಂದೆರ್.
ಜೈ ತುಲುನಾಡ್ ಸಂಘಟನೆ,ತುಲು ಬಾಸೆ,ಸಂಸ್ಕೃತಿ,ಲಿಪಿತ ಕೆಲಸ ಮಲ್ತೊಂದುಪ್ಪುನ ಈ ಸಂಧರ್ಬೊಡು,ಶೀ ನಿಧೀಶ್ ಶೆಟ್ಟಿ ಶಿರೂರು ಗೌರವ ಸಲಹೆಗಾರೆರಾದ್ ಆಯ್ಕೆ ಆತೀನ,ಕೂಟದ ಸದಸ್ಯೆರೆಗ್ ನನಲಾತದ ಉಮೇದ್,ಹೋರಾಟೊದ ಛಲ ದಿಂಜಾದುಂಡು.
ಮಾನಾದಿಗೆದ ಶ್ರೀ ನಿಧೀಶ್ ಶೆಟ್ಟಿ,ಒಡಿಪು ಮೂಲದ ಶಿರೂರು ಕೃಷ್ಣ ಶೆಟ್ಟಿ ಬೊಕ್ಕ ಸಂಪ ಶೆಡ್ತಿ ದಂಪತಿಲೆನ ರಡ್ಡನೆ ಮಗೆಯಾದ್ ಪ್ರಸ್ತುತ ಬೆಂಗಳೂರುಡು ವುಡ್ ಕ್ರಾಪ್ಟ್ ಸಂಸ್ಥೆಡ್ ಬೆನ್ನಿ ಬೆನೊಂದು,ಬೊಡಿದೆ ಸಿರಿಮತಿ ಸುಮನಾ ಶೆಟ್ಟಿ ಬೊಕ್ಕ ಜೋಕುಲು ಭುಮಿ ಯನ್ ಶೆಟ್ಟಿ,ಭ್ರಥ್ವಿ ಯನ್ ಶೆಟ್ಟಿ, ಮುಕುಲೆನೊಟ್ಟುಗು ಸುಖ ಜೀವನ ಸಾಗವೊಂದುಲ್ಲೆರ್.